ترجمة معاني سورة الطور باللغة السواحلية من كتاب Ali Muhsin Al - Swahili translation

آية رقم 1

ﮞ ﮟ ​

At-Tur

Naapa kwa mlima wa T'ur,

آية رقم 2

ﮠﮡ ﮢ ​

Na Kitabu kilicho andikwa

آية رقم 3

ﮣﮤﮥ ﮦ ​

Katika ngozi iliyo kunjuliwa,

آية رقم 4

ﮧﮨ ﮩ ​

Na kwa Nyumba iliyo jengwa,

آية رقم 5

ﮪﮫ ﮬ ​

Na kwa dari iliyo nyanyuliwa,

آية رقم 6

ﮭﮮ ﮯ ​

Na kwa bahari iliyo jazwa,

آية رقم 7

ﮰﮱﯓﯔ ﯕ ​

Hakika adhabu ya Mola wako Mlezi hapana shaka itatokea.

آية رقم 8

ﯖﯗﯘﯙ ﯚ ​

Hapana wa kuizuia.

آية رقم 9

ﯛﯜﯝﯞ ﯟ ​

Siku zitakapo tikisika mbingu kwa mtikiso,

آية رقم 10

ﯠﯡﯢ ﯣ ​

Na milima iwe inakwenda kwa mwendo mkubwa.

آية رقم 11

ﯤﯥﯦ ﯧ ​

Basi ole wao siku hiyo hao wanao kadhibisha,

آية رقم 12

ﯨﯩﯪﯫﯬ ﯭ ​

Ambao wanacheza katika mambo ya upuuzi.

آية رقم 13

ﯮﯯﯰﯱﯲﯳ ﯴ ​

Siku watapo sukumwa kwenye Moto kwa msukumo wa nguvu,

آية رقم 14

ﯵﯶﯷﯸﯹﯺ ﯻ ​

(Waambiwe): Huu ndio ule Moto mlio kuwa mkiukanusha!

آية رقم 15

ﭑﭒﭓﭔﭕﭖ ﭗ ​

Je! Huu ni uchawi, au hamwoni tu?

آية رقم 16

ﭘﭙﭚﭛﭜﭝﭞﭟﭠﭡﭢﭣﭤ ﭥ ​

Uingieni, mkistahamili au msistahamili - ni mamoja kwenu. Hakika mnalipwa kwa mliyo kuwa mkiyatenda.

آية رقم 17

ﭦﭧﭨﭩﭪ ﭫ ​

Hakika wachamngu watakuwa katika Mabustani na neema,

آية رقم 18

ﭬﭭﭮﭯﭰﭱﭲﭳ ﭴ ​

Wakifurahi kwa yale aliyo wapa Mola wao Mlezi. Na Mola wao Mlezi atawalinda na adhabu ya Motoni.

آية رقم 19

ﭵﭶﭷﭸﭹﭺ ﭻ ​

Kuleni na kunyweni kwa raha kabisa kwa sababu ya mliyo kuwa mkiyatenda.

آية رقم 20

ﭼﭽﭾﭿﮀﮁﮂﮃ ﮄ ​

Watakuwa wameegemea juu ya viti vya enzi vilivyo pangwa kwa safu. Na tutawaoza mahuru-l-aini.

آية رقم 21

ﮅﮆﮇﮈﮉﮊﮋﮌﮍﮎﮏﮐﮑﮒﮓﮔﮕﮖﮗﮘ ﮙ ​

Na walio amini na dhuriya zao wakawafuata kwa Imani tutawakutanisha nao dhuriya zao, na wala hatutawapunja hata kidogo katika vitendo vyao. Kila mtu lazima atapata alicho kichuma.

آية رقم 22

ﮚﮛﮜﮝﮞ ﮟ ​

Na tutawapa matunda, na nyama kama watavyo penda.

آية رقم 23

ﮠﮡﮢﮣﮤﮥﮦﮧ ﮨ ​

Watapeana humo bilauri zisio na vinywaji vya kuleta maneno ya upuuzi wala dhambi.

آية رقم 24

ﮩﮪﮫﮬﮭﮮﮯﮰ ﮱ ​

Iwe wanawapitia watumishi wao kama kwamba ni lulu zilizomo katika chaza.

آية رقم 25

ﯓﯔﯕﯖﯗ ﯘ ​

Wataelekeana wakiulizana.

آية رقم 26

ﯙﯚﯛﯜﯝﯞﯟ ﯠ ​

Waseme: Tulikuwa zamani pamoja na ahali zetu tukiogopa;

آية رقم 27

ﯡﯢﯣﯤﯥﯦ ﯧ ​

Basi Mwenyezi Mungu akatufanyia hisani na akatulinda na adhabu ya upepo wa Moto.

آية رقم 28

ﯨﯩﯪﯫﯬﯭﯮﯯﯰﯱ ﯲ ​

Hakika sisi zamani tulikuwa tukimwomba Yeye tu. Hakika Yeye ndiye Mwema Mwenye kurehemu.

آية رقم 29

ﯳﯴﯵﯶﯷﯸﯹﯺ ﯻ ​

Basi kumbusha! Kwani wewe, kwa neema ya Mola wako Mlezi, si kuhani wala mwendawazimu.

آية رقم 30

ﯼﯽﯾﯿﰀﰁﰂ ﰃ ​

Au wanasema: Huyu ni mtunga mashairi, tunamtarajia kupatilizwa na dahari.

آية رقم 31

ﰄﰅﰆﰇﰈﰉ ﰊ ​

Sema: Tarajieni, na mimi pia ni pamoja nanyi katika kutarajia.

آية رقم 32

ﭑﭒﭓﭔﭕﭖﭗﭘﭙ ﭚ ​

Au hizo akili zao ndio zinawaamrisha haya, au wao basi ni watu majeuri tu?

آية رقم 33

ﭛﭜﭝﭞﭟﭠﭡ ﭢ ​

Au ndio wanasema: Ameitunga hii! Bali basi tu hawaamini!

آية رقم 34

ﭣﭤﭥﭦﭧﭨ ﭩ ​

Basi nawalete masimulizi kama haya ikiwa wao wanasema kweli.

آية رقم 35

ﭪﭫﭬﭭﭮﭯﭰﭱ ﭲ ​

Au wao wameumbwa pasipo kutokana na kitu chochote, au ni wao ndio waumbaji?

آية رقم 36

ﭳﭴﭵﭶﭷﭸﭹﭺ ﭻ ​

Au wao wameziumba mbingu na ardhi? Bali hawana na yakini.

آية رقم 37

ﭼﭽﭾﭿﮀﮁﮂ ﮃ ​

Au wanazo khazina za Mola wako Mlezi au wao ndio wenye madaraka?

آية رقم 38

ﮄﮅﮆﮇﮈﮉﮊﮋﮌﮍ ﮎ ​

Au wanazo ngazi za kusikilizia? Basi huyo msikilizaji wao na alete hoja ilio wazi!

آية رقم 39

ﮏﮐﮑﮒﮓ ﮔ ​

Au Yeye Mwenyezi Mungu ana wasichana, na nyinyi ndio mna wavulana?

آية رقم 40

ﮕﮖﮗﮘﮙﮚﮛ ﮜ ​

Au wewe unawaomba ujira, na kwa hivyo ndio wanaelemewa na uzito wa gharama?

آية رقم 41

ﮝﮞﮟﮠﮡ ﮢ ​

Au wanayo ilimu ya ghaibu, nao wameandika?

آية رقم 42

ﮣﮤﮥﮦﮧﮨﮩﮪ ﮫ ​

Au wanataka kufanya vitimbi tu? Lakini hao walio kufuru ndio watakao tegeka.

آية رقم 43

ﮬﮭﮮﮯﮰﮱﯓﯔﯕﯖ ﯗ ​

Au wanae mungu asiye kuwa Mwenyezi Mungu? Subhanallah! Ametaksika Mwenyezi Mungu na hao wanao washirikisha naye.

آية رقم 44

ﯘﯙﯚﯛﯜﯝﯞﯟﯠ ﯡ ​

Na hata wange ona pande linatoka mbinguni linaanguka wange sema: Ni mawingu yaliyo bebana.

آية رقم 45

ﯢﯣﯤﯥﯦﯧﯨ ﯩ ​

Basi waache mpaka wakutane na siku yao watakapo hilikishwa.

آية رقم 46

ﯪﯫﯬﯭﯮﯯﯰﯱﯲ ﯳ ​

Siku ambayo hila zao hazitawafaa hata kidogo, wala wao hawatanusuriwa.

آية رقم 47

ﯴﯵﯶﯷﯸﯹﯺﯻﯼﯽ ﯾ ​

Na hakika walio dhulumu watapata adhabu nyengine isiyo kuwa hii, lakini wengi wao hawajui.

آية رقم 48

ﯿﰀﰁﰂﰃﰄﰅﰆﰇﰈﰉ ﰊ ​

Na ingojee hukumu ya Mola wako Mlezi. Kwani wewe hakika uko mbele ya macho yetu, na mtakase kwa kumsifu Mola wako Mlezi unapo simama,

آية رقم 49

ﰋﰌﰍﰎﰏ ﰐ ​

Na usiku pia mtakase, na zinapo kuchwa nyota.