ترجمة معاني سورة النحل
باللغة الفلبينية من كتاب الترجمة الفلبينية (تجالوج)
.
من تأليف:
مركز رواد الترجمة بالتعاون مع موقع دار الإسلام
.
ﰡ
Darating ang pasya ni Allāh kaya huwag ninyong madaliin ito. Napakamaluwalhati Niya at pagkataas-taas Niya kaysa sa anumang itinatambal ninyo.
Nagpapababa Siya ng mga anghel kasama ng Espiritu mula sa utos Niya sa kaninumang niloloob Niya kabilang sa mga lingkod Niya, [na nag-uutos na:] "Magbabala kayo na walang Diyos kundi Ako."
Lumikha Siya ng mga langit at lupa ayon sa katotohanan. Pagkataas-taas Niya kaysa sa anumang itinatambal nila.
Lumikha Siya sa tao mula sa patak at biglang ito ay isang mapag-alitang malinaw.
Ang mga hayupan ay nilikha Niya ang mga ito para sa inyo; sa mga ito ay may init at mga pakinabang, at mula sa mga ito ay kumakain kayo.
Ukol sa inyo sa mga ito ay karilagan kapag ipinapahinga ninyo at ipinapastol ninyo.
Nagdadala ang mga ito sa mga mabigat ninyo tungo sa isang bayang hindi kayo aabot doon malibang may isang hirap ng mga sarili. Tunay na ang Panginoon ninyo ay talagang Mahabagin, Maawain.
Ang mga kabayo, ang mga mola, at ang mga asno ay upang sakyan ninyo ang mga ito at bilang gayak. Lumilikha Siya ng mga hindi ninyo nalalaman.
Nasa kay Allāh ang pagpapalinaw sa landas, at kabilang sa mga [daang] ito ay nakahilig. Kung sakaling niloob Niya, talaga sanang nagpatnubay Siya sa inyo nang sama-sama.
Siya ay ang nagpababa mula sa langit ng tubig; ukol sa inyo mula roon ay inumin at mula roon ay halamang doon ay nagpapastol kayo.
Nagpapatubo Siya para sa inyo sa pamamagitan niyon ng mga pananim, mga oliba, mga datiles, mga ubas, at kabilang sa lahat ng mga bunga. Tunay na sa gayon ay talagang may tanda ukol sa mga taong nag-iisip-isip.
Pinagsilbi Niya para sa inyo ang gabi at ang maghapon, at ang araw at ang buwan. Ang mga bituin ay mga pinagsisilbi ayon sa utos Niya. Tunay na sa gayon ay talagang may mga tanda para sa mga taong umuunawa.
[Pinagsilbi Niya] ang anumang nilalang Niya para sa inyo sa lupa na nagkakaiba-iba ang mga kulay nito. Tunay na sa gayon ay talagang may tanda para sa mga taong nag-aalaala.
Siya ay ang nagpasilbi sa dagat upang kumain kayo mula rito ng sariwang laman, humango kayo mula rito ng hiyas na isinusuot ninyo – at nakikita mo ang mga daong habang mga bumubungkal dito – at upang maghangad kayo mula sa kabutihang-loob Niya, at nang sa gayon kayo ay magpapasalamat.
Naglapat Siya sa lupa ng mga matibay na bundok nang hindi gumalaw-galaw ang mga ito kasama ninyo, mga ilog, mga landas nang sa gayon kayo ay mapapatnubayan,
at mga palatandaan. Sa pamamagitan ng bituin, sila ay napapatnubayan.
Kaya ang sinumang lumilikha ba ay gaya ng sinumang hindi lumilikha? Kaya hindi ba kayo mag-aalaala?
Kung bibilangin ninyo ang biyaya ni Allāh ay hindi ninyo ito maiisa-isa. Tunay na si Allāh ay talagang Mapagpatawad, Maawain.
Si Allāh ay nakaaalam sa anumang inililihim ninyo at anumang inihahayag ninyo.
Ang mga dinadalanginan nila bukod pa kay Allāh ay hindi lumilikha ng anuman samantalang ang mga ito ay nililikha.
Mga patay hindi mga buhay at hindi nakararamdam ang mga ito kung kailan bubuhayin ang mga ito.
Ang Diyos ninyo ay Diyos na nag-iisa. Ang mga hindi sumasampalataya sa Kabilang-buhay, ang mga puso nila ay mga nagkakaila habang sila ay mga nagmamalaki.
Walang pasubali na si Allāh ay nakaaalam sa anumang inililihim nila at anumang inihahayag nila. Tunay na Siya ay hindi umiibig sa mga nagmamalaki.
Kapag sinabi sa kanila: "Ano ang ibinaba ng Panginoon ninyo," magsasabi sila: "Mga alamat ng mga sinauna,"
upang magbuhat sila ng mga pasanin nila nang buo sa Araw ng Pagbangon at ng bahagi ng mga pasanin ng mga pinaliligaw nila nang walang kaalaman. Pansinin, kay sagwa ang pinapasan nila!
Nagpakana nga ang mga nauna sa kanila kaya pumunta si Allāh sa gusali nila mula sa mga pundasyon kaya gumuho sa kanila ang bubong mula sa ibabaw nila at pumunta sa kanila ang pagdurusa mula sa kung saan hindi nila nararamdaman.
Pagkatapos sa Araw ng Pagbangon ay mandudusta Siya sa kanila at magsasabi Siya: "Nasaan na ang mga katambal sa Akin na kayo dati ay nakikipaghidwaan dahil sa kanila?" Magsasabi ang mga binigyan ng kaalaman: "Tunay na ang kadustaan sa araw na ito at ang kasagwaan ay ukol sa mga tagatangging sumampalataya,
na mga nagpapapanaw sa kanila ang mga anghel habang mga tagalabag sa katarungan sa mga sarili nila." Kaya mag-uukol sila ng pagsuko, [na nagsasabi]: "Hindi kami noon gumagawa ng anumang kasagwaan." Bagkus tunay na si Allāh ay Maalam sa anumang ginagawa ninyo noon.
Kaya pumasok kayo sa mga pinto ng Impiyerno bilang mga mananatili roon, at talagang kaaba-aba ang tirahan ng mga mapagmalaki!
Sasabihin sa mga nangilag magkasala: "Ano ang ibinaba ng Panginoon ninyo?" Magsasabi sila: "Kabutihan." Ukol sa mga gumawa ng maganda sa Mundong ito ay isang maganda. Talagang ang tahanan sa Kabilang-buhay ay higit na mabuti. Talagang kay inam ang tahanan ng mga tagapangilag magkasala:
mga Hardin ng Eden na papasukin nila, na dumadaloy mula sa ilalim ng mga ito ang mga ilog. Ukol sa kanila roon ang anumang loloobin nila. Gayon gaganti si Allāh sa mga tagapangilag magkasala,
na mga nagpapapanaw sa kanila ang mga anghel habang mga kaaya-aya, na nagsasabi: "Kapayapaan ay sumainyo. Pumasok kayo sa Paraiso dahil sa ginagawa ninyo noon."
Wala silang hinihintay malibang pumunta sa kanila ang mga anghel o pumunta sa kanila ang utos ng Panginoon mo. Gayon ang ginawa ng mga nauna sa kanila. Hindi lumabag si Allāh sa katarungan sa kanila subalit sila noon sa mga sarili nila ay lumalabag sa katarungan.
Kaya dumapo sa kanila ang mga masagwa sa ginawa nila at pumalibot sa kanila ang kinukutya nila noon.
Nagsabi ang mga nagtambal: "Kung sakaling niloob ni Allāh ay hindi kami sumamba sa bukod pa sa Kanya na anuman, hindi kami ni ang mga ninuno namin, at hindi kami nagbawal ng anuman bukod pa sa ayon sa Kanya." Gayon ang ginawa ng mga nauna sa kanila. Kaya may kailangan pa ba sa mga sugo kundi ang pagpapaabot na malinaw?
Talaga ngang nagpadala Kami sa bawat kalipunan ng isang sugo, na [nagsasabi]: "Sumamba kayo kay Allāh at umiwas kayo sa nagdidiyus-diyusan." Kaya kabilang sa kanila ay pinatnubayan ni Allāh at kabilang sa kanila ay naging karapat-dapat sa kanya ang kaligawan. Kaya maglakbay kayo sa lupa at tumingin kayo kung naging papaano ang kinahinatnan ng mga tagapagpasinungaling.
Kung nagsisigasig ka sa pagpatnubay sa kanila, tunay na si Allāh ay hindi nagpapatnubay sa nililigaw Niya at walang ukol sa kanilang mga tagapag-adya.
Nanumpa sila kay Allāh ayon sa mariing panunumpa nila na hindi bubuhay si Allāh sa sinumang mamamatay. Bagkus, [bubuhay Siya] bilang isang pangakong totoo sa Kanya, subalit ang higit na marami sa mga tao ay hindi nakaaalam,
upang linawin Niya sa kanila ang hinggil sa nagkakaiba-iba sila at upang malaman ng mga tumatangging sumampalataya na sila noon ay mga sinungaling.
Ang sabi Namin lamang sa isang bagay kapag nagnais Kami nito ay na magsabi Kami rito ng "Mangyari" at mangyayari ito.
Ang mga lumikas alang-alang kay Allāh matapos na nilabag sila sa katarungan ay talagang patitirahin nga Namin sila sa mundo nang maganda. Talagang ang gantimpala sa Kabilang-buhay ay higit na malaki kung sakaling nalalaman nila noon.
[Sila] ang mga nagtiis at sa Panginoon nila ay nananalig.
Hindi Kami nagsugo sa mga nauna sa iyo kundi ng mga lalaking nagkasi Kami sa kanila. Kaya magtanong kayo sa mga may kaalaman kung nangyaring kayo ay hindi nakaaalam.
[Isinugo sila] dala ang mga malinaw na patunay at ang mga kalatas. Nagbaba Kami sa iyo ng paalaala upang linawin mo sa mga tao ang pinababa sa kanila at nang sa gayon sila ay mag-iisip-isip.
Kaya natiwasay ba ang mga nagpakana ng mga gawang masagwa na baka magpalamon si Allāh sa kanila sa lupa, o dumating sa kanila ang pagdurusa mula sa kung saan hindi nila nararamdaman,
o kukunin Niya sila habang nasa paggala-gala nila at hindi sila mga makalulusot,
o kukunin Niya sila habang nasa isang pangangamba-ngamba? Ngunit tunay na ang Panginoon ninyo ay talagang Mahabagin, Maawain.
Hindi ba sila tumingin sa nilikha ni Allāh na bagay, na humihilig ang anino ng mga iyon sa dakong kanan at sa dakong kaliwa, na mga nagpapatirapa kay Allāh habang ang mga iyon ay mga nagpapakaaba?
Kay Allāh nagpapatirapa ang anumang nasa mga langit, ang anumang nasa lupa na hayop, at ang mga anghel habang sila ay hindi nagmamalaki.
Nangangamba sila sa Panginoon nila na nasa itaas nila at gumagawa sila ng ipinag-uutos sa kanila.
Nagsabi si Allāh: "Huwag kayong gumawa ng dalawang diyos. Siya ay Diyos na nag-iisa lamang, kaya sa Akin kayo mangilabot."
Sa Kanya ang anumang nasa mga langit at lupa at ukol sa Kanya ang pagtalima nang palagian. Kaya sa iba pa kay Allāh ba kayo nangingilag magkasala?
Ang anumang nasa inyo na biyaya ay mula kay Allāh. Pagkatapos ay kapag sumaling sa inyo ang kapinsalaan ay sa Kanya kayo lumuluhog.
Pagkatapos kapag pumawi Siya ng pinsala palayo sa inyo, biglang may isang pangkat kabilang sa inyo, na sa Panginoon nila ay nagtatambal
upang magkaila sa anumang ibinigay Namin sa kanila. Kaya magtamasa kayo at malalaman ninyo.
Nagtatalaga sila para sa hindi nila nalalaman ng isang bahagi mula sa itinustos Namin sa kanila. Sumpa man kay Allāh, talagang tatanungin nga kayo tungkol sa ginagawa-gawa ninyo noon.
Nagtatalaga sila para kay Allāh ng mga babaing anak – napakamaluwalhati Niya – at para sa kanila naman ang ninanasa nila.
Kapag binalitaan ang isa sa kanila ng [pagkasilang ng anak na] babae, ang mukha niya ay naging nangingitim habang siya ay nalulumbay.
Nagtatago siya sa mga tao dahil sa sagwa ng ibinalita sa kanya. Pananatilihin ba niya ito sa pagkahamak o ibabaon niya ito sa alabok? Pansinin, kay sagwa ang ihinahatol nila!
Taglay ng mga hindi naniniwala sa Kabilang-buhay ang katangian ng kasagwaan at taglay ni Allāh ang katangiang pinakamataas. Siya ay ang Makapangyarihan, ang Marunong.
Kung sakaling maninisi si Allāh sa mga tao dahil sa paglabag nila sa katarungan ay hindi sana Siya nag-iwan dito ng anumang nabubuhay, subalit ipinagpapahuli Niya sila hanggang sa isang taning na itinakda. Kaya kapag dumating ang taning nila ay hindi sila makapagpapahuli ng isang sandali at hindi sila makapagpapauna.
Gumagawa sila para kay Allāh ng kinasusuklaman nila. Naglalarawan ang mga dila nila ng kasinungalingan na ukol daw sa kanila ang pinakamaganda. Walang pasubali na ukol sa kanila ang Apoy at na sila ay mga pababayaan.
Sumpa man kay Allāh, talaga ngang nagsugo Kami sa mga kalipunang nauna sa iyo, ngunit ipinang-akit sa kanila ng demonyo ang mga gawa nila kaya siya ay tagatangkilik nila sa araw na ito at ukol sa kanila ay isang pagdurusang masakit.
Hindi Kami nagbaba sa iyo ng Aklat kundi upang linawin mo sa kanila ang nagkaiba-iba sila hinggil doon, at bilang patnubay at awa para sa mga taong sumasampalataya.
Si Allāh ay nagbaba mula sa langit ng tubig at bumuhay sa pamamagitan nito ng lupa matapos ng kamatayan nito. Tunay na sa gayon ay talagang may tanda ukol sa mga taong dumidinig.
Tunay na para sa inyo sa mga hayupan ay talagang may maisasaalang-alang. Nagpapainom Kami sa inyo ng mula sa mga tiyan ng mga ito - sa pagitan ng dumi at dugo - na gatas na dalisay na kasiya-siya para sa mga iinom.
Mula sa mga bunga ng mga punong-datiles at mga ubas ay gumagawa kayo ng isang nakalalasing at isang panustos na maganda. Tunay na sa gayon ay talagang may tanda para sa mga taong umuunawa.
Nagkasi ang Panginoon mo sa babaing bubuyog: "Gumawa ka mula sa mga bundok ng mga bahay, mula sa mga punong-kahoy, at mula sa ipinatitindig nila.
Pagkatapos ay kumain ka mula sa lahat ng mga bunga at tumahak ka sa mga landas ng Panginoon mo nang sunud-sunuran." May lumalabas mula sa mga tiyan nila na inumin na nagkakaiba-iba ang mga kulay nito, na may taglay itong lunas para sa mga tao. Tunay na sa gayon ay talagang may tanda para sa mga taong nag-iisip-isip.
Si Allāh ay lumikha sa inyo, pagkatapos ay nagpapapanaw sa inyo. Mayroon sa inyo na pinaaabot sa pinakahamak na gulang upang hindi siya makaalam, matapos ng pagkaalam, ng anuman. Tunay na si Allāh ay Maalam, May-kakayahan.
Si Allāh ay nagtangi ng iba sa inyo higit sa iba sa pagtutustos, ngunit ang mga itinangi ay hindi naglilipat ng panustos sa kanila sa mga minay-ari ng mga kanang kamay nila para sila ay maging kaugnay rito ay maging pantay. Kaya sa biyaya ni Allāh ba ay nagkakaila sila?
Si Allāh ay gumawa para sa inyo mula sa mga sarili ninyo ng mga asawa at gumawa para sa inyo mula sa mga asawa ninyo ng mga anak at mga apo. Tumutustos Siya sa inyo mula sa mga kaaya-ayang bagay. Kaya ba sa kabulaanan ay sumasampalataya sila at sa biyaya ni Allāh sila ay tumatangging kumilala?
Sumasamba sila sa iba pa kay Allāh na hindi nakapagdudulot para sa kanila ng panustos mula sa mga langit at lupa na anuman at hindi nakakakaya.
Kaya huwag kayong gumawa para kay Allāh ng mga paghahalintulad. Tunay na si Allāh ay nakaaalam samantalang kayo ay hindi nakaaalam.
Naglahad si Allāh ng isang paghahalimbawa sa isang aliping pinagmamay-ari na hindi nakakakaya ng anuman at isang tinustusan Namin mula sa Amin ng isang panustos na maganda kaya siya ay gumugugol mula roon nang palihim at hayagan. Nagkakapantay ba sila? Ang papuri ay ukol kay Allāh. Bagkus ang higit na marami sa kanila ay hindi nakaaalam.
Naglahad si Allāh ng isang paghahalimbawa sa dalawang lalaking ang isa sa kanilang dalawa ay pipi na hindi nakakakaya ng anuman at siya ay isang pabigat sa tagatangkilik niya, na saan man ito magbaling sa kanya ay hindi siya nakagagawa ng isang kabutihan. Nagkakapantay ba siya at ang sinumang nag-uutos sa katarungan habang ito ay nasa isang landasing tuwid?
Ukol kay Allāh ang [kaalaman sa] Lingid sa mga langit at lupa. Walang iba ang lagay ng Huling Sandali kundi gaya ng bilis ng sulyap ng paningin o higit na malapit. Tunay na si Allāh sa bawat bagay ay May-kakayahan.
Si Allāh ay nagpalabas sa inyo mula sa mga tiyan ng mga ina ninyo nang wala kayong nalalamang anuman at gumawa para sa inyo ng pandinig, mga paningin, at mga puso nang sa gayon kayo ay magpapasalamat.
Hindi ba sila tumingin sa mga ibon habang mga pinagsisilbi sa himpapawid ng langit? Walang humahawak sa mga ito kundi si Allāh. Tunay na sa gayon ay talagang may mga tanda para sa mga taong sumasampalataya.
Si Allāh ay gumawa para sa inyo mula sa mga bahay ninyo ng isang pagtahan, at gumawa para sa inyo mula sa mga balat ng mga hayupan ng mga bahay na magiging magaan para sa inyo ang mga ito sa araw ng paglalakbay ninyo at sa araw ng paninirahan ninyo, at mula sa mga lana ng mga ito, mga balahibo ng mga ito, at mga buhok ng mga ito ng kasangkapan at pagtatamasa sa pansamantala.
Si Allāh ay gumawa para sa inyo mula sa nilikha Niya ng mga silungan, gumawa para sa inyo mula sa mga bundok ng mga kanlungan, at gumawa para sa inyo ng mga kasuutang nagsasanggalang sa inyo sa init at mga kasuutang nagsasanggalang sa inyo sa karahasan sa inyo. Gayon Siya naglulubos ng biyaya Niya sa inyo nang sa gayon kayo ay magpapasakop.
Kaya kung tumalikod sila, tungkulin sa iyo lamang ang pagpapaabot na malinaw.
Nakakikilala sila sa biyaya ni Allāh, pagkatapos ay nagkakaila sila nito, at ang higit na marami sa kanila ay tumatangging sumampalataya.
[Banggitin] ang araw na bubuhay Kami mula sa bawat kalipunan ng isang saksi. Pagkatapos ay hindi magpapahintulot para sa mga tumangging sumampalataya at hindi sila hihilinging magpalubag-loob [sa Amin].
Kapag nakita ng mga lumabag sa katarungan ang pagdurusa, hindi ito pagagaanin para sa kanila at hindi sila palulugitan.
Kapag nakita ng mga nagtambal ang mga pantambal nila ay magsasabi sila: "Panginoon namin, ang mga ito ay ang mga pantambal namin [sa Iyo] na kami dati ay dumadalangin sa kanila bukod pa sa Iyo;" ngunit mag-uukol ang mga ito sa kanila ng sasabihin: "Tunay na kayo ay talagang mga sinungaling."
Mag-uukol sila kay Allāh sa araw na iyon ng pagpapasakop at maglalaho sa kanila ang dati nilang ginagawa-gawa.
Ang mga tumangging sumampalataya at sumagabal sa landas ni Allāh ay dadagdagan sila ng isang pagdurusa pa higit sa [dating] pagdurusa dahil sa dati sila ay nanggugulo.
Sa araw na bubuhay Kami mula sa bawat kalipunan ng isang saksi sa kanila kabilang sa mga sarili nila. Naghatid Kami sa iyo bilang isang saksi sa mga ito. Nagpapababa Kami sa iyo ng Aklat bilang isang paglilinaw para sa bawat bagay, isang patnubay, isang awa, at isang nakagagalak na balita para sa mga Muslim.
Tunay na si Allāh ay nag-uutos ng katarungan, ng pagmamagandang-gawa, at ng pagbibigay sa mga may pagkakamag-anak at sumasaway sa kahalayan, nakasasama, at paniniil. Nangangaral Siya sa inyo nang sa gayon kayo ay mag-aalaala.
Tumupad kayo sa tipan kay Allāh kapag nakipagtipan kayo at huwag kayong kumalas sa mga sinumpaan ninyo matapos ng pagbibigay-diin sa mga ito. At talagang ginawa ninyo si Allāh na isang tagapanagot sa inyo. Tunay na si Allāh ay nakaaalam sa anumang ginagawa ninyo.
Huwag kayong maging gaya ng [babaing] kumalas sa inikid niya, mula ng matapos ng kalakasan nito, para maging mga himaymay [dahil] gumagawa kayo sa mga sinumpaan ninyo bilang isang pandaraya sa pagitan ninyo dahil may isang kalipunang naging higit na masagana kaysa sa isang kalipunan. Sumusubok lamang sa inyo si Allāh sa pamamagitan nito at talagang magpapalinaw nga Siya para sa inyo sa Araw ng Pagbangon sa anumang dati kayo hinggil dito ay nagkakaiba-iba.
Kung sakaling niloob ni Allāh ay talaga sanang ginawa Niya kayo na kalipunang nag-iisa, subalit nagpapaligaw Siya sa sinumang niloloob Niya at nagpapatnubay Siya sa sinumang niloloob Niya. Talagang tatanungin nga kayo tungkol sa anumang dati ninyong ginagawa.
Huwag kayong gumawa sa mga sinumpaan ninyo bilang isang pandaraya sa pagitan ninyo dahil baka may matisod na paa matapos ng katatagan nito at malasap ninyo ang kasagwaan dahil sa sumagabal kayo sa landas ni Allāh at [magiging] ukol sa inyo ay isang pagdurusang sukdulan.
Huwag kayong magpalit sa tipan kay Allāh, sa isang halagang kaunti. Tunay na ang nasa ganang kay Allāh ay pinakamabuti para sa inyo, kung nangyaring kayo ay nakaaalam.
Ang anumang nasa ganang inyo ay nauubos samantalang ang anumang nasa ganang kay Allāh ay mananatili. Talagang gaganti nga Kami sa mga nagtiis ng pabuya sa kanila katumbas sa pinakamaganda sa anumang dati nilang ginagawa.
Ang sinumang gumawa ng isang mabuti, na isang lalaki o isang babae, habang siya ay isang mananampalataya ay talagang magpapamuhay nga Kami sa kanya nang isang buhay na kaaya-aya at talagang gaganti nga Kami sa kanila ng pabuya nila katumbas sa pinakamaganda sa anumang dati nilang ginagawa.
Kaya kapag bumigkas ka ng Qur’ān ay magpakupkop kay Allāh laban sa demonyong kasumpa-sumpa.
Tunay na siya ay walang kapamahalaan sa mga sumampalataya at sa Panginoon nila ay nananalig.
Tanging ang kapamahalaan niya ay nasa yaong mga tumatangkilik sa kanya at yaong mga tagapagtambal [kay Allāh].
Kapag nagpalit kami sa isang talata sa halip ng isang talata at si Allāh ay higit na nakaaalam sa pinabababa Niya, ay nagsasabi sila: "Ikaw ay tanging isang gumagawa-gawa." Bagkus ang higit na marami sa kanila ay hindi nakaaalam.
Sabihin mo: "Pinababa ito ng Espiritu ng Kabanalan mula sa Panginoon mo dala ang katotohanan upang magpatatag siya sa mga sumampalataya at bilang isang patnubay at isang nakalulugod na balita para sa mga Muslim."
Talaga ngang nakaaalam Kami na sila ay nagsasabi: "Tinuturuan lamang siya ng isang tao." Ang dila ng ipinasasaring nila ay banyaga samantalang ito ay isang dilang Arabeng malinaw."
Tunay na ang mga hindi sumasampalataya sa mga tanda ni Allāh ay hindi magpapatnubay sa kanila si Allāh at ukol sa kanila ay isang pagdurusang masakit.
Gumagawa-gawa lamang ng kasinungalingan ang mga hindi sumasampalataya sa mga tanda ni Allāh. Ang mga iyon ay ang mga sinungaling.
Ang sinumang tumangging sumampalataya kay Allāh matapos ng pagsampalataya niya, maliban sa sinumang pinilit habang ang puso naman niya ay napapanatag sa pananampalataya, at ang sinumang nagbukas ng dibdib sa kawalang-pananampalataya, laban sa kanila ay isang galit mula kay Allāh at ukol sa kanila ay isang pagdurusang sukdulan.
Iyon ay dahil na sila ay umibig sa buhay sa Mundo higit sa Kabilang-buhay at na si Allāh ay hindi nagpapatnubay sa mga taong tagatangging sumampalataya.
Ang mga iyon ay ang mga nagsara si Allāh sa mga puso nila, pandinig nila, at mga paningin nila. Ang mga iyon ay ang mga nalilingat.
Walang pasubali na sila sa Kabilang-buhay ay ang mga lugi.
Pagkatapos tunay na ang Panginoon mo, sa mga lumikas mula ng matapos na usigin sila at pagkatapos ay nakibaka sila at nagtiis sila, tunay na ang Panginoon mo matapos niyon ay talagang Mapagpatawad, Maawain.
[Banggitin] ang araw na bumaba ang bawat kaluluwa na makikipagtalo para sa sarili nito, tutumbasan ang bawat kaluluwa sa anumang ginawa nito, at hindi sila lalabagin sa katarungan.
Naglahad si Allāh ng isang paghahalimbawa sa isang pamayanang iyon dati ay matiwasay at napapanatag. Pumupunta rito ang panustos nito nang masagana mula sa bawat pook ngunit nagkaila ito sa mga biyaya ni Allāh kaya pinatikim ni Allāh ito ng damit ng pagkagutom at pangamba dahilan sa kanilang ginagawa noon.
Talaga ngang may dumating sa kanila na isang sugong kabilang sa kanila ngunit nagpasinungaling sila sa kanya kaya dumaklot sa kanila ang pagdurusa habang sila ay mga tagalabag sa katarungan.
Kaya kumain kayo mula sa itinustos sa inyo ni Allāh na ipinahihintulot na kaaya-aya at magpasalamat kayo sa biyaya ni Allāh kung nangyaring kayo ay sa Kanya sumasamba.
Ipinagbawal Niya lamang sa inyo ang namatay, ang dugo, ang laman ng baboy, at ang anumang inialay sa iba pa kay Allāh, ngunit ang sinumang napilitan, nang hindi naghahangad ni lumalampas, tunay na si Allāh ay Mapagpatawad, Maawain.
Huwag kayong magsabi ukol sa anumang naglalarawan ang mga dila ninyo ng kasinungalingan: "Ito ay ipinahihintulot at ito ay ipinagbabawal," upang gumawa-gawa kayo laban kay Allāh ng kasinungalingan. Tunay na ang mga gumagawa-gawa laban kay Allāh ng kasinungalingan ay hindi magtatagumpay.
[Ukol sa kanila ay] isang kasiyahang kaunti at ukol sa kanila ay isang pagdurusang masakit.
Sa mga nagpakahudyo ay nagbawal Kami ng isinalaysay Namin sa iyo noong una. Hindi Kami lumabag sa kanila sa katarungan subalit sila dati sa mga sarili nila ay lumalabag sa katarungan.
Pagkatapos tunay na ang Panginoon mo, sa mga gumawa ng kasagwaan dahil sa kamangmangan at pagkatapos ay nagbalik-loob matapos niyon at nag-ayos, tunay na [sa kanila] ang Panginoon mo matapos niyon ay talagang Mapagpatawad, Maawain.
Tunay na si Abraham noon ay isang kalipunang masunurin kay Allāh, na makatotoo at hindi nangyaring siya ay kabilang sa mga tagapagtambal,
na tagapagpasalamat sa mga biyaya Niya. Humalal Siya rito at nagpatnubay Siya rito tungo sa isang landasing tuwid.
Nagbigay Kami sa kanya sa Mundo ng isang maganda at tunay na siya sa Kabilang-buhay ay talagang kabilang sa mga maayos.
Pagkatapos ay nagkasi Kami sa iyo na sumunod ka sa kapaniwalaan ni Abraham bilang isang makatotoo at hindi nangyaring siya ay kabilang sa mga tagapagtambal.
Itinalaga lamang ang Sabath para sa mga nagkakaiba-iba hinggil dito. Tunay na ang Panginoon mo ay talagang maghahatol sa pagitan nila sa Araw ng Pagbangon hinggil sa sila dati ay nagkakaiba-iba.
Mag-anyaya ka tungo sa landas ng Panginoon mo sa pamamagitan ng karunungan at pangaral na maganda, at makipagtalo ka sa kanila ayon sa siyang pinakamaganda. Tunay na ang Panginoon mo ay higit na nakaaalam sa sinumang naligaw palayo sa landas Niya, at Siya ay higit na nakaaalam sa mga napatnubayan.
At kung magpaparusa kayo ay magparusa kayo ng tulad ng ipinarusa sa inyo. Talagang kung magtitiis kayo, talagang iyon ay pinakamabuti para sa mga nagtitiis.
Magtiis ka at walang iba ang pagtitiis mo kundi sa pamamagitan ni Allāh. Huwag kang malungkot para sa kanila at huwag kang maging nasa isang paninikip [ng dibdib] dahil sa ipinanlalansi nila.
Tunay na si Allāh ay kasama ng mga nangilag magkasala at ng mga nagmamagandang-gawa.
