Surah سورة الطور

Verse 1

ﮞ ﮟ

Inã rantsuwa da ¦ũr (Dũtsen Mũsã).

Verse 2

ﮠﮡ ﮢ

Da wani littãfi rubũtacce.

Verse 3

ﮣﮤﮥ ﮦ

A cikin wata takardar fãta shimfiɗaɗɗa.

Verse 4

ﮧﮨ ﮩ

Da Gidan da aka rãyar da shi (da ibãda).

Verse 5

ﮪﮫ ﮬ

Da rufin nan da aka ɗaukaka.

Verse 6

ﮭﮮ ﮯ

Da tẽkun nan da aka cika (da ruwa).

Verse 7

ﮰﮱﯓﯔ ﯕ

Lalle, azãbar Ubangijinka, haƙĩƙa, mai aukuwa ce.

Verse 8

ﯖﯗﯘﯙ ﯚ

Bã ta da mai tunkuɗẽwa.

Verse 9

ﯛﯜﯝﯞ ﯟ

Rãnar da samã ke yin mõtsi tanã kai kãwo.

Verse 10

ﯠﯡﯢ ﯣ

Kuma duwãtsu nã tafiya sunã shũɗẽwa.

Verse 11

ﯤﯥﯦ ﯧ

To, bone yã tabbata a rãnar nan ga mãsu ƙaryatãwa.

Verse 12

ﯨﯩﯪﯫﯬ ﯭ

Waɗanda suke a cikin kududdufi sunã wãsã.

Verse 13

ﯮﯯﯰﯱﯲﯳ ﯴ

Rãnar da zã a tunkuɗa su zuwa wutar Jahannama, tunkuɗãwa.

Verse 14

ﯵﯶﯷﯸﯹﯺ ﯻ

(A ce musu): "Wannan ita ce wutar da kuka kasance kunã ƙaryatãwa game da ita."

Verse 15

ﭑﭒﭓﭔﭕﭖ ﭗ

"To, shin wannan sihiri ne kõ kuwa kũ ne bã ku gani?"

Verse 16

ﭘﭙﭚﭛﭜﭝﭞﭟﭠﭡﭢﭣﭤ ﭥ

"Ku shigẽ ta. To, ku yi haƙuri ko kuma kada ku yi haƙuri, dai dai ne a kanku, kawai anã yi muku sakamakon abin da kuka kasance kunã aikatãwa."

Verse 17

ﭦﭧﭨﭩﭪ ﭫ

Lalle, mãsu taƙawa, sunã a cikin gidãjen Aljanna da wata ni'ima.

Verse 18

ﭬﭭﭮﭯﭰﭱﭲﭳ ﭴ

Sunã mãsu jin dãɗi da abin da Ubangijinsu Ya ba su, kuma Ubangijinsu Ya tsãre musu azãbar Jahĩm.

Verse 19

ﭵﭶﭷﭸﭹﭺ ﭻ

(A ce musu): "Ku ci, ku sha, da ni'ima, dõmin abin da kuka kasance kunã aikatãwa."

Verse 20

ﭼﭽﭾﭿﮀﮁﮂﮃ ﮄ

Sunã kishingiɗe a kan karagu waɗanda ke cikin sahu, kuma Muka aurar da su waɗansu mãtã mãsu farin idãnu, mãsu girmansu.

Verse 21

ﮅﮆﮇﮈﮉﮊﮋﮌﮍﮎﮏﮐﮑﮒﮓﮔﮕﮖﮗﮘ ﮙ

Kuma waɗanda suka yi ĩmãni kuma zũriyarsu *suka bĩ su ga ĩmãnin, Mun riskar da zũriyarsu da su, alhãli kuwa bã da Mun rage musu kõme ba daga aikinsu, kõwane mutum jingina ne ga abin da ya sana'anta.
____________________
* Wannan ãyã tanã nũna yadda wani ke ceton wani sabõda kusanci dõmin a ƙãra daukaka mai ceton. Sharaɗin ceton shĩ ne wanda ake ceton yanã da nãsa ĩmanin. Wanda jinginarsa ta halaka bãbu mai cetonsa. Zuriya ta haɗa uwãye da almajiran mãlami sãlihi. Suna shiga a cikin cetonsa.

Verse 22

ﮚﮛﮜﮝﮞ ﮟ

Kuma Muka yalwata musu 'ya'yan itãce da nãma irin wanda suke marmari.

Verse 23

ﮠﮡﮢﮣﮤﮥﮦﮧ ﮨ

Sunã mĩƙa wa jũnansu a cikinta hinjãlan giya, wadda bãbu yãsassar magana a cikinta, kuma bãbu jin nauyin zunubi.

Verse 24

ﮩﮪﮫﮬﮭﮮﮯﮰ ﮱ

Kuma waɗansu samãri nã gẽwayãwa a kansu, kamar dai sũ lu'ulu'u ne wanda ke kulle.

Verse 25

ﯓﯔﯕﯖﯗ ﯘ

Waɗansunsu suka fuskanta zuwa ga waɗansu, sunã tambayar jũna.

Verse 26

ﯙﯚﯛﯜﯝﯞﯟ ﯠ

Suka ce: "Lalle mũ mun kasance a gabãnin wannan (a dũniya) a cikin iyãlanmu munã jin tsõro."

Verse 27

ﯡﯢﯣﯤﯥﯦ ﯧ

"To, Allah Yã yi mana kyautar falala, kuma Yã tsare mana azãbar iskar zãfi."

Verse 28

ﯨﯩﯪﯫﯬﯭﯮﯯﯰﯱ ﯲ

"Lalle mũ mun kasance, a gãbanin haka, munã kiran sa. Lalle Shĩ, Shĩ ne Mai kyautatãwa, Mai rahama."

Verse 29

ﯳﯴﯵﯶﯷﯸﯹﯺ ﯻ

To, ka tunãtar kai fa sabõda ni'imar Ubangjinka, bã bõka kake ba, kuma bã mahaukaci ba.

Verse 30

ﯼﯽﯾﯿﰀﰁﰂ ﰃ

Shin zã su ce: "Mawãƙi ne, munã jiran, masĩfun mutuwa game da shĩ"?

Verse 31

ﰄﰅﰆﰇﰈﰉ ﰊ

Ka ce: "Ku yi jira, domin nĩ ma lalle inã a cikin mãsu jira tãre da ku."

Verse 32

ﭑﭒﭓﭔﭕﭖﭗﭘﭙ ﭚ

Shin, hankulansu ne ke umarin su da wannan, kõ kuwa sũ wasu mutãne ne mãsu ƙetare haddi?

Verse 33

ﭛﭜﭝﭞﭟﭠﭡ ﭢ

Shin, cẽwa suke yi: "Shi ne ke ƙãga faɗarsa"? Ã'a ba su dai yi ĩmãni ba.

Verse 34

ﭣﭤﭥﭦﭧﭨ ﭩ

Sai su zõ da wani lãbãri mai misãlinsa idan sun kasance sũmãsu gaskiya ne.

Verse 35

ﭪﭫﭬﭭﭮﭯﭰﭱ ﭲ

Shin, an halitta su ne bã daga kõme ba, kõ kuwa sũ ne mãsu yin halitta?

Verse 36

ﭳﭴﭵﭶﭷﭸﭹﭺ ﭻ

Shin, sun halitta sammai da ƙasa ne? Ã'a ba su dai yi ĩmãnin yaƙĩni ba.

Verse 37

ﭼﭽﭾﭿﮀﮁﮂ ﮃ

Shin, taskõkin Ubangijinka, sunã a wurinsu ne? Kõ kuwa sũ ne mãsu rinjãya?

Verse 38

ﮄﮅﮆﮇﮈﮉﮊﮋﮌﮍ ﮎ

Shin, sunã da wani tsãni ne wanda suke (hawa sunã) saurãron (lãbãrin samã) a cikinsa? Sai mai saurarõnsu ya zo da wani dalĩli bayyananne.

Verse 39

ﮏﮐﮑﮒﮓ ﮔ

Shin, Yanã da* 'ya'ya mãtã ne kuma kũ, kunã da ɗiya maza ne?
____________________
* Waɗansu Lãrãbawa sunãkiran Malã'ika 'ya'yan Allah mãtã, sunã kuma bauta musu dõmin su cece su daga Allah, suna yin gumãka da sũnansu.

Verse 40

ﮕﮖﮗﮘﮙﮚﮛ ﮜ

Shin, kanã tambayar su wata ijãra ne, sabõda haka suka zama mãsu jin nauyin biyan tãrar?

Verse 41

ﮝﮞﮟﮠﮡ ﮢ

Shin, a wurinsu akwai ilmin gaibi, sabõda haka sunã rubũtãwa?

Verse 42

ﮣﮤﮥﮦﮧﮨﮩﮪ ﮫ

Shin, sunã nufin wani kaidi ne? To, waɗanda suka kãfirta sũ ne waɗanda ake yi wa kaidi.

Verse 43

ﮬﮭﮮﮯﮰﮱﯓﯔﯕﯖ ﯗ

Shin, sunã da wani abin bautãwa ne wanda bã Allah ba? Tsarki ya tabbata ga Allah daga abin da suke yi na shirki!

Verse 44

ﯘﯙﯚﯛﯜﯝﯞﯟﯠ ﯡ

Kuma idan sun ga wani ɓaɓɓake daga samã yãnã fãɗuwa, sai su ce wani girgije ne, mai hauhawar jũna.

Verse 45

ﯢﯣﯤﯥﯦﯧﯨ ﯩ

To, ka bar su, sai sun haɗu da yinin nan da za a sũmar da su a cikinsa.

Verse 46

ﯪﯫﯬﯭﯮﯯﯰﯱﯲ ﯳ

Rãnar da kaidinsu bã ya wadãtar masu da kõme, kuma bã a taimakon su.

Verse 47

ﯴﯵﯶﯷﯸﯹﯺﯻﯼﯽ ﯾ

Kuma lalle, waɗannan da suka yi zãluncin, sunã da azãba (a nan dũniya) banda waccan, kuma mafi yawansu ba su sani ba.

Verse 48

ﯿﰀﰁﰂﰃﰄﰅﰆﰇﰈﰉ ﰊ

Sai ka yi hakuri da hukuncin Ubangijinka, lalle kai fa kanã idãnunMu, kuma ka tsarkake* Ubangijinka da (tasbĩhi) game da gõde Masa a lõkacin da kake tãshi tsaye (dõmin salla kõ wani abu).
____________________
* (Ma'anar ita ce tsarkakewa kõ tasbĩhi, 'tsare sallõli, farillai, anã cewa' faɗin "Subhãnal lãhi wal Hamdu Lillãhi" a bãyan kõwane mazauni, dõmin ya zama kaffãrar wannan mazaunin.

Verse 49

ﰋﰌﰍﰎﰏ ﰐ

Kuma daga dare, sai ka tsarkake Shi (da tasbĩhin) dalõkacin jũyãwar taurãri.

Fassarar سورة الطور

سورة الطور

Fassarar Surar At-Tur a الهوساوية daga الترجمة الهوساوية

الترجمة الهوساوية

الترجمة الهوساوية