ترجمة معاني سورة الصافات باللغة الطاجيكية من كتاب الترجمة الطاجيكية

آية رقم 1

ﭑﭒ ﭓ ​

1.       Аллоҳ савганд ёд мекунад: Савганд ба он фармштагоне, ки барои ибодаташ саф бастаанд,

آية رقم 2

ﭔﭕ ﭖ ​

2.       пас савганд ба он фариштагон, ки абрҳоро ба амри Аллоҳ сахт меронанд.

آية رقم 3

ﭗﭘ ﭙ ​

3.       Ва савганд ба он фариштагоне, ки зикри Аллоҳро мехонанд.

آية رقم 4

ﭚﭛﭜ ﭝ ​

4.       Ҳароина, эй одамон, маъбуди шумо, Аллоҳи яктост, ки шарик надорад. Пас, Ӯро ибодат ва итоат кунед.(1)
____________________
1. Аллоҳ таоло ба чизе аз махлуқоташ хоҳад қасам мехӯрад. Аммо барои халқаш чоиз нест қасам хӯрдан, магар ба номи Аллоҳ, пас қасам хӯрдан ба номи ғайри Аллоҳ ширк аст.

آية رقم 5

ﭞﭟﭠﭡﭢﭣﭤ ﭥ ​

5.       Парвардигори осмонҳову замин аст ва ҳар чӣ дар миёни онҳост. Ва Парвардигори машриқҳост!

آية رقم 6

ﭦﭧﭨﭩﭪﭫ ﭬ ​

6.       Ҳароина, Мо осмони дунёро оростаем ба зиннати ситорагон.

آية رقم 7

ﭭﭮﭯﭰﭱ ﭲ ​

7.       Ва осмонро ба ситорагон аз ҳар шайтони саркаш нигаҳ доштем.

آية رقم 8

ﭳﭴﭵﭶﭷﭸﭹﭺﭻ ﭼ ​

8.       То натавонанд шайтонҳо, ки бирасанд ба "Малау-л-аъло" (яъне, ба осмонҳо ва ба фариштагоне, ки дар он ҷо мебошанд, то бишнаванд суханеро, ки Аллоҳ ба онҳо ваҳй мекунад). Ва аз ҳар сӯй андохта шаванд бо ситорае (шӯълае).

آية رقم 9

ﭽﭾﭿﮀﮁ ﮂ ​

9.       То шайтонҳо ронда шаванд аз осмон ва барои онҳост дар охират азоби доими аламовар.

آية رقم 10

ﮃﮄﮅﮆﮇﮈﮉ ﮊ ​

10.   Магар он шайтон, ки ногаҳон пораи хабареро бирабояд ва он сухане мебошад, ки мешунавад ӯро аз осмон, пас онро ба шайтони поёнӣ медиҳад ва он ба дигаре, ки аз ӯ поёнтар аст, медиҳад ва мумкин аст, ки шӯълае ӯро дарк кунад ва сӯзонад ва мумкин аст, ки ба қазову қадари Аллоҳ шӯъла онро дарк накунаду насӯзонад, пас он каломро шайтоне ба коҳине(1) мерасонад ва дар он сад дурӯғи дигар изофа мекунад.(2)
____________________
1. Касе, ки даъвои хабари ғайб кунад. 2. Тафсири Саъдӣ 1\700

آية رقم 11

ﮋﮌﮍﮎﮏﮐﮑﮒﮓﮔﮕﮖﮗ ﮘ ​

11.   Пас, эй Паёмбар аз кофироне, ки аз нав зинда шуданро инкор мекунанд
бипурс, ки офариниши онҳо душвортар аст ё он чи Мо офаридаем. Ҳароина, Мо падарашон Одамро аз гили часпанда офаридаем.

آية رقم 12

ﮙﮚﮛ ﮜ ​

12.   Балки ту эй Паёмбар, тааҷҷуб мекунӣ аз дӯруғ бароварданашон ва мункир шуданашон баъсро(1) ва аҷибтар ин аст, ки онҳо туро истеҳзо ва суханҳоятро масхара мекунанд.
____________________
1. Аз нав зинда шудани баъд аз мурдан.

آية رقم 13

ﮝﮞﮟﮠ ﮡ ​

13.   Ба чун онҳоро хотиррасон карда панд дода шавад он чизеро, ки фаромӯш кардаанд ё ғофил мондаанд, пандро намепазиранд.

آية رقم 14

ﮢﮣﮤﮥ ﮦ ​

14.   Ва чун мӯъчизаеро бубинанд, ки далолат ба паёмбарии ту мекунад, онро ба масхара мегиранд.

آية رقم 15

ﮧﮨﮩﮪﮫﮬ ﮭ ​

15.   Ва гӯянд: «Ин чизе, ки ту овардаӣ ҷуз ҷодуи ошкоре нест,

آية رقم 16

ﮮﮯﮰﮱﯓﯔﯕ ﯖ ​

16.   оё вақте ки мо мурдем ва хоку устухони пӯсида шудем, боз аз нав зинда хоҳем шуд?

آية رقم 17

ﯗﯘ ﯙ ​

17.   Оё падарони гузаштаи мо
низ зинда хоҳанд шуд?

آية رقم 18

ﯚﯛﯜﯝ ﯞ ​

18.   Бигӯ барояшон эй Паёмбар: «Оре, ҳамаи шумо зинда мешавед, дар ҳоле ки хору бечора хоҳед буд!»

آية رقم 19

ﯟﯠﯡﯢﯣﯤﯥ ﯦ ​

19.   Пас албатта, аз нав зинда шудан ба як садои маргбор аст. Пас онҳо бармехезанд аз қабрҳояшон ва мебинанд аҳволи қиёматро.(1)
____________________
1. Тафсири Бағавӣ 7\37

آية رقم 20

ﯧﯨﯩﯪﯫ ﯬ ​

20.   Ва мегӯянд: «Ҳалокӣ бар мо, ин ҳамон рӯзи ҳисоб ва ҷазост!»

آية رقم 21

ﯭﯮﯯﯰﯱﯲﯳ ﯴ ​

21.   Гуфта шавад ба онҳо: Ин ҳамон рӯзи доварӣ аст, ки дар дунё дурӯғаш мепиндоштед.

آية رقم 22

ﯵﯶﯷﯸﯹﯺﯻﯼ ﯽ ​

22.   Гуфта шавад ба фариштагон: Ҷамъ кунед онҳоеро, ки ба Аллоҳ кофир шуданд ҳамроҳ бо ҳаммаслакони худ ва ҳамроҳ бо он чи мепарастиданд,

آية رقم 23

ﯾﯿﰀﰁﰂﰃﰄ ﰅ ​

23.   ба ҷои Аллоҳи якто, пас биронед онҳоро, рондане дурушт сӯйи ҷаҳаннам.

آية رقم 24

ﰆﰇﰈﰉ ﰊ ​

24.   Ва ононро пеш аз расидан сӯи ҷаҳаннам нигаҳ доред, ҳамоно бояд, ки пурсуҷӯ шаванд.(1)
____________________
1. Яъне, аз корҳо ва гуфторҳои ботиле, ки дар дунё мекарданд. Тафсири Саъдӣ 1/701

آية رقم 25

ﭑﭒﭓﭔ ﭕ ​

25.   Ба онҳо сахт гуфта шавад: «Шуморо чӣ шуд, ки ҳамдигарро ёрӣ намекунед?»

آية رقم 26

ﭖﭗﭘﭙ ﭚ ​

26.   Балки, имрӯз онҳо ба амри Аллоҳ таслимшавандагонанд ва дар қиёмат барои худ чорае андеша натавонанд.

آية رقم 27

ﭛﭜﭝﭞﭟ ﭠ ​

27.   Ва он гоҳ кофирон рӯй ба якдигар кунанд ва аз ҳамдигар маломаткунон бипурсанд.

آية رقم 28

ﭡﭢﭣﭤﭥﭦ ﭧ ​

28.   Пайравон ба пешвоёни худ гӯянд: «Албатта, шумо будед, ки моро гумроҳ мекардед ва аз ҷониби дину шариат пеши мо меомадед ва амрҳои динро ба мо нодуруст нишон медодед ва моро аз дин мегурезонидед ва ботилро барои мо зиннат медодед.(1)
____________________
1. Тафсири Бағавӣ 7\38

آية رقم 29

ﭨﭩﭪﭫﭬ ﭭ ​

29.   Пешвоён ба пайравон гӯянд: «На, чунин нест, балки камбудӣ аз худатон буд, дилҳоятон имонро инкор мекард ва куфру исёнро қабул мекард.(1)
____________________
1. Тафсири Ибни Касир 7\11

آية رقم 30

ﭮﭯﭰﭱﭲﭳﭴﭵﭶﭷﭸ ﭹ ​

30.   Моро бар шумо ҳеҷ ғолибияте набуд, ки шуморо аз имон боздорем. Балки шумо эй мушрикон худ мардумоне нофармону таҷовузкор будед.

آية رقم 31

ﭺﭻﭼﭽﭾﭿﮀ ﮁ ​

31.    Пас, гуфтаи Парвардигорамон бар мо воҷиб шуд. Ҳамоно мову шумо бояд бичашем азобро ба сабаби гуноҳое, ки дар дунё кардаем.(1)
____________________
1. Тафсири Табарӣ 21\33

آية رقم 32

ﮂﮃﮄﮅ ﮆ ​

32.    Пас, мо шуморо аз роҳи Аллоҳ ва имони ба Ӯ гумроҳ кардем ҳамоно худ аз ин пеш гумроҳ будем, пас, ҳалокати мо ба сабаби куфрамон буд ва шуморо бо ҳамроҳамон ҳалок кардем.

آية رقم 33

ﮇﮈﮉﮊﮋ ﮌ ​

33.    Пас, ҳароина, дар рӯзи қиёмат ҳама дар азоб шариканд. Чунон ки дар дунё дар нофармонии Аллоҳ шарик буданд.(1)
____________________
1. Тафсири Саъдӣ 1\702

آية رقم 34

ﮍﮎﮏﮐ ﮑ ​

34.    Мо бо касоне, ки дар дунё тоати Аллоҳро ба ҷой наоварда, гуноҳ карданд, чунин рафтор мекунем.(1)
____________________
1. Яъне, онҳоро азоби дарднок мечашонем.

آية رقم 35

ﮒﮓﮔﮕﮖﮗﮘﮙﮚﮛ ﮜ ​

35.    Зеро онҳо буданд, ки чун калимаи «Ла илоҳа иллаллоҳ»(1) ба онҳо гуфта мешуд, такаббур мекарданд.
____________________
1. Яъне, даъват карда мешуданд ба маъбуди ягона, ки ба ҷуз Ӯ касе ва чизе сазовори парастиш шуда наметавонад, такаббур мекарданд.

آية رقم 36

ﮝﮞﮟﮠﮡﮢ ﮣ ​

36.   Ва мегуфтанд: «Оё ба хотири шоири девонае(1) маъбудонамонро тарк кунем?»
____________________
1. Яъне, Муҳаммад саллаллоҳу алайҳи ва саллам. Тафсири Бағавӣ 7/ 39

آية رقم 37

ﮤﮥﮦﮧﮨ ﮩ ​

37.   Дурӯғ гуфтанд. На, Муҳаммад чунин нест, чунон ки онҳо ӯро сифат карданд, балки ӯ Қуръон ва тавҳидро овард ва паёмбарони пешинро аз он чи аз шариати Аллоҳ хабар дода буданд, тасдиқ намуд.(1)
____________________
1. Тафсири Саъдӣ 1\702

آية رقم 38

ﮪﮫﮬﮭ ﮮ ​

38.   Ҳароина, шумо эй мушрикон ба сабаби куфратон азоби дардоварро, ҳатман, хоҳед чашид!

آية رقم 39

ﮯﮰﮱﯓﯔﯕ ﯖ ​

39.   Ва ҷазо дода намешавед дар охират, магар мувофиқи гуноҳоне, ки дар дунё кардаед.

آية رقم 40

ﯗﯘﯙﯚ ﯛ ​

40.   Магар бандагони мухлиси Аллоҳ,(1) ки ибодаташро барояш холис сохтаанд
____________________
1. Яъне, аҳли тавҳид. Онҳоеро, ки холис сохтааст ба раҳмати худаш, пас онҳо аз азоби дарднок наҷот ёфтагонанд. Тафсири Саъдӣ 1/ 702

آية رقم 41

ﯜﯝﯞﯟ ﯠ ​

41.   Барои онҳо дар ҷаннат ризқи муайяне аст, ки ҳамеша бардавом аст.

آية رقم 42

ﯡﯢﯣ ﯤ ​

42.   Ризқу рӯзиашон аз меваҳои ҳархела ва онҳо гиромӣ шудагонанд,

آية رقم 43

ﯥﯦﯧ ﯨ ​

43.    дар биҳиштҳои пур аз нозу неъмат,

آية رقم 44

ﯩﯪﯫ ﯬ ​

44.    бар тахтҳое(1) дар рӯ ба рӯи якдигар (нишастаанд).
____________________
1. Яъне, нишастгоҳҳои баланду зебо. Тафсири Саъдӣ 1\702

آية رقم 45

ﯭﯮﯯﯰﯱ ﯲ ​

45.    Ва барои онон ҷоме аз чашмаи гуворо миёнашон гардонида мешавад,

آية رقم 46

ﯳﯴﯵ ﯶ ​

46.    сафед асту нӯшандагонашро
лаззатбахш,

آية رقم 47

ﯷﯸﯹﯺﯻﯼﯽ ﯾ ​

47.    на дар он шароб ақл пӯшида шавад ва на онҳо аз он шароб маст шаванд.(1)
____________________
1. Ибни Касир мегӯяд: «Саҳеҳтарин қавл, қавли Муҷоҳид аст, ки мурод аз (ғавл) дарди шикам мебошад».

آية رقم 48

ﯿﰀﰁﰂ ﰃ ​

48.    Ва дар наздашон занони фаррохчашм ҳастанд, ки танҳо ба шавҳарони худ назар доранд ва ғайри онҳоро намехоҳанд.

آية رقم 49

ﰄﰅﰆ ﰇ ​

49.    Гӯё, ки ҳурони биҳишт, дар сафедӣ монанди тухмҳои пӯшидашудае ҳастанд. (Ин ба хотири зебоӣ ва сафои онҳост ва рангҳояшон зеботарин ва дурахшандатарин рангҳост)(1)
____________________
1. Тафсири Саъдӣ 1\702

آية رقم 50

ﰈﰉﰊﰋﰌ ﰍ ​

50. Дар ҷаннат рӯ ба якдигар кунанд ва аз ҳамдигар мепурсанд, ки дар дунё чӣ қадар машаққатҳо кашида буданд ва дар баробари он Аллоҳ ба онҳо ҷаннатро арзонӣ кардааст. Ва ин намоёнгари айшу ишрати комили онҳо дар биҳишт аст.(1)
____________________
1. Тафсири Ибни Касир 7\15

آية رقم 51

ﰎﰏﰐﰑﰒﰓﰔ ﰕ ​

51. Яке аз ҷаннатиҳо гӯяд: «Маро дар дунё ҳамнишини кофире буд,

آية رقم 52

ﭑﭒﭓﭔ ﭕ ​

52. ки ба ман мегуфт: «Оё ту аз гурӯҳи онҳое ҳастӣ, ки рӯзи баъсро тасдиқ мекунанд?

آية رقم 53

ﭖﭗﭘﭙﭚﭛﭜ ﭝ ​

53. Оё он гоҳ ки мурдему хоку устухон шудем, зинда мешавему ҷазоямон медиҳанд?»

آية رقم 54

ﭞﭟﭠﭡ ﭢ ​

54. Гӯяд ин мӯьмини ҷаннатӣ ба шариконаш: Оё шумо мебинед бошишгоҳи он ҳамнишини манро?

آية رقم 55

ﭣﭤﭥﭦﭧ ﭨ ​

55. Пас худаш аз боло бингарист ва ӯро(1) дар миёни оташи дӯзах дид.
____________________
1. Он ҳамнишини кофирро. Тафсири Бағавӣ 7/ 41

آية رقم 56

ﭩﭪﭫﭬﭭ ﭮ ​

56. Гӯяд мӯъмин ба он мункири баъс: «Ба Аллоҳ савганд, наздик буд, ки маро ба ҳалокат афканӣ.

آية رقم 57

ﭯﭰﭱﭲﭳﭴ ﭵ ​

57. Ва агар неъмати (роҳнамоии) Парвардигорам намебуд, ман низ ҳамроҳи ту дар азоб мебудам.

آية رقم 58

ﭶﭷﭸ ﭹ ​

58.   Оё мо баъд аз даромаданамон ба ҷаннат дар ҳақиқат ҷовидон мемонем, пас моро марге нест?

آية رقم 59

ﭺﭻﭼﭽﭾﭿ ﮀ ​

59.   Ҷуз он марги нахустин дар дунё? Ва баъди даромаданамон ба ҷаннат дигар моро азоб намекунанд!?

آية رقم 60

ﮁﮂﮃﮄﮅ ﮆ ​

60.   Ҳароина, ин аст комёбии бузург!(1)
____________________
1. Тафсири Табарӣ 21\51

آية رقم 61

ﮇﮈﮉﮊ ﮋ ​

61.   Барои чунин неъмат ва подоши бузург, бояд амалкунандагон дар дунё амал кунанд, то бирасанд ба он дар охират.

آية رقم 62

ﮌﮍﮎﮏﮐﮑ ﮒ ​

62.   Оё барои пазироии ин ҳама неъматҳои биҳишти ҷовидонӣ беҳтар аст, ё дарахти заққум (дарахтест бадбӯ ва талх дар ҷаҳаннам)?(1)
____________________
1. Тафсири Бағавӣ 7\42

آية رقم 63

ﮓﮔﮕﮖ ﮗ ​

63.   Ҳамоно Мо он дарахтро барои уқубати ситамкорон падид овардаем.(1)
____________________
1. Ё, мо онро танҳо озмуни ситамкорон қарор кардаем, ки вуҷуди онро дар дунё инкор мекунанд. Баъди нузули ин оят кофирон гуфтанд: Дар дӯзах чӣ тавр дарахт мерӯяд, оё оташ онро намесӯзонад.Тафсири Табарӣ 21/ 53

آية رقم 64

ﮘﮙﮚﮛﮜﮝ ﮞ ​

64.   Ҳамоно дарахтест, ки аз қаъри ҷаҳаннам мерӯяд

آية رقم 65

ﮟﮠﮡﮢ ﮣ ​

65.   мевааш зиштрӯй монанди сари шайётин аст,

آية رقم 66

ﮤﮥﮦﮧﮨﮩ ﮪ ​

66.   пас дӯзахиён аз он мехӯранд ва шикам пур месозанд.

آية رقم 67

ﮫﮬﮭﮮﮯﮰﮱ ﯓ ​

67.   Баъд аз болои он, ҳаройина, омезае аз оби сӯзон менӯшанд (яъне, баъди хӯрдани меваи Заққум аз болои он маҷбуран оби ифлосу сӯзоне нӯшонида мешаванд).(1)
____________________
1. Тафсири Табарӣ 21\55

آية رقم 68

ﯔﯕﯖﯗﯘ ﯙ ​

68.   Сипас бозгашташон, албатта ба ҷаҳаннам аст.

آية رقم 69

ﯚﯛﯜﯝ ﯞ ​

69.   Ҳароина, онҳо падарони худро пеш аз худ гумроҳ ва мушрик ёфтанд.

آية رقم 70

ﯟﯠﯡﯢ ﯣ ​

70.   Пас онҳо ба дунболи падаронашон шитобон ронда мешаванд.

آية رقم 71

ﯤﯥﯦﯧﯨ ﯩ ​

71.   Ва ба таҳқиқ, пеш аз қавмат эй Паёмбар, бештари пешиниён гумроҳ буданд.

آية رقم 72

ﯪﯫﯬﯭ ﯮ ​

72.   Ва ҳамоно Мо расулони бимдиҳандае дар миёнашон фиристодем, пас кофир шуданд.

آية رقم 73

ﯯﯰﯱﯲﯳ ﯴ ​

73.   Пас, бингар (тааммул кун), ки саранҷоми он бимёфтагон чӣ гуна буд? Ҳамоно ҳама кофир шуданд, пас азоб
карда шуданд ва барои мардум ибрате шуданд.(1)
____________________
1. Тафсири Табарӣ 21\57

آية رقم 74

ﯵﯶﯷﯸ ﯹ ​

74.   Ҷуз бандагони мухлиси Аллоҳ, ки онҳоро ба сӯи имон ва тавҳид барои худаш холис гардонидааст! Пас, онҳо наҷот ёфтагонанд.(1)
____________________
1. Тафсири Табарӣ 21\58

آية رقم 75

ﯺﯻﯼﯽﯾ ﯿ ​

75.   Ва ҳамоно паёмбарамон Нӯҳ моро нидо кард, то ӯро пирӯзӣ бар қавмаш диҳем, пас Мо хуб қабулкунандаи дуоем.

آية رقم 76

ﰀﰁﰂﰃﰄ ﰅ ​

76.   Ӯ ва мӯъминони ҳамроҳашро аз озори мушрикон ва аз ғарқ шудан ва тӯфони бузург наҷот додем.(1)
____________________
1. Яъне, аз ғарқ шудан. Тафсири Бағавӣ 7\43

آية رقم 77

ﭑﭒﭓﭔ ﭕ ​

77.   Ва танҳо фарзандони ӯро баъди ғарқшудани қавмаш боқӣ гузоштем.

آية رقم 78

ﭖﭗﭘﭙ ﭚ ​

78.   Ва барои ӯ дар миёни наслҳои баъдина номи неке боқӣ гузоштем.

آية رقم 79

ﭛﭜﭝﭞﭟ ﭠ ​

79.   Салом ва эминӣ бар Нӯҳ бод дар миёни ҷаҳониён.(1)
____________________
1. Яъне, ҳамеша бар ӯ санои нек мегӯянд ва барои ӯ дуо карда ва дуруду раҳмат мефиристанд ва аз бадӣ ёд кардан ҳамеша дур мебошанд. Тафсири Бағавӣ 7\44

آية رقم 80

ﭡﭢﭣﭤ ﭥ ​

80.   Ҳароина, Мо ин гуна некӯкоронро мисли подоши Нӯҳ подош медиҳем.

آية رقم 81

ﭦﭧﭨﭩ ﭪ ​

81.   Ҳароина, Нӯҳ аз бандагони содиқ ва амалкунанда ба амрҳои Аллоҳ буд.

آية رقم 82

ﭫﭬﭭ ﭮ ​

82.   Сипас дигаронро (дурӯғбаровардагонро) бо тӯфон ғарқ сохтем. Ҳеҷ касе аз онҳо боқӣ намонд.

آية رقم 83

ﭯﭰﭱﭲﭳ ﭴ ​

83.   Ҳароина, Иброҳим аз пайравон ва миллати Нӯҳ буд.

آية رقم 84

ﭵﭶﭷﭸﭹ ﭺ ​

84.   Он гоҳ ки бо дили холӣ аз эътиқодҳои ботил ва ахлоқи бад рӯй ба сӯи Парвардигораш овард.

آية رقم 85

ﭻﭼﭽﭾﭿﮀ ﮁ ​

85.   Чун ба падараш ва қавмаш гуфт: Чиро мепарастед?

آية رقم 86

ﮂﮃﮄﮅﮆ ﮇ ​

86.   Оё ба ҷои Аллоҳи якто маъбуди дурӯғинро мехоҳед ва парастиши Аллоҳи ягонаро тарк мекунед?

آية رقم 87

ﮈﮉﮊﮋ ﮌ ​

87.   Пас, ба Парвардигори ҷаҳониён чӣ гумон доред?»(1)
____________________
1. Яъне, гумони шумо барои ҷазо гирифтанатон аз Аллоҳ ба сабаби ширкатон чист? Тафсири Табарӣ 21/ 63

آية رقم 88

ﮍﮎﮏﮐ ﮑ ​

88.   Пас, Иброҳим нигоҳе ба ситорагон кард, то узре пазирад, ки ҳамроҳи қавмаш ба идгоҳашон наравад.

آية رقم 89

ﮒﮓﮔ ﮕ ​

89.   Пас, гуфт: «Ҳароина, ман беморам.

آية رقم 90

ﮖﮗﮘ ﮙ ​

90.   Пас, аз ӯ рӯй гардониданд ва бозгаштанд.

آية رقم 91

ﮚﮛﮜﮝﮞﮟ ﮠ ​

91.   Пас, шитобон ва пинҳон назди бутонашон омад ва (аз тариқи истеҳзо) гуфт: Чизе аз ин таомҳое, ки барои шумо пешкаш кардаанд, намехӯред?(1)
____________________
1. Тафсири Табарӣ 21\66

آية رقم 92

ﮡﮢﮣﮤ ﮥ ​

92.   Шуморо чӣ шудааст, ки сухан намегӯед ва ҷавоб намедиҳед?

آية رقم 93

ﮦﮧﮨﮩ ﮪ ​

93.   Пас, мутаваҷҷеҳ шуд бар бутҳо ва мезад онҳоро бо дасти рост: то исбот кунад хато будани ибодати онҳоро.

آية رقم 94

ﮫﮬﮭ ﮮ ​

94.   Қавмаш шитобону ғазабнок наздаш омаданд.

آية رقم 95

ﮯﮰﮱﯓ ﯔ ​

95.   Гуфт (Иброҳим ба қавмаш): «Оё бутҳоеро, ки худ метарошед бо дастонатон, мепарастед ва тарк мекунед ибодати Парвардигоре, ки шуморо халқ кардааст?

آية رقم 96

ﯕﯖﯗﯘ ﯙ ​

96.   Ва Аллоҳ офаридааст шуморо ва ҳар чизеро, ки шумо месозед.(1)
____________________
1. Тафсири Бағавӣ 7\45

آية رقم 97

ﯚﯛﯜﯝﯞﯟﯠ ﯡ ​

97.   Пас, вақте ки ҳуҷҷат бар зидди онҳо барпо шуд, роҳи зӯриро пеш гирифта гуфтанд: «Барои Иброҳим биное созед ва ӯро дар оташ андозед».

آية رقم 98

ﯢﯣﯤﯥﯦ ﯧ ​

98.   Пас, қавми Иброҳим хостанд, барои ӯ макру ҳилае кунанд. Пас, сохтем мушриконро поёнтару мағлубтар. Ва гардонид Аллоҳ ҳилаашонро бар зидди худашон ва оташро барои Иброҳим сард гардонид.(1)
____________________
1. Тафсири Табарӣ 21\71

آية رقم 99

ﯨﯩﯪﯫﯬﯭ ﯮ ​

99.   Ва гуфт Иброҳим: «Ҳароина, ман ба сӯи Парвардигорам аз сарзамини қавми худ баромада ба ҷое меравам, ки имконият меёбам ибодат кардани Парвардигорамро.
Ӯ маро ба сӯи хубиҳои динам ва дунёям роҳнамоӣ хоҳад кард.(1)
____________________
1. Тафсири Табарӣ 21\71

آية رقم 100

ﯯﯰﯱﯲﯳ ﯴ ​

100. Эй Парвардигори ман, маро фарзанди солеҳ ато кун!»

آية رقم 101

ﯵﯶﯷ ﯸ ​

101.Пас, ӯро ба писари бурдбор мужда додем.(1)
____________________
1. Яъне, Исмоид алайҳиссалом, ки дар калонсолиаш бурдбор мешавад. Тафсири Бағавӣ 7/ 46

آية رقم 102

ﯹﯺﯻﯼﯽﯾﯿﰀﰁﰂﰃﰄﰅﰆﰇﰈﰉﰊﰋﰌﰍﰎﰏﰐﰑﰒﰓﰔ ﰕ ​

102. Пас, чун фарзандаш Исмоил ба синне расид, ки бо падари худ кору кӯшиш тавонад кард, гуфт (падар ба писараш): «Эй писаракам, ҳароина, дар хоб дидаам, ки туро, бешубҳа, забҳ мекунам. Бингар, ки чӣ меандешӣ» Гуфт (Исмоил) «Эй падар, ба ҳар чӣ фармон шудаӣ дар мавриди забҳи ман амал кун, ки агар Аллоҳ бихоҳад, маро аз собирон хоҳӣ ёфт».

آية رقم 103

ﭑﭒﭓﭔ ﭕ ​

103. Чун ҳарду ба амри Аллоҳ таслим шуданд ва Иброҳим писарашро барои забҳ ба пешонӣ хобонид,

آية رقم 104

ﭖﭗﭘ ﭙ ​

104. Мо дар он ҳолати вазнин нидояш кардем: «Эй Иброҳим,

آية رقم 105

ﭚﭛﭜﭝﭞﭟﭠﭡ ﭢ ​

105. ҳамоно кардӣ он кореро, ки ба он амр шудӣ ва хобатро ба ҳақиқат пайвастӣ». Ва мо, ҳароина, некӯкоронро чунин подош медиҳем. Чунон ки туро подош додем, пас онҳоро аз сахтиҳои дунё ва охират мераҳонем.(1)
____________________
1. Тафсири Табарӣ 21\78

آية رقم 106

ﭣﭤﭥﭦﭧ ﭨ ​

106. Албатта, ин моҷаро (яъне, фармони Мо ба ту, ки қурбонӣ кунӣ писаратро) озмоиши вазнине буд, ки қуввати имонатро ошкор кард.(1)
____________________
1. Тафсири Саъдӣ 1\706

آية رقم 107

ﭩﭪﭫ ﭬ ​

107. Ва Исмоилро бо гӯсфанди(1) бузургҷусса бозхаридем.
____________________
1. Аллоҳ таоло аз осмон гӯсфанди фарбеҳ ва бузургҷуссаро барои Иброҳим алайҳиссалом фурӯ фиристод ва Иброҳим онро дар ивази фарзандаш Исмоил забҳ кард. Тафсири Саъдӣ 1/ 706

آية رقم 108

ﭭﭮﭯﭰ ﭱ ​

108. Ва номи неки Ибоҳимро барои наслҳои баъд боқӣ гузоштем.

آية رقم 109

ﭲﭳﭴ ﭵ ​

109.Салом(1) аз ҷониби Аллоҳ бар Иброҳим!
____________________
1. Мурод аз ин дуоест: Аз ҳама офатҳо саломат монад ва барояш сано ва ситоиши нек бод. Тафсири Табарӣ 21 \ 91

آية رقم 110

ﭶﭷﭸ ﭹ ​

110. Мо некӯкоронро инчунин подош медиҳем. Чунон ки Иброҳимро барои итоат ва ба ҷо овардани амрамон подош додем!

آية رقم 111

ﭺﭻﭼﭽ ﭾ ​

111. Ҳароина, ӯ аз бандагони мӯъмини Мо буд.

آية رقم 112

ﭿﮀﮁﮂﮃ ﮄ ​

112. Ва Иброҳимро ба таваллуди писараш Исҳоқ, ки паёмбар ва аз ҷумлаи солеҳон буд мужда додем.

آية رقم 113

ﮅﮆﮇﮈﮉﮊﮋﮌﮍﮎﮏ ﮐ ​

113. Ва бар ӯ ва бар Исҳоқ баракат додем ва аз фарзандонашон баъзе некӯкор (фамонбардори Аллоҳ) ҳастанд ва баъзе ошкоро бар худ ситам кардаанд, (яъне кофир шудаанд).(1)
____________________
1. Тафсири Саъдӣ 1\706

آية رقم 114

ﮑﮒﮓﮔﮕ ﮖ ​

114. Ва ҳамоно Мо ба Мӯсо ва Ҳорун паёмбарӣ ва рисолатро инъом кардем.

آية رقم 115

ﮗﮘﮙﮚﮛ ﮜ ​

115. Он дуро ва мардумашонро аз ранҷи бузург(1) наҷот бахшидем.
____________________
1. Яъне, аз ғуломӣ ва ғарқ. Тафсири Табарӣ 21/ 93

آية رقم 116

ﮝﮞﮟﮠ ﮡ ​

116. Ва ононро ёри додем, пас бар Фиръавн пирӯз шуда ғалаба карданд.

آية رقم 117

ﮢﮣﮤ ﮥ ​

117. Ва ба ҳардуяшон Китоби равшангар (Таврот)(1) додем.
____________________
1. Тафсири Табар 21\93

آية رقم 118

ﮦﮧﮨ ﮩ ​

118. Ва ба ҳардуяшон роҳи ростро(1) ҳидоят кардем.
____________________
1. Яъне, дини Ислом, ки тамоми паёмбарон ба ин дин фиристонида шудаанд.

آية رقم 119

ﮪﮫﮬﮭ ﮮ ​

119. Ва номи некашонро дар наслҳои баъд боқӣ гузоштем.

آية رقم 120

ﮯﮰﮱﯓ ﯔ ​

120. Салом аз ҷониби Аллоҳ бар Мӯсо ва Ҳорун!

آية رقم 121

ﯕﯖﯗﯘ ﯙ ​

121. Ҳароина, Мо бандагони некӯкорамонро инчунин подош медиҳем, чунон ки Мӯсо ва Ҳорунро подоши некӯ додем!

آية رقم 122

ﯚﯛﯜﯝ ﯞ ​

122. Ҳароина, он ду аз бандагони мӯъмини Мо буданд.

آية رقم 123

ﯟﯠﯡﯢ ﯣ ​

123. Ва ҳароина, бандаамон Илёс аз зумраи паёмбарон буд.

آية رقم 124

ﯤﯥﯦﯧﯨ ﯩ ​

124. Ба мардуми худ ба банӣ Исроил гуфт: «Аз Аллоҳ битарсед ва ба Ӯ чизеро ширк наёред!

آية رقم 125

ﯪﯫﯬﯭﯮ ﯯ ​

125. Оё Баълро (номи бут) парастиш мекунед ва парастиши Аллоҳ, беҳтарини офаринандагонро тарк мекунед?

آية رقم 126

ﯰﯱﯲﯳﯴ ﯵ ​

126. Ва Аллоҳро, ки Парвардигори (офаридагори) шумо ва Парвардигори падарони пешинаи шумост».

آية رقم 127

ﭑﭒﭓ ﭔ ​

127. Пас, қавмаш Илёсро дурӯғ бароварданд, пас, албатта Аллоҳ онҳоро рӯзи қиёмат барои ҳисобу иқоб ҷамъ меоварад.

آية رقم 128

ﭕﭖﭗﭘ ﭙ ​

128. Магар бандагони мухлиси Аллоҳ, ки динашонро барои Аллоҳ холис сохтанд, пас ҳамоно онҳо наҷотёфтагонанд аз азобаш!(1)
____________________
1. Тафсири Саъдӣ 1\707

آية رقم 129

ﭚﭛﭜﭝ ﭞ ​

129. Ва номи неки ӯро дар наслҳои баъдӣ боқӣ гузоштем.

آية رقم 130

ﭟﭠﭡﭢ ﭣ ​

130. Салом аз ҷониби Аллоҳ бар Илёс!

آية رقم 131

ﭤﭥﭦﭧ ﭨ ​

131. Ҳароина, Мо бандагони некӯкорамонро инчунин подош (мукофот) медиҳем, чунон ки Илёсро бар итоаткориаш подоши нек додем!

آية رقم 132

ﭩﭪﭫﭬ ﭭ ​

132.  Ҳароина, ӯ аз бандагони
мӯъмини Мо буд.

آية رقم 133

ﭮﭯﭰﭱ ﭲ ​

133. Ва ҳароина, Лутро ихтиёр кардем, пас ӯро аз паёмбарон гардонидем.

آية رقم 134

ﭳﭴﭵﭶ ﭷ ​

134. Он ҳангом, ки ӯ ва тамоми аҳлашро аз азоб наҷот додем.

آية رقم 135

ﭸﭹﭺﭻ ﭼ ​

135. Магар пиразане, ки ҳамсари Лут буд ӯро бо ҳамроҳи қавмаш ҳалок кардем.(1)
____________________
1. Зеро, ки ҳамсари Лут кофира буд. Тафсири Саъдӣ 1/ 707

آية رقم 136

ﭽﭾﭿ ﮀ ​

136. Сипас қавми кофири боқимондаашро ҳалок кардем.

آية رقم 137

ﮁﮂﮃﮄ ﮅ ​

137. Ва шумо (эй аҳли Макка) гузар мекунед ба ҷою масканҳои қавми Лут дар вақти субҳ, ки осори азоб дар онҳо мавҷуд аст.

آية رقم 138

ﮆﮇﮈﮉ ﮊ ​

138. Ва низ шабона гузар мекунед ҳангоми рафту омаданатон ба сӯи Шом. Оё оқилона намеандешед? Пас, битарсед мабодо, ки мусибати онҳо ба сари шумо ҳам наояд.(2)
____________________
1. Тафсири Табарӣ 21\105

آية رقم 139

ﮋﮌﮍﮎ ﮏ ​

139.  Ва ҳароина, бандаамон Юнусро ихтиёр кардем ва гардонидем ӯро аз зумраи паёмбарон.

آية رقم 140

ﮐﮑﮒﮓﮔ ﮕ ​

140. Онгоҳ ки бар қавми худ ғазаб карда ба сӯи киштии пурбор гурехт.(1)
____________________
1. Юнус алайҳиссалом ба қавмаш ғазаб карда аз деҳааш хориҷ шуда ба сӯи киштие, ки пур аз одам ва матоъ буд, гурехт. Тафсири Саъдӣ 1 \ 707

آية رقم 141

ﮖﮗﮘﮙ ﮚ ​

141. Мавҷ аз ҳар тараф киштиро иҳота кард. Пас, қуръа заданд аҳли кишти то, ки бори
киштиро сабук кунанд ва киштӣ ғарқ нашавад. Ва Юнус дар қуръа мағлуб шуд. Ва ӯро ба баҳр партофтанд.(1)
____________________
1. Тафсири Саъдӣ 1\707

آية رقم 142

ﮛﮜﮝﮞ ﮟ ​

142. Пас моҳӣ ӯро фурӯ бурд ва ӯ дар ҳоле, ки лоиқи сарзаниш буд.(1)
____________________
1. Зеро, ки қавмашро партофта рафт. Тафсири Саъдӣ 1\707

آية رقم 143

ﮠﮡﮢﮣﮤ ﮥ ​

143. Пас, агар ибодатҳои пешинааш ва амалҳои шоистааш, ки пеш аз воқеъ шуданаш дар шиками моҳӣ ва тасбеҳаш намебуд,(1)
____________________
1. Тасбеҳи Юнус алайҳиссалом дар шиками моҳӣ ин буд "Ла илоҳа илло анта субҳонака инниӣ кунту мина-з-золимин" Тафсири Бағавӣ 6/ 70

آية رقم 144

ﮦﮧﮨﮩﮪﮫ ﮬ ​

144. албатта, то рӯзи қиёмат дар шиками моҳӣ боқӣ мемонд.

آية رقم 145

ﮭﮮﮯﮰﮱ ﯓ ​

145. Пас, дар ҳолати хастагиву бемориаш Мо ӯро аз даҳони моҳӣ ба замини хушку бе дарахт партофтем.

آية رقم 146

ﯔﯕﯖﯗﯘ ﯙ ​

146. Ва бар болои сараш ниҳоле аз навъи кадуе рӯёнидем, то дар сояи он баҳра барад.

آية رقم 147

ﯚﯛﯜﯝﯞﯟ ﯠ ​

147. Ва ӯро ба пайғамбарӣ ба ҷамъияти сад ҳазорнафара ва ё бештар фиристодем.

آية رقم 148

ﯡﯢﯣﯤ ﯥ ​

148. Пас, онҳо имон оварданд ва амал карданд ба он чизе, ки ӯ оварда буд, пас то аҷалашон расидан онҳоро ба ҳаёташон баҳраманд сохтем.

آية رقم 149

ﯦﯧﯨﯩﯪ ﯫ ​

149.  Пас, (эй Паёмбар) аз қавмат бипурс: Чӣ гуна барои Аллоҳ духтаронро ихтиёр карданд, ки худ духтарро барои худ раво намебинед ва барои худ писаронро раво мебинанд?(1)
____________________
1. Тафсири Саъдӣ 1\708

آية رقم 150

ﯬﯭﯮﯯﯰﯱ ﯲ ​

150.  Аз онҳо бипурс: Оё вақте ки Мо малоикаро зан меофаридем, онҳо ҳозир буданд?

آية رقم 151

ﯳﯴﯵﯶﯷ ﯸ ​

151.  Огоҳ бош, ки ҳароина,
аз дурӯғгӯияшон аст, ки мегӯянд:

آية رقم 152

ﯹﯺﯻﯼ ﯽ ​

152.  «Аллоҳ соҳиби фарзанд аст». Ва ҳароина, дурӯғ мегӯянд, зеро мегӯянд чизеро, ки намедонанд.

آية رقم 153

ﯾﯿﰀﰁ ﰂ ​

153.  Оё Аллоҳ духтаронро бар писарон ихтиёр кардааст?

آية رقم 154

ﭑﭒﭓﭔ ﭕ ​

154.  Шуморо чист? Чӣ гуна ҳукм мекунед, ки духтарон аз они Аллоҳ ва писарон аз они шумо бошанд. Ҳол он ки духтаронро шумо барои худ розӣ намешавед.(1)
____________________
1. Тафсири Табарӣ 21\119

آية رقم 155

ﭖﭗ ﭘ ​

155.  Оё намеандешед, ки ҷоиз нест ва ҳам лоиқ нест, ки Аллоҳро фарзанде бошад? Поку бузург аст Аллоҳ аз ин ҳама гуфтаҳо.

آية رقم 156

ﭙﭚﭛﭜ ﭝ ​

156.  Ё бар даъвои дуруғини худ далели равшане доред?

آية رقم 157

ﭞﭟﭠﭡﭢ ﭣ ​

157.  Агар шуморо ҳуҷҷате ҳаст дар китобе аз назди Аллоҳ, пас китобатонро биёваред. Агар шумо роспӯй бошед?(1)
____________________
1. Тафсири Табарӣ 21\120

آية رقم 158

ﭤﭥﭦﭧﭨﭩﭪﭫﭬﭭﭮ ﭯ ​

158.  Мушрикон миёни Аллоҳу малоикаҳо хешовандиро муқаррар карданд ва мегуфтанд, ки фариштагон духтарони Аллоҳ ҳастанд ва ҳамоно малоикаҳо медонанд, ки албатта, мушрикон рӯзи қиёмат барои азоб ҳозиркардашудагонанд.(1)
____________________
1. Тафсири Табарӣ 21\122

آية رقم 159

ﭰﭱﭲﭳ ﭴ ​

159.  Аз он васф, ки кофирон мекунанд, Аллоҳ пок аст,

آية رقم 160

ﭵﭶﭷﭸ ﭹ ​

160.  вале бандагони мухлиси Аллоҳ, сифат намекунанд Ӯро, магар ба он сифатҳое, ки лоиқи бузургии Ӯст.

آية رقم 161

ﭺﭻﭼ ﭽ ​

161.  Пас албатта, шумо эй мушрикон ва бутоне, ки ба гайри Аллоҳ мепарастед,

آية رقم 162

ﭾﭿﮀﮁ ﮂ ​

162.  Ҳаргиз наметавонед касеро бо фитна гумроҳ кунед,

آية رقم 163

ﮃﮄﮅﮆﮇ ﮈ ​

163.  магар он касро, ки (ба сӯи куфру ситамаш) моил бошад ба оташи сӯзони ҷаҳаннам медарояд.(1)
____________________
1. Тафсири Саъдӣ 1\708

آية رقم 164

ﮉﮊﮋﮌﮍﮎ ﮏ ​

164..(Гуфтанд фариштаҳо):
«Ва албатта, ҳар касе аз мо ҷое муъайяне дорад дар осмон.(1)
____________________
1. Тафсири Бағавӣ 7\63

آية رقم 165

ﮐﮑﮒ ﮓ ​

165. Ва албатта, мо дар ибодати Алдоҳ сафкашандагонем.

آية رقم 166

ﮔﮕﮖ ﮗ ​

166. Ва албатта, мо тасбеҳгӯяндагонем.(1)
____________________
1. Яъне, Аллоҳро пок мешуморем аз ҳама чизҳое, ки лоиқи Ӯ нест.

آية رقم 167

ﮘﮙﮚ ﮛ ​

167. Ва кофирони Макка пеш аз паёмбарии ту пайваста) мегуфтанд:

آية رقم 168

ﮜﮝﮞﮟﮠﮡ ﮢ ​

168. Агар назди мо ҳам ба мисли умматони гузашта китоб(1) ва паёмбаре меомад.
____________________
1. Чун Таврот ва Инҷил фиристода мешуд.

آية رقم 169

ﮣﮤﮥﮦ ﮧ ​

169. Албатта, мо ҳам аз бандагони ихлосёфтаи Аллоҳ мешудем ва бешак парастишамонро барои Ӯ холис месохтем ва дар имонамон содиқ мебудем.(1)
____________________
1. Тафсири Саъдӣ 1/708

آية رقم 170

ﮨﮩﮪﮫﮬ ﮭ ​

170. Вале чун бузургтарини паёмбарон Муҳаммад (саллаллоҳу алайҳи ва саллам) ба онҳо китоби Қуръонро овард, ба он кофир шуданд. Пас, ба зудӣ хоҳанд донист чи азобе барои онҳост дар охират.(1)
____________________
1. Тафсири Табарӣ 21/130

آية رقم 171

ﮮﮯﮰﮱﯓ ﯔ ​

171.  Ва ба ростӣ калимаи Мо барои бандагони фиристодаи Мо(1) аз пеш дар Лавҳи Маҳфуз содир шудааст,
____________________
1. Мурод аз ин калима: комёбӣ ва пирӯзӣ аст, ки Аллоҳ таоло ба паёмбаронаш ваъда додааст.

آية رقم 172

ﯕﯖﯗ ﯘ ​

172.  ки албатта, онҳо дар дунёву охират нусрат дода мешаванд.

آية رقم 173

ﯙﯚﯛﯜ ﯝ ​

173.  Ва ҳароина, лашкарони Мо бар душманонашон бо ҳуҷҷату қувват ғолибанд.(1)
____________________
1. Тафсири Бағавӣ 7\64

آية رقم 174

ﯞﯟﯠﯡ ﯢ ​

174.  Пас (эй Расул), то муддате аз он саркашон рӯй гардон, ки онҳо ҳақро қабул накарданд ва барояшон мӯҳлат бидеҳ, ки ҷуз азоби Аллоҳ чизе боқӣ намондааст.

آية رقم 175

ﯣﯤﯥ ﯦ ​

175.  Ва бингар ва муроқиб бош чӣ азобе ба сарашон ояд. Пас, онҳо низ хоҳанд дид чӣ азоби Аллоҳ ба сарашон меояд.(1)
____________________
1. Тафсири Табарӣ 21\132

آية رقم 176

ﯧﯨ ﯩ ​

176.  Оё азоби Моро эй Паёмбар, ба шитоб металабанд?

آية رقم 177

ﯪﯫﯬﯭﯮﯯ ﯰ ​

177.  Пас чун фуруд ояд азоби Мо ба онҳо, пас чӣ бомдоди баде хоҳанд дошт.

آية رقم 178

ﯱﯲﯳﯴ ﯵ ​

178.  Ва аз онҳо то муддате, ки азоби Аллоҳ ба сарашон ояд рӯй бигардон.

آية رقم 179

ﯶﯷﯸ ﯹ ​

179.  Ва бингар, пас зуд аст, ки мебинанд чӣ азобу хорие ба сарашон меояд.(1)
____________________
1. Тафсири Табарӣ 21\133

آية رقم 180

ﯺﯻﯼﯽﯾﯿ ﰀ ​

180.  Муназзаҳу пок аст Парвардигори ту аз ҳар чӣ ба васфи Ӯ тӯҳматгарон мегӯянд!

آية رقم 181

ﰁﰂﰃ ﰄ ​

181.  Ва салом ва дуруду эминӣ бод ба тамоми паёмбарон.

آية رقم 182

ﰅﰆﰇﰈ ﰉ ​

182.  Ва сипосу ситоиш хос аз они Аллоҳе аст, ки Парвардигори ҷаҳониён аст.