ترجمة معاني سورة المعارج باللغة الهوساوية من كتاب Abubakar Mahmoud Gumi - Hausa translation

آية رقم 1

ﮮﮯﮰﮱ ﯓ ​

Al-Ma'arij

Wani mai tambaya yã yi tambaya game da azãba, mai aukuwa.

آية رقم 2

ﯔﯕﯖﯗ ﯘ ​

Ga kãfirai, bã ta da mai tunkuɗẽwa.

آية رقم 3

ﯙﯚﯛﯜ ﯝ ​

Daga Allah Mai matãkala.

آية رقم 4

ﯞﯟﯠﯡﯢﯣﯤﯥﯦﯧﯨ ﯩ ​

Malã'iku da Ruhi (Jibrila) sunã tãkãwa zuwa gare Shi, a cikin yini wanda gwargwadonsa, shẽkara dubu hamsin ne.

آية رقم 5

ﯪﯫﯬ ﯭ ​

Sabõda haka, ka yi haƙuri, haƙuri mai kyãwo.

آية رقم 6

ﯮﯯﯰ ﯱ ​

Lalle ne su, sunã ganin ta mai nĩsa.

آية رقم 7

ﯲﯳ ﯴ ​

Kuma Mu, Muna ganin ta a kusa.

آية رقم 8

ﯵﯶﯷﯸ ﯹ ​

Rãnar da sama zã ta kasance kamar narkakkar azurfa.

آية رقم 9

ﯺﯻﯼ ﯽ ​

Kuma duwãtsu su zama kamar saɓin sũfi.

آية رقم 10

ﯾﯿﰀﰁ ﰂ ​

Kuma abõki bã ya tambayar inda wani abõki yake.

آية رقم 11

ﭑﭒﭓﭔﭕﭖﭗﭘﭙﭚ ﭛ ​

Ana sanya su, su gajũna, mai laifi na gũrin dã zai iya yin fansa, daga azãbar rãnar nan, da ɗiyansa,

آية رقم 12

ﭜﭝ ﭞ ​

Da matarsa da ɗan'uwansa.

آية رقم 13

ﭟﭠﭡ ﭢ ​

Da danginsa, mãsu tattarã shi.

آية رقم 14

ﭣﭤﭥﭦﭧﭨ ﭩ ​

Da wanda ke a cikin dũniya duka gabã ɗaya, sa'an nan fansar, ta tsĩrar da shi.

آية رقم 15

ﭪﭫﭬﭭ ﭮ ​

A'aha! Lalle ne fa, ita ce Lazã,

آية رقم 16

ﭯﭰ ﭱ ​

Mai twãle fãtar goshi.

آية رقم 17

ﭲﭳﭴﭵ ﭶ ​

Tanã kiran wanda ya jũya bãya (daga addini) kuma ya kau da kai.

آية رقم 18

ﭷﭸ ﭹ ​

Ya tãra (dũkiya), kuma ya sanya ta a cikin jaka.

آية رقم 19

ﭺﭻﭼﭽﭾ ﭿ ​

Lalle ne mutum an halitta shi mai ciwon kwaɗayi.

آية رقم 20

ﮀﮁﮂﮃ ﮄ ​

Idan sharri ya shãfe shi, ya kãsa haƙuri.

آية رقم 21

ﮅﮆﮇﮈ ﮉ ​

Kuma idan alhẽri ya shãfe shi, ya yi rõwa.

آية رقم 22

ﮊﮋ ﮌ ​

Sai mãsu yin salla,

آية رقم 23

ﮍﮎﮏﮐﮑ ﮒ ​

Waɗanda suke, a kan sallarsu, su, mãsu dawwama ne.

آية رقم 24

ﮓﮔﮕﮖﮗ ﮘ ​

Kuma waɗanda a cikin dũkiyarsu, akwai wani haƙƙi sananne.

آية رقم 25

ﮙﮚ ﮛ ​

Ga (matalauci) mai rõƙo da wanda aka hanã wa roƙon.

آية رقم 26

ﮜﮝﮞﮟ ﮠ ​

Da waɗannan da ke gaskata rãnar sakamako.

آية رقم 27

ﮡﮢﮣﮤﮥﮦ ﮧ ​

Da waɗannan sabõda azãbar Ubangijinsu, suna jin tsõro.

آية رقم 28

ﮨﮩﮪﮫﮬ ﮭ ​

Lalle ne, azãbar Ubangijinsu bã wadda ake iya amincẽwaba ce.

آية رقم 29

ﮮﮯﮰﮱ ﯓ ​

Da waɗanda suke, ga farjojinsu, mãsu tsarewa ne.

آية رقم 30

ﯔﯕﯖﯗﯘﯙﯚﯛﯜﯝ ﯞ ​

Sai fa a kan matan aurensu da abin da hannayensu na dãma suka mallaka. To lalle ne sũkam ba waɗanda ake zargi ba ne.

آية رقم 31

ﯟﯠﯡﯢﯣﯤﯥ ﯦ ​

To, duk wanda ya nẽmi abin da yake a bayan wannan, to, waɗancan sũ ne mãsu ƙetare iyãka.

آية رقم 32

ﯧﯨﯩﯪﯫ ﯬ ​

Kuma da waɗannan da suke ga amãnõninsu da alkawarinsu mãsu tsarẽwa ne.

آية رقم 33

ﯭﯮﯯﯰ ﯱ ​

Kuma da waɗanda suke, ga shaidarsu, mãsu dãgẽwa ne.

آية رقم 34

ﯲﯳﯴﯵﯶ ﯷ ​

Kuma waɗanda suke, a kan sallarsu, mãsu tsarẽwa ne.

آية رقم 35

ﯸﯹﯺﯻ ﯼ ​

Waɗannan, a cikin gidãjen Aljanna, waɗanda ake girmamãwa ne

آية رقم 36

ﯽﯾﯿﰀﰁ ﰂ ​

Mẽ yã sãmi waɗanda suka kãfirta, a wajenka, sunã gaugãwar (gudu).

آية رقم 37

ﰃﰄﰅﰆﰇ ﰈ ​

Daga jihar dãma, kuma daga jihar hagu, jama'a-jama'a!

آية رقم 38

ﰉﰊﰋﰌﰍﰎﰏﰐ ﰑ ​

Shin kõwane mutum daga cikinsu yana nẽman a shigar da shi a Aljannar ni'ima ne (ba da wani aiki ba)?

آية رقم 39

ﰒﰓﰔﰕﰖﰗ ﰘ ​

A'aha! Lalle Mũ, Mun halitta su, daga abin da suka sani.

آية رقم 40

ﰙﰚﰛﰜﰝﰞﰟ ﰠ ​

Sabõda haka ba sai Na yi rantsuwa da Ubangijin wurãren ɓullõwar rãna da wurãren fãɗuwarta ba, lalle Mũ, Mãsu iyãwa ne.

آية رقم 41

ﭑﭒﭓﭔﭕﭖﭗﭘ ﭙ ​

Ga Mu musanya waɗanda suke mafi alhẽri, daga gare su. Kuma ba Mu kasance waɗanda ake rinjãya ba.

آية رقم 42

ﭚﭛﭜﭝﭞﭟﭠﭡ ﭢ ​

Sabõda haka ka bar su, su dulmuya, kuma su yi wãsã, har su haɗu da rãnarsu wadda ake yi musu alkawari (da ita).

آية رقم 43

ﭣﭤﭥﭦﭧﭨﭩﭪﭫ ﭬ ​

Rãnar da suke fitowa daga kaburbura da gaugãwa, kamar sũ, zuwa ga wata kafaffiyar (tuta), suke yin gaugãwa.

آية رقم 44

ﭭﭮﭯﭰﭱﭲﭳﭴﭵﭶ ﭷ ​

Maƙaskanta ga idanunsu, wani walakanci yana rufe su. wannan shi ne yinin da suka kasance ana yi musa alkawari (a kansa.)