ترجمة معاني سورة الحاقة باللغة التاميلية من كتاب Jan Trust Foundation - Tamil translation

آية رقم 1

ﮯ ﮰ ​

நிச்சயமானது.

آية رقم 2

ﮱﯓ ﯔ ​

நிச்சயமானது எது?

آية رقم 3

ﯕﯖﯗﯘ ﯙ ​

அன்றியும் நிச்சயமானது என்னவென்று உமக்கு அறிவித்தது எது?

آية رقم 4

ﯚﯛﯜﯝ ﯞ ​

ஸமூது (கூட்டத்தாரு)ம், ஆது (கூட்டத்தாரு)ம் திடுக்கிடச் செய்வதை (கியாம நாளைப்) பொய்ப்பித்தனர்.

آية رقم 5

ﯟﯠﯡﯢ ﯣ ​

எனவே, ஸமூது கூட்டத்தார் (அண்டம் கிடுகிடச் செய்யும்) பெரும் சப்தத்தால் அழிக்கப்பட்டனர்.

آية رقم 6

ﯤﯥﯦﯧﯨﯩ ﯪ ​

இன்னும், ஆது கூட்டத்தாரோ பேரொலியோடு வேகமாகச் சுழன்று அடித்த கொடுங்காற்றினால் அழிக்கப்பட்டனர்.

آية رقم 7

ﯫﯬﯭﯮﯯﯰﯱﯲﯳﯴﯵﯶﯷﯸﯹﯺ ﯻ ​

அவர்கள் மீது, அதை ஏழு இரவுகளும், எட்டுப் பகல்களும் தொடர்ந்து வீசச் செய்தான், எனவே அந்த சமூகத்தினரை, அடியுடன் சாய்ந்துவிட்ட ஈச்சமரங்களைப் போல் (பூமியில்) விழுந்து கிடப்பதை (அக்காலை நீர் இருந்திருந்தால்) பார்ப்பீர்.

آية رقم 8

ﯼﯽﯾﯿﰀ ﰁ ​

ஆகவே, அவர்களில் எஞ்சிய எவரையும் நீர் காண்கிறீரா?

آية رقم 9

ﭑﭒﭓﭔﭕﭖ ﭗ ​

அன்றியும் ஃபிர்அவ்னும், அவனுக்கு முன் இருந்தோரும் தலை கீழாய்ப்புரட்டப்பட்ட ஊராரும், (மறுமையை மறுத்து) பாவங்களைச் செய்து வந்தனர்.

آية رقم 10

ﭘﭙﭚﭛﭜﭝ ﭞ ​

அதனால், அவர்கள் தம் இறைவனின் தூதருக்கு மாறு செய்தனர், ஆதலால் அவன் அவர்களைப் பலமான பிடியாகப் பிடித்துக் கொண்டான்.

آية رقم 11

ﭟﭠﭡﭢﭣﭤﭥ ﭦ ​

தண்ணீர் பொங்கிய போது நிச்சயமாக நாம் உங்களைக் கப்பலில் ஏற்றி(க் காப்பாற்றி)னோம்.

آية رقم 12

ﭧﭨﭩﭪﭫﭬ ﭭ ​

அதை உங்களுக்கு நினைவூட்டும் ஒரு படிப்பினையாக்குவதற்கும், பேணிக்காக்கும் செவி (அதை நினைவில் ஞாபகத்தில் வைத்து)ப் பேணிக்கொள்வதற்கும் (ஆக அவ்வாறு செய்தோம்).

آية رقم 13

ﭮﭯﭰﭱﭲﭳ ﭴ ​

எனவே, ஸூரில் (எக்காளத்தில்) ஊதல் ஒருமுறை ஊதப்படும் போது:

آية رقم 14

ﭵﭶﭷﭸﭹﭺ ﭻ ​

இன்னும் பூமியும் மலைகளும் தூக்கி (எறியப்பட்டு) பின்னர் ஒன்றோடு ஒன்று மோதி அவையிரண்டும் ஒரே தூளாக ஆக்கப்பட்டால் -

آية رقم 15

ﭼﭽﭾ ﭿ ​

அந்த நாளில் தாம் நிகழ வேண்டிய (மாபெரும் சம்பவம்) நிகழும்.

آية رقم 16

ﮀﮁﮂﮃﮄ ﮅ ​

வானமும் பிளந்து, அன்னாளில் அது அடியோடு தன் சக்தியை இழந்து விடும்.

آية رقم 17

ﮆﮇﮈﮉﮊﮋﮌﮍﮎﮏ ﮐ ​

இன்னும் மலக்குகள் அதன் கோடியிலிருப்பார்கள், அன்றியும், அந்நாளில் உம்முடைய இறைவனின் அர்ஷை (வானவர்) எட்டுப்பேர் தம் மேல் சுமந்திருப்பார்கள்.

آية رقم 18

ﮑﮒﮓﮔﮕﮖ ﮗ ​

(மானிடர்களே!) அந்நாளில் நீங்கள் (இறைவன் முன்) கொண்டுபோகப்படுவீர்கள், மறைவான உங்களுடைய எந்த விஷயமும் அவனுக்கு மறைந்து விடாது.

آية رقم 19

ﮘﮙﮚﮛﮜﮝﮞﮟﮠ ﮡ ​

ஆகவே, எவருடைய பட்டோலை அவருடைய வலக்கையில் கொடுக்கப்படுமோ, அவர் (மகிழ்வுடன்), "இதோ! என் பட்டோலையைப் படியுங்கள்" எனக் கூறுவார்.

آية رقم 20

ﮢﮣﮤﮥﮦ ﮧ ​

"நிச்சயமாக, நாம் உன்னுடைய கேள்வி கணக்கை, திட்டமாக சந்திப்பேன் என்று எண்ணியே இருந்தேன்."

آية رقم 21

ﮨﮩﮪﮫ ﮬ ​

ஆகவே, அவர் திருப்தியான சுக வாழ்க்கையில் -

آية رقم 22

ﮭﮮﮯ ﮰ ​

உயர்ந்த சுவர்க்கத்தில் இருப்பார்.

آية رقم 23

ﮱﯓ ﯔ ​

அதன் கனி(வகை)கள் (கைக்கு எட்டியதாக) சமீபத்திருக்கும்.

آية رقم 24

ﯕﯖﯗﯘﯙﯚﯛﯜ ﯝ ​

"சென்று போன நாட்களில் நீங்கள் முற்படுத்தி(யனுப்பி)ய (நல்ல அமல்களின்) காரணத்தால், நீங்கள் இப்போது மகிழ்வோடு புசியுங்கள்; இன்னும் பருகுங்கள்" (என அவர்களுக்குக் கூறப்படும்).

آية رقم 25

ﯞﯟﯠﯡﯢﯣﯤﯥﯦﯧ ﯨ ​

ஆனால் எவனுடைய பட்டோலை அவனுடைய இடக்கையில் கொடுக்கப்படுமோ அவன் கூறுவான்; "என்னுடைய பட்டோலை எனக்குக் கொடுக்கப்படாமல் இருந்திருக்க வேண்டுமே!

آية رقم 26

ﯩﯪﯫﯬ ﯭ ​

"அன்றியும், என் கேள்வி கணக்கு என்ன என்பதை நான் அறியவில்லையே-

آية رقم 27

ﯮﯯﯰ ﯱ ​

"(நான் இறந்த போதே) இது முற்றிலும் முடிந்திருக்கக் கூடாதா?

آية رقم 28

ﯲﯳﯴﯵﯶ ﯷ ​

"என் செல்வம் எனக்குப் பயன்படவில்லையே!

آية رقم 29

ﯸﯹﯺ ﯻ ​

"என் செல்வாக்கும் அதிகாரமும் என்னை விட்டு அழிந்து விட்டதே!" (என்று அரற்றுவான்).

آية رقم 30

ﯼﯽ ﯾ ​

"(அப்போது) அவனைப் பிடித்து, பிறகு அவனுக்கு அரிகண்டமும் (விலங்கும்) மாட்டுங்கள்."

آية رقم 31

ﯿﰀﰁ ﰂ ​

"பின், அவனை நரகத்தில் தள்ளுங்கள்.

آية رقم 32

ﰃﰄﰅﰆﰇﰈﰉ ﰊ ​

"பின்னர், எழுபது முழ நீளமுள்ள சங்கிலியால் அவனைக் கட்டுங்கள்" (என்று உத்தரவிடப்படும்).

آية رقم 33

ﰋﰌﰍﰎﰏﰐ ﰑ ​

"நிச்சயமாக அவன் மகத்துவமிக்க அல்லாஹ்வின் மீது ஈமான் கொள்ளாதிருந்தான்."

آية رقم 34

ﰒﰓﰔﰕﰖ ﰗ ​

"அன்றியும், அவன் ஏழைகளுக்கு(த் தானும் உணவளிக்கவில்லை, பிறரையும்) உணவளிக்கத் தூண்டவில்லை."

آية رقم 35

ﰘﰙﰚﰛﰜ ﰝ ​

"எனவே, அவனுக்கு இன்றைய தினம் இங்கே (அனுதாபப்படும்) எந்த நண்பனும் இல்லை."

آية رقم 36

ﭑﭒﭓﭔﭕ ﭖ ​

"சீழ் நீரைத் தவிர, அவனுக்கு வேறு எந்த உணவுமில்லை."

آية رقم 37

ﭗﭘﭙﭚ ﭛ ​

"குற்றவாளிகளைத் தவிர, வேறு எவரும் அதைப் புசியார்."

آية رقم 38

ﭜﭝﭞﭟ ﭠ ​

ஆகவே, நீங்கள் பார்ப்பவற்றின் மீதும் சத்தியம் செய்கிறேன்.

آية رقم 39

ﭡﭢﭣ ﭤ ​

நீங்கள் பார்க்காதவற்றின் மீதும், (சத்தியம் செய்கிறேன்.)

آية رقم 40

ﭥﭦﭧﭨ ﭩ ​

நிச்சயமாக, இது (நாம் அருளியவாறு ஓதி வரும்) கண்ணியமிக்க தூதரின் சொல்லாகும்.

آية رقم 41

ﭪﭫﭬﭭﭮﭯﭰﭱ ﭲ ​

இது ஒரு கவிஞனின் சொல்லன்று (எனினும்) நீங்கள் மிகவும் சொற்பமாகவே நம்புகிறீர்கள்.

آية رقم 42

ﭳﭴﭵﭶﭷﭸﭹ ﭺ ​

(இது) ஒரு குறிகாரனின் சொல்லுமன்று (எனினும்) நீங்கள் சொற்பமாகவே (இதை நினைந்து) நல்லறிவு பெறுகிறீர்கள்.

آية رقم 43

ﭻﭼﭽﭾ ﭿ ​

அகிலத்தாருக்கெல்லாம் இறைவனிடமிருந்து (இது) இறக்கியருளப்பட்டதாகும்.

آية رقم 44

ﮀﮁﮂﮃﮄ ﮅ ​

அன்றியும், நம்மீது சொற்களில் சிலவற்றை இட்டுக் கட்டிக் கூறியிருப்பாரானால் -

آية رقم 45

ﮆﮇﮈ ﮉ ​

அவருடைய வலக்கையை நாம் பற்றிப் பிடித்துக் கொண்டு-

آية رقم 46

ﮊﮋﮌﮍ ﮎ ​

பின்னர், அவருடைய நாடி நரம்பை நாம் தரித்திருப்போம்.

آية رقم 47

ﮏﮐﮑﮒﮓﮔ ﮕ ​

அன்றியும், உங்களில் எவரும் (நாம்) அ(வ்வாறு செய்வ)தைத் தடுப்பவர்களில்லை.

آية رقم 48

ﮖﮗﮘ ﮙ ​

ஆகவே, நிச்சயமாக அது (குர்ஆன்) பயபக்தியுடையவர்களுக்கு நல்லுபதேசமாகும்.

آية رقم 49

ﮚﮛﮜﮝﮞ ﮟ ​

ஆயினும், (அதைப்) பொய்ப்பிப்பவர்களும் உங்களில் இருக்கின்றார்கள் என்பதை நிச்சயமாக நாம் அறிவோம்.

آية رقم 50

ﮠﮡﮢﮣ ﮤ ​

அன்றியும், நிச்சயமாக அது காஃபிர்களுக்கு கைசேதமாக இருக்கிறது.

آية رقم 51

ﮥﮦﮧ ﮨ ​

மேலும், அது நிச்சயமாக உறுதியான உண்மையாகும்.

آية رقم 52

ﮩﮪﮫﮬ ﮭ ​

ஆகவே, மகத்தான உம்முடைய இறைவனின் திருப்பெயரைக் கொண்டு (துதி செய்து) தஸ்பீஹு செய்வீராக.