ترجمة معاني سورة ص باللغة ماراناو من كتاب Maranao - Maranao translation

آية رقم 1

ﭑﭒﭓﭔﭕ ﭖ ​

Saad. (so Allah i Matao ko paka-aantapan Iyan on). Ibt ko Qor´an, a ndodon so pananadm (ka mataan a so Mohammad na bnar):

آية رقم 2

ﭗﭘﭙﭚﭛﭜ ﭝ ​

Kna, ka so miyamangongkir na matatago ko maratabat, go so kasosorang.

آية رقم 3

ﭞﭟﭠﭡﭢﭣﭤﭥﭦﭧ ﭨ ​

Madakl a bininasa Mi ko miyaonaan iran a pagtaw, na minithatawaga iran a: Da a masa a kapakapalagoy!

آية رقم 4

ﭩﭪﭫﭬﭭﭮﭯﭰﭱﭲﭳ ﭴ ​

Na miyammsa siran ko kiyapakawma kiran o miyamakaiktiyar a pd kiran! Go pitharo o miyamangongkir a: "Giyai na balik mata a bokhag!"

آية رقم 5

ﭵﭶﭷﭸﭹﭺﭻﭼﭽ ﭾ ​

"Ino niyan mbaloya so manga katohanan a tohan a Isaysa?" Mataan! a giyaya na titho a shay´ a pakammsa!

آية رقم 6

ﭿﮀﮁﮂﮃﮄﮅﮆﮇﮈﮉﮊﮋ ﮌ ​

Na inilalakaw o manga nakoda iran a: "Dadayon kano, go thatakna kano ko manga katohanan niyo. Mataan! a giyai na titho a shay´ a paka-aantapn (rktano)!"

آية رقم 7

ﮍﮎﮏﮐﮑﮒﮓﮔﮕﮖ ﮗ ​

"Da tano aya man´g ko okit a miyawri": Da ko ungkaya inonta na piyangmbaalan (a kabokhag)!

آية رقم 8

ﮘﮙﮚﮛﮜﮝﮞﮟﮠﮡﮢﮣﮤﮥﮦﮧﮨ ﮩ ​

"Ino skaniyan bo i thoroni ko pananadm ko ndolondolanan tano?" Kna ka siran na matatago ko kazasangka ko pananadm Akn. Kna, ka (kagiya) da iran pn kataami so siksa Akn!

آية رقم 9

ﮪﮫﮬﮭﮮﮯﮰ ﮱ ​

Antawaa ba zisii kiran so khikatatagoan ko limo o Kadnan ka, - a Mabagr, a Pphammgay?

آية رقم 10

ﯓﯔﯕﯖﯗﯘﯙﯚﯛﯜﯝ ﯞ ​

Antawaa ba iran rk so kapaar ko manga langit ago so lopa, go so nganin a pagltan a dowa nan? Na pamanik siran ko pphamangokitan!

آية رقم 11

ﯟﯠﯡﯢﯣﯤ ﯥ ​

Tantara a so ndodoo a pgs, a pd ko mithampotampong.

آية رقم 12

ﯦﯧﯨﯩﯪﯫﯬﯭ ﯮ ​

Tomiyaplis ko miyaonaan iran so pagtaw o Noh, ago so pagtaw a Ad, go so Pir´awn a khirk ko manga lutakan,

آية رقم 13

ﯯﯰﯱﯲﯳﯴﯵﯶ ﯷ ​

Go so pagtaw a Samod, go so pagtaw o Lot, go so manga taw sa Aykah; - siran man so mithampotampong.

آية رقم 14

ﯸﯹﯺﯻﯼﯽﯾ ﯿ ​

Da´ ko oman i isa kiran inonta na piyakambokhag iyan so manga sogo, na miyatangkd (kiran) so siksa Akn.

آية رقم 15

ﰀﰁﰂﰃﰄﰅﰆﰇﰈﰉ ﰊ ​

Na da a pnayawn o siran aya a rowar ko lalis a isa, a da a kaphakandod iyan.

آية رقم 16

ﰋﰌﰍﰎﰏﰐﰑﰒ ﰓ ​

Na pitharo iran a: "Kadnan ami, nggagaaning Ka rkami so kipantag ami ko dapn so alongan a kapamagitong!"

آية رقم 17

ﭑﭒﭓﭔﭕﭖﭗﭘﭙﭚﭛﭜ ﭝ ​

Phantang ka ko katharo iran, go aloyang ka so oripn Ami a Dawood, a adn a bagr iyan: Mataan! a skaniyan na pphananangoran (ko Allah).

آية رقم 18

ﭞﭟﭠﭡﭢﭣﭤ ﭥ ​

Mataan! a Skami na piyakaphasiyonot Ami so manga palaw, a pd iyan a pthasbik siran, ko kagabigabi, ago so kapitapita,

آية رقم 19

ﭦﭧﭨﭩﭪﭫ ﭬ ​

Go so manga papanok a matitimo: Na tanan sii ko Allah pphananangoran.

آية رقم 20

ﭭﭮﭯﭰﭱﭲ ﭳ ​

Go piyakabagr Ami so kadato iyan, go inibgay Ami ron so ongangn, ago so katao ko kokoman.

آية رقم 21

ﭴﭵﭶﭷﭸﭹﭺﭻ ﭼ ​

Na ino a miyakatalingoma rka so totholan ko pkhakarido? Gowani a mangalakat siran ko Dawood sii ko darpa a diniyan zambayangan;

آية رقم 22

ﭽﭾﭿﮀﮁﮂﮃﮄﮅﮆﮇﮈﮉﮊﮋﮌﮍﮎﮏﮐﮑﮒﮓﮔﮕ ﮖ ​

Gowani na somiyold siran ko Dawood, na inikalk iyan siran, pitharo iran: "A di ka khalk: Ka pkharido kami a dowa, ka inaniyaya o sabaad rkami so sabaad: Na kokoma kaming ka sa ontol, go di ka phramiramig; go nggonanaowa kaming ka ko ontol a lalan."

آية رقم 23

ﮗﮘﮙﮚﮛﮜﮝﮞﮟﮠﮡﮢﮣﮤﮥ ﮦ ​

"Mataan! a giya ungkai a pagari ko: Na adn a siyaw polo ago siyaw a bilibili niyan, na adn a bilibili akn a satiman: Na pitharo iyan a: ´Pakitagikorn ka rakn oto´, na kiyadaoban ako niyan sa katharo."

آية رقم 24

ﮧﮨﮩﮪﮫﮬﮭﮮﮯﮰﮱﯓﯔﯕﯖﯗﯘﯙﯚﯛﯜﯝﯞﯟﯠﯡﯢﯣﯤﯥﯦﯧﯨﯩﯪ ﯫ ​

Pitharo (o Dawood) a: "Sabnsabnar a kiyasalimbotang ka niyan sa kiyapangniya niyan ko bilibiling ka a kinitapi iyan ko manga bilibili niyan: Ka mataan! a madakl ko zasakotowa a sabnar a phaganiyayaan o sabaad kiran so sabaad: Inonta so siran a miyamaratiyaya, go pinggalbk iran so manga pipiya, na tanto a mayto siran?" Na miyaantang o Dawood a giyabo a kinitpngn Ami ron: Na miyakapangni sa maap ko Kadnan iyan, go somiyondong a mangangalimbabaan, go miyananangoran (ko Allah).

آية رقم 25

ﯬﯭﯮﯯﯰﯱﯲﯳﯴﯵ ﯶ ​

Na niyapi Ami ron oto:. Go mataan! a miyambagian iyan sii Rkami so titho a kapakarani, ago so mapiya a khandodan.

آية رقم 26

ﯷﯸﯹﯺﯻﯼﯽﯾﯿﰀﰁﰂﰃﰄﰅﰆﰇﰈﰉﰊﰋﰌﰍﰎﰏﰐﰑﰒﰓﰔﰕ ﰖ ​

Hay Dawood, mataan! a Skami na biyaloy Ami ska a khalifah ko lopa: Na kokomang ka so manga manosiya sa ontol: Go ding ka pagonoti so kabaya a ribat, ka madadag ka niyan ko lalan o Allah: Mataan! a so phangadadadag ko lalan o Allah, na adn a bagian iran a siksa a sangat, sabap ko kiyapakalipati ran ko alongan a kapamagitong.

آية رقم 27

ﭑﭒﭓﭔﭕﭖﭗﭘﭙﭚﭛﭜﭝﭞﭟﭠﭡﭢ ﭣ ​

Na da ko kiyaadna Mi ko langit ago so lopa, go so nganin a lt a dowa nan i ba ilang! Giyoto man i arangan o siran a miyamangongkir! Na sangat a siksa a bagian o siran a miyamangongkir ko naraka!

آية رقم 28

ﭤﭥﭦﭧﭨﭩﭪﭫﭬﭭﭮﭯﭰ ﭱ ​

Ba Ami babaloya so miyamaratiyaya, go pinggalbk iran so manga pipiya, a lagid o pphamaminasa ko lopa? Antawaa ba Ami babaloya so khipanananggila, a lagid o manga baradosa?

آية رقم 29

ﭲﭳﭴﭵﭶﭷﭸﭹﭺ ﭻ ​

(Giyai na) Kitab a initoron Ami skaniyan sii rka, a piyakandaklan sa mapiya, ka an iran manggdagda so manga ayat rkaniyan, go an kasaboti o adn a manga sabot iyan.

آية رقم 30

ﭼﭽﭾﭿﮀﮁﮂﮃ ﮄ ​

Na inibgay Ami ko Dawood so (wata iyan a) Solayman, miyakapiyapiya a oripn. Mataan! a skaniyan na pphananangoran (ko Allah)!

آية رقم 31

ﮅﮆﮇﮈﮉﮊ ﮋ ​

Gowani a pakimasaan ko Solayman ko kagabigabi so manga koda a manga gagaan;

آية رقم 32

ﮌﮍﮎﮏﮐﮑﮒﮓﮔﮕﮖ ﮗ ​

Na miyatharo iyan a: "Mataan! a sakn na miyatomo akn so kabaya ko mapiya (sa doniya), a di so tadm ko Kadnan ko", - taman sa miyakadalong (so alongan) ko rnding:

آية رقم 33

ﮘﮙﮚﮛﮜﮝﮞ ﮟ ​

(Pitharo o Solayman:) "Ndodn iyo siran rakn". Na phiphoonan iyan mamotol sa manga ai go manga lig.

آية رقم 34

ﮠﮡﮢﮣﮤﮥﮦﮧﮨ ﮩ ​

Na sabnsabnar a tiniyoba Ami so Solayman: Ka piyakidarpaan Ami so korsi iyan sa isa a lawas: Oriyan iyan na mithawbat:

آية رقم 35

ﮪﮫﮬﮭﮮﮯﮰﮱﯓﯔﯕﯖﯗﯘﯙﯚ ﯛ ​

Pitharo iyan: "Kadnan ko, napii akong Ka, go bgi akong Ka sa kadato, a da a kapatotan on a isa bo ko oriyang ko: Mataan! a Ska na Ska so Pphammgay."

آية رقم 36

ﯜﯝﯞﯟﯠﯡﯢﯣ ﯤ ​

Na piyakaphasiyonot Ami ron so ndo, a pzambr sabap ko sogoan iyan, a malanat, a apiya anda niyan pphakaantapa,

آية رقم 37

ﯥﯦﯧﯨ ﯩ ​

Go so manga shaytan, a tanan pababalay, go panininb, -

آية رقم 38

ﯪﯫﯬﯭ ﯮ ​

Go so manga pd a khipapatongn ko manga sangkali.

آية رقم 39

ﯯﯰﯱﯲﯳﯴﯵ ﯶ ​

(Pitharo Ami ron a) "Giyaya na pammgayan Ami: Na pammgay ka, odi na kakapting ka, sa da a kapamagitong."

آية رقم 40

ﯷﯸﯹﯺﯻﯼ ﯽ ​

Na mataan! a adn a bagian iyan sii Rkami a titho a kapakarani, go mapiya a khandodan.

آية رقم 41

ﯾﯿﰀﰁﰂﰃﰄﰅﰆﰇﰈ ﰉ ​

Na aloyang ka so oripn Ami a Ayyob. Gowani na inipangangarapan iyan ko Kadnan iyan a: "Mataan! a sakn na minisogat rakn o shaytan so dokaw ago so siksa!"

آية رقم 42

ﰊﰋﰌﰍﰎﰏﰐ ﰑ ​

(Pitharo on:)

آية رقم 43

ﭑﭒﭓﭔﭕﭖﭗﭘﭙﭚ ﭛ ​

Na inibgay Ami ron (bo) so manga taalok on, ago so lagid iran a inibabid kiran, - a limo a phoon Rkami, go pananadm, o adn a manga sabot iyan.

آية رقم 44

ﭜﭝﭞﭟﭠﭡﭢﭣﭤﭥﭦﭧﭨﭩﭪﭫ ﭬ ​

Go (pitharoon:) "Kowaang ka so limang ka sa sakkhm a rasaas, na lphadn ka (ki karomang ka): Ka dika kasapaan". Mataan! a Skami na miyatoon Ami skaniyan a mapantang. Sayana a mapiya a oripn! Mataan! a skaniyan na pphangongonotan (ko Allah)!

آية رقم 45

ﭭﭮﭯﭰﭱﭲﭳﭴ ﭵ ​

Go aloyang ka so manga oripn Ami a so Ibrahim, go so Is´haq, go so Ya´qob, a manga babagr go manga ala i pandapat.

آية رقم 46

ﭶﭷﭸﭹﭺ ﭻ ​

Mataan! a Skami na initolabos Ami kiran so tolabos a pananadm ko ingd (a akhirat).

آية رقم 47

ﭼﭽﭾﭿﮀ ﮁ ​

Go mataan! a siran sii ko hadapan Ami, na pd dn ko miyangapipili a manga pipiya.

آية رقم 48

ﮂﮃﮄﮅﮆﮇﮈﮉﮊ ﮋ ​

Go aloyang ka so Ismail, go so Al-Yasha´, go so Zolkifl: Na tanan pd ko manga pipiya.

آية رقم 49

ﮌﮍﮎﮏﮐﮑﮒ ﮓ ​

Giyaya na pananadm: Na mataan! a rk o khipanananggila, so titho a mapiya a khandodan,

آية رقم 50

ﮔﮕﮖﮗﮘ ﮙ ​

Manga sorga a tatap, a khillkaan kiran so manga pinto;

آية رقم 51

ﮚﮛﮜﮝﮞﮟﮠ ﮡ ​

Gii siran roo zasandasandang; pphananawag siran roo sa manga onga a madakl, ago manga inomn;

آية رقم 52

ﮢﮣﮤﮥﮦ ﮧ ​

Go manga ikapd iran so manga thatangka i kaylay (a manga bai), a mrzarza.

آية رقم 53

ﮨﮩﮪﮫﮬ ﮭ ​

Giyaya so ididiyandi rkano ko alongan a kapamagitong!

آية رقم 54

ﮮﮯﮰﮱﯓﯔﯕ ﯖ ​

Mataan! a giyaya na titho a pagpr Ami, a da a ikhada iyan; -

آية رقم 55

ﯗﯘﯙﯚﯛﯜ ﯝ ​

Giyaya (i khasowa), - na mataan! a bagian o manga malawani so titho a marata a khandodan!

آية رقم 56

ﯞﯟﯠﯡ ﯢ ​

Naraka Jahannam! - a phamakasold siran on, - na mikharatarata a dkhai! -

آية رقم 57

ﯣﯤﯥﯦ ﯧ ​

Giyaya! - na taami ran skaniyan, - a phlikabo, go pakabnd a manga rrzik!

آية رقم 58

ﯨﯩﯪﯫ ﯬ ​

Go adn a salakaw a lagid iyan, a mbarambarang (a siksa)!

آية رقم 59

ﯭﯮﯯﯰﯱﯲﯳﯴﯵﯶﯷ ﯸ ​

Katii so salompok a pphamanold a pd iyo. Da a kapakadadaya iran. Mataan! a siran na phamakasold ko naraka!

آية رقم 60

ﯹﯺﯻﯼﯽﯾﯿﰀﰁﰂﰃﰄﰅ ﰆ ​

Tharoon iran a: "Kna, ka skano na da a kapakadadaya iyo! Skano i tomiyoron rkami saya! Na miyakaratarata a darpa!"

آية رقم 61

ﰇﰈﰉﰊﰋﰌﰍﰎﰏﰐﰑ ﰒ ​

Tharoon iran: "Kadnan ami, sadn sa tomiyoro rkami saya, - na omaning Ka on so siksa sa takp ko naraka!"

آية رقم 62

ﭑﭒﭓﭔﭕﭖﭗﭘﭙﭚ ﭛ ​

Go Tharoon iran a: "Ino tano wai a da a khaylay tano ko manga mama a sktano na so ibibilang tano siran ko manga rarata?"

آية رقم 63

ﭜﭝﭞﭟﭠﭡ ﭢ ​

"Ino tano khakowa siran a pagrg, antawaa ba da katoliki siran o manga kaylay?"

آية رقم 64

ﭣﭤﭥﭦﭧﭨ ﭩ ​

Mataan! a giyoto man na bnar dn, - a kapphapawala o taw ko naraka!

آية رقم 65

ﭪﭫﭬﭭﭮﭯﭰﭱﭲﭳﭴﭵ ﭶ ​

Tharoang ka (hay Mohammad) a: "Sakn na matag ako pphamakaiktiyar: Na da a tohan a inonta so Allah, a so Isaysa a phakabaas,"

آية رقم 66

ﭷﭸﭹﭺﭻﭼﭽ ﭾ ​

"Kadnan o manga langit ago so lopa, go so nganin a pagltan a dowa nan, - a so Mabagr, a Manapi."

آية رقم 67

ﭿﮀﮁﮂ ﮃ ​

Tharoang ka a: "Skaniya na tothol a mala," -

آية رقم 68

ﮄﮅﮆ ﮇ ​

"Skano na tatalikhodan iyo to!"

آية رقم 69

ﮈﮉﮊﮋﮌﮍﮎﮏﮐ ﮑ ​

"Da a katao akn ko pagtaw a maporo, gowani ko pphanmbag siran."

آية رقم 70

ﮒﮓﮔﮕﮖﮗﮘﮙ ﮚ ​

"Da a kaphagilahami rakn a rowar sa sakn na matag pphamakaiktiyar a mapayag."

آية رقم 71

ﮛﮜﮝﮞﮟﮠﮡﮢﮣ ﮤ ​

Gowani na pitharo o Kadnan ka ko manga malaikat: "Mataan! a Sakn na magadn ako sa manosiya a phoon sa lipaw (a giyoto so Adam): "

آية رقم 72

ﮥﮦﮧﮨﮩﮪﮫﮬﮭ ﮮ ​

"Na amay ka imasadn skaniyan, go masokan Ko skaniyan sa niyawa, na sondong kano rkaniyan, a pangangalimbabaan kano."

آية رقم 73

ﮯﮰﮱﯓ ﯔ ​

Na miyangalimbabaan so manga malaikat, a tanan siran langon:

آية رقم 74

ﯕﯖﯗﯘﯙﯚ ﯛ ​

Inonta so iblis: Ka mimaratabat, go miyabaloy a pd ko miyamangongkir.

آية رقم 75

ﯜﯝﯞﯟﯠﯡﯢﯣﯤﯥﯦﯧﯨﯩﯪ ﯫ ​

Pitharo (o Allah): "Hay iblis antonaa i miyakarn rka ko kaphangalimbabaan ka ko inadn Ko a minggolalan ko bagr Akn? Ba ka mimaratabat? Antawaa ba ka miyabaloy a pd ko miphapaporo?"

آية رقم 76

ﯬﯭﯮﯯﯰﯱﯲﯳﯴﯵ ﯶ ​

Pitharo iyan a: "Sakn i mapiya a di skaniyan: Inadn akong Ka a phoon sa apoy, na inadn ka skaniyan a phoon sa lipaw."

آية رقم 77

ﯷﯸﯹﯺﯻ ﯼ ​

Pitharo (o Allah): "Na awa ka (phoon ko sorga): Ka mataan! a ska na inibowang."

آية رقم 78

ﯽﯾﯿﰀﰁﰂ ﰃ ​

"Go mataan a mikolob rka so morka Akn taman ko alongan a kapamalas."

آية رقم 79

ﰄﰅﰆﰇﰈﰉ ﰊ ​

Pitharo iyan: "Kadnan ko! na pakinayawn Ka rakn taman ko alongan a kawyaga kiran."

آية رقم 80

ﰋﰌﰍﰎ ﰏ ​

Pitharo (o Allah): "Na mataan! a ska na pd ko phamakanayaw -

آية رقم 81

ﰐﰑﰒﰓ ﰔ ​

"Taman ko alongan o wakto a mappnto."

آية رقم 82

ﰕﰖﰗﰘ ﰙ ​

Pitharo iyan: "Na ibt ko bagr Ka, ka mataan a dadagn ko siran dn langon,"

آية رقم 83

ﰚﰛﰜﰝ ﰞ ​

"Inonta so manga oripn ka a pd kiran, a manga tolabos."

آية رقم 84

ﭑﭒﭓﭔ ﭕ ​

Pitharo (o Allah): "Na so bnar (na Sakn), - go so bnar i ptharoon Ko -

آية رقم 85

ﭖﭗﭘﭙﭚﭛﭜ ﭝ ​

"Mataan a ipno Akn dn ko naraka Jahannam so pd ka, ago so taw a miyonot rka a pd kiran, a mrakhrakhs kano."

آية رقم 86

ﭞﭟﭠﭡﭢﭣﭤﭥﭦﭧ ﭨ ​

Tharoang ka a: "Da a phangnin ko rkano sa makapantag saya a sokay, - go kna a ba ako pd ko pphamanangin."

آية رقم 87

ﭩﭪﭫﭬﭭ ﭮ ​

"Da ko skaniyan (a Qor´an) inonta na pananadm o manga kaadn."

آية رقم 88

ﭯﭰﭱﭲ ﭳ ​

"Na mataan a katokawan iyo dn so totholan rkaniyan ko oriyan o masa."