ترجمة معاني سورة الزخرف باللغة السواحلية من كتاب Ali Muhsin Al - Swahili translation

آية رقم 1

ﮀ ﮁ ​

Az-Zukhruf

H'a Mim

آية رقم 2

ﮂﮃ ﮄ ​

Naapa kwa Kitabu kinacho bainisha.

آية رقم 3

ﮅﮆﮇﮈﮉﮊ ﮋ ​

Hakika Sisi tumeifanya Qur'ani kwa Kiarabu ili mfahamu.

آية رقم 4

ﮌﮍﮎﮏﮐﮑﮒ ﮓ ​

Na hakika hiyo imo katika Asili ya Maandiko yalioko kwetu, ni tukufu na yenye hikima.

آية رقم 5

ﮔﮕﮖﮗﮘﮙﮚﮛ ﮜ ​

Je! Tuache kukukumbusheni kabisa kwa kuwa nyinyi ni watu mlio pita mipaka kwa ukafiri?

آية رقم 6

ﮝﮞﮟﮠﮡﮢ ﮣ ​

Na Manabii wangapi tuliwatuma kwa watu wa zamani!

آية رقم 7

ﮤﮥﮦﮧﮨﮩﮪﮫ ﮬ ​

Na hawajii Nabii yeyote ila walikuwa wakimkejeli.

آية رقم 8

ﮭﮮﮯﮰﮱﯓﯔ ﯕ ​

Na tuliwaangamiza walio kuwa na nguvu kushinda wao. Na mfano wa watu wa zamani umekwisha pita.

آية رقم 9

ﯖﯗﯘﯙﯚﯛﯜﯝﯞﯟ ﯠ ​

Na ukiwauliza: Nani aliye ziumba mbingu na ardhi? Bila ya shaka watasema: Kaziumba Mwenye nguvu, Mjuzi,

آية رقم 10

ﯡﯢﯣﯤﯥﯦﯧﯨﯩﯪﯫ ﯬ ​

Ambaye amekufanyieni ardhi kama tandiko, na akakufanyieni ndani yake njia mpate kuongoka.

آية رقم 11

ﭑﭒﭓﭔﭕﭖﭗﭘﭙﭚﭛﭜﭝ ﭞ ​

Na ambaye ndiye aliye teremsha kutoka mbinguni maji kwa kiasi, na kwa hayo tukaifufua nchi iliyo kufa. Na namna hivi ndivyo mtakavyo tolewa.

آية رقم 12

ﭟﭠﭡﭢﭣﭤﭥﭦﭧﭨﭩ ﭪ ​

Na ambaye ndiye aliye umba katika kila kitu jike na dume, na akakufanyieni marikebu na wanyama mnao wapanda.

آية رقم 13

ﭫﭬﭭﭮﭯﭰﭱﭲﭳﭴﭵﭶﭷﭸﭹﭺﭻﭼﭽﭾ ﭿ ​

Ili mkae vizuri migongoni mwao, kisha mkumbuke neema za Mola wenu Mlezi mnapokaa sawa sawa juu yao na mseme: Ametakasika aliye mfanya huyu atutumikie, na tusingeli weza kufanya haya wenyewe.

آية رقم 14

ﮀﮁﮂﮃ ﮄ ​

Na hakika sisi tutarudi kwa Mola wetu Mlezi.

آية رقم 15

ﮅﮆﮇﮈﮉﮊﮋﮌﮍﮎ ﮏ ​

Na wanamfanyia katika waja wake fungu. Kwa hakika mwanaadamu ni mtovu wa fadhila aliye dhaahiri.

آية رقم 16

ﮐﮑﮒﮓﮔﮕﮖ ﮗ ​

Au amejichukulia watoto wanawake katika vile alivyo viumba, na akakuteulieni nyinyi watoto wanaume?

آية رقم 17

ﮘﮙﮚﮛﮜﮝﮞﮟﮠﮡﮢﮣ ﮤ ​

Na anapo bashiriwa mmoja wao kwa yale aliyo mpigia mfano Mwenyezi Mungu, uso wake husawijika na hujaa hasira.

آية رقم 18

ﮥﮦﮧﮨﮩﮪﮫﮬﮭ ﮮ ​

Ati aliye lelewa katika mapambo, na katika mabishano hawezi kusema kwa bayana...?

آية رقم 19

ﮯﮰﮱﯓﯔﯕﯖﯗﯘﯙﯚﯛﯜﯝ ﯞ ​

Na wakawafanya Malaika, ambao ni waja wa Mwingi wa Rehema, ni wanawake! Kwani wameshuhudia kuumbwa kwao? Ushahidi wao utaandikwa na wao watahojiwa!

آية رقم 20

ﯟﯠﯡﯢﯣﯤﯥﯦﯧﯨﯩﯪﯫﯬﯭﯮﯯ ﯰ ​

Nao husema: Angeli penda Mwingi wa Rehema tusingeli waabudu sisi. Hawana ujuzi wowote wa hayo! Hawana ila kusema uwongo tu!

آية رقم 21

ﯱﯲﯳﯴﯵﯶﯷﯸ ﯹ ​

Kwani tuliwapa Kitabu kabla ya hichi, na ikawa wao wanakishikilia hicho?

آية رقم 22

ﯺﯻﯼﯽﯾﯿﰀﰁﰂﰃﰄ ﰅ ​

Bali wanasema: Hakika sisi tuliwakuta baba zetu wanashika dini makhsusi, basi na sisi tunaongoza nyayo zao.

آية رقم 23

ﭑﭒﭓﭔﭕﭖﭗﭘﭙﭚﭛﭜﭝﭞﭟﭠﭡﭢﭣﭤﭥ ﭦ ​

Na kadhaalika hatukumtuma mwonyaji kwenye mji wowote ila watu wake walio deka kwa starehe walisema: Hakika sisi tuliwakuta baba zetu wanashika dini makhsusi, na sisi tunafuata nyayo zao.

آية رقم 24

ﭧﭨﭩﭪﭫﭬﭭﭮﭯﭰﭱﭲﭳﭴﭵﭶ ﭷ ​

Akasema (Mwonyaji): Hata nikikuleteeni yenye uwongofu bora kuliko mlio wakuta nao baba zenu? Wakasema: Sisi tunayakataa tu hayo mliyo tumwa.

آية رقم 25

ﭸﭹﭺﭻﭼﭽﭾﭿ ﮀ ​

Basi tukawalipizia. Angalia ulikuwaje mwisho wa walio kadhibisha!

آية رقم 26

ﮁﮂﮃﮄﮅﮆﮇﮈﮉ ﮊ ​

Na pale Ibrahim alipo mwambia baba yake na kaumu yake: Hakika mimi ninajitenga mbali na hayo mnayo yaabudu,

آية رقم 27

ﮋﮌﮍﮎﮏ ﮐ ​

Isipo kuwa yule aliye niumba, kwani Yeye ataniongoa.

آية رقم 28

ﮑﮒﮓﮔﮕﮖﮗ ﮘ ​

Na akalifanya hili liwe neno lenye kubaki katika vizazi vyake ili warejee.

آية رقم 29

ﮙﮚﮛﮜﮝﮞﮟﮠﮡ ﮢ ​

Bali tuliwastarehesha hawa na baba zao mpaka ikawafikia Haki na Mtume aliye bainisha.

آية رقم 30

ﮣﮤﮥﮦﮧﮨﮩﮪﮫ ﮬ ​

Na ilipo wafikia Haki wakasema: Huu ni uchawi, na sisi hakika tunaukataa.

آية رقم 31

ﮭﮮﮯﮰﮱﯓﯔﯕﯖﯗ ﯘ ​

Na walisema: Kwa nini Qur'ani hii haikuteremshwa kwa mtu mkubwa katika miji miwili hii?

آية رقم 32

ﯙﯚﯛﯜﯝﯞﯟﯠﯡﯢﯣﯤﯥﯦﯧﯨﯩﯪﯫﯬﯭﯮﯯﯰﯱﯲﯳﯴ ﯵ ​

Kwani wao ndio wanao gawa rehema za Mola wako Mlezi? Sisi tumewagawanyia baina yao maisha yao katika uhai wa duniani, na tukawanyanyua baadhi yao juu ya wengine kwa daraja nyingi; kwa hivyo baadhi yao wanawafanya wenginewe wawatumikie. Na rehema za Mwenyezi Mungu ni bora kuliko hayo wanayo yakusanya.

آية رقم 33

ﯶﯷﯸﯹﯺﯻﯼﯽﯾﯿﰀﰁﰂﰃﰄﰅﰆ ﰇ ​

Na lau isinge kuwa watu watakuwa kundi moja tungeli wajaalia wanao mkufuru Rahmani wana nyumba zao zina dari ya fedha, na ngazi zao pia wanazo pandia,

آية رقم 34

ﭑﭒﭓﭔﭕ ﭖ ​

Na milango ya nyumba zao na vitanda wanavyo egemea juu yake,

آية رقم 35

ﭗﭘﭙﭚﭛﭜﭝﭞﭟﭠﭡﭢﭣﭤ ﭥ ​

Na mapambo. Lakini hayo si chochote ila ni starehe ya maisha ya dunia tu, na Akhera iliyoko kwa Mola wako Mlezi ni ya wenye kumchamngu.

آية رقم 36

ﭦﭧﭨﭩﭪﭫﭬﭭﭮﭯﭰ ﭱ ​

Anaye yafanyia upofu maneno ya Rahmani tunamwekea Shet'ani kuwa ndiye rafiki yake.

آية رقم 37

ﭲﭳﭴﭵﭶﭷﭸ ﭹ ​

Na hakika wao wanawazuilia Njia na wenyewe wanadhani kuwa wameongoka.

آية رقم 38

ﭺﭻﭼﭽﭾﭿﮀﮁﮂﮃﮄ ﮅ ​

Hata atakapo tujia atasema: Laiti ungeli kuwako baina yangu na wewe kama umbali baina ya mashariki na magharibi. Rafiki mwovu mno wewe!

آية رقم 39

ﮆﮇﮈﮉﮊﮋﮌﮍﮎ ﮏ ​

Na kwa kuwa mlidhulumu, haitakufaeni kitu leo kwamba nyinyi mnashirikiana katika adhabu.

آية رقم 40

ﮐﮑﮒﮓﮔﮕﮖﮗﮘﮙﮚ ﮛ ​

Je! Unaweza kuwasikilizisha viziwi, au unaweza kuwaongoa vipofu na waliomo katika upotofu ulio wazi?

آية رقم 41

ﮜﮝﮞﮟﮠﮡ ﮢ ​

Na hata tukikuondoa, Sisi tutalipiza kisasi chetu kwao.

آية رقم 42

ﮣﮤﮥﮦﮧﮨﮩ ﮪ ​

Au tutakuonyesha tulio waahidi. Nasi bila ya shaka tuna uweza juu yao.

آية رقم 43

ﮫﮬﮭﮮﮯﮰﮱﯓﯔ ﯕ ​

Basi wewe yashike yaliyo funuliwa kwako. Hakika wewe uko kwenye Njia Iliyo Nyooka.

آية رقم 44

ﯖﯗﯘﯙﯚﯛﯜ ﯝ ​

Na hakika haya ni ukumbusho kwako na kwa kaumu yako. Na mtakuja ulizwa.

آية رقم 45

ﯞﯟﯠﯡﯢﯣﯤﯥﯦﯧﯨﯩﯪ ﯫ ​

Na waulize Mitume wetu tulio watuma kabla yako: Je! Tulifanya miungu mingine iabudiwe badala ya Rah'mani?

آية رقم 46

ﯬﯭﯮﯯﯰﯱﯲﯳﯴﯵﯶﯷ ﯸ ​

Na bila ya shaka tulimtuma Musa kwa Ishara zetu ende kwa Firauni na waheshimiwa wake, na akasema: Hakika mimi ni Mtume wa Mola Mlezi wa walimwengu wote!

آية رقم 47

ﯹﯺﯻﯼﯽﯾﯿ ﰀ ​

Lakini alipo wajia na Ishara zetu wakaingia kuzicheka.

آية رقم 48

ﭑﭒﭓﭔﭕﭖﭗﭘﭙﭚﭛﭜﭝﭞ ﭟ ​

Na hatukuwaonyesha Ishara yoyote ila hiyo ilikuwa kubwa zaidi kuliko nyenginewe. Na tukawakamata kwa adhabu ili warejee.

آية رقم 49

ﭠﭡﭢﭣﭤﭥﭦﭧﭨﭩﭪ ﭫ ​

Na wakasema: Ewe mchawi! Tuombee kwa Mola wako Mlezi kwa ile ahadi aliyo kuahidi; hakika sisi tutakuwa wenye kuongoka.

آية رقم 50

ﭬﭭﭮﭯﭰﭱﭲ ﭳ ​

Basi tulipo waondolea adhabu hiyo, mara wakaingia kuvunja ahadi.

آية رقم 51

ﭴﭵﭶﭷﭸﭹﭺﭻﭼﭽﭾﭿﮀﮁﮂﮃﮄﮅ ﮆ ​

Na Firauni alitangaza kwa watu wake, akisema: Enyi watu wangu! Kwani mimi sinao huu ufalme wa Misri, na hii mito inapita chini yangu? Je! Hamwoni?

آية رقم 52

ﮇﮈﮉﮊﮋﮌﮍﮎﮏﮐﮑ ﮒ ​

Au mimi si bora kuliko huyu aliye mnyonge, wala hawezi kusema waziwazi?

آية رقم 53

ﮓﮔﮕﮖﮗﮘﮙﮚﮛﮜﮝ ﮞ ​

Basi mbona hakuvikwa vikuku vya dhahabu, au hawakuja Malaika pamoja naye wakamwandama?

آية رقم 54

ﮟﮠﮡﮢﮣﮤﮥﮦ ﮧ ​

Basi aliwachezea watu wake, na wakamt'ii. Kwa hakika hao walikuwa watu wapotovu.

آية رقم 55

ﮨﮩﮪﮫﮬﮭ ﮮ ​

Walipo tukasirisha tuliwapatiliza tukawazamisha wote!

آية رقم 56

ﮯﮰﮱﯓ ﯔ ​

Kisha tukawafanya kuwa watangulizi na mfano kwa wa baadaye.

آية رقم 57

ﯕﯖﯗﯘﯙﯚﯛﯜﯝﯞ ﯟ ​

Na alipo pigiwa mfano Mwana wa Mariamu, watu wako waliupiga ukelele.

آية رقم 58

ﯠﯡﯢﯣﯤﯥﯦﯧﯨﯩﯪﯫﯬﯭﯮﯯ ﯰ ​

Wakasema: Miungu yetu kwani si bora kuliko huyu? Hawakukupigia mfano huo ila kwa ubishi tu. Bali hao ni watu wagomvi!

آية رقم 59

ﯱﯲﯳﯴﯵﯶﯷﯸﯹﯺ ﯻ ​

Hakuwa yeye (Isa) ila ni Mtumwa tuliye mneemesha na tukamfanya ni mfano kwa Wana wa Israili.

آية رقم 60

ﯼﯽﯾﯿﰀﰁﰂﰃ ﰄ ​

Na tungeli penda tungeli wafanyia miongoni mwenu Malaika katika ardhi wakifuatana.

آية رقم 61

ﭑﭒﭓﭔﭕﭖﭗﭘﭙﭚﭛ ﭜ ​

Na kwa hakika yeye ni alama ya Saa ya Kiyama. Basi usiitilie shaka, na nifuateni. Hii ndiyo Njia Iliyo Nyooka.

آية رقم 62

ﭝﭞﭟﭠﭡﭢﭣﭤ ﭥ ​

Wala asikuzuilieni Shet'ani. Hakika yeye ni adui yenu wa dhaahiri.

آية رقم 63

ﭦﭧﭨﭩﭪﭫﭬﭭﭮﭯﭰﭱﭲﭳﭴﭵﭶﭷ ﭸ ​

Na alipo kuja Isa na dalili zilizo wazi, alisema: Nimekujieni na hikima, na ili nikuelezeni baadhi ya yale mliyo khitalifiana. Basi mcheni Mwenyezi Mungu, na mnit'ii mimi.

آية رقم 64

ﭹﭺﭻﭼﭽﭾﭿﮀﮁﮂ ﮃ ​

Kwa hakika Mwenyezi Mungu ni Mola wangu Mlezi, na ni Mola wenu Mlezi. Basi Muabuduni Yeye tu. Hii ndiyo Njia Iliyo Nyooka.

آية رقم 65

ﮄﮅﮆﮇﮈﮉﮊﮋﮌﮍﮎﮏ ﮐ ​

Lakini makundi kwa makundi yao yalikhitalifiana wao kwa wao. Ole wao walio dhulumu kwa adhabu ya siku chungu.

آية رقم 66

ﮑﮒﮓﮔﮕﮖﮗﮘﮙﮚ ﮛ ​

Je! Nini wanangojea ila Saa iwajie kwa ghafla na wala wao hawatambui?

آية رقم 67

ﮜﮝﮞﮟﮠﮡﮢ ﮣ ​

Siku hiyo marafiki watakuwa ni maadui, wao kwa wao, isipo kuwa wachamngu.

آية رقم 68

ﮤﮥﮦﮧﮨﮩﮪﮫ ﮬ ​

Enyi waja wangu! Hamtakuwa na khofu siku hiyo, wala hamtahuzunika.

آية رقم 69

ﮭﮮﮯﮰﮱ ﯓ ​

Ambao waliziamini Ishara zangu na walikuwa Waislamu.

آية رقم 70

ﯔﯕﯖﯗﯘ ﯙ ​

Ingieni Peponi, nyinyi na wake zenu; mtafurahishwa humo.

آية رقم 71

ﯚﯛﯜﯝﯞﯟﯠﯡﯢﯣﯤﯥﯦﯧﯨﯩﯪ ﯫ ​

Watakuwa wanapitishiwa sahani za dhahabu na vikombe; na vitakuwamo ambavyo nafsi zinavipenda na macho yanavifurahia, na nyinyi mtakaa humo milele.

آية رقم 72

ﯬﯭﯮﯯﯰﯱﯲ ﯳ ​

Na hiyo ni Pepo mliyo rithishwa kwa hayo mliyo kuwa mkiyafanya.

آية رقم 73

ﯴﯵﯶﯷﯸﯹ ﯺ ​

Mnayo humo matunda mengi mtakayo yala.

آية رقم 74

ﭑﭒﭓﭔﭕﭖ ﭗ ​

Kwa hakika wakosefu watakaa katika adhabu ya Jahannamu.

آية رقم 75

ﭘﭙﭚﭛﭜﭝ ﭞ ​

Hawatapumzishwa nayo na humo watakata tamaa.

آية رقم 76

ﭟﭠﭡﭢﭣﭤ ﭥ ​

Wala Sisi hatukuwadhulumu, bali wao ndio walio kuwa madhaalimu.

آية رقم 77

ﭦﭧﭨﭩﭪﭫﭬﭭﭮ ﭯ ​

Nao watapiga kelele waseme: Ewe Malik! Na atufishe Mola wako Mlezi! Naye aseme: Hakika nyinyi mtakaa humo humo!

آية رقم 78

ﭰﭱﭲﭳﭴﭵﭶ ﭷ ​

Kwa yakini tulikuleteeni Haki, lakini wengi katika nyinyi mlikuwa mnaichukia Haki.

آية رقم 79

ﭸﭹﭺﭻﭼ ﭽ ​

Au waliweza kupitisha amri yao? Bali ni Sisi ndio tunao pitisha.

آية رقم 80

ﭾﭿﮀﮁﮂﮃﮄﮅﮆﮇﮈﮉ ﮊ ​

Au wanadhani kwamba hatusikii siri zao na minong'ono yao? Wapi! Na wajumbe wetu wapo karibu nao, wanayaandika.

آية رقم 81

ﮋﮌﮍﮎﮏﮐﮑﮒ ﮓ ​

Sema: Ingeli kuwa Rahmani ana mwana, basi mimi ningeli kuwa wa kwanza kumuabudu.

آية رقم 82

ﮔﮕﮖﮗﮘﮙﮚﮛ ﮜ ​

Ametakasika Mola Mlezi wa mbingu na ardhi, Mola Mlezi wa A'rshi, na hayo wanayo msifia.

آية رقم 83

ﮝﮞﮟﮠﮡﮢﮣﮤ ﮥ ​

Basi waache wapige porojo wakicheza mpaka wakutwe na hiyo siku yao waliyo ahidiwa.

آية رقم 84

ﮦﮧﮨﮩﮪﮫﮬﮭﮮﮯﮰﮱ ﯓ ​

Na Yeye ndiye Mungu mbinguni, na ndiye Mungu katika ardhi. Naye ndiye Mwenye hikima, Mwenye ujuzi.

آية رقم 85

ﯔﯕﯖﯗﯘﯙﯚﯛﯜﯝﯞﯟﯠ ﯡ ​

Na ametukuka Mwenye ufalme wa mbingu na ardhi na viliomo ndani yake. Na uko kwake ujuzi wa Saa ya Kiyama, na kwake Yeye mtarudishwa.

آية رقم 86

ﯢﯣﯤﯥﯦﯧﯨﯩﯪﯫﯬﯭﯮ ﯯ ​

Wala hao mnao waomba badala yake Yeye hawana uweza wa kumwombea mtu, isipo kuwa anaye shuhudia kwa haki, na wao wanajua.

آية رقم 87

ﯰﯱﯲﯳﯴﯵﯶﯷﯸ ﯹ ​

Na ukiwauliza ni nani aliye waumba? Bila ya shaka watasema: Mwenyezi Mungu! Basi ni wapi wanako geuziwa?

آية رقم 88

ﯺﯻﯼﯽﯾﯿﰀ ﰁ ​

Na usemi wake (Mtume) ni: Ewe Mola wangu Mlezi! Hakika hawa ni watu wasio amini.

آية رقم 89

ﰂﰃﰄﰅﰆﰇﰈ ﰉ ​

Basi wasamehe, na uwambie maneno ya salama. Watakuja jua.