ترجمة معاني سورة البينة
باللغة الفلبينية من كتاب الترجمة الفلبينية (تجالوج)
.
من تأليف:
مركز رواد الترجمة بالتعاون مع موقع دار الإسلام
.
ﰡ
Ang mga tumangging sumampalataya kabilang sa mga May Kasulatan at mga tagatambal ay hindi naging mga kumakalas hanggang sa makarating sa kanila ang malinaw na patunay:
isang Sugo mula kay Allāh na bumibigkas ng mga pahinang dinalisay,
na sa mga ito ay may mga nakasulat na matuwid.
At hindi nagkahati-hati ang mga binigyan ng kasulatan kundi noong matapos na dumating sa kanila ang malinaw na patunay.
At hindi sila inuutusan kundi upang sumamba sila kay Allāh bilang mga nagpapakawagas sa Kanya sa relihiyon bilang mga makakatotohanan, magpanatili sila ng dasal, at magbigay sila ng zakāh. Iyon ay ang relihiyon ng pagkamatuwid.
Tunay na ang mga tumangging sumampalataya kabilang sa mga May Kasulatan at mga tagatambal ay nasa Apoy ng Impiyerno bilang mga mananatili roon. Ang mga iyon ay ang pinakamasama sa sangkinapal.
Tunay na ang mga sumampalataya at gumawa ng mga maayos, ang mga iyon ay ang pinakamabuti sa sangkinapal.
Ang ganti sa kanila sa ganang Panginoon nila ay mga Hardin ng Eden na dumadaloy mula sa ilalim ng mga ito ang mga ilog bilang mga mananatili sa mga ito magpakailanman. Nalugod si Allāh sa kanila at nalugod sila sa Kanya. Iyon ay ukol sa sinumang natakot sa Panginoon niya.
