ترجمة سورة الشعراء

Tajik - Tajik translation
ترجمة معاني سورة الشعراء باللغة الطاجيكية من كتاب Tajik - Tajik translation .

ﰡ

ﭑ ﰀ​

ШУЪАРО


То, син, мим.
ﭓﭔﭕﭖ ﰁ​

Инҳост оёти ин китоби равшан(-у фаҳмо)
ﭘﭙﭚﭛﭜﭝ ﰂ​

Шояд аз ин, ки имон намеоваранд, худро ҳалок созӣ.
ﭟﭠﭡﭢﭣﭤﭥﭦﭧﭨﭩ ﰃ​

Агар бихоҳем, аз осмон барояшон мӯъҷизае нозил мекунем, ки дар баробари он ба фармонбарӣ сар фуруд оваранд.
ﭫﭬﭭﭮﭯﭰﭱﭲﭳﭴﭵ ﰄ​

Барояшон ҳар сухани тозае аз Худои раҳмон нозил шавад, албатта аз он рӯгардонӣ мекунанд.
ﭷﭸﭹﭺﭻﭼﭽﭾ ﰅ​

Пас дурӯғ бароварданд. Ба зуди хабари он чизҳое, ки масхарааш мекарданд, ба онҳо бирасад.
ﮀﮁﮂﮃﮄﮅﮆﮇﮈﮉﮊ ﰆ​

Оё ба замин нанигаристаанд, ки чӣ қадар аз ҳар гуна гиёҳони некӯ дар он рӯёнидаем.
ﮌﮍﮎﮏﮐﮑﮒﮓﮔ ﰇ​

Дар ин ибратест, вале бештарашон мӯъмин набудаанд.
ﮖﮗﮘﮙﮚ ﰈ​

Ба ростӣ Парвардигори ту пирӯзманду меҳрубон аст!
ﮜﮝﮞﮟﮠﮡﮢﮣ ﰉ​

Ва Парвардигорат Мӯсоро нидо до, д, ки: эй Мӯсо, ба сӯи он мардуми ситамгор бирав:
ﮥﮦﮧﮨﮩ ﰊ​

қавми Фиръавн. Оё намехоҳанд парҳезгор шаванд?
ﮫﮬﮭﮮﮯﮰ ﰋ​

Гуфт: «Эй Парвардигори ман, метарсам, ки дурӯғгӯям хонанд.
ﯓﯔﯕﯖﯗﯘﯙﯚ ﰌ​

Ва дили ман танг гардад ва забонам кушода нашавад. Ҳорунро пайғамбарӣ деҳ!
ﯜﯝﯞﯟﯠﯡ ﰍ​

Ва бар ман ба гуноҳе даъвое доранд, метарсам, ки маро бикушанд».
ﯣﯤﯥﯦﯧﯨﯩﯪﯫ ﰎ​

Гуфт: «Ҳаргиз, оёти Маро ҳар ду назди онҳо бибаред, Мо низ бо шумо ҳастем ва гӯшкунандаем.
ﯭﯮﯯﯰﯱﯲﯳ ﰏ​

Пас назди Фиръавн равед ва бигӯед: «Мо расули Парвардигори ҷаҳониён ҳастем,
ﯵﯶﯷﯸﯹ ﰐ​

ки банӣ-Исроилро бо мо бифиристӣ».
ﯻﯼﯽﯾﯿﰀﰁﰂﰃﰄ ﰑ​

Гуфт: «Оё ба ҳангоми кӯдакӣ назди худ парваришат надодем ва ту чанд сол аз умратро дар миёни мо нагузаронидӣ?
ﰆﰇﰈﰉﰊﰋﰌ ﰒ​

Ва он корро, ки аз ту оар зад, накардаӣ? Пас ту кофири неъматӣ».
ﭑﭒﭓﭔﭕﭖ ﰓ​

Гуфт: «Он вақт, ки чунон кардам, аз хатокорон будам.
ﭘﭙﭚﭛﭜﭝﭞﭟﭠﭡﭢ ﰔ​

Ва чун аз шумо тарсидам, гурехтам. Вале Парвардигори мам ба ман паёмбарӣ дод ва маро дар шумори паёмбарон овард.
ﭤﭥﭦﭧﭨﭩﭪﭫ ﰕ​

Ва миннати ин неъматро бар ман мекунӣ, ки банӣ-Исроилро ғулом сохтаӣ?»
ﭭﭮﭯﭰﭱ ﰖ​

Фиръавн гуфт: «Парвардигори ҷаҳониён чист?»
ﭳﭴﭵﭶﭷﭸﭹﭺﭻﭼ ﰗ​

Гуфт: «Агар ба яқин мепазиред, Парвардигори осмонҳову замин ва ҳар чӣ миёни онҳост»,
ﭾﭿﮀﮁﮂ ﰘ​

Ба онон, ки дар атрофаш буданд, гуфт: «Оё нашунидед?»
ﮄﮅﮆﮇﮈ ﰙ​

Гуфт; «Парвардпгори шумо ва Парвардигори падарони аввалини шумо».
ﮊﮋﮌﮍﮎﮏﮐ ﰚ​

Фиръазн гуфт: «Ин паёмбаре, ки бар шумо фиристода шуда, девона аст».
ﮒﮓﮔﮕﮖﮗﮘﮙﮚﮛ ﰛ​

Гуфт: «Ӯст Парвардигори машрику мағриб ва ҳар чӣ миёни он дӯст, агар ақл кунед».
ﮝﮞﮟﮠﮡﮢﮣﮤ ﰜ​

Фиръавн гуфт: «Агар ба ҷои ман каси дигареро ба худои гири, ба зиндонат меафканам».
ﮦﮧﮨﮩﮪ ﰝ​

Гуфт: «Ҳатто агар мӯъҷизае равшан барои ту оварда бошам?»
ﮬﮭﮮﮯﮰﮱﯓ ﰞ​

Гуфт; Агар рост мегӯӣ, онро биёвар».
ﯕﯖﯗﯘﯙﯚ ﰟ​

Асояшро партофт. Ба ошкоро аждаҳое шуд.
ﯜﯝﯞﯟﯠﯡ ﰠ​

Ва дасташро берун овард. Дар назари бинандагон сафед менамуд.
ﯣﯤﯥﯦﯧﯨﯩ ﰡ​

Ба бузургони қавмаш, ки канораш буданд, гуфт: «Ин мард ҷодугаре доност.
ﯫﯬﯭﯮﯯﯰﯱﯲ ﰢ​

Мехоҳад ба ҷодуи. худ шуморо аз сарзаминатон берун кунад. Чӣ раъй медиҳед?»
ﯴﯵﯶﯷﯸﯹﯺ ﰣ​

Гуфтанд: «Аз ӯ ва ба бародараш мӯҳлат бихоҳ ва касон ба шаҳрҳо бифирист,
ﯼﯽﯾﯿ ﰤ​

то ҳар ҷодугари доноеро, ки ҳаёт, назди ту биёранд».
ﰁﰂﰃﰄﰅ ﰥ​

Ҷодугаронро дар рӯзе муъайян ба ваъдагоҳ оварданд.
ﰇﰈﰉﰊﰋ ﰦ​

Ва мардумро гуфтанд: «Оё шумо низ ҷамъ меоед?
ﭑﭒﭓﭔﭕﭖﭗ ﰧ​

То агар ҷодугарон пирӯз омаданд, ҳама ба онҳо пайравӣ кунем!»
ﭙﭚﭛﭜﭝﭞﭟﭠﭡﭢﭣﭤ ﰨ​

Чун ҷодугарон омаданд, ба Фиръавн гуфтанд: «Оё агар мо пирӯз шавем, моро музде хоҳад буд?»
ﭦﭧﭨﭩﭪﭫ ﰩ​

Гуфт: «Оре, ҳама аз наздиконам хоҳед буд».
ﭭﭮﭯﭰﭱﭲﭳ ﰪ​

Мӯсо ба онҳо гуфт: «Ҳар чӣ мехоҳед, партофтан, бипартоед!»
ﭵﭶﭷﭸﭹﭺﭻﭼﭽ ﰫ​

Онон ресмонҳову чубҳои худ бияфканданд ва гуфтанд: «Ба иззати Фиръавн, ки мо пирӯз шудем!»
ﭿﮀﮁﮂﮃﮄﮅﮆ ﰬ​

Ва Мӯсо асояшро партофт. Ногоҳ ҳамаи он дурӯғҳоеро, ки сохта буданд, фурӯ бурд.
ﮈﮉﮊ ﰭ​

Ҷодугарон ба саҷда афтоданд.
ﮌﮍﮎﮏ ﰮ​

Гуфтанд: «Ба Парвардигори ҷаҳониён имон овардем,
ﮑﮒﮓ ﰯ​

Парвардигори Мӯсо ва Ҳорун!»
ﮕﮖﮗﮘﮙﮚﮛﮜﮝﮞﮟﮠﮡﮢﮣﮤﮥﮦﮧﮨﮩﮪﮫ ﰰ​

Гуфт: «Оё пеш аз он, ки шуморо рухсат диҳам, имон овардед? Албатта он мард бузурги шумост, ки шуморо ҷоду омӯхтааст. Хоҳед дид. Акнун дастҳову поҳоятонро аз чапу рост хоҳам бурид ва ҳамаатонро бар дор хоҳам кард!»
ﮭﮮﮯﮰﮱﯓﯔﯕ ﰱ​

Гуфтанд: «Боке нест, мо назди Парвардигорамон бозмегардем.
ﯗﯘﯙﯚﯛﯜﯝﯞﯟﯠﯡ ﰲ​

Мо умед медорем, ки Парвардигорамон хатоҳои моро бубахшад, ки мо нахустин касоне ҳастем, ки имон овардем».
ﯣﯤﯥﯦﯧﯨﯩﯪﯫ ﰳ​

Ва ба Мӯсо ваҳй кардем, ки шабҳангом бандагони Маро берун бибар, ки аз паи шумо биёянд.
ﯭﯮﯯﯰﯱ ﰴ​

Ва Фиръавн ҷамъоварандагони сипоҳро ба шаҳрҳо фиристод.
ﯳﯴﯵﯶ ﰵ​

ки инҳо гурӯҳе андаканд
ﯸﯹﯺ ﰶ​

ва моро ба хашм овардаанд
ﯼﯽﯾ ﰷ​

ва мо ҳамагӣ омодаи ҷангем.
ﰀﰁﰂﰃ ﰸ​

Пас онҳоро аз борҳову чашмасорҳо берун кардем
ﰅﰆﰇ ﰹ​

ва аз ганҷҳову хонаҳои некӯ,
ﰉﰊﰋﰌﰍ ﰺ​

ба ин тарз ҳамаро ба банӣ-Исроил вогузоштем
ﰏﰐ ﰻ​

Фиръавниён ба ҳангоми баромадани офтоб аз паи онҳо рафтанд.
ﭑﭒﭓﭔﭕﭖﭗﭘ ﰼ​

Чун он ду гурӯҳ якдигарро диданд, ёрони Мӯсо гуфтанд: «Гирифтор омадем!»
ﭚﭛﭜﭝﭞﭟﭠ ﰽ​

Гуфт: «Ҳаргиз, Парвардигори ман бо ман аст ва маро роҳ хоҳад нишон дод».
ﭢﭣﭤﭥﭦﭧﭨﭩﭪﭫﭬﭭﭮﭯ ﰾ​

Пас ба Мӯсо ваҳй кардем, ки асоятро ба дарё бизан. Дарё бишикофт ва ҳар пора чун кӯҳе азим гашт.
ﭱﭲﭳ ﰿ​

Ва он гурӯҳи дигарро низ ба дарё расонидем.
ﭵﭶﭷﭸﭹ ﱀ​

Мӯсо ва ҳамаи ҳамроҳонашро наҷот додем.
ﭻﭼﭽ ﱁ​

Ва он дигаронро ғарк сохтем.
ﭿﮀﮁﮂﮃﮄﮅﮆﮇ ﱂ​

Албатта дар ин ибратест ва бештаринашон имон наоварданд!
ﮉﮊﮋﮌﮍ ﱃ​

Албатта Парвардигори ту пирӯзманду бахшанда аст!
ﮏﮐﮑﮒ ﱄ​

Ва достони Иброҳимро барояшон тиловат кун!
ﮔﮕﮖﮗﮘﮙ ﱅ​

Он гоҳ ки ба падару қавми худ гуфт: «Чӣ мепарастед?»
ﮛﮜﮝﮞﮟﮠ ﱆ​

Гуфтачкд: «Бутонеро мепарастем ва муқими остонашон ҳастем».
ﮢﮣﮤﮥﮦ ﱇ​

Гуфт: «Оё вақте онҳоро мехонед, садоятонро мешунаванд?
ﮨﮩﮪﮫ ﱈ​

Ё барои шумо фоидаву зиёне доранд?»
ﮭﮮﮯﮰﮱﯓ ﱉ​

Гуфтанд: «На, падаронамонро дидаем, ки чунин мекардаанд».
ﯕﯖﯗﯘﯙ ﱊ​

Гуфт: Оё медонед, ки чӣ мепарастидаед
ﯛﯜﯝ ﱋ​

шумо ва падаронатон?
ﯟﯠﯡﯢﯣﯤ ﱌ​

Онҳо душманони мананд, вале Парвардигори ҷаҳониён дӯсти ман аст.
ﯦﯧﯨﯩ ﱍ​

Он, ки маро биёфарида, сипас роҳнамоиям мекунад
ﯫﯬﯭﯮ ﱎ​

ва он, ки ба ман таъом медиҳад ва маро об медиҳад.
ﯰﯱﯲﯳ ﱏ​

ва чун бемор шавам, шифоям мебахшад
ﯵﯶﯷﯸ ﱐ​

ва он, ки маро мемиронад ва сипас зинда мекунад
ﯺﯻﯼﯽﯾﯿﰀﰁ ﱑ​

ва он, ки умед медорам, ки дар рӯзи қиёмат хатоямро бибахшояд.
ﰃﰄﰅﰆﰇﰈ ﱒ​

Эй Парвардигори ман, маро ҳикмат бахш ва маро ба шоистагон бипайванд.
ﭑﭒﭓﭔﭕﭖ ﱓ​

Ва зикри неки маро дар даҳони ояндагон андоз
ﭘﭙﭚﭛﭜ ﱔ​

ва маро аз ворисони биҳишти пурнеъмат қарор деҳ
ﭞﭟﭠﭡﭢﭣ ﱕ​

ва падарамро биёмурз, ки аз гумроҳон аст
ﭥﭦﭧﭨ ﱖ​

ва дар рӯзи қиёмат маро расво масоз,
ﭪﭫﭬﭭﭮﭯ ﱗ​

рӯзе, ки на мол нафъ медиҳад ва на фарзандон,
ﭱﭲﭳﭴﭵﭶ ﱘ​

ғайри он кас, ки бо қалбе покиза аз ширк ба назди Худо биёяд!»
ﭸﭹﭺ ﱙ​

Ва биҳиштро барои парҳезгорон наздик оранд.
ﭼﭽﭾ ﱚ​

Ва ҷаҳаннамро дар назари кофирон ошкор кунанд.
ﮀﮁﮂﮃﮄﮅ ﱛ​

Ба онҳо гӯянд: Чизҳое, ки ба ҷои Худои якто мепарастидед, куҷоянд?
ﮇﮈﮉﮊﮋﮌﮍ ﱜ​

Оё ёриатон мекунанд, ё худ ёрӣ меҷӯянд?»
ﮏﮐﮑﮒ ﱝ​

Онҳо ва кофиронро сармагун дар ҷаҳаннам андозанд
ﮔﮕﮖ ﱞ​

ва ҳамаи лашкари Иблисро.
ﮘﮙﮚﮛ ﱟ​

Ва дар ҳоле, ки дар ҷаҳаннам бо якдигар ҳусумат мекунанду, мегӯянд:
ﮝﮞﮟﮠﮡﮢ ﱠ​

«Ба Худо савганд, ки мо дар гумроҳии ошкор будем,
ﮤﮥﮦﮧ ﱡ​

он гоҳ ки шуморо бо Парвардигори ҷаҳониён баробар медонистем.
ﮩﮪﮫﮬ ﱢ​

Ва моро бадкорон гумроҳ сохтанд
ﮮﮯﮰﮱ ﱣ​

ва акнун моро шафеъоне (халоскунандаҳое) нест
ﯔﯕﯖ ﱤ​

ва моро дӯсти меҳрубоне нест.
ﯘﯙﯚﯛﯜﯝﯞ ﱥ​

Кош бори дигар ба дунё бозгардем, то аз мӯъминон гардем».
ﯠﯡﯢﯣﯤﯥﯦﯧﯨ ﱦ​

Дар ин ибратест ва бештаринашон имон наёварданд.
ﯪﯫﯬﯭﯮ ﱧ​

Албатта Парвардигори ту ғолибу меҳрубон аст!
ﯰﯱﯲﯳ ﱨ​

Қавми Нӯҳ паёмбаронро дурӯғ барозарданд.
ﯵﯶﯷﯸﯹﯺﯻ ﱩ​

Он гоҳ ки бародарашон Нӯҳ ба онҳо гуфт: «Оё наметарсед?
ﯽﯾﯿﰀ ﱪ​

Ман барои шумо паёмбаре ростгӯ ҳастам.
ﰂﰃﰄ ﱫ​

Аз Худо битарсед ва ба ман итоъат кунед.
ﰆﰇﰈﰉﰊﰋﰌﰍﰎﰏﰐﰑ ﱬ​

Ман аз шумо дар баробари ҳидояти худ музде наметалабам. Музди ман танҳо бар ӯҳдаи Парвардигори ҷаҳониён аст.
ﰓﰔﰕ ﱭ​

Пас аз Худо битарсед ва ба ман итоъат кунед!»
ﰗﰘﰙﰚﰛﰜ ﱮ​

Гуфтанд: «Оё ба ту имон биёварем ва ҳол он ки камбағалон пайрави ту ҳастанд?»
ﭑﭒﭓﭔﭕﭖ ﱯ​

Гуфт: «Дониши ман ба корҳое, ки мекунанд, намерасад.
ﭘﭙﭚﭛﭜﭝﭞﭟ ﱰ​

Агар мефаҳмед, ҳисобаш танҳо бо Парвардигори ман аст.
ﭡﭢﭣﭤ ﱱ​

Ва ман мӯъминонро дур намекунам.
ﭦﭧﭨﭩﭪ ﱲ​

Бимдиҳандае ошкор ҳастам».
ﭬﭭﭮﭯﭰﭱﭲﭳ ﱳ​

Гуфтанд: «Эй Нӯҳ агар бас накунӣ, сангсор мешавӣ».
ﭵﭶﭷﭸﭹ ﱴ​

Гуфт: «Эй Парвардигори ман, қавми ман маро дурӯғ мебароранд.
ﭻﭼﭽﭾﭿﮀﮁﮂﮃ ﱵ​

Миёни ману онҳо роҳе баркушой ва марову мӯъминони ҳамроҳи маро наҷот бидеҳ».
ﮅﮆﮇﮈﮉﮊ ﱶ​

Ӯ ва ҳамроҳонашро дар он киштии пур наҷот додем.
ﮌﮍﮎﮏ ﱷ​

Ва боқиро ғарк, кардем.
ﮑﮒﮓﮔﮕﮖﮗﮘﮙ ﱸ​

Албатта дар ин ибратест ва бештаринашон имон наёварданд.
ﮛﮜﮝﮞﮟ ﱹ​

Албатта Парвардигори ту ғолибу меҳрубон аст!
ﮡﮢﮣ ﱺ​

Қавми Од паёмбаронро такзиб карданд (дурӯғ бароварданд).
ﮥﮦﮧﮨﮩﮪﮫ ﱻ​

Он гоҳ, ки бародарашон Ҳуд гуфт: «Оё наметарсед?
ﮭﮮﮯﮰ ﱼ​

Ман барои шумо паёмбаре ростгӯ ҳастам.
ﯓﯔﯕ ﱽ​

Аз Худо битарсед ва ба ман итоъат кунед.
ﯗﯘﯙﯚﯛﯜﯝﯞﯟﯠﯡﯢ ﱾ​

Ман аз шумо дар баробари ҳидояти худ музде наметалабам. Музди ман танҳо бар ӯҳдаи Парвардигори ҷаҳониён аст.
ﯤﯥﯦﯧﯨ ﱿ​

Оё бар сари ҳар баландӣ ба беҳудагӣ биное баланд месозед?
ﯪﯫﯬﯭ ﲀ​

Ва бад-ин пиндор, ки ҳамеша зиндаед, қасрхое бино мекунед?
ﯯﯰﯱﯲ ﲁ​

Ва ҳар гоҳ интиқом гиред, чун бераҳмон интиқом мегиред?
ﯴﯵﯶ ﲂ​

Пас аз Худо битарсед ва аз ман итоъат кунед.
ﯸﯹﯺﯻﯼ ﲃ​

Ва битарсед аз он Худое, ки он чиро, ки медонед, ба шумо ато кардааст.
ﯾﯿﰀ ﲄ​

Ва ба шумо чорпоёну фарзандон ато кардааст.
ﰂﰃ ﲅ​

ва боғҳову чашмасорон.
ﰅﰆﰇﰈﰉﰊ ﲆ​

Ман аз азоби рӯзе бузург бар шумо бимнокам».
ﰌﰍﰎﰏﰐﰑﰒﰓﰔ ﲇ​

Гуфтанд: «Барюй мо яксон аст, ки моро панд диҳӣ ё панд надиҳӣ.
ﭑﭒﭓﭔﭕ ﲈ​

Инҳо ҷуз ҳамон дурӯғу найранги пешиниён нест.
ﭗﭘﭙ ﲉ​

Ва мо азоб нахоҳем шуд».
ﭛﭜﭝﭞﭟﭠﭡﭢﭣﭤﭥﭦ ﲊ​

Пас дурӯғаш бароварданд ва Мо ононро ҳалок кардем. Албатта дар ин ибратест ва бештаринашон имон наёварданд!
ﭨﭩﭪﭫﭬ ﲋ​

Албатта Парвардигори ту ғолибу меҳрубон аст!
ﭮﭯﭰ ﲌ​

Қавми Самуд паёмбаронро дурӯғ бароварданд,
ﭲﭳﭴﭵﭶﭷﭸ ﲍ​

Он гоҳ ки бародарашон Солеҳ гуфт: «Оё наметарсед?
ﭺﭻﭼﭽ ﲎ​

Ман барои шумо паёмбаре ростгӯ ҳастам.
ﭿﮀﮁ ﲏ​

Аз Худо битарсед ва ба ман итоъат кунед!
ﮃﮄﮅﮆﮇﮈﮉﮊﮋﮌﮍﮎ ﲐ​

Ман аз шумо дар баробари ҳидояти худ музде наметалабам. Музди ман танҳо бар ӯҳдаи Парвардигори ҷаҳониён аст!
ﮐﮑﮒﮓﮔ ﲑ​

Оё пиндоред, ки шуморо дар ин неъматҳо эмин раҳо мекунанд?
ﮖﮗﮘ ﲒ​

Дар боғҳову чашмасорҳо?
ﮚﮛﮜﮝ ﲓ​

Ва киштзорҳову наҳлҳо (хурмозорҳо) бо он шукуфаҳои нарму латиф?
ﮟﮠﮡﮢﮣ ﲔ​

Ва шодмон дар кӯҳҳо хонаҳое метарошед?
ﮥﮦﮧ ﲕ​

Пас аз Худо битарсед ва ба ман итоъат кунед!
ﮩﮪﮫﮬ ﲖ​

Ва фармони ин исрофкоронро қабул накунед.
ﮮﮯﮰﮱﯓﯔ ﲗ​

Инҳо, ки дар замин фасод мекунанд ва ислоҳ намекунанд».
ﯖﯗﯘﯙﯚ ﲘ​

Гуфтанд: «Ғайри ин нест, ки туро ҷоду кардаанд.
ﯜﯝﯞﯟﯠﯡﯢﯣﯤﯥﯦ ﲙ​

Ту низ башаре монанди мо ҳастӣ. Агар рост мегӯӣ, нишонае биёвар».
ﯨﯩﯪﯫﯬﯭﯮﯯﯰ ﲚ​

Гуфт: «Ин модашутури ман аст. Як рӯз об хӯрдан ҳаққи ӯ бошад ва як рӯз ҳаққи шумо.
ﯲﯳﯴﯵﯶﯷﯸ ﲛ​

Ба он осебе нарасонед, ки азоби рӯзе бузург шуморо фурӯ мегирад».
ﯺﯻﯼ ﲜ​

Онро куштанд ва пушаймон шуданд.
ﯾﯿﰀﰁﰂﰃﰄﰅﰆﰇﰈﰉ ﲝ​

Пас азоб онҳоро фурӯ гирифт., Албатта дар ин ибратест ва бештаринашон имон наёварданд.
ﰋﰌﰍﰎﰏ ﲞ​

Албатта Парвардигори ту ғолибу меҳрубон аст!
ﭑﭒﭓﭔ ﲟ​

Қавми Лут паёмбаронро дурӯғ бароварданд.
ﭖﭗﭘﭙﭚﭛﭜ ﲠ​

Он гоҳ, ки бародарашон Лут гуфт: «Оё наметарсед?
ﭞﭟﭠﭡ ﲡ​

Мам барои шумо паёмбаре ростгӯ ҳастам.
ﭣﭤﭥ ﲢ​

Аз Худо битарсед ва ба ман итоъат кунед!
ﭧﭨﭩﭪﭫﭬﭭﭮﭯﭰﭱﭲ ﲣ​

Ман аз шумо дар баробари ҳидояти худ музде наметалабам. Музди ман танҳо бар ӯхдаи Парвардигори ҷаҳониён аст!
ﭴﭵﭶﭷ ﲤ​

Чаро аз миёни мардуми ҷаҳон бо мардон меомезед?
ﭹﭺﭻﭼﭽﭾﭿﮀﮁﮂﮃﮄ ﲥ​

Ва ҳамсаронеро, ки Парвардигоратон бароятон офаридааст, тарк мегӯед? На, шумо мардуме таҷовузкор ҳастед!»
ﮆﮇﮈﮉﮊﮋﮌﮍ ﲦ​

Гуфтанд: «Эй Лут, агар бас накунӣ, аз шаҳр берунат мекунем».
ﮏﮐﮑﮒﮓ ﲧ​

Гуфт: «Ман бо кори шумо душманам.
ﮕﮖﮗﮘﮙ ﲨ​

Эй Парвардигори ман, маро ва касонамро аз оқибати амале, ки мекунанд, наҷот бахш!»
ﮛﮜﮝ ﲩ​

Ӯ ва ҳамаи касонашро наҷот додем,
ﮟﮠﮡﮢ ﲪ​

ғайри пиразане, ки хост бимонад.
ﮤﮥﮦ ﲫ​

Сипас дигаронро ҳалок кардем,
ﮨﮩﮪﮫﮬﮭﮮ ﲬ​

бар онҳо бороне боронидем ва чӣ бад буд борони таҳдидшудагон!
ﮰﮱﯓﯔﯕﯖﯗﯘﯙ ﲭ​

Албатта дар ин ибратест ва бештаринашон имон наёварданд.
ﯛﯜﯝﯞﯟ ﲮ​

Албатта Парвардигори ту ғолибу меҳрубон аст!
ﯡﯢﯣﯤ ﲯ​

Мардуми Айка паёмбаронро дурӯғ бароварданд.
ﯦﯧﯨﯩﯪﯫ ﲰ​

Он гоҳ ки Шуъайб ба онҳо гуфт: «Оё аз Худо наметарсед?
ﯭﯮﯯﯰ ﲱ​

Ман барои шумо паёмбаре ростгӯ ҳастам.
ﯲﯳﯴ ﲲ​

Аз Худо битарсед ва ба ман итоъат кунед!
ﯶﯷﯸﯹﯺﯻﯼﯽﯾﯿﰀﰁ ﲳ​

Ман аз шумо дар баробари ҳидояти худ музде наметалабам. Музди ман танҳо бар ӯҳдаи Парвардигори ҷаҳониён аст.
ﰃﰄﰅﰆﰇﰈﰉ ﲴ​

Паймонаро (зарфи ченкуниро) тамом бипардозед ва камфурӯшӣ макунед.
ﰋﰌﰍ ﲵ​

Ва бо тарозуи дуруст вазн кунед.
ﰏﰐﰑﰒﰓﰔﰕﰖﰗ ﲶ​

Ба мардум кам мадиҳед ва бебокона дар замин фасод макунед.
ﭑﭒﭓﭔﭕ ﲷ​

Аз он кас, ки шумо ва офаридагони пеш аз шуморо офаридааст, битарсед».
ﭗﭘﭙﭚﭛ ﲸ​

Гуфтанд: «Ғайри ин нест, ки туро ҷоду кардаанд.
ﭝﭞﭟﭠﭡﭢﭣﭤﭥ ﲹ​

Ту низ инсоне монанди мо ҳастӣ ва мепиндорем, ки дурӯғ мегӯӣ.
ﭧﭨﭩﭪﭫﭬﭭﭮﭯ ﲺ​

Агар рост мегӯӣ, порае аз осмонро бар сари мо андоз».
ﭱﭲﭳﭴﭵ ﲻ​

Гуфт: «Парвардигори ман ба коро, ки мекунед, донотар аст».
ﭷﭸﭹﭺﭻﭼﭽﭾﭿﮀﮁ ﲼ​

Пас дурӯғаш бароварданд ва дар он рӯзи абрӣ азоб ононро фурӯ гирифг. Ва он азоби рӯзе бузург буд!
ﮃﮄﮅﮆﮇﮈﮉﮊﮋ ﲽ​

Албатта дар ин ибратест ва бештаринашон имон наёварданд.
ﮍﮎﮏﮐﮑ ﲾ​

Албатта Парвардигори ту ғолибу меҳрубон аст.
ﮓﮔﮕﮖ ﲿ​

Ва ин китоб нозилшуда аз ҷониби Парвардигори ҷаҳониён аст.
ﮘﮙﮚﮛ ﳀ​

Онро рӯҳуламин нозил кардааст
ﮝﮞﮟﮠﮡ ﳁ​

бар дили ту, то аз бимдиҳандагон бошӣ,
ﮣﮤﮥ ﳂ​

ба забони арабии равшан.
ﮧﮨﮩﮪ ﳃ​

Ва он дар навиштаҳои пешиниён низ ҳаст.
ﮬﮭﮮﮯﮰﮱﯓﯔﯕ ﳄ​

Оё ин нишона бар онҳо басанда нест, ки уламои банӣ-Исроил аз он огоҳанд?
ﯗﯘﯙﯚﯛ ﳅ​

Агар онро бар яке аз аҷамон (ғайри арабҳо) нозил карда будем
ﯝﯞﯟﯠﯡﯢ ﳆ​

ва барояшон онро мехонд, ба он имон намеоварданд,
ﯤﯥﯦﯧﯨ ﳇ​

Ба ин тарз Қуръонро дар дилҳои гунаҳкорон роҳ додем.
ﯪﯫﯬﯭﯮﯯﯰ ﳈ​

Ба он имон намеоваранд то азоби дардоварро бубинанд.
ﯲﯳﯴﯵﯶ ﳉ​

Ва он азоб ногаҳон ва бехабар бар онон фурӯд меояд.
ﯸﯹﯺﯻ ﳊ​

Мегӯянд: «Оё моро мӯҳлате хоҳанд дод?»
ﯽﯾ ﳋ​

Оё ба азоби мо мешитобанд?
ﰀﰁﰂﰃ ﳌ​

Дидӣ, ки ҳарчанд солҳо баҳрамандашон сохтем,
ﰅﰆﰇﰈﰉ ﳍ​

боз ҳам азобе, ки ба онҳо ваъда шуда буд, бар сарашон омад.
ﭑﭒﭓﭔﭕﭖ ﳎ​

Он баҳрамандиҳо ба ҳолашон нафъ накард?
ﭘﭙﭚﭛﭜﭝﭞ ﳏ​

Мо ҳеҷ деҳаеро ҳалок накардем, ҷуз он, ки барояшон бимдиҳандагоне буданд,
ﭠﭡﭢﭣ ﳐ​

то пандашон диҳанд. Зеро мо ситамкор нестем.
ﭥﭦﭧﭨ ﳑ​

Ва ин Қуръонро шайтонҳо нозил накардаанд.
ﭪﭫﭬﭭﭮ ﳒ​

Онон на лоиқи ин коранд ва на тавони он доранд.
ﭰﭱﭲﭳ ﳓ​

Шайтонҳоро аз шунидани ваҳй дур доштаанд.
ﭵﭶﭷﭸﭹﭺﭻﭼﭽ ﳔ​

Пас бо Худои якто худои дигареро махон, то мабод дар шумори азобшавандагон дароӣ.
ﭿﮀﮁ ﳕ​

Хешовандони наздикатро битарсон.
ﮃﮄﮅﮆﮇﮈ ﳖ​

Дар баробари ҳар як аз мӯъминон, ки ба ту пайравӣ мекунад, хоксору нарм бош!
ﮊﮋﮌﮍﮎﮏﮐ ﳗ​

Ва агар бар ту нофармони карданд, бигӯ: «Ман аз корҳои шумо безорам!»
ﮒﮓﮔﮕ ﳘ​

Ва бар Худои пирӯзманду меҳрубон таваккал кун.
ﮗﮘﮙﮚ ﳙ​

Он, ки туро мебинад, он гоҳ, ки бармехезӣ
ﮜﮝﮞ ﳚ​

ва намоз хонданатро бо дигар намозгузорон мебинад.
ﮠﮡﮢﮣ ﳛ​

Албатта Ӯст шунавои доно!
ﮥﮦﮧﮨﮩﮪ ﳜ​

Оё шуморо огоҳ кунам, ки шайтонҳо ба назди киҳо меоянд?
ﮬﮭﮮﮯﮰ ﳝ​

Бар ҳар дурӯғгӯи гунаҳкор меоянд.
ﯓﯔﯕﯖ ﳞ​

Гӯш медиҳанд ва бештаринашон дурӯғгӯёнанд.
ﯘﯙﯚ ﳟ​

Ва гумроҳон аз паи шоирон мераванд.
ﯜﯝﯞﯟﯠﯡﯢ ﳠ​

Оё надидаӣ, ки шоирон дар ҳар водие саргаштаанд?
ﯤﯥﯦﯧﯨ ﳡ​

Ва чизҳо мегӯянд, ки худ амал намекунанд?
ﯪﯫﯬﯭﯮﯯﯰﯱﯲﯳﯴﯵﯶﯷﯸﯹﯺﯻﯼﯽ ﳢ​

Ғайри онҳо, ки имон оварданд ва корҳои шоиста карданд ва Худоро фаровон ёд карданд ва чун мавриди ситам воқеъ шуданд, интиқом гирифтанд. Ва ситамкорон ба зуди хоҳанд донист, ки ба чӣ маконе бозмегарданд.
Icon