ترجمة معاني سورة المؤمنون باللغة ماراناو من كتاب Maranao - Maranao translation

آية رقم 1

ﭑﭒﭓ ﭔ ​

Sabnar a phakadaag so miyamaratiyaya,

آية رقم 2

ﭕﭖﭗﭘﭙ ﭚ ​

So siran sii ko sambayang iran na somasangkop siran,

آية رقم 3

ﭛﭜﭝﭞﭟ ﭠ ​

Go so siran sii ko ilang na tatalikhodan iran,

آية رقم 4

ﭡﭢﭣﭤ ﭥ ​

Go so siran sii ko zakat na inggogolalan iran,

آية رقم 5

ﭦﭧﭨﭩ ﭪ ​

Go so siran sii ko manga kayaan iran na sisiyapn iran,

آية رقم 6

ﭫﭬﭭﭮﭯﭰﭱﭲﭳﭴ ﭵ ​

Inonta sii ko manga karoma iran, odi na so miyakhapaar o manga tangan iran, - ka mataan! a siran na di siran on mapzoman,

آية رقم 7

ﭶﭷﭸﭹﭺﭻﭼ ﭽ ​

Na sadn sa mamagingar sa salakaw roo, na siran man na siran i mimamalawani;

آية رقم 8

ﭾﭿﮀﮁﮂ ﮃ ​

Go siran sii ko manga sarig kiran, go so diyandi kiran na sisiyapn iran,

آية رقم 9

ﮄﮅﮆﮇﮈ ﮉ ​

Go siran sii ko manga sambayang iran na papaliharaan iran;

آية رقم 10

ﮊﮋﮌ ﮍ ​

Siran man na siran i manga waris,

آية رقم 11

ﮎﮏﮐﮑﮒﮓ ﮔ ​

Siran i makaphangowaris ko (sorga) Firdaws: Sa ron siran on dn makakakal.

آية رقم 12

ﮕﮖﮗﮘﮙﮚﮛ ﮜ ​

(Ibt ka) Sabnsabnar a inadn Ami so manosiya a phoon ko rasa a phoon ko lipaw;

آية رقم 13

ﮝﮞﮟﮠﮡﮢ ﮣ ​

Oriyan iyan na biyaloy Ami skaniyan a mani sii ko darpa a matotongkop,

آية رقم 14

ﮤﮥﮦﮧﮨﮩﮪﮫﮬﮭﮮﮯﮰﮱﯓﯔﯕﯖﯗﯘﯙﯚ ﯛ ​

Oriyan iyan na inadn Ami so mani a rogo a mbabathik; na inadn Ami so rogo a mbabathik a saporon a sapo; na inadn Ami so saporon a sapo a manga tolan, na biyongkosan Ami so manga tolan sa sapo; oriyan iyan na inadn Ami skaniyan sa kaadn a salakaw. Na Maporo so Allah, a tanto a mapiya ko mithatakdir!

آية رقم 15

ﯜﯝﯞﯟﯠ ﯡ ​

Oriyan iyan na mataan! a skano ko oriyan oto, na matatangkd a phamatay kano.

آية رقم 16

ﯢﯣﯤﯥﯦ ﯧ ​

Oriyan iyan na mataan! a skano ko alongan a qiyamah, na pagoyagn kano.

آية رقم 17

ﯨﯩﯪﯫﯬﯭﯮﯯﯰﯱ ﯲ ​

Na sabnsabnar a inadn Ami ko kaporoan iyo so pito a manga lalan (a manga langit); go da ko btad Ami i ba Ami kalilipati so manga kaadn.

آية رقم 18

ﭑﭒﭓﭔﭕﭖﭗﭘﭙﭚﭛﭜﭝﭞ ﭟ ​

Na piyakatoron Ami phoon ko kawang so ig a madidiyangka, na piyakatarg Ami skaniyan ko lopa; na mataan! a Skami sii ko kaylang oto na sabnar a Gaos Ami.

آية رقم 19

ﭠﭡﭢﭣﭤﭥﭦﭧﭨﭩﭪﭫﭬ ﭭ ​

Na piyakathoan Ami rkano sa sabap rkaniyan sa manga pamomolan a manga korma, go manga anggor a rk iyo: Katatagoan oto sa manga onga a madakl: Go so sabaad on na pkhakan iyo,

آية رقم 20

ﭮﭯﭰﭱﭲﭳﭴﭵﭶ ﭷ ​

Go kayo a pphakagmaw ko palaw a Torisayna, a phagtho sa lana, go dilota a bagian o gii khakan.

آية رقم 21

ﭸﭹﭺﭻﭼﭽﭾﭿﮀﮁﮂﮃﮄﮅﮆﮇ ﮈ ​

Na mataan! a adn a bagian iyo ko manga ayam a titho a ndao: Pphakainomn Ami skano ko matatago ko manga tiyan iran (a gatas); go adn a bagian iyo ron a manga gona a madakl; go so sabaad on na pkhakan iyo;

آية رقم 22

ﮉﮊﮋﮌ ﮍ ​

Go pkharoran kano kiran, go sii ko manga kapal.

آية رقم 23

ﮎﮏﮐﮑﮒﮓﮔﮕﮖﮗﮘﮙﮚﮛﮜﮝﮞ ﮟ ​

Na sabnsabnar a siyogo Ami so Noh ko pagtaw niyan: Na pitharo iyan: "Hay pagtaw akn, simbaa niyo so Allah! Da a tohan iyo a salakaw Rkaniyan. Ino kano di phananggila?"

آية رقم 24

ﮠﮡﮢﮣﮤﮥﮦﮧﮨﮩﮪﮫﮬﮭﮮﮯﮰﮱﯓﯔﯕﯖﯗﯘﯙﯚ ﯛ ​

Na pitharo o manga nakoda ko siran a miyamangongkir ko pagtaw niyan a: "Kna ini a ba di manosiya a lagid iyo; a khabayaan iyan a kaombawan kano niyan: Na o kabaya o Allah na mataan a tomoron sa malaikat: Da tano man´g angkai ko manga loks tano a miyangaoona."

آية رقم 25

ﯜﯝﯞﯟﯠﯡﯢﯣﯤﯥ ﯦ ​

"Da ko skaniyan inonta na mama a tataraponan: Na thigri niyo skaniyan taman ko masa (a kada iyan)."

آية رقم 26

ﯧﯨﯩﯪﯫ ﯬ ​

Pitharo iyan: "Kadnan ko! tabangi akong Ka: Sabap ko kiyapakambokhaga iran rakn!"

آية رقم 27

ﯭﯮﯯﯰﯱﯲﯳﯴﯵﯶﯷﯸﯹﯺﯻﯼﯽﯾﯿﰀﰁﰂﰃﰄﰅﰆﰇﰈﰉﰊﰋﰌﰍ ﰎ ​

Na iniilaham Ami sii rkaniyan a: "Mbaal ka sa kapal sii ko manga kaylay Ami go so sogoan Ami: Na amay ka makawma so sogoan Ami, na mamangiliphowak (a ig) ko daporan, na prorang ka on ko oman i ngganapa sa dowa, go so taalok rka, inonta so taw a miyaona on so katharo a pd kiran: Go ding ka Rakn pagangaya so mindadarowaka; ka mataan! a siran na pagldn siran."

آية رقم 28

ﭑﭒﭓﭔﭕﭖﭗﭘﭙﭚﭛﭜﭝﭞﭟ ﭠ ​

Na amay ka makathakna ka, ska ago so manga pd ka ko kapal, na tharoang ka: "So podi na rk o Allah, a so siyabt kami Niyan phoon ko pagtaw a manga darowaka."

آية رقم 29

ﭡﭢﭣﭤﭥﭦﭧﭨ ﭩ ​

Go tharoang ka: "Kadnan ko, pakatpada kong Ka ko khatpadan a piyakandaklan sa mapiya: Ka Ska i lbi a Mapiya ko pphamakatpad."

آية رقم 30

ﭪﭫﭬﭭﭮﭯﭰ ﭱ ​

Mataan! a adn a madadalm roo a titho a manga tanda, go mataan a tatap a Skami i titho a Pphaniyoba.

آية رقم 31

ﭲﭳﭴﭵﭶﭷ ﭸ ​

Oriyan iyan na miyadn Kami ko oriyan iyan sa pagtaw a manga salakaw.

آية رقم 32

ﭹﭺﭻﭼﭽﭾﭿﮀﮁﮂﮃﮄﮅﮆﮇ ﮈ ​

Na siyogoan Ami siran sa sogo a pd kiran (sa pitharo iyan:) "Simbaa niyo so Allah! Da a tohan iyo a salakaw Rkaniyan. Ino kano di phananggila?"

آية رقم 33

ﮉﮊﮋﮌﮍﮎﮏﮐﮑﮒﮓﮔﮕﮖﮗﮘﮙﮚﮛﮜﮝﮞﮟﮠﮡ ﮢ ​

Na pitharo o manga nakoda ko pagtaw niyan a so miyamangongkir go piyakambokhag iran so kitmo ko akhirat, go piyamgan Ami siran sa limo ko kawyagoyag ko doniya a: "Kna ini a ba di manosiya a lagid iyo; a pkhan ko pkhn iyo, go phaginom ko phaginomn iyo."

آية رقم 34

ﮣﮤﮥﮦﮧﮨﮩ ﮪ ​

"Na ibt o onot kano sa manosiya a lagid iyo, na mataan! a skano samawto na titho a manga logi,"

آية رقم 35

ﮫﮬﮭﮮﮯﮰﮱﯓﯔ ﯕ ​

"Ino Niyan rkano ndiyandiin i mataan! a skano na amay ka matay kano go mbaloy kano a botha, go manga tolan, na mataan! a skano na phamakagmawn (ko manga kobor)?"

آية رقم 36

ﯖﯗﯘﯙﯚ ﯛ ​

"Miyakawatawatan so ipndiyandi rkano!"

آية رقم 37

ﯜﯝﯞﯟﯠﯡﯢﯣﯤﯥ ﯦ ​

"Daa kawyag a rowar ko kawyagoyag tano ko doniya. Phamatay tano na pkhawyag (so manga wata) tano. Na kna a ba tano phangaooyag (zaroman)!"

آية رقم 38

ﯧﯨﯩﯪﯫﯬﯭﯮﯯﯰﯱﯲ ﯳ ​

"Da ko skaniyan inonta na mama a inangkob iyan so Allah sa kabokhag, na di tano skaniyan pamaratiyayaan!"

آية رقم 39

ﯴﯵﯶﯷﯸ ﯹ ​

Pitharo iyan: "Kadnan ko! tabangi akong Ka: Sabap ko kiyapakambokhaga iran rakn."

آية رقم 40

ﯺﯻﯼﯽﯾ ﯿ ​

Pitharo (o Allah): "A di mathay na mataan a khabaloy siran dn a mamakasndit!"

آية رقم 41

ﰀﰁﰂﰃﰄﰅﰆﰇﰈ ﰉ ​

Na miyadansal siran o lalis, a minggolalan ko bnar, na biyaloy Ami siran a apt! Na kapakawatan (ko limo) a bagian o pagtaw a manga darowaka!

آية رقم 42

ﰊﰋﰌﰍﰎﰏ ﰐ ​

Oriyan iyan na miyadn Kami ko oriyan iran sa manga pagtaw a manga salakaw.

آية رقم 43

ﭑﭒﭓﭔﭕﭖﭗ ﭘ ​

Dikhaktng o pagtaw so adiyal iyan, go di iran khisonggod.

آية رقم 44

ﭙﭚﭛﭜﭝﭞﭟﭠﭡﭢﭣﭤﭥﭦﭧﭨﭩﭪﭫﭬﭭﭮ ﭯ ​

Oriyan iyan na siyogo Ami so manga sogo Ami a miyakathataliwana: Oman i makawma ko pagtaw a sogo kiran, na pakambokhagn iran skaniyan: Na initondog Ami ko sabaad kiran so sabaad: Go biyaloy Ami siran a manga tothol: Na kapakawatan (ko limo) a bagian o pagtaw a di siran mapaparatiyaya!

آية رقم 45

ﭰﭱﭲﭳﭴﭵﭶﭷ ﭸ ​

Oriyan iyan na siyogo Ami so Mosa, go so pagari niyan a Haron, rakhs o manga tanda Ami go so katantowan a mapayag,

آية رقم 46

ﭹﭺﭻﭼﭽﭾﭿ ﮀ ​

Sii ko Pir´awn go so manga nakoda ko pagtaw niyan: Na mimaratabat siran: Go miyabaloy siran a pagtaw a miphapaporo.

آية رقم 47

ﮁﮂﮃﮄﮅﮆﮇ ﮈ ​

Na pitharo iran: "Ino tano pharatiyayaa so dowa kataw a lagid tano? A so pagtaw iran na sii siran rktano pphangongonotan!"

آية رقم 48

ﮉﮊﮋﮌ ﮍ ​

Na piyakambokhag iran a dowa oto, na miyabaloy siran a pd ko miyangabibinasa.

آية رقم 49

ﮎﮏﮐﮑﮒﮓ ﮔ ​

Na sabnsabnar a inibgay Ami ko Mosa so kitab, ka an siran makaontol.

آية رقم 50

ﮕﮖﮗﮘﮙﮚﮛﮜﮝﮞﮟ ﮠ ​

Na biyaloy Ami so wata o Maryam ago si ina iyan a tanda: Go piyakakadn Ami siran ko bobongan, a adn a pantar iyan go bowalan.

آية رقم 51

ﮡﮢﮣﮤﮥﮦﮧﮨﮩﮪﮫﮬ ﮭ ​

Hay manga sogo, kang kano ko manga pipiya (a pangn´ngkn), go nggalbk kano sa mapiya: Mataan! a Sakn na so gii niyo ngalbkn na katawan Ko.

آية رقم 52

ﮮﮯﮰﮱﯓﯔﯕﯖ ﯗ ​

Na mataan! a giyai okit iyo a okit a isa, go Sakn i Kadnan iyo: Na onoti Ako niyo.

آية رقم 53

ﯘﯙﯚﯛﯜﯝﯞﯟﯠﯡ ﯢ ​

Na pizaropt iran so okit iran ko ndolondolonan iran, sa kazaropt, a mbidabida: Oman i isa ka sagorompong na so kpit iran na pkhababayaan iran.

آية رقم 54

ﯣﯤﯥﯦﯧ ﯨ ​

Na ganating ka siran ko kaada i kiran sa mlng taman ko masa (a kapamatay ran).

آية رقم 55

ﯩﯪﯫﯬﯭﯮﯯ ﯰ ​

Ba iran tatangkapa sa mataan! a so ipmbgay Ami kiran oto a tamok go manga wata,

آية رقم 56

ﯱﯲﯳﯴﯵﯶﯷﯸ ﯹ ​

Na pnggagaanan Ami kiran so manga pipiya? Kna, ka di iran maiin´ngka.

آية رقم 57

ﯺﯻﯼﯽﯾﯿﰀ ﰁ ​

Mataan! a so siran a phoon ko kasasangkop ko Kadnan iran na maalk siran;

آية رقم 58

ﰂﰃﰄﰅﰆ ﰇ ​

Go so siran a so manga ayat o Kadnan iran i paparatiyayaan iran;

آية رقم 59

ﰈﰉﰊﰋﰌ ﰍ ​

Go so siran a so Kadnan iran na di iran iphanakoto;

آية رقم 60

ﭑﭒﭓﭔﭕﭖﭗﭘﭙﭚ ﭛ ​

Go siran a pphammgay siran ko inipammgay ran a so manga poso iran na somasangkop, sa mataan! a siran na sii siran bo ko Kadnan iran phamakandod;

آية رقم 61

ﭜﭝﭞﭟﭠﭡﭢ ﭣ ​

Siran man i gii magoradorad ko manga pipiya, go siran i phangaoona on.

آية رقم 62

ﭤﭥﭦﭧﭨﭩﭪﭫﭬﭭﭮﭯﭰ ﭱ ​

Na da a iphaliyogat Ami ko baraniyawa a rowar ko khagaos iyan: Na zisii Rkami so kitab a gii tharo ko bnar: Na siran na di siran kasalimbotan.

آية رقم 63

ﭲﭳﭴﭵﭶﭷﭸﭹﭺﭻﭼﭽﭾﭿ ﮀ ​

Kna, ka so manga poso iran na matatago ko kalilipati sangkai; go adn a bagian iran a manga galbk a salakaw roo, a siran na aya iran gagalbkn,

آية رقم 64

ﮁﮂﮃﮄﮅﮆﮇﮈ ﮉ ​

Taman sa igira a piyakadansal Ami ko piyamgan kiran sa limo so siksa, na samawto na siran na nggoraok siran sa tabang!

آية رقم 65

ﮊﮋﮌﮍﮎﮏﮐﮑ ﮒ ​

(Tharoon kiran a:) "Di kano nggoraok sa tabang sa alongan nai; mataan! a skano na di kano khatabangan phoon Rkami."

آية رقم 66

ﮓﮔﮕﮖﮗﮘﮙﮚﮛ ﮜ ​

"Sabnar a miyabaloy so manga ayat Akn a pphangadian rkano, na bakano dn miyangndod ko manga talikhodan iyo,

آية رقم 67

ﮝﮞﮟﮠ ﮡ ​

"A pmamaratabatan iyo skaniyan: Gii niyo thothotholaan ko gagawi a ikagogowad iyo."

آية رقم 68

ﮢﮣﮤﮥﮦﮧﮨﮩﮪﮫ ﮬ ​

Ba iran da nggdagdaa so katharo, antawaa ba kiran miyakaoma so da makatalingoma ko manga loks iran a miyangaoona?

آية رقم 69

ﮭﮮﮯﮰﮱﯓﯔ ﯕ ​

Ba iran da makilala so sogo kiran, ago iran pagongkira skaniyan?

آية رقم 70

ﯖﯗﯘﯙﯚﯛﯜﯝﯞﯟﯠ ﯡ ​

Ino iran gii tharoa i: "Tataraponan skaniyan?" Kna, ka minioma niyan kiran so bnar, na kadaklan kiran a so bnar na ikagogowad iran.

آية رقم 71

ﯢﯣﯤﯥﯦﯧﯨﯩﯪﯫﯬﯭﯮﯯﯰﯱﯲ ﯳ ​

Na o inonotan a bnar so manga kabaya iran, na miyabinasa dn so manga langit ago so lopa, go so madadalm kiran. Kna, ka initalingoma Mi kiran so ndao kiran, na siran na so ndao kiran na tiyalikhodan iran.

آية رقم 72

ﯴﯵﯶﯷﯸﯹﯺﯻﯼﯽ ﯾ ​

Ba ka kiran phangni sa sokay? Na so sokay o Kadnan ka i tomo: Go Skaniyan i lbi a Mapiya ko pphamamgay sa riskhi.

آية رقم 73

ﯿﰀﰁﰂﰃ ﰄ ​

Na mataan! a ska na sabnar a pthawagn ka siran ko lalan a matitho;

آية رقم 74

ﰅﰆﰇﰈﰉﰊﰋﰌ ﰍ ​

Na mataan! a so di iran paparatiyayaan so akhirat na so lalan na, sabnar a sisilayan iran.

آية رقم 75

ﭑﭒﭓﭔﭕﭖﭗﭘﭙﭚﭛﭜ ﭝ ​

Na o inikalimo Ami siran go piyokas Ami kiran so misosogat kiran a morala, na tomataros siran dn ko kadadadag iran, a gii siran mromparompak.

آية رقم 76

ﭞﭟﭠﭡﭢﭣﭤﭥ ﭦ ​

Na sabnsabnar a piyaka dansal Ami kiran so siksa, na da siran sangkop ko Kadnan iran, go di siran phangangarapan!

آية رقم 77

ﭧﭨﭩﭪﭫﭬﭭﭮﭯﭰﭱﭲ ﭳ ​

Taman sa kagiya a lomka Kami kiran sa isa a pinto a adn a siksa on a sangat: Na samawto na siran na kiyadaan siran roo sa panginam!

آية رقم 78

ﭴﭵﭶﭷﭸﭹﭺﭻﭼﭽﭾ ﭿ ​

Na Skaniyan so miyadn rkano ko manga kan´g, go so manga kaylay, go so manga gdagda: Na miyakayto ito a kapphanalamat iyo!

آية رقم 79

ﮀﮁﮂﮃﮄﮅﮆ ﮇ ​

Go Skaniyan so miyarmbad rkano ko lopa, go Ron kano plimoda.

آية رقم 80

ﮈﮉﮊﮋﮌﮍﮎﮏﮐﮑﮒ ﮓ ​

Go Skaniyan so Pphangoyag go Pphangimatay, go kapaar Iyan so gii kapakazambi o gagawii ago so dawndaw: Ino kano di pnggdagda?

آية رقم 81

ﮔﮕﮖﮗﮘﮙ ﮚ ​

Kna, ka pitharo iran so lagid o pitharo o miyangaoona.

آية رقم 82

ﮛﮜﮝﮞﮟﮠﮡﮢ ﮣ ​

Pitharo iran: "Ino amay ka matay kami go mbaloy kami a botha, go manga tolan (a miyarophod), ba mataan! a skami na pagoyagn kami dn?"

آية رقم 83

ﮤﮥﮦﮧﮨﮩﮪﮫﮬﮭﮮﮯ ﮰ ​

"Sabnsabnar a minidiyandi rkami skami ago so manga loks ami angkai gowani. Da ko ungkai inonta na manga iringa a kabokhag o miyangaoona!"

آية رقم 84

ﮱﯓﯔﯕﯖﯗﯘﯙ ﯚ ​

Tharoang ka: "Antawaa i khirk ko lopa ago so matatago on, o skano na katawi niyo?"

آية رقم 85

ﯛﯜﯝﯞﯟﯠ ﯡ ​

Na ptharoon iran dn a: "Rk o Allah!". Tharoang ka a: "Ino kano di phananadm?"

آية رقم 86

ﯢﯣﯤﯥﯦﯧﯨﯩ ﯪ ​

Tharoang ka: "Antawaa i khirk ko manga langit a pito, go Khirk ko aras a mala?"

آية رقم 87

ﯫﯬﯭﯮﯯﯰ ﯱ ​

Ptharoon iran dn a: "Rk o Allah". Tharoang ka a: "Ino kano di phananggila?"

آية رقم 88

ﯲﯳﯴﯵﯶﯷﯸﯹﯺﯻﯼﯽﯾﯿ ﰀ ​

Tharoang ka: "Antawaa i sii sa tangan iyan so kapaar ko langowan taman, go skaniyan i ppakalinding, go da a phakarn on, o skano na katawi niyo?"

آية رقم 89

ﰁﰂﰃﰄﰅﰆ ﰇ ​

Ptharoon iran dn a: "Rk o Allah". Tharoang ka: "Na andamanaya i kapkhalimpang iyo?"

آية رقم 90

ﭑﭒﭓﭔﭕ ﭖ ​

Kna, ka initalingoma Mi kiran so bnar: Na mataan! a siran na titho a manga bokhag!

آية رقم 91

ﭗﭘﭙﭚﭛﭜﭝﭞﭟﭠﭡﭢﭣﭤﭥﭦﭧﭨﭩﭪﭫﭬﭭﭮﭯﭰ ﭱ ​

Da kowa so Allah sa wata Iyan, go da a miyabaloy a pd Iyan a tohan: O adn a pd Iyan na bisaan dn o oman i isa a tohan so inadn iyan, go pgsn dn o sabaad kiran so sabaad. Soti so Allah! mawatan ko iphropa iran!

آية رقم 92

ﭲﭳﭴﭵﭶﭷ ﭸ ​

Katawan Iyan so gaib ago so mapayag: Na maporo a ka-aawat Iyan ko ipphanakoto iran (On)!

آية رقم 93

ﭹﭺﭻﭼﭽﭾ ﭿ ​

Tharoang ka: "Kadnan ko, obang Ka rakn phakimasai so ididiyandi kiran, -

آية رقم 94

ﮀﮁﮂﮃﮄﮅ ﮆ ​

"Kadnan ko! na di akong Ka mbaloya a pd ko pagtaw a manga darowaka!"

آية رقم 95

ﮇﮈﮉﮊﮋﮌﮍ ﮎ ​

Na mataan! a Skami sii ko kapakimasai Ami rka ko ididiyandi Ami kiran na sabnar a khagaga Mi.

آية رقم 96

ﮏﮐﮑﮒﮓﮔﮕﮖﮗﮘ ﮙ ​

Rnn ka so lbi a mapiya ko marata: Skami i Matao ko pphamrakn iran.

آية رقم 97

ﮚﮛﮜﮝﮞﮟﮠ ﮡ ​

Na tharoang ka: "Kadnan ko, mlindong ako Rka phoon ko manga pangonsi o manga shaytan."

آية رقم 98

ﮢﮣﮤﮥﮦ ﮧ ​

"Go mlindong ako Rka Kadnan ko! ka oba siran rakn makadasg."

آية رقم 99

ﮨﮩﮪﮫﮬﮭﮮﮯ ﮰ ​

Taman sa igira miyakaoma, ko isa kiran so kapatay, na matharo iyan: "Kadnan ko, pakakasoya kong Ka (sa doniya);

آية رقم 100

ﮱﯓﯔﯕﯖﯗﯘﯙﯚﯛﯜﯝﯞﯟﯠﯡﯢﯣﯤ ﯥ ​

"Kaan ako makanggolawla sa mapiya ko minibagak akn. Na di dn oto mapnggolawla! ka mataan aya! a sii bo sa katharo a: skaniyan i mitharo on"; go sii ko kasasangoran iran so paglt taman ko gawii a kawyaga kiran.

آية رقم 101

ﯦﯧﯨﯩﯪﯫﯬﯭﯮﯯ ﯰ ​

Na amay ka iyopn so sanggakala, na da a kambangnsa ko ndolondolonan iran sa alongan oto, go di siran makapamagizai!

آية رقم 102

ﯱﯲﯳﯴﯵﯶ ﯷ ​

Na sadn sa makapnd so manga timbang iyan, - na siran man na siran i phamakadaag:

آية رقم 103

ﯸﯹﯺﯻﯼﯽﯾﯿﰀﰁ ﰂ ​

Na sadn sa makakhap so manga timbang iyan, na siran man so inilang iran so manga ginawa iran; sii siran makakakal ko naraka Jahannam.

آية رقم 104

ﰃﰄﰅﰆﰇﰈ ﰉ ​

Pthotongn so manga paras iran o apoy, a siran roo na khipakasasangingi.

آية رقم 105

ﭑﭒﭓﭔﭕﭖﭗﭘ ﭙ ​

(Ptharoon kiran:) "Ba da mabaloy so manga ayat Akn a pkhabatiya rkano, na skano na piyakambokhag iyo skaniyan?"

آية رقم 106

ﭚﭛﭜﭝﭞﭟﭠﭡ ﭢ ​

Tharoon iran: "Kadnan ami, miyapgs kami o okor ami a marata, go miyabaloy kami a pagtaw a manga dadag!"

آية رقم 107

ﭣﭤﭥﭦﭧﭨﭩ ﭪ ​

"Kadnan ami, pakaawaa kaming Ka (ko naraka): Na o kasowi ami (so kaongkir), na mataan! a skami na manga darowaka!"

آية رقم 108

ﭫﭬﭭﭮﭯ ﭰ ​

Tharoon Iyan: "Kikips kano san! go di kano gii tharo!"

آية رقم 109

ﭱﭲﭳﭴﭵﭶﭷﭸﭹﭺﭻﭼﭽﭾ ﭿ ​

Mataan aya! a adn a sabaad ko manga oripn Ko, a gi iran tharoon: "Kadnan ami! miyaratiyaya kami; na napii kaming Ka, go kalimoon kaming Ka: Ka Ska i lbi a Mapiya ko pphamangalimo!"

آية رقم 110

ﮀﮁﮂﮃﮄﮅﮆﮇ ﮈ ​

"Na kinowa niyo siran a pagrg, taros a miyakatmbang siran rkano ko tadm Rakn, go miyabaloy kano a gii niyo siran ikhakala!

آية رقم 111

ﮉﮊﮋﮌﮍﮎﮏﮐ ﮑ ​

"Mataan! a Sakn na biyalasan Ko siran sa alongan nai sabap ko kiyaphantang iran: Mataan! a siran na siran i miyamakaslang sa maliwanag."

آية رقم 112

ﮒﮓﮔﮕﮖﮗﮘ ﮙ ​

Tharoon Iyan: "Ay kiyathay niyo ko lopa ko bilangan o manga ragon?"

آية رقم 113

ﮚﮛﮜﮝﮞﮟﮠﮡ ﮢ ​

Tharoon iran: "Aya kiyathi ami na salongan odi na sabaad sa salongan: Na izaan ka ko manga pagiitong."

آية رقم 114

ﮣﮤﮥﮦﮧﮨﮩﮪﮫﮬ ﮭ ​

Tharoon Iyan: "Da a kiyathay niyo a rowar ko mayto; o mataan! a skano na aya btad iyo na katawan niyo!"

آية رقم 115

ﮮﮯﮰﮱﯓﯔﯕﯖ ﯗ ​

"Ba niyo tiyangkap sa aya bo a kiyaadna Mi rkano na karimbaran, go mataan! a skano na di kano Rkami phakandodn?"

آية رقم 116

ﯘﯙﯚﯛﯜﯝﯞﯟﯠﯡﯢﯣ ﯤ ​

Na Maporo so Allah, a Phapaar, a Bnar: da a tohan a inonta Skaniyan, a Kadnan o aras a piphiyapiyaan!

آية رقم 117

ﯥﯦﯧﯨﯩﯪﯫﯬﯭﯮﯯﯰﯱﯲﯳﯴﯵﯶﯷ ﯸ ​

Na sadn sa manongganoy, a irimbang iyan ko Allah, sa tohan a salakaw, a da a karina niyan on; na so imbadal on na sii dn ko Kadnan iyan. Mataan aya! a di phakadaag so manga kafir!

آية رقم 118

ﯹﯺﯻﯼﯽﯾﯿ ﰀ ​

Na tharoang ka: "Kadnan ko! napi Ka, go pangalimo Ka! ka Ska i lbi a Mapiya ko pphamangalimo."