ترجمة معاني سورة الشعراء باللغة الهوساوية من كتاب Abubakar Mahmoud Gumi - Hausa translation

آية رقم 1

ﭑ ﭒ ​

As-Shu'ara

¦. S̃. M̃.

آية رقم 2

ﭓﭔﭕﭖ ﭗ ​

Waɗancan ãyõyin Littãfi ne bayyananne.

آية رقم 3

ﭘﭙﭚﭛﭜﭝ ﭞ ​

Tsammãninka kai mai halakar da ranka ne, dõmin ba su kasance mũminai ba!

آية رقم 4

ﭟﭠﭡﭢﭣﭤﭥﭦﭧﭨﭩ ﭪ ​

Idan Mun so zã Mu saukar, a kansu, da wata ãyã daga sama, sai wuyõyinsu su yini sabõda ita sunã mãsu ƙasƙantar da kai.

آية رقم 5

ﭫﭬﭭﭮﭯﭰﭱﭲﭳﭴﭵ ﭶ ​

Kuma wata tunãtarwa ba ta jẽ musu ba, daga Mai rahama, sãbuwa, fãce sun kasance daga barinta sunã mãsu bijirẽwa.

آية رقم 6

ﭷﭸﭹﭺﭻﭼﭽﭾ ﭿ ​

To, lalle ne, sun ƙaryata, to, lãbãran abin da suka kasance sunã yi na izgili da shi zã ya je musu.

آية رقم 7

ﮀﮁﮂﮃﮄﮅﮆﮇﮈﮉﮊ ﮋ ​

Shin, ba su dũba ba zuwa ga ƙasa, da yawa Muka tsirar a cikinta, daga dukan nau'i mai kyau?

آية رقم 8

ﮌﮍﮎﮏﮐﮑﮒﮓﮔ ﮕ ​

Lalle ne, a cikin wancan akwai ãyã, kuma mafi yawansu ba su kasance mũminai ba.

آية رقم 9

ﮖﮗﮘﮙﮚ ﮛ ​

Kuma lalle ne, Ubangijinka, haƙĩƙa, Shĩ ne Mabuwãyi, Mai rahama.

آية رقم 10

ﮜﮝﮞﮟﮠﮡﮢﮣ ﮤ ​

Kuma a lõkacin da Ubangijinka Ya kirãyi Mũsã, "Ka je wa mutãnen nan azzãlumai.

آية رقم 11

ﮥﮦﮧﮨﮩ ﮪ ​

"Mutãnen Fir'auna bã zã su yi taƙawa ba?"

آية رقم 12

ﮫﮬﮭﮮﮯﮰ ﮱ ​

Ya ce: "Ya Ubangijĩna, nĩ inã tsõron su ƙaryata ni.

آية رقم 13

ﯓﯔﯕﯖﯗﯘﯙﯚ ﯛ ​

"Kuma ƙirjĩna ya yi ƙunci kuma harshẽna bã zai saku ba sabõda haka ka aika zuwa ga Harũna.

آية رقم 14

ﯜﯝﯞﯟﯠﯡ ﯢ ​

"Kuma sunã da wani laifi a kaina, sabõda haka inã tsõron kada su kashe ni."

آية رقم 15

ﯣﯤﯥﯦﯧﯨﯩﯪﯫ ﯬ ​

Ya ce: "Kayya! Ku tafi, kũ biyu, da ÃyõyinMu. Lalle ne, Munã tãre da ku Munã Mãsu saurãre."

آية رقم 16

ﯭﯮﯯﯰﯱﯲﯳ ﯴ ​

"Sai ku je wa Fir'auna, sa'an nan ku ce, Lalle ne, mu, Manzannin Ubangijin halitta ne."

آية رقم 17

ﯵﯶﯷﯸﯹ ﯺ ​

"Ka saki Banĩ Isrã'ila tãre da mu."

آية رقم 18

ﯻﯼﯽﯾﯿﰀﰁﰂﰃﰄ ﰅ ​

Ya ce: "Shin, ba mu yi rẽnonka ba a cikinmu kanã jãrĩri, kuma ka zauna a cikinmu shẽkarudaga lõkacin rãyuwarka?"

آية رقم 19

ﰆﰇﰈﰉﰊﰋﰌ ﰍ ​

"Kuma ka aikata aikinka wanda ka aikata alhãli kai kanã daga butulai?"

آية رقم 20

ﭑﭒﭓﭔﭕﭖ ﭗ ​

Ya ce: "Na aikata shi a lõkacin inã daga mãsu jãhilcin hushi."

آية رقم 21

ﭘﭙﭚﭛﭜﭝﭞﭟﭠﭡﭢ ﭣ ​

"Sabõda haka na gudu daga gãre ku a lõkacin da na ji tsõronku, sai Ubangijĩna Ya bã ni hukunci, kuma Ya sanya ni daga Manzanni."

آية رقم 22

ﭤﭥﭦﭧﭨﭩﭪﭫ ﭬ ​

"Kuma waccan ni'ima ce, kanã gõrint a kaina, dõmin kã bautar da Banĩ Isrã'ĩla."

آية رقم 23

ﭭﭮﭯﭰﭱ ﭲ ​

Fir'auna ya ce: "Kuma mene ne Ubangijin halittu?"

آية رقم 24

ﭳﭴﭵﭶﭷﭸﭹﭺﭻﭼ ﭽ ​

Ya ce: "Ubangijin sammai da ƙasa da abin da yake a tsakãninsu, idan kun kasance mãsu ƙarfin ĩmãni."

آية رقم 25

ﭾﭿﮀﮁﮂ ﮃ ​

Ya ce wa waɗanda suke a gẽfensa, "Bã za ku saurãra ba?"

آية رقم 26

ﮄﮅﮆﮇﮈ ﮉ ​

Ya ce: "Ubangijinku, kuma Ubangijin ubanninku na farko."

آية رقم 27

ﮊﮋﮌﮍﮎﮏﮐ ﮑ ​

Ya ce: "Lalle ne Manzonku, wanda aka aiko zuwa gare ku, haƙi ƙa, mahaukaci ne."

آية رقم 28

ﮒﮓﮔﮕﮖﮗﮘﮙﮚﮛ ﮜ ​

Ya ce: "Ubangijin mafitar rãnã da maɓũyarta da abin dayake a tsakaninsu, idan kun kasance kunã hankalta."

آية رقم 29

ﮝﮞﮟﮠﮡﮢﮣﮤ ﮥ ​

Ya ce: "Lalle ne idan ka riƙi wani abin bautãwa wanĩna haƙĩƙa, inã sanyã ka daga ɗaurarru."

آية رقم 30

ﮦﮧﮨﮩﮪ ﮫ ​

Ya ce: "Ashe, kuma kõ dã nã zõ maka da wani, abu mai bayyanãwa?"

آية رقم 31

ﮬﮭﮮﮯﮰﮱﯓ ﯔ ​

Ya ce: "To, ka zõ da shi idan ka kasance daga, mãsu gaskiya."

آية رقم 32

ﯕﯖﯗﯘﯙﯚ ﯛ ​

Sai ya jẽfa sandarsa, sai ga ta kumurci bayyananne.

آية رقم 33

ﯜﯝﯞﯟﯠﯡ ﯢ ​

Kuma ya fizge hannunsa, sai ga shi fari ga mãsu kallo.

آية رقم 34

ﯣﯤﯥﯦﯧﯨﯩ ﯪ ​

(Fir'auna) ya ce ga mashãwarta a gẽfensa, "Lalle ne, wannan haƙĩƙa, masihirci ne, mai ilmi!

آية رقم 35

ﯫﯬﯭﯮﯯﯰﯱﯲ ﯳ ​

"Yanã son ya fitar da ku daga ƙasarku game da sihirinSa. To mẽne ne kuke shãwartãwa?"

آية رقم 36

ﯴﯵﯶﯷﯸﯹﯺ ﯻ ​

Suka ce: "Ka jinkirtar da shi, shĩ da ɗan'uwansa, kuma ka aika mãsu gayya a cikin birãne."

آية رقم 37

ﯼﯽﯾﯿ ﰀ ​

"Zã su zõ maka da dukkan mai yawan sihiri masani."

آية رقم 38

ﰁﰂﰃﰄﰅ ﰆ ​

Sai aka tãra masihirta dõmin ajalin yini sananne.

آية رقم 39

ﰇﰈﰉﰊﰋ ﰌ ​

Kuma aka ce wa mutãne "Kõ kũ mãsu tãruwã ne?

آية رقم 40

ﭑﭒﭓﭔﭕﭖﭗ ﭘ ​

"Tsammãninmu mu bi masihirta, idan sun kasance sũ ne marinjãya."

آية رقم 41

ﭙﭚﭛﭜﭝﭞﭟﭠﭡﭢﭣﭤ ﭥ ​

To, a lõkacin da masihirta suka jẽ suka ce wa Fir'auna,"Shin, lalle ne, haƙĩƙa munã da ijãra idan mun kasance mũ ne marinjãya?"

آية رقم 42

ﭦﭧﭨﭩﭪﭫ ﭬ ​

Ya ce: "Na'am! Kuma lalle ne, kũ ne a lõkacin haƙĩƙa muƙarrabai."

آية رقم 43

ﭭﭮﭯﭰﭱﭲﭳ ﭴ ​

Mũsã ya ce musu, "Ku jẽfa abin da kuke mãsu jẽfãwa."

آية رقم 44

ﭵﭶﭷﭸﭹﭺﭻﭼﭽ ﭾ ​

Sai suka jẽfa igiyõyinsu, da sandunansu, kuma suka ce: "Da ƙarfin Fir'auna lalle ne mũ, haƙĩƙa, mũ ne marinjãya."

آية رقم 45

ﭿﮀﮁﮂﮃﮄﮅﮆ ﮇ ​

Sai Mũsa ya jẽfa sandarsa, sai ga ta tanã harhaɗe abin da suke yi na ƙarya.

آية رقم 46

ﮈﮉﮊ ﮋ ​

Sai aka jẽfar da masihirta sunã mãsu sujada.

آية رقم 47

ﮌﮍﮎﮏ ﮐ ​

Suka ce: "Mun yi ĩmãni da Ubangijin halitta."

آية رقم 48

ﮑﮒﮓ ﮔ ​

"Ubangijin Mũsa da Hãrũna."

آية رقم 49

ﮕﮖﮗﮘﮙﮚﮛﮜﮝﮞﮟﮠﮡﮢﮣﮤﮥﮦﮧﮨﮩﮪﮫ ﮬ ​

Ya ce: "Ashe, kun yi ĩmãni sabõda shĩ, a gabãnin in yi muku izni? Lalle ne shi, haƙĩƙa babbanku ne wanda ya kõya muku sihirin, to, zã ku sani. Lalle ne haƙĩƙa, zan kakkãtse hannuwanku da kafãfunku a tarnaƙi, kuma haƙĩƙa, zan tsĩrẽ ku gabã ɗaya."

آية رقم 50

ﮭﮮﮯﮰﮱﯓﯔﯕ ﯖ ​

Suka ce: "Bãbu wata cũta! Lalle ne mũ mãsu jũyãwa ne zuwa ga Ubangijinmu."

آية رقم 51

ﯗﯘﯙﯚﯛﯜﯝﯞﯟﯠﯡ ﯢ ​

"Lalle ne mu munã kwaɗayin Ubangijinmu, Ya gãfarta mana kurakuranmu dõmin mun kasance farkon mãsu ĩmãni."

آية رقم 52

ﯣﯤﯥﯦﯧﯨﯩﯪﯫ ﯬ ​

Kuma Muka aika zuwa ga Mũsã cẽwa ka yi tafiyar dare da bãyiNa, lalle ne kũ waɗanda ake biyã ne.

آية رقم 53

ﯭﯮﯯﯰﯱ ﯲ ​

Sai Fir'auna ya aika mãsu gayya a cikin birãne.

آية رقم 54

ﯳﯴﯵﯶ ﯷ ​

"Lalle ne, waɗannan, haƙĩƙa, ƙungiya ce kaɗan."

آية رقم 55

ﯸﯹﯺ ﯻ ​

"Kuma lalle ne sũ, a gare Mu, Mãsu fusãtarwa ne."

آية رقم 56

ﯼﯽﯾ ﯿ ​

"Kuma lalle ne mũ haƙĩƙa gabã ɗaya mãsu sauna ne."

آية رقم 57

ﰀﰁﰂﰃ ﰄ ​

Sai Muka fitar da su daga gonaki da marẽmari.

آية رقم 58

ﰅﰆﰇ ﰈ ​

Da taskõki da mazauni mai kyau.

آية رقم 59

ﰉﰊﰋﰌﰍ ﰎ ​

Kamar haka! Kuma Muka gãdar da su ga Banĩ Isrãĩla.

آية رقم 60

ﰏﰐ ﰑ ​

Sai suka bĩ su sunã mãsu fita a lõkacin hũdõwar rãnã.

آية رقم 61

ﭑﭒﭓﭔﭕﭖﭗﭘ ﭙ ​

Sa'an nan a lõkacin da jama'a biyu suka ga jũna, sai abõkan Mũsã suka ce: "Lalle ne mũ haƙĩ ƙa, waɗanda ake riska ne."

آية رقم 62

ﭚﭛﭜﭝﭞﭟﭠ ﭡ ​

Ya ce: "Kayya! Lalle ne Ubangijina Yanã tare da ni, zai shiryar da ni."

آية رقم 63

ﭢﭣﭤﭥﭦﭧﭨﭩﭪﭫﭬﭭﭮﭯ ﭰ ​

Sai Muka yi wahayi zuwa ga Mũsã cẽwa "Ka dõki tẽku da sandarka." Sai tẽku ta tsãge, kõwane tsãgi ya kasance kamar falalen dũtse mai girma.

آية رقم 64

ﭱﭲﭳ ﭴ ​

Kuma Muka kusantar da waɗansu mutãne a can.

آية رقم 65

ﭵﭶﭷﭸﭹ ﭺ ​

Kuma Muka tsĩrar da Mũsã da waɗanda suke tãre da shi gabã ɗaya.

آية رقم 66

ﭻﭼﭽ ﭾ ​

Sa'an nan kuma Muka nutsar da waɗansu mutãnen.

آية رقم 67

ﭿﮀﮁﮂﮃﮄﮅﮆﮇ ﮈ ​

Lalle ne a cikin wannan akwai ãyã, kuma mafi yawansu ba su kasance mãsu ĩmãni ba.

آية رقم 68

ﮉﮊﮋﮌﮍ ﮎ ​

Kuma lalle ne Ubangijinka, kaƙĩƙa, Shĩ ne Mabũwayi, Mai jin ƙai.

آية رقم 69

ﮏﮐﮑﮒ ﮓ ​

Kuma ka karanta, a kansu, lãbãrin Ibrãhĩm.

آية رقم 70

ﮔﮕﮖﮗﮘﮙ ﮚ ​

A sã'ilin da ya ce wa ubansa da mutãnensa, "Mẽne ne kuke bauta wa?"

آية رقم 71

ﮛﮜﮝﮞﮟﮠ ﮡ ​

Suka ce: "Munã bauta wa gumãka, sabõda haka munã yini mãsu lazimta a gare su."

آية رقم 72

ﮢﮣﮤﮥﮦ ﮧ ​

Ya ce: "Shin, sunã jin ku, a lõkacin da kuke kira?"

آية رقم 73

ﮨﮩﮪﮫ ﮬ ​

"Kõ kuwa sunã amfãnin ku, kõ sunã cũtar ku?"

آية رقم 74

ﮭﮮﮯﮰﮱﯓ ﯔ ​

Suka ce: "Ã'a mun sãmĩ ubanninmu, kamar haka ne suke aikatãwa."

آية رقم 75

ﯕﯖﯗﯘﯙ ﯚ ​

Ya ce: "Shin to, kun ga abin da kuka kasance kunã bautã wa?"

آية رقم 76

ﯛﯜﯝ ﯞ ​

"Kũ da ubanninku mafi daɗẽwa?"

آية رقم 77

ﯟﯠﯡﯢﯣﯤ ﯥ ​

"To lalle ne, sũ maƙiya ne a gare ni, fãce Ubangijin halittu."

آية رقم 78

ﯦﯧﯨﯩ ﯪ ​

"Wanda Ya halitta ni, sa'an nan Yanã shiryar da ni."

آية رقم 79

ﯫﯬﯭﯮ ﯯ ​

"Kuma Wanda Yake Shĩ ne Yake ciyar da ni, kuma Yanã shãyar da ni."

آية رقم 80

ﯰﯱﯲﯳ ﯴ ​

"Kuma idan na yi jiyya, to, Shĩ ne Yake warkar da ni."

آية رقم 81

ﯵﯶﯷﯸ ﯹ ​

"Kuma wanda Yake matar da ni, sa'an nan Ya rãyar da ni."

آية رقم 82

ﯺﯻﯼﯽﯾﯿﰀﰁ ﰂ ​

"Kuma wanda Yake inã kwaɗayin Ya gãfarta mini kurãkuraina, a rãnar sãkamako."

آية رقم 83

ﰃﰄﰅﰆﰇﰈ ﰉ ​

"Ya Ubangijĩna! Ka ba ni hukunci, kuma Ka riskar da ni ga sãlihai."

آية رقم 84

ﭑﭒﭓﭔﭕﭖ ﭗ ​

"Kuma Ka sanya mini harshen gaskiya a cikin mutãnen ƙarshe."

آية رقم 85

ﭘﭙﭚﭛﭜ ﭝ ​

"Kuma Ka sanya ni daga magãdan Aljannar ni'ima."

آية رقم 86

ﭞﭟﭠﭡﭢﭣ ﭤ ​

"Kuma Ka gãfarta wa ubãna, lalle ne shi, ya kasance daga ɓatattu."

آية رقم 87

ﭥﭦﭧﭨ ﭩ ​

"Kuma kada Ka kunyata ni a rãnar da ake tãyar da su."

آية رقم 88

ﭪﭫﭬﭭﭮﭯ ﭰ ​

"A rãnar da dũkiya bã ta amfãni, kuma ɗiya bã su yi."

آية رقم 89

ﭱﭲﭳﭴﭵﭶ ﭷ ​

"Fãce wanda ya jẽ wa Allah da zũciya mai tsarki."

آية رقم 90

ﭸﭹﭺ ﭻ ​

Kuma aka kusantar da Aljanna ga mãsu taƙawa.

آية رقم 91

ﭼﭽﭾ ﭿ ​

Kuma aka fitar da wutã babba dõmin halakakku.

آية رقم 92

ﮀﮁﮂﮃﮄﮅ ﮆ ​

Kuma aka ce musu, "Inã abin da kuka kasance kunã bautawa?"

آية رقم 93

ﮇﮈﮉﮊﮋﮌﮍ ﮎ ​

"Baicin Allah? Shin sunã tamakon ku kõ kuwa sunã tsare kansu?"

آية رقم 94

ﮏﮐﮑﮒ ﮓ ​

Sai aka kikkife su a cikinta, su da halakakkun.

آية رقم 95

ﮔﮕﮖ ﮗ ​

Da rundunar Ibilĩsa gabã ɗaya.

آية رقم 96

ﮘﮙﮚﮛ ﮜ ​

Suka ce: alhãli sunã a cikinta sunã yin husũma,

آية رقم 97

ﮝﮞﮟﮠﮡﮢ ﮣ ​

"Rantsuwa da Allah! Lalle ne mun kasance, haƙĩƙa, a cikin ɓata bayyananna."

آية رقم 98

ﮤﮥﮦﮧ ﮨ ​

"A lõkacin da muke daidaita ku da Ubangijin halittu.

آية رقم 99

ﮩﮪﮫﮬ ﮭ ​

"Kuma bãbu abin da ya ɓatar da mu fãce mãsu laifi."

آية رقم 100

ﮮﮯﮰﮱ ﯓ ​

"Sabõda haka bã mu da waɗansu macẽta."

آية رقم 101

ﯔﯕﯖ ﯗ ​

"Kuma bã mu da abõki, masõyi."

آية رقم 102

ﯘﯙﯚﯛﯜﯝﯞ ﯟ ​

"Sabõda haka dã lalle munã da (dãmar) kõmawa, dõmin mu kasance daga mũminai!"

آية رقم 103

ﯠﯡﯢﯣﯤﯥﯦﯧﯨ ﯩ ​

Lalle ne, a cikin wancan akwai ãyã, kuma mafi yawansu, bã su kasance mũminai ba.

آية رقم 104

ﯪﯫﯬﯭﯮ ﯯ ​

Kuma lalle ne, Ubangijinka, Shi ne Mabuwãyi, Mai jin ƙai.

آية رقم 105

ﯰﯱﯲﯳ ﯴ ​

Mutãnen Nũhu sun ƙaryata Manzanni.

آية رقم 106

ﯵﯶﯷﯸﯹﯺﯻ ﯼ ​

A lõkacin da ɗan'uwansu, Nũhu, ya ce musu, "Shin, bã zã ku yi taƙawa ba?"

آية رقم 107

ﯽﯾﯿﰀ ﰁ ​

"Lalle ne, zuwa gare ku, ni Manzo ne amintacce."

آية رقم 108

ﰂﰃﰄ ﰅ ​

"To, ku bi Allah da taƙawa, kuma ku yi mini ɗã'ã."

آية رقم 109

ﰆﰇﰈﰉﰊﰋﰌﰍﰎﰏﰐﰑ ﰒ ​

"Kuma bã ni tambayar ku wata ijãra a kansa. Ijãrãtã ba ta zama ba fãce daga Ubangijin halittu."

آية رقم 110

ﰓﰔﰕ ﰖ ​

"Sabõda haka, ku bi Allah da taƙawa, kuma ku yi mini ɗã'ã."

آية رقم 111

ﰗﰘﰙﰚﰛﰜ ﰝ ​

Suka ce: "Ashe, zã mu yi ĩmãni sabõda kai alhãli kuwa mafiya ƙasƙanci sun bi ka?"

آية رقم 112

ﭑﭒﭓﭔﭕﭖ ﭗ ​

Ya ce: "Kuma bã ni da sani ga abin da suka kasance sanã aikatãwa."

آية رقم 113

ﭘﭙﭚﭛﭜﭝﭞﭟ ﭠ ​

"Hisãbinsu bai zama ba fãce ga Ubangijina, dã kunã sansancẽwa."

آية رقم 114

ﭡﭢﭣﭤ ﭥ ​

"Ban zama mai kõre mũminai ba."

آية رقم 115

ﭦﭧﭨﭩﭪ ﭫ ​

"Nĩ ba kõwa ba ne sai mai gargaɗi mai bayyanãwa."

آية رقم 116

ﭬﭭﭮﭯﭰﭱﭲﭳ ﭴ ​

Suka ce: "Lalle ne, idan ba ka hanu ba, yã Nũhu, (daga maganarka,) haƙĩƙa, kanã kasancẽwa daga waɗanda ake jẽfewa"

آية رقم 117

ﭵﭶﭷﭸﭹ ﭺ ​

Ya ce: "Yã Ubangijĩna! Lalle ne mutãnena sun ƙaryatã ni."

آية رقم 118

ﭻﭼﭽﭾﭿﮀﮁﮂﮃ ﮄ ​

"Sai ka yi hukunci, a tsakãnĩna da tsakãninsu tabbataccen hukanci, kuma ka tsĩrar da ni, da waɗanda suke tãre da ni daga mũminai."

آية رقم 119

ﮅﮆﮇﮈﮉﮊ ﮋ ​

Sai Muka tsĩrar da shi, shi da waɗanda suke tãre da shi, a cikin jirgi wanda aka yi wa lõdi.

آية رقم 120

ﮌﮍﮎﮏ ﮐ ​

Sa'an nan Muka nutsar a bãyan haka, da sauran.

آية رقم 121

ﮑﮒﮓﮔﮕﮖﮗﮘﮙ ﮚ ​

Lalle ne a cikin wannan akwai ãyã, kuma mafi yawansu, ba su kasance mãsu ĩmãni ba.

آية رقم 122

ﮛﮜﮝﮞﮟ ﮠ ​

Kuma Lalle ne, Ubangijinka, haƙĩƙa, Shĩ ne Mabuwãyi, Mai Rahama.

آية رقم 123

ﮡﮢﮣ ﮤ ​

Ãdãwa sun ƙaryata Manzanni.

آية رقم 124

ﮥﮦﮧﮨﮩﮪﮫ ﮬ ​

A lõkacin da ɗan'uwansu, Hũdu ya ce musu, "Bã zã ku yi taƙawa ba?"

آية رقم 125

ﮭﮮﮯﮰ ﮱ ​

"Lalle ne ni, zuwa gare ku, haƙĩƙa, Manzo ne, amintacce."

آية رقم 126

ﯓﯔﯕ ﯖ ​

"Sabõda haka ku bi Allah da taƙawa, kuma ku yi mini ɗã'ã."

آية رقم 127

ﯗﯘﯙﯚﯛﯜﯝﯞﯟﯠﯡﯢ ﯣ ​

"Kuma bã ni tambayar wata ijãra a kansa. Ijãrãta ba ta zama ba, fãce daga Ubangijin halittu."

آية رقم 128

ﯤﯥﯦﯧﯨ ﯩ ​

"Shin, kunã yin ginin sitadiyo a kõwane tsauni ne, kunã yin wãsa?"

آية رقم 129

ﯪﯫﯬﯭ ﯮ ​

"Kuma kunã riƙon matsãrar ruwa, tsammãninku, ku dawwama?"

آية رقم 130

ﯯﯰﯱﯲ ﯳ ​

"Kuma idan kun yi damƙa, sai ku yi damƙar kunã mãsu tanƙwasãwa."

آية رقم 131

ﯴﯵﯶ ﯷ ​

"To ku bi Allah da taƙawa, kuma ku yi mini ɗã'ã."

آية رقم 132

ﯸﯹﯺﯻﯼ ﯽ ​

"Ku ji tsõron wanda Ya taimake ku da abin da kuka sani."

آية رقم 133

ﯾﯿﰀ ﰁ ​

"Ya taimake ku da dabbõbin ni'ima da ɗiya."

آية رقم 134

ﰂﰃ ﰄ ​

"Da gõnaki da marẽmari."

آية رقم 135

ﰅﰆﰇﰈﰉﰊ ﰋ ​

"Lalle ne nĩ, inã ji muku tsõron azãbar wani yini mai girma."

آية رقم 136

ﰌﰍﰎﰏﰐﰑﰒﰓﰔ ﰕ ​

Suka ce: "Daidai ne a kanmu: Kã yi wa'azi kõ ba ka kasance daga mãsu wa'azi ba."

آية رقم 137

ﭑﭒﭓﭔﭕ ﭖ ​

"Wannan abu bai zamõ ba fãce hãlãyen mutãnen farko."

آية رقم 138

ﭗﭘﭙ ﭚ ​

"Kuma mũ ba mu zama waɗanda ake yi wa azãba ba."

آية رقم 139

ﭛﭜﭝﭞﭟﭠﭡﭢﭣﭤﭥﭦ ﭧ ​

Sabõda haka suka ƙaryata shi, sai Muka halakar da sũ. Lalle ne a cikin wannan akwai ãyã, kuma mafi yawansu ba su kasance mãsu ĩmãni ba.

آية رقم 140

ﭨﭩﭪﭫﭬ ﭭ ​

Kuma lalle ne, Ubangijinka, haƙĩƙa, Shi ne Mabuwãyi, Mai jin ƙai.

آية رقم 141

ﭮﭯﭰ ﭱ ​

Samũdãwa sun ƙaryata Manzanni.

آية رقم 142

ﭲﭳﭴﭵﭶﭷﭸ ﭹ ​

A lõkacin da ɗan'uwansu Sãlihu ya ce: "Shin, bã zã ku bi Allah da taƙawa ba?"

آية رقم 143

ﭺﭻﭼﭽ ﭾ ​

"Lalle ne nĩ zuwã gare ku, Manzo ne, amintacce."

آية رقم 144

ﭿﮀﮁ ﮂ ​

"Sabõda haka ku bi Allah da taƙawa, kuma ku yi mini ɗã'ã.

آية رقم 145

ﮃﮄﮅﮆﮇﮈﮉﮊﮋﮌﮍﮎ ﮏ ​

"Kuma bã ni tambayar ku wata ijãra a kansa. Ijãrãta ba ta zama ba fãce da a Ubangijin halittu."

آية رقم 146

ﮐﮑﮒﮓﮔ ﮕ ​

"Shin, anã barin ku a cikin abin da yake a nan, kunã amintattu?"

آية رقم 147

ﮖﮗﮘ ﮙ ​

"A cikin gõnaki da marẽmari."

آية رقم 148

ﮚﮛﮜﮝ ﮞ ​

"Da shuke-shuke da dabĩ nai, 'ya'yan itãcensu hirtsi mãsu narkẽwa a ciki?"

آية رقم 149

ﮟﮠﮡﮢﮣ ﮤ ​

"Kuma kunã sassaƙa gidãje daga duwãtsu, kunã mãsu alfãhari?"

آية رقم 150

ﮥﮦﮧ ﮨ ​

"Sabõda haka ku bi Allah da taƙawa, kuma ku yi mini ɗã'ã."

آية رقم 151

ﮩﮪﮫﮬ ﮭ ​

"Kada ku yi ɗã'ã ga umurnin maɓarnata."

آية رقم 152

ﮮﮯﮰﮱﯓﯔ ﯕ ​

"Waɗanda suke yin ɓarna a cikin ƙasa, kuma bã su kyautatãwa."

آية رقم 153

ﯖﯗﯘﯙﯚ ﯛ ​

Suka ce: "Kai daga mãsu sihiri kurum kake."

آية رقم 154

ﯜﯝﯞﯟﯠﯡﯢﯣﯤﯥﯦ ﯧ ​

"Bã kõwa kake ba, fãce mutum kamarmu. To, kã zo da wata ãyã idan kã kasance daga mãsu gaskiya."

آية رقم 155

ﯨﯩﯪﯫﯬﯭﯮﯯﯰ ﯱ ​

Ya ce: "Wannan rãkuma ce tanã da shan yini, kuma kunã da shan yini sasanne."

آية رقم 156

ﯲﯳﯴﯵﯶﯷﯸ ﯹ ​

"Kada ku shãfe ta da cũta har azãbar yini mai girmã ta shãfe ku."

آية رقم 157

ﯺﯻﯼ ﯽ ​

Sai suka sõke ta sa'an nan suka wãyi gari sunã mãsu nadãma.

آية رقم 158

ﯾﯿﰀﰁﰂﰃﰄﰅﰆﰇﰈﰉ ﰊ ​

Sabõda haka azãba ta kãma su. Lalle ne a cikin wannan akwai ãyã, kuma mafi yawansu, ba su kasance mãsu ĩmãni ba.

آية رقم 159

ﰋﰌﰍﰎﰏ ﰐ ​

Lalle ne Ubangijinka, haƙĩ ƙa, Shĩ ne Mabuwayi, Mai jin ƙai.

آية رقم 160

ﭑﭒﭓﭔ ﭕ ​

Mutãnen Lũɗu sun ƙaryata Manzanni.

آية رقم 161

ﭖﭗﭘﭙﭚﭛﭜ ﭝ ​

A lõkacin da ɗan'uwansu, Lũɗu ya ce musu, "Bã zã ku yi taƙawa ba?"

آية رقم 162

ﭞﭟﭠﭡ ﭢ ​

"Lalle ne nĩ, zuwa gare ku, Manzõ ne, amintacce."

آية رقم 163

ﭣﭤﭥ ﭦ ​

"Sabõda haka ku bi Allah da taƙawa, kuma ku yi mini ɗã'ã."

آية رقم 164

ﭧﭨﭩﭪﭫﭬﭭﭮﭯﭰﭱﭲ ﭳ ​

"Kuma bã ni tambayar ku wata ijãra, Ijãrãta ba ta zama ba fãce daga Ubangijin halittu."

آية رقم 165

ﭴﭵﭶﭷ ﭸ ​

"Shin kunã jẽ wa maza daga cikin talikai?"

آية رقم 166

ﭹﭺﭻﭼﭽﭾﭿﮀﮁﮂﮃﮄ ﮅ ​

"Kuma kunã barin abin da Ubangijinku Ya halitta muku daga mãtanku? Ã'a, ku mutãne ne mãsu ƙẽtarẽwa!"

آية رقم 167

ﮆﮇﮈﮉﮊﮋﮌﮍ ﮎ ​

Suka ce: "Lalle ne haƙĩƙa idan ba ka hanu ba, yã Lũɗu! Tĩlas ne kanã kasancẽwa daga waɗanda ake fitarwa (daga gari)."

آية رقم 168

ﮏﮐﮑﮒﮓ ﮔ ​

Ya ce: "Lalle ne ga aikinku, haƙĩƙa, inã daga mãsu ƙinsa."

آية رقم 169

ﮕﮖﮗﮘﮙ ﮚ ​

"Ya Ubangijina! Ka tsĩrar da ni da iyãlĩna daga abin da suke aikatãwa."

آية رقم 170

ﮛﮜﮝ ﮞ ​

Sabõda haka Muka tsĩrar da shi, Shi da mutãnensa gabã ɗaya.

آية رقم 171

ﮟﮠﮡﮢ ﮣ ​

Fãce wata tsõhuwa a cikin mãsu wanzuwa.

آية رقم 172

ﮤﮥﮦ ﮧ ​

Sa'an nan kuma Muka darkãke wasu.

آية رقم 173

ﮨﮩﮪﮫﮬﮭﮮ ﮯ ​

Kuma Muka yi ruwan sama a kansu ruwa, sai dai ruwan waɗanda ake yi wa gargaɗi ya mũnana.

آية رقم 174

ﮰﮱﯓﯔﯕﯖﯗﯘﯙ ﯚ ​

Lalle ne ga wannan, akwai ãyã, kuma mafi yawansu bã su kasance mãsu ĩmãni ba.

آية رقم 175

ﯛﯜﯝﯞﯟ ﯠ ​

Kuma lalle ne Ubangijinka, haƙĩƙa, Shĩ ne Mabuwãyi, Mai jin ƙai.

آية رقم 176

ﯡﯢﯣﯤ ﯥ ​

Ma'abũta ƙunci sun ƙaryata Manzanni.

آية رقم 177

ﯦﯧﯨﯩﯪﯫ ﯬ ​

A lõkacin da Shu'aibu ya ce musu, "Bã zã ku yi taƙawa ba?"

آية رقم 178

ﯭﯮﯯﯰ ﯱ ​

"Lalle ne ni, zuwa gare ku, Manzo ne, amintacce."

آية رقم 179

ﯲﯳﯴ ﯵ ​

"Sabõda haka ku bi Allah da taƙawa kuma ku yi mini ɗã'ã."

آية رقم 180

ﯶﯷﯸﯹﯺﯻﯼﯽﯾﯿﰀﰁ ﰂ ​

"Kuma ba ni tambayar ku wata ijãra a kansa. Ijãrata ba ta zama ba fãce daga Ubangijin halittu."

آية رقم 181

ﰃﰄﰅﰆﰇﰈﰉ ﰊ ​

"Ku cika mũdu, kuma kada ku kasance daga mãsu sanyãwar hasãra (ga mutãne)."

آية رقم 182

ﰋﰌﰍ ﰎ ​

"Kuma ku yi awo da sikẽli daidaitacce."

آية رقم 183

ﰏﰐﰑﰒﰓﰔﰕﰖﰗ ﰘ ​

"Kuma kada ku nakasa wa mutãne abũbuwansu kuma kada ku yi fasãdi a cikin ƙasa kuna mãsu ɓarna."

آية رقم 184

ﭑﭒﭓﭔﭕ ﭖ ​

"Kuma ku ji tsõron Allah wanda Ya halitta ku, kũ da jama'ar farko."

آية رقم 185

ﭗﭘﭙﭚﭛ ﭜ ​

Suka ce: "Kai dai daga waɗanda suke sihirtattu kawai ne."

آية رقم 186

ﭝﭞﭟﭠﭡﭢﭣﭤﭥ ﭦ ​

"Kuma bã kõwa kake ba, fãce mutum kamarmu kuma lalle ne munã zaton ka, haƙĩƙa, daga maƙaryata."

آية رقم 187

ﭧﭨﭩﭪﭫﭬﭭﭮﭯ ﭰ ​

"To ka jẽfo wani ɓaɓɓake daga sama a kanmu, idan ka kasance daga mãsu gaskiya."

آية رقم 188

ﭱﭲﭳﭴﭵ ﭶ ​

Ya ce: "Ubangijĩna ne Mafi sani ga abin da kuke aikatãwa."

آية رقم 189

ﭷﭸﭹﭺﭻﭼﭽﭾﭿﮀﮁ ﮂ ​

Sai suka ƙaiyatã shi, sabõda haka, azãbar rãnar girgije ta kãma su. Lalle ne ita, tã kasance azãbar yini mai girma.

آية رقم 190

ﮃﮄﮅﮆﮇﮈﮉﮊﮋ ﮌ ​

Lalle a cikin wancan haƙĩka akwai ãya, amma mafi yawansu ba su kasance mãsu ĩmãni ba.

آية رقم 191

ﮍﮎﮏﮐﮑ ﮒ ​

Kuma lalle Ubangijĩnka, haƙĩƙa, Shĩ ne Mabuwãyi, Mai jin ƙai.

آية رقم 192

ﮓﮔﮕﮖ ﮗ ​

Kuma lalle shi (Alƙur'ãni), haƙĩƙa, saukarwar Ubangijinhalittu ne.

آية رقم 193

ﮘﮙﮚﮛ ﮜ ​

Rũhi amintacce ne ya sauka da shi.

آية رقم 194

ﮝﮞﮟﮠﮡ ﮢ ​

A kan zũciyarka, dõmin ka kasance daga mãsu gargaɗi.

آية رقم 195

ﮣﮤﮥ ﮦ ​

Da harshe na Larabci mai bayãni.

آية رقم 196

ﮧﮨﮩﮪ ﮫ ​

Kuma lalle shin, haƙĩƙa, yanã a cikin litattafan (Manzannin) farko.

آية رقم 197

ﮬﮭﮮﮯﮰﮱﯓﯔﯕ ﯖ ​

Ashe, bai kasance ãyã ba a gare su, ya zama Mãlaman Banĩ Isrã'ĩla sun san shi?

آية رقم 198

ﯗﯘﯙﯚﯛ ﯜ ​

Kuma dã mun saukar da shi a kan sãshen Ajamãwa,

آية رقم 199

ﯝﯞﯟﯠﯡﯢ ﯣ ​

Ya karanta shi a kansu, ba su kasance sabõda shi mãsu ĩmãni ba.

آية رقم 200

ﯤﯥﯦﯧﯨ ﯩ ​

Kamar wancan ne! Muka shigar da shi a cikin zukãtan mãsu laifi.

آية رقم 201

ﯪﯫﯬﯭﯮﯯﯰ ﯱ ​

Bã zã su yi ĩmãni da shĩ ba sai sun ga azãbar nan mai raɗadi.

آية رقم 202

ﯲﯳﯴﯵﯶ ﯷ ​

Sai ta taho musu kwatsam, alhãli kuwa sũ, ba su sansance ba.

آية رقم 203

ﯸﯹﯺﯻ ﯼ ​

Sai su ce: "Shin, mu waɗanda ake yi wa jinkiri ne?"

آية رقم 204

ﯽﯾ ﯿ ​

Ashe, to, da azãbarMu suke nẽman gaggãwa?

آية رقم 205

ﰀﰁﰂﰃ ﰄ ​

Ashe, to, kã gani, idan Muka jĩshe su daɗi a shẽkaru,

آية رقم 206

ﰅﰆﰇﰈﰉ ﰊ ​

Sa'an nan abin da suka kasance anã yi musu wa'adi (da shi) ya jẽ musu,

آية رقم 207

ﭑﭒﭓﭔﭕﭖ ﭗ ​

Abin da suka kasance anã jĩshe su dãɗin bã zai tunkuɗe azãba ba daga gare su.

آية رقم 208

ﭘﭙﭚﭛﭜﭝﭞ ﭟ ​

Kuma bã Mu halakar da wata alƙarya ba fãce tanã da mãsu gargaɗi.

آية رقم 209

ﭠﭡﭢﭣ ﭤ ​

Dõmin tunãtarwa, kuma ba Mu kasance Mãsu zãlunci ba.

آية رقم 210

ﭥﭦﭧﭨ ﭩ ​

Kuma (Alƙur'ãni) Shaiɗãnu ba su ɗõra sauka da shĩba.

آية رقم 211

ﭪﭫﭬﭭﭮ ﭯ ​

Kuma bã ya kamãta a gare su (su Shaiɗãnu su sauka da shi), kuma ba su iyãwa.

آية رقم 212

ﭰﭱﭲﭳ ﭴ ​

Lalle ne sũ, daga saurãre, haƙĩƙa, waɗanda aka nĩsantar ne.

آية رقم 213

ﭵﭶﭷﭸﭹﭺﭻﭼﭽ ﭾ ​

Sabõda haka, kada ka kira wani abin bautãwa na dabam tãre da Allah, sai ka kasance daga waɗanda ake yi wa azãba.

آية رقم 214

ﭿﮀﮁ ﮂ ​

Kuma ka yi gargaɗi ga danginka mafiya kusanci.

آية رقم 215

ﮃﮄﮅﮆﮇﮈ ﮉ ​

Kuma ka sassauta fikãfikanka ga wanda ya bĩ ka daga mũminai.

آية رقم 216

ﮊﮋﮌﮍﮎﮏﮐ ﮑ ​

Sa'an nan idan suka sãɓã maka to ka ce: "Lalle nĩ, barrantacce ne daga abin da kuko aikatãwa."

آية رقم 217

ﮒﮓﮔﮕ ﮖ ​

Kuma ka dõgara ga Mabuwãyi, Mai jin ƙai.

آية رقم 218

ﮗﮘﮙﮚ ﮛ ​

Wanda Yake ganin ka a lõkacin da kake tãshi tsaye.

آية رقم 219

ﮜﮝﮞ ﮟ ​

Da jujjuyãwarka a cikin mãsu yin sujada.

آية رقم 220

ﮠﮡﮢﮣ ﮤ ​

Lalle Shi, Shi ne Mai ji, Masani.

آية رقم 221

ﮥﮦﮧﮨﮩﮪ ﮫ ​

Shin, (kunã so) in gaya muku a kan wanda Shaiɗãnnu kan sauka?

آية رقم 222

ﮬﮭﮮﮯﮰ ﮱ ​

Sukan sauka a kan dukkan maƙaryaci, mai zunubi.

آية رقم 223

ﯓﯔﯕﯖ ﯗ ​

Sunã jẽfa (abin da suka) ji, alhãli kuwa mafi yawansu maƙaryata ne.

آية رقم 224

ﯘﯙﯚ ﯛ ​

Kuma mawãƙa halakakku ne ke bin su.

آية رقم 225

ﯜﯝﯞﯟﯠﯡﯢ ﯣ ​

Shin, ba ku cẽwa, lalle ne sũ, cikin kõwane rango sunã yin ɗimuwa (su ƙẽtare haddi) ba?

آية رقم 226

ﯤﯥﯦﯧﯨ ﯩ ​

Kuma lalle ne, sũ, sunã faɗin abin da bã su aikatãwa?

آية رقم 227

ﯪﯫﯬﯭﯮﯯﯰﯱﯲﯳﯴﯵﯶﯷﯸﯹﯺﯻﯼﯽ ﯾ ​

Fãce waɗanda suka yi ĩmãni suka aikata ayyukan ƙwarai, kuma suka ambaci Allah da yawa, kuma suka rãma zãlunci, daga bãyan an zãlunce su. Kuma waɗanda suka yi zãlunci, zã su sani a wace majũya suke jũyãwa.