ترجمة معاني سورة المطفّفين باللغة ماراناو من كتاب Maranao - Maranao translation

آية رقم 1

ﯖﯗ ﯘ ​

Sangat a siksa a bagian o manga palilimpang:

آية رقم 2

ﯙﯚﯛﯜﯝﯞ ﯟ ​

Siran na igira a miyakipagasad siran ko manga manosiya na pphakitarotop siran,

آية رقم 3

ﯠﯡﯢﯣﯤ ﯥ ​

Na igira a piyagasadan iran siran odi na pithimbangan iran siran na pphangorang siran.

آية رقم 4

ﯦﯧﯨﯩﯪ ﯫ ​

Ba di tatangkda o siran oto a mataan! a siran na pagoyagn siran,

آية رقم 5

ﭑﭒ ﭓ ​

Sii ko alongan a lbi a mala:

آية رقم 6

ﭔﭕﭖﭗﭘ ﭙ ​

A so alongan a kapakatindg o manga manosiya sa hadapan o Kadnan o manga kaadn?

آية رقم 7

ﭚﭛﭜﭝﭞﭟ ﭠ ​

Gnki ran, ka mataan! a so kitab o manga baradosa na khatago dn ko Sijjin, -

آية رقم 8

ﭡﭢﭣﭤ ﭥ ​

Na antawaa i miyakandao rka o antonaa i Sijjin?

آية رقم 9

ﭦﭧ ﭨ ​

Kitab a sosoratan.

آية رقم 10

ﭩﭪﭫ ﭬ ​

Sangat a siksa sa alongan oto a bagian o miyamangongkir,

آية رقم 11

ﭭﭮﭯﭰ ﭱ ​

Siran na oongkirn iran so alongan a kapamalas.

آية رقم 12

ﭲﭳﭴﭵﭶﭷﭸ ﭹ ​

Na da a phagongkir on a rowar ko oman i malawani, a baradosa!

آية رقم 13

ﭺﭻﭼﭽﭾﭿﮀ ﮁ ​

Igira a pphangadian on so manga ayat Ami na gii niyan tharoon a: "Manga iringa a manga kabokhag o miyangaoona!"

آية رقم 14

ﮂﮃﮄﮅﮆﮇﮈﮉﮊﮋ ﮌ ​

Sabnar, a kna ka mithaab ko manga poso iran so pinggalbk iran (a dosa)!

آية رقم 15

ﮍﮎﮏﮐﮑﮒ ﮓ ​

Sabnar, a mataan! a siran sa alongan oto na kharnding siran dn ko Kadnan iran:

آية رقم 16

ﮔﮕﮖﮗ ﮘ ​

Oriyan iyan na mataan! a siran na makasold siran dn ko naraka Jahim;

آية رقم 17

ﮙﮚﮛﮜﮝﮞﮟ ﮠ ​

Oriyan iyan na tharoon (kiran) a: "Giyaya so inongkir iyo skaniyan."

آية رقم 18

ﮡﮢﮣﮤﮥﮦ ﮧ ​

Sabnar, a mataan! a so kitab o miyamaratiyaya na khatago dn ko Illiyon,

آية رقم 19

ﮨﮩﮪﮫ ﮬ ​

Na antawaa i miyakandao rka o antonaa i Illiyon? -

آية رقم 20

ﮭﮮ ﮯ ​

Kitab a sosoratan,

آية رقم 21

ﮰﮱ ﯓ ​

Zasaksi an oto o manga rarani (ko Allah).

آية رقم 22

ﯔﯕﯖﯗ ﯘ ​

Mataan! a so miyamaratiyaya na khatago dn ko pakadarandang;

آية رقم 23

ﯙﯚﯛ ﯜ ​

Sii ko manga kantir, a gii siran mbabantabantay,

آية رقم 24

ﯝﯞﯟﯠﯡ ﯢ ​

Masasarinong ka ko manga paras iran so sigay o kadarandang;

آية رقم 25

ﯣﯤﯥﯦ ﯧ ​

Pphamakainomn siran ko soti a arak, a paparkatn:

آية رقم 26

ﯨﯩﯪﯫﯬﯭﯮ ﯯ ​

Aya parkat iyan na kastori na makapantag saya na pamagarabaya so pphamagarabaya (ko kapangongonotan ko Allah)

آية رقم 27

ﯰﯱﯲ ﯳ ​

Go sasaogan oto sa Tasnim:

آية رقم 28

ﯴﯵﯶﯷ ﯸ ​

Bowalan, a phaginomn oto o manga rarani (ko Allah).

آية رقم 29

ﯹﯺﯻﯼﯽﯾﯿﰀ ﰁ ​

Mataan! a so manga baradosa na aya btad iran na gi iran ikhakala so miyamaratiyaya (sii sa doniya),

آية رقم 30

ﰂﰃﰄﰅ ﰆ ​

Go igira a siyagadan iran siran na gii siran khkrata;

آية رقم 31

ﰇﰈﰉﰊﰋﰌ ﰍ ​

Go igira a miyakandod siran ko manga taalok kiran, na makandod siran a pkhababaya siran;

آية رقم 32

ﰎﰏﰐﰑﰒﰓ ﰔ ​

Go igira a miyailay ran siran, na tharoon iran: "Mataan! a siran aya na titho a miyangadadadag,"

آية رقم 33

ﰕﰖﰗﰘ ﰙ ​

A kna a ba siran siyogo a khisisiyap kiran.

آية رقم 34

ﭑﭒﭓﭔﭕﭖ ﭗ ​

Na sa alongan aya na siran a miyamaratiyaya na ikhakala iran so manga kapir:

آية رقم 35

ﭘﭙﭚ ﭛ ​

Sii siran ko manga kantir, gii siran mbabantabantay.

آية رقم 36

ﭜﭝﭞﭟﭠﭡ ﭢ ​

Ino minibalas ko manga kapir so pinggolawla iran?