ترجمة معاني سورة الصافات باللغة الألبانية من كتاب الترجمة الألبانية

آية رقم 1

ﭑﭒ ﭓ ​

Betohem në ata (engjëj) që janë të radhitur

آية رقم 2

ﭔﭕ ﭖ ​

dhe në ata që pengojnë (të keqen)

آية رقم 3

ﭗﭘ ﭙ ​

dhe në ata që e lexojnë Kuranin,

آية رقم 4

ﭚﭛﭜ ﭝ ​

se, në të vërtetë, Zoti juaj është Një,

آية رقم 5

ﭞﭟﭠﭡﭢﭣﭤ ﭥ ​

Zot i qiejve dhe i Tokës dhe çfarë gjendet mes tyre dhe Zot i lindjeve (të diellit)!

آية رقم 6

ﭦﭧﭨﭩﭪﭫ ﭬ ​

Ne e kemi stolisur qiellin e kësaj bote me shkëlqimin e yjeve,

آية رقم 7

ﭭﭮﭯﭰﭱ ﭲ ​

mbrojtje nga djajtë kryeneçë.

آية رقم 8

ﭳﭴﭵﭶﭷﭸﭹﭺﭻ ﭼ ​

(Kështu që) ata nuk e përgjojnë dot Grupin më të Lartë (engjëjt lart në qiej) dhe qëllohen (me meteorë) nga të gjitha anët.

آية رقم 9

ﭽﭾﭿﮀﮁ ﮂ ​

Pastaj, ashtu të përzënë do të kenë vuajtje të përhershme (në jetën tjetër).

آية رقم 10

ﮃﮄﮅﮆﮇﮈﮉ ﮊ ​

(Djajtë nuk përgjojnë dot), veç atij që grabit diçka e që e ndjek një yll verbues.

آية رقم 11

ﮋﮌﮍﮎﮏﮐﮑﮒﮓﮔﮕﮖﮗ ﮘ ​

Pyeti (o Muhamed) ata (mekas jobesimtarë): A është më i vështirë krijimi i tyre apo i të gjitha gjërave të tjera që i kemi krijuar? Ata i kemi krijuar nga balta ngjitëse.

آية رقم 12

ﮙﮚﮛ ﮜ ​

Ti çuditesh (pse ata s’të besojnë), ndërsa ata të përqeshin (pse çuditesh)

آية رقم 13

ﮝﮞﮟﮠ ﮡ ​

e, kur u drejtohen këshilla, ata nuk ua vënë veshin.

آية رقم 14

ﮢﮣﮤﮥ ﮦ ​

Kur shohin një mrekulli, ata e nxisin njëri-tjetrin për t’u tallur

آية رقم 15

ﮧﮨﮩﮪﮫﮬ ﮭ ​

dhe thonë: “Kjo s’është gjë tjetër, veçse një magji e kulluar!”

آية رقم 16

ﮮﮯﮰﮱﯓﯔﯕ ﯖ ​

(Ata thonë): “Vallë, kur të vdesim dhe të bëhemi eshtra e pluhur, a thua njëmend do të ringjallemi?

آية رقم 17

ﯗﯘ ﯙ ​

Edhe paraardhësit tanë të lashtë?”

آية رقم 18

ﯚﯛﯜﯝ ﯞ ​

Thuaju: “Po dhe do të jeni të poshtëruar!”

آية رقم 19

ﯟﯠﯡﯢﯣﯤﯥ ﯦ ​

Ai (zëri i bririt të ringjalljes) do të jetë një zë i vetëm dhe të gjithë (mohuesit e ringjallur) do të shohin (se ç’do të bëhet me ta)

آية رقم 20

ﯧﯨﯩﯪﯫ ﯬ ​

dhe do të thonë: “Mjerë për ne, kjo është Dita e Gjykimit!”

آية رقم 21

ﯭﯮﯯﯰﯱﯲﯳ ﯴ ​

Po, kjo është Dita e Gjykimit, të cilën ju e keni përgënjeshtruar!

آية رقم 22

ﯵﯶﯷﯸﯹﯺﯻﯼ ﯽ ​

(Engjëjve do t’u thuhet): “Mblidhini njerëzit e këqij, shokët e tyre (djaj) dhe idhujt që i kanë adhuruar

آية رقم 23

ﯾﯿﰀﰁﰂﰃﰄ ﰅ ​

krahas Allahut e tregojuni atyre rrugën e Zjarrit flakërues!

آية رقم 24

ﰆﰇﰈﰉ ﰊ ​

Ndalini ata, se do të pyeten:

آية رقم 25

ﭑﭒﭓﭔ ﭕ ​

“Ç’keni që nuk e ndihmoni njëri-tjetrin?”

آية رقم 26

ﭖﭗﭘﭙ ﭚ ​

Por, atë Ditë ata do të jenë plotësisht të dorëzuar,

آية رقم 27

ﭛﭜﭝﭞﭟ ﭠ ​

e do t’i afrohen njëri-tjetrit, duke u grindur.

آية رقم 28

ﭡﭢﭣﭤﭥﭦ ﭧ ​

(Pasuesit) do t’u thonë (prijësve): “Ju na vinit nga ana e djathtë[273]”.
____________________
[273] E djathta paraqet në kulturën dhe në gjuhën arabe (dhe jo vetëm në të) anën e arsyes dhe të së mirës, kështu që shprehja “na vinit nga e djathta” do të thotë: “Ju na paraqiteshit me argumente që në pamje të parë ishin të paqortueshme, për të na nxjerrë nga rruga e drejtë”.

آية رقم 29

ﭨﭩﭪﭫﭬ ﭭ ​

Ata do të përgjigjen: “Jo, ju vetë nuk ishit besimtarë!

آية رقم 30

ﭮﭯﭰﭱﭲﭳﭴﭵﭶﭷﭸ ﭹ ​

Ne nuk kishim kurrfarë pushteti mbi ju, por ju ishit popull i pabindur.

آية رقم 31

ﭺﭻﭼﭽﭾﭿﮀ ﮁ ​

E kështu u përmbush fjala e Zotit kundër nesh; ne të gjithë do ta shijojmë me siguri dënimin.

آية رقم 32

ﮂﮃﮄﮅ ﮆ ​

Ne ju mashtruam ju, por edhe vetë ishim të mashtruar.”

آية رقم 33

ﮇﮈﮉﮊﮋ ﮌ ​

Atë Ditë, të gjithë ata do të jenë së bashku në dënim.

آية رقم 34

ﮍﮎﮏﮐ ﮑ ​

Ne kështu veprojmë me keqbërësit,

آية رقم 35

ﮒﮓﮔﮕﮖﮗﮘﮙﮚﮛ ﮜ ​

sepse, kur u thuhej atyre: “Nuk ka zot tjetër (të vërtetë) veç Allahut!” - ata tregoheshin mendjemëdhenj

آية رقم 36

ﮝﮞﮟﮠﮡﮢ ﮣ ​

dhe thoshin: “Vallë, a t’i braktisim hyjnitë tona për shkak të një poeti të marrë?”

آية رقم 37

ﮤﮥﮦﮧﮨ ﮩ ​

Nuk është ashtu (siç thonë ata), por ai (Muhamedi a.s.) ka sjellë të vërtetën dhe ka pohuar atë që thonin të dërguarit e mëparshëm.

آية رقم 38

ﮪﮫﮬﮭ ﮮ ​

Sigurisht, ju do ta provoni dënimin e dhembshëm

آية رقم 39

ﮯﮰﮱﯓﯔﯕ ﯖ ​

dhe do të shpërbleheni vetëm sipas asaj që keni bërë!

آية رقم 40

ﯗﯘﯙﯚ ﯛ ​

Kurse robërit e sinqertë të Allahut,

آية رقم 41

ﯜﯝﯞﯟ ﯠ ​

do të kenë mirësi të caktuara dhe

آية رقم 42

ﯡﯢﯣ ﯤ ​

fruta të ndryshme e do të jenë të respektuar,

آية رقم 43

ﯥﯦﯧ ﯨ ​

në kopshtet e lumturisë,

آية رقم 44

ﯩﯪﯫ ﯬ ​

në kolltukë, përballë njëri-tjetrit.

آية رقم 45

ﯭﯮﯯﯰﯱ ﯲ ​

Aty do t’u shërbehet një gotë e mbushur nga një burim i rrjedhshëm,

آية رقم 46

ﯳﯴﯵ ﯶ ​

(me pije) të bardhë e të shijshme për ata që do ta pinë.

آية رقم 47

ﯷﯸﯹﯺﯻﯼﯽ ﯾ ​

Prej saj as nuk do të trullosen dhe as nuk do të dehen.

آية رقم 48

ﯿﰀﰁﰂ ﰃ ​

Pranë tyre do të jenë gra me shikim të ulur e sy të bukur

آية رقم 49

ﰄﰅﰆ ﰇ ​

sikur të ishin vezë të ruajtura mirë.

آية رقم 50

ﰈﰉﰊﰋﰌ ﰍ ​

Ata do t’i qasen njëri-tjetrit e do të bisedojnë.

آية رقم 51

ﰎﰏﰐﰑﰒﰓﰔ ﰕ ​

Dhe njëri prej tyre do të thotë: “Unë kam pasur një shok,

آية رقم 52

ﭑﭒﭓﭔ ﭕ ​

i cili më thoshte: “Vallë, edhe ti je nga ata që besojnë

آية رقم 53

ﭖﭗﭘﭙﭚﭛﭜ ﭝ ​

se, kur të vdesim e të bëhemi eshtra e pluhur, do të japim llogari vërtet?!”

آية رقم 54

ﭞﭟﭠﭡ ﭢ ​

- A doni ta shikoni (atë që më qortonte për shkak të besimit tim)?”

آية رقم 55

ﭣﭤﭥﭦﭧ ﭨ ​

Dhe ai do të shikojë poshtë dhe do ta shohë atë në mes të Zjarrit flakërues

آية رقم 56

ﭩﭪﭫﭬﭭ ﭮ ​

e do t’i thotë: “Për Allahun! Për pak më shkatërrove edhe mua.

آية رقم 57

ﭯﭰﭱﭲﭳﭴ ﭵ ​

Po të mos ishte dhuntia e Zotit tim, edhe unë do të isha në zjarr (bashkë me ty)”.

آية رقم 58

ﭶﭷﭸ ﭹ ​

(Banorët e Xhenetit do të thonë:) “A nuk do të vdesim më,

آية رقم 59

ﭺﭻﭼﭽﭾﭿ ﮀ ​

përveç vdekjes së parë? Dhe as nuk do të dënohemi?”

آية رقم 60

ﮁﮂﮃﮄﮅ ﮆ ​

Vërtet, kjo është fitorja më e madhe!

آية رقم 61

ﮇﮈﮉﮊ ﮋ ​

Për diçka të tillë, le të përpiqen punëtorët!

آية رقم 62

ﮌﮍﮎﮏﮐﮑ ﮒ ​

A është më e mirë kjo gjendje apo pema e zekumit?

آية رقم 63

ﮓﮔﮕﮖ ﮗ ​

Ne e kemi bërë atë si mundim për keqbërësit.

آية رقم 64

ﮘﮙﮚﮛﮜﮝ ﮞ ​

Njëmend, kjo pemë del nga fundi i Zjarrit flakërues

آية رقم 65

ﮟﮠﮡﮢ ﮣ ​

dhe frutat e saj janë si kokat e djajve.

آية رقم 66

ﮤﮥﮦﮧﮨﮩ ﮪ ​

Me të vërtetë, ata do ta hanë këtë frutë dhe me të do ta mbushin barkun.

آية رقم 67

ﮫﮬﮭﮮﮯﮰﮱ ﯓ ​

Pastaj, ata do të kenë një përzierje me ujë të nxehtë (për të pirë)

آية رقم 68

ﯔﯕﯖﯗﯘ ﯙ ​

e pas kësaj, me siguri, kthimi i tyre do të jetë në Zjarrin flakërues.

آية رقم 69

ﯚﯛﯜﯝ ﯞ ​

Ata i gjetën etërit e tyre në humbje,

آية رقم 70

ﯟﯠﯡﯢ ﯣ ​

dhe kështu vazhduan pas gjurmëve të tyre.

آية رقم 71

ﯤﯥﯦﯧﯨ ﯩ ​

Por, edhe para tyre humbën (rrugën) shumica e popujve të lashtë.

آية رقم 72

ﯪﯫﯬﯭ ﯮ ​

Në të vërtetë, Ne u dërguam atyre paralajmërues.

آية رقم 73

ﯯﯰﯱﯲﯳ ﯴ ​

E tani shiko se cili qe fundi i atyre që u paralajmëruan,

آية رقم 74

ﯵﯶﯷﯸ ﯹ ​

përveç robërve të sinqertë të Allahut.

آية رقم 75

ﯺﯻﯼﯽﯾ ﯿ ​

Kur Nuhu Na thirri (në ndihmë), Ne iu përgjigjëm bukur:

آية رقم 76

ﰀﰁﰂﰃﰄ ﰅ ​

e shpëtuam atë dhe familjen e tij prej katastrofës së madhe,

آية رقم 77

ﭑﭒﭓﭔ ﭕ ​

i lamë në jetë vetëm pasardhësit e tij

آية رقم 78

ﭖﭗﭘﭙ ﭚ ​

dhe e lamë atë kujtim te brezat e tjerë.

آية رقم 79

ﭛﭜﭝﭞﭟ ﭠ ​

“Paqja qoftë me Nuhun ndërmjet gjithë krijesave!”

آية رقم 80

ﭡﭢﭣﭤ ﭥ ​

Ne, kështu i shpërblejmë punëdrejtët.

آية رقم 81

ﭦﭧﭨﭩ ﭪ ​

Ai është vërtet nga robërit Tanë besimtarë.

آية رقم 82

ﭫﭬﭭ ﭮ ​

Pastaj i fundosëm të tjerët.

آية رقم 83

ﭯﭰﭱﭲﭳ ﭴ ​

Pa dyshim që një nga ithtarët e (besimit të) tij (Nuhut) ishte Ibrahimi.

آية رقم 84

ﭵﭶﭷﭸﭹ ﭺ ​

Ai i erdhi Zotit të vet me zemër të pastër,

آية رقم 85

ﭻﭼﭽﭾﭿﮀ ﮁ ​

kur i tha babait dhe popullit të vet: “Çfarë adhuroni ju?

آية رقم 86

ﮂﮃﮄﮅﮆ ﮇ ​

Vallë, a dëshironi hyjni të rreme në vend të Allahut?

آية رقم 87

ﮈﮉﮊﮋ ﮌ ​

Çfarë mendoni ju për Zotin e gjithësisë?”

آية رقم 88

ﮍﮎﮏﮐ ﮑ ​

Pastaj u hodhi një shikim yjeve

آية رقم 89

ﮒﮓﮔ ﮕ ​

e tha: “Unë jam i sëmurë”.[274]
____________________
[274] Ibrahimi tha kështu që të mos merrte pjesë së bashku me banorët e tjerë në një festë pagane që zhvillohej jashtë qytetit.

آية رقم 90

ﮖﮗﮘ ﮙ ​

Ata u larguan prej tij, duke e lënë pas.

آية رقم 91

ﮚﮛﮜﮝﮞﮟ ﮠ ​

Pastaj, ai u përvodh te hyjnitë e tyre dhe u tha: “A nuk po hani?

آية رقم 92

ﮡﮢﮣﮤ ﮥ ​

Ç’keni, përse nuk flisni?”

آية رقم 93

ﮦﮧﮨﮩ ﮪ ​

Iu afrua atyre kalimthi, duke i goditur me dorën e djathtë.

آية رقم 94

ﮫﮬﮭ ﮮ ​

(Mbasi u kthyen dhe panë idhujt e thyer) njerëzit nxituan nga ai.

آية رقم 95

ﮯﮰﮱﯓ ﯔ ​

Ai u tha: “Vallë, ju adhuroni ato që i keni gdhendur vetë,

آية رقم 96

ﯕﯖﯗﯘ ﯙ ​

ndërkohë që Allahu është Ai që ju ka krijuar ju dhe gjithçka që bëni?!”

آية رقم 97

ﯚﯛﯜﯝﯞﯟﯠ ﯡ ​

Ata thanë: “Përgatitni për të një furrë dhe hidheni në zjarrin flakërues!”

آية رقم 98

ﯢﯣﯤﯥﯦ ﯧ ​

Dhe deshën t’i ngrinin një kurth, por Ne i bëmë ata më të poshtëruarit.

آية رقم 99

ﯨﯩﯪﯫﯬﯭ ﯮ ​

Ai tha: “Unë po shkoj te Zoti im. Ai do të më udhëzojë.”

آية رقم 100

ﯯﯰﯱﯲﯳ ﯴ ​

“O Zoti im, dhuromë një fëmijë prej të mirëve!”

آية رقم 101

ﯵﯶﯷ ﯸ ​

Dhe Ne i dhamë lajmin e gëzuar për një djalë të mbarë!

آية رقم 102

ﯹﯺﯻﯼﯽﯾﯿﰀﰁﰂﰃﰄﰅﰆﰇﰈﰉﰊﰋﰌﰍﰎﰏﰐﰑﰒﰓﰔ ﰕ ​

Kur fëmija u rrit aq sa ta ndihmonte në punë, Ibrahimi i tha: “O djali im, kam parë ëndërr se duhet të të flijoj. Çfarë mendon ti?” – I biri i tha: “O ati im, vepro ashtu siç je urdhëruar! Dashtë Allahu, unë do të jem i durueshëm!”

آية رقم 103

ﭑﭒﭓﭔ ﭕ ​

Pasi iu nënshtruan që të dy urdhrit, (Ibrahimi) e vuri (Ismailin) me ballë përtokë.

آية رقم 104

ﭖﭗﭘ ﭙ ​

Ne e thirrëm: “O Ibrahim,

آية رقم 105

ﭚﭛﭜﭝﭞﭟﭠﭡ ﭢ ​

ti e përmbushe ëndrrën.” Vërtet, Ne kështu i shpërblejmë punëmirët!

آية رقم 106

ﭣﭤﭥﭦﭧ ﭨ ​

Kjo, me të vërtetë ka qenë një sprovë e qartë!

آية رقم 107

ﭩﭪﭫ ﭬ ​

Dhe Ne e zëvendësuam atë (Ismailin) me një kurban të madh,

آية رقم 108

ﭭﭮﭯﭰ ﭱ ​

dhe i lamë atij (Ibrahimit) kujtim të mirë në brezat e mëvonshëm.

آية رقم 109

ﭲﭳﭴ ﭵ ​

“Paqja qoftë mbi Ibrahimin!”

آية رقم 110

ﭶﭷﭸ ﭹ ​

Ja, kështu, Ne i shpërblejmë punëmirët.

آية رقم 111

ﭺﭻﭼﭽ ﭾ ​

Ai ka qenë vërtet një nga robërit Tanë besimtarë.

آية رقم 112

ﭿﮀﮁﮂﮃ ﮄ ​

Ne i dhamë atij lajmin e mirë për (lindjen e) Is’hakut, profet prej njerëzve të mirë.

آية رقم 113

ﮅﮆﮇﮈﮉﮊﮋﮌﮍﮎﮏ ﮐ ​

Dhe Ne e bekuam atë dhe Is’hakun, por midis pasardhësve të tyre, përveç punëmirëve, ka edhe të atillë që e kanë ngarkuar dukshëm veten me gjynahe.

آية رقم 114

ﮑﮒﮓﮔﮕ ﮖ ​

Ne i dhamë dhuntinë Tonë Musait dhe Harunit

آية رقم 115

ﮗﮘﮙﮚﮛ ﮜ ​

dhe i shpëtuam ata të dy dhe popullin e tyre nga mjerimi i madh.

آية رقم 116

ﮝﮞﮟﮠ ﮡ ​

Ne i ndihmuam dhe ata ngadhënjyen.

آية رقم 117

ﮢﮣﮤ ﮥ ​

Ne u dhamë atyre Librin e qartë,

آية رقم 118

ﮦﮧﮨ ﮩ ​

i udhëzuam në rrugën e drejtë

آية رقم 119

ﮪﮫﮬﮭ ﮮ ​

dhe u lamë kujtim të mirë për ta brezave të mëvonshëm.

آية رقم 120

ﮯﮰﮱﯓ ﯔ ​

“Paqja qoftë mbi Musain dhe Harunin!”

آية رقم 121

ﯕﯖﯗﯘ ﯙ ​

Ja, kështu, Ne i shpërblejmë punëmirët!

آية رقم 122

ﯚﯛﯜﯝ ﯞ ​

E pa dyshim, ata të dy janë nga robërit Tanë besimtarë.

آية رقم 123

ﯟﯠﯡﯢ ﯣ ​

Edhe Iljasi ka qenë vërtet një prej të dërguarve.

آية رقم 124

ﯤﯥﯦﯧﯨ ﯩ ​

Ai i tha popullit të vet: “A nuk po i frikësoheni Allahut?!”

آية رقم 125

ﯪﯫﯬﯭﯮ ﯯ ​

Vallë, a i luteni ju Ba‘lit[275], ndërsa braktisni Krijuesin më të mirë,
____________________
[275] Një idhull i njohur ndër popujt e lashtë të Lindjes së Mesme.

آية رقم 126

ﯰﯱﯲﯳﯴ ﯵ ​

Allahun, Zotin tuaj dhe Zotin e të parëve tuaj të lashtë?!”

آية رقم 127

ﭑﭒﭓ ﭔ ​

Ata e quajtën atë gënjeshtar dhe, për këtë shkak, do të çohen (në dënimin e Zjarrit),

آية رقم 128

ﭕﭖﭗﭘ ﭙ ​

përveç robërve të sinqertë të Allahut.

آية رقم 129

ﭚﭛﭜﭝ ﭞ ​

Dhe Ne i lamë atij kujtim të mirë te brezat e mëvonshëm:

آية رقم 130

ﭟﭠﭡﭢ ﭣ ​

“Paqja qoftë mbi Iljasin!”

آية رقم 131

ﭤﭥﭦﭧ ﭨ ​

Ja, kështu, Ne i shpërblejmë punëmirët!

آية رقم 132

ﭩﭪﭫﭬ ﭭ ​

Ai ka qenë vërtet një nga robërit Tanë besimtarë.

آية رقم 133

ﭮﭯﭰﭱ ﭲ ​

Sigurisht, edhe Luti ka qenë njëri prej të dërguarve.

آية رقم 134

ﭳﭴﭵﭶ ﭷ ​

Ne e shpëtuam atë dhe tërë familjen e tij,

آية رقم 135

ﭸﭹﭺﭻ ﭼ ​

përveç plakës që mbeti prapa me të dënuarit,

آية رقم 136

ﭽﭾﭿ ﮀ ​

pastaj i zhdukëm të tjerët.

آية رقم 137

ﮁﮂﮃﮄ ﮅ ​

Ju që kaloni pranë rrënojave të tyre në mëngjes

آية رقم 138

ﮆﮇﮈﮉ ﮊ ​

dhe natën, a nuk po e mblidhni mendjen?

آية رقم 139

ﮋﮌﮍﮎ ﮏ ​

Junusi ka qenë gjithashtu njëri nga të dërguarit.

آية رقم 140

ﮐﮑﮒﮓﮔ ﮕ ​

Ai nxitoi drejt një anijeje të mbushur plot e përplot

آية رقم 141

ﮖﮗﮘﮙ ﮚ ​

dhe hodhi short (me detarët se kush duhej të hidhej)[276] dhe humbi.
____________________
[276] Sipas komentuesve të Kuranit (konkretisht Ibn Kethirit), për shkak të ngarkesës së madhe, anija ishte gati të mbytej, prandaj detarët ranë dakord ta bëjnë me short se kush do të hidhej nga anija, në mënyrë që pesha e saj të lehtësohej e të shpëtonin nga mbytja.

آية رقم 142

ﮛﮜﮝﮞ ﮟ ​

Pastaj atë e gëlltiti një balenë, se ai kishte bërë diçka të gabuar,

آية رقم 143

ﮠﮡﮢﮣﮤ ﮥ ​

dhe, po të mos ishte nga ata që i luten Allahut,

آية رقم 144

ﮦﮧﮨﮩﮪﮫ ﮬ ​

me siguri do të mbetej në barkun e saj deri në Ditën e Ringjalljes.

آية رقم 145

ﮭﮮﮯﮰﮱ ﯓ ​

Por Ne e hodhëm atë në një breg të shkretë, duke qenë i sëmurë.

آية رقم 146

ﯔﯕﯖﯗﯘ ﯙ ​

Dhe bëmë që sipër tij të mbinte një bimë kungulli (për t’i bërë hije).

آية رقم 147

ﯚﯛﯜﯝﯞﯟ ﯠ ​

Pastaj e dërguam atë te njëqind mijë e më tepër njerëz,

آية رقم 148

ﯡﯢﯣﯤ ﯥ ​

dhe ata i besuan, prandaj u dhamë jetë të këndshme për një kohë.

آية رقم 149

ﯦﯧﯨﯩﯪ ﯫ ​

Pyeti ata (o Muhamed): “Vallë, për Zotin tënd janë vajzat, ndërsa për vete kanë djemtë?!

آية رقم 150

ﯬﯭﯮﯯﯰﯱ ﯲ ​

Apo Ne i krijuam engjëjt si femra e ata ishin dëshmitarë?!”

آية رقم 151

ﯳﯴﯵﯶﯷ ﯸ ​

Sigurisht që ata shpifin kur thonë:

آية رقم 152

ﯹﯺﯻﯼ ﯽ ​

“Allahu ka lindur fëmijë”! - Ata, në të vërtetë, janë gënjeshtarë.

آية رقم 153

ﯾﯿﰀﰁ ﰂ ​

Vallë, Ai ka parapëlqyer vajzat ndaj djemve?!

آية رقم 154

ﭑﭒﭓﭔ ﭕ ​

Çfarë keni që gjykoni kështu?!

آية رقم 155

ﭖﭗ ﭘ ​

A nuk po mendoni?!

آية رقم 156

ﭙﭚﭛﭜ ﭝ ​

Apo keni ndonjë provë të qartë për atë që thoni?!

آية رقم 157

ﭞﭟﭠﭡﭢ ﭣ ​

Sillni librin tuaj, nëse thoni të vërtetën!

آية رقم 158

ﭤﭥﭦﭧﭨﭩﭪﭫﭬﭭﭮ ﭯ ​

Idhujtarët kanë trilluar farefisni ndërmjet Zotit dhe xhindeve, kurse xhindet e dinë se ata do të sillen të gjithë para Tij.

آية رقم 159

ﭰﭱﭲﭳ ﭴ ​

Lavdi Allahut, qoftë i pastër nga ajo që ata ia veshin Atij!

آية رقم 160

ﭵﭶﭷﭸ ﭹ ​

Por robërit e sinqertë të Allahut nuk adhurojnë askënd tjetër përveç Tij.

آية رقم 161

ﭺﭻﭼ ﭽ ​

“Me të vërtetë, as ju, as idhujt tuaj,

آية رقم 162

ﭾﭿﮀﮁ ﮂ ​

nuk mund të mashtroni askënd kundër (Atij),

آية رقم 163

ﮃﮄﮅﮆﮇ ﮈ ​

përveç atyre, që do të digjen në Zjarrin flakërues.[277]
____________________
[277] Sipas disa komentuesve të Kuranit, këto janë fjalët e engjëllit Xhebrail.

آية رقم 164

ﮉﮊﮋﮌﮍﮎ ﮏ ​

Çdonjëri prej nesh e ka vendin e caktuar (në qiell, ku adhuron Allahun).

آية رقم 165

ﮐﮑﮒ ﮓ ​

Ne jemi ata që qëndrojmë në radhë,

آية رقم 166

ﮔﮕﮖ ﮗ ​

dhe ne jemi ata që e lavdërojmë Atë!”

آية رقم 167

ﮘﮙﮚ ﮛ ​

Edhe pse ata (idhujtarët mekas) thoshin:

آية رقم 168

ﮜﮝﮞﮟﮠﮡ ﮢ ​

“Sikur të kishim një Libër nga popujt e mëparshëm,

آية رقم 169

ﮣﮤﮥﮦ ﮧ ​

ne, me siguri, do të ishim robër të sinqertë të Allahut”,

آية رقم 170

ﮨﮩﮪﮫﮬ ﮭ ​

ata e mohuan Kuranin, por së shpejti do ta marrin vesh!

آية رقم 171

ﮮﮯﮰﮱﯓ ﯔ ​

Shumë kohë më parë Ne u premtuam robërve Tanë të dërguar

آية رقم 172

ﯕﯖﯗ ﯘ ​

se ata do të ndihmohen (prej Nesh)

آية رقم 173

ﯙﯚﯛﯜ ﯝ ​

dhe se ushtritë tona do të jenë me siguri fitimtare!

آية رقم 174

ﯞﯟﯠﯡ ﯢ ​

Andaj, largohu prej tyre për njëfarë kohe!

آية رقم 175

ﯣﯤﯥ ﯦ ​

Vështroji ata (kur t’u zbresë dënimi), se edhe ata do ta shohin (si janë pasojat e mosbesimit të tyre)!

آية رقم 176

ﯧﯨ ﯩ ​

Vallë, a mos po kërkojnë ata shpejtimin e dënimit Tonë!

آية رقم 177

ﯪﯫﯬﯭﯮﯯ ﯰ ​

Kur t’u bjerë në mesin e tyre, mëngjesi i atyre që janë paralajmëruar do të jetë shumë i shëmtuar.

آية رقم 178

ﯱﯲﯳﯴ ﯵ ​

Andaj, largohu prej tyre për njëfarë kohe!

آية رقم 179

ﯶﯷﯸ ﯹ ​

Vështroji ata, se edhe ata do ta shohin!

آية رقم 180

ﯺﯻﯼﯽﯾﯿ ﰀ ​

I lartësuar qoftë Zoti yt, Zoti i Madhështisë e i Lavdisë, mbi çfarë i veshin ata!

آية رقم 181

ﰁﰂﰃ ﰄ ​

Paqja qoftë mbi të dërguarit,

آية رقم 182

ﰅﰆﰇﰈ ﰉ ​

dhe të gjitha lavdet e falënderimet qofshin për Allahun, Zotin e botëve!