ترجمة معاني سورة نوح باللغة ماراناو من كتاب Maranao - Maranao translation
ﰡ
آية رقم 1
Mataan! a Skami na siyogo Ami so Noh ko pagtaw niyan: (sa pitharo on a) "Pakaiktiyarang ka so pagtawng ka ko da kiran pn katalingomai a siksa a malipds."
آية رقم 2
ﮇﮈﮉﮊﮋﮌ
ﮍ
Pitharo iyan: "Hay pagtaw akn, mataan! a sakn na phamakaiktiyar rkano a mapayag:"
آية رقم 3
ﮎﮏﮐﮑﮒ
ﮓ
"Zoasoata niyo so Allah, go kalkn iyo Skaniyan, go onoti ako niyo:"
آية رقم 4
"Ka napin Iyan rkano so manga dosa niyo go pakaplagidn kano Niyan sa taman ko taalik a miyapnto: Mataan! a so taalik o Allah na igira a miyakatalingoma na di khisndod; o skano na katawi niyo."
آية رقم 5
Pitharo iyan: "Kadnan ko, mataan! a sakn na diyolon akn so pagtaw akn ko kagagawii na goso kadawndaw:
آية رقم 6
ﮱﯓﯔﯕﯖ
ﯗ
"Na da a minipagoman kiran o panolon akn a rowar sa kapalagoy;
آية رقم 7
"Go mataan! a sakn na oman akn siran dolonn, ka an Ka siran kapmaapi, na iyoln iran so manga tindoro iran ko manga tangila iran, go izalikombong iran so manga nditarn iran, go idadayon iran (so kaongkir) go mmaratabat siran sa mala a kapmaratabat;
آية رقم 8
ﯧﯨﯩﯪ
ﯫ
"Oriyan iyan na mataan! a sakn na tiyawag akn siran sa matanog.
آية رقم 9
"Go mataan! a sakn na piyakalangkap akn kiran, go inipnanay akn kiran sa tanto a kapnanay,
آية رقم 10
ﯴﯵﯶﯷﯸﯹ
ﯺ
"Na pitharo akn a: ´Pangni kano sa maap ko Kadnan iyo´; mataan! a Skaniyan na tatap a Manapi,"
آية رقم 11
ﭑﭒﭓﭔ
ﭕ
"Ka botawanan Iyan rkano so oran a margs,
آية رقم 12
"Go pakadakln Iyan rkano so manga tamok ago so manga wata, go snggayan kano Niyan sa manga pamomolan, go snggayan kano Niyan sa manga lawasayg.
آية رقم 13
ﭠﭡﭢﭣﭤﭥ
ﭦ
"Ino kano wai a di niyo ikhalk so Allah sa slasla,
آية رقم 14
ﭧﭨﭩ
ﭪ
"A sabnar a inadn kano Niyan ko pizoson a btad?
آية رقم 15
"Ba niyo da manggdagda o andamanaya i kiyaadna o Allah ko pito a manga langit a miyakaphapangkata,
آية رقم 16
"Go biyaloy Niyan roo so olan a sindaw, go biyaloy Niyan so alongan a palitaan?
آية رقم 17
ﭼﭽﭾﭿﮀ
ﮁ
"Na so Allah na inadn kano Niyan a phoon ko lopa sa (lagid o) mangngto,
آية رقم 18
ﮂﮃﮄﮅﮆ
ﮇ
"Oriyan iyan na phakakasowing kano Niyan roo, go phakagmawn kano Niyan sa samporna a kapakagmaw.
آية رقم 19
ﮈﮉﮊﮋﮌ
ﮍ
"Na so Allah na biyaloy Niyan rkano so lopa a makakayat,
آية رقم 20
ﮎﮏﮐﮑ
ﮒ
"Ka ang kano pphakawkit ko manga lalan on a manga dadaya."
آية رقم 21
Pitharo o Noh: "Kadnan ko, mataan! a siran na siyangka ako iran, ka aya iran inonotan so taw a da a minioman on o tamok iyan, ago so wata iyan, a rowar sa kalogi;
آية رقم 22
ﮡﮢﮣ
ﮤ
"Go miyagikmat siran sa ikmat a mala;
آية رقم 23
Go pitharo iran a: "Di niyo ngganati so manga katohanan iyo: Go di niyo ngganati so (barahala a) Wadda, go so Sowaa, go so Yaghos, go so Yawqa, go so Nasra;
آية رقم 24
"Go sabnar a miyakadadag siran sa madakl; na da a pagomann Ka ko manga darowaka a rowar ko kadadag."
آية رقم 25
Phoon ko manga kasalaan iran na inld siran, go piyakasold siran ko apoy; na da a miyatoon iran a bagian iran a salakaw ko Allah a mamakatabang.
آية رقم 26
Na pitharo o Noh: "Kadnan ko, da a plambaang Ka ko lopa ko miyamangongkir a makapamagingd on!
آية رقم 27
"Mataan! a Ska na o adn a lambaan Ka kiran na madadag iran so manga oripn Ka, go da a imbawata iran a rowar sa baradosa a miyongkir,
آية رقم 28
"Kadnan ko, pmaapi akong Ka, ago so mbala a loks akn, go so taw a somiyold ko walay akn a mapaparatiyaya, ago so miyamaratiyaya a manga mama, go so miyamaratiyaya a manga babay, go da a pagomann Ka ko manga darowaka a rowar ko kabinasa!"
تقدم القراءة