ترجمة سورة الرّوم

الترجمة الفلبينية (تجالوج)
ترجمة معاني سورة الرّوم باللغة الفلبينية من كتاب الترجمة الفلبينية (تجالوج) .
من تأليف: مركز رواد الترجمة بالتعاون مع موقع دار الإسلام .

Alif. Lām. Mīm.
Dinaig ang Bizancio
sa pinakamalapit na lupain. Sila, noong matapos ng pagkadaig sa kanila, ay mananaig
____________________
O sa pinakamababang lupain
sa tatlo hanggang siyam na taon. Ukol kay Allāh ang utos noong bago nito at matapos nito. Sa araw na iyon ay matutuwa ang mga mananampalataya
dahil sa pag-adya ni Allāh. Nag-aadya Siya sa sinumang niloloob Niya. Siya ay ang Makapangyarihan, ang Maawain.
Bilang pangako ni Allāh, hindi sumisira si Allāh sa naipangako Niya, subalit ang higit na marami sa mga tao ay hindi nakaaalam.
Nakaaalam sila ng isang panlabas [na bahagi] mula sa buhay na pangmundo samantalang sila sa Kabilang-buhay, sila ay mga nalilingat.
Hindi ba sila nag-isip-isip hinggil sa mga sarili nila? Hindi lumikha si Allāh ng mga langit at lupa at anumang nasa pagitan ng mga ito malibang ayon sa katotohanan at isang taning na itinakda. Tunay na marami sa mga tao sa pakikipagkita sa Panginoon nila ay talagang mga tagatangging sumampalataya.
Hindi ba sila humayo sa lupain para magmasid sila kung papaano naging ang kinahinatnan ng mga kabilang sa nauna sa kanila. Dati ang mga iyon ay higit na matindi kaysa sa kanila sa lakas, nagbungkal ng lupa, at luminang nito nang higit kaysa sa paglinang nila nito. Nagdala sa mga iyon ang mga sugo ng mga iyon ng mga malinaw na katunayan sapagkat hindi nangyaring si Allāh ay ukol lumabag sa katarungan sa kanila subalit sila dati sa mga sarili nila ay lumalabag sa katarungan.
Pagkatapos ang kinahinatnan ng mga nagpasagwa sa kasagwaan ay na nagpasinungaling sila sa mga tanda ni Allāh. Dati sila sa mga ito ay nangungutya.
Si Allāh ay nagsisimula sa paglikha, pagkatapos ay nag-uulit Siya nito, pagkatapos ay sa Kanya kayo panunumbalikin.
Sa Araw na sasapit ang Huling Sandali, malulumbay ang mga salarin.
Hindi magkakaroon sa kanila mula sa mga katambal nila ng mga tagapamagitan. Sila sa mga katambal nila ay magiging mga tagatangging sumampalataya.
Sa Araw na sasapit ang Huling Sandali, sa Araw na iyon ay magkakaiba-iba sila.
Tungkol naman sa mga sumampalataya at gumawa ng mga maaayos, sila sa hardin ay nagagalak.
Tungkol naman sa mga tumangging sumampalataya at nagpasinungaling sa mga talata Namin at pakikipagkita sa Kabilang-buhay, ang mga iyon sa pagdurusa ay mga dadalhin.
Kaya Kaluwalhatian kay Allāh kapag ginabi kayo at kapag inumaga kayo.
Ukol sa Kanya ang papuri sa mga langit at lupa sa gabi at kapag tinanghali kayo.
Nagpapalabas Siya ng buhay mula sa patay, nagpapalabas Siya ng patay mula sa buhay, nagbibigay-buhay Siya sa lupa matapos ng kamatayan nito. Gayon kayo palalabasin.
Kabilang sa mga tanda Niya ay na lumikha Siya sa inyo mula sa alabok, pagkatapos biglang kayo ay mga taong lumalaganap.
Kabilang sa mga tanda Niya ay na lumikha Siya para sa inyo, mula sa mga sarili ninyo, ng mga kabiyak upang matiwasay kayo sa kanila at naglagay Siya sa pagitan ninyo ng pagmamahalan at awa. Tunay na sa gayon ay talagang may mga tanda para sa mga taong nag-iisip-isip.
Kabilang sa mga tanda Niya ang pagkalikha sa mga langit at lupa at ang pagkakaiba-iba ng mga wika ninyo at mga kulay ninyo. Tunay na sa gayon ay talagang may mga tanda para sa mga nakaaalam.
Kabilang sa mga tanda Niya ang pagtulog ninyo sa gabi at maghapon at ang paghahanap ninyo ng kabutihang-loob Niya. Tunay na sa gayon ay talagang may mga tanda para sa mga taong dumidinig.
Kabilang sa mga tanda Niya ay nagpapakita Siya sa inyo ng kidlat na [nagdudulot ng] pangamba at paghahangad, at nagbababa Siya mula sa langit ng tubig kaya nagbigay-buhay Siya sa pamamagitan nito sa lupa matapos ng pagkamatay nito. Tunay na sa gayon ay talagang may mga tanda para sa mga taong nakapag-uunawa.
Kabilang sa mga tanda Niya ay na manatili ang langit at lupa ayon sa utos Niya. Pagkatapos kapag tumawag Siya sa inyo sa isang pagtawag mula sa lupa, biglang kayo ay lalabas.
Sa Kanya ang sinumang nasa mga langit at lupa. Lahat sa Kanya ay mga masunurin.
Siya ang nagsimula sa paglikha, pagkatapos ay mag-uulit Siya nito. Ito ay higit na madali sa Kanya. Taglay Niya ang katangiang pinakamataas sa mga langit at lupa. Siya ay ang Makapangyarihan, ang Marunong.
Gumawa Siya para sa inyo ng isang paghahalintulad mula sa mga sarili ninyo. Mayroon ba kayo mula sa minamay-ari ng mga kanang kamay ninyo na anumang mga katambal sa anumang itinustos Namin sa inyo, kaya naman kayo roon ay magkapantay, na nangangamba kayo gaya ng pangangamba ninyo sa mga sarili ninyo? Gayon Kami nagdedetalye sa mga tanda para sa mga taong nakapag-uunawa.
Bagkus sumunod ang mga lumabag sa katarungan sa mga pithaya nila nang walang kaalaman. Kaya sino ang papatnubay sa pinaligaw ni Allāh? Walang ukol sa kanila na anumang mga tagaadya.
Kaya magpanatili ka sa mukha mo sa Relihiyon bilang isang makatotoo. [Mamalagi sa] kalikasan ng pagkalalang ni Allāh na nilalang Niya ang mga tao ayon dito. Walang pagpapalit sa pagkakalikha ni Allāh. Iyon ay ang Relihiyong matuwid, subalit ang higit na marami sa mga tao ay hindi nakaaalam.
[Maging] mga nagsisisi sa Kanya, mangilag kayong magkasala sa Kanya, magpanatili kayo ng pagdarasal, at huwag kayong maging kabilang sa mga tagapagtambal,
na kabilang sa mga naghati-hati sa relihiyon nila at sila ay naging mga kampihan. Bawat lapian sa taglay nila ay mga natutuwa.
Kapag nasaling ang mga tao ng isang kapinsalaan ay dumadalangin sila sa Panginoon nila, habang mga nagsisisi sa Kanya. Pagkatapos kapag nagpalasap Siya sa kanila ng isang awa mula sa Kanya, biglang may isang pangkat kabilang sa kanila na sa Panginoon nila ay nagtatambal,
upang magkaila sila sa anumang ibinigay Namin sa kanila. Kaya magtamasa kayo at malalaman ninyo.
O nagbaba ba Kami sa kanila ng isang katunayan, at ito ay nagsasalita ng dati nilang itinatambal sa Kanya?
Kapag nagpalasap Kami sa mga tao ng isang awa ay nagagalak sila rito. Kapag dinapuan sila ng isang masagwa dahil sa inihain ng mga kamay nila, biglang sila ay nawawalan ng pag-asa.
Hindi ba sila nakakita na si Allāh ay nagpapaluwag sa panustos para sa kaninumang niloloob Niya at naghihigpit? Tunay na sa gayon ay talagang may mga tanda para sa mga taong sumasampalataya.
Kaya magbigay ka sa kaanak ng karapatan nito, sa dukha, at sa kinapos sa landas. Iyon ay higit na mabuti para sa mga nagnanais [ng kasiyahan] ng mukha ni Allāh. Ang mga iyon ay ang mga magtatagumpay.
Ang anumang ibinigay ninyo na patubo upang makadagdag sa mga yaman ng mga tao ay hindi makadaragdag sa ganang kay Allāh. Ang anumang ibinigay ninyo na zakāh habang nagnanais kayo [ng kaluguran] ng Mukha ni Allāh, ang mga iyon ay ang mga pinag-iibayo.
Si Allāh ay ang lumikha sa inyo, pagkatapos ay nagtustos sa inyo, pagkatapos ay nagbigay-kamatayan sa inyo, pagkatapos ay nagbigay-buhay sa inyo. Mayroon ba sa mga katambal ninyo na gumagawa ng gayon na anuman? Kaluwalhatian sa Kanya at pagkataas-taas Siya kaysa sa anumang itinatambal nila.
Lumitaw ang kaguluhan sa kalupaan at karagatan dahil sa nakamit ng mga kamay ng mga tao upang magpalasap Siya sa kanila ng ilan sa ginawa nila nang sa gayon sila ay magbabalik.
____________________
Lumitaw ang katiwalian sa kalupaan...
Sabihin mo: "Humayo kayo sa lupain at magmasid kayo kung papaano naging ang kinahinatnan ng mga kabilang sa nauna. Ang higit na marami sa kanila noon ay mga tagapagtambal."
Magpanatili ka ng mukha mo para sa relihiyong matuwid bago paman na may pumuntang isang araw na hindi maitutulak mula kay Allāh. Sa Araw na iyon, magkakawatak-watak sila.
Ang sinumang tumangging sumampalataya ay laban sa kanya ang kawalang-pananampalataya niya. Ang mga gumawa ng matuwid ay para sa sarili nila naghahanda
upang gumanti Siya sa mga sumampalataya at gumawa ng mga maayos mula sa kabutihang-loob Niya. Tunay na Siya ay hindi umiibig sa mga tagatangging sumampalataya.
Kabilang sa mga tanda Niya na nagpapadala Siya ng mga hangin bilang mga tagapagbalita ng nakagagalak upang magpalasap Siya sa inyo mula sa awa Niya, upang maglayag ang mga daong ayon sa utos Niya, at upang maghanap kayo ng kagandahang-loob Niya, at nang sa gayon kayo ay magpapasalamat.
Talaga ngang nagsugo Kami noong wala ka pa ng mga sugo sa mga tao nila, kaya nagdala sila sa mga iyon ng mga malinaw na katunayan, at naghiganti Kami sa mga sumalansang. Laging isang tungkulin sa Amin ang pag-aadya sa mga mananampalataya.
Si Allāh ay ang nagsusugo ng mga hangin, at nagpapagalaw ang mga iyon ng mga ulap, at naglalatag Siya sa mga iyon sa langit kung papaanong niloloob Niya. Gumagawa Siya sa mga iyon bilang mga tipak kaya nakikita mo ang ulan na lumalabas mula sa mga pagitan ng mga iyon. Kaya kapag nagpatama Siya nito sa mga niloloob Niya kabilang sa mga lingkod Niya, biglang sila ay nagagalak.
Kahit pa man sila dati noong bago nagbaba nito sa kanila - noong bago niyon - ay talagang mga nalulumbay.
Kaya magmasid ka sa mga bakas ng awa ni Allāh kung papaano Siyang nagbibigay-buhay sa lupa matapos ng kamatayan nito. Tunay na Iyon ay talagang magbibigay-buhay sa mga patay. Siya sa bawat bagay ay May-kakayahan.
Talagang kung nagsugo Kami ng isang hangin [na mapanira] at nakita nila [ang mga pananim nila na] naninilaw ay talaga sanang nanatili sila noong matapos niyon na tumatangging sumampalataya.
Kaya tunay na ikaw ay hindi nakapagpaparinig sa mga patay at hindi nakapagpaparinig sa mga bingi ng panawagan kapag bumaling sila na mga tumatalikod.
Ikaw ay hindi isang tagapagpatnubay ng mga bulag palayo sa kaligawan nila. Hindi ka nakapagpaparinig maliban sa sinumang sumasampalataya sa mga tanda Namin kaya sila ay mga tagapagpasakop.
Si Allāh ay ang lumikha sa inyo mula sa kahinaan; pagkatapos ay gumawa Siya, noong matapos ng kahinaan, ng kalakasan; pagkatapos ay gumawa Siya, noong matapos ng kalakasan, ng kahinaan at uban. Lumilikha Siya ng anumang niloloob Niya. Siya ay ang Maalam, ang May-kakayahan.
Sa Araw na sasapit ang Huling Sandali, susumpa ang mga salarin na hindi sila namalagi malibang sa isang sandali. Gayon dati sila nalilinlang.
Nagsabi ang mga binigyan ng kaalaman at pananampalataya: "Talaga ngang namalagi kayo sa pagtatakda ni Allāh hanggang sa Araw ng Pagkabuhay, at ito ay ang Araw ng Pagkabuhay subalit kayo dati ay hindi nakaaalam.
Kaya sa Araw na iyon, hindi magpapakinabang sa mga lumabag sa katarungan ang pagdadahilan nila at hindi sila hihilinging magpalugod [kay Allāh].
Talaga ngang gumawa Kami para sa mga tao sa Qur’an na ito mula sa bawat paghahalimbawa. Talagang kung nagdala ka sa kanila ng isang tanda ay talagang magsasabi nga ang mga tumangging sumampalataya: "Walang iba kayo kundi mga tagagawa ng kabulaanan."
Gayon nagpipinid si Allāh sa mga puso ng mga hindi umaalam.
Kaya magtiis ka, tunay na ang pangako ni Allāh ay totoo; at huwag magmamaliit sa iyo ang mga hindi nakatitiyak.
Icon