ترجمة معاني سورة الصافات باللغة السواحلية من كتاب الترجمة السواحلية - عبد الله محمد وناصر خميس

آية رقم 1

ﭑﭒ ﭓ ​

Mwenyezi Mungu, Aliyetukuka, Anaapa kwa Malaika wanaojipanga, katika kuabudu kwao, mistari iliyofuatana na kushikana,

آية رقم 2

ﭔﭕ ﭖ ​

na kwa Malaika wanaofukuza mawingu na kuyaongoza kwa amri ya MwenyeziMungu,

آية رقم 3

ﭗﭘ ﭙ ​

na kwa Malaika wanaosoma utajo wa Mwenyezi Mungu, Aliyetukuka, na maneno Yake,

آية رقم 4

ﭚﭛﭜ ﭝ ​

kwamba muabudiwa wenu, enyi watu, ni Mmoja, Asiye na mshirika. Hivyo basi mtakasieni ibada na utiifu. Na Anaapa Mwenyezi Mungu kwa Anachotaka miongoni mwa viumbe Vyake. Ama kiumbe, hafai kuapa isipokuwa kwa Mwenyezi Mungu, kwani kuapa kwa asiyekuwa Mwenyezi Mungu ni ushirikina.

آية رقم 5

ﭞﭟﭠﭡﭢﭣﭤ ﭥ ​

Yeye Ndiye Muumba mbingu na ardhi na vilivyoko baina ya hivyo viwili, na Ndiye Mpelekeshaji jua katika sehemu zake za kuchomozea na zile za kuchwea.

آية رقم 6

ﭦﭧﭨﭩﭪﭫ ﭬ ​

Sisi tumeupamba uwingu wa karibu kwa pambo la nyota.

آية رقم 7

ﭭﭮﭯﭰﭱ ﭲ ​

Na tumeuhifadhi huo uwingu, kwa nyota, na kila shetani mwenye kuasi, mjeuri, aliyefukuzwa (kwenye rehema ya Mwenyezi Mungu).

آية رقم 8

ﭳﭴﭵﭶﭷﭸﭹﭺﭻ ﭼ ​

Hawawezi hao Mashetani kufika kwenye viumbe vya juu, navyo ni mbingu na Malaika waliyomo ndani yake, wakapata kuwasikiliza wanapoutamka wahyi ambao Mwenyezi Mungu, Aliyetukuka, Anauleta, unaokusanya sheria Yake na makadirio Yake, na wanavurumizwa vimondo katika kila upande,

آية رقم 9

ﭽﭾﭿﮀﮁ ﮂ ​

kwa kuwafukuza ili wasipate kusikiliza. Na huko kwenye Nyumba ya Akhera watakuwa na adhabu ya daima yenye kuumiza.

آية رقم 10

ﮃﮄﮅﮆﮇﮈﮉ ﮊ ​

Isipokuwa yule aliyenyakuwa, miongoni mwa Mashetani, mnyakuo wa haraka, nao ni lile neno analolisikia mbinguni kwa haraka, akamtupia aliyekuwa chini yake, na yule mwingine akamtupia aliyekuwa chini yake. Basi pengine huenda akafikiwa na kimondo chenye kutoa mwangaza kabla hajalitupa, na pengine huwa amelitupa kwa makadirio ya Mwenyezi Mungu, Aliyetukuka, kabla ya kujiwa na kimondo kikamchoma, na yule mwingine akaenda nalo hadi kwa makuhani wakaongeza juu ya neno hilo maneno mia moja ya urongo.

آية رقم 11

ﮋﮌﮍﮎﮏﮐﮑﮒﮓﮔﮕﮖﮗ ﮘ ​

Basi waulize, ewe Mtume, wenye kukanusha Kufufuliwa: Je kuumbwa kwao ni kugumu zaidi au ni hivyi viumbe tulivyoviumba? Kwa hakika, tulimuumba baba yao Ādam kwa udongo ulioshikana na kuambatana.

آية رقم 12

ﮙﮚﮛ ﮜ ​

Bali ulistaajabu, ewe Mtume, kwa ukanushaji wao na kukataa kwao Kufufuliwa. Na la kustaajabiwa zaidi na lililo kubwa zaidi kuliko lile la kukataa kwao ni kwamba wao wanakucheza shere na kulidharau neno lako.

آية رقم 13

ﮝﮞﮟﮠ ﮡ ​

Na wanapokumbushwa walichokisahau au walichoghafilika nacho, hawanufaiki kwa huo ukumbusho wala hawazingatii.

آية رقم 14

ﮢﮣﮤﮥ ﮦ ​

Na wanapoiona miujiza yenye kutolea dalili unabii wako, wanakufanyia shere na wanastaajabu.

آية رقم 15

ﮧﮨﮩﮪﮫﮬ ﮭ ​

Na wanasema, «Halikuwa hili ulilotuletea isipokuwa ni uchawi uliojitokeza waziwazi.

آية رقم 16

ﮮﮯﮰﮱﯓﯔﯕ ﯖ ​

Je, tunapokufa na tukawa ni mchanga na mifupa iliyochakaa, je sisi ni wenye kufufuliwa kutoka makaburini mwetu tukiwa hai?

آية رقم 17

ﯗﯘ ﯙ ​

au pia watafufuliwa baba zetu waliopita kabla yetu?»

آية رقم 18

ﯚﯛﯜﯝ ﯞ ​

Waambie, ewe Mtume, «Ndio mtafufuliwa hali mkiwa wanyonge, watwevu.»

آية رقم 19

ﯟﯠﯡﯢﯣﯤﯥ ﯦ ​

Hakika ni kwamba huo utakuwa ni Mvuvio mmoja, wakitahamaki wao wamesimama kutoka makaburini mwao, wanatazama vituko vya Kiyama.

آية رقم 20

ﯧﯨﯩﯪﯫ ﯬ ​

Na watasema, «Ewe maangamivu yetu! Hii ni siku ya kuhesabiwa na kulipwa!»

آية رقم 21

ﯭﯮﯯﯰﯱﯲﯳ ﯴ ​

Hapo wataambiwa, «Hii ndiyo Siku ya Uamuzi wa haki baina ya viumbe, ambayo mlikuwa mkiikanusha duniani na mkiikataa.»

آية رقم 22

ﯵﯶﯷﯸﯹﯺﯻﯼ ﯽ ​

Na Malaika wataambiwa, «Wakusanyeni wale waliomkanusha Mwenyezi Mungu na wafananao na wao na waungu wao waliokuwa wakiwaabudu

آية رقم 23

ﯾﯿﰀﰁﰂﰃﰄ ﰅ ​

badala ya Mwenyezi Mungu, na muwasukume kwa nguvu hadi kwenye moto wa Jahanamu.

آية رقم 24

ﰆﰇﰈﰉ ﰊ ​

«Na muwafunge kabla hawajafika kwenye moto wa Jahanamu, kwa kuwa wao ni wenye kuulizwa kuhusu matendo yao na maneno yao yaliyotokana na wao duniani, kwa namna ya kumshtukia kuwakaripia.»

آية رقم 25

ﭑﭒﭓﭔ ﭕ ​

Na wataambiwa kwa kulaumiwa, «Kwa nini hamsaidiani nyinyi kwa nyinyi?»

آية رقم 26

ﭖﭗﭘﭙ ﭚ ​

Bali wao Leo ni wenye kufuata amri ya Mwenyezi Mungu, hawataenda kinyume nayo wala hawataepukana nayo, hawajisaidii wao wenyewe.

آية رقم 27

ﭛﭜﭝﭞﭟ ﭠ ​

Na hapo makafiri watakabiliana wao kwa wao wakilaumiana na wakigombana.

آية رقم 28

ﭡﭢﭣﭤﭥﭦ ﭧ ​

Wafuasi watasema kuwaambia wafuatwa, «Nyinyi mlikuwa mkitujia kwa upande wa dini na haki, mkiifanya Sheria ni twevu kwetu, mkitutia chuki nayo na mkitupambia upotevu.»

آية رقم 29

ﭨﭩﭪﭫﭬ ﭭ ​

Hapo watasema wafuatwa kuwaabia wafuasi, «Mambo si kama vile mnavyodai, bali ni nyoyo zenu zilikuwa zimekataa kuamini, zimeuelekea ukafiri na uasi.

آية رقم 30

ﭮﭯﭰﭱﭲﭳﭴﭵﭶﭷﭸ ﭹ ​

«Na sisi hatukuwa na hoja juu yenu wala nguvu, tukaweza kwa hizo kuwazuilia kuamini. Bali nyinyi wenyewe, enyi washirikina, mlikuwa waasi wenye kupita mipaka ya haki.

آية رقم 31

ﭺﭻﭼﭽﭾﭿﮀ ﮁ ​

«Hivyo basi ndio sisi sote ikalazimu tupate onyo la Mola wetu kuwa ni wenye kuonja adhabu, sisi na nyinyi, kwa yale tuliyoyatanguliza ya madhambi na maasia duniani.

آية رقم 32

ﮂﮃﮄﮅ ﮆ ​

« Ndipo tukawapoteza na njia ya Mwenyezi Mungu na ya kumuamini, kwa kuwa sisi wenyewe tulikuwa ni wapotevu kabla yenu. Na kwa hivyo tukapotea kwa sababu ya ukafiri wetu na tukawaangamiza nyinyi pamoja na sisi.»

آية رقم 33

ﮇﮈﮉﮊﮋ ﮌ ​

Basi wafuasi na wafuatwa watashirikiana katika adhabu Siku ya Kiyama, kama walivyoshirikiana ulimwenguni katika kumuasi Mwenyezi Mungu.

آية رقم 34

ﮍﮎﮏﮐ ﮑ ​

Hivi ndivyo sisi tunavyowafanyia waliochagua mambo ya kumuasi Mwenyezi Mungu ulimwenguni na wakaacha kumtii, basi tutawaonjesha adhabu kali.

آية رقم 35

ﮒﮓﮔﮕﮖﮗﮘﮙﮚﮛ ﮜ ​

Hakika wale washirikina walikuwa duniani wakiambiwa, «Hapana mola anayepasa kuabudiwa kwa haki isipokuwa Mwenyezi Mungu,» na wakaitwa kwenye mwito huo na wakaamrishwa kuyaacha yanayopingana nao, wanaufanyia kiburi na kumfanyia kiburi aliyekuja nao.

آية رقم 36

ﮝﮞﮟﮠﮡﮢ ﮣ ​

Na wanasema, «Je, tuache kuwaabudu waungu wetu kwa maneno ya mshairi mwenye wazimu?» wakimkusudia Mtume, rehema ya Mwenyezi Mungu na amani zimshukie.

آية رقم 37

ﮤﮥﮦﮧﮨ ﮩ ​

Wamesema urongo! Muhammad sivyo vile walivyomueleza. Bali amekuja na Qur’ani na upwekeshaji Mwenyezi Mungu, na akathibitisha ukweli wa Mitume katika kile walichokitolea habari kuhusu sheria ya Mwenyezi Mungu na kumpwekesha Yeye.

آية رقم 38

ﮪﮫﮬﮭ ﮮ ​

Hakika yenu nyinyi, enyi washirikina, kwa neno lenu, ukafiri wenu na kukanusha kwenu, ni wenye kuonja adhabu iliyo kali yenye uchungu.

آية رقم 39

ﮯﮰﮱﯓﯔﯕ ﯖ ​

Na hamtalipwa huko Akhera isipokuwa kwa lile la maasia mliokuwa mkilifanya duniani.

آية رقم 40

ﯗﯘﯙﯚ ﯛ ​

Isipokuwa waja wa Mwenyezi Mungu, Aliyetukuka, waliomtakasia Ibada Yake, Akawatakasa na Akawahusu wao kwa rehema Yake, basi hao kwa hakika ni wenye kuokoka na adhabu yenye uchungu.

آية رقم 41

ﯜﯝﯞﯟ ﯠ ​

Hao waliotakaswa watapata riziki ijulikanayo isiyokatika ndani ya Pepo.

آية رقم 42

ﯡﯢﯣ ﯤ ​

Riziki hiyo ni matunda aina mbalimbali. Na wao ni wenye kukirimiwa kwa takrima ya Mwenyezi Mungu

آية رقم 43

ﯥﯦﯧ ﯨ ​

kuwafanyia wao ndani ya mabustani ya Pepo ya starehe ya milele.

آية رقم 44

ﯩﯪﯫ ﯬ ​

Na miongoni mwa takrima yao watakayoipata kwa Mola wao, na kukirimiana wao kwa wao, ni kuwa wao watakuwa kwenye vitanda wameelekeana.

آية رقم 45

ﯭﯮﯯﯰﯱ ﯲ ​

Zinazungushwa kwao gilasi za Pombe inayotoka kwenye mito inayotembea, hawachelei kuwa itamalizika,

آية رقم 46

ﯳﯴﯵ ﯶ ​

ni nyeupe rangi yake, ni tamu katika kuinywa,

آية رقم 47

ﯷﯸﯹﯺﯻﯼﯽ ﯾ ​

haina madhara yoyote ya akili wala ya mwili.

آية رقم 48

ﯿﰀﰁﰂ ﰃ ​

Na hapo kwao kwenye makao yao watakuwako wanawake waliojihifadhi, hawawatazami isipokuwa waume zao, wazuri wa macho,

آية رقم 49

ﰄﰅﰆ ﰇ ​

kama kwamba wao ni mayai yaliyotunzwa ambayo hayajaguswa na mikono.

آية رقم 50

ﰈﰉﰊﰋﰌ ﰍ ​

Hapo wataelekeana wakiulizana kuhusu hali zao za duniani na mambo ya usumbufu waliokuwa wakikutana nayo huko, na yale ambayo Mwenyezi Mungu Aliwaneemesha nayo Peponi. Na huku ndiko kuliwazika kuliotimia.

آية رقم 51

ﰎﰏﰐﰑﰒﰓﰔ ﰕ ​

Atasema msemaji miongoni mwa watu wa Peponi, «Kwa kweli, nilikuwa na rafiki duniani aliyeshikana na mimi.

آية رقم 52

ﭑﭒﭓﭔ ﭕ ​

«Aliyekuwa akisema, ‘Ni vipi wewe unaamini Ufufuzi ambao ni upeo wa kustaajabisha?

آية رقم 53

ﭖﭗﭘﭙﭚﭛﭜ ﭝ ​

Je, tunapokufa, tukakatika vipande- vipande na tukawa mchanga na mifupa, kwani ni wenye kufufuliwa, kuhesabiwa na kulipwa kwa matendo yetu?’»

آية رقم 54

ﭞﭟﭠﭡ ﭢ ​

Atasema huyu Muumini aliyetiwa Peponi akiwaambia wenzake, «Je, nyinyi ni wenye kuchungulia mpate kuona mwisho wa yule rafiki?»

آية رقم 55

ﭣﭤﭥﭦﭧ ﭨ ​

Hapo akachungulia na akamuona rafiki yake katikati ya Moto.

آية رقم 56

ﭩﭪﭫﭬﭭ ﭮ ​

Muumini atasema kumwambia rafiki yake mwenye kukanusha kufufuliwa, «Ulikaribia kuniangamiza kwa kunizuia nisiamini lau nilikutii.

آية رقم 57

ﭯﭰﭱﭲﭳﭴ ﭵ ​

Na lau si wema wa Mola wangu kwa kuniongoza mimi kwenye Imani na kunithibitisha juu yake, ningalikuwa ni mwenye kuhudhurishwa kwenye adhabu pamoja na wewe.

آية رقم 58

ﭶﭷﭸ ﭹ ​

«Je, ni kweli sisi ni wenye kukalishwa milele na kuneemeshwa, si wenye kufa

آية رقم 59

ﭺﭻﭼﭽﭾﭿ ﮀ ​

isipokuwa kifo chetu cha mwanzo huko ulimwenguni, na sisi si wenye kuadhibiwa baada ya kuingia kwetu Peponi?

آية رقم 60

ﮁﮂﮃﮄﮅ ﮆ ​

Hakika starehe hii tuliyo nayo ndiyo kufaulu kukubwa.

آية رقم 61

ﮇﮈﮉﮊ ﮋ ​

«Basi kwa kupata mfano wa starehe hizi kamilifu, makazi ya daima na kufaulu kukubwa, na watende wenye kutenda duniani ili wazifikie huko Akhera.»

آية رقم 62

ﮌﮍﮎﮏﮐﮑ ﮒ ​

Je, hayo yaliyotangulia kuelezwa ya starehe za Pepo ni makaribisho bora na vipewa vya Mwenyezi Mungu, au ni mti mbaya uliolaaniwa wa zaqqūm, ambao ni chakula cha watu wa Motoni?

آية رقم 63

ﮓﮔﮕﮖ ﮗ ​

Sisi tumeufanya ni mtihani waliotahiniwa nao madhalimu kwa ukanushaji na kufanya mambo ya uasi na wakasema kwa njia ya kiburi, «Mtu wenu anawapa habari kwamba motoni kuna mti, na moto unakula miti.»

آية رقم 64

ﮘﮙﮚﮛﮜﮝ ﮞ ​

Hakika huo ni mti ambao unaota kwenye uketo wa moto wa Jahanamu, matunda yake yana sura mbaya

آية رقم 65

ﮟﮠﮡﮢ ﮣ ​

kama vichwa vya Mashetani.

آية رقم 66

ﮤﮥﮦﮧﮨﮩ ﮪ ​

Basi yanapokuwa hivyo, usiulize baada ya haya kuhusu utamu wake. Kwani washirikina ni wenye kula kutoka mti huo na ni wenye kujaza matumbo yao kwa matunda hayo.

آية رقم 67

ﮫﮬﮭﮮﮯﮰﮱ ﯓ ​

Kisha wao, baada ya kuyala ni wenye kunywa kinywaji mchanganyiko kilicho kibaya na kilicho moto.

آية رقم 68

ﯔﯕﯖﯗﯘ ﯙ ​

Kisha marejeo yao baada ya adhabu hii ni kuishia (hukohuko) kwenye adhabu ya Moto.

آية رقم 69

ﯚﯛﯜﯝ ﯞ ​

Hakika wao waliwakuta baba zao kwenye ushirikina na upotevu,

آية رقم 70

ﯟﯠﯡﯢ ﯣ ​

na wakakimbilia kuwafuata katika hilo.

آية رقم 71

ﯤﯥﯦﯧﯨ ﯩ ​

na kwa hakika, kabla ya watu wako, ewe Mtume, walipotea na kuwa kando na haki ummah wengi waliotangulia.

آية رقم 72

ﯪﯫﯬﯭ ﯮ ​

Na kwa hakika, tuliwatumiliza kwa ummah hao Mitume waliowaonya adhabu, lakini wakakanusha.

آية رقم 73

ﯯﯰﯱﯲﯳ ﯴ ​

Basi fikiria: ulikuwa vipi mwisho wa ummah hao walioonywa na wakakanusha? Waliadhibiwa na wakawa ni mazingatio kwa watu.

آية رقم 74

ﯵﯶﯷﯸ ﯹ ​

Isipokuwa waja wa Mwenyezi Mungu Aliyowasafisha na Akawachagua kwa kuwapa rehema Yake kwa kule kumtakasa kwao Yeye.

آية رقم 75

ﯺﯻﯼﯽﯾ ﯿ ​

Na kwa hakika Alituita kwa kutuomba Nabii wetu Nūḥ tumlinde na watu wake, basi bora wa wenye kumuitikia tulikuwa ni sisi.

آية رقم 76

ﰀﰁﰂﰃﰄ ﰅ ​

Na tukamuokoa yeye na watu wa nyumbani kwake na Waumini pamoja naye kutokana na maudhi ya washirikina na kutokana na kuzamishwa kwa mafuriko makubwa.

آية رقم 77

ﭑﭒﭓﭔ ﭕ ​

Na tukawafanya watoto wa Nūḥ ndio wenye kusalia baada ya kuzamishwa watu wake.

آية رقم 78

ﭖﭗﭘﭙ ﭚ ​

Na tukamuwekea utajo mwema na sifa nzuri kwa watu waliokuja baada yake wakawa wanamtaja nazo.

آية رقم 79

ﭛﭜﭝﭞﭟ ﭠ ​

Amani imfikie Nūḥ na asalimike na kutajwa kwa ubaya katika kipindi cha watu wa mwisho, bali asifiwe na watu wa vizazi vinavyokuja baada yake.

آية رقم 80

ﭡﭢﭣﭤ ﭥ ​

Mfano wa malipo mema tuliomlipa Nūḥ, tutamlipa kila aliyefanya vizuri, miongoni mwa waja, katika kumtii Mwenyezi Mungu.

آية رقم 81

ﭦﭧﭨﭩ ﭪ ​

Hakika Nūḥ ni miongoni mwa waja wetu wenye kuamini, wenye kumtakasia Mwenyezi Mungu na wenye kufuata amri za Mwenyezi Mungu kivitendo.

آية رقم 82

ﭫﭬﭭ ﭮ ​

Kisha tukawazamisha wengine, wenye kukanusha kati ya watu wake, kwa mafuriko, kisisalie chochote, miongoni mwao, hata jicho lenye kupepesa.

آية رقم 83

ﭯﭰﭱﭲﭳ ﭴ ​

Na miongoni mwa waliokuwa katika nyendo za Nūḥ, njia yake na mila yake ni Nabii wa Mwenyezi Mungu Ibrāhīm,

آية رقم 84

ﭵﭶﭷﭸﭹ ﭺ ​

alipomjia Mola wake kwa moyo uliyojitenga na kila itikadi ya ubatilifu na tabia ya kujitukanisha,

آية رقم 85

ﭻﭼﭽﭾﭿﮀ ﮁ ​

alipomwambia babake na watu wake kwa njia ya kuwakanya, «Ni kitu gani hiko mnachokiabudu badala ya Mwenyezi Mungu?

آية رقم 86

ﮂﮃﮄﮅﮆ ﮇ ​

Je, mnataka kuabudu waungu wa kuzuliwa na mnaacha kumuabudu Mwenyezi Mungu Anayestahiki kuabudiwa Peke Yake?

آية رقم 87

ﮈﮉﮊﮋ ﮌ ​

Mnamdhani Mola wa viumbe vyote Atawafanya nini mkimshirikisha Yeye na mkamuabudu asiyekuwa Yeye?

آية رقم 88

ﮍﮎﮏﮐ ﮑ ​

Akatazama mtazamo mmoja kwenye nyota kulingana na mila ya watu wake kuhusu hilo, huku akifikiria udhuru wa kuutoa ili asipate kutoka na wao kwenda kwenye sherehe zao,

آية رقم 89

ﮒﮓﮔ ﮕ ​

akawaambia, «Mimi ni mgonjwa.» Hii ilikuwa ni ishara ya mbali kutoka kwake.

آية رقم 90

ﮖﮗﮘ ﮙ ​

Basi wakamuacha nyuma yao.

آية رقم 91

ﮚﮛﮜﮝﮞﮟ ﮠ ​

Akabeta kwa haraka kuelekea kwenye masanamu wa watu wake, akasema kwa njia ya kuwakejeli, «Si mkile chakula hiki ambacho washika mlango wenu wanawapatia?

آية رقم 92

ﮡﮢﮣﮤ ﮥ ​

Muna nini nyinyi mbona hamsemi wala hamumjibu mwenye kuwaomba?

آية رقم 93

ﮦﮧﮨﮩ ﮪ ​

Akawaelekea waungu wao kuwapiga na kuwavunja-vunja kwa mkono wake wa kulia, ili kuwathibitishia makosa ya kuwaabudu.

آية رقم 94

ﮫﮬﮭ ﮮ ​

Wakaja kumkabili kwa haraka na mbio huku wana hasira.

آية رقم 95

ﮯﮰﮱﯓ ﯔ ​

Ibrāhīm akakutana na wao akiwa imara kwa kusema, «Vipi mtaabudu masanamu mnaowachonga nyinyi wenyewe na mnaowatengeneza kwa mikono yenu,

آية رقم 96

ﯕﯖﯗﯘ ﯙ ​

na mnaacha kumuabudu Mola wenu Aliyewaumba nyinyi na Akayaumba matendo yenu?»

آية رقم 97

ﯚﯛﯜﯝﯞﯟﯠ ﯡ ​

Hoja ilipowasimamia, waliamua kutumia nguvu na wakasema, «Jengeni jengo kwa ajili yake, mlijaze kuni kisha mumtupe ndani yake»

آية رقم 98

ﯢﯣﯤﯥﯦ ﯧ ​

Watu wa Ibrāhīm wakataka kumfanyia vitimbi ili wamuangamize, tukawafanya wao kuwa ndio wenye kutendeshwa nguvu na kushindwa. Mwenyezi Mungu Akavirudisha vitimbi vyao kwenye shingo zao na akaufanya ule moto uwe baridi na salama kwa Ibrāhīm.

آية رقم 99

ﯨﯩﯪﯫﯬﯭ ﯮ ​

Akasema Ibrāhīm, «Mimi nahamia kwa Mola wangu kutoka kwenye mji wa watu wangu kuelekea pale ambapo nitamakinika kumuabudu Mola wangu, kwani Yeye Atanielekeza kwenye kheri ya Dini yangu na dunia yangu.

آية رقم 100

ﯯﯰﯱﯲﯳ ﯴ ​

Mola wangu! Nipe mtoto mwema.»

آية رقم 101

ﯵﯶﯷ ﯸ ​

Tukamkubalia ombi lake na tukambashiria kuwa atapata mtoto wa kiume atakayekuwa mpole ukubwani mwake, naye ni Ismā'īl.

آية رقم 102

ﯹﯺﯻﯼﯽﯾﯿﰀﰁﰂﰃﰄﰅﰆﰇﰈﰉﰊﰋﰌﰍﰎﰏﰐﰑﰒﰓﰔ ﰕ ​

Alipokuwa mkubwa Ismā'īl, akawa anatembea na babake, babake alimwambia, «Mimi nimeona usingizini kuwa ninakuchinja, je, una maoni gani?» (na ndoto za Manabii ni za kweli). Ismā'īl akasema, kwa kumridhisha Mola wake, kumtii mzazi wake na kumsaidia juu ya utiifu wa Mwenyezi Mungu, «Endelea katika jambo Alilokuamrisha Mwenyezi Mungu la kunichinja mimi. Utanikuta, Mwenyezi Mungu Akitaka, ni mvumilivu, mtiifu na ni mwenye kutarajia malipo mema (kutoka kwa Mwenyezi Mungu)».

آية رقم 103

ﭑﭒﭓﭔ ﭕ ​

Walipojisalimisha wao wawili kwa kuifuata amri ya Mwenyezi Mungu na kuiandama, na Ibrāhīm akambwaga Ismā'īl chini, kwa upande wa paji la uso, ili kumchinja.

آية رقم 104

ﭖﭗﭘ ﭙ ​

Na tukamuita Ibrāhīm katika hali hiyo ngumu kwamba: Ewe Ibrāhīm! Umeshalifanya uliloamrishwa na, kwa hivyo,

آية رقم 105

ﭚﭛﭜﭝﭞﭟﭠﭡ ﭢ ​

umeisadikisha ndoto yako. Hakika yetu sisi kama vile tulivyokulipa mema kwa kuamini kwako , ndivyo tunavyowalipa wale waliofanya wema mfano wako, tuwaepushie shida duniani na Akhera.

آية رقم 106

ﭣﭤﭥﭦﭧ ﭨ ​

Hakika amri ya kuwa wewe umuue mwano ndio mtihani mgumu uliodhihirisha ukweli wa Imani yako.

آية رقم 107

ﭩﭪﭫ ﭬ ​

Na tukamuokoa Ismā'īl, na tukamuekea kondoo mkubwa kuwa ni badala yake.

آية رقم 108

ﭭﭮﭯﭰ ﭱ ​

Na tukambakishia Ibrāhīm baada yake sifa njema kwa watu.

آية رقم 109

ﭲﭳﭴ ﭵ ​

Maamkizi kwa Ibrāhīm kutoka kwa Mola wake na kumuombea asalimike na kila dhara.

آية رقم 110

ﭶﭷﭸ ﭹ ​

Kama tulivyomlipa malipo mema Ibrāhīm kwa utiifu wake kwetu na kufuata kwake amri yetu, ndivyo tutakavyowalipa wenye kufanya wema miongoni mwa waja wetu.

آية رقم 111

ﭺﭻﭼﭽ ﭾ ​

Hakika yeye ni miongoni mwa waja wetu Waumini waliyoipa hiyo sifa ya uja haki yake.

آية رقم 112

ﭿﮀﮁﮂﮃ ﮄ ​

Na tukampa bishara Ibrāhīm ya mtoto wake, Isḥāq, kuwa atakuwa Nabii, miongoni mwa watu wema. Hayo yakiwa ni malipo ya uvumilivu wake na kuridhika kwake na amri ya Mola wake na utiifu wake Kwake.

آية رقم 113

ﮅﮆﮇﮈﮉﮊﮋﮌﮍﮎﮏ ﮐ ​

Na tukawateremshia baraka. Na miongoni mwa wale wanaotokana na kizazi chao kuna anayemtii Mola wake, anayeifanyia wema nafsi yake, na kuna anayeidhulumu (nafsi yake) dhulma iliyo wazi kwa ukafiri wake na utendaji wake maasia.

آية رقم 114

ﮑﮒﮓﮔﮕ ﮖ ​

Na kwa hakika tuliwafanyia wema Mūsā na Hārūn kwa kuwapa unabii na utume.

آية رقم 115

ﮗﮘﮙﮚﮛ ﮜ ​

Na tukawaokoa wao wawili na watu wao kutokana na gharika, utumwa na unyonge waliokuwa nao.

آية رقم 116

ﮝﮞﮟﮠ ﮡ ​

Na tukawanusuru, wakawa na enzi, usaidizi na ushindi juu ya Fir'awn na jamaa zake.

آية رقم 117

ﮢﮣﮤ ﮥ ​

Na tukawapa wao wawili Taurati yenye ufafanuzi,

آية رقم 118

ﮦﮧﮨ ﮩ ​

na tukawaongoza njia iliyonyoka isiyokuwa na upotovu, nayo ni Uislamu, Dini ya Mwenyezi Mungu ambayo Amewatumiliza Manabii Wake kwayo,

آية رقم 119

ﮪﮫﮬﮭ ﮮ ​

na tukazifanya sifa zao nzuri na utajo wao mwema ni vyenye kusalia baada yao.

آية رقم 120

ﮯﮰﮱﯓ ﯔ ​

Maamkizi kwa Mūsā na Hārūn kutoka kwa Mwenyezi Mungu, na sifa njema na kuwaombea wao wasalimike na kila dhara.

آية رقم 121

ﯕﯖﯗﯘ ﯙ ​

Kama tulivyowalipa wao malipo mema , ndivyo tutakavyowalipa wenye kufanya wema miongoni mwa waja wetu wenye kututakasia kwa ukweli, kuamini na kutenda.

آية رقم 122

ﯚﯛﯜﯝ ﯞ ​

Hakika ya wao wawili ni miongoni mwa waja wetu waliojikita katika Imani.

آية رقم 123

ﯟﯠﯡﯢ ﯣ ​

Na hakika mja wetu Ilyas ni miongoni mwa wale ambao tuliwakirimu kwa unabii na utume.

آية رقم 124

ﯤﯥﯦﯧﯨ ﯩ ​

Kumbuka na utaja pindi aliposema kuwaambia watu wake, kati ya Wana wa Isrāīl, «Mcheni Mwenyezi Mungu, Peke Yake, na mumuogope, na msimshirikishe mwengine pamoja na Yeye.

آية رقم 125

ﯪﯫﯬﯭﯮ ﯯ ​

Vipi nyinyi mtaliabudu sanamu ambalo ni kiumbe dhaifu na mtamuacha Mzuri wa kuumba, Mwenye sifa nzuri na kamilifu kabisa,

آية رقم 126

ﯰﯱﯲﯳﯴ ﯵ ​

mkawa hamtamuabudu Mwenyezi Mungu Ambaye ni Mola wenu Aliyewaumba nyinyi na Akawaumba baba zenu waliopita kabla yenu?»

آية رقم 127

ﭑﭒﭓ ﭔ ​

Watu wa Ilyas walimkanusha Nabii wao. Basi Mwenyezi Mungu , kwa hakika, Atawakusanya Siku ya Kiyama ili wahesabiwe na wateswe.

آية رقم 128

ﭕﭖﭗﭘ ﭙ ​

Isipokuwa wale waja wa Mwenyezi Mungu waliomtakasia Mwenyezi Mungu Dini yao, basi hao ni wenye kuokoka na adhabu Yake.

آية رقم 129

ﭚﭛﭜﭝ ﭞ ​

Tulimfanya Ilyas awe na sifa nzuri kwa ummah waliokuja baada yake.

آية رقم 130

ﭟﭠﭡﭢ ﭣ ​

Maamkizi kutoka kwa Mwenyezi Mungu na sifa njema kwa Ilyas.

آية رقم 131

ﭤﭥﭦﭧ ﭨ ​

Na kama tulivyomlipa Ilyas malipo mema kwa utiifu wake, ndivyo tutakavyowalipa walio wema miongoni mwa waja wetu Waumini.

آية رقم 132

ﭩﭪﭫﭬ ﭭ ​

Hakika yake yeye ni miongoni mwa waja wa Mwenyezi Mungu waliomtakasia wenye kufuata amri zake kivitendo.

آية رقم 133

ﭮﭯﭰﭱ ﭲ ​

Na hakika mja wetu Lūṭ tulimchagua na tukamfanya ni miongoni mwa Mitume.

آية رقم 134

ﭳﭴﭵﭶ ﭷ ​

Tulipomuokoa yeye na watu wa nyumbani kwake wote,

آية رقم 135

ﭸﭹﭺﭻ ﭼ ​

isipokuwa mkongwe aliyezeeka, naye ni mke wake, ambaye aliangamia pamoja na wale walioangamia miongoni mwa watu wake kwa ukafiri wake.

آية رقم 136

ﭽﭾﭿ ﮀ ​

Kisha tukawaangamiza wakanushaji waliosalia miongoni mwa watu wake.

آية رقم 137

ﮁﮂﮃﮄ ﮅ ​

Na hakika yenu nyinyi, enyi watu wa Makkah mnazipitia katika safari zenu nyumba za watu wa Lūṭ na athari zao katika kipindi cha asubuhi,

آية رقم 138

ﮆﮇﮈﮉ ﮊ ​

na pia mnazipitia katika kipindi cha usiku. Basi hamtii akilini, mkaogopa kisije kikawafika nyinyi kile kilichowafika wao?

آية رقم 139

ﮋﮌﮍﮎ ﮏ ​

Hakika mja wetu Yūnus, tulimchagua na tukamfanya ni miongoni mwa Mitume.

آية رقم 140

ﮐﮑﮒﮓﮔ ﮕ ​

Alipokimbia kutoka mji wake, akiwa na hasira juu ya watu wake, akapanda jahazi iliyojaa abiria na vyombo.

آية رقم 141

ﮖﮗﮘﮙ ﮚ ​

Mawimbi makubwa yakaizunguka jahazi hiyo kila upande. Na watu waliokuwa wamepanda jahazi wakapiga kura ili kupunguza shehena ili wasizame. Yūnus akawa ni miongoni mwa wale walioshindwa kwa kura.

آية رقم 142

ﮛﮜﮝﮞ ﮟ ​

Hivyo basi akatupwa baharini na chewa akammeza, na hali ni kwamba Yūnus, amani imshukie, ameleta jambo la kumfanya alaumiwe.

آية رقم 143

ﮠﮡﮢﮣﮤ ﮥ ​

Lau si yale yaliyotangulia kwake, ya wingi wa Ibada na matendo mema kabla ya kuingia ndani ya tumbo la chewa kwa kusema, «Hapana Mola anayepasa kuabudiwa kwa haki isipokuwa wewe, kutakasika na sifa za upungufu ni kwako, mimi nimekuwa miongoni mwa wenye kudhulumu,»

آية رقم 144

ﮦﮧﮨﮩﮪﮫ ﮬ ​

angalikaa ndani ya tumbo la chewa, na lingalikuwa ni kaburi lake mpaka Siku ya Kiyama.

آية رقم 145

ﮭﮮﮯﮰﮱ ﯓ ​

Tukamtoa kwenye tumbo la chewa na tukamtupa kwenye ardhi tupu, isiyokuwa na miti wala majengo, akiwa dhaifu wa mwili.

آية رقم 146

ﯔﯕﯖﯗﯘ ﯙ ​

Na tukamuoteshea mmea wa matango ili umfinike na anufaike nao.

آية رقم 147

ﯚﯛﯜﯝﯞﯟ ﯠ ​

Tukamtumiliza aende kwa watu wake wanaofikia elfu mia moja, bali wanazidi idadi hiyo.

آية رقم 148

ﯡﯢﯣﯤ ﯥ ​

Wakamuamini na wakafuata aliyokuja nayo kivitendo, na kwa hivyo tukawastarehesha maishani mwao mpaka wakati wa kufika ajali zao.

آية رقم 149

ﯦﯧﯨﯩﯪ ﯫ ​

Basi waulize watu wako, ewe Mtume, «Ni vipi wamemfanya Mwenyezi Mungu ana watoto wa kike ambao wao wenyewe wanawachukia, na wao wana watoto wa kiume wanaowataka?»

آية رقم 150

ﯬﯭﯮﯯﯰﯱ ﯲ ​

Na waulize wao, «Je, tuliwaumba Malaika wakiwa wanawake, na hali wao wapo (wakishuhudia uumbaji huo)?»

آية رقم 151

ﯳﯴﯵﯶﯷ ﯸ ​

Na miongoni mwa urongo wao ni kule kusema kwao, «Mwenyezi Mungu Amezaa!

آية رقم 152

ﯹﯺﯻﯼ ﯽ ​

Na kwa hakika, wao ni warongo, kwa kuwa wanakisema wasichokijua.»

آية رقم 153

ﯾﯿﰀﰁ ﰂ ​

Ni kwa kitu gani Mwenyezi Mungu Achague watoto wa kike na sio wa kiume?

آية رقم 154

ﭑﭒﭓﭔ ﭕ ​

Ni uamuzi mbaya sana mnaoutoa, enyi watu, wa kuwa Mwenyezi Mungu Ana watoto wa kike na nyinyi mna watoto wa kiume, na hali nyinyi hamridhiki nafsi zenu kuwa na watoto wa kike.

آية رقم 155

ﭖﭗ ﭘ ​

Je, hamkumbuki kwamba haifai wala haitakikani Awe na mtoto? Ametukuka Mwenyezi Mungu na kuwa mbali na hilo, umbali ulio juu sana.

آية رقم 156

ﭙﭚﭛﭜ ﭝ ​

Lakini je, mna hoja ya wazi juu ya hilo neno lenu na uzushi wenu?

آية رقم 157

ﭞﭟﭠﭡﭢ ﭣ ​

Iwapo mna hoja ndani ya kitabu kitokacho kwa Mwenyezi Mungu, basi kileteni, mkiwa ni wa kweli katika hilo neno lenu.

آية رقم 158

ﭤﭥﭦﭧﭨﭩﭪﭫﭬﭭﭮ ﭯ ​

Na washirikina walifanya kuwa kuna uhusiano wa kizazi baina ya Mwenyezi Mungu na Malaika, na hakika ni kwamba Malaika washajua kuwa washirikina ni wenye kuletwa Siku ya Kiyama ili kuadhibiwa.

آية رقم 159

ﭰﭱﭲﭳ ﭴ ​

Ametakasika Mwenyezi Mungu na kila lisilofaa asifike nalo miongoni mwa yale wanaomsifu nayo washirikina.

آية رقم 160

ﭵﭶﭷﭸ ﭹ ​

Lakini wale waja wa Mwenyezi Mungu wanaomtakasia katika kumuabudu hawamsifu isipokuwa kwa sifa zinazolingana na utukufu Wake, kutakasika ni Kwake.

آية رقم 161

ﭺﭻﭼ ﭽ ​

Hakika yenu nyinyi, enyi wenye kumshirikisha Mwenyezi Mungu, na kile mnachokiabudu badala ya Mwenyezi Mungu miongoni mwa waungu,

آية رقم 162

ﭾﭿﮀﮁ ﮂ ​

hamkuwa ni wenye kumpoteza yoyote

آية رقم 163

ﮃﮄﮅﮆﮇ ﮈ ​

isipokuwa yule Aliyemkadiria Mwenyezi Mungu aingie kwenye Moto wa Jaḥīm kwa sababu ya ukafiri wake na udhalimu wake.

آية رقم 164

ﮉﮊﮋﮌﮍﮎ ﮏ ​

Malaika wanasema, «Hakuna yoyote miongoni mwetu isipokuwa ana makao maalumu mbinguni.

آية رقم 165

ﮐﮑﮒ ﮓ ​

Na sisi ndio tunaosimama kwa kujipanga kwa safu katika kumuabudu Mwenyezi Mungu na kumtii.

آية رقم 166

ﮔﮕﮖ ﮗ ​

Na sisi ndio tunaomtakasa Mwenyezi Mungu na kila kisichofaa kunasibishwa nacho.»

آية رقم 167

ﮘﮙﮚ ﮛ ​

Na hakika makafiri wa Makkah walikuwa wakisema kabla hujatumilizwa,

آية رقم 168

ﮜﮝﮞﮟﮠﮡ ﮢ ​

«Ewe Mtume! Lau vingalitujia vitabu na Manabii vile vilivyowajia wa mwanzo kabla yetu,

آية رقم 169

ﮣﮤﮥﮦ ﮧ ​

tungalikuwa waja wa Mwenyezi Mungu wakweli katika Imani, waliotakaswa kwa kufanya Ibada.»

آية رقم 170

ﮨﮩﮪﮫﮬ ﮭ ​

Ulipowajia wao utajo wa watu wa mwanzo na utajo wa watu wa mwisho na kitabu kikamilifu kabisa na bora wa Mitume, naye ni Muhammad, rehema ya Mwenyezi Mungu na amani zimshukie, walimkanusha. Basi wataijua adhabu watakayopatiwa Siku ya Mwisho.

آية رقم 171

ﮮﮯﮰﮱﯓ ﯔ ​

Kwa hakika lishatangulia neno letu, ambalo halina namna ya kurudi, la kuwaahidi waja wetu waliopewa utume

آية رقم 172

ﯕﯖﯗ ﯘ ​

kwamba watapata usaidizi juu ya maadui zao, kwa hoja na nguvu,

آية رقم 173

ﯙﯚﯛﯜ ﯝ ​

na kwamba askari wetu wanaopigana jihadi katika njia yetu ndio wenye kuwashinda maadui zao kila mahali, kuzingatia mwishoni na marejeo.

آية رقم 174

ﯞﯟﯠﯡ ﯢ ​

Basi wape mgongo, ewe Mtume, wale walioshindana na wasiikubali haki mpaka ukamalizika muda waliopatiwa muhula na ikaja amri ya Mwenyezi Mungu ya wao kuadhibiwa,

آية رقم 175

ﯣﯤﯥ ﯦ ​

wangojee na subiri uone: ni adhabu gani itakayowashukia wao kwa kuenda kinyume nawe? Basi wataiona adhabu ya Mwenyezi Mungu itakayowashukia.

آية رقم 176

ﯧﯨ ﯩ ​

Je kuteremkiwa kwao na adhabu yetu ndilo jambo wanalokuharakishia, ewe Mtume?

آية رقم 177

ﯪﯫﯬﯭﯮﯯ ﯰ ​

Basi adhabu yetu itakapowashukia, asubuhi mbaya zaidi ni asubuhi yao!

آية رقم 178

ﯱﯲﯳﯴ ﯵ ​

Na uwape mgongo mpaka Mwenyezi Mungu Atoe idhini ya wao kuadhibiwa.

آية رقم 179

ﯶﯷﯸ ﯹ ​

Na uwangojee, kwani wataiona adhabu itakayowashukia na mateso.

آية رقم 180

ﯺﯻﯼﯽﯾﯿ ﰀ ​

Mola wa enzi na utukufu Ameepukana na kuwa juu ya kila kile ambacho wanaomzulia urongo wanamsifu nacho.

آية رقم 181

ﰁﰂﰃ ﰄ ​

Na maamkizi ya Mwenyezi Mungu ya daima,sifa Zake na amani Yake ziwafikie Mitume wote.

آية رقم 182

ﰅﰆﰇﰈ ﰉ ​

Na shukrani na sifa njema ni za Mola wa viumbe wote ulimwenguni na Akhera. Yeye Ndiye Mstahiki wa hilo Peke Yake, Hana mshirika Wake.