Surah سورة المرسلات

Verse 1

ﮑﮒ ﮓ

Ina rantsuwa da iskõkin da ake sakõwa jẽre, sunã bin jũna.

Verse 2

ﮔﮕ ﮖ

Sa'an nan, su zamã iskõki mãsu ƙarfi suna kaɗãwa da ƙarfi.

Verse 3

ﮗﮘ ﮙ

Kuma, mãsu watsa rahama wãtsãwa.

Verse 4

ﮚﮛ ﮜ

sa'an nan, da ãyõyi* mãsu rarrabe gaskiya da ƙarya rarrabẽwa.
____________________
* Yã kamanta Manzanin Allah masu kãwo ayõyinsa da iskõki mãsu kãwo ruwa dõmin rahamar da ke cikin kowannensu.

Verse 5

ﮝﮞ ﮟ

Sa'an nan da malã'iku mãsu jẽfa tunãtarwa ga Manzanni.

Verse 6

ﮠﮡﮢ ﮣ

Domin yanke hamzari ko dõmin gargadi.

Verse 7

ﮤﮥﮦ ﮧ

Lalle ne, abin da ake yi muku wa'adi da shi tabbas mai aukuwa ne

Verse 8

ﮨﮩﮪ ﮫ

To, idan taurãri aka shãfe haskensu.

Verse 9

ﮬﮭﮮ ﮯ

Kuma, idan sama aka tsãge ta.

Verse 10

ﮰﮱﯓ ﯔ

Kuma, idan duwãtsu aka nike su.

Verse 11

ﯕﯖﯗ ﯘ

Kuma, idan manzanni aka ƙayyade lõkacin tãra su.

Verse 12

ﯙﯚﯛ ﯜ

Domin babbar rãnar da aka yi wa ajali.

Verse 13

ﯝﯞ ﯟ

Domin rãnar rarrabẽwa.*
____________________
* Yin hukunci a tsakanin tãlikai.

Verse 14

ﯠﯡﯢﯣﯤ ﯥ

Kuma, me ya sanar da kai rãnar rarrabẽwa?

Verse 15

ﯦﯧﯨ ﯩ

Bone yã tabbata a rãnar nan, ga mãsu ƙaryatãwa!

Verse 16

ﯪﯫﯬ ﯭ

Ashe, ba Mu halakar da (mãsu ƙaryatãw) na farko ba.

Verse 17

ﯮﯯﯰ ﯱ

Sa'an nan, kuma zã Mu biyar musu da na ƙarshe?

Verse 18

ﯲﯳﯴ ﯵ

Haka nan, Muke aikatãwa da mãsu yin laifi.

Verse 19

ﯶﯷﯸ ﯹ

Bone yã tabbata a rãnar nan ga mãsu ƙaryatãwa!

Verse 20

ﭑﭒﭓﭔﭕ ﭖ

Ashe, ba Mu halitta ku daga wani ruwa wulakantacce ba.

Verse 21

ﭗﭘﭙﭚ ﭛ

Sa'an nan Muka sanya shi a cikin wani wurin natsuwa amintacce.

Verse 22

ﭜﭝﭞ ﭟ

Zuwa ga wani gwargwadon mudda sananna.

Verse 23

ﭠﭡﭢ ﭣ

Sa'an nan, Muka nũna iyãwarMu? Madalla da Mu, Mãsu nũna iyãwa.

Verse 24

ﭤﭥﭦ ﭧ

Bone ya tabbata a rãnar nan ga mãsu ƙaryatãwa!

Verse 25

ﭨﭩﭪﭫ ﭬ

Ashe, ba Mu sanya ƙasa matattarã ba.

Verse 26

ﭭﭮ ﭯ

Ga rãyayyu da matattu,

Verse 27

ﭰﭱﭲﭳﭴﭵﭶ ﭷ

Kuma, Muka sanya, a cikinta, kafaffun duwãtsu maɗaukaka, kuma Muka shayar da ku ruwa mai dãɗi?

Verse 28

ﭸﭹﭺ ﭻ

Bone ya tabbata, a rãnar nan, ga mãsu ƙaryatãwa!

Verse 29

ﭼﭽﭾﭿﮀﮁ ﮂ

Ku tafi zuwa ga abin da kuka kasance kuna ƙaryatãwa game da shi!

Verse 30

ﮃﮄﮅﮆﮇﮈ ﮉ

Ku tafi zuwa ga wata inuwa mai rassa uku.

Verse 31

ﮊﮋﮌﮍﮎﮏ ﮐ

Ita ba inuwar ba, kuma ba ta wadãtarwa daga harshen wuta.

Verse 32

ﮑﮒﮓﮔ ﮕ

Lalle ne, ita, tanã jifã da tartsatsi kamar sõraye.

Verse 33

ﮖﮗﮘ ﮙ

Kamar dai su raƙumma ne baƙãƙe.

Verse 34

ﮚﮛﮜ ﮝ

Bone ya tabbata, a rãnar nan, ga mãsu ƙaryatãwa!

Verse 35

ﮞﮟﮠﮡ ﮢ

Wannan, yini ne da bã zã su iya yin magana ba.

Verse 36

ﮣﮤﮥﮦ ﮧ

Bã zã a yi musu izni ba, balle su kãwo hanzari.

Verse 37

ﮨﮩﮪ ﮫ

Bone ya tabbata, a rãnar nan, ga mãsu ƙaryatãwa!

Verse 38

ﮬﮭﮮﮯﮰﮱ ﯓ

Wannan rãnar rarrabẽwa ce, Mun tattara ku tare da mutãnen farko.

Verse 39

ﯔﯕﯖﯗﯘ ﯙ

To, idan akwai wata dabara gare ku, sai ku yi ma Ni ita.

Verse 40

ﯚﯛﯜ ﯝ

Bone ya tabbata, a rãnar nan, ga mãsu ƙaryatãwa!

Verse 41

ﯞﯟﯠﯡﯢ ﯣ

Lalle ne, mãsu taƙawa suna a cikin inuwõwi da marẽmari.

Verse 42

ﯤﯥﯦ ﯧ

Da wasu 'ya'yan itãce irin waɗanda suke marmari.

Verse 43

ﯨﯩﯪﯫﯬﯭ ﯮ

(A ce musu) "Ku ci ku sha cikin ni'ima sabõda abin da kuka kasance kuna aikatãwa."

Verse 44

ﯯﯰﯱﯲ ﯳ

Lalle ne, Mũ haka Muke sãka wa mãsu kyautatãwa.

Verse 45

ﯴﯵﯶ ﯷ

Bone ya tabbata, a rãnar nan, ga mãsu ƙaryatãwa!

Verse 46

ﯸﯹﯺﯻﯼ ﯽ

(Ana ce musu) "Ku ci ku ji ɗan dãdi kaɗan, lalle ne dai ku mãsu laifi ne."

Verse 47

ﯾﯿﰀ ﰁ

Bone ya tabbata, a rãnar nan, ga mãsu ƙaryatãwa!

Verse 48

ﰂﰃﰄﰅﰆﰇ ﰈ

Kuma, idan an ce musu: "Ku yi rukũ'i; bã zã su yi rukũ'in (salla) ba."

Verse 49

ﰉﰊﰋ ﰌ

Bone ya tabbata, a rãnar nan, ga mãsu ƙaryatãwa!

Verse 50

ﰍﰎﰏﰐ ﰑ

To, da wane lãbãri (Littãfi), waninsa (Alƙur'ãni) zã su yi ĩmãni

Fassarar سورة المرسلات

سورة المرسلات

Fassarar Surar Al-Mursalat a الهوساوية daga الترجمة الهوساوية

الترجمة الهوساوية

الترجمة الهوساوية