Surah سورة الدخان

Verse 1

ﭑ ﭒ

Ḥ. M̃.

Verse 2

ﭓﭔ ﭕ

Inã rantsuwa da Littãfi Mabayyani.

Verse 3

ﭖﭗﭘﭙﭚﭛﭜﭝﭞ ﭟ

Lalle ne, Mũ, Muka saukar da shi a cikin wani dare mai albarka. Lalle Mũ' Mun kasance Mãsu yin gargaɗi.

Verse 4

ﭠﭡﭢﭣﭤ ﭥ

A cikinsa (shi daren) ake rarrabe kõwane umurui bayyananne.

Verse 5

ﭦﭧﭨﭩﭪﭫﭬ ﭭ

Umurni na daga wurinMu. Lalle Mũ ne Muka kasanceMãsu aikãwã.

Verse 6

ﭮﭯﭰﭱﭲﭳﭴﭵ ﭶ

Sabõda rahama daga Ubangijinka. Lalle Shĩ, Shi ne Mai ji, Mãsani.

Verse 7

ﭷﭸﭹﭺﭻﭼﭽﭾﭿ ﮀ

(Shĩ ne) Ubangijin sammai da ƙasa da abin da ke a tsakãninsu, idan kun kasance mãsu yaƙĩni (za ku gãne haka).

Verse 8

ﮁﮂﮃﮄﮅﮆﮇﮈﮉﮊﮋ ﮌ

Babu abin bautãwa fãce Shi. Yana rãyarwa Kuma Yana kashẽwa. (Shi ne) Ubangijinku, kuma Ubangijin ubanninku na farko.

Verse 9

ﮍﮎﮏﮐﮑ ﮒ

A'a sũ, sunã wãsã a cikin shakka.

Verse 10

ﮓﮔﮕﮖﮗﮘ ﮙ

Sabõda haka, ka dakata rãnar da sama zã tã zo da hayãƙi bayyananne.

Verse 11

ﮚﮛﮜﮝﮞﮟ ﮠ

Yanã rufe mutãne. Wannan wata azãba ce mai raɗaɗi.

Verse 12

ﮡﮢﮣﮤﮥﮦ ﮧ

Ya Ubangijinmu! Ka kuranye mana azãba. Lalle Mũ, mãsu ĩmãni ne.

Verse 13

ﮨﮩﮪﮫﮬﮭﮮ ﮯ

Inã tunãwa take a gare su, alhãli kuwa, haƙĩƙa, Manzo mai bayyanãwa Ya je musu (da gargaɗin saukar azãbar, ba su karɓa ba)?

Verse 14

ﮰﮱﯓﯔﯕﯖ ﯗ

Sa'an nan suka jũya baya daga gare shi, Kuma suka ce: "Wanda ake gayãwa* ne, mahaukaci."
____________________
* Sunã nufin waɗansu mutãne ne ke gaya wa Annabi Alƙur'ãni, kõ kuma daga alãma watau wai Annabi taɓaɓɓe ne, mahaukaci. Taɓaɓɓe da mahaukaci duka ma'anarsu guda ce, watau marashin hankali,wanda aka yi wa alãma da rashin hankali.

Verse 15

ﯘﯙﯚﯛﯜﯝﯞ ﯟ

Lalle Mũ, Mãsu kuranyẽwar azãba ne, a ɗan lõkaci kaɗan, lalle kũ, mãsu kõmãwa ne (ga laifin).

Verse 16

ﯠﯡﯢﯣﯤﯥ ﯦ

Rãnar da Muke damƙa, damƙa mafi girma, lalle ne Mũ mãsu azãbar rãmuwa ne.

Verse 17

ﯧﯨﯩﯪﯫﯬﯭﯮﯯ ﯰ

Kuma lalle ne haƙĩƙa a gabaninsu, Mun fitini mutãnen Fir'auna, kuma wani Manzo karĩmi ya jẽ musu.

Verse 18

ﯱﯲﯳﯴﯵﯶﯷﯸﯹﯺ ﯻ

(Mazon ya ce): "Ku kãwo mini (ĩmãninku) ya bayin Allah! Lalle ni, Manzo ne amintacce zuwa gare ku."

Verse 19

ﭑﭒﭓﭔﭕﭖﭗﭘﭙﭚ ﭛ

"Kuma kada ku nẽmi ɗaukaka a kan Allah. Lalle nĩ mai zo muku ne da dalĩli bayyananne."

Verse 20

ﭜﭝﭞﭟﭠﭡ ﭢ

"Kuma lalle nĩ na nẽmi tsari da Ubangijĩna, kuma Ubangijinku, dõmin kada ku jẽfe ni."

Verse 21

ﭣﭤﭥﭦﭧ ﭨ

"Kuma idan ba ku yi ĩmãni sabõda nĩ ba, to, ku nĩsance ni."

Verse 22

ﭩﭪﭫﭬﭭﭮ ﭯ

Sai ya kirayi Ubangjinsa cẽwa waɗannan mutãnene mãsu laifi.

Verse 23

ﭰﭱﭲﭳﭴ ﭵ

(Allah Ya ce): "To, ka yi tafiyar dare da bayiNa, da dare. Lalle kũ, waɗanda ake bĩ ne (dõmin a kãma ku.)"

Verse 24

ﭶﭷﭸﭹﭺﭻﭼ ﭽ

"Kuma ka bar tẽku rarrabe. Lalle sũ, runduna ce abar nutsarwa."

Verse 25

ﭾﭿﮀﮁﮂ ﮃ

Da yawa suka bar gõnaki da marẽmari.

Verse 26

ﮄﮅﮆ ﮇ

Da shuke-shuke da matsayi mai kyau.

Verse 27

ﮈﮉﮊﮋ ﮌ

Da wata ni'ima da suka kasance a cikinta sunã mãsu hutu.

Verse 28

ﮍﮎﮏﮐﮑ ﮒ

Kamar haka! Kuma Muka gãdar da ita ga waɗansu mutãne na dabam.

Verse 29

ﮓﮔﮕﮖﮗﮘﮙﮚ ﮛ

Sa'an nan samã da ƙasã ba su yi kũka *a kansu ba, Kuma ba su kasance waɗanda ake yi wa jinkiri ba.
____________________
* Watau sama da ƙasa ba su girgizu ba sabõda halaka su da aka yi kamar ba a yi, kõme ba.

Verse 30

ﮜﮝﮞﮟﮠﮡﮢ ﮣ

Kuma lalle ne, haƙĩƙa Mun tsĩrar da Banĩ Isrã'ĩla daga, azãba mai wulãkantãwa.

Verse 31

ﮤﮥﮦﮧﮨﮩﮪﮫ ﮬ

Daga Fir'auna. Lalle shi, ya kasance maɗaukaki daga cikin mãsu ɓarna.

Verse 32

ﮭﮮﮯﮰﮱﯓ ﯔ

Kuma lalle ne, haƙĩƙa, Mun zãɓe su sabõda wani ilmi (na Taurata) a kan mutãne.

Verse 33

ﯕﯖﯗﯘﯙﯚﯛ ﯜ

Kuma Muka bã su, daga ãyõyin mu'ujizõji, abin da yake a cikinsa, akwai ni'ima bayyananna*
____________________
* An bai wa Banĩ lsrã'ĩla ni'imar ilmi na Taurãta, an ɗaukaka su, sabõda aiki da ilmin, a kan sauran mutãnen zãmaninsu, kuma aka bã su ãyõyin mu'ujiza kamar tsãge teku da mannu da salwa da sauransu, amma kuma dukkan waɗannan ni'imomĩn sai da suka gushe a lõkacin da suka sãɓawa umurnin Allah, sai kuma ƙasƙanci ya maye musu daga bãya. Wannan kuma wa'azi ne ga Musulmi waɗanda Allah Ya ɗaukaka su da Alƙur'ãni a kan sauran mutãne, idan sun kauce masa zã su wulãkantu.

Verse 34

ﯝﯞﯟ ﯠ

Lalle waɗannan mutãne*, haƙĩka, sunã cẽwa,
____________________
* Anã nufin mutãnen zãmanin Annabi Muhammadu, tsĩra da aminci su tabbata a gare shi, waɗanda ake kiran su zuwa ga Musulunci.

Verse 35

ﯡﯢﯣﯤﯥﯦﯧﯨ ﯩ

"Babu wani abu sai mutuwarmu ta farko, kuma ba mu zama waɗanda ake tãyarwa ba."

Verse 36

ﯪﯫﯬﯭﯮ ﯯ

"Sai ku zo da ubanninmu, idan kun kasance mãsu gaskiya."

Verse 37

ﯰﯱﯲﯳﯴﯵﯶﯷﯸﯹﯺﯻﯼ ﯽ

shin, sũ ne mafĩfĩta kõ kuwa mutãnen Tubba'u, kuma da waɗanda ke a gabãninsu? Mun halaka su, lalle sũ, sun kasance mãsu laifi.

Verse 38

ﯾﯿﰀﰁﰂﰃﰄ ﰅ

Kuma ba Mu halitta slmmai da ƙasa da abin da ke a tsakãninsu ba, alhãli kuwa Munã mãsu wãsã.

Verse 39

ﰆﰇﰈﰉﰊﰋﰌﰍ ﰎ

Ba Mu halitta su ba fãce da manufa ta gaskiya, kuma amma mafi yawansu, ba su sani ba.

Verse 40

ﭑﭒﭓﭔﭕ ﭖ

Lalle rãnar rarrabẽwa, ita ce lõkacin wa'adinsu gabã ɗaya.

Verse 41

ﭗﭘﭙﭚﭛﭜﭝﭞﭟﭠ ﭡ

Rãnar da wani zumu bã ya amfãnin wani zumu da kõme kuma ba su zama anã taimakon su ba.

Verse 42

ﭢﭣﭤﭥﭦﭧﭨﭩ ﭪ

fãce wanda Allah Ya yi wa rahama. Lalle Shi (Allah), shĩ ne Mabuwãyi, Mai jin ƙai.

Verse 43

ﭫﭬﭭ ﭮ

Lalle itãciyar zaƙƙũm (ɗanyen wutã),

Verse 44

ﭯﭰ ﭱ

Ita ce abincin mai laifi.

Verse 45

ﭲﭳﭴﭵ ﭶ

Kamar narkakken kwalta yanã tafasa a cikin cikunna.

Verse 46

ﭷﭸ ﭹ

Kamar tafasar ruwan zãfi.

Verse 47

ﭺﭻﭼﭽﭾ ﭿ

(A cẽ wa malã'ikun wutã), "Ku kãmã shi, sa'an nan ku fizge shi zuwa ga tsakiyar Jahĩm."

Verse 48

ﮀﮁﮂﮃﮄﮅﮆ ﮇ

"Sa'an nan ku zuba, a kansa, daga azãbar ruwan zãfi."

Verse 49

ﮈﮉﮊﮋﮌ ﮍ

(A ce masã), "Ka ɗanɗana! Lalle kai, kai ne mabuwãyi mai girma!"

Verse 50

ﮎﮏﮐﮑﮒﮓ ﮔ

"Lalle wannan, shi ne abin da kuka kasance kunã shakka game da shi."

Verse 51

ﮕﮖﮗﮘﮙ ﮚ

Lalle mãsu taƙawa sunã cikin matsayi amintacce.

Verse 52

ﮛﮜﮝ ﮞ

A cikin gidãjen Aljanna da marẽmari.

Verse 53

ﮟﮠﮡﮢﮣ ﮤ

Sunã tufanta daga tufãfin alharĩni raƙĩƙi, da mai kauri, sunã mãsu zaman fuskantar jũna.

Verse 54

ﮥﮦﮧﮨ ﮩ

Kamar haka, kuma Mun aurar da su da mãtã mãsu kyaun idãnu, mãsu girmansu.

Verse 55

ﮪﮫﮬﮭﮮ ﮯ

Sunã kira, a cikinsu (gidẽjen) ga dukan 'ya'yan itãcen marmari, sunã amintattu (daga dukan abin tsõro).

Verse 56

ﮰﮱﯓﯔﯕﯖﯗﯘﯙﯚﯛ ﯜ

Bã su ɗanɗanar mutuwa, a cikinsu, fãce mutuwar farko, kuma (Allah), Ya tsare musu azãbar Jahĩm.

Verse 57

ﯝﯞﯟﯠﯡﯢﯣﯤ ﯥ

Sabõda falala daga Ubangijinka. Wancan shi ne babban rabo, mai girma.

Verse 58

ﯦﯧﯨﯩﯪ ﯫ

Dõmin haka kawai Muka sauƙaƙar da shi (Alƙur'ãni) da harshenka, tsammãninsu, su riƙa tunãwa.

Verse 59

ﯬﯭﯮ ﯯ

Sai ka yi jira. Lalle sũ, mãsu jira ne.*
____________________
* Mãsu jira ne ga abin da zai sãme su idan ba su yi ĩmãni ba, watau ni'imar da aka ba su zã ta gushe ke nan dõmin ba su aiwatar da ita ba a kan umuruin Allah.

Fassarar سورة الدخان

سورة الدخان

Fassarar Surar Ad-Dukhan a الهوساوية daga الترجمة الهوساوية

الترجمة الهوساوية

الترجمة الهوساوية