ترجمة معاني سورة الحاقة باللغة المليبارية من كتاب Muhammad Karakunnu and Vanidas Elayavoor - Malayalam translation
ﰡ
آية رقم 1
ﮯ
ﮰ
ഹാഖ
അനിവാര്യ സംഭവം!
آية رقم 2
ﮱﯓ
ﯔ
എന്താണ് ആ അനിവാര്യ സംഭവം?
آية رقم 3
ﯕﯖﯗﯘ
ﯙ
ആ അനിവാര്യ സംഭവമെന്തെന്ന് നിനക്കെന്തറിയാം?
آية رقم 4
ﯚﯛﯜﯝ
ﯞ
സമൂദും ആദും ആ കൊടും വിപത്തിനെ തള്ളിപ്പറഞ്ഞു.
آية رقم 5
ﯟﯠﯡﯢ
ﯣ
എന്നിട്ടോ സമൂദ് ഗോത്രം കൊടും കെടുതിയാല് നശിപ്പിക്കപ്പെട്ടു.
آية رقم 6
ﯤﯥﯦﯧﯨﯩ
ﯪ
ആദ് ഗോത്രം അത്യുഗ്രമായി ആഞ്ഞടിച്ച കൊടുങ്കാറ്റിനാലും നാമാവശേഷമായി.
آية رقم 7
ഏഴു രാവും എട്ടു പകലും ഇടതടവില്ലാതെ അല്ലാഹു അതിനെ അവരുടെ നേരെ തിരിച്ചുവിട്ടു. അപ്പോള് നുരുമ്പിയ ഈത്തപ്പനത്തടികള് പോലെ ആ കാറ്റിലവര് ഉയിരറ്റു കിടക്കുന്നത് നിനക്ക് കാണാമായിരുന്നു.
آية رقم 8
ﯼﯽﯾﯿﰀ
ﰁ
അവരുടേതായി വല്ലതും ബാക്കിയായത് നീ കാണുന്നുണ്ടോ?
آية رقم 9
ﭑﭒﭓﭔﭕﭖ
ﭗ
ഫറവോനും അവനു മുമ്പുള്ളവരും കീഴ്മേല് മറിക്കപ്പെട്ട നാടുകളും അതേ കുറ്റകൃത്യം തന്നെ ചെയ്തു.
آية رقم 10
ﭘﭙﭚﭛﭜﭝ
ﭞ
അവരൊക്കെയും തങ്ങളുടെ നാഥന്റെ ദൂതനെ ധിക്കരിച്ചു. അപ്പോള് അവന് അവരെ കഠിന ശിക്ഷയാല് പിടികൂടുകയായിരുന്നു.
آية رقم 11
പ്രളയം പരിധി കടന്നപ്പോള് നിങ്ങളെ നാം കപ്പലില് കയറ്റി രക്ഷിച്ചു.
آية رقم 12
ﭧﭨﭩﭪﭫﭬ
ﭭ
ആ സംഭവത്തെ നാം നിങ്ങള്ക്ക് ഓര്ക്കാനുള്ള ഒന്നാക്കാനാണത്. സൂക്ഷ്മതയുള്ള കാതുകള് എക്കാലത്തേക്കും ഒരോര്മയാക്കാനും.
آية رقم 13
ﭮﭯﭰﭱﭲﭳ
ﭴ
പിന്നെ കാഹളത്തില് ഒരൂത്ത് ഊതപ്പെട്ടാല്.
آية رقم 14
ﭵﭶﭷﭸﭹﭺ
ﭻ
ഭൂമിയും പര്വതങ്ങളും പൊക്കിയെടുത്ത് രണ്ടിനെയും ഒറ്റയടിക്ക് ഇടിച്ചു തരിപ്പണമാക്കിയാല്.
آية رقم 15
ﭼﭽﭾ
ﭿ
അന്നാണ് അനിവാര്യ സംഭവം നടക്കുക.
آية رقم 16
ﮀﮁﮂﮃﮄ
ﮅ
അന്ന് ആകാശം പൊട്ടിപ്പിളരുന്നു. അന്നത് നന്നേ ദുര്ബലമായിരിക്കും.
آية رقم 17
മലക്കുകള് അതിന്റെ നാനാഭാഗങ്ങളിലുമുണ്ടായിരിക്കും. നിന്റെ നാഥന്റെ സിംഹാസനം എട്ടുപേര് തങ്ങള്ക്കു മുകളിലായി ചുമക്കും.
آية رقم 18
ﮑﮒﮓﮔﮕﮖ
ﮗ
അന്ന് നിങ്ങള് ദൈവസന്നിധിയില് ഹാജരാക്കപ്പെടും. നിങ്ങളില് നിന്ന് ഒരു രഹസ്യം പോലും മറഞ്ഞു കിടക്കുകയില്ല.
آية رقم 19
അപ്പോള് കര്മപുസ്തകം തന്റെവലതു കയ്യില് കിട്ടിയവന് പറയും: "ഇതാ എന്റെ കര്മപുസ്തകം; വായിച്ചു നോക്കൂ.
آية رقم 20
ﮢﮣﮤﮥﮦ
ﮧ
"എന്റെ വിചാരണയെ ഞാന് നേരിടേണ്ടിവരുമെന്ന് എനിക്കുറപ്പുണ്ടായിരുന്നു.”
آية رقم 21
ﮨﮩﮪﮫ
ﮬ
അങ്ങനെ അവന് സംതൃപ്തമായ ജീവിതത്തിലെത്തുന്നു.
آية رقم 22
ﮭﮮﮯ
ﮰ
ഉന്നതമായ സ്വര്ഗത്തില്.
آية رقم 23
ﮱﯓ
ﯔ
അതിലെ പഴങ്ങള് വളരെ അടുത്തായി തൂങ്ങിക്കിടക്കുന്നുണ്ടായിരിക്കും.
آية رقم 24
കഴിഞ്ഞ നാളുകളില് നിങ്ങള് ചെയ്തിരുന്നതിന്റെ പ്രതിഫലമായി ഇതാ തൃപ്തിയോടെ തിന്നുകയും കുടിക്കുകയും ചെയ്യുക.
آية رقم 25
എന്നാല് ഇടതു കൈയില് കര്മപുസ്തകം കിട്ടുന്നവനോ, അവന് പറയും: കഷ്ടം! എനിക്കെന്റെ കര്മപുസ്തകം കിട്ടിയില്ലായിരുന്നെങ്കില്!
آية رقم 26
ﯩﯪﯫﯬ
ﯭ
എന്റെ കണക്ക് എന്തെന്ന് ഞാന് അറിഞ്ഞിരുന്നില്ലെങ്കില്!
آية رقم 27
ﯮﯯﯰ
ﯱ
മരണം എല്ലാറ്റിന്റെയും ഒടുക്കമായിരുന്നെങ്കില്!
آية رقم 28
ﯲﯳﯴﯵﯶ
ﯷ
എന്റെ ധനം എനിക്കൊട്ടും ഉപകരിച്ചില്ല.
آية رقم 29
ﯸﯹﯺ
ﯻ
എന്റെ അധികാരങ്ങളൊക്കെയും എനിക്ക് നഷ്ടപ്പെട്ടു.
آية رقم 30
ﯼﯽ
ﯾ
അപ്പോള് കല്പനയുണ്ടാകുന്നു: നിങ്ങള് അവനെ പിടിച്ച് കുരുക്കിലിടൂ.
آية رقم 31
ﯿﰀﰁ
ﰂ
പിന്നെ നരകത്തീയിലെറിയൂ.
آية رقم 32
എന്നിട്ട് എഴുപതു മുഴം നീളമുള്ള ചങ്ങലകൊണ്ട് കെട്ടിവരിയൂ.
آية رقم 33
ﰋﰌﰍﰎﰏﰐ
ﰑ
അവന് മഹാനായ അല്ലാഹുവില് വിശ്വസിച്ചിരുന്നില്ല.
آية رقم 34
ﰒﰓﰔﰕﰖ
ﰗ
അഗതികള്ക്ക് അന്നം നല്കാന് പ്രേരിപ്പിച്ചിരുന്നുമില്ല.
آية رقم 35
ﰘﰙﰚﰛﰜ
ﰝ
അതിനാല് അവനിന്നിവിടെ ഒരു മിത്രവുമില്ല.
آية رقم 36
ﭑﭒﭓﭔﭕ
ﭖ
ഒരാഹാരവുമില്ല. വ്രണങ്ങളുടെ പൊറ്റയല്ലാതെ.
آية رقم 37
ﭗﭘﭙﭚ
ﭛ
പാപികളല്ലാതെ അതു തിന്നുകയില്ല.
آية رقم 38
ﭜﭝﭞﭟ
ﭠ
വേണ്ടാ, നിങ്ങള് കാണുന്ന സകല വസ്തുക്കളെക്കൊണ്ടും ഞാന് സത്യം ചെയ്യുന്നു.
آية رقم 39
ﭡﭢﭣ
ﭤ
നിങ്ങള്ക്കു കാണാനാവാത്തവയെക്കൊണ്ടും.
آية رقم 40
ﭥﭦﭧﭨ
ﭩ
തീര്ച്ചയായും ഇത് മാന്യനായ ദൈവദൂതന്റെ വചനങ്ങളാണ്.
آية رقم 41
ഇത് കവിവാക്യമല്ല. നിങ്ങള് കുറച്ചേ വിശ്വസിക്കുന്നുള്ളൂ.
آية رقم 42
ഇത് ജ്യോത്സ്യന്റെ വാക്കുമല്ല. നന്നെക്കുറച്ചേ നിങ്ങള് ആലോചിക്കുന്നുള്ളൂ.
آية رقم 43
ﭻﭼﭽﭾ
ﭿ
ഇത് ലോകനാഥനില് നിന്ന് അവതീര്ണമായതാണ്.
آية رقم 44
ﮀﮁﮂﮃﮄ
ﮅ
പ്രവാചകന് നമ്മുടെ മേല് വല്ലതും കെട്ടിച്ചമച്ച് പറയുകയാണെങ്കില്.
آية رقم 45
ﮆﮇﮈ
ﮉ
അദ്ദേഹത്തിന്റെ വലംകൈ നാം പിടിക്കുമായിരുന്നു.
آية رقم 46
ﮊﮋﮌﮍ
ﮎ
എന്നിട്ട് അദ്ദേഹത്തിന്റെ ജീവനാഡി മുറിച്ചു കളയുമായിരുന്നു.
آية رقم 47
ﮏﮐﮑﮒﮓﮔ
ﮕ
അപ്പോള് നിങ്ങളിലാര്ക്കും അദ്ദേഹത്തില്നിന്ന് നമ്മുടെ ശിക്ഷയെ തടയാനാവില്ല.
آية رقم 48
ﮖﮗﮘ
ﮙ
ഉറപ്പായും ഇത് ഭക്തന്മാര്ക്ക് ഒരുദ്ബോധനമാണ്.
آية رقم 49
ﮚﮛﮜﮝﮞ
ﮟ
നിശ്ചയമായും നമുക്കറിയാം; നിങ്ങളില് ഇതിനെ തള്ളിപ്പറയുന്നവരുണ്ട്.
آية رقم 50
ﮠﮡﮢﮣ
ﮤ
തീര്ച്ചയായും അത്തരം സത്യനിഷേധികള്ക്കിത് ദുഃഖകാരണം തന്നെ.
آية رقم 51
ﮥﮦﮧ
ﮨ
നിശ്ചയമായും ഇത് സുദൃഢമായ സത്യമാണ്.
آية رقم 52
ﮩﮪﮫﮬ
ﮭ
അതിനാല് നീ നിന്റെ അത്യുന്നതനായ നാഥന്റെ നാമം കീര്ത്തിച്ചുകൊണ്ടിരിക്കുക.
تقدم القراءة