Surah سورة الحاقة

Verse 1

ﮯ ﮰ

Kiran gaskiya!

Verse 2

ﮱﯓ ﯔ

Mẽne ne kiran gaskiya?

Verse 3

ﯕﯖﯗﯘ ﯙ

Kuma mẽ ya sanar da kai abin da ake cẽwa kiran gaskiya?

Verse 4

ﯚﯛﯜﯝ ﯞ

Samũdãwa da Ãdãwa sun ƙaryatar da kiran gaskiya mai dũkar zũciya!

Verse 5

ﯟﯠﯡﯢ ﯣ

To, amma Samũdãwa to, an halakãsu da tsãwa mai tsanani.

Verse 6

ﯤﯥﯦﯧﯨﯩ ﯪ

Kuma amma Ãdãwa to, an halaka su da wata iska mai tsananin sauti wadda ta ƙẽtare haddi.

Verse 7

ﯫﯬﯭﯮﯯﯰﯱﯲﯳﯴﯵﯶﯷﯸﯹﯺ ﯻ

(Allah) Ya hõre ta a kansu a cikin dare bakwai da yini takwas, biye da jũna, sabõda haka, kana ganin mutãne a cikinta kwance. Kamar sũ ƙirãruwan dabĩno ne, waɗanda suka fãɗi.

Verse 8

ﯼﯽﯾﯿﰀ ﰁ

To, kõ kanã ganin abin da ya yi saurã daga cikinsu?

Verse 9

ﭑﭒﭓﭔﭕﭖ ﭗ

Kuma Fir'auna yã zo da waɗanda ke gabãninsa, da waɗannan da aka kife ƙasarsu, sabõda laifi.

Verse 10

ﭘﭙﭚﭛﭜﭝ ﭞ

Dõmin sun sãɓã wa manzon Ubangijinsu, sabõda haka ya kãmã su da wani irin kãmu mai ƙãruwar (tsanani).

Verse 11

ﭟﭠﭡﭢﭣﭤﭥ ﭦ

Lalle ne, Mũ, a lõkacin da ruwa ya ƙẽtare haddi, Munɗauke aaku a cikin jirgin ruwan nan.

Verse 12

ﭧﭨﭩﭪﭫﭬ ﭭ

Dõmin Mu sanya shi, gare ku abin tunãwa kuma wani kunne mai kiyayewa ya kiyaye (shi).

Verse 13

ﭮﭯﭰﭱﭲﭳ ﭴ

To, idan an yi bũsa a cikin ƙaho, bũsa ɗaya.

Verse 14

ﭵﭶﭷﭸﭹﭺ ﭻ

Kuma aka ɗauki ƙasa da duwãtsu, kuma aka niƙa su niƙãwa ɗaya.

Verse 15

ﭼﭽﭾ ﭿ

A ran nan, mai aukuwa zã ta auku.

Verse 16

ﮀﮁﮂﮃﮄ ﮅ

Kuma sama zã ta tsãge, dõmin ita a ran nan, mai rauni ce.

Verse 17

ﮆﮇﮈﮉﮊﮋﮌﮍﮎﮏ ﮐ

Kuma malã'iku (su bayyana) a kan sãsanninta, kuma wasu (malã'iku) takwas na ɗauke da Al'arshin Ubangijinka, a sama da su, a wannan rãnar.

Verse 18

ﮑﮒﮓﮔﮕﮖ ﮗ

A rãnar nan zã a bijirã ku (dõmin hisãbi), bãbu wani rai, mai ɓoyewa, daga cikinku, wanda zai iya ɓõyẽwa.

Verse 19

ﮘﮙﮚﮛﮜﮝﮞﮟﮠ ﮡ

To, amma wanda aka bai wa littãfinsa a dãmansa, sai ya ce wa (makusantansa), "Ku karɓa, ku karanta littafina."

Verse 20

ﮢﮣﮤﮥﮦ ﮧ

"Lalle ne ni, nã tabbata cewa ni mai haɗuwa da hisãbina ne."

Verse 21

ﮨﮩﮪﮫ ﮬ

Sabõda haka, shi yana cikin wata rãyuwa yardadda.

Verse 22

ﮭﮮﮯ ﮰ

A cikin Aljanna maɗaukakiya.

Verse 23

ﮱﯓ ﯔ

Nunannun 'yã'yan itãcenta makusantã ne (ga mai son ɗĩba),

Verse 24

ﯕﯖﯗﯘﯙﯚﯛﯜ ﯝ

(Ana ce musu) "Ku ci, kuma ku sha a cikin ni'ima, sabõda abin da kuka gabãtar a cikin kwãnukan da suka shige."

Verse 25

ﯞﯟﯠﯡﯢﯣﯤﯥﯦﯧ ﯨ

Kuma wanda aka bai wa littãfinsa ga hagunsa, sai ya ce: "Kaitona, ba a kãwo mini littãfina ba!"

Verse 26

ﯩﯪﯫﯬ ﯭ

"Kuma ban san abin da (ke sakamakon) hisãbina ba!"

Verse 27

ﯮﯯﯰ ﯱ

"In dã dai ita, tã kasance mai halakã ni gabã ɗaya ce!

Verse 28

ﯲﯳﯴﯵﯶ ﯷ

"Dukiyãta ba ta wadatar da ni ba!"

Verse 29

ﯸﯹﯺ ﯻ

"Ĩkona ya ɓace mini!"

Verse 30

ﯼﯽ ﯾ

(Sai a ce wa malã'iku) "Ku kãmã shi, sa'an nan ku sanyã shi a cikin ƙuƙumi."

Verse 31

ﯿﰀﰁ ﰂ

"Sa'an nan, a cikin Jahĩm, ku ƙõna shi."

Verse 32

ﰃﰄﰅﰆﰇﰈﰉ ﰊ

"Sa'an nan, acikin sarƙa, tsawonta zirã'i saba'in, sai ku sanya shi."

Verse 33

ﰋﰌﰍﰎﰏﰐ ﰑ

"Lalle ne, shi ya kasance ba ya yin ĩmãni da Allah, Mai girma!"

Verse 34

ﰒﰓﰔﰕﰖ ﰗ

"Kuma ba ya kwaɗaitarwa ga (bãyar da) abincin matalauci!"

Verse 35

ﰘﰙﰚﰛﰜ ﰝ

"Sabõda haka, a yau, a nan, bã ya da masõyi."

Verse 36

ﭑﭒﭓﭔﭕ ﭖ

"Kuma bãbu wani abinci, sai daga (itãcen) gislĩn."

Verse 37

ﭗﭘﭙﭚ ﭛ

"Bãbu mai cin sa sai mãsu ganganci."

Verse 38

ﭜﭝﭞﭟ ﭠ

To, ba sai Nã yi rantsuwa da abin da kuke iya gani ba,

Verse 39

ﭡﭢﭣ ﭤ

Da abin da bã ku iya gani.

Verse 40

ﭥﭦﭧﭨ ﭩ

Lalle ne, shi (Alƙur'ani) tabbas maganar wani manzo (Jibirilu) mai daraja ne.

Verse 41

ﭪﭫﭬﭭﭮﭯﭰﭱ ﭲ

Kuma shi ba maganar wani mawãƙi ba ne. Kaɗan ƙwarai zã ku gaskata.

Verse 42

ﭳﭴﭵﭶﭷﭸﭹ ﭺ

Kuma bã maganar bõka ba ne. Kaɗan ƙwarai zã ku iya tunãwa.

Verse 43

ﭻﭼﭽﭾ ﭿ

Abin saukarwã ne daga Ubangijin halitta duka.

Verse 44

ﮀﮁﮂﮃﮄ ﮅ

Kuma dã (Muhammadu) yã faɗi wata maganã, yã jingina ta garẽ Mu.

Verse 45

ﮆﮇﮈ ﮉ

Dã Mun kãma shi da dãma.

Verse 46

ﮊﮋﮌﮍ ﮎ

sa'an nan, lalle ne, dã Mun kãtse masa lakã.

Verse 47

ﮏﮐﮑﮒﮓﮔ ﮕ

Kuma daga cikinku bãbu wasu mãsu iya kãre (azãbarMu) daga gare shi.

Verse 48

ﮖﮗﮘ ﮙ

Kuma lalle ne shi (Alƙur'ãni) tanãtarwa ce ga mãsu taƙawa.

Verse 49

ﮚﮛﮜﮝﮞ ﮟ

Kuma lalle, ne Mũ, wallahi Munã sane da cẽwa daga cikinku alwwai mãsu ƙaryatãwa.

Verse 50

ﮠﮡﮢﮣ ﮤ

Kuma lalle ne shi (Alƙarãni) wallahi baƙin ciki ne ga kãfirai.

Verse 51

ﮥﮦﮧ ﮨ

Kuma lalle, ne shi gaskiya ce ta yaƙshẽni.

Verse 52

ﮩﮪﮫﮬ ﮭ

Sabõda haka, ka tsarkake sũnan Ubangjinka, mai girma.

Fassarar سورة الحاقة

سورة الحاقة

Fassarar Surar Al-Hakkah a الهوساوية daga الترجمة الهوساوية

الترجمة الهوساوية

الترجمة الهوساوية