Verse 1

ﭑﭒ ﭓ ​

Inã rantsuwa da mãsu yin sahu-sahu (a cikin salla kõ yãƙi).

Verse 2

ﭔﭕ ﭖ ​

Sa'an nan mãsu yin tsãwa* dõmin gargaɗi.
____________________
 * Mãsu tsãwa, sũ ne Malamai mãsu sãmun ilmin wa'azi daga Annabãwa waɗanda ke karãtun abin tunãwa daga Allah Ubangijin sammai da ƙasa, Mai bãyar da haske ga rãnã, Mai haskaka taurari mãsu ƙãwãtar da samã kuma su tsare ta daga shaiɗanu. An siffanta rãnã da Annabãwa, Malamai da taurãri, ilmi da haske da sababin ƙawa da shiryarwa da kõrar mãsu ɓarna.

Verse 3

ﭗﭘ ﭙ ​

Sa'an nan da mãsu karãtun abin tunãtarwa.

Verse 4

ﭚﭛﭜ ﭝ ​

Lalle Abin bautawarku haƙĩƙa ¦aya ne.

Verse 5

ﭞﭟﭠﭡﭢﭣﭤ ﭥ ​

Ubangijin sammai da ƙasã da abin da ke tsakãninsu, kuma Ubangijin wurãren fitar rãnã.

Verse 6

ﭦﭧﭨﭩﭪﭫ ﭬ ​

Lalle Mũ, Mun ƙãwatãr da sama ta kusa da wata ƙawa, watau taurãri.

Verse 7

ﭭﭮﭯﭰﭱ ﭲ ​

Kuma sunã tsari daga dukan Shaiɗan mai tsaurin kai.

Verse 8

ﭳﭴﭵﭶﭷﭸﭹﭺﭻ ﭼ ​

Bã zã su iya saurãre zuwa ga jama'a mafi ɗaukaka (Malã'iku) ba, kuma anã jĩfar su daga kõwane gẽfe.

Verse 9

ﭽﭾﭿﮀﮁ ﮂ ​

Dõmin tunkuɗẽwa kuma sunã da wata azãba tabbatacciya.

Verse 10

ﮃﮄﮅﮆﮇﮈﮉ ﮊ ​

Fãce wanda ya fizgi wata kalma, sai yũla mai haske ta bĩ shi.

Verse 11

ﮋﮌﮍﮎﮏﮐﮑﮒﮓﮔﮕﮖﮗ ﮘ ​

Ka tambaye su: "Shin sũ ne mafi wuya ga halittawa, kõ, kuwa waɗanda Muka halitta?" Lalle Mũ, Mun halitta su daga lãkã mai ɗauri.

Verse 12

ﮙﮚﮛ ﮜ ​

Ã'a, kã yi mãmãki, alhãli kuwa sunã ta yin izgili.

Verse 13

ﮝﮞﮟﮠ ﮡ ​

Kuma idan aka tunãtar da su, bã su tunãwa.

Verse 14

ﮢﮣﮤﮥ ﮦ ​

Idan suka ga wata ãyã, sai su dinga yin izgili.

Verse 15

ﮧﮨﮩﮪﮫﮬ ﮭ ​

Kuma su ce, "Wannnan bã kõme ba, fãce sihiri, ne bayyananne."

Verse 16

ﮮﮯﮰﮱﯓﯔﯕ ﯖ ​

"Shin, idan mun mutu, kuma muka kasance turɓaya da kasũsuwa, ashe, lalle mũ tabbas waɗandaake tãyarwa ne?

Verse 17

ﯗﯘ ﯙ ​

"Ashe kõ da ubanninmu na farko?"

Verse 18

ﯚﯛﯜﯝ ﯞ ​

Ka ce: "Na'am alhãli kuwa kunã ƙasƙantattu."

Verse 19

ﯟﯠﯡﯢﯣﯤﯥ ﯦ ​

Tsãwa guda kawai ce, sai gã su, sunã dũbi.

Verse 20

ﯧﯨﯩﯪﯫ ﯬ ​

Kuma su ce: "Yã bonenmu! Wannan ita ce rãnar sakamako."

Verse 21

ﯭﯮﯯﯰﯱﯲﯳ ﯴ ​

Wannan ita ce rãnar rarrabẽwa wadda kuka kasance kuna ƙaryatãwa.

Verse 22

ﯵﯶﯷﯸﯹﯺﯻﯼ ﯽ ​

Ku tãra waɗanda suka yi zãlunci, da abõkan haɗinsu, da abin da suka kasance sunã bautãwa.

Verse 23

ﯾﯿﰀﰁﰂﰃﰄ ﰅ ​

Wanin Allah, sabõda haka ku shiryar da su zuwa ga hanyar Jahĩm.

Verse 24

ﰆﰇﰈﰉ ﰊ ​

Kuma ku tsayar da su, lalle su, waɗanda ake yi wa tambaya ne.

Verse 25

ﭑﭒﭓﭔ ﭕ ​

Me ya sãme ku, bã ku taimakon jũna?

Verse 26

ﭖﭗﭘﭙ ﭚ ​

Ã'a, sũ a yau, mãsu sallamãwa ne.

Verse 27

ﭛﭜﭝﭞﭟ ﭠ ​

Kuma sãshensu ya fuskanta ga sãshe, sunã tambayar jũna.

Verse 28

ﭡﭢﭣﭤﭥﭦ ﭧ ​

Suka ce: "Lalle kũ, kun kasance kunã jẽ mana daga wajen dãma (inda muka amince)."

Verse 29

ﭨﭩﭪﭫﭬ ﭭ ​

Suka ce: "Ã'a, ba ku kasance mũminai ba.

Verse 30

ﭮﭯﭰﭱﭲﭳﭴﭵﭶﭷﭸ ﭹ ​

"Kuma wani dalĩli bai kasance ba gare mu a kanku. Ã'a, kun kasance mutãne ne mãsu kẽtare iyãka."

Verse 31

ﭺﭻﭼﭽﭾﭿﮀ ﮁ ​

"Sabõda haka maganar Ubangijinmu ta wajaba a kanmu. Lalle mũ, mãsu ɗanɗanãwa ne."

Verse 32

ﮂﮃﮄﮅ ﮆ ​

"Sabõda haka muka ɓatar da ku. Lalle mũ, mun kasance ɓatattu."

Verse 33

ﮇﮈﮉﮊﮋ ﮌ ​

To lalle sũ a rãnar nan, mãsu tãrayya ne a cikin azãbar.

Verse 34

ﮍﮎﮏﮐ ﮑ ​

Lalle Mũ, kamar haka Muke aikatãwa game, da mãsu laifi.

Verse 35

ﮒﮓﮔﮕﮖﮗﮘﮙﮚﮛ ﮜ ​

Lalle sũ, sun kasance idan an ce musu: "Bãbu abin bautãwa, fãce Allah," sai su dõra girman kai.

Verse 36

ﮝﮞﮟﮠﮡﮢ ﮣ ​

Kuma sunã cẽwa, "Shin, mũ lalle mãsu barin gumãkanmu ne, sabõda maganar wani mawãƙi mahaukaci?

Verse 37

ﮤﮥﮦﮧﮨ ﮩ ​

Ã'a, yã zo da gaskiya kuma ya gaskata Manzanni.

Verse 38

ﮪﮫﮬﮭ ﮮ ​

Lalle kũ, haƙĩƙa mãsu ɗanɗana azãba mai raɗaɗi ne.

Verse 39

ﮯﮰﮱﯓﯔﯕ ﯖ ​

Kuma bã zã a sãka muku ba fãce da abin da kuka kasance kunã aikatãwa.

Verse 40

ﯗﯘﯙﯚ ﯛ ​

Fãce bãyin Allah waɗanda aka tsarkake.

Verse 41

ﯜﯝﯞﯟ ﯠ ​

Waɗannan sunã da abinci sananne.

Verse 42

ﯡﯢﯣ ﯤ ​

'Ya'yan itãcen marmari, kuma sunã waɗanda ake girmamãwa.

Verse 43

ﯥﯦﯧ ﯨ ​

A cikin gidãjen Aljannar ni'ima.

Verse 44

ﯩﯪﯫ ﯬ ​

A kan karagu, sunã mãsu fuskantar jũna.

Verse 45

ﯭﯮﯯﯰﯱ ﯲ ​

Anã kẽwayãwa a kansu da hinjãlan giya, ta daga waɗansu marẽmari.

Verse 46

ﯳﯴﯵ ﯶ ​

Farã mai dãɗi ga mashãyan.

Verse 47

ﯷﯸﯹﯺﯻﯼﯽ ﯾ ​

A cikinta bãbu jirĩ kuma ba su zama mãsu mãye daga gare ta ba,

Verse 48

ﯿﰀﰁﰂ ﰃ ​

Kuma a wurinsu, akwai mãtan aure mãsu taƙaita kallonsu, mãsu manyan idãnu.

Verse 49

ﰄﰅﰆ ﰇ ​

Kamar dai su ƙwai ne ɓõyayye.

Verse 50

ﰈﰉﰊﰋﰌ ﰍ ​

Sai sãshensu ya fuskanta a kan sãshe, sunã tambayar jũna.

Verse 51

ﰎﰏﰐﰑﰒﰓﰔ ﰕ ​

Wani mai magana daga cikinsu ya ce: "Lalle ni wani abõki ya kasance a gare ni (a dũniya)."

Verse 52

ﭑﭒﭓﭔ ﭕ ​

Yanã cewa, "Shin, kai lalle, kanã daga mãsu gaskatãwa ne?"

Verse 53

ﭖﭗﭘﭙﭚﭛﭜ ﭝ ​

"Ashe, idan muka mutu, kuma muka, kasance turɓaya da kasũsuwa, ashe, lalle, mũ tabbas waɗanda ake sãka wa ne?"

Verse 54

ﭞﭟﭠﭡ ﭢ ​

(Mai maganar) ya ce: "Shin, kõ ku, mãsu tsinkãya ne (mu gan shi)?"

Verse 55

ﭣﭤﭥﭦﭧ ﭨ ​

Sai ya tsinkãya, sai ya gan shi a cikin tsakar Jahim.

Verse 56

ﭩﭪﭫﭬﭭ ﭮ ​

Ya ce (masa), "Wallahi, lalle, kã yi kusa, haƙĩƙã, ka halakãni."

Verse 57

ﭯﭰﭱﭲﭳﭴ ﭵ ​

"Kuma bã dõmin ni'imar Ubangijĩna ba, lalle, dã na kasance daga waɗanda ake halartarwa (tãre da kai a cikin wutã)."

Verse 58

ﭶﭷﭸ ﭹ ​

"Shin fa, ba mu zama mãsu mutuwa ba."

Verse 59

ﭺﭻﭼﭽﭾﭿ ﮀ ​

"Sai mutuwarmu ta farko, kuma ba mu zama waɗanda ake azabtarwa ba?"

Verse 60

ﮁﮂﮃﮄﮅ ﮆ ​

Lalle, wannan shĩ ne babban rabo mai girma.

Verse 61

ﮇﮈﮉﮊ ﮋ ​

Sabõda irin wannan, sai mãsu aiki su yi ta aikatãwa.

Verse 62

ﮌﮍﮎﮏﮐﮑ ﮒ ​

Shin wancan shĩ ne mafi zama alhẽri ga liyafa kõ itãciyar zaƙƙũm?

Verse 63

ﮓﮔﮕﮖ ﮗ ​

Lalle, Mũ, Mun sanya ta fitina ga. azzãlumai.

Verse 64

ﮘﮙﮚﮛﮜﮝ ﮞ ​

Lalle ita wata itãciya ce wadda take fita daga asalin Jahĩm.

Verse 65

ﮟﮠﮡﮢ ﮣ ​

Gundarta, kamar dai shi kãnun Shaiɗan ne.

Verse 66

ﮤﮥﮦﮧﮨﮩ ﮪ ​

To, lalle sũ haƙĩƙa mãsu ci ne daga gare ta. Sa'an nan mãsu cika cikuna ne daga gare ta.

Verse 67

ﮫﮬﮭﮮﮯﮰﮱ ﯓ ​

Sa'an nan lalle sunã da wani garwaye a kanta, daga ruwan zãfi.

Verse 68

ﯔﯕﯖﯗﯘ ﯙ ​

Sa'an nan lalle makomarsu, haƙĩƙa, zuwa ga Jãhĩm take.

Verse 69

ﯚﯛﯜﯝ ﯞ ​

Lalle sũ, sun iske ubanninsu batattu.

Verse 70

ﯟﯠﯡﯢ ﯣ ​

Sabõda haka sũ, a kan gurãbunsu, suke gaggãwa.

Verse 71

ﯤﯥﯦﯧﯨ ﯩ ​

Kuma tabbas haƙĩƙa mafi yawan mutãnen farko sun ɓace a gabãninsu.

Verse 72

ﯪﯫﯬﯭ ﯮ ​

Kuma tabbas haƙĩƙa, Mun aika mãsu gargaɗi a cikinsu.

Verse 73

ﯯﯰﯱﯲﯳ ﯴ ​

Sai ka dũba yadda ãƙibar waɗanda aka yi wa gargaɗi ta kasance.

Verse 74

ﯵﯶﯷﯸ ﯹ ​

Fãce bãyin Allah waɗanda aka tsarkake.

Verse 75

ﯺﯻﯼﯽﯾ ﯿ ​

Kuma lalle, haƙĩƙa' Nũhu ya kira Mu. To, madalla da mãsu karɓãwa, Mu.

Verse 76

ﰀﰁﰂﰃﰄ ﰅ ​

Kuma Mun tsĩrar da shi da mutãnensa daga bakin ciki babba.

Verse 77

ﭑﭒﭓﭔ ﭕ ​

Muka sanya zurriyarsa sunã mãsu wanzuwa.

Verse 78

ﭖﭗﭘﭙ ﭚ ​

Kuma Muka bar masa (yabo) a cikin jama'ar ƙarshe.

Verse 79

ﭛﭜﭝﭞﭟ ﭠ ​

Aminci ya tabbata ga Nũhu, a cikin halittu.

Verse 80

ﭡﭢﭣﭤ ﭥ ​

Lalle Mũ kamar haka Muke sãka wa mãsu kyautatãwa.

Verse 81

ﭦﭧﭨﭩ ﭪ ​

Lalle shi, yanã daga bãyinMu mũminai.

Verse 82

ﭫﭬﭭ ﭮ ​

Sã'an nan Muka nutsar da waɗansunsu.

Verse 83

ﭯﭰﭱﭲﭳ ﭴ ​

Kuma lalle daga ƙungiyarsa, haƙĩƙa, Ibrahĩm yake.

Verse 84

ﭵﭶﭷﭸﭹ ﭺ ​

A lõkacin da ya je wa dangijinsa da zũciya kuɓutacciya.

Verse 85

ﭻﭼﭽﭾﭿﮀ ﮁ ​

A lõkacin da ya ce wa ubansa da mutãnensa, "Mẽne ne kuke bautãwa?"

Verse 86

ﮂﮃﮄﮅﮆ ﮇ ​

"Shin, ƙiren ƙarya (wãtau) gumãka, wanin Allah, kuke bautãwa?"

Verse 87

ﮈﮉﮊﮋ ﮌ ​

"To, mẽne ne zatonku game da Ubangijin halittu?"

Verse 88

ﮍﮎﮏﮐ ﮑ ​

Sai ya yi dũbi, dũba ta sõsai, a cikin taurãri.

Verse 89

ﮒﮓﮔ ﮕ ​

Sã'an nan ya ce: "Nĩ mai rashin lãfiya ne."

Verse 90

ﮖﮗﮘ ﮙ ​

Sai suka jũya ga barinsa, sunã mãsu jũyãwa da bãya.

Verse 91

ﮚﮛﮜﮝﮞﮟ ﮠ ​

Sai ya karkata zuwa ga gumãkansu, sa'an nan ya ce: "Ashe bã zã ku ci ba?

Verse 92

ﮡﮢﮣﮤ ﮥ ​

"Me ya sãme ku, bã ku magana?"

Verse 93

ﮦﮧﮨﮩ ﮪ ​

Sai ya zuba dũka a kansu da hannun dãma.

Verse 94

ﮫﮬﮭ ﮮ ​

Sai suka fuskanto zuwa gare shi, sunã gaggãwa.

Verse 95

ﮯﮰﮱﯓ ﯔ ​

Ya ce, "Kunã bauta wa abin da kuke sassaƙawa,

Verse 96

ﯕﯖﯗﯘ ﯙ ​

"Alhãli, Allah ne Ya halitta ku game da abin da kuke aikatãwa?"

Verse 97

ﯚﯛﯜﯝﯞﯟﯠ ﯡ ​

Suka ce: "Ku gina wani gini sabõda shi, sa'an nan ku jẽfa shi a cikin Jahĩm."

Verse 98

ﯢﯣﯤﯥﯦ ﯧ ​

Sabõda haka suka yi nufin makĩda game da shi. Sai Muka sanya su, sũ ne mafi ƙasƙanci.

Verse 99

ﯨﯩﯪﯫﯬﯭ ﯮ ​

Kuma (Ibrahĩm] ya ce: "Lalle, nĩ mai tafiya ne zuwa ga Ubangijĩna, zai shiryar da ni."

Verse 100

ﯯﯰﯱﯲﯳ ﯴ ​

"Ya Ubangijĩna! Ka bã ni (abõkin zama) daga sãlihan mutãne."

Verse 101

ﯵﯶﯷ ﯸ ​

Sai Muka yi masa bushãra da wani yãro *mai haƙuri.
____________________
  * Yãron da aka yi bushãra da shi a nan, shĩ ne Ismã'ĩla' sabõda abin da yake tafe a gaba wanda ya shãfi Is'hãƙa da sũnansa a bayyane yã nũna a nan bã shi ba ne. Watau Ismã'ĩla kawai ne.

Verse 102

ﯹﯺﯻﯼﯽﯾﯿﰀﰁﰂﰃﰄﰅﰆﰇﰈﰉﰊﰋﰌﰍﰎﰏﰐﰑﰒﰓﰔ ﰕ ​

To, a lõkacin da ya isa aiki tãre da shi, ya ce: "Ya ƙaramin ɗãna! Lalle ne inã gani, a ciki barci, lalle inã yanka ka. To, ka dũba mẽ ka gani?" (Yãron) ya ce: "Ya, Bãbãna! Ka aikata abin da aka umurce ka, zã ka sãme ni, in Allah Ya so, daga mãsu haƙuri."

Verse 103

ﭑﭒﭓﭔ ﭕ ​

Yayin da suka mika wuya sai muka fansheshi da Rago

Verse 104

ﭖﭗﭘ ﭙ ​

Kuma Muka kira shi cẽwa "Ya Ibrahĩm!"

Verse 105

ﭚﭛﭜﭝﭞﭟﭠﭡ ﭢ ​

"Haƙĩƙa kã gaskata mafarkin." Lalle kamar haka Muke sãka wa mãsu kyautatãwa.

Verse 106

ﭣﭤﭥﭦﭧ ﭨ ​

Lalle wannan ita ce jarrabãwa bayyananna.

Verse 107

ﭩﭪﭫ ﭬ ​

Kuma Muka yi fansar yãron da wani abin yanka, mai girma.

Verse 108

ﭭﭮﭯﭰ ﭱ ​

Kuma Muka bar (yabo) a kansa a cikin mutãnen ƙarshe.

Verse 109

ﭲﭳﭴ ﭵ ​

Aminci ya tabbata ga Ibrãhĩm.

Verse 110

ﭶﭷﭸ ﭹ ​

Kamar haka Muke sãka wa mãsu kyautatãwa.

Verse 111

ﭺﭻﭼﭽ ﭾ ​

Lalle shĩ, yanã daga bãyinMu mũminai.

Verse 112

ﭿﮀﮁﮂﮃ ﮄ ​

Kuma Muka yi masa bushãra* Da Is'hãƙa ya zama Annabi daga sãlihan mutãne.
____________________
   * Wannan sãbuwar bushãra da Is'hãƙa tanã nũna cewa bã shĩ ne wanda kissar yankã ta shãfa ba sabõda haka Isma'ĩla dai ne tabbas, mai ƙissar yankã. Sabõda haka Allah Ya sanya shi wata al'umma dabam' dõmin a sãka masa, sa'an nan aka sãkawa Ibrãhĩm da Is'hãƙa dõmin ya zama wata al'umma ta dabam,.

Verse 113

ﮅﮆﮇﮈﮉﮊﮋﮌﮍﮎﮏ ﮐ ​

Kuma Muka yi albarka a gare shi, kuma ga Is'hãka. Kuma daga cikin zurriyarsu akwai mai kyautatãwa da kuma maizãlunci dõmin kansa, mai bayyanãwa (ga zãluncin).

Verse 114

ﮑﮒﮓﮔﮕ ﮖ ​

Kuma lalle, Mun yi ni'ima ga Mũsã da Hãrũna.

Verse 115

ﮗﮘﮙﮚﮛ ﮜ ​

Kuma Muka tsĩrar da su da mutãnensu daga bakin ciki mai girma.

Verse 116

ﮝﮞﮟﮠ ﮡ ​

Kuma Muka taimake su, sabõda haka suka kasance mãsu rinjãya.

Verse 117

ﮢﮣﮤ ﮥ ​

Kuma Muka ba su Littãfi mai iyãkar bayãni.

Verse 118

ﮦﮧﮨ ﮩ ​

Kuma Muka shiryar da su ga hanya mĩƙaƙƙiya.

Verse 119

ﮪﮫﮬﮭ ﮮ ​

Kuma Muka bar (yabo) a gare su a cikin mutãnen karshe.

Verse 120

ﮯﮰﮱﯓ ﯔ ​

Aminci ya tabbata ga Mũsã da Hãruna.

Verse 121

ﯕﯖﯗﯘ ﯙ ​

Lalle kamar haka Muke sãka wa mãsu kyautatãwa.

Verse 122

ﯚﯛﯜﯝ ﯞ ​

Lalle, sunã daga bãyinMu mũminai.

Verse 123

ﯟﯠﯡﯢ ﯣ ​

Kuma lalle Ilyãs, haƙĩƙa, yanã daga Manzanni.

Verse 124

ﯤﯥﯦﯧﯨ ﯩ ​

A lõkacin da yake ce wa mutãnensa, "Ashe, bã zã ku yi taƙawa ba?"

Verse 125

ﯪﯫﯬﯭﯮ ﯯ ​

"Shin, kunã bauta wa Ba'al ne, kuma kunã barin Mafi kyautatãwar mãsu halitta?"

Verse 126

ﯰﯱﯲﯳﯴ ﯵ ​

"Allah Ubangijinku, kuma Ubangijin ubanninku farko?"

Verse 127

ﭑﭒﭓ ﭔ ​

Sai suka ƙaryata shi. Sabõda haka sũ lalle waɗanda zã a halartãwa ne (a wutã).

Verse 128

ﭕﭖﭗﭘ ﭙ ​

Sai bãyin Allah waɗanda aka tsarkake.

Verse 129

ﭚﭛﭜﭝ ﭞ ​

Kuma Muka bar (yabo) a gare shi, a cikin mutãnen ƙarshe.

Verse 130

ﭟﭠﭡﭢ ﭣ ​

Aminci ya tabbata ga Ilyãs.

Verse 131

ﭤﭥﭦﭧ ﭨ ​

Lalle Mũ kamar haka Muke sãka wa mãsu kyautatãwa.

Verse 132

ﭩﭪﭫﭬ ﭭ ​

Lalle shĩ, yanã daga bãyinMu mũminai.

Verse 133

ﭮﭯﭰﭱ ﭲ ​

Kuma lalle Lũdu, haƙĩƙa, yanã daga Manzanni.

Verse 134

ﭳﭴﭵﭶ ﭷ ​

A lõkacin da Muka tsĩrar da shi, da mutãnensa gabã ɗaya.

Verse 135

ﭸﭹﭺﭻ ﭼ ​

Sai wata tsõhuwa tanã a cikin mãsu wanzuwa (a cikin azãba).

Verse 136

ﭽﭾﭿ ﮀ ​

Sã'an nan Muka darkãke waɗansu mutãnen.

Verse 137

ﮁﮂﮃﮄ ﮅ ​

Kuma lalle kũ, haƙĩƙa, kunã shũɗewa a kansu, kunã mãsu asubanci.

Verse 138

ﮆﮇﮈﮉ ﮊ ​

Kuma da dare. Shin fa, bã zã ku hankalta ba?

Verse 139

ﮋﮌﮍﮎ ﮏ ​

Kuma lalle Yũnusa, haƙĩƙa, yanã daga Manzanni.

Verse 140

ﮐﮑﮒﮓﮔ ﮕ ​

A lõkacin da ya gudu zuwa ga jirgin ruwa wanda aka yi wa lõdi.

Verse 141

ﮖﮗﮘﮙ ﮚ ​

Sã'an nan ya yi ƙuri'a, sai ya kasance a cikin waɗanda aka rinjaya.

Verse 142

ﮛﮜﮝﮞ ﮟ ​

Sai kĩfi ya yi lõma da shi, alhãli kuwa yanã wanda ake zargi.

Verse 143

ﮠﮡﮢﮣﮤ ﮥ ​

To, ba dõmin lalle shi ya kasance daga mãsu tasbĩhi ba,

Verse 144

ﮦﮧﮨﮩﮪﮫ ﮬ ​

Lalle dã ya zauna a cikin cikinsa har ya zuwa rãnar da zã a tãyar da su.

Verse 145

ﮭﮮﮯﮰﮱ ﯓ ​

Sai Muka jẽfa shi ga wani fĩli alhãli kuwa yanã mai raunin rashin lãfiya.

Verse 146

ﯔﯕﯖﯗﯘ ﯙ ​

Kuma Muka tsirar da wata itãciya ta kankana a kusa da shi.

Verse 147

ﯚﯛﯜﯝﯞﯟ ﯠ ​

Kuma Muka aika shi zuwa ga waɗansu mutãne dubuɗari, kõ sunã ƙaruwa (a kan haka).

Verse 148

ﯡﯢﯣﯤ ﯥ ​

Sai suka yi ĩmãni sabõda haka Muka jiyar da su dãdi har wani lõkaci.

Verse 149

ﯦﯧﯨﯩﯪ ﯫ ​

Sabõda haka, ka tambaye su, "Shin, Ubangijinka ne da 'ya'ya mãtã, kuma su da ɗiya maza?"

Verse 150

ﯬﯭﯮﯯﯰﯱ ﯲ ​

Kõ kuma Mun halitta malã'iku mãtã ne, alhãli kuwa sũ sunãhalarce?

Verse 151

ﯳﯴﯵﯶﯷ ﯸ ​

To! Lalle sũ, daga ƙiren ƙaryarsu sunã cẽwa.

Verse 152

ﯹﯺﯻﯼ ﯽ ​

"Allah Yã haihu," alhãli kuwa lalle sũ, haƙĩƙa maƙaryata ne.

Verse 153

ﯾﯿﰀﰁ ﰂ ​

Shin, Yã zãɓi 'yã'ya mãtã ne a kan ɗiya maza?

Verse 154

ﭑﭒﭓﭔ ﭕ ​

Mẽ ya same ku? Yãya kuke hukuntãwa (wannanhukunci)?

Verse 155

ﭖﭗ ﭘ ​

Shin, bã ku tunãni?

Verse 156

ﭙﭚﭛﭜ ﭝ ​

Ko kuma kunã da wani dalĩli bayyananne ne?

Verse 157

ﭞﭟﭠﭡﭢ ﭣ ​

To, ku zo da littãfinku idan kun kasance mãsu gaskiya.

Verse 158

ﭤﭥﭦﭧﭨﭩﭪﭫﭬﭭﭮ ﭯ ​

Kuma suka sanya nasaba a tsakãninSa da tsakãnin aljannu. Alhãli kuwa Lalle aljannu sun sani, "Lalle sũ, haƙĩƙa waɗanda ake halartarwa ne (a cikin wutã.)"

Verse 159

ﭰﭱﭲﭳ ﭴ ​

Tsarki ya tabbata ga Allah daga abin da suke siffantãwa.

Verse 160

ﭵﭶﭷﭸ ﭹ ​

Sai bãyin Allah waɗanda aka tsarkake.

Verse 161

ﭺﭻﭼ ﭽ ​

To, lalle, ku da abin da kuke bautãwa,

Verse 162

ﭾﭿﮀﮁ ﮂ ​

Ba ku zama mãsu buwãya ba a gare Shi.

Verse 163

ﮃﮄﮅﮆﮇ ﮈ ​

Sai wanda yake mai shiga babbar wutã Jahĩm.

Verse 164

ﮉﮊﮋﮌﮍﮎ ﮏ ​

"Kuma bãbu kõwa daga cikinmu,* fãce yanã da matsayi sananne."
____________________
  * Malã'iku da sauran halitta duka kõwa yã san matsayinsa na bauta ga Allah wanda ba Ya da dã ko diya, kuma ba Ya da dangantaka da kõwa. 

Verse 165

ﮐﮑﮒ ﮓ ​

"Kuma lalle mu, haƙĩƙa, mũ ne mãsu yin sahu-sahu (dõmin ibãda)."

Verse 166

ﮔﮕﮖ ﮗ ​

"Kuma lalle mũ haƙĩƙa, mũ ne mãsu yin tasbĩhi."

Verse 167

ﮘﮙﮚ ﮛ ​

Kuma lalle sũ, sun kasance sunã cẽwa,

Verse 168

ﮜﮝﮞﮟﮠﮡ ﮢ ​

"Dã lalle munã da wani littãfi irin na mutãnen farko."

Verse 169

ﮣﮤﮥﮦ ﮧ ​

"Lalle dã mun kasance bãyin Allah waɗanda aka tsarkake."

Verse 170

ﮨﮩﮪﮫﮬ ﮭ ​

Sai suka kãfirta da shi. Sabõda haka zã su sani.

Verse 171

ﮮﮯﮰﮱﯓ ﯔ ​

Kuma lalle, haƙĩƙa kalmarMu ta gabãta ga bãyinMu, Manzanni.

Verse 172

ﯕﯖﯗ ﯘ ​

Lalle sũ, haƙĩƙa, sũ ne waɗanda ake taimako.

Verse 173

ﯙﯚﯛﯜ ﯝ ​

Kuma lalle rundunarMu, haƙĩƙa, sũ ne marinjaya.

Verse 174

ﯞﯟﯠﯡ ﯢ ​

Sabõda haka juya daga barinsu, har a wani lõkaci.

Verse 175

ﯣﯤﯥ ﯦ ​

Ka nũna musu (gaskiya), da haka zã su dinga gani.*
____________________
* Wannan ƙãrin bayãni ne ga abin da sũrar ke karantarwa na cewa Annabãwa sũ ne kamar rãna mai haske na asali. Mãlamai kamar taurãri suke mãsu sãmun haske daga rana su wãtsa ga dũniya kuma su kõre ɓarna. Aya ta l79 da ke tafe karfafawa ce ga ma'anar wannan.

Verse 176

ﯧﯨ ﯩ ​

Shin fa, da azabarMu suke nẽman gaggãwa?

Verse 177

ﯪﯫﯬﯭﯮﯯ ﯰ ​

To, idan ta sauka ga farfãjiyarsu, to, sãfiyar wadanda ake yi wa gargaɗi ta mũnana.

Verse 178

ﯱﯲﯳﯴ ﯵ ​

Kuma ka jũya daga barinsu har a wani lõkaci.

Verse 179

ﯶﯷﯸ ﯹ ​

Ka nũna (musu gaskiya), da haka zã su dinga nũnãwa.

Verse 180

ﯺﯻﯼﯽﯾﯿ ﰀ ​

Tsarki ya tabbata ga Ubangijinka, Ubangijin rinjãye, daga barin abin da suke siffantãwa.

Verse 181

ﰁﰂﰃ ﰄ ​

Kuma aminci ya tabbata ga Manzanni.

Verse 182

ﰅﰆﰇﰈ ﰉ ​

Kuma gõdiya ta tabbata ga Allah Ubangijin halittu.