ترجمة سورة الصافات

Maranao - Maranao translation
ترجمة معاني سورة الصافات باللغة ماراناو من كتاب Maranao - Maranao translation .

ﰡ

ﭑﭒ ﰀ​


Ibt ko zasaasaap sa samporna a kazaap,
ﭔﭕ ﰁ​

Go so pphamanndg (ko gabon) sa samporna a kapanndg,
ﭗﭘ ﰂ​

Go so pphamamatiya sa pananadm (a manga malaikat)!
ﭚﭛﭜ ﰃ​

Mataan! a so tohan iyo na matatangkd a Isa!
ﭞﭟﭠﭡﭢﭣﭤ ﰄ​

Kadnan o manga langit ago so lopa, go so pagltan a dowa oto, go Kadnan o manga sbangan!
ﭦﭧﭨﭩﭪﭫ ﰅ​

Mataan! a Skami na inipharas Ami ko langit a marani so parahiyasan a manga bitoon, -
ﭭﭮﭯﭰﭱ ﰆ​

Go siyap ko oman i shaytan a gii mbinasa,
ﭳﭴﭵﭶﭷﭸﭹﭺﭻ ﰇ​

Di iran maphamamakin´g so (manga malaikat a) pagtaw a maporo, ka pphllbadn siran ko mbalabala,
ﭽﭾﭿﮀﮁ ﰈ​

Sa kapamogaw, go adn a bagian iran a siksa a tatap,
ﮃﮄﮅﮆﮇﮈﮉ ﰉ​

Inonta so miyakasinggaot sa isa a kasinggaot (ko katharo o manga malaikat), na siyaloba skaniyan o sindaw o bitoon a masindaw (a phakatotong).
ﮋﮌﮍﮎﮏﮐﮑﮒﮓﮔﮕﮖﮗ ﰊ​

Na pakiosayn ka kiran: O ba siran i lbi a mabagr a kaadn, antawaa so inadn Ami (i lbi a mabagr)? Mataan! a Skami na inadn Ami siran a phoon ko lipaw, a mapilit!
ﮙﮚﮛ ﰋ​

Kna, ka miyammsa ka, go pphamagrgang ka iran,
ﮝﮞﮟﮠ ﰌ​

Na igira a piyakatadm siran, na di siran phakatadm, -
ﮢﮣﮤﮥ ﰍ​

Go igira a miyakaylay siran sa tanda, na pphamagrgan iran,
ﮧﮨﮩﮪﮫﮬ ﰎ​

Go pitharo iran a: "Da ko ungkai inonta na balik mata a mapayag!"
ﮮﮯﮰﮱﯓﯔﯕ ﰏ​

"Ino amay ka matay kami, go mbaloy kami a botha, go manga tolan, ba mataan! a skami na pagoyagn kami dn?"
ﯗﯘ ﰐ​

"Antawaa so manga loks ami a miyangaoona?"
ﯚﯛﯜﯝ ﰑ​

Tharoang ka a: "Oway, (pagoyagn kano dn), go skano na phamakarondan."
ﯟﯠﯡﯢﯣﯤﯥ ﰒ​

Na giyoto na satimambo a lalis; na samawto na siran na makananayaw siran!
ﯧﯨﯩﯪﯫ ﰓ​

Go matharo iran a: "Hay dowan dowaan tano! Giyai so alongan a kapamalas!"
ﯭﯮﯯﯰﯱﯲﯳ ﰔ​

(Na tharoon kiran:) "Giyai so alongan a kokoman, a so skano na piyakambokhag iyo skaniyan!"
ﯵﯶﯷﯸﯹﯺﯻﯼ ﰕ​

(Tharoon o Allah ko manga malaikat:) "Limoda niyo so mindadarowaka, rakhs o manga oganapa iran, go so piyamanimba iran -
ﯾﯿﰀﰁﰂﰃﰄ ﰖ​

"A salakaw ko Allah, na nggonanaowa niyo siran ko lalan ko naraka Jahim!"
ﰆﰇﰈﰉ ﰗ​

"Go tarongkoa niyo siran, ka mataan! a siran na pagizaan siran: "
ﭑﭒﭓﭔ ﰘ​

(Ptharoon kiran:) "Ino kano di makapthatabanga?"
ﭖﭗﭘﭙ ﰙ​

Kna, ka siran sa alongan aya na makambabayorantang siran;
ﭛﭜﭝﭞﭟ ﰚ​

Na sangoran o sabaad kiran so sabaad, a gii siran zsndita.
ﭡﭢﭣﭤﭥﭦ ﰛ​

Tharoon iran a: "Mataan! a skano na aya btad iyo na pzong kano Rkami sa kapan´gl!"
ﭨﭩﭪﭫﭬ ﰜ​

Ismbag iran: "Kna, ka da kano mabaloy a miyamaratiyaya!"
ﭮﭯﭰﭱﭲﭳﭴﭵﭶﭷﭸ ﰝ​

"Go da a miyaadn a Rkami rkano a kapaar. Kna, ka miyabaloy kano a pagtaw a manga darowaka!"
ﭺﭻﭼﭽﭾﭿﮀ ﰞ​

"Na miyatangkd rktano, so katharo o Kadnan tano. Mataan! a sktano na khataaman tano dn (angkai a siksa)."
ﮂﮃﮄﮅ ﰟ​

"Na miyadadag ami skano: Ka mataan! a skami na miyabaloy kami a manga dadag."
ﮇﮈﮉﮊﮋ ﰠ​

Na mataan! a siran sa alongan oto, na makazasakotowa siran ko siksa.
ﮍﮎﮏﮐ ﰡ​

Mataan! a Skami na Lagid aya dn a ikhidia Mi ko manga baradosa.
ﮒﮓﮔﮕﮖﮗﮘﮙﮚﮛ ﰢ​

Mataan! a siran na aya btad iran na igira a pitharo kiran a: Da a patot a pzoasoatn a inonta so Allah, na mmaratabat siran,
ﮝﮞﮟﮠﮡﮢ ﰣ​

Go tharoon iran a: "Ati mataan! a sktano na mibagak tano dn so manga katohanan tano:, makapantag ko pababayok, a pmbthangn?"
ﮤﮥﮦﮧﮨ ﰤ​

Kna, ka aya minitalingoma o Mohammad na so bnar, go miyatanto niyan so manga sogo.
ﮪﮫﮬﮭ ﰥ​

Mataan! a skano na khataaman iyo dn so siksa a malipds; -
ﮯﮰﮱﯓﯔﯕ ﰦ​

Ka da a imbalas rkano a inonta so pinggolawla niyo; -
ﯗﯘﯙﯚ ﰧ​

Ogaid na so manga oripn o Allah, a manga tolabos (na di siran phakataam ko siksa), -
ﯜﯝﯞﯟ ﰨ​

Siran man na adn a bagian iran a pagpr a mappnto,
ﯡﯢﯣ ﰩ​

A manga onga; a siran na khisslaan,
ﯥﯦﯧ ﰪ​

Sii ko manga sorga a pakalma,
ﯩﯪﯫ ﰫ​

(Sii siran) Ko manga kantir a khipagaadapadapa:
ﯭﯮﯯﯰﯱ ﰬ​

Ipphagilid kiran so tatagoan sa inomn a phoon ko bowalan,
ﯳﯴﯵ ﰭ​

Mapoti, a mapiya i taam ko pphamanginom,
ﯷﯸﯹﯺﯻﯼﯽ ﰮ​

Daa matatago on a pakalangot; go di siran on phangabbrg.
ﯿﰀﰁﰂ ﰯ​

Go zisii kiran so (manga darodopa a) manga thatangka i kaylay, a manga pipiya i kapmata;
ﰄﰅﰆ ﰰ​

Lagid oba siran montiya a totongkopn.
ﰈﰉﰊﰋﰌ ﰱ​

Na sangoran o sabaad kiran so sabaad a pphamagizai siran.
ﰎﰏﰐﰑﰒﰓﰔ ﰲ​

Tharoon o ptharo kiran a: "Mataan! a sakn na adn a bolayoka akn,"
ﭑﭒﭓﭔ ﰳ​

A gii niyan tharoon a: "Ba mataan! a ska na pd dn ko miyamangimbnar?"
ﭖﭗﭘﭙﭚﭛﭜ ﰴ​

"Ino amay ka matay tano, go mbaloy tano a botha, go manga tolan, ba mataan! a sktano na khabalasan tano dn?"
ﭞﭟﭠﭡ ﰵ​

Tharoon Iyan a: "Ba niyo prongawi?"
ﭣﭤﭥﭦﭧ ﰶ​

Na rongawan iyan, na maylay niyan ko lmbak o naraka Jahim.
ﭩﭪﭫﭬﭭ ﰷ​

Tharoon iyan: "Ibt ko Allah! ka mayto bo na mataan a khabinasa kong ka!"
ﭯﭰﭱﭲﭳﭴ ﰸ​

"Na o da so limo o Kadnan ko, na miyabaloy ako dn a pd ko piyamakadarpa (ko naraka)!"
ﭶﭷﭸ ﰹ​

"Ino di tano phamatay,"
ﭺﭻﭼﭽﭾﭿ ﰺ​

"Inonta so kiyapatay tano a paganay, go di tano phangasisiksa?"
ﮁﮂﮃﮄﮅ ﰻ​

Mataan aya! a titho a skaniyan so daag a mala!
ﮇﮈﮉﮊ ﰼ​

Makapantag ko lagid aya, na panamar magamal so pphamagamal.
ﮌﮍﮎﮏﮐﮑ ﰽ​

Ba giyoto i mapiya a talagad, antawaa so kayo a Zaqqom?
ﮓﮔﮕﮖ ﰾ​

Mataan! a Skami na inisnggay Ami aya a tiyoba ko manga darowaka.
ﮘﮙﮚﮛﮜﮝ ﰿ​

Mataan! a skaniyan na kayo a m´utho ko piyaganakanakan o naraka Jahim:
ﮟﮠﮡﮢ ﱀ​

So onga niyan na miphlagid skaniyan o manga olo o manga shaytan:
ﮤﮥﮦﮧﮨﮩ ﱁ​

Na mataan! a siran na phakakan siran on dn na khapno iran on so manga tiyan iran.
ﮫﮬﮭﮮﮯﮰﮱ ﱂ​

Oriyan iyan na mataan! a bagian iran oto a titho a kasasaogan sa phlikabo a ig.
ﯔﯕﯖﯗﯘ ﱃ​

Oriyan iyan na mataan! a aya khandodan iran na so dn so naraka Jahim.
ﯚﯛﯜﯝ ﱄ​

Mataan! a siran na miyatoon iran so manga loks iran a khikadadadag;
ﯟﯠﯡﯢ ﱅ​

Na siran na sii siran gii zasakoya ko manga lakaw iran!
ﯤﯥﯦﯧﯨ ﱆ​

Na sabnsabnar a mitharidadag ko miyaonaan iran so kadaklan ko miyangaoona;
ﯪﯫﯬﯭ ﱇ​

Go sabnsabnar a siyogo an Ami siran sa pphamakaiktiyar; -
ﯯﯰﯱﯲﯳ ﱈ​

Na pamimikiranang ka o antonaa i miyambtad o kiya akiran ko piyamakaiktiyar (a dadn paratiyaya), -
ﯵﯶﯷﯸ ﱉ​

Inonta so manga oripn o Allah a manga tolabos.
ﯺﯻﯼﯽﯾ ﱊ​

Na sabnsabnar a miyangangarapan Rkami so Noh, na mataan a miyakapiyapiya so tomiyarima (ko pangni niyan).
ﰀﰁﰂﰃﰄ ﱋ​

Na siyabt Ami skaniyan ago so taalok on ko boko a mala,
ﭑﭒﭓﭔ ﱌ​

Go biyaloy Ami so kiyababadan on, a siran i miyangalalamba;
ﭖﭗﭘﭙ ﱍ​

Go inibagak Ami skaniyan ko miyanga oori (a kapphananadman):
ﭛﭜﭝﭞﭟ ﱎ​

"Kalilintad a sii ko Noh ko manga kaadn!"
ﭡﭢﭣﭤ ﱏ​

Mataan! a Skami na lagid man oto a kambalasi Ami ko miphipiyapiya.
ﭦﭧﭨﭩ ﱐ​

Mataan! a skaniyan na pd ko manga oripn Ami a miyamaratiyaya.
ﭫﭬﭭ ﱑ​

Oriyan iyan na inld Ami so manga pd (a dapamaratiyaya).
ﭯﭰﭱﭲﭳ ﱒ​

Na mataan! a maapd ko okit iyan so Ibrahim.
ﭵﭶﭷﭸﭹ ﱓ​

Gowani a somangor ko Kadnan iyan a rakhs o poso a da a saninsaning iyan.
ﭻﭼﭽﭾﭿﮀ ﱔ​

Gowani na pitharo iyan ki ama iyan, ago so pagtaw niyan a: "Antonaa i pzimbaan iyo?"
ﮂﮃﮄﮅﮆ ﱕ​

"Ba so kabokhag a manga katohanan a salakaw ko Allah i khabayaan niyo?"
ﮈﮉﮊﮋ ﱖ​

"Na antonaa i arangan iyo ko Kadnan o manga kaadn?"
ﮍﮎﮏﮐ ﱗ​

Na inilay niyan sa kaylay a gdagda so manga bitoon,
ﮒﮓﮔ ﱘ​

Na pitharo iyan a: "Mataan! a pkhasakit ako!"
ﮖﮗﮘ ﱙ​

Na inawaan iran skaniyan, a miyamanalikhod siran.
ﮚﮛﮜﮝﮞﮟ ﱚ​

Na minanay somong ko manga katohanan iran, na pitharo iyan a: "Ino kano di khan?"
ﮡﮢﮣﮤ ﱛ​

"Ino a di kano ptharo?"
ﮦﮧﮨﮩ ﱜ​

Na siyongoan iyan siran sa mananay, na pirorompi niyan zabnar.
ﮫﮬﮭ ﱝ​

Na piyamantk iran skaniyan a gii siran mamagarabaya.
ﮯﮰﮱﯓ ﱞ​

Pitharo iyan a: "Ino niyo pzimbaa so gii niyo phapandayan?"
ﯕﯖﯗﯘ ﱟ​

"A so Allah i miyadn rkano, ago so pphangmbaalan niyo!"
ﯚﯛﯜﯝﯞﯟﯠ ﱠ​

Pitharo iran a: "Mbalayn iyo skaniyan sa walay, na lbadn iyo skaniyan ko kadg!"
ﯢﯣﯤﯥﯦ ﱡ​

Na pikhadiyatan iran skaniyan sa tipo, na biyaloy Ami siran a manga bababa!
ﯨﯩﯪﯫﯬﯭ ﱢ​

Na pitharo iyan a: "Mataan! a sakn na zong ako ko Kadnan ko! a pnggonanao rakn!"
ﯯﯰﯱﯲﯳ ﱣ​

Kadnan ko, bgi akong Ka sa (wata a) pd ko manga bilangataw!""
ﯵﯶﯷ ﱤ​

Na piyanothol Ami ron a (pmbawata sa) wata a mama a matigr.
ﯹﯺﯻﯼﯽﯾﯿﰀﰁﰂﰃﰄﰅﰆﰇﰈﰉﰊﰋﰌﰍﰎﰏﰐﰑﰒﰓﰔ ﱥ​

Na kagiya iraot sa miphagonota iyan lomalakaw, na pitharo iyan: "Hay wata ko, mataan! a sakn na pithataginp akn ko katotoroga (rakn) a mataan! a sakn na zombaliin ko ska: Na nggdagdaang ka o antonaa i pandapat ka!" Pitharo iyan: "Hay ama, nggolalann ka so sogoan rka: Ka khatoon akong ka, omiyog so Allah, a pd ko manga papantang!"
ﭑﭒﭓﭔ ﱦ​

Na kagiya a mbayorantang siran a dowa, go piyakaiga iyan a tomatakilid;
ﭖﭗﭘ ﱧ​

Na tiyawag Ami skaniyan: "Hay Ibrahim!"
ﭚﭛﭜﭝﭞﭟﭠﭡ ﱨ​

"Sabnar a miyatoman ka so taginpn!" - mataan! a Skami na lagid man oto a kambalasi Ami ko miphipiyapiya.
ﭣﭤﭥﭦﭧ ﱩ​

Mataan! a giyaya na titho a skaniyan na tiyoba a mapayag-
ﭩﭪﭫ ﱪ​

Na siyanggar Ami skaniyan a kibas a mala:
ﭭﭮﭯﭰ ﱫ​

Go inibagak Ami skaniyan (a kapphananadman) ko miyangaoori:
ﭲﭳﭴ ﱬ​

"Kalilintad a sii ko Ibrahim!"
ﭶﭷﭸ ﱭ​

Lagid man oto a kambalasi Ami ko miphipiyapiya.
ﭺﭻﭼﭽ ﱮ​

Mataan! a skaniyan na pd ko manga oripn Ami a miyamaratiyaya.
ﭿﮀﮁﮂﮃ ﱯ​

Na piyanothol Ami ron (a ipmbawata iyan) so Is´haq a nabi, - a pd ko manga bilangataw.
ﮅﮆﮇﮈﮉﮊﮋﮌﮍﮎﮏ ﱰ​

Na piyakandaklan Ami sa mapiya skaniyan ago so Is´haq: Na so sabaad ko manga mori ran a taw na phipiyapiya, go (so sabaad na) siyalimbotan iyan a ginawa niyan a mapayag.
ﮑﮒﮓﮔﮕ ﱱ​

Na sabnsabnar a inipangalimo Ami so Mosa ago so Haron,
ﮗﮘﮙﮚﮛ ﱲ​

Go siyabt Ami siran ago so pagtaw iran ko boko a mala;
ﮝﮞﮟﮠ ﱳ​

Go tiyabangan Ami siran, na miyabaloy siran a siran i miyamakadaag;
ﮢﮣﮤ ﱴ​

Go inibgay Ami kiran so kitab a miyakapayag (ko manga kokoman);
ﮦﮧﮨ ﱵ​

Go pinggonanao Ami kiran so lalan a matitho.
ﮪﮫﮬﮭ ﱶ​

Go inibagak Ami siran (a kapphananadman) ko miyangaoori:
ﮯﮰﮱﯓ ﱷ​

"Kalilintad a sii ko Mosa ago so Haron!"
ﯕﯖﯗﯘ ﱸ​

Mataan! a Skami na lagid man oto a kambalasi Ami ko miphipiyapiya.
ﯚﯛﯜﯝ ﱹ​

Mataan! a giya dowa oto na pd ko manga oripn o Allah a miyamaratiyaya.
ﯟﯠﯡﯢ ﱺ​

Go mataan! a so Ilyas na pd dn ko manga sogo.
ﯤﯥﯦﯧﯨ ﱻ​

Gowani na pitharo iyan ko pagtaw niyan a: "Ino kano di phananggila?"
ﯪﯫﯬﯭﯮ ﱼ​

"Ino niyo pphanongganoya so barahala a Baal, na ipmbagak iyo so lbi a mapiya a miyangadn;"
ﯰﯱﯲﯳﯴ ﱽ​

"A so Allah, a Kadnan iyo go Kadnan o manga loks iyo a miyangaoona?"
ﭑﭒﭓ ﱾ​

Na piyakambokhag iran Skaniyan, na mataan! a siran na phamakadarpaan dn (ko naraka), -
ﭕﭖﭗﭘ ﱿ​

Inonta so manga oripn o Allah a manga tolabos.
ﭚﭛﭜﭝ ﲀ​

Na inibagak Ami skaniyan (a kapphananadman) ko miyanga oori:
ﭟﭠﭡﭢ ﲁ​

"Kalilintad a sii ko Ilyasin!"
ﭤﭥﭦﭧ ﲂ​

Mataan! a Skami na lagid man oto a kambalasi Ami ko miphipiyapiya.
ﭩﭪﭫﭬ ﲃ​

Mataan! a skaniyan na pd ko manga oripn Ami a miyamaratiyaya.
ﭮﭯﭰﭱ ﲄ​

Go mataan! a so Lot na pd dn ko manga sogo (Ami).
ﭳﭴﭵﭶ ﲅ​

Gowani na siyabt Ami skaniyan ago so taalok on, sa kasamasama iran.
ﭸﭹﭺﭻ ﲆ​

Inonta so loks (a karoma niyan) ka miyapd ko miyamangi bagak (ko siksa):
ﭽﭾﭿ ﲇ​

Oriyan iyan na bininasa Mi so manga salakaw (kiran).
ﮁﮂﮃﮄ ﲈ​

Na mataan! a skano na sabnar a pkhasagadan iyo siran, ko kapkhapitai rkano, -
ﮆﮇﮈﮉ ﲉ​

Ago so gagawii: Ba niyo di mapnggdagda?
ﮋﮌﮍﮎ ﲊ​

Go mataan! a so Yonos na pd dn ko manga sogo.
ﮐﮑﮒﮓﮔ ﲋ​

Gowani na miyalagoy a miyagapas ko kapal a ttgbn,
ﮖﮗﮘﮙ ﲌ​

Na miyakipripa, na miyabaloy a pd ko piyamanaban:
ﮛﮜﮝﮞ ﲍ​

Na liyamd skaniyan o sda, a skaniyan na makapphanginsoya.
ﮠﮡﮢﮣﮤ ﲎ​

Na o da (kagiya a) mataan a skaniyan na miyabaloy a pd ko miyamanasbik,
ﮦﮧﮨﮩﮪﮫ ﲏ​

Na khatatap dn ko tiyan o sda sa taman ko alongan a kawyaga kiran (ko alongan a qiyamah).
ﮭﮮﮯﮰﮱ ﲐ​

Na inidampar Ami skaniyan ko taog a pagilidan a skaniyan na pkhasakit,
ﯔﯕﯖﯗﯘ ﲑ​

Go piyakathoan Ami so kaporoan iyan, sa pamomolan a pndonapa (a kiyasirongan iyan).
ﯚﯛﯜﯝﯞﯟ ﲒ​

Na siyogo Ami skaniyan ko magatos nggibo (a manga taw) odi na makalalawan siran (sa magatos nggibo).
ﯡﯢﯣﯤ ﲓ​

Na miyamaratiyaya siran; na piyakasawit Ami siran ko kapagintaw taman ko wakto (o kapatay).
ﯦﯧﯨﯩﯪ ﲔ​

Na pakiosayn ka kiran: O ba rk o Kadnan ka so manga wata a babay, na rk iran so manga wata a mama?
ﯬﯭﯮﯯﯰﯱ ﲕ​

Antawaa ba Ami inadn so manga malaikat a manga babay, a siran na kamamasaan iran?
ﯳﯴﯵﯶﯷ ﲖ​

Tanodan, ka mataan! a siran na phoon ko kabokhag iran na ptharoon iran dn:
ﯹﯺﯻﯼ ﲗ​

"A mimbawata so Allah!" go mataan! a siran na titho a manga bokhag!
ﯾﯿﰀﰁ ﲘ​

Ati miyatomo Iyan so manga wata a babay a di so manga wata a mama?
ﭑﭒﭓﭔ ﲙ​

Ino kano wai? Andamanaya i khipkhokomn iyo saya?
ﭖﭗ ﲚ​

Ino kano di phananadm?
ﭙﭚﭛﭜ ﲛ​

Antawaa ba adn a karina niyo a mapayag?
ﭞﭟﭠﭡﭢ ﲜ​

Na talingomaan iyo i kitab iyo o skano i manga bnar!
ﭤﭥﭦﭧﭨﭩﭪﭫﭬﭭﭮ ﲝ​

Na mimbaal siran ko lt o Allah ago so lt o manga jinn sa bangnsa: Na sabnsabnar a kiyatokawan o manga jinn a mataan! a siran na phamakadarpaan dn (ko naraka)!
ﭰﭱﭲﭳ ﲞ​

Soti so Allah! a mawatan ko iphropa iran!
ﭵﭶﭷﭸ ﲟ​

Inonta so manga oripn o Allah, a manga tolabos.
ﭺﭻﭼ ﲠ​

Na mataan! a skano ago so pzimbaan iyo, -
ﭾﭿﮀﮁ ﲡ​

Na da rkano i sorang rkaniyan a madadag iyo,
ﮃﮄﮅﮆﮇ ﲢ​

Inonta so skaniyan a phakasold ko naraka Jahim!
ﮉﮊﮋﮌﮍﮎ ﲣ​

"Na da a pd rkami (a manga malaikat) a ba da a bagian iyan a darpa a mappnto;"
ﮐﮑﮒ ﲤ​

"Go mataan! a skami na sabnar a zasaasaap;"
ﮔﮕﮖ ﲥ​

"Go mataan! a skami na sabnar a skami so pphamanasbik (ko Allah)!"
ﮘﮙﮚ ﲦ​

Na mataan! a siran na ptharoon iran dn:
ﮜﮝﮞﮟﮠﮡ ﲧ​

"A oba bo mataan! a adn a zisii rkami a pananadm a phoon ko miyangaoona,"
ﮣﮤﮥﮦ ﲨ​

"Ka miyabaloy kami dn a manga oripn o Allah, a manga tolabos!"
ﮨﮩﮪﮫﮬ ﲩ​

Na inongkir iran so Qor´an: Na katokawan iran bo!
ﮮﮯﮰﮱﯓ ﲪ​

Na sabnsabnar a miyaona so katharo Ami ko manga oripn Ami a piyamanogo:
ﯕﯖﯗ ﲫ​

Mataan! a siran na, siran dn so phangatatabangan,
ﯙﯚﯛﯜ ﲬ​

Go mataan! a so manga tantara Ami, na siran dn so phamakadaag.
ﯞﯟﯠﯡ ﲭ​

Na talikhoding ka siran sa taman ko masa (a di mathay).
ﯣﯤﯥ ﲮ​

Go pakaylayang ka siran, ka maylay ran bo!
ﯧﯨ ﲯ​

Ba so siksa Ami na phagalokalokan iran?
ﯪﯫﯬﯭﯮﯯ ﲰ​

Na pabila makatoron (so siksa) ko zaronsarongan iran, na miyakaratarata a kakhapitai ko piyamakaiktiyar (a da dn paratiyaya)!
ﯱﯲﯳﯴ ﲱ​

Na talikhoding ka siran sa taman ko masa (a di mathay),
ﯶﯷﯸ ﲲ​

Go pakaylayang ka (siran), ka khaylay ran bo!
ﯺﯻﯼﯽﯾﯿ ﲳ​

Soti so Kadnan ka, a Kadnan o mnang, a mawatan ko iphropa iran!
ﰁﰂﰃ ﲴ​

Na kalilintad a sii ko manga sogo!
ﰅﰆﰇﰈ ﲵ​

Go so podi na rk o Allah, a Kadnan o manga kaadn.
Icon