ترجمة سورة المعارج باللغة اليورباوية

ترجمة معاني سورة المعارج باللغة اليورباوية من كتاب الترجمة اليورباوية .

من تأليف: أبو رحيمة ميكائيل أيكوييني .

ﰡ

ﮮﮯﮰﮱ ﰀ

Oníbèéèrè kan bèèrè nípa ìyà t’ó máa ṣẹlẹ̀

ﯔﯕﯖﯗ ﰁ

sí àwọn aláìgbàgbọ́. Kò sì sí ẹni tí ó máa dí i lọ́wọ́

ﯙﯚﯛﯜ ﰂ

lọ́dọ̀ Allāhu, Onípò-àyè gíga.

ﯞﯟﯠﯡﯢﯣﯤﯥﯦﯧﯨ ﰃ

Àwọn mọlāika àti mọlāika Jibrīl ń gùnkè wá sí ọ̀dọ̀ Rẹ̀ nínú ọjọ́ kan tí òdiwọ̀n rẹ̀ jẹ́ ọ̀kẹ́ méjì ààbọ̀ (tí ẹ bá fẹ́ rìn ín).
____________________
Ọ̀kẹ́ méjì ààbọ̀ ọdún ni ẹgbẹ̀rún lọ́nà àádọ́ta ọdún (50,000). Ẹ wo ìtọsẹ̀-ọ̀rọ̀ fún sūrah al-Hajj; 22:47.

ﯪﯫﯬ ﰄ

Nítorí náà, ṣe sùúrù ní sùúrù t’ó rẹwà.

ﯮﯯﯰ ﰅ

Dájúdájú wọ́n ń wo (ìyà náà) ní ohun t’ó jìnnà.

ﯲﯳ ﰆ

A sì ń wò ó ní ohun t’ó súnmọ́.

ﯵﯶﯷﯸ ﰇ

(Ọjọ́ náà ni) ọjọ́ tí sánmọ̀ yó dà bí idẹ t’ó yọ́,

ﯺﯻﯼ ﰈ

àwọn àpáta yó sì dà bí ẹ̀gbọ̀n òwú-irun,

ﯾﯿﰀﰁ ﰉ

ọ̀rẹ́ ìmùlẹ̀ kan kò sì níí bèèrè ọ̀rẹ́ ìmùlẹ̀ (rẹ̀).

ﭑﭒﭓﭔﭕﭖﭗﭘﭙﭚ ﰊ

Wọ́n máa rí ara wọn (wọ́n sì máa dára wọn mọ̀). Ẹlẹ́ṣẹ̀ sì máa fẹ́ kí òun fi àwọn ọmọ rẹ̀ ṣèràpadà ẹ̀mí ara rẹ̀ níbi Ìyà ní ọjọ́ yẹn.

ﭜﭝ ﰋ

Ìyàwó rẹ̀ àti arákùnrin rẹ̀,

ﭟﭠﭡ ﰌ

àti àwọn ẹbí rẹ̀ t’ó pa tì, tí àwọn sì ń gbà á sọ́dọ̀ nílé ayé,

ﭣﭤﭥﭦﭧﭨ ﰍ

àti gbogbo ẹni t’ó wà lórí ilẹ̀ ayé pátápátá, (ó máa fẹ́ fi wọ́n ṣèràpadà ẹ̀mí ara rẹ̀ níbi Ìyà). Lẹ́yìn náà, (ó máa fẹ́) kí Allāhu gba òun là (nínú ìyà Iná).

ﭪﭫﭬﭭ ﰎ

Rárá! Dájúdájú (ó máa wọ) iná Laṭḥọ̄ (iná t’ó ń jò fòfò).

ﭯﭰ ﰏ

Ó máa bó awọ orí tòró.

ﭲﭳﭴﭵ ﰐ

(Iná) yó máa ké sí ẹni t’ó kẹ̀yìn sí (ìgbágbọ́ òdodo), tí ó sì takété sí i,

ﭷﭸ ﰑ

ó kó (ọrọ̀) jọ, ó sì fi pamọ́ (kò ná an fún ẹ̀sìn).

ﭺﭻﭼﭽﭾ ﰒ

Dájúdájú ènìyàn, A ṣẹ̀dá rẹ̀ ní aláìlọ́kàn, ọ̀kánjúà.

ﮀﮁﮂﮃ ﰓ

Nígbà tí aburú bá fọwọ́ bà á, ó máa kanra gógó.

ﮅﮆﮇﮈ ﰔ

Nígbà tí ọwọ́ rẹ̀ bá sì tẹ oore, ó máa yahun.

ﮊﮋ ﰕ

Àyàfi àwọn olùkírun,

ﮍﮎﮏﮐﮑ ﰖ

àwọn olùdúnnímọ́ ìrun wọn;

ﮓﮔﮕﮖﮗ ﰗ

àwọn t’ó mọ ojúṣe (wọn) nínú dúkìá wọn

ﮙﮚ ﰘ

sí alágbe àti ẹni tí A ṣe arísìkí ní èèwọ̀ fún;

ﮜﮝﮞﮟ ﰙ

àwọn t’ó ń gba ọjọ́ ẹ̀san gbọ́ ní òdodo;

ﮡﮢﮣﮤﮥﮦ ﰚ

àwọn t’ó ń páyà ìyà Olúwa wọn,

ﮨﮩﮪﮫﮬ ﰛ

dájúdájú ìyà Olúwa wọn kò ṣeé fàyàbalẹ̀ sí;

ﮮﮯﮰﮱ ﰜ

àwọn t’ó ń ṣọ́ abẹ́ wọn,

ﯔﯕﯖﯗﯘﯙﯚﯛﯜﯝ ﰝ

àyàfi lọ́dọ̀ àwọn ìyàwó wọn tàbí ẹrúbìnrin wọn ni wọn kò ti lè jẹ́ ẹni-èébú,

ﯟﯠﯡﯢﯣﯤﯥ ﰞ

nítorí náà, ẹni kẹ́ni t’ó bá ń wá n̄ǹkan mìíràn lẹ́yìn ìyẹn, àwọn wọ̀nyẹn ni àwọn olùtayọ-ẹnu àlà;

ﯧﯨﯩﯪﯫ ﰟ

àwọn t’ó ń ṣọ́ àgbàfipamọ́ wọn àti àdéhùn wọn;

ﯭﯮﯯﯰ ﰠ

àwọn t’ó ń dúró ti ìjẹ́rìí wọn;

ﯲﯳﯴﯵﯶ ﰡ

àti àwọn t’ó ń ṣọ́ àwọn ìrun wọn.

ﯸﯹﯺﯻ ﰢ

Àwọn wọ̀nyẹn ni alápọ̀n-ọ́nlé nínú àwọn Ọgbà Ìdẹ̀ra.

ﯽﯾﯿﰀﰁ ﰣ

Kí ló mú àwọn tí kò gbàgbọ́ tí ara wọn kò balẹ̀ níwájú rẹ,

ﰃﰄﰅﰆﰇ ﰤ

tí wọ́n sì jókòó ní ìsọ̀rí ìsọ̀rí sí ọwọ́ ọ̀tún àti ọwọ́ òsì (rẹ)?

ﰉﰊﰋﰌﰍﰎﰏﰐ ﰥ

Ṣé ẹnì kọ̀ọ̀kan nínú wọn ń jẹ̀rankàn pé A óò mú òun wọ inú Ọgbà Ìdẹ̀ra ni?

ﰒﰓﰔﰕﰖﰗ ﰦ

Rárá o! Dájúdájú Àwa ṣẹ̀dá wọn láti inú ohun tí wọ́n mọ̀.

ﰙﰚﰛﰜﰝﰞﰟ ﰧ

Nítorí náà, Èmi ń búra pẹ̀lú Olúwa àwọn ibùyọ òòrùn àti àwọn ibùwọ̀ òòrùn , dájúdájú Àwa ni Alágbára
____________________
Ìyẹn ni pé, Èmi, Olúwa àwọn ibùyọ òòrùn àti ibùwọ̀ òòrùn ń fi ara Mi búra. Wòóore: Èròǹgbà Allāhu (subhānahu wa ta'ālā) pẹ̀lú “mọṣriƙ” àti “mọgrib” nínú sūrah al-Muzzammil; 73:9 ni agbègbè ibùyọ òòrùn àti agbègbè ibùwọ̀ òòrùn. Èròǹgbà Allāhu (subhānahu wa ta'ālā) pẹ̀lú “mọṣriƙọen” nínú sūrah ar-Rahmọ̄n; 55:17 ni ibùyọ òòrùn lásìkò ẹ̀rùn àti ibùyọ òòrùn lásìkò òjò. Bákan náà, “mọgribaen” ibùwọ̀ òòrùn lásìkò ẹ̀rùn àti ibùwọ̀ òòrùn lásìkò òjò. Bákan náà, èròǹgbà Allāhu (subhānahu wa ta'ālā) pẹ̀lú “mọṣāriƙ àti mọgārib” ni àwọn ọ̀ọ́dúnrún àti ọgọ́ta ibùyọ òòrùn (360) ni agbègbè ibùyọ òòrùn àti àwọn ọ̀ọ́dúnrún àti ọgọ́ta ibùwọ̀ òòrùn (360) ni agbègbè ibùwọ̀ òòrùn. (Tafsīr Bagawiy)

ﭑﭒﭓﭔﭕﭖﭗﭘ ﰨ

láti lè fi àwọn t’ó dára jù wọ́n lọ pààrọ̀ wọn. Kò sì sí ẹni t’ó lè kó agara bá Wa.

ﭚﭛﭜﭝﭞﭟﭠﭡ ﰩ

Nítorí náà, fi wọ́n sílẹ̀ kí wọ́n máa sọ ìsọkúsọ (wọn), kí wọ́n sì máa ṣeré títí wọn yóò fi pàdé ọjọ́ wọn tí À ń ṣe ní àdéhùn fún wọn.

ﭣﭤﭥﭦﭧﭨﭩﭪﭫ ﰪ

Ọjọ́ tí wọn yóò sáré jáde wéréwéré láti inú àwọn sàréè, wọn yó sì dà bí ẹni pé wọ́n ń yára lọ sídìí ohun àfojúsùn kan.

ﭭﭮﭯﭰﭱﭲﭳﭴﭵﭶ ﰫ

Ojú wọn yóò wálẹ̀. Ìyẹpẹrẹ máa bò wọ́n mọ́lẹ̀. Ọjọ́ yẹn ni èyí tí À ń ṣe ní àdéhùn fún wọn.

ترجمة سورة المعارج

الترجمة اليورباوية

ﰡ

ترتيبها المصحفي

نوعها

ألفاظها

ترتيب نزولها

العد المدني الأول

العد المدني الأخير

العد البصري

العد الكوفي

العد الشامي