Surah سورة المعارج

Verse 1

ﮮﮯﮰﮱ ﯓ

Wani mai tambaya yã yi tambaya game da azãba, mai aukuwa.

Verse 2

ﯔﯕﯖﯗ ﯘ

Ga kãfirai, bã ta da mai tunkuɗẽwa.

Verse 3

ﯙﯚﯛﯜ ﯝ

Daga Allah Mai matãkala.

Verse 4

ﯞﯟﯠﯡﯢﯣﯤﯥﯦﯧﯨ ﯩ

Malã'iku da Ruhi (Jibrila) sunã tãkãwa zuwa gare Shi, a cikin yini wanda gwargwadonsa, shẽkara dubu hamsin ne.

Verse 5

ﯪﯫﯬ ﯭ

Sabõda haka, ka yi haƙuri, haƙuri mai kyãwo.

Verse 6

ﯮﯯﯰ ﯱ

Lalle ne su, sunã ganin ta mai nĩsa.

Verse 7

ﯲﯳ ﯴ

Kuma Mu, Muna ganin ta a kusa.

Verse 8

ﯵﯶﯷﯸ ﯹ

Rãnar da sama zã ta kasance kamar narkakkar azurfa.

Verse 9

ﯺﯻﯼ ﯽ

Kuma duwãtsu su zama kamar saɓin sũfi.

Verse 10

ﯾﯿﰀﰁ ﰂ

Kuma abõki bã ya tambayar inda wani abõki yake.

Verse 11

ﭑﭒﭓﭔﭕﭖﭗﭘﭙﭚ ﭛ

Ana sanya su, su gajũna, mai laifi na gũrin dã zai iya yin fansa, daga azãbar rãnar nan, da ɗiyansa,

Verse 12

ﭜﭝ ﭞ

Da matarsa da ɗan'uwansa.

Verse 13

ﭟﭠﭡ ﭢ

Da danginsa, mãsu tattarã shi.

Verse 14

ﭣﭤﭥﭦﭧﭨ ﭩ

Da wanda ke a cikin dũniya duka gabã ɗaya, sa'an nan fansar, ta tsĩrar da shi.

Verse 15

ﭪﭫﭬﭭ ﭮ

A'aha! Lalle ne fa, ita ce Lazã,

Verse 16

ﭯﭰ ﭱ

Mai twãle fãtar goshi.

Verse 17

ﭲﭳﭴﭵ ﭶ

Tanã kiran wanda ya jũya bãya (daga addini) kuma ya kau da kai.

Verse 18

ﭷﭸ ﭹ

Ya tãra (dũkiya), kuma ya sanya ta a cikin jaka.

Verse 19

ﭺﭻﭼﭽﭾ ﭿ

Lalle ne mutum an halitta shi mai ciwon kwaɗayi.

Verse 20

ﮀﮁﮂﮃ ﮄ

Idan sharri ya shãfe shi, ya kãsa haƙuri.

Verse 21

ﮅﮆﮇﮈ ﮉ

Kuma idan alhẽri ya shãfe shi, ya yi rõwa.

Verse 22

ﮊﮋ ﮌ

Sai mãsu yin salla,

Verse 23

ﮍﮎﮏﮐﮑ ﮒ

Waɗanda suke, a kan sallarsu, su, mãsu dawwama ne.

Verse 24

ﮓﮔﮕﮖﮗ ﮘ

Kuma waɗanda a cikin dũkiyarsu, akwai wani haƙƙi sananne.

Verse 25

ﮙﮚ ﮛ

Ga (matalauci) mai rõƙo da wanda aka hanã wa roƙon.

Verse 26

ﮜﮝﮞﮟ ﮠ

Da waɗannan da ke gaskata rãnar sakamako.

Verse 27

ﮡﮢﮣﮤﮥﮦ ﮧ

Da waɗannan sabõda azãbar Ubangijinsu, suna jin tsõro.

Verse 28

ﮨﮩﮪﮫﮬ ﮭ

Lalle ne, azãbar Ubangijinsu bã wadda ake iya amincẽwaba ce.

Verse 29

ﮮﮯﮰﮱ ﯓ

Da waɗanda suke, ga farjojinsu, mãsu tsarewa ne.

Verse 30

ﯔﯕﯖﯗﯘﯙﯚﯛﯜﯝ ﯞ

Sai fa a kan matan aurensu da abin da hannayensu na dãma suka mallaka. To lalle ne sũkam ba waɗanda ake zargi ba ne.

Verse 31

ﯟﯠﯡﯢﯣﯤﯥ ﯦ

To, duk wanda ya nẽmi abin da yake a bayan wannan, to, waɗancan sũ ne mãsu ƙetare iyãka.

Verse 32

ﯧﯨﯩﯪﯫ ﯬ

Kuma da waɗannan da suke ga amãnõninsu da alkawarinsu mãsu tsarẽwa ne.

Verse 33

ﯭﯮﯯﯰ ﯱ

Kuma da waɗanda suke, ga shaidarsu, mãsu dãgẽwa ne.

Verse 34

ﯲﯳﯴﯵﯶ ﯷ

Kuma waɗanda suke, a kan sallarsu, mãsu tsarẽwa ne.

Verse 35

ﯸﯹﯺﯻ ﯼ

Waɗannan, a cikin gidãjen Aljanna, waɗanda ake girmamãwa ne

Verse 36

ﯽﯾﯿﰀﰁ ﰂ

Mẽ yã sãmi waɗanda suka kãfirta, a wajenka, sunã gaugãwar (gudu).

Verse 37

ﰃﰄﰅﰆﰇ ﰈ

Daga jihar dãma, kuma daga jihar hagu, jama'a-jama'a!

Verse 38

ﰉﰊﰋﰌﰍﰎﰏﰐ ﰑ

Shin kõwane mutum daga cikinsu yana nẽman a shigar da shi a Aljannar ni'ima ne (ba da wani aiki ba)?

Verse 39

ﰒﰓﰔﰕﰖﰗ ﰘ

A'aha! Lalle Mũ, Mun halitta su, daga abin da suka sani.

Verse 40

ﰙﰚﰛﰜﰝﰞﰟ ﰠ

Sabõda haka ba sai Na yi rantsuwa da Ubangijin wurãren ɓullõwar rãna da wurãren fãɗuwarta ba, lalle Mũ, Mãsu iyãwa ne.

Verse 41

ﭑﭒﭓﭔﭕﭖﭗﭘ ﭙ

Ga Mu musanya waɗanda suke mafi alhẽri, daga gare su. Kuma ba Mu kasance waɗanda ake rinjãya ba.

Verse 42

ﭚﭛﭜﭝﭞﭟﭠﭡ ﭢ

Sabõda haka ka bar su, su dulmuya, kuma su yi wãsã, har su haɗu da rãnarsu wadda ake yi musu alkawari (da ita).

Verse 43

ﭣﭤﭥﭦﭧﭨﭩﭪﭫ ﭬ

Rãnar da suke fitowa daga kaburbura da gaugãwa, kamar sũ, zuwa ga wata kafaffiyar (tuta), suke yin gaugãwa.

Verse 44

ﭭﭮﭯﭰﭱﭲﭳﭴﭵﭶ ﭷ

Maƙaskanta ga idanunsu, wani walakanci yana rufe su. wannan shi ne yinin da suka kasance ana yi musa alkawari (a kansa.)

Fassarar سورة المعارج

سورة المعارج

Fassarar Surar Al-Ma'arij a الهوساوية daga الترجمة الهوساوية

الترجمة الهوساوية

الترجمة الهوساوية