Surah سورة النجم

Verse 1

ﭑﭒﭓ ﭔ

Inã rantsuwa da taurãron, a lõkacin da ya faku.

Verse 2

ﭕﭖﭗﭘﭙ ﭚ

Ma'abũcinku bai ɓata ba, kuma bai ƙẽtare haddi ba.

Verse 3

ﭛﭜﭝﭞ ﭟ

Kuma bã ya yin magana daga son zuciyarsa.

Verse 4

ﭠﭡﭢﭣﭤ ﭥ

(Maganarsa) ba ta zamo ba, fãce wahayi ne da ake aikõwa.

Verse 5

ﭦﭧﭨ ﭩ

(Malã'ika) mai tsananin ƙarfi *ya sanar da shi.
____________________
* Wahayin da ke zuwa ga Annabi bãbu ɓata a cikinsa dõmin Jibrilu mai kãwo shi ga Annabi, Malã'ika ne mai ƙarfi ƙwarai, wani Shaiɗãni bã ya iya taron sa dõmin ya musanya wahayin, kuma Annabi ya san shi sõsai, kuma idan ya kãwo wahayin, sai ya sauko kusa ƙwarai da Annabi, sa'an nan shi kuma Annabi ba rikitacce ba ne, yanã cikin hankalinsa.

Verse 6

ﭪﭫﭬ ﭭ

Ma'abũcin ƙarfi da kwarjini, sa'an nan ya daidaita.

Verse 7

ﭮﭯﭰ ﭱ

Alhãli kuwa yanã a sararin samã mafi aukaka.

Verse 8

ﭲﭳﭴ ﭵ

Sa'an nan ya kusanta, kuma ya matsa zurõwa.

Verse 9

ﭶﭷﭸﭹﭺ ﭻ

Har ya kasance gwargwadon zirã'i biyu, kõ kuma abin da ya fi kusa.

Verse 10

ﭼﭽﭾﭿﮀ ﮁ

Sa'an nan ya yi wahayi zuwa ga bãwan Allah (Muhammadu) da abin da ya faɗa (masa).

Verse 11

ﮂﮃﮄﮅﮆ ﮇ

Zũciyar (Annabi) bata ƙaryata abin da ya gani ba.

Verse 12

ﮈﮉﮊﮋ ﮌ

Shin, zã ku yi masa musu a kan abin da yake gani?

Verse 13

ﮍﮎﮏﮐ ﮑ

Kuma lalle ya gan shi, haƙĩƙatan, a wani lõkacin saukarsa.*
____________________
* Lamirin Malã'ika Jibrila ne.

Verse 14

ﮒﮓﮔ ﮕ

A wurin da magaryar tuƙẽwa take.

Verse 15

ﮖﮗﮘ ﮙ

A inda taken, nan Aljannar makoma take.

Verse 16

ﮚﮛﮜﮝﮞ ﮟ

Lõkacin da abin da yake rufe magaryar tuƙẽwa ya rufe ta.

Verse 17

ﮠﮡﮢﮣﮤ ﮥ

Ganinsa* bai karkata ba, kuma bai ƙetare haddi ba.
____________________
* Lamirin Malã'ika Jibrila ne.

Verse 18

ﮦﮧﮨﮩﮪﮫ ﮬ

Lalle, tabbas, (Annabinku) ya ga waɗanda suka fi girma* daga ãyõyin Ubangijinsa.
____________________
* Watau dai Alƙur'ani ya zo daga Allah ta hanya mafi aminci har ya sadu da mutãne dõmin su yi aiki da abin da ke cikinsa.

Verse 19

ﮭﮮﮯ ﮰ

Shin, kun ga Lãta da uzza?(5)
____________________
(5) Watau kun bar Alƙur'ani kun kõma wa surkullen da kuke haɗãwa game da gumãka su Lãta da Uzza da Manãta. Kuna cewa sũ wakĩlan Mala'ikun da kuke bautã wa ne kuma su 'ya'yan Allah mãtã ne. Sunã cetonku daga Allah.

Verse 20

ﮱﯓﯔ ﯕ

Da (wani gunki wai shi) Manãta, na ukunsu?

Verse 21

ﯖﯗﯘﯙ ﯚ

Ashe, kũ ne da ɗa namiji Shĩ (Allah) kuma da ɗiya mace?

Verse 22

ﯛﯜﯝﯞ ﯟ

Wannan fa ya zama rabo naƙasasshe.

Verse 23

ﯠﯡﯢﯣﯤﯥﯦﯧﯨﯩﯪﯫﯬﯭﯮﯯﯰﯱﯲﯳﯴﯵﯶﯷﯸﯹﯺ ﯻ

Waɗannan bã kõme ba ne fãce sũnãye, waɗanda kuka ambace su da su, kũ da uwãyenku. Allah bai saukar da wani dalĩli game da su ba. (Kãfirai) bã su biyar kõme fãce zato da abin da rãyukansu ke so, Alhãli kuwa shiriyar(6) ta daga wajen Ubangijinsu, ta jẽ musu (sai suka bar ta suka kõma wa zaton).
____________________
(6) Watau Alƙur'ani wanda Mala'ika jibrĩla ya zo wa Annabi da shi. Sun bar shi sun kõma wa tatsũniyõyi da gũrace-gũrace.

Verse 24

ﯼﯽﯾﯿ ﰀ

Ko (an fai cẽwa) mutum zai sãmi abin da yake gũri?

Verse 25

ﰁﰂﰃ ﰄ

To, Lãhira da dũniya na Allah kawai ne (wanda ya nẽme su daga wani, yã yi kuskure).

Verse 26

ﰅﰆﰇﰈﰉﰊﰋﰌﰍﰎﰏﰐﰑﰒﰓﰔﰕﰖﰗ ﰘ

Akwai malã'iku da yawa a cikin sammai cẽtonsu bã ya wadãtar da kõme fãce bãyan Allah Yã yi izni (da shi) ga wanda Yake so, kuma Yake yarda.

Verse 27

ﭑﭒﭓﭔﭕﭖﭗﭘﭙ ﭚ

Lalle waɗannan da bã su yin ĩmãni da Lãhira, haƙĩƙa sunã kiran malã'iku da sũnan mace.

Verse 28

ﭛﭜﭝﭞﭟﭠﭡﭢﭣﭤﭥﭦﭧﭨﭩﭪﭫﭬ ﭭ

Kuma bã su da wani ilmi game da shi, bã su bin kõme fãce zato alhãli kuwa lalle zato bã ya amfãnar da kõme daga gaskiya.

Verse 29

ﭮﭯﭰﭱﭲﭳﭴﭵﭶﭷﭸ ﭹ

Sabõda haka sai ka kau da kai daga wanda ya jũya bãya daga ambatonMu kuma bai yi nufin kõme ba fãce rãyuwar kusa (dũniya).

Verse 30

ﭺﭻﭼﭽﭾﭿﮀﮁﮂﮃﮄﮅﮆﮇﮈﮉﮊ ﮋ

Wannan ita ce iyãkar abin da suke iya kai gare shi na ilmi. lalle Ubangijinka Shĩ ne Mafi sanin wanda ya ɓace daga hanyarSa, kuma Shi ne Mafi sani ga wanda ya nẽmi shiriya.

Verse 31

ﮌﮍﮎﮏﮐﮑﮒﮓﮔﮕﮖﮗﮘﮙﮚﮛ ﮜ

Kuma abin da ke cikin sammai da abin da yake a cikin ƙasã na Allah kawai ne, dõmin Yã sãka wa waɗanda suka mũnana da abin da suka aikata, kuma Ya sãka wa waɗanda suki kyautata da sakamakon da ya fi kyau.

Verse 32

ﮝﮞﮟﮠﮡﮢﮣﮤﮥﮦﮧﮨﮩﮪﮫﮬﮭﮮﮯﮰﮱﯓﯔﯕﯖﯗﯘﯙﯚﯛﯜﯝﯞﯟﯠ ﯡ

Waɗanda ke nĩsantar manyan zunubai da abũbuwan alfãsha, fãce ƙanãnan laifuffuka, lalle Ubangijinka Mai yalwatattar gãfara ne, Shĩ ne Ya fi sani ga abinda ke gare ku a lõkacin da Ya ƙãga halittarku daga ƙasa, kuma a lõkacin da kuke tãyuna a cikin cikannan uwãyenku. Sabõda haka, kada ku tsarkake* kanku, Shĩ ne Mafi sani ga wanda ya yi taƙawa.
____________________
* Wanda yake mutumin kirki, Allah Ya san shi. Kada ku dinga tsarkake kanku da bãkunanku dõmin neman girma, kõ dõmin neman wani abu dabam.

Verse 33

ﯢﯣﯤ ﯥ

Shin, ka ga wannan da ya jũya baya?

Verse 34

ﯦﯧﯨ ﯩ

Ya yi kyauta kaɗan, kuma ya yi rowa?

Verse 35

ﯪﯫﯬﯭﯮ ﯯ

Shin, akwai ilmin gaibi a wurinsa, Sabõda haka yanã ganin gaibin?

Verse 36

ﯰﯱﯲﯳﯴﯵﯶ ﯷ

Ko kuwa ba a ba shi lãbãri ba ga abin da yake a cikin Littafan Mũsã?

Verse 37

ﯸﯹﯺ ﯻ

Da Ibrãhĩm wanda ya cika alkawari?

Verse 38

ﯼﯽﯾﯿﰀ ﰁ

Cẽwa wani rai mai kãyan laifi bã ya ɗaukar kãyan laifin wani.

Verse 39

ﰂﰃﰄﰅﰆﰇ ﰈ

Kuma mutum bã shi da kõme fãce abin da ya aikata.

Verse 40

ﰉﰊﰋﰌ ﰍ

Kuma lalle, aikinsa zã a gan shi.

Verse 41

ﰎﰏﰐﰑ ﰒ

Sa'an nan a sãka masa da sakamako wanda yake mafi cikar ma'auni?

Verse 42

ﰓﰔﰕﰖ ﰗ

Kuma lalle, makõmar zuwa Ubangijinka kawai take?

Verse 43

ﰘﰙﰚﰛ ﰜ

Kuma lalle, Shĩ, Shĩ ne Ya sanya dariya, kuma Ya sanya kũka.

Verse 44

ﰝﰞﰟﰠ ﰡ

Kuma lalle, Shĩ, Shĩ ne Ya kashe, kuma Ya rãyar.

Verse 45

ﭑﭒﭓﭔﭕ ﭖ

Kuma lalle Shĩ ne Ya yi halitta nau'i-nau'i, namiji da mace.

Verse 46

ﭗﭘﭙﭚ ﭛ

Daga wani ɗigon ruwa guda a lõkacin da ake jẽfa shi a cikin mahaifa.

Verse 47

ﭜﭝﭞﭟ ﭠ

Kuma a kansa ne ƙãga halitta ta biyu take.

Verse 48

ﭡﭢﭣﭤ ﭥ

Kuma lalle, Shĩ, Shĩ ne Ya azurta, kuma Ya wadãtar.

Verse 49

ﭦﭧﭨﭩ ﭪ

Kuma lalle, Shĩ, Shi ne Ubangijin Shi'ira.*
____________________
* Sũnan wasu taurãri biyu ne sunã fita a bãyan taurarin Jauza'a sunã tafiya daga kudu zuwa arewa karkace. Kabĩlar Lãrabãwa ta Khuza'a na bauta musu da umurnin Abu Kabshah, ɗaya daga cikin kãkannin Annabi na wajen uwa dõmin haka ne Ƙuraishãwa ke ce wa Annabi Ibn abĩ Kabshah, wanda ya ƙãga sãbon addinĩn da ya sãɓawa na ubanninsa.

Verse 50

ﭫﭬﭭﭮ ﭯ

Kuma lalle, Shĩ, Shĩ ne Ya halaka Ãdãwa na farko.

Verse 51

ﭰﭱﭲ ﭳ

Da Samũdãwa, sa'an nan bai rage su ba.

Verse 52

ﭴﭵﭶﭷﭸﭹﭺﭻﭼﭽ ﭾ

Da mutãnen Nũhu a gabãnin haka, lalle sũ sun kasance mafi zãlunci kuma mafi girman kai.

Verse 53

ﭿﮀ ﮁ

Da waɗanda aka birkice *ƙasarsu, Ya kãyar da su.
____________________
* Mutãnen Lũɗu da aka birkice ƙasarsu da su.

Verse 54

ﮂﮃﮄ ﮅ

Sa'an nan abin da ya rufe su, ya rufe su.

Verse 55

ﮆﮇﮈﮉ ﮊ

To, da wace daga ni'imõmin Ubangijinka kake *yin shakka?
____________________
* Kamar abõkin magana kõ mai karãtu.

Verse 56

ﮋﮌﮍﮎﮏ ﮐ

wannan (Muhammadu) mai gargaɗi ne kamar irin mãsu gargaɗi na farko.

Verse 57

ﮑﮒ ﮓ

Makusanciya* fa, tã yi kusa.
____________________
* Makusanciya ita ce Ƙiyãma.

Verse 58

ﮔﮕﮖﮗﮘﮙ ﮚ

Bãbu wani rai, banda Allah, mai iya bãyani gare ta.

Verse 59

ﮛﮜﮝﮞ ﮟ

Shin, kuma daga wannan (5)lãbãri kuke mãmãki?
____________________
(5) Al'ƙur'ãni.

Verse 60

ﮠﮡﮢ ﮣ

Kuma kunã yin dãriya, kuma bã ku yin kũka?

Verse 61

ﮤﮥ ﮦ

Alhãli kunã mãsu wãsã?

Verse 62

ﮧﮨﮩﮪ ﮫ

To, ku yi tawãli'u (6)ga Allah, kuma ku bauta (masa).
____________________
(6) Anã yin sujadar karatu a nan, amma bã ta a cikin sujadai na tĩlas.

Fassarar سورة النجم

سورة النجم

Fassarar Surar An-Najm a الهوساوية daga الترجمة الهوساوية

الترجمة الهوساوية

الترجمة الهوساوية