ترجمة معاني سورة المعارج باللغة الأوزبكية من كتاب الترجمة الأوزبكية - علاء الدين منصور

3. (У азоб, осмонларнинг барча) поғоналари — қаватлари соҳиби бўлмиш Аллоҳ томонидан (кофирлар устига тушгувчидир).
____________________
И з о ҳ. Бу оятлар мушриклардан Назр ибн Хорис ҳақида нозил бўлган. Пайғамбар алайҳис-салоту вас-салом кофирлар учун тайёрлаб қўйилган Аллоҳ таолонинг азоби бор эканлигини билдириб, уларни огоҳлантирганларида, Назр туриб: «Эй Худо, агар мана шу (Қуръон) Сенинг даргоҳингдан келган ҳақиқат бўлса, устимизга самодан тош ёғдиргин, ёки бизларга аламли азоб келтиргин», дейди. Мана шу тилакнинг ўзидан Назр ва у кабиларнинг ким эканликлари маълумдир. Чунки улар Ҳақ йўлга юришни истаган кишилар бўлганларида: «Эй Худо, агар мана шу Қуръон Сенинг даргоҳингдан келган ҳақиқат бўлса, бизларни ҳам унинг йўлига ҳидоят қилгин», деган бўлур эдилар. Энди қуйидаги оятда барча фаришталар Қиёмат Кунида осмон қаватларини босиб ўтишиб, Аллоҳ ҳузурига тўпланишлари зикр қилинади.

آية رقم 4

ﯞﯟﯠﯡﯢﯣﯤﯥﯦﯧﯨ ﯩ

4. Фаришталар ва Руҳ (яъни, Жаброил) миқдори-узунлиги эллик минг бўлган бир Кунда (яъни, Қиёмат Кунида) У зотнинг ҳузурига кўтарилурлар.

آية رقم 5

ﯪﯫﯬ ﯭ

5. Бас, (эй Муҳаммад алайҳис-салоту вас-салом, кофирларнинг озор-азийятларига) чиройли сабр билан сабр-тоқат қилинг!

آية رقم 6

ﯮﯯﯰ ﯱ

6. Чунки улар у (Кун)ни узоқ деб билурлар.

آية رقم 7

ﯲﯳ ﯴ

7. Биз эса унинг яқинлигини билурмиз!

آية رقم 8

ﯵﯶﯷﯸ ﯹ

8. У Кунда осмон эритилган мис каби бўлиб қолур.

آية رقم 9

ﯺﯻﯼ ﯽ

9. Тоғлар юнг каби (енгил) бўлиб қолурлар.

آية رقم 10

ﯾﯿﰀﰁ ﰂ

10. Ва бирон дўст дўстидан (ҳол-аҳвол) сўрамас.

آية رقم 11

ﭑﭒﭓﭔﭕﭖﭗﭘﭙﭚ ﭛ

11. (Ҳолбуки) улар (бир-бирларига) кўрсатилурлар! Жиноятчи-кофир кимса у Куннинг азобидан (қутулиш учун) ўғилларини тўлов қилиб бериб юборишни,

آية رقم 12

ﭜﭝ ﭞ

12. хотинини ва биродарини ҳам,

آية رقم 13

ﭟﭠﭡ ﭢ

13. уни ўз паноҳига оладиган қариндош-уруғини ҳам,

آية رقم 14

ﭣﭤﭥﭦﭧﭨ ﭩ

14. ва Ердаги барча кишиларини ҳам (тўлов қилиб бериб юборишни), сўнгра (бу тўлов) унга нажот беришини истар.

آية رقم 15

ﭪﭫﭬﭭ ﭮ

15. Йўқ, (ҳеч қандай тўлов уни азобдан қутқара олмас)! Албатта у бир оловдирки,

آية رقم 16

ﭯﭰ ﭱ

16. (Кофирлар ташланадиган дўзах ўз ҳарорати билан) бош териларини сидириб олгувчи бир оловдир!

آية رقم 17

ﭲﭳﭴﭵ ﭶ

17. У (Ҳақ йўлидан) юз ўгириб, терс қараб кетган

آية رقم 18

ﭷﭸ ﭹ

18. ва (пул-мол) йиғиб тўплаган (яъни, уни Аллоҳ буюрган жойларга сарфламаган) кимсаларни (ўзига) чорлаб турар!

آية رقم 19

ﭺﭻﭼﭽﭾ ﭿ

19. Дарҳақиқат, инсон бетоқат қилиб яратилгандир.

آية رقم 20

ﮀﮁﮂﮃ ﮄ

20. Қачон унга ёмонлик (камбағаллик-кулфат) етиб қолса, у ўта бесабрлик қилгувчидир.

آية رقم 21

ﮅﮆﮇﮈ ﮉ

21. Қачон унга яхшилик (бойлик, саломатлик) етса, у ўта манъ қилгувчи — бахилдир.

آية رقم 22

ﮊﮋ ﮌ

22. Фақат намоз ўқигувчи зотлар (яъни, мусулмонларгина ундоқ эмасдирлар)ки,

آية رقم 23

ﮍﮎﮏﮐﮑ ﮒ

23. Улар намозларида доим — барқарор бўлгувчи зотлардир.

آية رقم 24

ﮓﮔﮕﮖﮗ ﮘ

24. Улар (топган) мол-мулкларида маълум ҳақ (яъни, закот) бўлган зотлардир.

آية رقم 25

ﮙﮚ ﮛ

25. Сўрагувчи ва (мол-давлатдан) маҳрум кишилар учун (маълум ҳақ ажратган зотлардир).

آية رقم 26

ﮜﮝﮞﮟ ﮠ

26. Улар жазо — Қиёмат Кунини тасдиқ этадиган зотлардир.

آية رقم 27

ﮡﮢﮣﮤﮥﮦ ﮧ

27. Улар Парвардигорларининг азобидан қўрқувчи бўлган зотлардир.

آية رقم 28

ﮨﮩﮪﮫﮬ ﮭ

28. Зотан, Парвардигорларининг азоби (ҳеч ким учун) бехатар эмасдир (яъни, ҳеч кимнинг «Менга Аллоҳнинг азоби тушмайди», деб хотиржам бўлишга ҳаққи йўқдир).

آية رقم 29

ﮮﮯﮰﮱ ﯓ

29. Улар авратларини (ҳаромдан — зинодан пок) сақлагувчи зотлардир.

آية رقم 30

ﯔﯕﯖﯗﯘﯙﯚﯛﯜﯝ ﯞ

30. Магар ўз жуфти ҳалолларидан ва қўлларидаги чўриларидангина (сақланмайдилар). Бас, улар маломат қилинмаслар.

آية رقم 31

ﯟﯠﯡﯢﯣﯤﯥ ﯦ

31. Энди ким бундан ўзгани (яъни, зино ва шу каби шариати исломийяда ҳаром қилинган бошқа нарсаларни) истаса, бас, ана ўшалар ҳаддан ошгувчи кимсалардир.

آية رقم 32

ﯧﯨﯩﯪﯫ ﯬ

32.Улар (яъни, мўмин-мусулмонлар) ўзларига ишонилган омонатларга ва (ўзгаларга) берган аҳд-паймонларига риоя қилгувчи зотлардир.

آية رقم 33

ﯭﯮﯯﯰ ﯱ

33. Улар ўз гувоҳликларини тўғри-холис адо қилгувчи зотлардир.

آية رقم 34

ﯲﯳﯴﯵﯶ ﯷ

34. Улар намозларини (вақтида адо этиб, қазо бўлишдан) сақлагувчи бўлган зотлардир.

آية رقم 35

ﯸﯹﯺﯻ ﯼ

35. Ана ўшалар жаннатларда ҳурмат-иззат кўргувчидирлар.
____________________
И з о ҳ. Мазкур оятларда ҳақиқий мўмин-мусулмонларнинг сифат-фазилатлари баён қилинди ва ана ўшалар жаннат неъматларига сазовор бўлгувчи зотлар эканликлари уқтирилди. Энди қуйидаги оятларда Пайғамбар алайҳис-салоту вас-салом атрофларига келишиб, тўп-тўп бўлиб ўтиришиб олишиб, у зот айтган сўзларни масхара қиладиган ва бир-бирларига саҳобаларни кўрсатишиб: «Агар мана шулар Муҳаммад айтаётгандек, жаннатга кирадиган бўлсалар, бизлар ҳеч шак-шубҳасиз, улардан олдинроқ ўша жойга кирамиз», деб сафсатабозлик қиладиган мушриклар ҳақида сўзланиб, уларнинг бундай тамаълари бефойда эканлиги таъкидланади ва Пайғамбар алайҳис-салоту вас-саломни улардан юз ўгиришга амр этилади.

آية رقم 36

ﯽﯾﯿﰀﰁ ﰂ

36. Бас, (эй Муҳаммад алайҳис-салоту вас-салом), бу кофир бўлган кимсаларга нима бўлдики, сиз томонга чопурлар?!

آية رقم 37

ﰃﰄﰅﰆﰇ ﰈ

37. Улар ўнг ва сўлдан тўда-тўда бўлиб, (сиз томонга чопурлар?!)

آية رقم 38

ﰉﰊﰋﰌﰍﰎﰏﰐ ﰑ

38. Ё улардан ҳар бир кимса ноз-неъмат жаннатига киритилишни тамаъ қилурми?!

آية رقم 39

ﰒﰓﰔﰕﰖﰗ ﰘ

39. Йўқ, (улар ҳеч қачон жаннатга кирмаслар)! Албатта Биз уларни ўзлари биладиган нарсадан (яъни, бир томчи сувдан) яратдик.

آية رقم 40

ﰙﰚﰛﰜﰝﰞﰟ ﰠ

40. Бас, (шундоқ экан) машриқу мағрибларнинг Парвардигорига қасам ичурманки, шак-шубҳасиз, Биз қодирдирмиз,

آية رقم 41

ﭑﭒﭓﭔﭕﭖﭗﭘ ﭙ

41. (бу кофирларни ҳалок қилиб ўринларига), улардан яхшироқ (инсонларни) алмаштириб қўйишга ва Биз (бу ишга) ожиз эмасдирмиз.

آية رقم 42

ﭚﭛﭜﭝﭞﭟﭠﭡ ﭢ

42. Бас, (эй Муҳаммад алайҳис-салоту вас-салом), сиз уларни тарк қилинг! Улар то ўзларига ваъда қилинаётган кунларига рўбарў бўлгунларича (ўз ботил-беҳуда хаёлларига) шўнғишиб, ўйнаб-кулиб юраверсинлар!

آية رقم 43

ﭣﭤﭥﭦﭧﭨﭩﭪﭫ ﭬ

43. У кунда улар гўё (ўзлари сиғинадиган) бутларга қараб чопишаётгандек шошилган ҳолларида қабрларидан чиқиб келурлар!

آية رقم 44

ﭭﭮﭯﭰﭱﭲﭳﭴﭵﭶ ﭷ

44. Кўзлари (қуйига) эгилган, хорлик уларни ўраб-эгаллаб олган ҳолларида (қабрларидан чиқиб келурлар!) Мана шу (ҳаёти дунёда) уларга ваъда қилингувчи бўлган Кундир!

تقدم القراءة