ترجمة معاني سورة البروج باللغة ماراناو من كتاب Maranao - Maranao translation

آية رقم 1

ﭛﭜﭝ ﭞ ​

Ibt ko langit, a katatagoan sa manga darpa o manga bitoon,

آية رقم 2

ﭟﭠ ﭡ ​

Go so alongan a didiyandiin (a so alongan a qiyamah),

آية رقم 3

ﭢﭣ ﭤ ​

Go so saksi, ago so pzaksian;

آية رقم 4

ﭥﭦﭧ ﭨ ​

Pimorkaan so khimangark ko kakar,

آية رقم 5

ﭩﭪﭫ ﭬ ​

A apoy a tatagoan sa itagon,

آية رقم 6

ﭭﭮﭯﭰ ﭱ ​

Gowani a siran na moontod siran ko obay niyan,

آية رقم 7

ﭲﭳﭴﭵﭶﭷ ﭸ ​

A siran na mbabantayan iran so ipkhidia iran ko miyamaratiyaya.

آية رقم 8

ﭹﭺﭻﭼﭽﭾﭿﮀﮁ ﮂ ​

Na da a inikagowad iran kiran a rowar sa kapaparatiyaya a iran ko Allah, a Mabagr, a Diyaitan o podi,

آية رقم 9

ﮃﮄﮅﮆﮇﮈﮉﮊﮋﮌﮍ ﮎ ​

So Khirk ko kapaar ko manga langit ago so lopa. Na so Allah i Saksi ko langowan taman.

آية رقم 10

ﮏﮐﮑﮒﮓﮔﮕﮖﮗﮘﮙﮚﮛﮜ ﮝ ​

Mataan! a siran a sominiksa ko miyamaratiyaya, a manga mama ago miyamaratiyaya a manga babay, oriyan iyan na da siran thawbat, na bagian iran so siksa ko naraka Jahannam, go bagian iran so siksa a phakatotong.

آية رقم 11

ﮞﮟﮠﮡﮢﮣﮤﮥﮦﮧﮨﮩﮪﮫﮬ ﮭ ​

Mataan! a so siran a miyamaratiyaya, go pinggalbk iran so manga pipiya, na adn a bagian iran a manga sorga a pphamangondas ko kababaan iyan so manga lawasayg: Giyoto man so daag a mala.

آية رقم 12

ﮮﮯﮰﮱ ﯓ ​

Mataan! a so siksa o Kadnan ka na titho a maylot.

آية رقم 13

ﯔﯕﯖﯗ ﯘ ​

Mataan! a Skaniyan na Skaniyan i pphanagipoon mangadn, go ppharoman mangadn;

آية رقم 14

ﯙﯚﯛ ﯜ ​

Go skaniyan so Manapi, a Malai-gagaw,

آية رقم 15

ﯝﯞﯟ ﯠ ​

A Khirk ko aras, a sslaan,

آية رقم 16

ﯡﯢﯣ ﯤ ​

A inggogolalan Iyan so nganin a kabaya Iyan.

آية رقم 17

ﯥﯦﯧﯨ ﯩ ​

Ino a miyakatalingoma rka so totholan ko manga tantara,

آية رقم 18

ﯪﯫ ﯬ ​

A so Pir´awn ago so pagtaw a Samod?

آية رقم 19

ﯭﯮﯯﯰﯱ ﯲ ​

Kna, ka siran a da pamaratiyaya na zisii ko kaoongkir!

آية رقم 20

ﯳﯴﯵﯶ ﯷ ​

Na so Allah, na katatangkalan Iyan so mbalabala kiran!

آية رقم 21

ﯸﯹﯺﯻ ﯼ ​

Kna, ka skaniyan so Qor´an a sslaan,

آية رقم 22

ﯽﯾﯿ ﰀ ​

A madadalm ko Lawh Mahfod.