Verse 1

ﭑﭒ ﭓ ​

Ант етемін! Сап түзеп тұратындармен,

Verse 2

ﭔﭕ ﭖ ​

және айдаған айдаушылармен,

Verse 3

ﭗﭘ ﭙ ​

және Еске салушыны / Құранды / оқитындармен.

Verse 4

ﭚﭛﭜ ﭝ ​

Ақиқатында, сендердің құдайларың әл-Уахид / Бір, жалғыз /.

Verse 5

ﭞﭟﭠﭡﭢﭣﭤ ﭥ ​

Ол - аспандар мен жердің және екеуінің арасында болғандардың Раббысы, әрі шығыстардың Раббысы.

Verse 6

ﭦﭧﭨﭩﭪﭫ ﭬ ​

Біз төменгі аспанды аспан денелерімен / жұлдыз, ғаламшарлармен / көріктендірдік,

Verse 7

ﭭﭮﭯﭰﭱ ﭲ ​

және оны барлық бойсұнбаушы шайтаннан сақтадық.

Verse 8

ﭳﭴﭵﭶﭷﭸﭹﭺﭻ ﭼ ​

Олар жоғарыдағы топты тыңдай ал­майды, сөйтіп олар жан-жақтан атқыланып,

Verse 9

ﭽﭾﭿﮀﮁ ﮂ ​

қуылады. Әрі оларға тұрақты азап бар.

Verse 10

ﮃﮄﮅﮆﮇﮈﮉ ﮊ ​

Ал, кім / тыңдап / іліп алса, оның соңына отты ұшқын түседі.

Verse 11

ﮋﮌﮍﮎﮏﮐﮑﮒﮓﮔﮕﮖﮗ ﮘ ​

Ей, Мұхаммед! / Олардан сұра, олар­ды жарату қиын ба, әлде Біздің жаратқандарымызды ма? Анығында, Біз оларды жабысқақ лайдан жараттық.

Verse 12

ﮙﮚﮛ ﮜ ​

Негізінде, сен таңғалдың, ал олар / айтқандарыңды / келеке етеді.

Verse 13

ﮝﮞﮟﮠ ﮡ ​

Әрі қашан естеріне салынса, олар естеріне алмайды,

Verse 14

ﮢﮣﮤﮥ ﮦ ​

ал, егер бір белгіні көрсе, мазақ етеді.

Verse 15

ﮧﮨﮩﮪﮫﮬ ﮭ ​

Олар: «Бұл ап-анық сиқыр ғана.

Verse 16

ﮮﮯﮰﮱﯓﯔﯕ ﯖ ​

Біз өліп, топырақ пен сүйектерге айналған кезімізде қайтадан тірілтілеміз бе?

Verse 17

ﯗﯘ ﯙ ​

Әрі біздің алдыңғы бабаларымыз да ма?» - дейді.

Verse 18

ﯚﯛﯜﯝ ﯞ ​

Ей, Мұхаммед! / Айт: «Иә. Әрі сендер де қор болған күйлеріңде», - деп.

Verse 19

ﯟﯠﯡﯢﯣﯤﯥ ﯦ ​

Шын мәнінде, ол - бір дыбыс қана. Сонда олар / қайта тіріліп / қарап тұрады.

Verse 20

ﯧﯨﯩﯪﯫ ﯬ ​

Олар: «Қап! Сорымыз құрысын! Бұл - Есеп күні»,- дейді.

Verse 21

ﯭﯮﯯﯰﯱﯲﯳ ﯴ ​

Оларға!: «Міне, өздерің өтірік санап келген Айыру күні - осы», - делінеді.

Verse 22

ﯵﯶﯷﯸﯹﯺﯻﯼ ﯽ ​

Аса ұлы Аллаһ періштелерге / °: «Әділетсіз болғандарды және оларға ұқсағандарды және олардың табынғандарын жинаңдар,

Verse 23

ﯾﯿﰀﰁﰂﰃﰄ ﰅ ​

Аллаһтан өзге / жалған құдайларын /. Сөйтіп оларды Жахимның / тозақтың / жолына салыңдар.

Verse 24

ﰆﰇﰈﰉ ﰊ ​

Әрі оларды тоқтатыңдар, өйткені олар сұраққа тартылады.

Verse 25

ﭑﭒﭓﭔ ﭕ ​

Оларға / :«Сендерге не болды, неге бір-біріңе көмектеспейсіңдер?» - делінеді.

Verse 26

ﭖﭗﭘﭙ ﭚ ​

Әрине, олар бүгін бойсұнушы.

Verse 27

ﭛﭜﭝﭞﭟ ﭠ ​

Әрі олар бір-біріне қарап, сұрақ қояды.

Verse 28

ﭡﭢﭣﭤﭥﭦ ﭧ ​

Ерушілер / :«Сендер бізге оң жағымыздан келуші едіңдер», -дейді.

Verse 29

ﭨﭩﭪﭫﭬ ﭭ ​

Бастаушылары / :«Жоқ! Сендер өздерің иманға келмедіңдер.

Verse 30

ﭮﭯﭰﭱﭲﭳﭴﭵﭶﭷﭸ ﭹ ​

Әрі сендерге біздің билігіміз болған жоқ. Негізінде, сендер шектен шыққан адамдар едіңдер.

Verse 31

ﭺﭻﭼﭽﭾﭿﮀ ﮁ ​

Енді Раббымыздың бізге қатысты Сөзі орындалды. Күмәнісіз, / жазаны / татамыз.

Verse 32

ﮂﮃﮄﮅ ﮆ ​

Иә, Біз сендерді адастырдық, өйткені өзіміз де адасуда едік», - дейді.

Verse 33

ﮇﮈﮉﮊﮋ ﮌ ​

Әрі сол күні олар азапта бірге болады.

Verse 34

ﮍﮎﮏﮐ ﮑ ​

Ақиқатында, Біз қылмыскерлерге осылай істейміз.

Verse 35

ﮒﮓﮔﮕﮖﮗﮘﮙﮚﮛ ﮜ ​

Өйткені оларға: «Аллаһтан басқа ешбір құдай жоқ», - деп айтылған кезде, олар менменсіп, өздерін жоғары қоятын,

Verse 36

ﮝﮞﮟﮠﮡﮢ ﮣ ​

әрі олар: «Біз жын соққан бір ақынға бола құдайларымызды тастайық па?» -дейтін.

Verse 37

ﮤﮥﮦﮧﮨ ﮩ ​

Жоқ, олай емес! Ол ақиқатпен келді және / алдыңғы / елшілердің хақтығын растады.

Verse 38

ﮪﮫﮬﮭ ﮮ ​

Сендер міндетті түрде қинаушы азапты татасыңдар.

Verse 39

ﮯﮰﮱﯓﯔﯕ ﯖ ​

Әрі сендерге тек, істеп өткен амалдарыңның қайтарымы беріледі.

Verse 40

ﯗﯘﯙﯚ ﯛ ​

Ал, Аллаһтың тазартылған құлдары басқа.

Verse 41

ﯜﯝﯞﯟ ﯠ ​

Міне, соларға белгілі ризық бар,

Verse 42

ﯡﯢﯣ ﯤ ​

сан түрлі / жемістер, әрі олар құрметке бөленеді.

Verse 43

ﯥﯦﯧ ﯨ ​

Наъим (Жәннаттың аты. Мағрасы - көптеген нығмет, игілік) бақтарында,

Verse 44

ﯩﯪﯫ ﯬ ​

көтеріңкі орындарда бір-біріне қарама-қарсы отырады.

Verse 45

ﯭﯮﯯﯰﯱ ﯲ ​

Оларды бұлақтан толтырылған кеселермен айналып жүреді,

Verse 46

ﯳﯴﯵ ﯶ ​

аппақ әрі ішушілер үшін ләззатты.

Verse 47

ﯷﯸﯹﯺﯻﯼﯽ ﯾ ​

Одан іш ауырмайды әрі одан олар ақыл-естерін жоғалтпайды.

Verse 48

ﯿﰀﰁﰂ ﰃ ​

Әрі олардың жанында көздерін қорғайтын, жанарлары үлкен / қыздар / бар.

Verse 49

ﰄﰅﰆ ﰇ ​

Әрі олар бейне бір / аялап / қорғалған жұмыртқадай.

Verse 50

ﰈﰉﰊﰋﰌ ﰍ ​

Олар / жәннаттықтар / бір-біріне қарап сұрасады.

Verse 51

ﰎﰏﰐﰑﰒﰓﰔ ﰕ ​

Олардың біреуі: «Менің бір жолдасым бар еді.

Verse 52

ﭑﭒﭓﭔ ﭕ ​

Ол маған: «Сен / қайта тірілуді! шын деп сенушілерденсің бе?

Verse 53

ﭖﭗﭘﭙﭚﭛﭜ ﭝ ​

Біз өліп топырақ пен сүйектерге айналған кезімізде есеп беріп жазаға тартыламыз ба?» - дейтін.

Verse 54

ﭞﭟﭠﭡ ﭢ ​

Сендер оны көріп тұрған жоқсындар ма?»- / деп жанындағылардан сұрайды. /

Verse 55

ﭣﭤﭥﭦﭧ ﭨ ​

Сонда өзі қарап, оны Жахимның ортасында көреді.

Verse 56

ﭩﭪﭫﭬﭭ ﭮ ​

Ол: «Аллаһпен ант етейін, сәл болмағанда сен мені құрта жаздадың.

Verse 57

ﭯﭰﭱﭲﭳﭴ ﭵ ​

Раббымның игілігі болмағанда, мен / тозаққа / келтірілгендерден болар едім», -дейді.

Verse 58

ﭶﭷﭸ ﭹ ​

Жәннаттықтар / :«Біз өлмейміз бе,

Verse 59

ﭺﭻﭼﭽﭾﭿ ﮀ ​

дүниедегі / бірінші өлімімізден басқа. Әрі біз жазаға тартылмаймыз ба?» - дейді.

Verse 60

ﮁﮂﮃﮄﮅ ﮆ ​

Шын мәнінде, бұл - ұлы табыс / жетістік, игілік /.

Verse 61

ﮇﮈﮉﮊ ﮋ ​

Амал етушілер, міне, осы секілді / ұлы игілік / үшін амал етсін.

Verse 62

ﮌﮍﮎﮏﮐﮑ ﮒ ​

Сый-сияпат ретінде осы / Жәннат / жақсы ма, әлде / тозақтағы / заққұм ағашы ма?

Verse 63

ﮓﮔﮕﮖ ﮗ ​

Анығында, Біз оны / заққұмды / әділетсіздер үшін сынақ еттік.

Verse 64

ﮘﮙﮚﮛﮜﮝ ﮞ ​

Ол - Жахим / тозағының / түбінен өсетін бір ағаш.

Verse 65

ﮟﮠﮡﮢ ﮣ ​

Оның жемістері шайтандардың бастары секілді / өте ұсқынсыз /.

Verse 66

ﮤﮥﮦﮧﮨﮩ ﮪ ​

Ал, олар одан жейді әрі онымен қарындарын толтырады.

Verse 67

ﮫﮬﮭﮮﮯﮰﮱ ﯓ ​

Содан кейін оларға оның үстінен қайнап тұрған су араластырылып беріледі.

Verse 68

ﯔﯕﯖﯗﯘ ﯙ ​

Кейін олардың / әділетсіздердің / қайтар жерлері - Жахим.

Verse 69

ﯚﯛﯜﯝ ﯞ ​

Ақиқатында, олар аталарын адасқан күйлерінде тапты,

Verse 70

ﯟﯠﯡﯢ ﯣ ​

әрі өздері де олардың / аталарының / іздерінен асығыс жүгіруде.

Verse 71

ﯤﯥﯦﯧﯨ ﯩ ​

Негізінде оларға дейін де алдыңғылардың көбі адасқан еді.

Verse 72

ﯪﯫﯬﯭ ﯮ ​

Біз оларға ескертетін ескертушілерді / пайғамбарлар / жібердік.

Verse 73

ﯯﯰﯱﯲﯳ ﯴ ​

Ей, Мұхаммед! / Ал, енді ескертілгендердің соңы / қалай / болғанына назар сал,

Verse 74

ﯵﯶﯷﯸ ﯹ ​

тек Аллаһтың тазартқан құлдарынан басқаларының.

Verse 75

ﯺﯻﯼﯽﯾ ﯿ ​

Ақиқатында, Нұх Бізге жалбарына үн қатты, Біз қандай жақсы жауап қайтарушымыз.

Verse 76

ﰀﰁﰂﰃﰄ ﰅ ​

Әрі Біз оны және оның үй ішін өте үлкен қайғыдан құтқардық.

Verse 77

ﭑﭒﭓﭔ ﭕ ​

Әрі оның ұрпағын қалушылар еттік / қалдырдық /.

Verse 78

ﭖﭗﭘﭙ ﭚ ​

Ол жайлы кейінгілердің арасында / ізгі сөз / қалдырдық.

Verse 79

ﭛﭜﭝﭞﭟ ﭠ ​

Әлемдердің ішінде Нұхқа сәлем !

Verse 80

ﭡﭢﭣﭤ ﭥ ​

Күмәнсіз, Біз жақсылықты ықыласпен істеушілерге сыйын осылай береміз.

Verse 81

ﭦﭧﭨﭩ ﭪ ​

Шын мәнінде, ол - Біздің иманды / мүмін / құлдарымыздан.

Verse 82

ﭫﭬﭭ ﭮ ​

Кейін басқаларды суға батырдық.

Verse 83

ﭯﭰﭱﭲﭳ ﭴ ​

Әрі шын мәнінде, Ибраһим де оның жолындағылардан еді.

Verse 84

ﭵﭶﭷﭸﭹ ﭺ ​

Ол Раббысына сау жүрекпен келді.

Verse 85

ﭻﭼﭽﭾﭿﮀ ﮁ ​

Ол әкесіне әрі еліне: «Сендер не нәрсеге табынасыңдар?

Verse 86

ﮂﮃﮄﮅﮆ ﮇ ​

Сендер Аллаһтан өзге, ойдан құрастырылған құдайларды қалайсыңдар ма?

Verse 87

ﮈﮉﮊﮋ ﮌ ​

Әлемдердің Раббысы жайында не ойлайсыңдар?» - деді.

Verse 88

ﮍﮎﮏﮐ ﮑ ​

Сөйтіп, ол жұлдыздарға бір қарап көз тастады да:

Verse 89

ﮒﮓﮔ ﮕ ​

«Мен ауырып тұрмын», - деді.

Verse 90

ﮖﮗﮘ ﮙ ​

Сонда олар одан бұрылып кетті.

Verse 91

ﮚﮛﮜﮝﮞﮟ ﮠ ​

Ал, ол олардың құдайларына / пұттарына / жасырына келіп: «Сендер жемейсіңдер ме?

Verse 92

ﮡﮢﮣﮤ ﮥ ​

Сендерге не болды, неге сөйлемейсіңдер?» - деді.

Verse 93

ﮦﮧﮨﮩ ﮪ ​

Сөйтіп, ол оларды оң қолымен ұруға кірісті.

Verse 94

ﮫﮬﮭ ﮮ ​

Сонда олар / қауымы / оған асығып келді.

Verse 95

ﮯﮰﮱﯓ ﯔ ​

Ол / Ибраһим / :«Сендер, өздерің қашап жасағандарыңа табынасыңдар ма?

Verse 96

ﯕﯖﯗﯘ ﯙ ​

Ал Аллаһ сендерді де, сендердің жасап жатқандарыңды да жаратқан», - деді.

Verse 97

ﯚﯛﯜﯝﯞﯟﯠ ﯡ ​

Олар: «Оған бір құрылыс құрып, оны отқа лақтырыңдар», - деді.

Verse 98

ﯢﯣﯤﯥﯦ ﯧ ​

Әрі олар оған бір айла жасағылары келді, бірақ Біз оларды ең төменгілерден еттік.

Verse 99

ﯨﯩﯪﯫﯬﯭ ﯮ ​

Оттан аман шыққан соң Ибраһим / :«Мен өзімнің Раббыма барамын, Ол мені тура жолмен жүргізеді.

Verse 100

ﯯﯰﯱﯲﯳ ﯴ ​

Раббым! Маған ізгілерден тарту ет», - деді.

Verse 101

ﯵﯶﯷ ﯸ ​

Сонда Біз оны өте ұстамды бір ұлмен сүйіншіледік.

Verse 102

ﯹﯺﯻﯼﯽﯾﯿﰀﰁﰂﰃﰄﰅﰆﰇﰈﰉﰊﰋﰌﰍﰎﰏﰐﰑﰒﰓﰔ ﰕ ​

Ол / ұлы / оның өзімен бірге жүріп, әрекет етуге жеткен кезде, ол: «Әй, балам! Мен түсімде сені / құрбандыққа / шалып жатқанымды көремін. Байқап қарашы, сен не ойлайсың?» - деді. Ол: «Әкешім! Өзіңе бұйырылғанды орында. Аллаһ қаласа, мені сабырлылардан табасың», - деді.

Verse 103

ﭑﭒﭓﭔ ﭕ ​

Сөйтіп, екеуі де бойсұнып, ол оны маңдайын жерге тигізіп жатқызған кезде,

Verse 104

ﭖﭗﭘ ﭙ ​

Біз үн қатып: «Ей, Ибраһим!

Verse 105

ﭚﭛﭜﭝﭞﭟﭠﭡ ﭢ ​

Сен түсіңде көргеніңді растап, орындадың»,-дедік. жақсылықты ықыласпен істеушілерге қайтарым сыйын Біз осылай береміз.

Verse 106

ﭣﭤﭥﭦﭧ ﭨ ​

Ақиқатында, бұл - анық сынақ.

Verse 107

ﭩﭪﭫ ﭬ ​

Әрі Біз оның орнына ұлы құрбандық бердік.

Verse 108

ﭭﭮﭯﭰ ﭱ ​

Әрі кейінгілердің арасында ол жайлы / игі дұға-салауат / қалдырдық.

Verse 109

ﭲﭳﭴ ﭵ ​

Ибраһимге сәлем / амандық / болсын!

Verse 110

ﭶﭷﭸ ﭹ ​

Біз жақсылықты ықыласпен істеушілердің сыйын осылай береміз.

Verse 111

ﭺﭻﭼﭽ ﭾ ​

Шын мәнінде, ол - Біздің иманды / мүмін / құлдарымыздан.

Verse 112

ﭿﮀﮁﮂﮃ ﮄ ​

Әрі Біз оны Исхақпен - ізгілердің қатарындағы пайғамбармен сүйіншіледік.

Verse 113

ﮅﮆﮇﮈﮉﮊﮋﮌﮍﮎﮏ ﮐ ​

Әрі Біз оған және Исхаққа береке дарыттық. Ол екеуінің ұрпақтарының ішінде игілік істеушілер бар, сондай-ақ, өзіне-өзі анық әділетсіздік етуші де бар.

Verse 114

ﮑﮒﮓﮔﮕ ﮖ ​

Әрі Біз Мұса мен Һарұнға да игілік жасадық.

Verse 115

ﮗﮘﮙﮚﮛ ﮜ ​

Әрі ол екеуін және олардың елін үлкен қайғы-қасіреттен құтқардық,

Verse 116

ﮝﮞﮟﮠ ﮡ ​

және Біз оларға көмек беріп, олар жеңіске жетті.

Verse 117

ﮢﮣﮤ ﮥ ​

Әрі Біз екеуіне анық Кітапты / Тәуратты / бердік,

Verse 118

ﮦﮧﮨ ﮩ ​

және екеуін тура жолмен жүргіздік.

Verse 119

ﮪﮫﮬﮭ ﮮ ​

Әрі Біз ол екеуі жайлы кейінгілердің арасында / жақсы сөз / қалдырдық.

Verse 120

ﮯﮰﮱﯓ ﯔ ​

Мұса мен Һарұнға сәлем / амандық / !

Verse 121

ﯕﯖﯗﯘ ﯙ ​

Ақиқатында, Біз жақсылықты ықыласпен істеушілердің сыйын осылай береміз.

Verse 122

ﯚﯛﯜﯝ ﯞ ​

Күмәнсіз, ол екеуі - Біздің иманды / мүмін / құлдарымыздан.

Verse 123

ﯟﯠﯡﯢ ﯣ ​

Әрі шын мәнінде, Ілияс та жіберілгендерден.

Verse 124

ﯤﯥﯦﯧﯨ ﯩ ​

Кезінде ол еліне: « / Аллаһтан / қорқып, сақтанбайсыңдар ма?

Verse 125

ﯪﯫﯬﯭﯮ ﯯ ​

Сендер Бәълға / пұтқа / жалбарынып, ең жақсы Жаратушыларыңды тастайсыңдар ма-

Verse 126

ﯰﯱﯲﯳﯴ ﯵ ​

өздеріңнің Раббың әрі бұрынғы ата-бабаларыңның Раббысы болған Аллаһты?» - деді.

Verse 127

ﭑﭒﭓ ﭔ ​

Сонда олар оны өтірікшіге шығарды, енді олар міндетті түрде / тозаққа / келтіріледі,

Verse 128

ﭕﭖﭗﭘ ﭙ ​

тек Аллаһтың тазартқан құлдарынан басқалары.

Verse 129

ﭚﭛﭜﭝ ﭞ ​

Әрі Біз ол жайлы кейінгілердің арасында / жақсы сөз / қалдырдық.

Verse 130

ﭟﭠﭡﭢ ﭣ ​

Ілиясинге сәлем!

Verse 131

ﭤﭥﭦﭧ ﭨ ​

Күмәнсіз, Біз жақсылықты ықыласпен істеушілердің сыйын осылай береміз.

Verse 132

ﭩﭪﭫﭬ ﭭ ​

Шын мәнінде, ол Біздің иманды / мүмін / құлдарымыздан.

Verse 133

ﭮﭯﭰﭱ ﭲ ​

Сөзсіз, Лұт та жіберілгендерден.

Verse 134

ﭳﭴﭵﭶ ﭷ ​

Біз оны және оның үй ішінің барлығын құтқардық,

Verse 135

ﭸﭹﭺﭻ ﭼ ​

тек қалушылардан болған бір кемпірден басқа.

Verse 136

ﭽﭾﭿ ﮀ ​

Содан кейін басқаларын жойып жібердік.

Verse 137

ﮁﮂﮃﮄ ﮅ ​

Әрі сендер олардың жанынан таңертең өтесіңдер,

Verse 138

ﮆﮇﮈﮉ ﮊ ​

және түнде де. Ақылдарыңды істетіп, ұғынбайсыңдар ма?

Verse 139

ﮋﮌﮍﮎ ﮏ ​

Йунус та жіберілгендерден.

Verse 140

ﮐﮑﮒﮓﮔ ﮕ ​

Кезінде ол лық толы болған кемеге қашқан еді.

Verse 141

ﮖﮗﮘﮙ ﮚ ​

Содан жеребе тартып, жеңілгендерден болды.

Verse 142

ﮛﮜﮝﮞ ﮟ ​

Сөйтіп оны жазғырылуға лайық болған күйінде кит жұтты.

Verse 143

ﮠﮡﮢﮣﮤ ﮥ ​

Егер де ол / Аллаһты кемшіліктен / пәк деп дәріптеушілерден болмағанда,

Verse 144

ﮦﮧﮨﮩﮪﮫ ﮬ ​

оның / киттің / ішінде қайта тірілтілетін күнге дейін қалған болар еді.

Verse 145

ﮭﮮﮯﮰﮱ ﯓ ​

Сонда Біз оны ашық жерге шығарып тастадық.Ал, ол әлсіз еді.

Verse 146

ﯔﯕﯖﯗﯘ ﯙ ​

Әрі Біз оның үстіне / оған / иақтийн өсімдігін өсірдік.

Verse 147

ﯚﯛﯜﯝﯞﯟ ﯠ ​

Әрі Біз оны жүз мың немесе одан да көпке жібердік.

Verse 148

ﯡﯢﯣﯤ ﯥ ​

Олар иманға келді. Сонда Біз оларды бір мерзімге дейін пайдаландырдық.

Verse 149

ﯦﯧﯨﯩﯪ ﯫ ​

Олардан / мүшріктерден / сұра, шынымен-ақ сенің Раббыңа қыздар, ал оларға ұлдар ма?

Verse 150

ﯬﯭﯮﯯﯰﯱ ﯲ ​

Әлде Біз періштелерді әйел етіп жаратып, олар оны / көріп / куә болды ма?

Verse 151

ﯳﯴﯵﯶﯷ ﯸ ​

Біліңдер! Олар ойларынан шығарған жаласын айтады:

Verse 152

ﯹﯺﯻﯼ ﯽ ​

«Аллаһ туды», - деп. Олар - сөзсіз, өтірік айтушылар.

Verse 153

ﯾﯿﰀﰁ ﰂ ​

Ол ұлдарға қарағанда қыздарды таңдады ма?

Verse 154

ﭑﭒﭓﭔ ﭕ ​

Сендерге не болды, қалай шешім шығарасыңдар?

Verse 155

ﭖﭗ ﭘ ​

Естеріңе түсірмейсіңдер ме?

Verse 156

ﭙﭚﭛﭜ ﭝ ​

Әлде сендерде анық дәлел бар ма?

Verse 157

ﭞﭟﭠﭡﭢ ﭣ ​

Егер шын сөзді болсаңдар, кітаптарыңды әкеліңдер.

Verse 158

ﭤﭥﭦﭧﭨﭩﭪﭫﭬﭭﭮ ﭯ ​

Олар / серік қосушылар / Онымен / Аллаһпен / жындардың арасында туыстық байланыс бар деп ұйғарды. Ал жындар болса өздерінің / есеп беруге / келтірілетінін білді.

Verse 159

ﭰﭱﭲﭳ ﭴ ​

Аллаһ - олардың таңған сипаттарынан / жапқан жалаларынан / пәк,

Verse 160

ﭵﭶﭷﭸ ﭹ ​

тек Аллаһтың тазартқан құлдары ғана басқа / ондайдан аулақ /.

Verse 161

ﭺﭻﭼ ﭽ ​

Ал, сендер және сендердің табынғандарың,

Verse 162

ﭾﭿﮀﮁ ﮂ ​

Оған / Аллаһқа / қатысты ешкімді де бүлікке сала алмайсыңдар,

Verse 163

ﮃﮄﮅﮆﮇ ﮈ ​

тек Жахимда (Тозақта) жанатындарды ғана / бүлікке түсіре аласыңдар /.

Verse 164

ﮉﮊﮋﮌﮍﮎ ﮏ ​

Періштелер / :«Бізден орны белгілі болмаған ешкім жоқ.

Verse 165

ﮐﮑﮒ ﮓ ​

Ақиқатында, біз қатарланып тұрушымыз.

Verse 166

ﮔﮕﮖ ﮗ ​

Әрі біз - / Аллаһты кемшіліктерден / пәк деп дәріптеушіміз», - дейді.

Verse 167

ﮘﮙﮚ ﮛ ​

Ал, олар / Мекке мүшріктері / кезінде:

Verse 168

ﮜﮝﮞﮟﮠﮡ ﮢ ​

«Егер де бізде әуелгілерден бір «Еске салу» болғанда,

Verse 169

ﮣﮤﮥﮦ ﮧ ​

онда біз де Аллаһтың таңдалған құлдарынан болар едік», - деп айтатын еді.

Verse 170

ﮨﮩﮪﮫﮬ ﮭ ​

Алайда, олар оған / Елшіге / күпірлік етті / сенбеді /. Енді олар жақын арада біледі.

Verse 171

ﮮﮯﮰﮱﯓ ﯔ ​

Әрі Біздің Сөзіміз Елші етіп жіберілген құлдарымызға алдын ала бекітіліп қойылған:

Verse 172

ﯕﯖﯗ ﯘ ​

Оларға сөзсіз көмек берілетіні,

Verse 173

ﯙﯚﯛﯜ ﯝ ​

және Біздің әскеріміздің жеңетіні туралы.

Verse 174

ﯞﯟﯠﯡ ﯢ ​

Ей, Мұхаммед! / Олардан / мүшріктерден / бір уақытқа дейін жүзіңді бүр,

Verse 175

ﯣﯤﯥ ﯦ ​

әрі Оларға қара, жақында олар / азапты / көреді.

Verse 176

ﯧﯨ ﯩ ​

Олар Біздің азабымыздың тез болуын талап ете ме?

Verse 177

ﯪﯫﯬﯭﯮﯯ ﯰ ​

Ал, ол / азап / олардың есіктерінің алдына түскен кезде, ескертілгендердің таңы қандай жаман болады.

Verse 178

ﯱﯲﯳﯴ ﯵ ​

Ей, Мұхаммед! / Олардан / мүшріктерден / бір уақытқа дейін жүзіңді бүр,

Verse 179

ﯶﯷﯸ ﯹ ​

және қара, жақында олар / азапты / көреді.

Verse 180

ﯺﯻﯼﯽﯾﯿ ﰀ ​

Сенің Раббың - үстемдік Раббысы / Иесі / олардың сипаттағандарынан пәк.

Verse 181

ﰁﰂﰃ ﰄ ​

Әрі елшілерге сәлем / амандық /.

Verse 182

ﰅﰆﰇﰈ ﰉ ​

Барлық мақтау - Әлемдердің Раббысы Аллаһқа.