Surah سورة الرحمن

Verse 1

ﭷ ﭸ

(Allah) Mai rahama.

Verse 2

ﭹﭺ ﭻ

Yã sanar da Alƙur'ani.

Verse 3

ﭼﭽ ﭾ

Yã halitta mutum.

Verse 4

ﭿﮀ ﮁ

Yã sanar da shi bayãni (magana).

Verse 5

ﮂﮃﮄ ﮅ

Rãnã da watã a kan lissãfi suke.

Verse 6

ﮆﮇﮈ ﮉ

Kuma tsirrai mãsu yãɗo da itãce sunã tawãlu'i.

Verse 7

ﮊﮋﮌﮍ ﮎ

Kuma samã Ya ɗaukaka ta, Kuma Yã aza sikẽli.

Verse 8

ﮏﮐﮑﮒ ﮓ

Dõmin kada ku karkatar da sikẽlin.

Verse 9

ﮔﮕﮖﮗﮘﮙ ﮚ

Kuma ku daidaita awo da ãdalci, kuma kada ku rage sikẽlin.

Verse 10

ﮛﮜﮝ ﮞ

Kuma ƙasã Yã aza ta dõmin tãlikai.

Verse 11

ﮟﮠﮡﮢﮣ ﮤ

A cikinta akwai 'ya'yan itãcen marmari da dabĩno mai kwasfa.

Verse 12

ﮥﮦﮧﮨ ﮩ

Da ƙwãya mai sõshiya da ƙamshi.

Verse 13

ﮪﮫﮬﮭ ﮮ

To, sabõda wanne daga ni'imõmin Ubangjinku *kuke ƙaryatãwa?
____________________
* Asalin lamiri "ku" yanã nũni ne ga nau'i biyu, watau mutãne da aljannu, sai dai bãbu lamirin abu biyu kawai a cikin Hausa, sai na jama'a. Jam'i a luggar Hausa ya fara daga biyu.

Verse 14

ﮯﮰﮱﯓﯔ ﯕ

Yã halitta mutum daga ƙẽkasasshen yumɓu kumar kasko.

Verse 15

ﯖﯗﯘﯙﯚﯛ ﯜ

Kuma ya halitta aljani daga bira daga wutã.

Verse 16

ﯝﯞﯟﯠ ﯡ

To, sabõda wanne daga ni'imõmin Ubangijinku, kuke ƙaryatãwa?

Verse 17

ﯢﯣﯤﯥ ﯦ

Ubangjin mafita biyu na rãnã, kuma Ubangijin mafãɗã biyu na rãnã.

Verse 18

ﯧﯨﯩﯪ ﯫ

To, sabõda wanne daga ni'imõmin Ubangijinku, kuke ƙaryatãwa?

Verse 19

ﭑﭒﭓ ﭔ

Yã garwaya tẽku biyu (ruwan dãɗi da na zartsi) sunã haɗuwa.

Verse 20

ﭕﭖﭗﭘ ﭙ

A tsakãninsu akwai shãmaki, bã za su ƙetare haddi ba.

Verse 21

ﭚﭛﭜﭝ ﭞ

To, sabõda wanne daga ni'imõmin Ubangijinku, kuke ƙaryatãwa?

Verse 22

ﭟﭠﭡﭢ ﭣ

Lu'ulu'u da murjãni na fita daga gare su.

Verse 23

ﭤﭥﭦﭧ ﭨ

To, sabõda wanne daga ni'imõmin Ubangijinku, kuke ƙaryatãwa?

Verse 24

ﭩﭪﭫﭬﭭﭮ ﭯ

Kuma Yanã da manyan jirãge, waɗanda ake ƙãgãwa a cikin tẽku kamar manyan duwãtsu.

Verse 25

ﭰﭱﭲﭳ ﭴ

To, sabõda wanne daga ni'imõmin Ubangijinku, kuke ƙaryatãwa?

Verse 26

ﭵﭶﭷﭸ ﭹ

Dukkan wanda ke kanta* mai ƙãrẽwa ne.
____________________
* Yanã nufin ƙasa.

Verse 27

ﭺﭻﭼﭽﭾﭿ ﮀ

Kuma Fuskarar Ubangijinka, Mai girman Jalala da karimci, ita ce take wanzuwa.

Verse 28

ﮁﮂﮃﮄ ﮅ

To, sabõda wanne daga ni'imõmin Ubangijinku, kuke ƙaryatãwa?

Verse 29

ﮆﮇﮈﮉﮊﮋﮌﮍﮎﮏﮐ ﮑ

wanda ke a cikin sammai da ƙasã yanã rõƙon Sa (Allah), a kullum Allah na a cikin wani sha'ani.

Verse 30

ﮒﮓﮔﮕ ﮖ

To, sabõda wanne daga ni'imõmin Ubangijinku, kuke ƙaryatãwa?

Verse 31

ﮗﮘﮙﮚ ﮛ

Zã mu ɗauki lõkaci sabõda ku, yã kũ *mãsu nauyin halitta biyu!
____________________
* Mutãne da aljannu.

Verse 32

ﮜﮝﮞﮟ ﮠ

To, sabõda wanne daga ni'imõmin Ubangijinku, kuke ƙaryatãwa?

Verse 33

ﮡﮢﮣﮤﮥﮦﮧﮨﮩﮪﮫﮬﮭﮮﮯﮰﮱ ﯓ

Ya jama'ar aljannu da mutãne! Idan kunã iya zarcẽwa daga sãsannin sammai da ƙasã to ku zarce. Bã za ku iya zarcẽwaba fãce da wani dalĩli.

Verse 34

ﯔﯕﯖﯗ ﯘ

To, sabõda wanne daga ni'imõmin Ubangijinku, kuke ƙaryatãwa?

Verse 35

ﯙﯚﯛﯜﯝﯞﯟﯠ ﯡ

Anã sako wani harshe daga wata wutã a kanku, da narkakkiyar tagulla. To, bã zã ku nẽmi taimako ba?

Verse 36

ﯢﯣﯤﯥ ﯦ

To, sabõda wanne daga ni'imõmin Ubangijinku, kuke ƙaryatãwa?

Verse 37

ﯧﯨﯩﯪﯫﯬ ﯭ

Sa'an nan idan sama ta tsãge kuma ta zama jã kamar jar fãta.

Verse 38

ﯮﯯﯰﯱ ﯲ

To, sabõda wanne daga ni'imõmin Ubangijinku, kuke ƙaryatãwa?

Verse 39

ﯳﯴﯵﯶﯷﯸﯹﯺ ﯻ

To, a ran nan bã zã a tambayi wani mutum laifinsa ba, kuma haka aljani.

Verse 40

ﯼﯽﯾﯿ ﰀ

To, sabõda wanne daga ni'imõmin Ubangijinku, kuke ƙaryatãwa?

Verse 41

ﰁﰂﰃﰄﰅﰆ ﰇ

zã a iya sanin mãsu laifi da alãmarsu, sabõda haka sai a kãma kwarkaɗarsu da sãwãyensu.

Verse 42

ﭑﭒﭓﭔ ﭕ

To, sabõda wanne daga ni'imõmin Ubangijinku, kuke ƙaryatãwa?

Verse 43

ﭖﭗﭘﭙﭚﭛ ﭜ

Wannan Jahannama ce wadda mãsu laifi ke ƙaryatãwa game da ita.

Verse 44

ﭝﭞﭟﭠﭡ ﭢ

Sunã kẽwaya a tsakaninta da ruwan ɗimi mai tsananin tafasa.

Verse 45

ﭣﭤﭥﭦ ﭧ

To, sabõda wanne daga ni'imõmin Ubangijinku, kuke ƙaryatãwa?

Verse 46

ﭨﭩﭪﭫﭬ ﭭ

Kuma wanda ya ji tsõron tsayãwa a gaba ga Ubangijinsa yanã da Aljanna biyu.

Verse 47

ﭮﭯﭰﭱ ﭲ

To, sabõda wanne daga ni'imõmin Ubangijinku, kuke ƙaryatãwa?

Verse 48

ﭳﭴ ﭵ

Mãsu rassan itãce.

Verse 49

ﭶﭷﭸﭹ ﭺ

To, sabõda wanne daga ni'imõmin Ubangijinku, kuke ƙaryatãwa?

Verse 50

ﭻﭼﭽ ﭾ

A cikinsu akwai marẽmari biyu sunã gudãna.

Verse 51

ﭿﮀﮁﮂ ﮃ

To, sabõda wanne daga ni'imõmin Ubangijinku, kuke ƙaryatãwa?

Verse 52

ﮄﮅﮆﮇﮈ ﮉ

A cikinsu akwai nau'i biyu daga kõwane 'ya'yan itãcen marmari.

Verse 53

ﮊﮋﮌﮍ ﮎ

To, sabõda wanne daga ni'imõmin Ubangijinku, kuke ƙaryatãwa?

Verse 54

ﮏﮐﮑﮒﮓﮔﮕﮖﮗﮘ ﮙ

Sunã gincire a kan waɗansu shimfiɗu cikinsu tufãfin alharĩni mai kauri ne kuma nũnannun 'yã'yan itãcen Aljannar biyu kusakusa suke.

Verse 55

ﮚﮛﮜﮝ ﮞ

To, sabõda wanne daga ni'imõmin Ubangijinku, kuke ƙaryatãwa?

Verse 56

ﮟﮠﮡﮢﮣﮤﮥﮦﮧ ﮨ

A cikinsu akwai mãtã mãsu taƙaita ganinsu, wani mutum, gabanin mazajensu bai ɗebe budurcinsu ba kuma haka wani aljani.

Verse 57

ﮩﮪﮫﮬ ﮭ

To, sabõda wanne daga ni'imõmin Ubangijinku, kuke ƙaryatãwa?

Verse 58

ﮮﮯﮰ ﮱ

Kamar dai su yaƙũtu ne da murjãni.

Verse 59

ﯓﯔﯕﯖ ﯗ

To, sabõda wanne daga ni'imõmin Ubangijinku, kuke ƙaryatãwa?

Verse 60

ﯘﯙﯚﯛﯜ ﯝ

Shin, kyautatãwa nã da wani sakamako? (Ã'aha) fãce kyautatãwa.

Verse 61

ﯞﯟﯠﯡ ﯢ

To, sabõda wanne daga ni'imõmin Ubangijinku, kuke ƙaryatãwa?

Verse 62

ﯣﯤﯥ ﯦ

Kuma baicinsu akwai waɗansu gidãjen Aljanna biyu.

Verse 63

ﯧﯨﯩﯪ ﯫ

To, sabõda wanne daga ni'imõmin Ubangijinku, kuke ƙaryatãwa?

Verse 64

ﯬ ﯭ

Mãsu duhun inuwa.

Verse 65

ﯮﯯﯰﯱ ﯲ

To, sabõda wanne daga ni'imõmin Ubangijinku, kuke ƙaryatãwa?

Verse 66

ﯳﯴﯵ ﯶ

A cikinsu akwai marẽmari biyu masu kwarãrar ruwa.

Verse 67

ﯷﯸﯹﯺ ﯻ

To, sabõda wanne daga ni'imõmin Ubangijinku, kuke ƙaryatãwa?

Verse 68

ﯼﯽﯾﯿ ﰀ

A cikinsu akwai 'ya'yan itãcen marmari da dabĩno darummãni.

Verse 69

ﰁﰂﰃﰄ ﰅ

To, sabõda wanne daga ni'imõmin Ubangijinku, kuke ƙaryatãwa?

Verse 70

ﭑﭒﭓ ﭔ

A cikinsu, akwai wasu mãtã mãsu kyaun hãlãye, mãsu kyaun halitta.

Verse 71

ﭕﭖﭗﭘ ﭙ

To, sabõda wanne daga ni'imõmin Ubangijinku, kuke ƙaryatãwa?

Verse 72

ﭚﭛﭜﭝ ﭞ

Mãsu farin idãnu da baƙinsu waɗanda aka tsare a cikin haimõmi.

Verse 73

ﭟﭠﭡﭢ ﭣ

To, sabõda wanne daga ni'imõmin Ubangijinku, kuke ƙaryatãwa?

Verse 74

ﭤﭥﭦﭧﭨﭩ ﭪ

Wani mutum, gabanin mazajensu bai ɗẽbe budurcinsu ba, kuma haka wani aljani.

Verse 75

ﭫﭬﭭﭮ ﭯ

To, sabõda wanne daga ni'imõmin Ubangijinku, kuke ƙaryatãwa?

Verse 76

ﭰﭱﭲﭳﭴﭵ ﭶ

Sunã gincire a kan wasu matãsai mãsu kõren launi da katĩfun Abkara kyãwãwa.

Verse 77

ﭷﭸﭹﭺ ﭻ

To, sabõda wanne daga ni'imõmin Ubangijinku, kuke ƙaryatãwa?

Verse 78

ﭼﭽﭾﭿﮀﮁ ﮂ

Sũnan Ubangjinka, Mai girman Jalãla da Karimci, ya tsarkaka.

Fassarar سورة الرحمن

سورة الرحمن

Fassarar Surar Ar-Rahman a الهوساوية daga الترجمة الهوساوية

الترجمة الهوساوية

الترجمة الهوساوية