Verse 1

ﭑﭒ ﭓ ​

শপত শাৰীবদ্ধ ফিৰিস্তাসকলৰ,

Verse 2

ﭔﭕ ﭖ ​

তাৰ পিছত কঠোৰ পৰিচালকসকলৰ,

Verse 3

ﭗﭘ ﭙ ​

আৰু উপদেশ গ্ৰন্থ তিলাৱতকাৰীসকলৰ,

Verse 4

ﭚﭛﭜ ﭝ ​

নিশ্চয় তোমালোকৰ ইলাহ এজন,

Verse 5

ﭞﭟﭠﭡﭢﭣﭤ ﭥ ​

যিজন আকাশসমূহ, পৃথিৱী আৰু এই দুয়োৰ মধ্যৱৰ্তী সকলো বস্তুৰ ৰব আৰু উদয়স্থল সমূহৰো ৰব।

Verse 6

ﭦﭧﭨﭩﭪﭫ ﭬ ​

নিশ্চয় আমি নিকটৱৰ্তী আকাশখনক নক্ষত্ৰৰাজিৰ সৌন্দৰ্যৰে সুশোভিত কৰিছো,

Verse 7

ﭭﭮﭯﭰﭱ ﭲ ​

আৰু ৰক্ষা কৰিছো প্ৰত্যেক বিদ্ৰোহী চয়তানৰ পৰা।

Verse 8

ﭳﭴﭵﭶﭷﭸﭹﭺﭻ ﭼ ​

ফলত সিহঁতে উৰ্দ্ধজগতৰ একোৱে শুনিব নোৱাৰে, কাৰণ কেউফালৰ পৰা সিহঁতৰ প্ৰতি নিক্ষেপ কৰা হয় (উল্কাপিণ্ড),

Verse 9

ﭽﭾﭿﮀﮁ ﮂ ​

সিহঁতক খেদি পঠিওৱাৰ বাবে, আৰু সিহঁতৰ বাবে আছে অবিৰাম শাস্তি।

Verse 10

ﮃﮄﮅﮆﮇﮈﮉ ﮊ ​

কিন্তু হঠাৎ কোনোবাই কিবা শুনিলে জ্বলন্ত উল্কাপিণ্ডই তাৰ পিছে পিছে খেদি যায়।

Verse 11

ﮋﮌﮍﮎﮏﮐﮑﮒﮓﮔﮕﮖﮗ ﮘ ​

এতেকে সিহঁতক সুধি চোৱাচোন, সৃষ্টিৰ ক্ষেত্ৰত সিহঁতে বেছি জটিল নে আমি আন যিবোৰ সৃষ্টি কৰিছো সেইবোৰ? আমি সিহঁতক দেখুন আলতীয়া মাটিৰ পৰা সৃষ্টি কৰিছো।

Verse 12

ﮙﮚﮛ ﮜ ​

বৰং তুমি বিস্ময় বোধ কৰিছা, আৰু সিহঁতে বিদ্ৰূপ কৰি আছে।

Verse 13

ﮝﮞﮟﮠ ﮡ ​

আৰু যেতিয়া সিহঁতক উপদেশ দিয়া হয়, তেতিয়া সিহঁতে সেয়া গ্ৰহণ নকৰে।

Verse 14

ﮢﮣﮤﮥ ﮦ ​

আৰু যেতিয়া সিহঁতে কোনো নিদৰ্শন দেখে, তেতিয়া সিহঁতে উপহাস কৰে।

Verse 15

ﮧﮨﮩﮪﮫﮬ ﮭ ​

আৰু কয়, ‘এইটো দেখুন সুস্পষ্ট যাদুৰ বাহিৰে আন একো নহয়।

Verse 16

ﮮﮯﮰﮱﯓﯔﯕ ﯖ ​

‘আমি যেতিয়া মৃত্যুবৰণ কৰিম লগতে মাটি আৰু অস্থিত পৰিণত হম, তথাপিও আমাক পুনৰুত্থিত কৰা হ’বনে?

Verse 17

ﯗﯘ ﯙ ​

‘আৰু আমাৰ পিতৃ-পুৰুষ সকলোকো’?

Verse 18

ﯚﯛﯜﯝ ﯞ ​

কোৱা, ‘হয়, আৰু তোমালোক হ’বা লাঞ্ছিত’।

Verse 19

ﯟﯠﯡﯢﯣﯤﯥ ﯦ ​

এতেকে সেয়া কেৱল এটা মাত্ৰ প্ৰচণ্ড ধমক, তৎক্ষণাৎ সিহঁতে থৰ লাগি চাই থাকিব।

Verse 20

ﯧﯨﯩﯪﯫ ﯬ ​

আৰু সিহঁতে ক’ব, ‘হায়! দুৰ্ভাগ্য আমাৰ! এইটো দেখুন প্ৰতিদান দিৱস’।

Verse 21

ﯭﯮﯯﯰﯱﯲﯳ ﯴ ​

এইটোৱেই ফয়চালাৰ দিন, যি বিষয়ে তোমালোকে অবিশ্বাস কৰিছিলা।

Verse 22

ﯵﯶﯷﯸﯹﯺﯻﯼ ﯽ ​

(ফিৰিস্তাসকলক কোৱা হ’ব) ‘একত্ৰিত কৰা যালিমসকলক আৰু সিহঁতৰ সঙ্গী-সাৰথিসকলক আৰু সেইবোৰকো যিবোৰৰ সিহঁতে ইবাদত কৰিছিল,

Verse 23

ﯾﯿﰀﰁﰂﰃﰄ ﰅ ​

আল্লাহৰ বাহিৰে, আৰু সিহঁতক জাহান্নামৰ পথ দেখুৱাই দিয়া,

Verse 24

ﰆﰇﰈﰉ ﰊ ​

‘আৰু সিহঁতক ৰখোৱাচোন, নিশ্চয় সিহঁতক প্ৰশ্ন কৰা হ’ব।

Verse 25

ﭑﭒﭓﭔ ﭕ ​

‘কি হ’ল তোমালোকৰ, তোমালোকে কিয় ইজনে সিজনৰ সহায় কৰা নাই এতিয়া’?

Verse 26

ﭖﭗﭘﭙ ﭚ ​

প্ৰকৃততে সিহঁত হ’ব আজি আত্মসমৰ্পনকাৰী।

Verse 27

ﭛﭜﭝﭞﭟ ﭠ ​

আৰু সিহঁতে ইজনে সিজনৰ মুখা-মখী হৈ সোধ-পোছ কৰিব,

Verse 28

ﭡﭢﭣﭤﭥﭦ ﭧ ​

সিহঁতে ক’ব, ‘নিশ্চয় তোমালোকেই আমাৰ ওচৰলৈ শপত লৈ আহিছিলা’।

Verse 29

ﭨﭩﭪﭫﭬ ﭭ ​

সিহঁতে (নেতৃস্থানীয় কাফিৰবিলাকে) ক’ব, ‘বৰং তোমালোকেই মুমিন নাছিলা,

Verse 30

ﭮﭯﭰﭱﭲﭳﭴﭵﭶﭷﭸ ﭹ ​

‘আৰু তোমালোকৰ ওপৰত আমাৰ কোনো কৰ্তৃত্ব নাছিল; দৰাচলতে তোমালোকেই আছিলা সীমালংঘনকাৰী সম্প্ৰদায়।

Verse 31

ﭺﭻﭼﭽﭾﭿﮀ ﮁ ​

‘সেয়ে আমাৰ বিৰুদ্ধে আমাৰ প্ৰতিপালকৰ কথা সত্য হিচাপে সাব্যস্ত হৈছে, নিশ্চয় আমি শাস্তি আস্বাদন কৰিম।

Verse 32

ﮂﮃﮄﮅ ﮆ ​

‘এতেকে আমিয়েই তোমালোকক বিভ্ৰান্ত কৰিছিলো, কাৰণ আমি নিজেও আছিলো বিভ্ৰান্ত’।

Verse 33

ﮇﮈﮉﮊﮋ ﮌ ​

তাৰ পিছত নিশ্চয় সিহঁত আটায়ে সেইদিনা শাস্তিত অংশীদাৰ হ’ব।

Verse 34

ﮍﮎﮏﮐ ﮑ ​

নিশ্চয় আমি অপৰাধীবিলাকৰ লগত এনেকুৱা আচৰণেই কৰো।

Verse 35

ﮒﮓﮔﮕﮖﮗﮘﮙﮚﮛ ﮜ ​

সিহঁতক যেতিয়া কোৱা হৈছিল, ‘আল্লাহৰ বাহিৰে আন কোনো সত্য ইলাহ নাই’, তেতিয়া সিহঁতে অহংকাৰ কৰিছিল।

Verse 36

ﮝﮞﮟﮠﮡﮢ ﮣ ​

আৰু কৈছিল, ‘আমি এজন উন্মাদ কবিৰ কথাত আমাৰ ইলাহসমূহক বৰ্জন কৰিম নেকি’?

Verse 37

ﮤﮥﮦﮧﮨ ﮩ ​

বৰং তেওঁ সত্য লৈ আহিছে আৰু (বিগত) ৰাছুলসকলকো সত্য বুলি স্বীকাৰ কৰিছে।

Verse 38

ﮪﮫﮬﮭ ﮮ ​

নিশ্চয় তোমালোকে যন্ত্ৰণাদায়ক শাস্তিৰ আস্বাদনকাৰী হবা,

Verse 39

ﮯﮰﮱﯓﯔﯕ ﯖ ​

আৰু তোমালোকে যি কৰিছিলা কেৱল তাৰেই প্ৰতিফল পাবা,

Verse 40

ﯗﯘﯙﯚ ﯛ ​

কিন্তু তেওঁলোক নহয়, যিসকল আল্লাহৰ একনিষ্ঠ বান্দা।

Verse 41

ﯜﯝﯞﯟ ﯠ ​

তেওঁলোকৰ বাবে আছে নিৰ্ধাৰিত ৰিজিক্ব (জীৱিকা),

Verse 42

ﯡﯢﯣ ﯤ ​

ফলমূল; আৰু তেওঁলোক হ’ব সন্মানিত,

Verse 43

ﯥﯦﯧ ﯨ ​

নিয়ামতেৰে ভৰা জান্নাতত,

Verse 44

ﯩﯪﯫ ﯬ ​

মুখা-মুখী হৈ আসনত বহিব।

Verse 45

ﯭﯮﯯﯰﯱ ﯲ ​

তেওঁলোকৰ চাৰিওফালে ঘূৰি ঘূৰি পৰিবেশন কৰা হ’ব বিশুদ্ধ সুৰাপূৰ্ণ পাত্ৰ,

Verse 46

ﯳﯴﯵ ﯶ ​

শুভ্ৰ উজ্জ্বল, যিবোৰ হ’ব পানকাৰী সকলৰ বাবে সুস্বাদু।

Verse 47

ﯷﯸﯹﯺﯻﯼﯽ ﯾ ​

তাত ক্ষতিকৰ একো নাথাকিব আৰু তেওঁলোক এইবোৰৰ দ্বাৰা মাতোৱালো নহ’ব।

Verse 48

ﯿﰀﰁﰂ ﰃ ​

তেওঁলোকৰ ওচৰত থাকিব আনত নয়না, ডাঙৰ চকু বিশিষ্টা (হূৰসকল)।

Verse 49

ﰄﰅﰆ ﰇ ​

তেওঁলোক যেনিবা আচ্ছাদিত কণী।

Verse 50

ﰈﰉﰊﰋﰌ ﰍ ​

তাৰ পিছত তেওঁলোকে পৰস্পৰে মুখা-মুখী হৈ সোধ-পোছ কৰিব।

Verse 51

ﰎﰏﰐﰑﰒﰓﰔ ﰕ ​

তেওঁলোকৰ কোনোবাই ক’ব, ‘(পৃথিৱীত) মোৰ এজন সঙ্গী আছিল,

Verse 52

ﭑﭒﭓﭔ ﭕ ​

সি কৈছিল, তুমিও সিহঁতৰ অন্তৰ্ভুক্ত নেকি, যিসকলে বিশ্বাস কৰে যে,

Verse 53

ﭖﭗﭘﭙﭚﭛﭜ ﭝ ​

‘আমি যেতিয়া মৃত্যুবৰণ কৰিম আৰু আমি মাটি ও অস্থিত পৰিণত হম তেতিয়াও আমাক প্ৰতিফল দিয়া হ’বনে’?

Verse 54

ﭞﭟﭠﭡ ﭢ ​

আল্লাহে ক’ব, ‘তোমালোকে তাক দেখিব বিচৰা নেকি’?

Verse 55

ﭣﭤﭥﭦﭧ ﭨ ​

তাৰ পিছত তেওঁ জুমি চাব আৰু তাক দেখা পাব জাহান্নামৰ মধ্যস্থলত;

Verse 56

ﭩﭪﭫﭬﭭ ﭮ ​

তেওঁ ক’ব, ‘আল্লাহৰ শপত! তুমিতো মোক প্ৰায় ধ্বংসহে কৰিছিলা,

Verse 57

ﭯﭰﭱﭲﭳﭴ ﭵ ​

‘মোৰ প্ৰতিপালকৰ অনুগ্ৰহ নহ’লে দেখুন ময়ো (জাহান্নামত) উপস্থিতকৃত ব্যক্তিসকলৰ অন্তৰ্ভুক্ত হ’লোহেঁতেন।

Verse 58

ﭶﭷﭸ ﭹ ​

(যিকে নহওঁক এতিয়া) আমাৰ আৰু দুনাই মৃত্যু নহয়,

Verse 59

ﭺﭻﭼﭽﭾﭿ ﮀ ​

‘আমাৰ প্ৰথম মৃত্যুৰ পিছত আৰু আমাক শাস্তিও দিয়া নহব!’

Verse 60

ﮁﮂﮃﮄﮅ ﮆ ​

নিশ্চয় এইটোৱেই সেই মহাসফলতা।

Verse 61

ﮇﮈﮉﮊ ﮋ ​

এনেকুৱা সফলতাৰ বাবেই আমলকাৰী সকলে আমল কৰা উচিত,

Verse 62

ﮌﮍﮎﮏﮐﮑ ﮒ ​

(কোৱাচোন) আপ্যায়নৰ বাবে এইবোৰেই উত্তম নে যাক্কূম গছ উত্তম?

Verse 63

ﮓﮔﮕﮖ ﮗ ​

নিশ্চয় আমি যালিমসকলৰ বাবে ইয়াক পৰীক্ষাস্বৰূপ সৃষ্টি কৰিছো,

Verse 64

ﮘﮙﮚﮛﮜﮝ ﮞ ​

এই গছ উৎপন্ন হয় জাহান্নামৰ তলৰ পৰা,

Verse 65

ﮟﮠﮡﮢ ﮣ ​

ইয়াৰ থোপা হৈছে যেনিবা চয়তানৰ মূৰ,

Verse 66

ﮤﮥﮦﮧﮨﮩ ﮪ ​

নিশ্চয় সিহঁতে এইটো ভক্ষণ কৰিব আৰু সেইটোৰ দ্বাৰাই পেট ভৰাব।

Verse 67

ﮫﮬﮭﮮﮯﮰﮱ ﯓ ​

ইয়াৰ পিছতো সিহঁতৰ বাবে থাকিব উতলা পানীৰ মিশ্ৰণ।

Verse 68

ﯔﯕﯖﯗﯘ ﯙ ​

তাৰ পিছত সিহঁতৰ প্ৰত্যাৱৰ্তন হ’ব জাহান্নামৰ জুইৰ ফালে।

Verse 69

ﯚﯛﯜﯝ ﯞ ​

নিশ্চয় সিহঁতে সিহঁতৰ পিতৃ-পুৰুষসকলক পাইছিল পথভ্ৰষ্ট,

Verse 70

ﯟﯠﯡﯢ ﯣ ​

তথাপিও সিহঁতে সিহঁতৰ অনুসৰণত দ্ৰুত গতি কৰিছিল।

Verse 71

ﯤﯥﯦﯧﯨ ﯩ ​

অৱশ্যে সিহঁতৰ পূৰ্বেও পূৰ্বৱৰ্তীসকলৰ সৰহভাগ মানুহেই বিপথগামী হৈছিল,

Verse 72

ﯪﯫﯬﯭ ﯮ ​

অৱশ্যে আমি সিহঁতৰ মাজতো সতৰ্ককাৰী প্ৰেৰণ কৰিছিলো।

Verse 73

ﯯﯰﯱﯲﯳ ﯴ ​

এতেকে চোৱা, যিসকলক সতৰ্ক কৰা হৈছিল, সিহঁতৰ পৰিণাম কি হৈছিল!

Verse 74

ﯵﯶﯷﯸ ﯹ ​

কিন্তু আল্লাহৰ একনিষ্ঠ বান্দাসকলৰ কথা স্বতন্ত্ৰ।

Verse 75

ﯺﯻﯼﯽﯾ ﯿ ​

আৰু অৱশ্যে নূহে আমাক আহ্বান কৰিছিল, এতেকে (চোৱা) আমি কিমান উত্তমভাৱে সঁহাৰি জনাইছিলো!

Verse 76

ﰀﰁﰂﰃﰄ ﰅ ​

তেওঁক আৰু তেওঁৰ পৰিয়ালবৰ্গক আমি মহাসংকটৰ পৰা উদ্ধাৰ কৰিছিলো।

Verse 77

ﭑﭒﭓﭔ ﭕ ​

আৰু তেওঁৰ বংশধৰ সকলকেই আমি অৱশিষ্ট ৰাখিছিলো,

Verse 78

ﭖﭗﭘﭙ ﭚ ​

আৰু আমি পৰবৰ্তীসকলৰ মাজত তেওঁৰ সুখ্যাতি ৰাখি দিছো।

Verse 79

ﭛﭜﭝﭞﭟ ﭠ ​

সমগ্ৰ সৃষ্টিৰ মাজত নূহৰ প্ৰতি শান্তি বৰ্ষিত হওঁক।

Verse 80

ﭡﭢﭣﭤ ﭥ ​

নিশ্চয় আমি এইদৰেই সৎকৰ্মশীল সকলক পুৰষ্কৃত কৰো।

Verse 81

ﭦﭧﭨﭩ ﭪ ​

নিশ্চয় তেওঁ আছিল আমাৰ মুমিন বান্দাসকলৰ অন্যতম।

Verse 82

ﭫﭬﭭ ﭮ ​

তাৰ পিছত আমি আনবিলাকক ডুবাই মাৰিছিলো।

Verse 83

ﭯﭰﭱﭲﭳ ﭴ ​

আৰু নিশ্চয় ইব্ৰাহীম তেওঁৰ অনুসাৰী সকলৰেই অন্তৰ্ভুক্ত।

Verse 84

ﭵﭶﭷﭸﭹ ﭺ ​

স্মৰণ কৰা, যেতিয়া তেওঁ নিজ প্ৰতিপালকৰ ওচৰত বিশুদ্ধচিত্তে উপস্থিত হৈছিল,

Verse 85

ﭻﭼﭽﭾﭿﮀ ﮁ ​

যেতিয়া তেওঁ তেওঁৰ পিতৃক আৰু তেওঁৰ সম্প্ৰদায়ক সুধিছিল, ‘তোমালোকে কিহৰ ইবাদত কৰিছা?

Verse 86

ﮂﮃﮄﮅﮆ ﮇ ​

‘তোমালোকে আল্লাহৰ পৰিবৰ্তে অলীক উপাস্যবোৰকে বিচৰা নেকি?

Verse 87

ﮈﮉﮊﮋ ﮌ ​

‘তেন্তে বিশ্বজগতৰ প্ৰতিপালক সম্পৰ্কে তোমালোকৰ ধাৰণা কি’?

Verse 88

ﮍﮎﮏﮐ ﮑ ​

তাৰ পিছত তেওঁ তৰাসমূহৰ পিনে দৃষ্টিপাত কৰিলে।

Verse 89

ﮒﮓﮔ ﮕ ​

আৰু ক’লে, ‘নিশ্চয় মই অসুস্থ’।

Verse 90

ﮖﮗﮘ ﮙ ​

তাৰ পিছত সিহঁতে পৃষ্ঠপ্ৰদৰ্শন কৰি তেওঁৰ পৰা আঁতৰি গ’ল।

Verse 91

ﮚﮛﮜﮝﮞﮟ ﮠ ​

তাৰ পিছত তেওঁ চাইচিতি সিহঁতৰ উপাস্যবোৰৰ ওচৰত গ’ল, আৰু ক’লে, ‘তোমালোকে নোখোৱা কিয়’?

Verse 92

ﮡﮢﮣﮤ ﮥ ​

‘কি হ’ল তোমালোকৰ, কথা নোকোৱা কিয়’?

Verse 93

ﮦﮧﮨﮩ ﮪ ​

তাৰ পিছত তেওঁ সিহঁতৰ ওপৰত সজোৰে আঘাত কৰিলে।

Verse 94

ﮫﮬﮭ ﮮ ​

তেতিয়া (ঘূৰি আহি) মানুহে তেওঁৰ ফালে ঢাপলি মেলিলে।

Verse 95

ﮯﮰﮱﯓ ﯔ ​

তেওঁ ক’লে, ‘তোমালোকে সেইবোৰৰ উপাসনা কৰা নেকি, যিবোৰক তোমালোকে নিজেই নিৰ্মাণ কৰা’?

Verse 96

ﯕﯖﯗﯘ ﯙ ​

‘অথচ আল্লাহেই সৃষ্টি কৰিছে তোমালোকক আৰু তোমালোকে যি তৈয়াৰ কৰা সেইটোৱো তেৱেঁই সৃষ্টি কৰিছে’।

Verse 97

ﯚﯛﯜﯝﯞﯟﯠ ﯡ ​

সিহঁতে ক’লে, ‘ইয়াৰ বাবে এটা স্থাপনা তৈয়াৰ কৰা, তাৰ পিছত ইয়াক জ্বলন্ত জুইত নিক্ষেপ কৰা’।

Verse 98

ﯢﯣﯤﯥﯦ ﯧ ​

এইদৰেই সিহঁতে তেওঁৰ বিৰুদ্ধে চক্ৰান্তৰ সংকল্প কৰিছিল; কিন্তু আমি সিহঁতক সম্পূৰ্ণৰূপে পৰাভূত কৰি দিলো।

Verse 99

ﯨﯩﯪﯫﯬﯭ ﯮ ​

তেওঁ ক’লে, ‘মই মোৰ প্ৰতিপালকৰ ওচৰলৈ গৈ আছো, নিশ্চয় তেৱেঁই মোক হিদায়ত কৰিব,

Verse 100

ﯯﯰﯱﯲﯳ ﯴ ​

‘হে মোৰ ৰব! মোক এজন সৎকৰ্মপৰায়ণ সন্তান দান কৰা’।

Verse 101

ﯵﯶﯷ ﯸ ​

তাৰ পিছত আমি তেওঁক এজন সহিষ্ণু পুত্ৰৰ সুসংবাদ দিলো।

Verse 102

ﯹﯺﯻﯼﯽﯾﯿﰀﰁﰂﰃﰄﰅﰆﰇﰈﰉﰊﰋﰌﰍﰎﰏﰐﰑﰒﰓﰔ ﰕ ​

এতেকে যেতিয়া শিশুটো তেওঁৰ পিতৃৰ সৈতে চলাফুৰা কৰা অৱস্থাত উপনীত হ’ল, তেতিয়া ইব্ৰাহীমে ক’লে, ‘হে মোৰ চেনেহৰ পুত্ৰ! মই সপোনত দেখিলো যে, মই তোমাক যবেহ কৰি আছো, এতিয়া কোৱাচোন তোমাৰ অভিমত কি’? পুত্ৰই ক’লে, ‘হে মোৰ পিতৃ! আপুনি যি আদেশপ্ৰাপ্ত হৈছে সেইটোৱেই কৰক। আল্লাহৰ ইচ্ছাত আপুনি মোক ধৈৰ্যশীল সকলৰ অন্তৰ্ভুক্ত পাব’।

Verse 103

ﭑﭒﭓﭔ ﭕ ​

এতেকে তেওঁলোক উভয়ে যেতিয়া আনুগত্য প্ৰকাশ কৰিলে আৰু ইব্ৰাহীমে তেওঁৰ পুত্ৰক তলমূৰ কৰি শুৱাই ল’লে,

Verse 104

ﭖﭗﭘ ﭙ ​

তেতিয়া আমি তেওঁক মাতি ক’লো, ‘হে ইব্ৰাহীম!

Verse 105

ﭚﭛﭜﭝﭞﭟﭠﭡ ﭢ ​

‘তুমি দেখুন সপোনৰ আদেশ সঁচাই পালন কৰিলা! নিশ্চয় এইদৰেই আমি সৎকৰ্মশীল সকলক পুৰষ্কৃত কৰো’।

Verse 106

ﭣﭤﭥﭦﭧ ﭨ ​

নিশ্চয় এইটো আছিল এটা সুস্পষ্ট পৰীক্ষা।

Verse 107

ﭩﭪﭫ ﭬ ​

আৰু আমি তেওঁক মুক্ত কৰিলো এটা মহা কুৰবানীৰ বিনিময়ত।

Verse 108

ﭭﭮﭯﭰ ﭱ ​

আৰু আমি তেওঁৰ বাবে পৰবৰ্তীসকলৰ মাজত সুনাম-সুখ্যাতি ৰাখি দিছো।

Verse 109

ﭲﭳﭴ ﭵ ​

শান্তি বৰ্ষিত হওঁক ইব্ৰাহীমৰ ওপৰত।

Verse 110

ﭶﭷﭸ ﭹ ​

এইদৰেই আমি সৎকৰ্মশীলসকলক পুৰষ্কৃত কৰো।

Verse 111

ﭺﭻﭼﭽ ﭾ ​

নিশ্চয় তেওঁ আছিল আমাৰ মুমিন বান্দাসকলৰ অন্যতম;

Verse 112

ﭿﮀﮁﮂﮃ ﮄ ​

আৰু আমি তেওঁক ইছহাক্বৰ সুসংবাদ দিছিলো, তেওঁ আছিল এজন নবী, সৎকৰ্মশীলসকলৰ অন্যতম।

Verse 113

ﮅﮆﮇﮈﮉﮊﮋﮌﮍﮎﮏ ﮐ ​

আৰু আমি ইব্ৰাহীমৰ ওপৰত বৰকত দান কৰিছিলো আৰু ইছহাক্বৰ ওপৰতো; আৰু তেওঁলোক উভয়েৰে বংশধৰসকলৰ মাজত আছিল কিছুমান সৎকৰ্মশীল আৰু কিছুমান আছিল নিজৰ প্ৰতি স্পষ্ট অত্যাচাৰী।

Verse 114

ﮑﮒﮓﮔﮕ ﮖ ​

আৰু অৱশ্যে আমি অনুগ্ৰহ কৰিছিলো মূছা আৰু হাৰূনৰ প্ৰতি,

Verse 115

ﮗﮘﮙﮚﮛ ﮜ ​

আৰু তেওঁলোক উভয়কে লগতে তেওঁলোকৰ সম্প্ৰদায়কো উদ্ধাৰ কৰিছিলো মহাসংকটৰ পৰা।

Verse 116

ﮝﮞﮟﮠ ﮡ ​

আৰু আমি সহায় কৰিছিলো তেওঁলোকক, ফলত তেওঁলোকে বিজয়ী হৈছিল।

Verse 117

ﮢﮣﮤ ﮥ ​

আৰু আমি উভয়কে বিশদ কিতাব প্ৰদান কৰিছিলো।

Verse 118

ﮦﮧﮨ ﮩ ​

আৰু উভয়কে আমি পৰিচালিত কৰিছিলো সৰল পথত।

Verse 119

ﮪﮫﮬﮭ ﮮ ​

আৰু আমি তেওঁলোক উভয়ৰে বাবে পৰবৰ্তীসকলৰ মাজত সুনাম-সুখ্যাতি ৰাখি দিছো।

Verse 120

ﮯﮰﮱﯓ ﯔ ​

মুছা আৰু হাৰূনৰ ওপৰত বৰ্ষিত হওঁক ছালাম (শান্তি আৰু নিৰাপত্তা)।

Verse 121

ﯕﯖﯗﯘ ﯙ ​

এইদৰেই আমি সৎকৰ্মশীলসকলক পুৰষ্কৃত কৰো।

Verse 122

ﯚﯛﯜﯝ ﯞ ​

নিশ্চয় তেওঁলোক উভয়ে আছিল আমাৰ মুমিন বান্দাসকলৰ অন্তৰ্ভুক্ত।

Verse 123

ﯟﯠﯡﯢ ﯣ ​

আৰু ইলিয়াছো আছিল ৰাছুলসকলৰ অন্তৰ্ভুক্ত।

Verse 124

ﯤﯥﯦﯧﯨ ﯩ ​

যেতিয়া তেওঁ নিজ সম্প্ৰদায়ক কৈছিল, ‘তোমালোকে তাক্বৱা অৱলম্বন নকৰিবানে’?

Verse 125

ﯪﯫﯬﯭﯮ ﯯ ​

‘তোমালোকে বাআলক আহ্বান কৰা নেকি? অথচ পৰিত্যাগ কৰা সৰ্বত্তোম স্ৰষ্টাক,

Verse 126

ﯰﯱﯲﯳﯴ ﯵ ​

‘আল্লাহ, তেৱেঁই তোমালোকৰ ৰব, আৰু তোমালোকৰ পূৰ্বৱৰ্তী পিতৃ-পুৰুষসকলোৰো ৰব’।

Verse 127

ﭑﭒﭓ ﭔ ​

কিন্তু সিহঁতে তেওঁক অস্বীকাৰ কৰিছিল, সেয়ে সিহঁতক অৱশ্যে (শাস্তিৰ বাবে) উপস্থিত কৰা হ’ব।

Verse 128

ﭕﭖﭗﭘ ﭙ ​

কিন্তু আল্লাহৰ একনিষ্ঠ বান্দাসকলৰ কথা স্বতন্ত্ৰ।

Verse 129

ﭚﭛﭜﭝ ﭞ ​

আৰু আমি তেওঁৰ বাবে পৰবৰ্তীসকলৰ মাজত সুনাম-সুখ্যাতি ৰাখি দিছো।

Verse 130

ﭟﭠﭡﭢ ﭣ ​

শান্তি বৰ্ষিত হওঁক ইলিয়াছৰ ওপৰত।

Verse 131

ﭤﭥﭦﭧ ﭨ ​

নিশ্চয় এইদৰেই আমি সৎকৰ্মশীল সকলক পুৰষ্কৃত কৰো।

Verse 132

ﭩﭪﭫﭬ ﭭ ​

নিশ্চয় তেওঁ আছিল আমাৰ মুমিন বান্দাসকলৰ অন্যতম।

Verse 133

ﭮﭯﭰﭱ ﭲ ​

আৰু নিশ্চয় লূতো আছিল ৰাছুল সকলৰ অন্তৰ্ভুক্ত।

Verse 134

ﭳﭴﭵﭶ ﭷ ​

স্মৰণ কৰা, যেতিয়া আমি তেওঁক আৰু তেওঁৰ পৰিয়ালবৰ্গৰ সকলোকে উদ্ধাৰ কৰিছিলো,

Verse 135

ﭸﭹﭺﭻ ﭼ ​

কেৱল পিছত ৰৈ যোৱা সকলৰ অন্তৰ্ভুক্ত এজনী বৃদ্ধাৰ বাহিৰে।

Verse 136

ﭽﭾﭿ ﮀ ​

তাৰ পিছত অৱশিষ্টসকলক আমি সম্পূৰ্ণৰূপে ধ্বংস কৰিছিলো।

Verse 137

ﮁﮂﮃﮄ ﮅ ​

আৰু নিশ্চয় তোমালোকে সিহঁতৰ ধ্বংস প্ৰাপ্ত অঞ্চলেদি অতিক্ৰম কৰা পুৱাৰ ভাগত,

Verse 138

ﮆﮇﮈﮉ ﮊ ​

আৰু ৰাতিতো। তথাপিও তোমালোকে বুজি নোপোৱানে?

Verse 139

ﮋﮌﮍﮎ ﮏ ​

আৰু নিশ্চয় ইউনুছো আছিল ৰাছুলসকলৰ অন্তৰ্ভুক্ত।

Verse 140

ﮐﮑﮒﮓﮔ ﮕ ​

স্মৰণ কৰা, যেতিয়া তেওঁ বোজাই নৌযানৰ পিনে পলাই গ’ল,

Verse 141

ﮖﮗﮘﮙ ﮚ ​

তাৰ পিছত তেওঁ লটাৰিত যোগদান কৰিলে আৰু তাত তেওঁ পৰাভূত সকলৰ অন্তৰ্ভুক্ত হ’ল।

Verse 142

ﮛﮜﮝﮞ ﮟ ​

তাৰ পিছত এটা ডাঙৰ মাছে তেওঁক গিলি পেলালে, আৰু তেওঁ নিজকে ধিক্কাৰ দি আছিল।

Verse 143

ﮠﮡﮢﮣﮤ ﮥ ​

আৰু তেওঁ যদি আল্লাহৰ পৱিত্ৰতা আৰু মহিমা ঘোষণাকাৰী সকলৰ অন্তৰ্ভুক্ত নহ’লেহেঁতেন,

Verse 144

ﮦﮧﮨﮩﮪﮫ ﮬ ​

তেন্তে তেওঁ পুনৰুত্থানৰ দিন লৈকে মাছৰ পেটতেই থাকিলেহেঁতেন।

Verse 145

ﮭﮮﮯﮰﮱ ﯓ ​

অৱশেষত তেওঁক আমি নিক্ষেপ কৰিলো এটা তৃণহীন ঠাইত, আৰু তেওঁ আছিল অসুস্থ।

Verse 146

ﯔﯕﯖﯗﯘ ﯙ ​

আৰু আমি তাৰ ওপৰত ইয়াকতীন প্ৰজাতিৰ এটা গছ গজাই তুলিলো,

Verse 147

ﯚﯛﯜﯝﯞﯟ ﯠ ​

আৰু তেওঁক আমি এক লাখ বা তাতোকৈ বেছি লোকৰ ওচৰত প্ৰেৰণ কৰিলো।

Verse 148

ﯡﯢﯣﯤ ﯥ ​

এতেকে তেওঁলোকে ঈমান আনিছিল, ফলত আমি তেওঁলোকক কিছু কালৰ বাবে জীৱনোপভোগ কৰিবলৈ দিলো।

Verse 149

ﯦﯧﯨﯩﯪ ﯫ ​

এতেকে সিহঁতক সোধাচোন, ‘(এইটো কেনেকুৱা কথা) তোমাৰ প্ৰতিপালকৰ বাবে কন্যা সন্তান আৰু সিহঁতৰ বাবে পুত্ৰ সন্তান’?

Verse 150

ﯬﯭﯮﯯﯰﯱ ﯲ ​

অথবা আমি ফিৰিস্তাসকলক নাৰীৰূপে সৃষ্টি কৰিছিলো নেকি যে, সেয়া সিহঁতে দেখিছিল?

Verse 151

ﯳﯴﯵﯶﯷ ﯸ ​

জানি থোৱা, নিশ্চয় সিহঁতে মনেসজা কথা কয় যে,

Verse 152

ﯹﯺﯻﯼ ﯽ ​

‘আল্লাহে সন্তান জন্ম দিছে’। নিশ্চয় সিহঁত মিছলীয়া।

Verse 153

ﯾﯿﰀﰁ ﰂ ​

তেওঁ পুত্ৰ সন্তানৰ পৰিবৰ্তে কন্যা সন্তান পছন্দ কৰিছে নেকি?

Verse 154

ﭑﭒﭓﭔ ﭕ ​

কি হৈছে তোমালোকৰ? তোমালোকে কেনেকুৱা বিচাৰ কৰা?

Verse 155

ﭖﭗ ﭘ ​

তেন্তে তোমালোকে উপদেশ গ্ৰহণ নকৰিবানে?

Verse 156

ﭙﭚﭛﭜ ﭝ ​

নে তোমালোকৰ কোনো সুস্পষ্ট দলীল-প্ৰমাণ আছে?

Verse 157

ﭞﭟﭠﭡﭢ ﭣ ​

যদি তোমালোকে সত্যবাদী তেন্তে তোমালোকৰ কিতাব লৈ আহা।

Verse 158

ﭤﭥﭦﭧﭨﭩﭪﭫﭬﭭﭮ ﭯ ​

সিহঁতে আল্লাহ আৰু জিন জাতিৰ মাজত আত্মীয়তাৰ সম্পৰ্ক স্থিৰ কৰিছে, অথচ জিনবিলাকে জানে যে, নিশ্চয় সিহঁতক উপস্থিত কৰা হ’ব (শাস্তিৰ বাবে)।

Verse 159

ﭰﭱﭲﭳ ﭴ ​

সিহঁতে যি আৰোপ কৰে তাৰ পৰা আল্লাহ পৱিত্ৰ আৰু মহান,

Verse 160

ﭵﭶﭷﭸ ﭹ ​

কেৱল আল্লাহৰ একনিষ্ঠ বান্দাসকলৰ বাহিৰে।

Verse 161

ﭺﭻﭼ ﭽ ​

নিশ্চয় তোমালোকে আৰু তোমালোকে যিবোৰৰ ইবাদত কৰা সেইবোৰে,

Verse 162

ﭾﭿﮀﮁ ﮂ ​

(একনিষ্ঠ বান্দাসকলৰ) কাকো তোমালোকে আল্লাহ সম্পৰ্কে বিভ্ৰান্ত কৰিব নোৱাৰিবা,

Verse 163

ﮃﮄﮅﮆﮇ ﮈ ​

কেৱল প্ৰজ্জ্বলিত জুইত যিজন দগ্ধ হ’ব তাৰ বাহিৰে।

Verse 164

ﮉﮊﮋﮌﮍﮎ ﮏ ​

আৰু (জিব্ৰীলে ক’লে) ‘আমাৰ প্ৰত্যেকৰে বাবে আছে নিৰ্ধাৰিত স্থান,

Verse 165

ﮐﮑﮒ ﮓ ​

‘আৰু নিশ্চয় আমি শাৰীবদ্ধভাৱে দণ্ডায়মান,

Verse 166

ﮔﮕﮖ ﮗ ​

‘আৰু নিশ্চয় আমি তেওঁৰ পৱিত্ৰতা আৰু মহিমা ঘোষণাকাৰী’।

Verse 167

ﮘﮙﮚ ﮛ ​

আৰু সিহঁতে (মক্কাবাসীবিলাকে) অৱশ্যে কৈছিল,

Verse 168

ﮜﮝﮞﮟﮠﮡ ﮢ ​

‘পূৰ্বৱৰ্তীসকলৰ দৰে যদি আমাৰো এখন উপদেশমূলক কিতাব থাকিলেহেঁতেন,

Verse 169

ﮣﮤﮥﮦ ﮧ ​

‘তেন্তে অৱশ্যে আমি আল্লাহৰ একনিষ্ঠ বান্দা হ’লোহেঁতেন’।

Verse 170

ﮨﮩﮪﮫﮬ ﮭ ​

কিন্তু সিহঁতে সেয়া (কোৰআনক) অস্বীকাৰ কৰিলে, এতেকে অনতিপলমে সিহঁতে জানিবলৈ পাব।

Verse 171

ﮮﮯﮰﮱﯓ ﯔ ​

নিশ্চয় আমাৰ প্ৰেৰিত বান্দাসকলৰ বিষয়ে আমাৰ এই কথা পূৰ্বেই নিৰ্ধাৰিত হৈছে যে,

Verse 172

ﯕﯖﯗ ﯘ ​

নিশ্চয় তেওঁলোক সাহায্যপ্ৰাপ্ত হ’ব।

Verse 173

ﯙﯚﯛﯜ ﯝ ​

আৰু নিশ্চয় আমাৰ সৈন্যবাহিনীয়েই বিজয়ী হ’ব।

Verse 174

ﯞﯟﯠﯡ ﯢ ​

এতেকে কিছু সময়ৰ বাবে তুমি সিহঁতৰ পৰা মুখ ঘূৰাই থাকা।

Verse 175

ﯣﯤﯥ ﯦ ​

আৰু তুমি সিহঁতক পৰ্যবেক্ষণ কৰা, অতিশীঘ্ৰে সিহঁতে দেখিবলৈ পাব (ইয়াৰ পৰিণাম)।

Verse 176

ﯧﯨ ﯩ ​

সিহঁতে আমাৰ শাস্তি ত্বৰান্বিত কৰিব বিচাৰে নেকি?

Verse 177

ﯪﯫﯬﯭﯮﯯ ﯰ ​

এতেকে যেতিয়া সিহঁতৰ চোতালত শাস্তি নামি আহিব তেতিয়া সতৰ্ককৃত বিলাকৰ প্ৰভাত কিমান যে নিকৃষ্ট হ’ব!

Verse 178

ﯱﯲﯳﯴ ﯵ ​

আৰু কিছু সময়ৰ বাবে তুমি সিহঁতৰ পৰা মুখ ঘূৰাই থাকা।

Verse 179

ﯶﯷﯸ ﯹ ​

তুমি সিহঁতক পৰ্যবেক্ষণ কৰা, অতিশীঘ্ৰে সিহঁতে দেখিবলৈ পাব (ইয়াৰ পৰিণাম)।

Verse 180

ﯺﯻﯼﯽﯾﯿ ﰀ ​

সিহঁতে যি আৰোপ কৰে, তাৰ পৰা তোমাৰ ৰব পৱিত্ৰ আৰু মহান, সকলো ক্ষমতাৰ অধিকাৰী।

Verse 181

ﰁﰂﰃ ﰄ ​

আৰু শান্তি বৰ্ষিত হওঁক ৰাছুলসকলৰ প্ৰতি।

Verse 182

ﰅﰆﰇﰈ ﰉ ​

আৰু সকলো ধৰণৰ প্ৰশংসা কেৱল সৃষ্টিজগতৰ ৰব আল্লাহৰেই প্ৰাপ্য।