ترجمة معاني سورة النازعات باللغة الهوساوية من كتاب Abubakar Mahmoud Gumi - Hausa translation

آية رقم 1

ﮢﮣ ﮤ ​

An-Nazi'at

Ina rantsuwa da mala'iku mãsu fisgar rãyuka (na kafirai) da ƙarfi.

آية رقم 2

ﮥﮦ ﮧ ​

Da mãsu ɗibar rãyuka (na mũminai) da sauƙi a cikin nishãɗi.

آية رقم 3

ﮨﮩ ﮪ ​

Da mãsu sauka daga sama da umurnin Allah kamar suna iyo.

آية رقم 4

ﮫﮬ ﮭ ​

Sa'an nan, su zama mãsu gaugãwa (da umurnin Allah) kamar suna tsẽre.

آية رقم 5

ﮮﮯ ﮰ ​

Sa, an nan, su kasance masu shirya gudanar da umurni.

آية رقم 6

ﮱﯓﯔ ﯕ ​

Rãnar da mai girgiza abũbuwa (bũsar farko) zã ta kaɗa.

آية رقم 7

ﯖﯗ ﯘ ​

Mai biyar ta (bũsa ta biyu) nã biye.

آية رقم 8

ﯙﯚﯛ ﯜ ​

Wasu zukãta, a rãnar nan, mãsu jin tsõro ne.

آية رقم 9

ﯝﯞ ﯟ ​

Alhãli idãnunsu na ƙasƙantattu.

آية رقم 10

ﯠﯡﯢﯣﯤ ﯥ ​

Sunã cẽwa "Ashe lalle zã a iya mayar da mu a kan sãwunmu?

آية رقم 11

ﯦﯧﯨﯩ ﯪ ​

"Ashe, idan muka zama ƙasusuwa rududdugaggu?"

آية رقم 12

ﯫﯬﯭﯮﯯ ﯰ ​

Suka ce: "Waccan kam kõmãwa ce, tãɓaɓɓiya!"

آية رقم 13

ﯱﯲﯳﯴ ﯵ ​

To, ita kam, tsãwa guda kawai ce.

آية رقم 14

ﯶﯷﯸ ﯹ ​

Sai kawai gã su a bãyan ƙasa.

آية رقم 15

ﯺﯻﯼﯽ ﯾ ​

Shin, lãbãrin Mũsã ya zo maka?

آية رقم 16

ﯿﰀﰁﰂﰃﰄ ﰅ ​

A lõkacin da Ubangijinsa Ya kirãye shi, a cikin kwari mai tsarki, wato Duwã?

آية رقم 17

ﭑﭒﭓﭔﭕ ﭖ ​

Ka tafi zuwa ga Fir'auna, lalle ne shi, ya ƙẽtare haddi.

آية رقم 18

ﭗﭘﭙﭚﭛﭜ ﭝ ​

"Sai ka ce masa, Kõ zã ka so ka tsarkaka.

آية رقم 19

ﭞﭟﭠﭡ ﭢ ​

"Kuma in shiryar da kai zuwa ga Ubangijinka domin ka ji tsoronSa?"

آية رقم 20

ﭣﭤﭥ ﭦ ​

Sai ya nũna masa ãyar nan mafi girma.

آية رقم 21

ﭧﭨ ﭩ ​

Sai ya ƙaryata, kuma ya sãɓa (umurni),

آية رقم 22

ﭪﭫﭬ ﭭ ​

Sa'an nan ya jũya bãya, yanã tafiya da sauri.

آية رقم 23

ﭮﭯ ﭰ ​

Sai ya yi gayya, sa'an nan ya yi kira.

آية رقم 24

ﭱﭲﭳﭴ ﭵ ​

Sai ya ce: "Nĩ ne Ubangijinku mafi ɗaudaka."

آية رقم 25

ﭶﭷﭸﭹﭺ ﭻ ​

Sabõda haka Allah Ya kama shi, dõmin azãbar maganar ƙarshe da ta farko.

آية رقم 26

ﭼﭽﭾﭿﮀﮁ ﮂ ​

Lalle ne, a cikin wannan haƙiƙa akwai abin kula ga wanda yake tsõron Allah.

آية رقم 27

ﮃﮄﮅﮆﮇﮈﮉ ﮊ ​

Shin, kũ ne mafi wuyar halitta ko sama? Allah Ya gina ta.

آية رقم 28

ﮋﮌﮍ ﮎ ​

Ya ɗaukaka rufinta, sa'an nan Ya daidaita ta.

آية رقم 29

ﮏﮐﮑﮒ ﮓ ​

Kuma Ya duhuntar da darenta, kuma Ya fitar da hantsinta.

آية رقم 30

ﮔﮕﮖﮗ ﮘ ​

Kuma, ƙasa a bayan haka Ya mulmula ta.

آية رقم 31

ﮙﮚﮛﮜ ﮝ ​

Ya fitar da ruwanta daga gare ta da makiyãyarta.

آية رقم 32

ﮞﮟ ﮠ ​

Da duwatsu, Yã kafe ta.

آية رقم 33

ﮡﮢﮣ ﮤ ​

Domin jiyarwa dãɗi a gare ku, kuma ga dabbõbinku.

آية رقم 34

ﮥﮦﮧﮨ ﮩ ​

To, idan uwar masĩfu, mafi girma, ta zo.

آية رقم 35

ﮪﮫﮬﮭﮮ ﮯ ​

Rãnar da mutum zai yi tunãnin abin da ya aikata.

آية رقم 36

ﮰﮱﯓﯔ ﯕ ​

Kuma, a bayyana Jahĩm ga mai gani.

آية رقم 37

ﯖﯗﯘ ﯙ ​

To, amma wanda ya yi girman kai.

آية رقم 38

ﯚﯛﯜ ﯝ ​

Kuma, ya zãɓi rãyuwa ta kusa, (wato dũniya).

آية رقم 39

ﯞﯟﯠﯡ ﯢ ​

To, lalle ne Jahĩm, ita ce makõma.

آية رقم 40

ﯣﯤﯥﯦﯧﯨﯩﯪﯫ ﯬ ​

Kuma, amma wanda ya ji tsõron tsayi a gaba ga Ubangijinsa, kuma ya kange kansa daga son rai.

آية رقم 41

ﯭﯮﯯﯰ ﯱ ​

To, lalle ne Aljanna ita ce makõma.

آية رقم 42

ﯲﯳﯴﯵﯶ ﯷ ​

Sunã tambayar ka game da sa'a, wai yaushe ne matabbatarta?

آية رقم 43

ﯸﯹﯺﯻ ﯼ ​

Me ya haɗã ka da ambatonta?

آية رقم 44

ﯽﯾﯿ ﰀ ​

Zuwa ga Ubangijinka ƙarshen al'amarinta yake.

آية رقم 45

ﰁﰂﰃﰄﰅ ﰆ ​

Kai mai gargaɗi kawai ne ga mai tsõron ta.

آية رقم 46

ﰇﰈﰉﰊﰋﰌﰍﰎﰏ ﰐ ​

Kamar sũ a rãnar da zã su gan ta, ba su zauna ba fãce a lõkacin marẽce ko hantsinsa.