ترجمة معاني سورة الذاريات باللغة الأذرية من كتاب Alikhan Musayev - Azerbaijani translation

آية رقم 1

ﯤﯥ ﯦ ​

And olsun toz-torpağı ətrafa səpələyənlərə!

آية رقم 2

ﯧﯨ ﯩ ​

And olsun yağmur yükü daşıyanlara!

آية رقم 3

ﯪﯫ ﯬ ​

And olsun asanlıqla üzüb gedənlərə!

آية رقم 4

ﯭﯮ ﯯ ​

And olsun işləri paylaşdıranlara!

آية رقم 5

ﯰﯱﯲ ﯳ ​

Sizə vəd olunanlar həqiqətdir.

آية رقم 6

ﯴﯵﯶ ﯷ ​

Haqq-hesab da mütləq çəkiləcəkdir.

آية رقم 7

ﭑﭒﭓ ﭔ ​

And olsun gözəl görünüşü olan səmaya!

آية رقم 8

ﭕﭖﭗﭘ ﭙ ​

Sizin sözləriniz ziddiyyətlidir.

آية رقم 9

ﭚﭛﭜﭝ ﭞ ​

Ondan (Qurandan və Peyğəmbərdən) dönən kimsə döndərilər.

آية رقم 10

ﭟﭠ ﭡ ​

Məhv olsun yalançılar!

آية رقم 11

ﭢﭣﭤﭥﭦ ﭧ ​

O kəslər ki, cəhalət içində olan qafillərdir.

آية رقم 12

ﭨﭩﭪﭫ ﭬ ​

Onlar Haqq-hesab gününün nə vaxt olacağını soruşurlar.

آية رقم 13

ﭭﭮﭯﭰﭱ ﭲ ​

O gün onlara odda əzab veriləcəkdir.

آية رقم 14

ﭳﭴﭵﭶﭷﭸﭹ ﭺ ​

Onlara deyiləcək: “Dadın əzabınızı! Sizin tez-tələsik gəlməsini istədiyiniz şey budur!”

آية رقم 15

ﭻﭼﭽﭾﭿ ﮀ ​

Şübhəsiz ki, müttəqilər Cənnət bağlarında və bulaqlar başında olacaqlar,

آية رقم 16

ﮁﮂﮃﮄﮅﮆﮇﮈﮉﮊ ﮋ ​

öz Rəbbinin onlara verdiyini alacaqlar. Həqiqətən, onlar bundan əvvəl yaxşı iş görən adamlar olmuşdular.

آية رقم 17

ﮌﮍﮎﮏﮐﮑ ﮒ ​

Onlar gecələr ibadət edib az yatırdılar.

آية رقم 18

ﮓﮔﮕ ﮖ ​

Sübh çağı isə bağışlanma diləyirdilər.

آية رقم 19

ﮗﮘﮙﮚﮛ ﮜ ​

Onların mal-dövlətində dilənçinin və yoxsulun payı vardır.

آية رقم 20

ﮝﮞﮟﮠ ﮡ ​

Qəti inananlar üçün yer üzündə dəlillər vardır.

آية رقم 21

ﮢﮣﮤﮥﮦ ﮧ ​

Sizin özünüzdə də dəlillər vardır. Məgər görmürsünüz?

آية رقم 22

ﮨﮩﮪﮫﮬ ﮭ ​

Sizin ruziniz və sizə vəd olunan şeylər göydədir.

آية رقم 23

ﮮﮯﮰﮱﯓﯔﯕﯖﯗ ﯘ ​

Göyün və yerin Rəbbinə and olsun ki, bu vəd sizin danışmağa qüdrətiniz olduğu kimi həqiqətdir.

آية رقم 24

ﯙﯚﯛﯜﯝﯞ ﯟ ​

İbrahimin möhtərəm qonaqlarının əhvalatı sənə gəlib çatdımı?

آية رقم 25

ﯠﯡﯢﯣﯤﯥﯦﯧﯨﯩ ﯪ ​

Onlar onun yanına daxil olub: “Sənə salam olsun!”– dedilər. İbrahim: “Sizə də salam olsun! Siz yad adamlara oxşayırsınız!”– dedi.

آية رقم 26

ﯫﯬﯭﯮﯯﯰ ﯱ ​

O, təşviş içində ailəsinin yanına getdi və kök bir buzov qızardıb gətirdi.

آية رقم 27

ﯲﯳﯴﯵﯶ ﯷ ​

Onu qabaqlarına qoyub: “Yemək yeməyəcəksinizmi?”– dedi.

آية رقم 28

ﯸﯹﯺﯻﯼﯽﯾﯿﰀﰁﰂ ﰃ ​

O, qonaqların yemədiklərini görüb onlardan qorxuya düşdü. Onlar: “Qorxma!”– dedilər və ona elmli bir oğlan uşağı ilə müjdə verdilər.

آية رقم 29

ﰄﰅﰆﰇﰈﰉﰊﰋﰌ ﰍ ​

Zövcəsi qışqırıb üz-gözünə vura-vura dedi: “Axı mən sonsuz qoca qarıyam!”

آية رقم 30

ﰎﰏﰐﰑﰒﰓﰔﰕﰖ ﰗ ​

Onlar dedilər: “Sənin Rəbbin belə demişdir. Həqiqətən, O, Müdrikdir, Biləndir!”

آية رقم 31

ﭑﭒﭓﭔﭕﭖ ﭗ ​

İbrahim dedi: “Sizin işiniz nədir, ey elçilər?”

آية رقم 32

ﭘﭙﭚﭛﭜﭝ ﭞ ​

Onlar dedilər: “Biz günahkar bir qövmə göndərilmişik ki,

آية رقم 33

ﭟﭠﭡﭢﭣ ﭤ ​

onların üstünə gildən daşlar yağdıraq –

آية رقم 34

ﭥﭦﭧﭨ ﭩ ​

həddi aşanlar üçün sənin Rəbbinin yanında nişan qoyulmuş daşlar!”

آية رقم 35

ﭪﭫﭬﭭﭮﭯ ﭰ ​

Biz orada olan möminləri o kənddən çıxartdıq.

آية رقم 36

ﭱﭲﭳﭴﭵﭶﭷ ﭸ ​

Amma orada bir evdən başqa müsəlman tapmadıq.

آية رقم 37

ﭹﭺﭻﭼﭽﭾﭿ ﮀ ​

Ağrılı-acılı əzabdan qorxanlar üçün orada bir əlamət qoyduq.

آية رقم 38

ﮁﮂﮃﮄﮅﮆﮇﮈ ﮉ ​

Musanın əhvalatında da ibrət vardır. O zaman Biz onu Fironun yanına aydın bir dəlillə göndərmişdik.

آية رقم 39

ﮊﮋﮌﮍﮎﮏ ﮐ ​

O, öz camaatı ilə birlikdə üz çevirib: “Bu sehrbazdır, ya da dəlidir!”– dedi.

آية رقم 40

ﮑﮒﮓﮔﮕﮖﮗ ﮘ ​

Biz Fironu və əsgərlərini yaxalayıb dənizə atdıq. O, qınanmağa layiq idi.

آية رقم 41

ﮙﮚﮛﮜﮝﮞﮟ ﮠ ​

Ad qövmünün hekayətində də ibrət vardır. O zaman Biz onların üstünə xeyir-bərəkətsiz bir külək göndərmişdik.

آية رقم 42

ﮡﮢﮣﮤﮥﮦﮧﮨﮩ ﮪ ​

O külək üstündən keçdiyi hər bir şeyi sovurub külə döndərirdi.

آية رقم 43

ﮫﮬﮭﮮﮯﮰﮱﯓ ﯔ ​

Səmud qövmünün hekayətində də ibrət vardır. O zaman onlara: “Müəyyən vaxtadək dolanıb-keçinin!”– deyilmişdi.

آية رقم 44

ﯕﯖﯗﯘﯙﯚﯛﯜ ﯝ ​

Onlar öz Rəbbinin əmrindən çıxdılar və onları gözləri baxa-baxa ildırım vurdu.

آية رقم 45

ﯞﯟﯠﯡﯢﯣﯤ ﯥ ​

Onlar ayağa qalxa bilmədilər və onlara kömək edən də olmadı.

آية رقم 46

ﯦﯧﯨﯩﯪﯫﯬﯭﯮ ﯯ ​

Daha əvvəl Nuh qövmünü məhv etdik. Çünki onlar fasiq adamlar idilər.

آية رقم 47

ﯰﯱﯲﯳﯴ ﯵ ​

Biz göyü qüdrətlə yaratdıq və Biz onu genişləndiririk.

آية رقم 48

ﯶﯷﯸﯹ ﯺ ​

Yeri də Biz döşədik. Nə gözəl döşəyənlərik Biz!

آية رقم 49

ﯻﯼﯽﯾﯿﰀﰁ ﰂ ​

Biz hər şeydən erkək və dişi olmaqla cütlər yaratdıq ki, bəlkə, düşünüb ibrət alasınız.

آية رقم 50

ﰃﰄﰅﰆﰇﰈﰉﰊﰋ ﰌ ​

De: “Allaha tərəf qaçın! Mən sizi Onunla açıq-aşkar qorxudub xəbərdar edənəm!

آية رقم 51

ﰍﰎﰏﰐﰑﰒﰓﰔﰕﰖﰗﰘ ﰙ ​

Allahla yanaşı başqa bir məbud qəbul etməyin. Mən sizi Onunla açıq-aşkar qorxudub xəbərdar edənəm!”

آية رقم 52

ﭑﭒﭓﭔﭕﭖﭗﭘﭙﭚﭛﭜﭝ ﭞ ​

Beləcə, onlardan əvvəlkilərə də elə bir elçi gəlmədi ki, onun barəsində: “Sehrbazdır, ya da dəlidir!”– deməsinlər.

آية رقم 53

ﭟﭠﭡﭢﭣﭤﭥ ﭦ ​

Onlar bunu bir-birinə vəsiyyətmi etmişlər? Xeyr, onlar həddi aşan adamlardır.

آية رقم 54

ﭧﭨﭩﭪﭫ ﭬ ​

Artıq onlardan üz döndər! Sən buna görə qınanmazsan.

آية رقم 55

ﭭﭮﭯﭰﭱ ﭲ ​

Sən xatırlat! Çünki xatırlatmaq möminlərə fayda verir.

آية رقم 56

ﭳﭴﭵﭶﭷﭸ ﭹ ​

Mən cinləri və insanları ancaq Mənə ibadət etmək üçün yaratdım.

آية رقم 57

ﭺﭻﭼﭽﭾﭿﮀﮁﮂ ﮃ ​

Mən onlardan ruzi istəmirəm. Mən onlardan Məni yedirtmələrini də istəmirəm.

آية رقم 58

ﮄﮅﮆﮇﮈﮉﮊ ﮋ ​

Həqiqətən, Allah ruzi verəndir, qüvvət sahibidir, Mətindir.

آية رقم 59

ﮌﮍﮎﮏﮐﮑﮒﮓﮔ ﮕ ​

Şübhəsiz ki, zülm edənləri həmtaylarının qisməti kimi bir qismət gözləyir. Qoy onlar Məni tələsdirməsinlər!

آية رقم 60

ﮖﮗﮘﮙﮚﮛﮜ ﮝ ​

Onlara vəd olunmuş Gündən ötrü vay kafirlərin halına!