ترجمة معاني سورة مريم باللغة اللوغندية من كتاب الترجمة اللوغندية - المؤسسة الإفريقية للتنمية

آية رقم 1

ﭑ ﭒ ​

1. Kaaf Haa Yaa Ain Swad.

آية رقم 2

ﭓﭔﭕﭖﭗ ﭘ ​

2. Okwogera ku kusaasira kwa Mukama Omulabiriziwo kwe yawa omudduwe Zakaria.

آية رقم 3

ﭙﭚﭛﭜﭝ ﭞ ​

3. Mu kiseera bwe yasaba Mukama Omulabiriziwe okusaba okw'ekyama.

آية رقم 4

ﭟﭠﭡﭢﭣﭤﭥﭦﭧﭨﭩﭪﭫﭬ ﭭ ​

4. Naagamba nti ayi Mukama omulabirizi wange, mazima nze amagumba gannyenjebuse, n'omutwe gubunye envi, ate nga ssirekererwangako ayi Mukama Omulabirizi wange buli lwe nkusaba.

آية رقم 5

ﭮﭯﭰﭱﭲﭳﭴﭵﭶﭷﭸﭹﭺ ﭻ ​

5. Era mazima nze, nneekengedde ab'omusaayi gwange (bayinza okweyisa obubi) oluvanyuma lwange, ate nga ne Mukyala wange mugumba awo nno nkusaba ompe okuva gyoli omwana.

آية رقم 6

ﭼﭽﭾﭿﮀﮁﮂﮃﮄ ﮅ ​

6. Anaansikira, era asikire ab'olulyo lwa Yakubu, era omufuule asiimibwa ayi Mukama Omulabirizi wange.

آية رقم 7

ﮆﮇﮈﮉﮊﮋﮌﮍﮎﮏﮐﮑ ﮒ ​

7. (Naayanukulwa nti) owange Zakaria mazima ffe tukuwa amawulire ag'essanyu nti ogenda kufuna omwana omulenzi, nga erinya lye ye Yahaya (erinnya) lye tutassangawo oluberyeberye aliyitibwa.

آية رقم 8

ﮓﮔﮕﮖﮗﮘﮙﮚﮛﮜﮝﮞﮟﮠ ﮡ ​

8. (Zakaria) naagamba nti omwana omulenzi (oyo) nnaamufuna ntya, nga Mukyala wange mugumba nga n’olwo bukadde nfuuse mugogge!.

آية رقم 9

ﮢﮣﮤﮥﮦﮧﮨﮩﮪﮫﮬﮭﮮﮯ ﮰ ​

9. (Malayika) naagamba nti (bwe kityo bwe kirina okuba), Mukama Omulabiriziwo agambye nti: ekyo ku nze kyangu era mazima nakutonda nga mu kusooka tewali kintu kyonna.

آية رقم 10

ﮱﯓﯔﯕﯖﯗﯘﯙﯚﯛﯜﯝﯞﯟ ﯠ ​

10. (Zakaria) naagamba nti ayi Mukama Omulabirizi wange nteeraawo akabonero (akanaalaga nti omukyala ali lubuto) naamugamba nti bwe butayogera na bantu okumala ebiro bisatu ebijjudde (awamu n'okuba nga oli mulamu).

آية رقم 11

ﯡﯢﯣﯤﯥﯦﯧﯨﯩﯪﯫ ﯬ ​

11. Awo nno yafuluma, naasisinkana abantu be nga ava mu ssinzizo naabalagira (nga tayogera, wabula nga akozesa bubonero) nti muteendereze, (Katonda) enkya n'olweggulo.

آية رقم 12

ﭑﭒﭓﭔﭕﭖﭗﭘ ﭙ ​

12. (Yahaya naalagirwa nti) owange Yahaya ekitabo (Tawurat) kikwate na maanyi, era twamuwa okumanya ensonga nga akyali muto.

آية رقم 13

ﭚﭛﭜﭝﭞﭟﭠ ﭡ ​

13. Era twamussaawo nga kulumirwa (bantu) okuva gye tuli era nga butukuvu, era yali mutya Katonda.

آية رقم 14

ﭢﭣﭤﭥﭦﭧ ﭨ ​

14. Era nga yayisa bulungi bakaddebe bombi era tabangako mwekuluntaze omujeemu.

آية رقم 15

ﭩﭪﭫﭬﭭﭮﭯﭰﭱ ﭲ ​

15. Era emirembe gibeere ku ye olunaku lwe yazaalibwa, n'olunaku lwalifa, n'olunaku lwalizuukizibwa nga mulamu.

آية رقم 16

ﭳﭴﭵﭶﭷﭸﭹﭺﭻﭼ ﭽ ​

16. Era yogera nga ojja mu kitabo (Kur’ani ebikwata ku) Mariam bwe yeesamba abantube nadda ku ludda olw'ebuvanjuba.

آية رقم 17

ﭾﭿﮀﮁﮂﮃﮄﮅﮆﮇﮈ ﮉ ​

17. Naateekawo olutimbe baleme kumulaba awo nno twamutumira mwoyo waffe (Jiburilu) naamweyoleka nga muntu ddala.

آية رقم 18

ﮊﮋﮌﮍﮎﮏﮐﮑ ﮒ ​

18. (Mariam) naagamba nti nsaba Mukama Katonda Omusaasizi akuntaaseeko bwoba nga otya Katonda (ndeka tonsemberera).

آية رقم 19

ﮓﮔﮕﮖﮗﮘﮙﮚﮛ ﮜ ​

19. (Malayika) naamugamba nti mazima nze ndi mubaka okuva ewa Mukama Omulabiriziwo nkuleetedde omwana omulenzi omutukuvu.

آية رقم 20

ﮝﮞﮟﮠﮡﮢﮣﮤﮥﮦﮧ ﮨ ​

20. Mariam naagamba nti nyinza ntya okufuna omwana nga tewali muntu yankutteko, ate nga sibangako malaaya!.

آية رقم 21

ﮩﮪﮫﮬﮭﮮﮯﮰﮱﯓﯔﯕﯖﯗﯘﯙﯚ ﯛ ​

21. (Malayika naagamba nti) bwe kityo bwe kirina okuba, Mukama Omulabiriziwo agambye nti kyo ku nze kyangu. Era tube nga tumufuula akabonero eri abantu (akalaga obuyinza bwa Katonda), era nga kusaasira okuva gye tuli, era kyali ekigambo ekyasalibwawo (edda).

آية رقم 22

ﯜﯝﯞﯟﯠﯡ ﯢ ​

22. (Mariam) n'aba olubuto lwa Issa, neyeesamba nalwo okuva mu bantu okulaga eri ekifo ekyesudde.

آية رقم 23

ﯣﯤﯥﯦﯧﯨﯩﯪﯫﯬﯭﯮﯯ ﯰ ​

23. Awo nno ebisa nebimusindiikiriza naasibira wansi w'omutende, naagamba nti, ndabye nze singa nnafa nga kino tekinnabaawo nemba ekyerabiddwa ekitakyafiibwako.

آية رقم 24

ﯱﯲﯳﯴﯵﯶﯷﯸﯹﯺ ﯻ ​

24. (Malayika) naamukoowoola nga asinziira wansi we nti tonakuwala, mazima Mukama omulabiriziwo atadde wansi wo omwaala.

آية رقم 25

ﯼﯽﯾﯿﰀﰁﰂﰃ ﰄ ​

25. Weenyenyeze omutende gujja kukusuulira entende embisi, ezituuse okunoga.

آية رقم 26

ﭑﭒﭓﭔﭕﭖﭗﭘﭙﭚﭛﭜﭝﭞﭟﭠﭡﭢﭣ ﭤ ​

26. Olwo nno, lya ku (ntende) era onywe ku (mwaala) otebenkere amaaso (obeere bulungi), wonna woolabira omuntu yenna, ggwe mugambe nti neeyamye ku lwa Katonda Omusaasizi okusirika, ssigenda kwogera na muntu yenna olwa leero.

آية رقم 27

ﭥﭦﭧﭨﭩﭪﭫﭬﭭﭮﭯ ﭰ ​

27. Naamuleeta eri abantube nga amusitudde nebagamba nti owange Mariam mazima okoze ekintu ekisasamaza.

آية رقم 28

ﭱﭲﭳﭴﭵﭶﭷﭸﭹﭺﭻ ﭼ ​

28. Owange mwannyina wa Haruna, Kitaawo tabangako muntu mukozi wa kibi, era ne Maamawo tabangako Malaaya!.

آية رقم 29

ﭽﭾﭿﮀﮁﮂﮃﮄﮅﮆﮇ ﮈ ​

29. (Mariam) naasonga ku mwana, (bali) nebagamba tuyinza tutya okwogera n'omwana ali ku kaali omuwere.

آية رقم 30

ﮉﮊﮋﮌﮍﮎﮏﮐ ﮑ ​

30. (Omwana) naagamba nti mazima nze ndi muddu wa Katonda, ampadde ekitabo (enjiri) era nanfuula Nabbi.

آية رقم 31

ﮒﮓﮔﮕﮖﮗﮘﮙﮚﮛﮜ ﮝ ​

31. Era nanfuula ow'omukisa wonna wennabanga, era ankuutidde okusaala, n'okutoola Zakka, ebbanga lye nnaamala nga ndi mulamu.

آية رقم 32

ﮞﮟﮠﮡﮢﮣ ﮤ ​

32. Era (ankuutidde) okuyisa obulungi Maama wange, era tanfudde eyeekuza, omwonoonefu.

آية رقم 33

ﮥﮦﮧﮨﮩﮪﮫﮬﮭ ﮮ ​

33. Era emirembe gibeere ku nze olunaku lwe nnazaalibwa, n'olunaku lwe ndifa, n'olunaku lwe ndizuukizibwa nemba omulamu.

آية رقم 34

ﮯﮰﮱﯓﯔﯕﯖﯗﯘﯙ ﯚ ​

34. Oyo ye Issa Mutabani wa Mariam, ekigambo eky'amazima ekyo (abeeyita abagoberezibe) kye babuusabuusa.

آية رقم 35

ﯛﯜﯝﯞﯟﯠﯡﯢﯣﯤﯥﯦﯧﯨﯩﯪﯫﯬ ﯭ ​

35. Katonda tekimusaanira kweteerawo mwana. Anti yye musukkulumu (ku buli kintu), bwasalawo ekintu mazima akigamba nti ba, nekiba.

آية رقم 36

ﯮﯯﯰﯱﯲﯳﯴﯵﯶ ﯷ ​

36. Era mazima ddala Katonda ye Mukama omulabirizi wange, era Omulabirizi wa mmwe, kale mumusinze, eryo ly'ekkubo eggolokofu.

آية رقم 37

ﯸﯹﯺﯻﯼﯽﯾﯿﰀﰁﰂﰃ ﰄ ​

37. Wabula ebibiina bya bantu byayawukana (ku nsonga ya Issa), n'olwekyo okubonaabona kugenda kubeera ku abo abaakaafuwala (nebabikka amazima agakwata ku Issa) ku lunaku olunene abantu bonna lwe balibaako.

آية رقم 38

ﰅﰆﰇﰈﰉﰊﰋﰌﰍﰎﰏﰐ ﰑ ​

38. Bagenda kuba nga bawulira nnyo era nga balaba nnyo, olunaku lwe balitujjira naye abeeyisa obubi olwa leero (kuno ku nsi) bali mu bubuze obw'olwatu.

آية رقم 39

ﭑﭒﭓﭔﭕﭖﭗﭘﭙﭚﭛﭜ ﭝ ​

39. Batiise (Ggwe Muhammad) olunaku lw'okwejjusa mu kiseera ekigambo lwe kirisalibwawo, (abalongoofu bayingire e jjana aboonoonyi bayingire omuliro), wabula bo olwa leero bali mu bugayaavu era bbo tebakkiriza.

آية رقم 40

ﭞﭟﭠﭡﭢﭣﭤﭥ ﭦ ​

40. Mazima ffe, ffe tulisikira ensi n'abagiriko era gye tuli gye balizzibwa.

آية رقم 41

ﭧﭨﭩﭪﭫﭬﭭﭮﭯ ﭰ ​

41. Era yogera nga ojja mu kitabo (kino Kur’ani) ebikwata ku Ibrahim, mazima yye yali mukkiriza ow'amazima era nga Nabbi.

آية رقم 42

ﭱﭲﭳﭴﭵﭶﭷﭸﭹﭺﭻﭼﭽﭾﭿ ﮀ ​

42. Mujjukire (Ibrahim) bwe yagamba Kitaawe nti owange Taata lwaki osinza ebitawulira, era ebitalaba, era ebitayinza kukugasa mu kintu kyonna.

آية رقم 43

ﮁﮂﮃﮄﮅﮆﮇﮈﮉﮊﮋﮌﮍ ﮎ ​

43. Owange Taata mazima nze nzigyiddwa okumanya okutaakujjira, n'olwekyo ngoberera, nja kukulungamya ku kkubo eggolokofu.

آية رقم 44

ﮏﮐﮑﮒﮓﮔﮕﮖﮗﮘ ﮙ ​

44. Owange Taata tosinzanga Sitane, mazima Sitane yajeemera Katonda omusaasizi.

آية رقم 45

ﮚﮛﮜﮝﮞﮟﮠﮡﮢﮣﮤ ﮥ ​

45. Owange Taata mazima nze ntya ebibonerezo okuva ewa Katonda omusaasizi okukutuukako, olwo n'oba mukwano gwa Sitane.

آية رقم 46

ﮦﮧﮨﮩﮪﮫﮬﮭﮮﮯﮰﮱﯓﯔ ﯕ ​

46. (Kitaawe) naagamba nti owange Ibrahim oyagala kuva ku ba Katonda bange, bwotookikomye nja kukukuba amayinja, nviira mangu ssaagala kukulaba.

آية رقم 47

ﯖﯗﯘﯙﯚﯛﯜﯝﯞﯟﯠﯡ ﯢ ​

47. Ibrahim naagamba nti emirembe gibe ku ggwe, nja kwegayirira Mukama Omulabirizi wange akusonyiwe, mazima yye bulijjo annumirwa.

آية رقم 48

ﯣﯤﯥﯦﯧﯨﯩﯪﯫﯬﯭﯮﯯﯰ ﯱ ​

48. Nja kubaviira (mbaleke) n'ebyo bye musinza nemuva ku Katonda era nja kusaba Mukama Omulabirizi wange, nkakasa siyinza kuba mwonoonefu olw'okusinza Mukama Omulabirizi wange.

آية رقم 49

ﯲﯳﯴﯵﯶﯷﯸﯹﯺﯻﯼﯽﯾﯿﰀ ﰁ ​

49. Bwe yabaviira naabaleka n'ebyo bye basinza nebalekawo Katonda, twamugabira Ishak, ne Yakubu buli omu ku bombi twamufuula Nabbi.

آية رقم 50

ﰂﰃﰄﰅﰆﰇﰈﰉﰊ ﰋ ​

50. Era twabagabira okuva mu kusaasira kwaffe, netubateerawo okwogerwako okw'amazima okubafuula ab'awaggulu.

آية رقم 51

ﰌﰍﰎﰏﰐﰑﰒﰓﰔﰕﰖ ﰗ ​

51. Yogera mu Kitabo (Kur’ani) ebikwata ku Musa, mazima yye yali mulondemu, era yali mubaka era Nabbi.

آية رقم 52

ﭑﭒﭓﭔﭕﭖﭗ ﭘ ​

52. Twamukoowoola ku ludda olwa ddyo olw'olusozi (Sinai), netumusembeza nga twogera naye.

آية رقم 53

ﭙﭚﭛﭜﭝﭞﭟ ﭠ ​

53. Era netumuwa okuva mu kusasira kwaffe Mugandawe Haruna nga (naye) Nabbi.

آية رقم 54

ﭡﭢﭣﭤﭥﭦﭧﭨﭩﭪﭫﭬ ﭭ ​

54. Era yogera nga ojja mu Kitabo (Kur’ani) ebikwata ku Ismail, mazima yye yali mutuukiriza wa ndagaano, era yali Mubaka nga Nabbi.

آية رقم 55

ﭮﭯﭰﭱﭲﭳﭴﭵﭶ ﭷ ​

55. Yalinga alagira abantu be okusaala n'okutoola Zakka. Era bulijjo nga asiimwa ewa Mukama Omulabiriziwe.

آية رقم 56

ﭸﭹﭺﭻﭼﭽﭾﭿﮀ ﮁ ​

56. Era yogera nga ojja mu kitabo (Kur’ani) ebikwata ku Idrisa, mazima yye yali musuffu mu mazima nga Nabbi.

آية رقم 57

ﮂﮃﮄ ﮅ ​

57. Era twamusitula netumuwa ekifo ekya waggulu.

آية رقم 58

ﮆﮇﮈﮉﮊﮋﮌﮍﮎﮏﮐﮑﮒﮓﮔﮕﮖﮗﮘﮙﮚﮛﮜﮝﮞﮟﮠﮡﮢﮣﮤ ﮥ ​

58. Abo beebo Katonda beyagabira ebyengera mu ba Nabbi nga bava mu bazzukulu ba Adam, ne mu abo betwatwala ne Nuhu mu lyato, ne mu bazzukulu ba Ibrahim, ne Israil ne mu abo betwalungamya, era netubaawula. Ebigambo bya Katonda omusaasizi buli lwe byabasomerwanga bakkanga wansi nga bavunnama era nga bakaaba.

آية رقم 59

ﮦﮧﮨﮩﮪﮫﮬﮭﮮﮯﮰﮱﯓ ﯔ ​

59. Olwo nno oluvanyuma lwabwe wajjayo abaabaddira mu bigere, abataafa ku sswala, era nebagoberera eby'obwagazi, luliba lumu bagenda kusisinkana okufaafaaganirwa n'okuzikirira.

آية رقم 60

ﯕﯖﯗﯘﯙﯚﯛﯜﯝﯞﯟﯠ ﯡ ​

60. Okugyako oyo eyeenenya, era nakkiriza era naakola emirimu emirongoofu, abo bagenda kuyingira e jjana era tebagenda kulyazaamaanyizibwa kintu kyonna.

آية رقم 61

ﯢﯣﯤﯥﯦﯧﯨﯩﯪﯫﯬﯭ ﯮ ​

61. (Baliyingira) e jjana ez'olubeerera, ezo Katonda omusaasizi ze yalagaanyisa abaddube nga tebazirabyeko, mazima endagaano ye erina kutuukirira.

آية رقم 62

ﯯﯰﯱﯲﯳﯴﯵﯶﯷﯸﯹﯺ ﯻ ​

62. Tebagenda kuwulira mu yo (e jjana) luyoogaano wabula (baliwulira) bigambo bya mirembe byereere baliweebwa riziki yaabwe mu yo enkya n'olweggulo.

آية رقم 63

ﯼﯽﯾﯿﰀﰁﰂﰃﰄ ﰅ ​

63. Eyo ye jjana, eyo gye tulisikiza, abamu ku baddu baffe, oyo eyali atya Katonda.

آية رقم 64

ﰆﰇﰈﰉﰊﰋﰌﰍﰎﰏﰐﰑﰒﰓﰔﰕﰖﰗﰘﰙ ﰚ ​

64. Era ffe (ba Malayika) tetukka okugyako lwa kiragiro kya Mukama Omulabiriziwo, bibye byonna ebiri mu maaso gaffe n'ebiri emabega waffe, n’ebyo ebiri wakati wa byombi era Mukama omulabiriziwo tabeerangako eyeerabira.

آية رقم 65

ﭑﭒﭓﭔﭕﭖﭗﭘﭙﭚﭛﭜﭝ ﭞ ​

65. (Katonda) ye Mukama omulabirizi w'eggulu omusanvu n'ensi, n'ebyo ebiri wakati wa byombi kale nno musinze ogumiikirize ku kumusinza (bwotokola ekyo) abaffe omanyiiyo amufaanana?.

آية رقم 66

ﭟﭠﭡﭢﭣﭤﭥﭦ ﭧ ​

66. Omuntu agamba nti bwendiba nfudde ate ndiggyibwa (mu ntaana) nga ndi mulamu!.

آية رقم 67

ﭨﭩﭪﭫﭬﭭﭮﭯﭰﭱ ﭲ ​

67. Abaffe omuntu tajjukira nti mazima ffe twamutonda omulundi ogwasooka nga yali tabangako kintu kyonna.

آية رقم 68

ﭳﭴﭵﭶﭷﭸﭹﭺ ﭻ ​

68. N'olwekyo ndayidde Mukama omulabiriziwo, ddala tugenda kubazuukiza ne (Sitane) nazo tuzizuukize, oluvanyuma tugenda kubaleetera ddala awali omuliro Jahannama nga bakutaamiridde.

آية رقم 69

ﭼﭽﭾﭿﮀﮁﮂﮃﮄﮅ ﮆ ​

69. Oluvanyuma ddala tugenda kuggya mu buli kibiina buli yenna eyali asinga okwewaggula ku Katonda ow'ekisa ekingi.

آية رقم 70

ﮇﮈﮉﮊﮋﮌﮍﮎ ﮏ ​

70. Oluvanyuma ffe tuliba tumanyi nnyo abo abasinga okusaanira okugwesogga.

آية رقم 71

ﮐﮑﮒﮓﮔﮕﮖﮗﮘﮙ ﮚ ​

71. Tewali n'omu yenna ku mmwe okugyako w'a kuguyitako, ekyo ku Mukama omulabiriziwo kikakafu ekyaggwa edda.

آية رقم 72

ﮛﮜﮝﮞﮟﮠﮡﮢ ﮣ ​

72. Oluvanyuma tuliwonya abo abatya Katonda, olwo nno tuleke mu gwo abeeyisa obubi nga bagangalamye.

آية رقم 73

ﮤﮥﮦﮧﮨﮩﮪﮫﮬﮭﮮﮯﮰﮱﯓﯔ ﯕ ​

73. Bwe bisomebwa ku bo ebigambo byaffe nga binnyonnyofu, abo abaakaafuwala bagamba abo abakkiriza, nti ku bibiina ebibiri kiriwa ekirina ekifo ekirungi? era abalina enkungaana ezisinga obulungi.

آية رقم 74

ﯖﯗﯘﯙﯚﯛﯜﯝﯞ ﯟ ​

74. Mirembe emeka gye twazikiriza oluberyeberye lwa bwe, nga abo be baali basinza ebintu ebirungi nendabika ennungi.

آية رقم 75

ﯠﯡﯢﯣﯤﯥﯦﯧﯨﯩﯪﯫﯬﯭﯮﯯﯰﯱﯲﯳﯴﯵﯶﯷﯸﯹ ﯺ ​

75. Bagambe nti oyo yenna abeera mu bubuze, Katonda omusaasizi amulindiriza olulindiriza, okutuusa nga balabye bye baalagaanyisibwa, kabibe bibonerezo oba essaawa ey'enkomerero olwo nno bagenda kumanya ani alina ekifo ekibi era ani alina eggye erinafu.

آية رقم 76

ﯻﯼﯽﯾﯿﰀﰁﰂﰃﰄﰅﰆﰇﰈ ﰉ ​

76. Ate abo abaalungama Katonda abongera bulungamu, byo ebisigalawo ebirungi y'empeera esinga obulungi ewa Mukama omulabiriziwo, eyo nga mpeera era nga bwe buddo obusinga obulungi.

آية رقم 77

ﭑﭒﭓﭔﭕﭖﭗﭘ ﭙ ​

77. Abaffe olabye oyo alimbisa ebigambo byaffe, era naagamba nti (ne ku nkomerero) ngenda kuweebwa emmaali n'abaana.

آية رقم 78

ﭚﭛﭜﭝﭞﭟﭠ ﭡ ​

78. Abaffe yasobola okulaba ebyekusifu, oba yafuna ewa Katonda omusaasizi endagaano, (atuuke okugamba nti aliba ne mmaali n'abaana ku nkomerero).

آية رقم 79

ﭢﭣﭤﭥﭦﭧﭨﭩﭪﭫ ﭬ ​

79. Si bwe guli, tujja kuwandiika buli kyayogera tumulindirize ku bibonerezo olulindiriza.

آية رقم 80

ﭭﭮﭯﭰﭱ ﭲ ​

80. Olwo nno tweddize ebyo bye yagamba, ate nga agenda kutujjira nga ali yekka nga talina kyalina.

آية رقم 81

ﭳﭴﭵﭶﭷﭸﭹﭺ ﭻ ​

81. Era beeteerawo bye basinza nebaleka Katonda omu, mbu olwo balyoke babeere eri bano abataddewo abawi b'obuwagizi.

آية رقم 82

ﭼﭽﭾﭿﮀﮁﮂ ﮃ ​

82. Ssi bwe guli, bajja kuwakanya eky'okubasinza bafuuke ekyennyume kyabwe.

آية رقم 83

ﮄﮅﮆﮇﮈﮉﮊﮋﮌ ﮍ ​

83. Tolaba nti mazima ffe tusindika Sitane eri abakaafiiri nga zibawagira oluwagira.

آية رقم 84

ﮎﮏﮐﮑﮒﮓﮔﮕ ﮖ ​

84. Toyanguya kubasabira kuzikirira, mazima ennaku zaabwe tuzibabalira bubalizi.

آية رقم 85

ﮗﮘﮙﮚﮛﮜ ﮝ ​

85. (Bategeeze) olunaku lwe tulikunganya abatya Katonda, netubatwala ewa Katonda omusaasizi nga bagenyi.

آية رقم 86

ﮞﮟﮠﮡﮢ ﮣ ​

86. Ate tusindiikirize aboonoonyi, nga tubatwala ku muliro Jahannama nga balinga ensolo ezigenda okunywa amazzi.

آية رقم 87

ﮤﮥﮦﮧﮨﮩﮪﮫﮬ ﮭ ​

87. Tebaliba na buyinza bwa kuwolereza, wabula oyo eyafuna endagaano ewa Mukama Katonda ow'ekisa ekingi.

آية رقم 88

ﮮﮯﮰﮱ ﯓ ​

88. (Abatakkiriza) bagamba nti Katonda omusaasizi yeeteerawo omwana.

آية رقم 89

ﯔﯕﯖﯗ ﯘ ​

89. Mazima mu kwogera ekyo muleese ekintu ekibi ennyo.

آية رقم 90

ﯙﯚﯛﯜﯝﯞﯟﯠﯡ ﯢ ​

90. Eggulu omusanvu kumpi okweyuza olw'ekyo, n'ensi ebula okwatikayatika n'ensozi kumpi kugwa nga zimogosemogose.

آية رقم 91

ﯣﯤﯥﯦ ﯧ ​

91. Olw'okugamba nti Mukama Katonda Omusaasizi alina omwana.

آية رقم 92

ﯨﯩﯪﯫﯬﯭ ﯮ ​

92. Ate nga tekigwana ku Katonda omusaasizi kweteerawo mwana.

آية رقم 93

ﯯﯰﯱﯲﯳﯴﯵﯶﯷﯸ ﯹ ​

93. Tewali kitonde kiri mu ggulu musanvu n'ensi okugyako nga kigenda kujja ewa Katonda omusaasizi nga kiri mu ngeri ya buddu.

آية رقم 94

ﯺﯻﯼﯽ ﯾ ​

94. Mazima yabakomekkereza, era naababala olubala.

آية رقم 95

ﯿﰀﰁﰂﰃ ﰄ ​

95. Era bonna bagenda kumujjira olunaku lw'enkomerero kinnoomu.

آية رقم 96

ﭑﭒﭓﭔﭕﭖﭗﭘﭙ ﭚ ​

96. Mazima abo abakkiriza nebakola emirimu emirungi, Katonda ajja kubateerawo okwagalwa.

آية رقم 97

ﭛﭜﭝﭞﭟﭠﭡﭢﭣﭤ ﭥ ​

97. Mazima (Kur’ani) twagifuula nnyangu ku lulimilwo, obe nga osanyusa nayo abo abatya Katonda, ate obe nga otiisa nayo abo abayitirivu b'okugiwakanya.

آية رقم 98

ﭦﭧﭨﭩﭪﭫﭬﭭﭮﭯﭰﭱﭲﭳ ﭴ ​

98. (Abantu ba) mirembe emeka gye twazikiriza oluberyeberye lwa bwe (bano abalimbisa Kur’ani), abaffe olina gwolabako mu bo, oba gwowulizaako olukwakwayo.