ترجمة معاني سورة ص باللغة اللوغندية من كتاب الترجمة اللوغندية - المؤسسة الإفريقية للتنمية

آية رقم 1

ﭑﭒﭓﭔﭕ ﭖ ​

1. Swad. Ndayidde Kur’ani ejjudde okujjukiza.

آية رقم 2

ﭗﭘﭙﭚﭛﭜ ﭝ ​

2. Wabula abaakaafuwala bali mu kwekuza na kuwalaaza mpaka.

آية رقم 3

ﭞﭟﭠﭡﭢﭣﭤﭥﭦﭧ ﭨ ​

3. Emirembe emeka gye twazikiriza oluberyeberye lwabwe, abaatuuka okukuba ebiwoobe (nga banoonya okutaasibwa), naye nga tewakyali buwonero.

آية رقم 4

ﭩﭪﭫﭬﭭﭮﭯﭰﭱﭲﭳ ﭴ ​

4. Nebeewuunya okuba nga omutiisa abajjira ng'ava mu bo, era abakaafiiri ne bagamba nti ono mulogo omulimba (awedde emirimu).

آية رقم 5

ﭵﭶﭷﭸﭹﭺﭻﭼﭽ ﭾ ​

5. Abaffe abasinzibwa abangi abafudde omu! mazima ekyo kintu ekyewunyisa ennyo.

آية رقم 6

ﭿﮀﮁﮂﮃﮄﮅﮆﮇﮈﮉﮊﮋ ﮌ ​

6. Ekibinja kya bakungu mu bo nekigenda (nga kikunga abantu) nti: mugende mu maaso era mugumiikirize mulemere ku ba katonda ba mmwe.

آية رقم 7

ﮍﮎﮏﮐﮑﮒﮓﮔﮕﮖ ﮗ ​

7. Mazima kino (eky'okubaggya ku ba katonda ba mmwe) kkobaane (Muhammad mwayagalira okuyita abaggye ku nsinza yammwe), kino tetukiwulirangako mu nzikiriza (ey'abagoberezi ba Issa) eyasembayo, kino tekiri okugyako kiyiiye (buyiiya).

آية رقم 8

ﮘﮙﮚﮛﮜﮝﮞﮟﮠﮡﮢﮣﮤﮥﮦﮧﮨ ﮩ ​

8. Muffe fenna yye (Muhammad) yassiddwaako obubaka! wabula (ekibaleetera obuzibu) lwa kuba bo bali mu kubuusabuusa okubuulirira kwange wabula (bakola ekyo) lwa kuba tebannakomba ku bibonerezo byange.

آية رقم 9

ﮪﮫﮬﮭﮮﮯﮰ ﮱ ​

9. Oba (kyebava beeyisa bwe batyo) lwakuba balina amawanika g'okusaasira kwa Mukama omulabirizi wo, nantakubwa ku mukono, omugabi.

آية رقم 10

ﯓﯔﯕﯖﯗﯘﯙﯚﯛﯜﯝ ﯞ ​

10. Oba bo balina obufuzi bw'eggulu omusanvu n'ensi n'ebyo ebiri wakati wa byombi, bwe kiba bwekityo, kale baleke bakozese kyonna kyebasobola bafuneyo byebaagala.

آية رقم 11

ﯟﯠﯡﯢﯣﯤ ﯥ ​

11. Bo, ggye eriri awo lya kuwangulwa, libalibwa mu bibinja (ebyawangulwa).

آية رقم 12

ﯦﯧﯨﯩﯪﯫﯬﯭ ﯮ ​

12. Mazima oluberyeberye lwabwe abantu ba Nuhu ne A-adi ne Farawo nannyini nkondo baalimbisa.

آية رقم 13

ﯯﯰﯱﯲﯳﯴﯵﯶ ﯷ ​

13. Ne ba Thamud n’abantu ba Luut n’abantu b’omukibira, ebyonno bye bibinja (ebyogeddwaako mu Aya 11).

آية رقم 14

ﯸﯹﯺﯻﯼﯽﯾ ﯿ ​

14. Tewali muntu yenna mwabo okugyako nga yalimbisa ababaka, olwo nno ebibonerezo byange nebikakata (ku bo).

آية رقم 15

ﰀﰁﰂﰃﰄﰅﰆﰇﰈﰉ ﰊ ​

15. Era abo tebalindirira okugyako lubwatuka lumu (oluliba olw'amaanyi) nga telwetaaga kuddibwamu mulundi mulala.

آية رقم 16

ﰋﰌﰍﰎﰏﰐﰑﰒ ﰓ ​

16. Era (abatakkiriza) bagamba nti ayi Mukama omulabirizi waffe twanguyirize omugabo gwaffe (ogw'ebibonerezo) ng'olunaku lw'okubalibwa terunnatuuka.

آية رقم 17

ﭑﭒﭓﭔﭕﭖﭗﭘﭙﭚﭛﭜ ﭝ ​

17. (Katonda agamba Nabbi Muhammad nti:) gumikiiriza ku bye boogera ojjukire omuddu waffe Dauda eyalina amaanyi amasuffu (awamu n'ekyo) yali adda nnyo eri Katonda.

آية رقم 18

ﭞﭟﭠﭡﭢﭣﭤ ﭥ ​

18. Mazima ffe twagonza ensozi neziba nga zitendereza awamu naye olweggulo n’obudde nga busaasaana.

آية رقم 19

ﭦﭧﭨﭩﭪﭫ ﭬ ​

19. Era twagonza n’ebinyonyi nga biri mu bibinja (byabyo) buli kimu ku byo nga kigondera Dauda (nebitendereza nga bwatendereza).

آية رقم 20

ﭭﭮﭯﭰﭱﭲ ﭳ ​

20. Era twanyweza obufuzibwe era netumuwa okumanya ensonga n’okusalawo ekituufu ku bigambo ebiba byogeddwa.

آية رقم 21

ﭴﭵﭶﭷﭸﭹﭺﭻ ﭼ ​

21. Abaffe amawulire g’abaakaayana bwe baawalampa ekisenge (Dauda mweyasinzizanga) gaakutuukako.

آية رقم 22

ﭽﭾﭿﮀﮁﮂﮃﮄﮅﮆﮇﮈﮉﮊﮋﮌﮍﮎﮏﮐﮑﮒﮓﮔﮕ ﮖ ​

22. Bwe baayingira Dauda weyali naabekanga nebagamba nti: totya (ffe) tuli abakaayana ababiri ng'omu kuffe asobezza munne, kale lamula wakati waffe n’amazima teweekubiira era otulage enkola entuufu.

آية رقم 23

ﮗﮘﮙﮚﮛﮜﮝﮞﮟﮠﮡﮢﮣﮤﮥ ﮦ ​

23. Mazima muganda wange ono alina endiga kyenda mu mwenda ng’ate nze nnina endiga emu, ate angamba nti gimpe ngikulundire ate nga ansinga ebigambo.

آية رقم 24

ﮧﮨﮩﮪﮫﮬﮭﮮﮯﮰﮱﯓﯔﯕﯖﯗﯘﯙﯚﯛﯜﯝﯞﯟﯠﯡﯢﯣﯤﯥﯦﯧﯨﯩﯪ ﯫ ​

24. (Dauda) naagamba nti: mazima akuyisizza bubi bwakusabye endiga yo agigatte ku ndigaze, ate nga bangi mu bagatta emirimu basobya bannaabwe, okugyako abo abakkiriza nebakola emirimu emirongoofu wabula ate abo batono, Dauda naamanya nti mazima tumugezesezza neyeegayirira Mukama omulabiriziwe naakutama ku maviivi neyeemenya era nadda eri Katonda.

آية رقم 25

ﯬﯭﯮﯯﯰﯱﯲﯳﯴﯵ ﯶ ​

25. Olwo nno ekyo netukimusonyiwa, era mazima alina gye tuli ekifo ekyo ku mwanjo n’obuddo obulungi.

آية رقم 26

ﯷﯸﯹﯺﯻﯼﯽﯾﯿﰀﰁﰂﰃﰄﰅﰆﰇﰈﰉﰊﰋﰌﰍﰎﰏﰐﰑﰒﰓﰔﰕ ﰖ ​

26. Owange Dauda mazima ffe twakufuula omusigire ku nsi, lamula wakati wa bantu mu mazima era togobereranga okwagala (kwo) nekukubuza okuva ku kkubo lya Katonda, mazima abo abaabula nebava ku kkubo lya Katonda, balifuna ebibonerezo ebikakali olw'ebyo ebyabeerabiza olunaku lw'okubalibwa.

آية رقم 27

ﭑﭒﭓﭔﭕﭖﭗﭘﭙﭚﭛﭜﭝﭞﭟﭠﭡﭢ ﭣ ​

27. Eggulu n'ensi n'ebyo ebiri wakati wa byombi, tetwabitonda nga bya lusaago, eyo ndowooza yaabo abaakaafuwala, kale nno okubonaabona okw'omuliro kuliba ku abo abaakaafuwala.

آية رقم 28

ﭤﭥﭦﭧﭨﭩﭪﭫﭬﭭﭮﭯﭰ ﭱ ​

28. Oba (basuubira nti) abo abakkiriza nebakola emirimu emirongoofu, tulibayisa nga aboonoona mu nsi, oba abatya Katonda betuliyisa nga aboonoonyi!.

آية رقم 29

ﭲﭳﭴﭵﭶﭷﭸﭹﭺ ﭻ ​

29. (Kur’ani eno) kitabo twakissa gyoli nga kya mukisa babe nga beekenneenya ebigambo byakyo era ab'amagezi agakola babe nga beebuulirira.

آية رقم 30

ﭼﭽﭾﭿﮀﮁﮂﮃ ﮄ ​

30. Era twagabira Dauda Sulaiman, yali muddu mulungi, (anti) mazima yye yali adda nnyo eri Katonda.

آية رقم 31

ﮅﮆﮇﮈﮉﮊ ﮋ ​

31. Jjukira bwe yayanjulirwa mu kiseera eky'olweggulo enfaraasi ezirabika obulungi nga ziyimiridde (ate) empenyusi (bwe ziba zidduse).

آية رقم 32

ﮌﮍﮎﮏﮐﮑﮒﮓﮔﮕﮖ ﮗ ​

32. Naagamba nti mazima nze nkulembezza okwagala ebirungi ku kutendereza Mukama omulabirizi wange (nenzira mu kutunuulira enfaraasi) okutuusa enjuba lwebuliddeyo!.

آية رقم 33

ﮘﮙﮚﮛﮜﮝﮞ ﮟ ​

33. (Oluvanyuma yagamba nti) muzinkomezeewo, olwo nno naatandika okuzisala amagulu n'ensingo (naasaddaaka ennyama yaazo).

آية رقم 34

ﮠﮡﮢﮣﮤﮥﮦﮧﮨ ﮩ ​

34. Era mazima twagezesa Sulaiman netuteeka omubiri (ogutaliimu bulamu) ku nnamulondo ye, (naye) oluvanyuma yeenenya.

آية رقم 35

ﮪﮫﮬﮭﮮﮯﮰﮱﯓﯔﯕﯖﯗﯘﯙﯚ ﯛ ​

35. Naagamba nti ayi Mukama omulabirizi wange nsonyiwa ongabire obwakabaka obutalisaanira mulala yenna oluvanyuma lwange, (anti) mazima ggwe mugabi.

آية رقم 36

ﯜﯝﯞﯟﯠﯡﯢﯣ ﯤ ​

36. Olwo nno netumugondeza empewo nga etambula ku lw'ekiragirokye mu ngeri ya mirembe neegenda wonna waaba asazeewo.

آية رقم 37

ﯥﯦﯧﯨ ﯩ ​

37. Era twamugondeza Sitane (nga mu zo mwalimu) enkugu mu kuzimba n'endala nga zibbira mu nnyanja.

آية رقم 38

ﯪﯫﯬﯭ ﯮ ​

38. Era nga ne (Sitane) endala zisibiddwa ku njegere (anti zo zaagaana okukola).

آية رقم 39

ﯯﯰﯱﯲﯳﯴﯵ ﯶ ​

39. Netumugamba (nti) okwo kwe kugaba kwaffe, kale gabako oba omme (nga bwolaba) awatali kubuuzibwa.

آية رقم 40

ﯷﯸﯹﯺﯻﯼ ﯽ ​

40. Era mazima (Sulaiman) alina gye tuli ekifo kya ku mwanjo n’obuddo obulungi.

آية رقم 41

ﯾﯿﰀﰁﰂﰃﰄﰅﰆﰇﰈ ﰉ ​

41. Era jjukira omuddu waffe Ayub bwe yakoowoola Mukama omulabirizi we (naagamba nti) mazima nze Sitane andeEtedde ennaku n’obuzibu (Ayi Mukama nkusaba omponye).

آية رقم 42

ﰊﰋﰌﰍﰎﰏﰐ ﰑ ​

42. (Katonda naamugamba nti) samba ettaka n'ekigerekyo awo amazzi negafukula era ne bamugamba nti amazzi gano mannyogovu g'a kunaaba na kunywa (lye ddagala erikuweereddwa).

آية رقم 43

ﭑﭒﭓﭔﭕﭖﭗﭘﭙﭚ ﭛ ​

43. Era netumuwa (nga tuzzaawo) abantu be era awamu nabo (netumuwa) abalinga bo (ebyo byonna) nga kusaasira okuva gyetuli era nga kubuulirira eri abo abalina amagezi.

آية رقم 44

ﭜﭝﭞﭟﭠﭡﭢﭣﭤﭥﭦﭧﭨﭩﭪﭫ ﭬ ​

44. Era (n'alagirwa nti) kwata ekisaaganda ky'obuti olwo nno okimukubise (mukyalawo) anti bwotyo bwe walayira obenga tomenye kilayiro kyo, mazima ffe twamusanga (Ayub) nga mugumiikiriza (yye) muddu mulungi, anti mazima yye adda nnyo eri Katonda.

آية رقم 45

ﭭﭮﭯﭰﭱﭲﭳﭴ ﭵ ​

45. Era jjukira abaddu baffe Ibrahim ne Ishaak ne Yakub abaalina amaanyi n’okulengera ewala.

آية رقم 46

ﭶﭷﭸﭹﭺ ﭻ ​

46. Mazima ffe twabaawula n'enkizo ey’okujjukira e nyumba ey’olubeerera (enkomerero).

آية رقم 47

ﭼﭽﭾﭿﮀ ﮁ ​

47. Era mazima bo gye tuli ba mu baawule abalondemu.

آية رقم 48

ﮂﮃﮄﮅﮆﮇﮈﮉﮊ ﮋ ​

48. Era jjukira Ismail ne Eliyasa-a ne Zul kifuli, nabuli omu kwabo wa mu balondemu.

آية رقم 49

ﮌﮍﮎﮏﮐﮑﮒ ﮓ ​

49. Kuno kujjukiza, era mazima ddala abatya Katonda bagenda kufuna obuddo obulungi.

آية رقم 50

ﮔﮕﮖﮗﮘ ﮙ ​

50. (Obuddo obwo buliba) Janna ez’emirembe, nga kulwabwe emiryango (gyazo) giriba miggule.

آية رقم 51

ﮚﮛﮜﮝﮞﮟﮠ ﮡ ​

51. Balibeera beesigamye nga bali mu zo, nga bwe batumya mu zo ebibala ebingi nga bya njawulo n'eby'okunywa.

آية رقم 52

ﮢﮣﮤﮥﮦ ﮧ ​

52. Era baliba balina abakyala abakkakkamu ab'amaaso ab'emyaka egyenkana.

آية رقم 53

ﮨﮩﮪﮫﮬ ﮭ ​

53. (Baligambibwa nti) kino (kye mutuseeko) kyekyo kye mwalagaanyisibwa okuweebwa ku lunaku lw'okubalibwa.

آية رقم 54

ﮮﮯﮰﮱﯓﯔﯕ ﯖ ​

54. Mazima ebyo kwe kugabiririra kwaffe tekuyinza kukalira.

آية رقم 55

ﯗﯘﯙﯚﯛﯜ ﯝ ​

55. Ekyo kyekyo, naye mazima abeewagguzi balifuna obuddo obubi.

آية رقم 56

ﯞﯟﯠﯡ ﯢ ​

56. Nga muliro Jahannama gwe balyesonseka naye buliba buliri bubi ddala.

آية رقم 57

ﯣﯤﯥﯦ ﯧ ​

57. Kino (kye balimu bye bibonerezo ebiruma ennyo) kale balibikombako nga nabyo mazzi agookya n'amasira ag'olusaayisaayi.

آية رقم 58

ﯨﯩﯪﯫ ﯬ ​

58. Ne (bibonerezo) ebirala ebiringa ebyo ebyengeri ez'ejawulo (nabyo biribatuukako).

آية رقم 59

ﯭﯮﯯﯰﯱﯲﯳﯴﯵﯶﯷ ﯸ ​

59. (Buli aboonoonyi abapya lwe banaaleetebwanga mu muliro, nga abasookayo bagambibwa nti:) kino kibinja kyesozze omuliro awamu nammwe (olwo abalisangwamu bagambe nti) abo tebaanirizibwa (tebalina mirembe) mazima bo beesozze muliro.

آية رقم 60

ﯹﯺﯻﯼﯽﯾﯿﰀﰁﰂﰃﰄﰅ ﰆ ​

60. (Abaagoberera) baligamba (abaasooka) nti wabula mmwe, mmwe mutaanirizibwa, mmwe mwabituleetera, bugenda kuba butuulo bubi.

آية رقم 61

ﰇﰈﰉﰊﰋﰌﰍﰎﰏﰐﰑ ﰒ ​

61. Baligamba nti: ayi Mukama omulabirizi waffe oyo eyatuleetera bino mwongere ebibonerezo eby'okuba mu muliro nga bibazziddwamu.

آية رقم 62

ﭑﭒﭓﭔﭕﭖﭗﭘﭙﭚ ﭛ ​

62. Era (aboonoonyi) baligamba nti lwaki tetulaba bantu betwali tubalira mu babi!.

آية رقم 63

ﭜﭝﭞﭟﭠﭡ ﭢ ​

63. Abaffe twabafuula eky'okujeeja (so nga baali balungi) oba amaaso ge gatabalaba.

آية رقم 64

ﭣﭤﭥﭦﭧﭨ ﭩ ​

64. Mazima ebyo (ebyogeddwa) ddala (okwo kwe kuliba) okuyombagana kw'abantu bo mu muliro.

آية رقم 65

ﭪﭫﭬﭭﭮﭯﭰﭱﭲﭳﭴﭵ ﭶ ​

65. Bagambe (ggwe Nabbi Muhammad) mazima nze ndi mutiisa era tewali kisinzibwa kyonna mu butuufu okugyako Katonda ali omu nantalemwa.

آية رقم 66

ﭷﭸﭹﭺﭻﭼﭽ ﭾ ​

66. Mukama omulabirizi w'eggulu omusanvu n'ensi n'ebyo ebiri wakati wa byombi, nantakubwa ku mukono, omusonyiyi ennyo.

آية رقم 67

ﭿﮀﮁﮂ ﮃ ​

67. Bagambe nti kyo (kye mbagamba) kigambo kikulu ddala.

آية رقم 68

ﮄﮅﮆ ﮇ ​

68. (Ate) mmwe kye mwawukanako.

آية رقم 69

ﮈﮉﮊﮋﮌﮍﮎﮏﮐ ﮑ ​

69. Sibangako na kumanya kwonna ku bikwata ku bakungu ab'awaggula webakaayanira, (ba Malayika bwe beemulugunya nga baagala Katonda baaba asindika ku nsi mu kifo kya Adam).

آية رقم 70

ﮒﮓﮔﮕﮖﮗﮘﮙ ﮚ ​

70. Ssaatumirwa kirala kyonna okugyako (okuba) nti mazima ddala nze ndi mutiisa ow'olwatu.

آية رقم 71

ﮛﮜﮝﮞﮟﮠﮡﮢﮣ ﮤ ​

71. Jjukira ekiseera Mukama omulabirizi wo bwe yagamba ba Malayika, nti mazima nze nja kutonda omuntu nga mugya mu kadongo.

آية رقم 72

ﮥﮦﮧﮨﮩﮪﮫﮬﮭ ﮮ ​

72. Bwe nnaamala okukola engeri nga bwanabeera era nemmufuuwamu omwoyo oguva gyendi, kale mubutame nga mumuvunnamira.

آية رقم 73

ﮯﮰﮱﯓ ﯔ ​

73. Olwo nno ba Malayika bonna nga bali wamu baavunnama.

آية رقم 74

ﯕﯖﯗﯘﯙﯚ ﯛ ​

74. Okugyako Ibliis yeekuluntaza naaba mu bakaafiiri.

آية رقم 75

ﯜﯝﯞﯟﯠﯡﯢﯣﯤﯥﯦﯧﯨﯩﯪ ﯫ ​

75. (Katonda) naagamba nti owange Ibliis kiki ekikugaanye okuvunnamira oyo gwe nnatonda n’omukono gwange abaffe wetwala nti oli wa kitiibwa (okusinga Adam), oba lwakuba nti bulijjo oli mu ba kiwagi ku Katonda.

آية رقم 76

ﯬﯭﯮﯯﯰﯱﯲﯳﯴﯵ ﯶ ​

76. (Ibliis) naagamba nti: nze mmusinga, wantonda mu muliro ate (yye) noomutonda mu kadongo.

آية رقم 77

ﯷﯸﯹﯺﯻ ﯼ ​

77. (Katonda) naagamba nti: kale gifulume (e jjana) mazima ggwe ogobeddwa (era oli mukolimire).

آية رقم 78

ﯽﯾﯿﰀﰁﰂ ﰃ ​

78. Era mazima okakaseeko ekikolimo kyange okutuusa ku lunaku lw'okusasulwa.

آية رقم 79

ﰄﰅﰆﰇﰈﰉ ﰊ ​

79. (Ibliis) naagamba nti: ayi Mukama omulabirizi wange nindiriza okutuusa ku lunaku lwe balizuukizibwa.

آية رقم 80

ﰋﰌﰍﰎ ﰏ ​

80. (Katonda) naagamba nti: mazima ggwe oli mu balindiriziddwa.

آية رقم 81

ﰐﰑﰒﰓ ﰔ ​

81. Okutuuka ku lunaku olw'ekiseera ekimanyiddwa.

آية رقم 82

ﰕﰖﰗﰘ ﰙ ​

82. (Ibliis) naagamba nti: ndayira ekitiibwa kyo njakubabuliza ddala bonna.

آية رقم 83

ﰚﰛﰜﰝ ﰞ ​

83. Okugyako abaddu bo abalondobemu mu bo.

آية رقم 84

ﭑﭒﭓﭔ ﭕ ​

84. (Katonda) naagamba nti: ago nno g'emazima, era nga bulijjo njogera mazima.

آية رقم 85

ﭖﭗﭘﭙﭚﭛﭜ ﭝ ​

85. Ddala ngenda kujjuza omuliro Jahannama (nga nguteekamu) ggwe n'abo bonna abakugondera mu bo.

آية رقم 86

ﭞﭟﭠﭡﭢﭣﭤﭥﭦﭧ ﭨ ​

86. Gamba (ggwe Muhammad nti ekyokubatuusaako obubaka) sikibasabirako mpeera, era nga bwe ssiri mu beetumiikiriza.

آية رقم 87

ﭩﭪﭫﭬﭭ ﭮ ​

87. (Kur’ani) yyo teri okugyako okuba nti kya kubuulirira eri ebitonde.

آية رقم 88

ﭯﭰﭱﭲ ﭳ ​

88. Era ekigambo kyayo mujja kukimanyira ddala oluvanyuma lw'ekiseera kitono.