Surah سورة الحجر

Verse 1

ﭑﭒﭓﭔﭕﭖﭗ ﭘ

A. L̃.R. Waɗancan ãyoyin littãfi ne da abin karantãwa mai bayyanãwa.

Verse 2

ﭙﭚﭛﭜﭝﭞﭟ ﭠ

Da yawa waɗanda suka kãfirta suke gũrin dã dai sun kasance Musulmi.*
____________________
* Kõwane kãfiri yanã gũrin yã zama Musulmi dõmin abin da yake gani na shiriya da ladubban Musulunci, waɗanda ya tabbata bãbu zama lãfiya ga mutum fãce idan yã sãme su, amma shaiɗan yanã hana shi musulunta sabõda waɗansu dalĩlai da yake sanyãwa a ganinsa.

Verse 3

ﭡﭢﭣﭤﭥﭦﭧﭨ ﭩ

Ka bar su su ci kuma su ji dãdi, kuma gũri ya shagaltar da su, sa'an nan da sannu zã su sani.

Verse 4

ﭪﭫﭬﭭﭮﭯﭰﭱ ﭲ

Kuma ba Mu halakar da wata alƙarya ba fãce tanã da littafi sananne.

Verse 5

ﭳﭴﭵﭶﭷﭸﭹ ﭺ

Wata al'umma bã ta gabãtar ajalinta, kuma bã zã su jinkirta ba.

Verse 6

ﭻﭼﭽﭾﭿﮀﮁﮂ ﮃ

Suka ce: "Yã kai wanda aka saukar da Ambato (Alƙur'ãni) a kansa! Lalle ne kai, haƙĩƙa, mahaukaci ne."

Verse 7

ﮄﮅﮆﮇﮈﮉﮊﮋ ﮌ

"Dõmin me bã zã ka zo mana da malã'ĩku ba idan ka kasance daga mãsu gaskiya?"

Verse 8

ﮍﮎﮏﮐﮑﮒﮓﮔﮕ ﮖ

Bã Mu sassaukar da malã'iku fãce da gaskiya,* bã zã su kasance, a wannan lõkacin, waɗanda ake yi wa jinkĩri ba.
____________________
* Gaskiya a nan anã nufin azãba dõmin zuwanta tabbatacce ne. Dukan abin da yake tabbatacce shĩ ne haƙƙun, watau gaskiya.

Verse 9

ﮗﮘﮙﮚﮛﮜﮝ ﮞ

Lalle Mũ ne, Muka saukar da Ambato (Alƙur'ãni), kuma lale Mũ, haƙĩƙa, Mãsu kiyayẽwane gare shi.

Verse 10

ﮟﮠﮡﮢﮣﮤﮥ ﮦ

Kuma lalle ne, haƙĩƙa, Mun aika Manzanni a cikin ƙungiyõyin farko, gabãninka.

Verse 11

ﮧﮨﮩﮪﮫﮬﮭﮮ ﮯ

Kuma wani Manzo bã ya zuwa gare su fãce sun kasance sunã mãsu, izgili a gare shi.

Verse 12

ﮰﮱﯓﯔﯕ ﯖ

Kamar wancan ne Muke shigar da shi* a cikin zukãtan mãsu laifi.
____________________
* Shirki da kãfirci da ƙaryatãwa, su duka izgili ne da addini.

Verse 13

ﯗﯘﯙﯚﯛﯜﯝ ﯞ

Bã su yin ĩmãni da shi,(4( kuma haƙĩƙa, hanyar mutãnen farko ta shige.
____________________
* Annabi, tsira da amincin Allah su tabbata a gare shi. Hanyar mutãnen farko ta ƙaryata Manzanni har a lõkacin da Allah zai halaka su da azãbarsa.

Verse 14

ﯟﯠﯡﯢﯣﯤﯥﯦﯧ ﯨ

Kuma dã Mun bũɗe wata ƙõfa daga sama a kansu har suka wuni a ciki sunã tãkãwa.

Verse 15

ﯩﯪﯫﯬﯭﯮﯯﯰ ﯱ

Lalle ne dã sun ce: "Abin sani kawai, an rufe idãnuwanmu ne. Ã'a, mũ mutãne ne waɗanda aka sihirce."

Verse 16

ﭑﭒﭓﭔﭕﭖﭗ ﭘ

Kuma lalle ne, haƙĩƙa Mun sanya waɗansu masaukai a, cikin sama, kuma Muka ƙawãta ta ga masu kallo.

Verse 17

ﭙﭚﭛﭜﭝ ﭞ

Kuma Muka kiyãye ta daga dukan Shaiɗani wanda ake jĩfa.

Verse 18

ﭟﭠﭡﭢﭣﭤﭥ ﭦ

Fãce wanda ya sãci saurãre sai wutar yũlã bayyananniya ta bĩ shi.

Verse 19

ﭧﭨﭩﭪﭫﭬﭭﭮﭯﭰﭱ ﭲ

Kuma ƙasa Mun mĩkẽ ta kuma Mun jẽfa duwãtsu tabbatattu a cikinta kuma Mun tsirar a cikinta, daga dukan abu wanda ake aunãwa da sikẽli.

Verse 20

ﭳﭴﭵﭶﭷﭸﭹﭺ ﭻ

Kuma Muka sanyã muku, a cikinta, abũbuwan rãyuwã* da wanda ba ku zamã mãsu ciyarwa gare shi ba.
____________________
* Muka sanya muku abũbuwan rãyuwa a cikinta, kuma Muka mallaka muku bãyi waɗanda suke bã kũ ne kuke ciyar da su ba, Mũ ne ke ciyar da su game da ku duka. Wãtau aza abũbuwa a kan ma'auni shĩ ne maslaha rashin yarda da tsaron ma'aunin nan shĩ ne izgili.

Verse 21

ﭼﭽﭾﭿﮀﮁﮂﮃﮄﮅﮆ ﮇ

Kuma bãbu wani abu fãce a wurinMu, akwai taskõkĩnsa kuma ba Mu saukar da shi ba fãce kan gwargwado sananne.

Verse 22

ﮈﮉﮊﮋﮌﮍﮎﮏﮐﮑﮒﮓ ﮔ

Kuma Muka aika iskõki mãsu barbarar jũna sa'an nan Muka saukar da ruwa daga sama, sa'an nan Muka shãyar da ku shi, kuma ba ku zama mãsu taskacẽwa a gare shi ba.

Verse 23

ﮕﮖﮗﮘﮙﮚ ﮛ

Kuma lalle ne Mu Muke rãyarwa, kuma Muke kashẽwa kuma Mũ ne magada.

Verse 24

ﮜﮝﮞﮟﮠﮡﮢ ﮣ

Kuma lalle ne, haƙĩƙa, Mun san mãsu gabãta daga cikinku, kuma Mun san mãsu jinkiri.

Verse 25

ﮤﮥﮦﮧﮨﮩﮪﮫ ﮬ

Kuma lalle ne Ubangijinka Shĩ ne Yake tãra su, lalle Shĩ ne Mai hikima, Masani.

Verse 26

ﮭﮮﮯﮰﮱﯓﯔﯕ ﯖ

Kuma lalle ne Mun halicci mutum daga ƙeƙasasshiyar lãka, daga baƙin yumɓu wanda ya canja.

Verse 27

ﯗﯘﯙﯚﯛﯜﯝ ﯞ

Kuma Aljani Mun haliccẽ shi daga gabãni, daga wutar* iskar zafi.
____________________
* Halittar Ãdamu daga yumbu kekasasshe, ya fi daraja bisa halittar Shaiɗan daga harshen wuta, dõmin wuta tanã nũni ga sassabcin hankali da rashin natsuwa.

Verse 28

ﯟﯠﯡﯢﯣﯤﯥﯦﯧﯨﯩﯪ ﯫ

Kuma a lõkacin da Ubangijinka ya ce wa malã'iku: "Lalle Nĩ mai halittar wani jiki ne daga ƙẽƙasasshen yumɓu wanda ya canja."

Verse 29

ﯬﯭﯮﯯﯰﯱﯲﯳﯴ ﯵ

"To idan Na daidaitã shi kuma Na hũra daga RũhĩNa* a cikinsa, to, ku fãɗi a gare shi, kunã mãsu yin sujada."
____________________
* Wannan ya nũnã Ãdamu an yi halittarsa ne da lãka da Rũhi daga Allah kamar yadda aka halitta Isã, amincin Allah ya tabbata a gare shi. Sabõda haka halittar Ãdamu ta fi zama abin mãmãki daga halittar Ĩsã, dõmin Ĩsã asali guda kawai ya rasa daga halittar ɗiyan Adam ta al'ãda, amma halittar Ãdamu tã rasa dukan asalan biyu na uwa da na uba. Haka kuma halittar Hawwã'u, matar Ãdamu tã fi ta Ĩsã ban mãmãki dõmin rashin asalin uwa da ta yi inda ɗã yake ɗaukar lõkacin sũrantãwa, ya fi ban mãmãki daga rashin asalin uba.

Verse 30

ﯶﯷﯸﯹ ﯺ

Sai malã'iku suka yi sujada dukkansu gaba ɗaya.

Verse 31

ﯻﯼﯽﯾﯿﰀﰁ ﰂ

Fãce Iblĩs, ya ƙi kasancẽwa daga mãsu yin sujadar.

Verse 32

ﭑﭒﭓﭔﭕﭖﭗﭘ ﭙ

Ya ce: "Yã Iblĩs mẽne ne a gare ka, ba ka kasance tãre da mãsu yin sujuda ba?"

Verse 33

ﭚﭛﭜﭝﭞﭟﭠﭡﭢﭣﭤ ﭥ

Ya ce: "Ban kasance inã yin sujada ba ga mutum wanda Ka halicce shi daga bũsasshen yumɓun lãka wadda ta canja."

Verse 34

ﭦﭧﭨﭩﭪ ﭫ

Ya ce: "To, ka fita daga gare ta, dõmin lalle kai abin jĩfa ne."

Verse 35

ﭬﭭﭮﭯﭰﭱ ﭲ

"Kuma lalle ne akwai la'ana a kanka har ya zuwa rãnar sakamako."

Verse 36

ﭳﭴﭵﭶﭷﭸ ﭹ

Ya ce: "Yã Ubangjĩna! Sai Ka yi mini jinkiri zuwa rãnar da ake tãshin su."

Verse 37

ﭺﭻﭼﭽ ﭾ

Ya ce: "To, lalle ne kanã daga waɗanda ake yi wa jinkiri."

Verse 38

ﭿﮀﮁﮂ ﮃ

"Zuwa ga Yinin Lõkacin nan sananne."

Verse 39

ﮄﮅﮆﮇﮈﮉﮊﮋﮌﮍ ﮎ

Ya ce: "Yã Ubangijina! Inã rantsuwa da abin da Ka ɓatar da ni da shi, haƙĩƙa inã ƙawãta musu (rãyuwa) a cikin ƙasã kuma haƙĩƙa inã ɓatar da su gabã ɗaya."

Verse 40

ﮏﮐﮑﮒ ﮓ

"Fãce bãyinKa daga gare su, waɗanda Ka tsarkake."

Verse 41

ﮔﮕﮖﮗﮘ ﮙ

Ya ce: "Wannan tafarki ne a gare Ni, madaidaici."

Verse 42

ﮚﮛﮜﮝﮞﮟﮠﮡﮢﮣﮤ ﮥ

"Lalle ne bãyĩNa, bã ka da ĩkõ a kansu, fãce wanda ya bĩ ka daga ɓatattu."

Verse 43

ﮦﮧﮨﮩ ﮪ

Kuma lalle Jahannama ce haƙĩƙa, ma'akawartarsu gabã ɗaya.

Verse 44

ﮫﮬﮭﮮﮯﮰﮱﯓ ﯔ

Tanã da ƙõfõfi bakwai,* ga kõwace ƙõfa akwai wani juz'i daga gare su rababbe.
____________________
* Ƙõfofin Jahannama bakwai ne, watau ɗabaƙõƙinta ta farko ita ce Jahannama, sa'an nan Lazza, sa'an nan Alhuɗama sa'an nan Assa'ĩra, sa'an nan saƙar, sa'an nan Aljahĩm, sa'an nan Alhãwiya. Kõwace ɗabaƙa tanã da juz'i sananne, watau ƙõfa ga Yahudu, wata ga Nasãra, wata Saba'ãwa, wata ga Majũsãwa, wata ga Mushirikai, wata ga munãfukai, wata ga Musulmi waɗanda aka yi musu hushi (mummunan aiki). Anã fatan fita ga mãsu tauhĩdi daga gare ta. Ba a fatan kõme ga sauran, sunã dawwama a cikinta har abada.

Verse 45

ﯕﯖﯗﯘﯙ ﯚ

Lalle mãsu taƙawa sunã a cikin gidãjen Aljanna mai idandunan ruwa.

Verse 46

ﯛﯜﯝ ﯞ

"Ku shigẽ ta da aminci, kunã amintattu."

Verse 47

ﯟﯠﯡﯢﯣﯤﯥﯦﯧﯨ ﯩ

Kuma Muka ɗẽbe abinda ke a cikin zukãtansu na daga ƙullin zũci, suka zama 'yan'uwa a kan gadãje, sunã mãsu fuskantar junã.

Verse 48

ﯪﯫﯬﯭﯮﯯﯰﯱ ﯲ

Wata wahala bã zã ta shãfe su bã a cikinta kuma ba su zama mãsu fita daga, cikinta ba.

Verse 49

ﯳﯴﯵﯶﯷﯸﯹ ﯺ

Ka bai wa bãyiNa lãbari cẽwa lalle ne Ni, Mai gãfarane, Mai jin ƙai.

Verse 50

ﯻﯼﯽﯾﯿ ﰀ

Kuma azãbãTa ita ce azãba mai raɗaɗi.

Verse 51

ﰁﰂﰃﰄ ﰅ

Kuma ka bã su lãbãrin bãƙin Ibrãhĩm.

Verse 52

ﭑﭒﭓﭔﭕﭖﭗﭘﭙ ﭚ

A lõkacin da suka shiga gunsa, sai suka ce: "Sallama." Ya ce: "Lalle mũ, daga gare ku, mãsu firgita ne."

Verse 53

ﭛﭜﭝﭞﭟﭠﭡ ﭢ

Suka ce: "Kada ka firgita. Lalle ne mũ, munã yi makabushãra game da wani yãro masani."

Verse 54

ﭣﭤﭥﭦﭧﭨﭩﭪ ﭫ

Ya ce: "Shin kun bã ni bushãra* ne a kan tsũfa yã shãfe ni? To, da me kuke bã ni bushara?"
____________________
* Ibrahĩm yanã yi musu tambayã ne dõmin yanã ganin kamar sunã yi masa magana ta izgili ne a kan sãmun ɗã a bãyan tsũfansa da na mãtarsa. Sabõda haka suka gaya masa cewa sũ masu gaskiya ne.

Verse 55

ﭬﭭﭮﭯﭰﭱﭲ ﭳ

Suka ce: "Munã yi maka bushãra da gaskiya ne, sabõda haka, kada da kasance daga mãsu yanke tsammãni."

Verse 56

ﭴﭵﭶﭷﭸﭹﭺﭻ ﭼ

Ya ce: "Kuma wãne ne yake yanke tsammãni daga rahamar Ubangijinsa, fãce ɓatattu?"

Verse 57

ﭽﭾﭿﮀﮁ ﮂ

Ya ce: "To, mẽne ne babban al'amarinku? Yã kũ manzanni!"

Verse 58

ﮃﮄﮅﮆﮇﮈ ﮉ

Suka ce: "Lalle ne mũ, an aika mu zuwa ga wasu mutãne mãsu laifi."

Verse 59

ﮊﮋﮌﮍﮎﮏ ﮐ

"Fãce mutãnen Lũɗu, lalle ne mũ, haƙĩƙa, mãsu tsĩrar dasu ne gabã ɗaya."

Verse 60

ﮑﮒﮓﮔﮕﮖ ﮗ

"Fãce mãtarsa mun ƙaddara cẽwa lalle ne ita, haƙĩƙa, tanã daga mãsu halaka."

Verse 61

ﮘﮙﮚﮛﮜ ﮝ

To, a lõkacin da mazannin suka jẽ wa mutãnen Lũɗu,

Verse 62

ﮞﮟﮠﮡ ﮢ

Ya ce: "Lalle ne ku mutãne ne waɗanda ba a sani ba."

Verse 63

ﮣﮤﮥﮦﮧﮨﮩ ﮪ

Suka ce: "Ã'a, mun zo maka sabõda abin da suka kasance sunã shakka a cikinsa."

Verse 64

ﮫﮬﮭﮮ ﮯ

"Kuma mun zo maka da gaskiya. Kuma lalle ne mũ, haƙĩƙa, mãsu gaskiya ne."

Verse 65

ﮰﮱﯓﯔﯕﯖﯗﯘﯙﯚﯛﯜﯝﯞ ﯟ

"Sai ka yi tafiya da iyãlinka, a wani yanki na dare, kuma ka bi bãyansu, kuma kada wani daga cikinku ya yi waiwaye, kuma ku bi ta inda aka aumurce ku."

Verse 66

ﯠﯡﯢﯣﯤﯥﯦﯧﯨ ﯩ

Kuma Muka hukunta wancan al'amarin zuwa gare shi cẽwa lalle ne ƙarshen waɗancan abin yankẽwa ne a lõkacin da suke mãsu shiga asuba.

Verse 67

ﯪﯫﯬﯭ ﯮ

Kuma mutãnen alƙaryar suka je sunã mãsu bushãra.

Verse 68

ﯯﯰﯱﯲﯳﯴ ﯵ

Ya ce: "Lalle ne waɗannan bãƙĩna ne, sabõda haka kada ku kunyata ni."

Verse 69

ﯶﯷﯸﯹ ﯺ

"Kuma ku bi Allah da taƙawa, kuma kada ku sanya ni a baƙin ciki."

Verse 70

ﯻﯼﯽﯾﯿ ﰀ

Suka ce: "Ashe ba mu hana ka daga tãlikai ba?"

Verse 71

ﭑﭒﭓﭔﭕﭖ ﭗ

Ya ce: "Ga waɗannan, 'ya'yãna* idan kun kasance mãsu aikatãwa ne."
____________________
* Yanã nufin mãtan garin, dõmin Annabin mutãne shĩ ne ubansu.

Verse 72

ﭘﭙﭚﭛﭜ ﭝ

Rantsuwa da* rãyuwarka! Lalle ne sũ a cikin mãyensu sunã ta ɗĩmuwa.
____________________
* Allah Yã yi rantsuwã da rãyuwar Annabi Muhammadu, tsĩrã da amincin Allah su tabbata a gare shi. Wannan shĩ ne matuƙar girmamãwar wadda Allah Yake yi wa mutum. Kuma yanã nũna cewa rãyuwar Annabi tanã da muhimmanci ƙwarai.

Verse 73

ﭞﭟﭠ ﭡ

Sa'an nan tsãwa ta kãma su, sunã mãsu shiga lõkacin hũdõwar rãnã.

Verse 74

ﭢﭣﭤﭥﭦﭧﭨﭩ ﭪ

Sa'an nan Muka sanya samanta ya kõma ƙasanta, kuma Muka yi ruwan duwãtsu na lãkar wuta a kansu.

Verse 75

ﭫﭬﭭﭮﭯ ﭰ

Lalle ne a cikin wancan akwai ãyõyi ga mãsu tsõkaci da hankali.

Verse 76

ﭱﭲﭳ ﭴ

Kuma lalle ne ita, haƙĩƙa sunã a gẽfen wata hanyã tabbatacciya.*
____________________
* Hanya tabbatacciya ta mutãnen Makka zuwa Syria (Sham).

Verse 77

ﭵﭶﭷﭸﭹ ﭺ

Lalle ne a cikin wancan akwai ãyã ga mãsu ĩmãni.

Verse 78

ﭻﭼﭽﭾﭿ ﮀ

Kuma lalle ne ma'abũta Al'aika* sun kasance, haƙĩƙa, mãsu zãlunci!
____________________
* Ma'abũta Al'aika, sũ ne mutãnen shu'aibu.

Verse 79

ﮁﮂﮃﮄﮅ ﮆ

Sai Muka yi azãbar rãmuwã a gare su, kuma lalle sũ biyun, haƙĩƙa, sunã a gẽfen wani tafarki mabayyani.

Verse 80

ﮇﮈﮉﮊﮋ ﮌ

Kuma lalle ne haƙĩƙa ma'abũta Hijiri(5) sun ƙaryata Manzanni.
____________________
(5) Ma'abũta Hijiri, sũ ne samũdãwa.

Verse 81

ﮍﮎﮏﮐﮑ ﮒ

Kuma Kuka kai musu ãyõyinMu, sai suka kasance mãsu bijirẽwa daga gare su.

Verse 82

ﮓﮔﮕﮖﮗﮘ ﮙ

Kuma sun kasance sunã sassaƙa gidãje daga duwãtsu, alhãli sunã amintattu.

Verse 83

ﮚﮛﮜ ﮝ

Sai tsãwa ta kãma su sunã mãsu shiga asuba.

Verse 84

ﮞﮟﮠﮡﮢﮣ ﮤ

Sa'an nan abin da suka kasance sunã tsirfantãwa bai wadãtar ga barinsu ba.

Verse 85

ﮥﮦﮧﮨﮩﮪﮫﮬﮭﮮﮯﮰﮱﯓﯔﯕ ﯖ

Kuma ba Mu halicci sammai da ƙasa da abin da yake a tsakãninsu ba fãce da gaskiya. Kuma lalle ne Sã'a (Rãnar Alƙiyãma) haƙĩƙa mai zuwa ce. Sabõdahaka ka yi rangwame, rangwame mai kyau.

Verse 86

ﯗﯘﯙﯚﯛ ﯜ

Lalle ne Ubangijinka, shi ne Mai yawan halitta, Masani.

Verse 87

ﯝﯞﯟﯠﯡﯢﯣ ﯤ

Kuma lalle ne, haƙĩƙa, Mun bã ka bakwai waɗanda ake maimaita karatunsu(6) da Alƙur'ãni mai girma.
____________________
(6) Bakwai waɗanda ake maimaita karatunsu su ne Fãtiha mai ãyõyi bakwai. Anã karanta su a cikin kõwace raka'a ta salla.

Verse 88

ﯥﯦﯧﯨﯩﯪﯫﯬﯭﯮﯯﯰﯱﯲﯳ ﯴ

Kada lalle kaƙĩƙa idãnunka biyu zuwa ga abin da Muka jiyar da su dãɗi game da shi, nau'i-nau'i a gare su, kuma kada ka yi baƙin ciki a kansu, kuma sassauta fikãfikanka ga mãsu ĩmãni.

Verse 89

ﯵﯶﯷﯸﯹ ﯺ

Kuma ka ce: "Lalle nĩ nĩ ne mai gargaɗi bayyananne."

Verse 90

ﯻﯼﯽﯾ ﯿ

Kamar yadda Muka saukar a kan mãsu yin rantsuwa,(7)
____________________
(7) Mãsu rantsuwa a kan sãɓa wa Annabãwa, watau kamar sun yi rantsuwa wa bã zã su bi abin da Annabãwa suka zoda shi ba. Wãtau su ne mãsu tsananin izgili da addini.

Verse 91

ﭑﭒﭓﭔ ﭕ

Waɗanda suka sanya Alƙur'ãni tãtsuniyõyi.

Verse 92

ﭖﭗﭘ ﭙ

To, rantsuwa da Ubangijinka!* Haƙĩƙa, Munã tambayarsugabã ɗaya.
____________________
* Allah Ya yi rantsuwa da ZãtinSa a kan Shĩ ne Ubangijin Annabi Muhammadu tsira da aminci su tabbata a gare shi, dõmin Ya natsar da ransa daga tsõron mãsu yi masa izgili, kuma dõmin Ya ƙarfafa shi ga zartar da aikin da Ya sanya shi na iyar da Manzanci bã da wata fargaba ba.

Verse 93

ﭚﭛﭜ ﭝ

Daga abin da suka kasance sunã aikatãwa.

Verse 94

ﭞﭟﭠﭡﭢﭣ ﭤ

Sai ka tsage gaskiya game da abin da ake umurnin ka kuma ka kau da kai daga masu shirki.

Verse 95

ﭥﭦﭧ ﭨ

Lalle ne Mũ Mun isar maka daga mãsu* izgili.
____________________
* Mãsu tsananin izgili ga Annabi waɗanda Allah Ya isar masa daga gare su su biyar ne, daga Bani Asad bn Abdul'uzza bn Kusayyi akwai Aswadu bn el Muttalib, Abu zam'ah, kuma daga Bani Zuhrah akwai el Aswad bn Abdu Yagũth. Daga Bani Makhzumi akwai el walid bn Mugira. Daga Bani Sahmi akwai el Ãs bn wã'il. Daga Banĩ Khuzã'a akwai el Harith bn el-Tulãtilah. Su ne mãsu darajar mutãnensu. A lõkacin da suka dõge da sharri, Allah Ya hũtar da Annabi daga sharrinsu da nau'i-nau'i na masĩfu suka halaka. Dubi ƙarin bayãni daga tafsĩrin bn Kathĩr. tsare Annabi daga gare su, tun yanã shi kaɗaia Makka yã isa ya sanya shi ya dõgara ga Allah bãyan abubuwa sun ƙãra yawa da sauƙi.

Verse 96

ﭩﭪﭫﭬﭭﭮﭯﭰﭱ ﭲ

Waɗanda suke sanyãwar wani abin bautãwa na dabam tare da Allah, sa'an nan da sannu zã su sani.

Verse 97

ﭳﭴﭵﭶﭷﭸﭹ ﭺ

Kuma lalle ne haƙĩƙa Munã sanin cẽwa lalle kai, ƙirjinka yanã yin ƙunci game da abin da suke faɗã (na izgili).

Verse 98

ﭻﭼﭽﭾﭿﮀ ﮁ

Sabõda haka ka yi tasbĩhi game da gõde wa Ubangijinka, kuma ka kasance daga mãsu sujada.

Verse 99

ﮂﮃﮄﮅﮆ ﮇ

Kuma ka bauta wa Ubangijinka, har mutuwa ta zo maka.

Fassarar سورة الحجر

سورة الحجر

Fassarar Surar A-Hijr a الهوساوية daga الترجمة الهوساوية

الترجمة الهوساوية

الترجمة الهوساوية