ترجمة معاني سورة الصافات باللغة ماراناو من كتاب Maranao - Maranao translation

آية رقم 1

ﭑﭒ ﭓ ​

Ibt ko zasaasaap sa samporna a kazaap,

آية رقم 2

ﭔﭕ ﭖ ​

Go so pphamanndg (ko gabon) sa samporna a kapanndg,

آية رقم 3

ﭗﭘ ﭙ ​

Go so pphamamatiya sa pananadm (a manga malaikat)!

آية رقم 4

ﭚﭛﭜ ﭝ ​

Mataan! a so tohan iyo na matatangkd a Isa!

آية رقم 5

ﭞﭟﭠﭡﭢﭣﭤ ﭥ ​

Kadnan o manga langit ago so lopa, go so pagltan a dowa oto, go Kadnan o manga sbangan!

آية رقم 6

ﭦﭧﭨﭩﭪﭫ ﭬ ​

Mataan! a Skami na inipharas Ami ko langit a marani so parahiyasan a manga bitoon, -

آية رقم 7

ﭭﭮﭯﭰﭱ ﭲ ​

Go siyap ko oman i shaytan a gii mbinasa,

آية رقم 8

ﭳﭴﭵﭶﭷﭸﭹﭺﭻ ﭼ ​

Di iran maphamamakin´g so (manga malaikat a) pagtaw a maporo, ka pphllbadn siran ko mbalabala,

آية رقم 9

ﭽﭾﭿﮀﮁ ﮂ ​

Sa kapamogaw, go adn a bagian iran a siksa a tatap,

آية رقم 10

ﮃﮄﮅﮆﮇﮈﮉ ﮊ ​

Inonta so miyakasinggaot sa isa a kasinggaot (ko katharo o manga malaikat), na siyaloba skaniyan o sindaw o bitoon a masindaw (a phakatotong).

آية رقم 11

ﮋﮌﮍﮎﮏﮐﮑﮒﮓﮔﮕﮖﮗ ﮘ ​

Na pakiosayn ka kiran: O ba siran i lbi a mabagr a kaadn, antawaa so inadn Ami (i lbi a mabagr)? Mataan! a Skami na inadn Ami siran a phoon ko lipaw, a mapilit!

آية رقم 12

ﮙﮚﮛ ﮜ ​

Kna, ka miyammsa ka, go pphamagrgang ka iran,

آية رقم 13

ﮝﮞﮟﮠ ﮡ ​

Na igira a piyakatadm siran, na di siran phakatadm, -

آية رقم 14

ﮢﮣﮤﮥ ﮦ ​

Go igira a miyakaylay siran sa tanda, na pphamagrgan iran,

آية رقم 15

ﮧﮨﮩﮪﮫﮬ ﮭ ​

Go pitharo iran a: "Da ko ungkai inonta na balik mata a mapayag!"

آية رقم 16

ﮮﮯﮰﮱﯓﯔﯕ ﯖ ​

"Ino amay ka matay kami, go mbaloy kami a botha, go manga tolan, ba mataan! a skami na pagoyagn kami dn?"

آية رقم 17

ﯗﯘ ﯙ ​

"Antawaa so manga loks ami a miyangaoona?"

آية رقم 18

ﯚﯛﯜﯝ ﯞ ​

Tharoang ka a: "Oway, (pagoyagn kano dn), go skano na phamakarondan."

آية رقم 19

ﯟﯠﯡﯢﯣﯤﯥ ﯦ ​

Na giyoto na satimambo a lalis; na samawto na siran na makananayaw siran!

آية رقم 20

ﯧﯨﯩﯪﯫ ﯬ ​

Go matharo iran a: "Hay dowan dowaan tano! Giyai so alongan a kapamalas!"

آية رقم 21

ﯭﯮﯯﯰﯱﯲﯳ ﯴ ​

(Na tharoon kiran:) "Giyai so alongan a kokoman, a so skano na piyakambokhag iyo skaniyan!"

آية رقم 22

ﯵﯶﯷﯸﯹﯺﯻﯼ ﯽ ​

(Tharoon o Allah ko manga malaikat:) "Limoda niyo so mindadarowaka, rakhs o manga oganapa iran, go so piyamanimba iran -

آية رقم 23

ﯾﯿﰀﰁﰂﰃﰄ ﰅ ​

"A salakaw ko Allah, na nggonanaowa niyo siran ko lalan ko naraka Jahim!"

آية رقم 24

ﰆﰇﰈﰉ ﰊ ​

"Go tarongkoa niyo siran, ka mataan! a siran na pagizaan siran: "

آية رقم 25

ﭑﭒﭓﭔ ﭕ ​

(Ptharoon kiran:) "Ino kano di makapthatabanga?"

آية رقم 26

ﭖﭗﭘﭙ ﭚ ​

Kna, ka siran sa alongan aya na makambabayorantang siran;

آية رقم 27

ﭛﭜﭝﭞﭟ ﭠ ​

Na sangoran o sabaad kiran so sabaad, a gii siran zsndita.

آية رقم 28

ﭡﭢﭣﭤﭥﭦ ﭧ ​

Tharoon iran a: "Mataan! a skano na aya btad iyo na pzong kano Rkami sa kapan´gl!"

آية رقم 29

ﭨﭩﭪﭫﭬ ﭭ ​

Ismbag iran: "Kna, ka da kano mabaloy a miyamaratiyaya!"

آية رقم 30

ﭮﭯﭰﭱﭲﭳﭴﭵﭶﭷﭸ ﭹ ​

"Go da a miyaadn a Rkami rkano a kapaar. Kna, ka miyabaloy kano a pagtaw a manga darowaka!"

آية رقم 31

ﭺﭻﭼﭽﭾﭿﮀ ﮁ ​

"Na miyatangkd rktano, so katharo o Kadnan tano. Mataan! a sktano na khataaman tano dn (angkai a siksa)."

آية رقم 32

ﮂﮃﮄﮅ ﮆ ​

"Na miyadadag ami skano: Ka mataan! a skami na miyabaloy kami a manga dadag."

آية رقم 33

ﮇﮈﮉﮊﮋ ﮌ ​

Na mataan! a siran sa alongan oto, na makazasakotowa siran ko siksa.

آية رقم 34

ﮍﮎﮏﮐ ﮑ ​

Mataan! a Skami na Lagid aya dn a ikhidia Mi ko manga baradosa.

آية رقم 35

ﮒﮓﮔﮕﮖﮗﮘﮙﮚﮛ ﮜ ​

Mataan! a siran na aya btad iran na igira a pitharo kiran a: Da a patot a pzoasoatn a inonta so Allah, na mmaratabat siran,

آية رقم 36

ﮝﮞﮟﮠﮡﮢ ﮣ ​

Go tharoon iran a: "Ati mataan! a sktano na mibagak tano dn so manga katohanan tano:, makapantag ko pababayok, a pmbthangn?"

آية رقم 37

ﮤﮥﮦﮧﮨ ﮩ ​

Kna, ka aya minitalingoma o Mohammad na so bnar, go miyatanto niyan so manga sogo.

آية رقم 38

ﮪﮫﮬﮭ ﮮ ​

Mataan! a skano na khataaman iyo dn so siksa a malipds; -

آية رقم 39

ﮯﮰﮱﯓﯔﯕ ﯖ ​

Ka da a imbalas rkano a inonta so pinggolawla niyo; -

آية رقم 40

ﯗﯘﯙﯚ ﯛ ​

Ogaid na so manga oripn o Allah, a manga tolabos (na di siran phakataam ko siksa), -

آية رقم 41

ﯜﯝﯞﯟ ﯠ ​

Siran man na adn a bagian iran a pagpr a mappnto,

آية رقم 42

ﯡﯢﯣ ﯤ ​

A manga onga; a siran na khisslaan,

آية رقم 43

ﯥﯦﯧ ﯨ ​

Sii ko manga sorga a pakalma,

آية رقم 44

ﯩﯪﯫ ﯬ ​

(Sii siran) Ko manga kantir a khipagaadapadapa:

آية رقم 45

ﯭﯮﯯﯰﯱ ﯲ ​

Ipphagilid kiran so tatagoan sa inomn a phoon ko bowalan,

آية رقم 46

ﯳﯴﯵ ﯶ ​

Mapoti, a mapiya i taam ko pphamanginom,

آية رقم 47

ﯷﯸﯹﯺﯻﯼﯽ ﯾ ​

Daa matatago on a pakalangot; go di siran on phangabbrg.

آية رقم 48

ﯿﰀﰁﰂ ﰃ ​

Go zisii kiran so (manga darodopa a) manga thatangka i kaylay, a manga pipiya i kapmata;

آية رقم 49

ﰄﰅﰆ ﰇ ​

Lagid oba siran montiya a totongkopn.

آية رقم 50

ﰈﰉﰊﰋﰌ ﰍ ​

Na sangoran o sabaad kiran so sabaad a pphamagizai siran.

آية رقم 51

ﰎﰏﰐﰑﰒﰓﰔ ﰕ ​

Tharoon o ptharo kiran a: "Mataan! a sakn na adn a bolayoka akn,"

آية رقم 52

ﭑﭒﭓﭔ ﭕ ​

A gii niyan tharoon a: "Ba mataan! a ska na pd dn ko miyamangimbnar?"

آية رقم 53

ﭖﭗﭘﭙﭚﭛﭜ ﭝ ​

"Ino amay ka matay tano, go mbaloy tano a botha, go manga tolan, ba mataan! a sktano na khabalasan tano dn?"

آية رقم 54

ﭞﭟﭠﭡ ﭢ ​

Tharoon Iyan a: "Ba niyo prongawi?"

آية رقم 55

ﭣﭤﭥﭦﭧ ﭨ ​

Na rongawan iyan, na maylay niyan ko lmbak o naraka Jahim.

آية رقم 56

ﭩﭪﭫﭬﭭ ﭮ ​

Tharoon iyan: "Ibt ko Allah! ka mayto bo na mataan a khabinasa kong ka!"

آية رقم 57

ﭯﭰﭱﭲﭳﭴ ﭵ ​

"Na o da so limo o Kadnan ko, na miyabaloy ako dn a pd ko piyamakadarpa (ko naraka)!"

آية رقم 58

ﭶﭷﭸ ﭹ ​

"Ino di tano phamatay,"

آية رقم 59

ﭺﭻﭼﭽﭾﭿ ﮀ ​

"Inonta so kiyapatay tano a paganay, go di tano phangasisiksa?"

آية رقم 60

ﮁﮂﮃﮄﮅ ﮆ ​

Mataan aya! a titho a skaniyan so daag a mala!

آية رقم 61

ﮇﮈﮉﮊ ﮋ ​

Makapantag ko lagid aya, na panamar magamal so pphamagamal.

آية رقم 62

ﮌﮍﮎﮏﮐﮑ ﮒ ​

Ba giyoto i mapiya a talagad, antawaa so kayo a Zaqqom?

آية رقم 63

ﮓﮔﮕﮖ ﮗ ​

Mataan! a Skami na inisnggay Ami aya a tiyoba ko manga darowaka.

آية رقم 64

ﮘﮙﮚﮛﮜﮝ ﮞ ​

Mataan! a skaniyan na kayo a m´utho ko piyaganakanakan o naraka Jahim:

آية رقم 65

ﮟﮠﮡﮢ ﮣ ​

So onga niyan na miphlagid skaniyan o manga olo o manga shaytan:

آية رقم 66

ﮤﮥﮦﮧﮨﮩ ﮪ ​

Na mataan! a siran na phakakan siran on dn na khapno iran on so manga tiyan iran.

آية رقم 67

ﮫﮬﮭﮮﮯﮰﮱ ﯓ ​

Oriyan iyan na mataan! a bagian iran oto a titho a kasasaogan sa phlikabo a ig.

آية رقم 68

ﯔﯕﯖﯗﯘ ﯙ ​

Oriyan iyan na mataan! a aya khandodan iran na so dn so naraka Jahim.

آية رقم 69

ﯚﯛﯜﯝ ﯞ ​

Mataan! a siran na miyatoon iran so manga loks iran a khikadadadag;

آية رقم 70

ﯟﯠﯡﯢ ﯣ ​

Na siran na sii siran gii zasakoya ko manga lakaw iran!

آية رقم 71

ﯤﯥﯦﯧﯨ ﯩ ​

Na sabnsabnar a mitharidadag ko miyaonaan iran so kadaklan ko miyangaoona;

آية رقم 72

ﯪﯫﯬﯭ ﯮ ​

Go sabnsabnar a siyogo an Ami siran sa pphamakaiktiyar; -

آية رقم 73

ﯯﯰﯱﯲﯳ ﯴ ​

Na pamimikiranang ka o antonaa i miyambtad o kiya akiran ko piyamakaiktiyar (a dadn paratiyaya), -

آية رقم 74

ﯵﯶﯷﯸ ﯹ ​

Inonta so manga oripn o Allah a manga tolabos.

آية رقم 75

ﯺﯻﯼﯽﯾ ﯿ ​

Na sabnsabnar a miyangangarapan Rkami so Noh, na mataan a miyakapiyapiya so tomiyarima (ko pangni niyan).

آية رقم 76

ﰀﰁﰂﰃﰄ ﰅ ​

Na siyabt Ami skaniyan ago so taalok on ko boko a mala,

آية رقم 77

ﭑﭒﭓﭔ ﭕ ​

Go biyaloy Ami so kiyababadan on, a siran i miyangalalamba;

آية رقم 78

ﭖﭗﭘﭙ ﭚ ​

Go inibagak Ami skaniyan ko miyanga oori (a kapphananadman):

آية رقم 79

ﭛﭜﭝﭞﭟ ﭠ ​

"Kalilintad a sii ko Noh ko manga kaadn!"

آية رقم 80

ﭡﭢﭣﭤ ﭥ ​

Mataan! a Skami na lagid man oto a kambalasi Ami ko miphipiyapiya.

آية رقم 81

ﭦﭧﭨﭩ ﭪ ​

Mataan! a skaniyan na pd ko manga oripn Ami a miyamaratiyaya.

آية رقم 82

ﭫﭬﭭ ﭮ ​

Oriyan iyan na inld Ami so manga pd (a dapamaratiyaya).

آية رقم 83

ﭯﭰﭱﭲﭳ ﭴ ​

Na mataan! a maapd ko okit iyan so Ibrahim.

آية رقم 84

ﭵﭶﭷﭸﭹ ﭺ ​

Gowani a somangor ko Kadnan iyan a rakhs o poso a da a saninsaning iyan.

آية رقم 85

ﭻﭼﭽﭾﭿﮀ ﮁ ​

Gowani na pitharo iyan ki ama iyan, ago so pagtaw niyan a: "Antonaa i pzimbaan iyo?"

آية رقم 86

ﮂﮃﮄﮅﮆ ﮇ ​

"Ba so kabokhag a manga katohanan a salakaw ko Allah i khabayaan niyo?"

آية رقم 87

ﮈﮉﮊﮋ ﮌ ​

"Na antonaa i arangan iyo ko Kadnan o manga kaadn?"

آية رقم 88

ﮍﮎﮏﮐ ﮑ ​

Na inilay niyan sa kaylay a gdagda so manga bitoon,

آية رقم 89

ﮒﮓﮔ ﮕ ​

Na pitharo iyan a: "Mataan! a pkhasakit ako!"

آية رقم 90

ﮖﮗﮘ ﮙ ​

Na inawaan iran skaniyan, a miyamanalikhod siran.

آية رقم 91

ﮚﮛﮜﮝﮞﮟ ﮠ ​

Na minanay somong ko manga katohanan iran, na pitharo iyan a: "Ino kano di khan?"

آية رقم 92

ﮡﮢﮣﮤ ﮥ ​

"Ino a di kano ptharo?"

آية رقم 93

ﮦﮧﮨﮩ ﮪ ​

Na siyongoan iyan siran sa mananay, na pirorompi niyan zabnar.

آية رقم 94

ﮫﮬﮭ ﮮ ​

Na piyamantk iran skaniyan a gii siran mamagarabaya.

آية رقم 95

ﮯﮰﮱﯓ ﯔ ​

Pitharo iyan a: "Ino niyo pzimbaa so gii niyo phapandayan?"

آية رقم 96

ﯕﯖﯗﯘ ﯙ ​

"A so Allah i miyadn rkano, ago so pphangmbaalan niyo!"

آية رقم 97

ﯚﯛﯜﯝﯞﯟﯠ ﯡ ​

Pitharo iran a: "Mbalayn iyo skaniyan sa walay, na lbadn iyo skaniyan ko kadg!"

آية رقم 98

ﯢﯣﯤﯥﯦ ﯧ ​

Na pikhadiyatan iran skaniyan sa tipo, na biyaloy Ami siran a manga bababa!

آية رقم 99

ﯨﯩﯪﯫﯬﯭ ﯮ ​

Na pitharo iyan a: "Mataan! a sakn na zong ako ko Kadnan ko! a pnggonanao rakn!"

آية رقم 100

ﯯﯰﯱﯲﯳ ﯴ ​

Kadnan ko, bgi akong Ka sa (wata a) pd ko manga bilangataw!""

آية رقم 101

ﯵﯶﯷ ﯸ ​

Na piyanothol Ami ron a (pmbawata sa) wata a mama a matigr.

آية رقم 102

ﯹﯺﯻﯼﯽﯾﯿﰀﰁﰂﰃﰄﰅﰆﰇﰈﰉﰊﰋﰌﰍﰎﰏﰐﰑﰒﰓﰔ ﰕ ​

Na kagiya iraot sa miphagonota iyan lomalakaw, na pitharo iyan: "Hay wata ko, mataan! a sakn na pithataginp akn ko katotoroga (rakn) a mataan! a sakn na zombaliin ko ska: Na nggdagdaang ka o antonaa i pandapat ka!" Pitharo iyan: "Hay ama, nggolalann ka so sogoan rka: Ka khatoon akong ka, omiyog so Allah, a pd ko manga papantang!"

آية رقم 103

ﭑﭒﭓﭔ ﭕ ​

Na kagiya a mbayorantang siran a dowa, go piyakaiga iyan a tomatakilid;

آية رقم 104

ﭖﭗﭘ ﭙ ​

Na tiyawag Ami skaniyan: "Hay Ibrahim!"

آية رقم 105

ﭚﭛﭜﭝﭞﭟﭠﭡ ﭢ ​

"Sabnar a miyatoman ka so taginpn!" - mataan! a Skami na lagid man oto a kambalasi Ami ko miphipiyapiya.

آية رقم 106

ﭣﭤﭥﭦﭧ ﭨ ​

Mataan! a giyaya na titho a skaniyan na tiyoba a mapayag-

آية رقم 107

ﭩﭪﭫ ﭬ ​

Na siyanggar Ami skaniyan a kibas a mala:

آية رقم 108

ﭭﭮﭯﭰ ﭱ ​

Go inibagak Ami skaniyan (a kapphananadman) ko miyangaoori:

آية رقم 109

ﭲﭳﭴ ﭵ ​

"Kalilintad a sii ko Ibrahim!"

آية رقم 110

ﭶﭷﭸ ﭹ ​

Lagid man oto a kambalasi Ami ko miphipiyapiya.

آية رقم 111

ﭺﭻﭼﭽ ﭾ ​

Mataan! a skaniyan na pd ko manga oripn Ami a miyamaratiyaya.

آية رقم 112

ﭿﮀﮁﮂﮃ ﮄ ​

Na piyanothol Ami ron (a ipmbawata iyan) so Is´haq a nabi, - a pd ko manga bilangataw.

آية رقم 113

ﮅﮆﮇﮈﮉﮊﮋﮌﮍﮎﮏ ﮐ ​

Na piyakandaklan Ami sa mapiya skaniyan ago so Is´haq: Na so sabaad ko manga mori ran a taw na phipiyapiya, go (so sabaad na) siyalimbotan iyan a ginawa niyan a mapayag.

آية رقم 114

ﮑﮒﮓﮔﮕ ﮖ ​

Na sabnsabnar a inipangalimo Ami so Mosa ago so Haron,

آية رقم 115

ﮗﮘﮙﮚﮛ ﮜ ​

Go siyabt Ami siran ago so pagtaw iran ko boko a mala;

آية رقم 116

ﮝﮞﮟﮠ ﮡ ​

Go tiyabangan Ami siran, na miyabaloy siran a siran i miyamakadaag;

آية رقم 117

ﮢﮣﮤ ﮥ ​

Go inibgay Ami kiran so kitab a miyakapayag (ko manga kokoman);

آية رقم 118

ﮦﮧﮨ ﮩ ​

Go pinggonanao Ami kiran so lalan a matitho.

آية رقم 119

ﮪﮫﮬﮭ ﮮ ​

Go inibagak Ami siran (a kapphananadman) ko miyangaoori:

آية رقم 120

ﮯﮰﮱﯓ ﯔ ​

"Kalilintad a sii ko Mosa ago so Haron!"

آية رقم 121

ﯕﯖﯗﯘ ﯙ ​

Mataan! a Skami na lagid man oto a kambalasi Ami ko miphipiyapiya.

آية رقم 122

ﯚﯛﯜﯝ ﯞ ​

Mataan! a giya dowa oto na pd ko manga oripn o Allah a miyamaratiyaya.

آية رقم 123

ﯟﯠﯡﯢ ﯣ ​

Go mataan! a so Ilyas na pd dn ko manga sogo.

آية رقم 124

ﯤﯥﯦﯧﯨ ﯩ ​

Gowani na pitharo iyan ko pagtaw niyan a: "Ino kano di phananggila?"

آية رقم 125

ﯪﯫﯬﯭﯮ ﯯ ​

"Ino niyo pphanongganoya so barahala a Baal, na ipmbagak iyo so lbi a mapiya a miyangadn;"

آية رقم 126

ﯰﯱﯲﯳﯴ ﯵ ​

"A so Allah, a Kadnan iyo go Kadnan o manga loks iyo a miyangaoona?"

آية رقم 127

ﭑﭒﭓ ﭔ ​

Na piyakambokhag iran Skaniyan, na mataan! a siran na phamakadarpaan dn (ko naraka), -

آية رقم 128

ﭕﭖﭗﭘ ﭙ ​

Inonta so manga oripn o Allah a manga tolabos.

آية رقم 129

ﭚﭛﭜﭝ ﭞ ​

Na inibagak Ami skaniyan (a kapphananadman) ko miyanga oori:

آية رقم 130

ﭟﭠﭡﭢ ﭣ ​

"Kalilintad a sii ko Ilyasin!"

آية رقم 131

ﭤﭥﭦﭧ ﭨ ​

Mataan! a Skami na lagid man oto a kambalasi Ami ko miphipiyapiya.

آية رقم 132

ﭩﭪﭫﭬ ﭭ ​

Mataan! a skaniyan na pd ko manga oripn Ami a miyamaratiyaya.

آية رقم 133

ﭮﭯﭰﭱ ﭲ ​

Go mataan! a so Lot na pd dn ko manga sogo (Ami).

آية رقم 134

ﭳﭴﭵﭶ ﭷ ​

Gowani na siyabt Ami skaniyan ago so taalok on, sa kasamasama iran.

آية رقم 135

ﭸﭹﭺﭻ ﭼ ​

Inonta so loks (a karoma niyan) ka miyapd ko miyamangi bagak (ko siksa):

آية رقم 136

ﭽﭾﭿ ﮀ ​

Oriyan iyan na bininasa Mi so manga salakaw (kiran).

آية رقم 137

ﮁﮂﮃﮄ ﮅ ​

Na mataan! a skano na sabnar a pkhasagadan iyo siran, ko kapkhapitai rkano, -

آية رقم 138

ﮆﮇﮈﮉ ﮊ ​

Ago so gagawii: Ba niyo di mapnggdagda?

آية رقم 139

ﮋﮌﮍﮎ ﮏ ​

Go mataan! a so Yonos na pd dn ko manga sogo.

آية رقم 140

ﮐﮑﮒﮓﮔ ﮕ ​

Gowani na miyalagoy a miyagapas ko kapal a ttgbn,

آية رقم 141

ﮖﮗﮘﮙ ﮚ ​

Na miyakipripa, na miyabaloy a pd ko piyamanaban:

آية رقم 142

ﮛﮜﮝﮞ ﮟ ​

Na liyamd skaniyan o sda, a skaniyan na makapphanginsoya.

آية رقم 143

ﮠﮡﮢﮣﮤ ﮥ ​

Na o da (kagiya a) mataan a skaniyan na miyabaloy a pd ko miyamanasbik,

آية رقم 144

ﮦﮧﮨﮩﮪﮫ ﮬ ​

Na khatatap dn ko tiyan o sda sa taman ko alongan a kawyaga kiran (ko alongan a qiyamah).

آية رقم 145

ﮭﮮﮯﮰﮱ ﯓ ​

Na inidampar Ami skaniyan ko taog a pagilidan a skaniyan na pkhasakit,

آية رقم 146

ﯔﯕﯖﯗﯘ ﯙ ​

Go piyakathoan Ami so kaporoan iyan, sa pamomolan a pndonapa (a kiyasirongan iyan).

آية رقم 147

ﯚﯛﯜﯝﯞﯟ ﯠ ​

Na siyogo Ami skaniyan ko magatos nggibo (a manga taw) odi na makalalawan siran (sa magatos nggibo).

آية رقم 148

ﯡﯢﯣﯤ ﯥ ​

Na miyamaratiyaya siran; na piyakasawit Ami siran ko kapagintaw taman ko wakto (o kapatay).

آية رقم 149

ﯦﯧﯨﯩﯪ ﯫ ​

Na pakiosayn ka kiran: O ba rk o Kadnan ka so manga wata a babay, na rk iran so manga wata a mama?

آية رقم 150

ﯬﯭﯮﯯﯰﯱ ﯲ ​

Antawaa ba Ami inadn so manga malaikat a manga babay, a siran na kamamasaan iran?

آية رقم 151

ﯳﯴﯵﯶﯷ ﯸ ​

Tanodan, ka mataan! a siran na phoon ko kabokhag iran na ptharoon iran dn:

آية رقم 152

ﯹﯺﯻﯼ ﯽ ​

"A mimbawata so Allah!" go mataan! a siran na titho a manga bokhag!

آية رقم 153

ﯾﯿﰀﰁ ﰂ ​

Ati miyatomo Iyan so manga wata a babay a di so manga wata a mama?

آية رقم 154

ﭑﭒﭓﭔ ﭕ ​

Ino kano wai? Andamanaya i khipkhokomn iyo saya?

آية رقم 155

ﭖﭗ ﭘ ​

Ino kano di phananadm?

آية رقم 156

ﭙﭚﭛﭜ ﭝ ​

Antawaa ba adn a karina niyo a mapayag?

آية رقم 157

ﭞﭟﭠﭡﭢ ﭣ ​

Na talingomaan iyo i kitab iyo o skano i manga bnar!

آية رقم 158

ﭤﭥﭦﭧﭨﭩﭪﭫﭬﭭﭮ ﭯ ​

Na mimbaal siran ko lt o Allah ago so lt o manga jinn sa bangnsa: Na sabnsabnar a kiyatokawan o manga jinn a mataan! a siran na phamakadarpaan dn (ko naraka)!

آية رقم 159

ﭰﭱﭲﭳ ﭴ ​

Soti so Allah! a mawatan ko iphropa iran!

آية رقم 160

ﭵﭶﭷﭸ ﭹ ​

Inonta so manga oripn o Allah, a manga tolabos.

آية رقم 161

ﭺﭻﭼ ﭽ ​

Na mataan! a skano ago so pzimbaan iyo, -

آية رقم 162

ﭾﭿﮀﮁ ﮂ ​

Na da rkano i sorang rkaniyan a madadag iyo,

آية رقم 163

ﮃﮄﮅﮆﮇ ﮈ ​

Inonta so skaniyan a phakasold ko naraka Jahim!

آية رقم 164

ﮉﮊﮋﮌﮍﮎ ﮏ ​

"Na da a pd rkami (a manga malaikat) a ba da a bagian iyan a darpa a mappnto;"

آية رقم 165

ﮐﮑﮒ ﮓ ​

"Go mataan! a skami na sabnar a zasaasaap;"

آية رقم 166

ﮔﮕﮖ ﮗ ​

"Go mataan! a skami na sabnar a skami so pphamanasbik (ko Allah)!"

آية رقم 167

ﮘﮙﮚ ﮛ ​

Na mataan! a siran na ptharoon iran dn:

آية رقم 168

ﮜﮝﮞﮟﮠﮡ ﮢ ​

"A oba bo mataan! a adn a zisii rkami a pananadm a phoon ko miyangaoona,"

آية رقم 169

ﮣﮤﮥﮦ ﮧ ​

"Ka miyabaloy kami dn a manga oripn o Allah, a manga tolabos!"

آية رقم 170

ﮨﮩﮪﮫﮬ ﮭ ​

Na inongkir iran so Qor´an: Na katokawan iran bo!

آية رقم 171

ﮮﮯﮰﮱﯓ ﯔ ​

Na sabnsabnar a miyaona so katharo Ami ko manga oripn Ami a piyamanogo:

آية رقم 172

ﯕﯖﯗ ﯘ ​

Mataan! a siran na, siran dn so phangatatabangan,

آية رقم 173

ﯙﯚﯛﯜ ﯝ ​

Go mataan! a so manga tantara Ami, na siran dn so phamakadaag.

آية رقم 174

ﯞﯟﯠﯡ ﯢ ​

Na talikhoding ka siran sa taman ko masa (a di mathay).

آية رقم 175

ﯣﯤﯥ ﯦ ​

Go pakaylayang ka siran, ka maylay ran bo!

آية رقم 176

ﯧﯨ ﯩ ​

Ba so siksa Ami na phagalokalokan iran?

آية رقم 177

ﯪﯫﯬﯭﯮﯯ ﯰ ​

Na pabila makatoron (so siksa) ko zaronsarongan iran, na miyakaratarata a kakhapitai ko piyamakaiktiyar (a da dn paratiyaya)!

آية رقم 178

ﯱﯲﯳﯴ ﯵ ​

Na talikhoding ka siran sa taman ko masa (a di mathay),

آية رقم 179

ﯶﯷﯸ ﯹ ​

Go pakaylayang ka (siran), ka khaylay ran bo!

آية رقم 180

ﯺﯻﯼﯽﯾﯿ ﰀ ​

Soti so Kadnan ka, a Kadnan o mnang, a mawatan ko iphropa iran!

آية رقم 181

ﰁﰂﰃ ﰄ ​

Na kalilintad a sii ko manga sogo!

آية رقم 182

ﰅﰆﰇﰈ ﰉ ​

Go so podi na rk o Allah, a Kadnan o manga kaadn.