ترجمة معاني سورة يس باللغة السواحلية من كتاب Ali Muhsin Al - Swahili translation

آية رقم 1

ﭬ ﭭ ​

Yasin

Ya-Sin (Y. S.).

آية رقم 2

ﭮﭯ ﭰ ​

Kwa Haki ya Qur'ani yenye hikima!

آية رقم 3

ﭱﭲﭳ ﭴ ​

Hakika wewe ni miongoni mwa walio tumwa,

آية رقم 4

ﭵﭶﭷ ﭸ ​

Juu ya Njia Iliyo Nyooka.

آية رقم 5

ﭹﭺﭻ ﭼ ​

Uteremsho wa Mwenye nguvu, Mwenye kurehemu.

آية رقم 6

ﭽﭾﭿﮀﮁﮂﮃ ﮄ ​

Ili uwaonye watu ambao baba zao hawakuonywa, basi wao wamekuwa wenye kughafilika.

آية رقم 7

ﮅﮆﮇﮈﮉﮊﮋﮌ ﮍ ​

Bila ya shaka kauli imekwisha thibiti juu ya wengi katika wao, kwa hivyo hawaamini.

آية رقم 8

ﮎﮏﮐﮑﮒﮓﮔﮕﮖﮗ ﮘ ​

Tumeweka makongwa shingoni mwao, yakawafika videvuni. Kwa hivyo vichwa vyao viko juu tu.

آية رقم 9

ﮙﮚﮛﮜﮝﮞﮟﮠﮡﮢﮣﮤ ﮥ ​

Tumeweka kizuizi mbele yao, na kizuizi nyuma yao, na tumewafunika macho yao; kwa hivyo hawaoni.

آية رقم 10

ﮦﮧﮨﮩﮪﮫﮬﮭ ﮮ ​

Ni sawa sawa kwao ukiwaonya au usiwaonye, hawataamini.

آية رقم 11

ﮯﮰﮱﯓﯔﯕﯖﯗﯘﯙﯚﯛﯜ ﯝ ​

Hakika wewe unamwonya mwenye kufuata ukumbusho, na akamcha Arrahman, Mwingi wa Rehema, kwa ghaibu. Basi mbashirie huyo msamaha na ujira mwema.

آية رقم 12

ﯞﯟﯠﯡﯢﯣﯤﯥﯦﯧﯨﯩﯪﯫﯬ ﯭ ​

Hakika Sisi tunawafufua wafu, na tunayaandika wanayo yatanguliza, na wanayo yaacha nyuma. Na kila kitu tumekihifadhi katika daftari asli lenye kubainisha.

آية رقم 13

ﭑﭒﭓﭔﭕﭖﭗﭘ ﭙ ​

Na wapigie mfano wa wakaazi wa mji walipo wafikia walio tumwa.

آية رقم 14

ﭚﭛﭜﭝﭞﭟﭠﭡﭢﭣﭤ ﭥ ​

Tulipo watumia wawili, wakawakanusha. Basi tukawazidishia nguvu kwa mwingine wa tatu. Wakasema: Hakika sisi tumetumwa kwenu.

آية رقم 15

ﭦﭧﭨﭩﭪﭫﭬﭭﭮﭯﭰﭱﭲﭳﭴ ﭵ ​

Wakasema: Nyinyi si chochote ila ni watu kama sisi. Na Mwingi wa Rehema hakuteremsha kitu. Nyinyi mnasema uwongo tu.

آية رقم 16

ﭶﭷﭸﭹﭺﭻ ﭼ ​

Wakasema: Mola wetu Mlezi anajua kwamba hakika sisi tumetumwa kwenu.

آية رقم 17

ﭽﭾﭿﮀﮁ ﮂ ​

Wala si juu yetu ila kufikisha ujumbe ulio wazi.

آية رقم 18

ﮃﮄﮅﮆﮇﮈﮉﮊﮋﮌﮍﮎﮏ ﮐ ​

Wakasema: Sisi tumeagua kuwa nyinyi ni wakorofi. Ikiwa hamtaacha basi kwa yakini tutakupigeni mawe, na mtapata adhabu chungu kutoka kwetu.

آية رقم 19

ﮑﮒﮓﮔﮕﮖﮗﮘﮙﮚﮛ ﮜ ​

Wakasema: Ukorofi wenu mnao wenyewe! Je! Ni kwa kuwa mnakumbushwa? Ama nyinyi ni watu walio pindukia mipaka.

آية رقم 20

ﮝﮞﮟﮠﮡﮢﮣﮤﮥﮦ ﮧ ​

Na akaja mtu mbio kutokea upande wa mbali wa mjini, akasema: Enyi watu wangu! Wafuateni hawa walio tumwa.

آية رقم 21

ﮨﮩﮪﮫﮬﮭﮮ ﮯ ​

Wafuateni ambao hawakutakini ujira, hali ya kuwa wenyewe wameongoka.

آية رقم 22

ﮰﮱﯓﯔﯕﯖﯗﯘ ﯙ ​

NA KWA NINI nisimuabudu yule aliye niumba na kwake mtarejeshwa?

آية رقم 23

ﯚﯛﯜﯝﯞﯟﯠﯡﯢﯣﯤﯥﯦﯧﯨ ﯩ ​

Je! Niishike miungu mingine badala yake? Arrahmani, Mwingi wa Rehema, akinitakia madhara uombezi wa hao hautanifaa kitu, wala hawataniokoa.

آية رقم 24

ﯪﯫﯬﯭﯮ ﯯ ​

Basi hakika mimi hapo nitakuwa katika upotovu ulio dhaahiri.

آية رقم 25

ﯰﯱﯲﯳ ﯴ ​

Hakika mimi nimemuamini Mola wenu Mlezi, basi nisikilizeni!

آية رقم 26

ﯵﯶﯷﯸﯹﯺﯻﯼ ﯽ ​

Akaambiwa: Ingia Peponi! Akasema: Laiti kuwa watu wangu wangeli jua

آية رقم 27

ﯾﯿﰀﰁﰂﰃﰄ ﰅ ​

Jinsi Mola wangu Mlezi alivyo nisamehe, na akanifanya miongoni mwa walio hishimiwa.

آية رقم 28

ﭑﭒﭓﭔﭕﭖﭗﭘﭙﭚﭛﭜﭝﭞ ﭟ ​

Na hatukuwateremshia kaumu yake baada yake jeshi kutoka mbinguni, wala si wenye kuteremsha.

آية رقم 29

ﭠﭡﭢﭣﭤﭥﭦﭧ ﭨ ​

Hakukuwa ila ukelele mmoja tu; na mara walizimwa!

آية رقم 30

ﭩﭪﭫﭬﭭﭮﭯﭰﭱﭲﭳﭴ ﭵ ​

Nawasikitikia waja wangu. Hawajii Mtume ila wao humkejeli.

آية رقم 31

ﭶﭷﭸﭹﭺﭻﭼﭽﭾﭿﮀ ﮁ ​

Je! Hawaoni umma ngapi tulizo ziangamiza kabla yao? Hakika hao hawarejei tena kwao.

آية رقم 32

ﮂﮃﮄﮅﮆﮇ ﮈ ​

Na hapana mmoja ila wote watakusanywa waletwe mbele yetu.

آية رقم 33

ﮉﮊﮋﮌﮍﮎﮏﮐﮑﮒ ﮓ ​

Na Ishara hiyo kwao - ardhi iliyo kufa, nasi tukaifufua, na tukatoa ndani yake nafaka, wakawa wanazila!

آية رقم 34

ﮔﮕﮖﮗﮘﮙﮚﮛﮜﮝ ﮞ ​

Na tukafanya ndani yake mabustani ya mitende na mizabibu, na tukatimbua chemchem ndani yake,

آية رقم 35

ﮟﮠﮡﮢﮣﮤﮥﮦﮧ ﮨ ​

Ili wale matunda yake, na hayo hayakufanywa na mikono yao! Basi je, hawashukuru?

آية رقم 36

ﮩﮪﮫﮬﮭﮮﮯﮰﮱﯓﯔﯕﯖ ﯗ ​

Subhana, Ametakasika, aliye umba dume na jike vyote katika vinavyo mea katika ardhi na katika nafsi zao, na katika wasivyo vijua.

آية رقم 37

ﯘﯙﯚﯛﯜﯝﯞﯟﯠ ﯡ ​

Na usiku ni Ishara kwao. Tunauvua humo mchana, mara wao wanakuwa gizani.

آية رقم 38

ﯢﯣﯤﯥﯦﯧﯨﯩﯪ ﯫ ​

Na jua linakwenda kwa kiwango chake. Hayo ni makadirio ya Mwenye nguvu, Mwenye kujua.

آية رقم 39

ﯬﯭﯮﯯﯰﯱﯲ ﯳ ​

Na mwezi tumeupimia vituo, mpaka unakuwa kama karara kongwe.

آية رقم 40

ﯴﯵﯶﯷﯸﯹﯺﯻﯼﯽﯾﯿﰀﰁﰂﰃ ﰄ ​

Haliwi jua kuufikia mwezi, wala usiku kuupita mchana. Na vyote vinaogelea katika njia zao.

آية رقم 41

ﭑﭒﭓﭔﭕﭖﭗﭘ ﭙ ​

Na ni Ishara kwao kwamba Sisi tuliwapakia dhuriya zao katika jahazi ilio sheheni.

آية رقم 42

ﭚﭛﭜﭝﭞﭟ ﭠ ​

Na tukawaumbia kutoka mfano wake wanavyo vipanda.

آية رقم 43

ﭡﭢﭣﭤﭥﭦﭧﭨﭩ ﭪ ​

Na tukitaka tunawazamisha, wala hapana wa kuwasaidia, wala hawaokolewi,

آية رقم 44

ﭫﭬﭭﭮﭯﭰ ﭱ ​

Isipo kuwa kwa rehema zitokazo kwetu na starehe kwa muda.

آية رقم 45

ﭲﭳﭴﭵﭶﭷﭸﭹﭺﭻﭼ ﭽ ​

Na wanapo ambiwa: Jilindeni na yalioko mbele yenu na yalioko nyuma yenu, ili mpate kurehemewa...

آية رقم 46

ﭾﭿﮀﮁﮂﮃﮄﮅﮆﮇﮈ ﮉ ​

Na haiwafikii Ishara yoyote katika Ishara za Mola wao Mlezi ila wao huwa ni wenye kuipuuza.

آية رقم 47

ﮊﮋﮌﮍﮎﮏﮐﮑﮒﮓﮔﮕﮖﮗﮘﮙﮚﮛﮜﮝﮞﮟﮠﮡ ﮢ ​

Na wanapo ambiwa: Toeni katika aliyo kupeni Mwenyezi Mungu, walio kufuru huwaambia walio amini: Je! Tuwalishe ambao Mwenyezi Mungu angependa angeli walisha mwenyewe? Nyinyi hammo ila katika upotofu ulio dhaahiri.

آية رقم 48

ﮣﮤﮥﮦﮧﮨﮩ ﮪ ​

Na wanasema: Ahadi hii itatokea lini, ikiwa nyinyi ni wakweli?

آية رقم 49

ﮫﮬﮭﮮﮯﮰﮱﯓ ﯔ ​

Hawangojei ila ukelele mmoja tu utakao wachukua nao wamo kuzozana.

آية رقم 50

ﯕﯖﯗﯘﯙﯚﯛ ﯜ ​

Basi hawataweza kuusia, wala kwa watu wao hawarejei.

آية رقم 51

ﯝﯞﯟﯠﯡﯢﯣﯤﯥﯦ ﯧ ​

Na litapulizwa barugumu, mara watatoka makaburini wakikimbilia kwa Mola wao Mlezi.

آية رقم 52

ﯨﯩﯪﯫﯬﯭﯮﯯﯰﯱﯲﯳﯴﯵ ﯶ ​

Watasema: Ole wetu! Nani aliye tufufua kwenye malazi yetu? Haya ndiyo aliyo yaahidi Mwingi wa Rehema na wakasema kweli Mitume.

آية رقم 53

ﯷﯸﯹﯺﯻﯼﯽﯾﯿﰀ ﰁ ​

Haitakuwa ila ukelele mmoja tu, mara wote watahudhuruishwa mbele yetu.

آية رقم 54

ﰂﰃﰄﰅﰆﰇﰈﰉﰊﰋﰌ ﰍ ​

Basi leo nafsi yoyote haitadhulumiwa kitu, wala hamtalipwa ila yale mliyo kuwa mkiyatenda.

آية رقم 55

ﭑﭒﭓﭔﭕﭖﭗ ﭘ ​

Hakika watu wa Peponi leo wamo shughulini, wamefurahi.

آية رقم 56

ﭙﭚﭛﭜﭝﭞﭟ ﭠ ​

Wao na wake zao wamo katika vivuli wameegemea juu ya viti vya fakhari.

آية رقم 57

ﭡﭢﭣﭤﭥﭦ ﭧ ​

Watapata humo kila namna ya matunda na watapata kila watakacho kitaka.

آية رقم 58

ﭨﭩﭪﭫﭬ ﭭ ​

"Salama!" Hiyo ndiyo kauli itokayo kwa Mola Mlezi Mwenye kurehemu.

آية رقم 59

ﭮﭯﭰﭱ ﭲ ​

Na enyi wakosefu! Jitengeni leo!

آية رقم 60

ﭳﭴﭵﭶﭷﭸﭹﭺﭻﭼﭽﭾﭿﮀﮁ ﮂ ​

Je! Sikuagana nanyi, enyi wanaadamu, kuwa msimuabudu Shet'ani? Hakika yeye ni adui dhaahiri kwenu.

آية رقم 61

ﮃﮄﮅﮆﮇﮈ ﮉ ​

Na ya kwamba mniabudu Mimi? Hii ndiyo Njia Iliyo Nyooka.

آية رقم 62

ﮊﮋﮌﮍﮎﮏﮐﮑﮒ ﮓ ​

Na bila ya shaka yeye amekwisha lipoteza kundi kubwa miongoni mwenu. Je, hamkuwa mkifikiri?

آية رقم 63

ﮔﮕﮖﮗﮘ ﮙ ​

Hii basi ndiyo Jahannamu mliyo kuwa mkiahidiwa.

آية رقم 64

ﮚﮛﮜﮝﮞ ﮟ ​

Ingieni leo kwa vile mlivyo kuwa mkikufuru.

آية رقم 65

ﮠﮡﮢﮣﮤﮥﮦﮧﮨﮩﮪ ﮫ ​

Leo tunaviziba vinywa vyao, na iseme nasi mikono yao, na itoe ushahidi miguu yao kwa waliyo kuwa wakiyachuma.

آية رقم 66

ﮬﮭﮮﮯﮰﮱﯓﯔﯕ ﯖ ​

Na tungeli penda tungeli yafutilia mbali macho yao, wakawa wanaiwania njia. Lakini wange ionaje?

آية رقم 67

ﯗﯘﯙﯚﯛﯜﯝﯞﯟﯠ ﯡ ​

Na tungeli taka tunge wageuza sura hapo hapo walipo, basi wasinge weza kwenda wala kurudi.

آية رقم 68

ﯢﯣﯤﯥﯦﯧﯨﯩ ﯪ ​

Na tunaye mzeesha tunamrudisha nyuma katika umbo. Basi je! hawazingatii?

آية رقم 69

ﯫﯬﯭﯮﯯﯰﯱﯲﯳﯴﯵﯶﯷ ﯸ ​

Wala hatukumfundisha (Muhammad) mashairi, wala hayatakikani kwake hayo. Haukuwa huu ila ni ukumbusho na Qur'ani inayo bainisha.

آية رقم 70

ﯹﯺﯻﯼﯽﯾﯿﰀ ﰁ ​

Ili imwonye aliye hai, na neno litimie juu ya makafiri.

آية رقم 71

ﭑﭒﭓﭔﭕﭖﭗﭘﭙﭚﭛﭜ ﭝ ​

Je! Hawaoni kwamba tumewaumbia kutokana na iliyo fanya mikono yetu wanyama wa mifugo, na wao wakawa wenye kuwamiliki.

آية رقم 72

ﭞﭟﭠﭡﭢﭣ ﭤ ​

Na Sisi tukawadhalilishia. Basi baadhi yao wako wanao wapanda, na baadhi yao wanawala.

آية رقم 73

ﭥﭦﭧﭨﭩﭪﭫ ﭬ ​

Na wao wanapata kwao manufaa na vinywaji. Basi je, hawashukuru?

آية رقم 74

ﭭﭮﭯﭰﭱﭲﭳ ﭴ ​

Na wameishika miungu mingine badala ya Mwenyezi Mungu ili ati wapate kusaidiwa!

آية رقم 75

ﭵﭶﭷﭸﭹﭺﭻ ﭼ ​

Hawataweza kuwasaidia. Bali hao ndio watakuwa askari wao watakao hudhurishwa.

آية رقم 76

ﭽﭾﭿﮀﮁﮂﮃﮄﮅﮆ ﮇ ​

Basi maneno yao yasikuhuzunishe. Hakika Sisi tunayajua wanayo yaweka siri na wanayo yatangaza.

آية رقم 77

ﮈﮉﮊﮋﮌﮍﮎﮏﮐﮑﮒ ﮓ ​

Kwani mwanaadamu haoni ya kwamba Sisi tumemuumba yeye kutokana na tone la manii? Kisha sasa yeye ndio amekuwa ndiye mgomvi wa dhaahiri!

آية رقم 78

ﮔﮕﮖﮗﮘﮙﮚﮛﮜﮝﮞﮟ ﮠ ​

Na akatupigia mfano, na akasahau kuumbwa kwake, akasema: Ni nani huyo atakaye ihuisha mifupa nayo imekwisha mung'unyika?

آية رقم 79

ﮡﮢﮣﮤﮥﮦﮧﮨﮩﮪﮫ ﮬ ​

Sema: Ataihuisha huyo huyo aliye iumba hapo mara ya mwanzo. Na Yeye ni Mjuzi wa kila kuumba.

آية رقم 80

ﮭﮮﮯﮰﮱﯓﯔﯕﯖﯗﯘ ﯙ ​

Aliye kujaalieni kupata moto kutokana na mti wa kijani nanyi mkawa kwa huo mnawasha.

آية رقم 81

ﯚﯛﯜﯝﯞﯟﯠﯡﯢﯣﯤﯥﯦﯧﯨ ﯩ ​

Kwani aliye ziumba mbingu na ardhi hawezi kuwaumba mfano wao? Kwani! Naye ndiye Muumbaji Mkuu, Mjuzi.

آية رقم 82

ﯪﯫﯬﯭﯮﯯﯰﯱﯲﯳ ﯴ ​

Hakika amri yake anapo taka kitu ni kukiambia tu: Kuwa! Na kikawa.

آية رقم 83

ﯵﯶﯷﯸﯹﯺﯻﯼ ﯽ ​

Basi Ametakasika yule ambaye mkononi mwake umo Ufalme wa kila kitu; na kwake Yeye mtarejeshwa.