ترجمة معاني سورة القمر باللغة الأوزبكية من كتاب الترجمة الأوزبكية - علاء الدين منصور

علاء الدين منصور

الترجمة الأوزبكية - علاء الدين منصور

علاء الدين منصور

الذهاب لصفحة الكتاب

ﰡ

آية رقم 1

ﮬﮭﮮﮯ ﮰ

1. (Қиёмат) соати яқинлашиб қолди ва ой ҳам бўлинди.

آية رقم 2

ﮱﯓﯔﯕﯖﯗﯘ ﯙ

2. Агар улар (Қурайш кофирлари Муҳаммад алайҳис-салоту вас-саломнинг ҳақ пайғамбар эканликларига далолат қиладиган) бирон оят-мўъжиза кўрсалар (ҳам у пайғамбарга иймон келтириш ўрнига) юз ўгирурлар ва «(Бу) ҳар доимги сеҳр-ку!», дерлар.
____________________
И з о ҳ. Жуда кўп саҳобалар томонидан ривоят қилинишича, Макка кофирлари Пайғамбар алайҳис-салоту вас-саломга: «Агар сен чин пайғамбар бўлсанг, бизларга анави ойни иккига бўлиб бер-чи», дедилар ва агар у зот шу ишни қила олсалар, иймон келтиришларини айтишди. Ўшанда ой тўлган кеча эди. Шундан сўнг Расулуллоҳ Парвардигорига илтижо қилиб, фазлу марҳаматини дариғ тутмаслигини ёлвориб сўраган эдилар, баногоҳ тўлин ой қоқ ўртасидан бўлиниб, ярми Сафо тоғи устида, ярми эса унинг рўбарўсидаги Қайқаон тоғи устида пайдо бўлди. Бу мўъжизани кўриб турган мушриклар: «Муҳаммад бизларни сеҳрлаб қўйди. Майли, у ҳамма одамларни сеҳрлай олмайди-ку, бу ерда ҳозир бўлмаган кишилардан сўраймиз», дедилар. Мана шу пайтда Маккага кириб келган карвон аҳлидан сўрашган эди, улар ҳам йўлда келишаётганида ойнинг иккига бўлинганини кўрганларини айтдилар. Лекин Абу Жаҳл (Жоҳил — нодонларнинг отаси) лақабли бир мушрик бошлиқ кофирлар «Бу ҳар доимги сеҳрлардан бири», деган гапдан нарига ўтмадилар. Шунда юқоридаги оятлар нозил бўлди.

آية رقم 3

ﯚﯛﯜﯝﯞﯟﯠ ﯡ

3. Улар (пайғамбарни) ёлғончи қилдилар ва ҳавойи нафсларига эргашдилар. — Ҳар бир иш (ўз) жойини топгувидир (яъни, гарчи кофирлар юз ўгирсалар-да, бу ҳақ дин Ер юзида қарор топур).

آية رقم 4

ﯢﯣﯤﯥﯦﯧﯨ ﯩ

4. — Ҳолбуки, уларга (илгари ўтган кофирларнинг) хабарларидан иборат бир нарса келдики, унда (куфру залолатдан) тийилиш (лозим эканлигини уқтиргувчи ибратлар) бор эди.

آية رقم 5

ﯪﯫﯬﯭﯮﯯ ﯰ

5. Етук ҳикмат келдики, (унда куфру залолатдан тийилиш лозим эканлигини уқтиргувчи ибратлар бор эди). (Лекин улар ўзларининг куфрларидан тийилмадилар). Бас, (уларга ҳеч қандай) огоҳлантириш фойда бермас!

آية رقم 6

ﯱﯲﯳﯴﯵﯶﯷﯸﯹ ﯺ

6. (Эй Муҳаммад алайҳис-салоту вас-салом), энди сиз улардан юз ўгиринг! Чорлагувчи (Исрофил фаришта) нотаниш бўлган бир нарсага (яъни, Қиёматдаги кофирлар учун даҳшатли ҳисоб-китобга) чорлайдиган Кунда;

آية رقم 7

ﭑﭒﭓﭔﭕﭖﭗﭘ ﭙ

7. Улар (кофирлар) кўзлари (қўрқувдан) қуйига боққан ҳолларида гўё ёйилган чигирткалар каби, қабрларидан чиқиб келурлар!

آية رقم 8

ﭚﭛﭜﭝﭞﭟﭠﭡﭢ ﭣ

8. Чорлагувчи томонига шошганларича кетар эканлар, у кофирлар «Бу оғир кундир», дерлар.

آية رقم 9

ﭤﭥﭦﭧﭨﭩﭪﭫﭬﭭ ﭮ

9. Улардан (Макка кофирларидан) илгари Нуҳнинг қавми ҳам (уни) ёлғончи қилган эди. — Улар Бизнинг бандамиз (Нуҳ)ни ёлғончи қилишиб: «(У) бир мажнун», дедилар ва у (ўз пайғамбарлик вазифасини адо этишдан) тўсиб қўйилди.

آية رقم 10

ﭯﭰﭱﭲﭳ ﭴ

10. Шунда у Парвардигорига: «Мен (у кофир қавмимдан) мағлубдирман. Ўзинг ёрдам қилгин», деб дуо-илтижо қилган эди.

آية رقم 11

ﭵﭶﭷﭸﭹ ﭺ

11. Биз осмон дарвозаларини (тинимсиз) қуйилгувчи сув — сел билан очиб юбордик.

آية رقم 12

ﭻﭼﭽﭾﭿﮀﮁﮂﮃ ﮄ

12. Ва барча ердан чашмалар чиқариб юбордик. Бас, (осмон ва Ернинг) суви тақдир қилиб қўйилган бир иш (яъни, кофирларни ғарқ қилиб юбориш) устида учрашдилар!

آية رقم 13

ﮅﮆﮇﮈﮉ ﮊ

13. Уни (Нуҳни) эса тахта-ю, михлар эгасида (яъни, тахталар ва михлардан ясалган бир кемада) кўтардик.

آية رقم 14

ﮋﮌﮍﮎﮏﮐ ﮑ

14. У (кема) Бизнинг кўз ўнгимизда (ҳифзу-ҳимоямизда) сузар. (Бу ўз қавми томонидан пайғамбарлиги) инкор қилинган киши (яъни, Нуҳ пайғамбар) учун мукофотдир.
____________________
И з о ҳ. Бу оятда Аллоҳ азза ва жаллага икки кўз сифатини Унинг улуғлигига лойиқ тарзда исбот қилиш бор.

آية رقم 15

ﮒﮓﮔﮕﮖﮗ ﮘ

15. Дарҳақиқат, Биз у (Тўфон балоси)ни бир оят-ибрат қилиб қолдирдик. Бас, бирон эслатма-ибрат олгувчи борми?!

آية رقم 16

ﮙﮚﮛﮜ ﮝ

16. Бас, Менинг (пайғамбарларимни ёлғончи қилган кимсаларга кўрсатган) азобим ва огоҳлантириш қандоқ бўлди?!

آية رقم 17

ﮞﮟﮠﮡﮢﮣﮤ ﮥ

17. Қасамки, Биз Қуръонни зикр-эслатма олиш учун осон қилиб қўйдик. Бас, бирон эслатма-ибрат олгувчи борми?

آية رقم 18

ﮦﮧﮨﮩﮪﮫ ﮬ

18. Од (қабиласи ҳам ўзларига юборилган Ҳуд пайғамбарни) ёлғончи қилди. Бас, Менинг азобим огоҳлантиришим қандоқ бўлди?!

آية رقم 19

ﮭﮮﮯﮰﮱﯓﯔﯕﯖ ﯗ

19. Дарвоқеъ, Биз уларнинг устига бир давомли нахс кунида (яъни, нахс-шумлиги ҳеч кетмайдиган кунда) бир даҳшатли бўронни юбордикки,

آية رقم 20

ﯘﯙﯚﯛﯜﯝ ﯞ

20. у одамларни гўёки улар суғуриб олинган хурмо (дарахти)нинг таналаридек юлиб-учириб кетур.

آية رقم 21

ﯟﯠﯡﯢ ﯣ

21. Бас, Менинг азобим ва огоҳлантиришим қандоқ бўлди?!

آية رقم 22

ﯤﯥﯦﯧﯨﯩﯪ ﯫ

22. Қасамки, Биз Қуръонни зикр-эслатма олиш учун осон қилиб қўйдик. Бас, бирон эслатма-ибрат олгувчи борми?!

آية رقم 23

ﯬﯭﯮ ﯯ

23. Самуд (қабиласи ҳам Солиҳ пайғамбар келтирган) огоҳлантиришларни ёлғон деди.

آية رقم 24

ﯰﯱﯲﯳﯴﯵﯶﯷﯸﯹ ﯺ

24. Бас, улар айтдилар: «Бизлар ўзимизнинг орамиздаги бир одамга (пайғамбар деб) эргашурмизми?! У ҳолда бизлар ҳақиқатан ҳам гумроҳлик ва аҳмоқлик-нодонликда бўлурмиз-ку!

آية رقم 25

ﯻﯼﯽﯾﯿﰀﰁﰂﰃ ﰄ

25. Бизларнинг орамиздан ана ўшанга эслатма — ваҳий ташланибдими?! Йўқ, у ҳаддан ошган ёлғончидир».

آية رقم 26

ﰅﰆﰇﰈﰉ ﰊ

26. Улар эртага (Охиратда) ким ҳаддан ошган ёлғончи эканлигини билиб олажаклар.

آية رقم 27

ﰋﰌﰍﰎﰏﰐﰑ ﰒ

27. Албатта Биз уларни имтиҳон қилиш учун бир туя юборгувчидирмиз. Бас, (эй Солиҳ), сен (уларнинг қилмишларини) кузатиб ва (озор-азийятларига) сабр қилиб туравергин!

آية رقم 28

ﭑﭒﭓﭔﭕﭖﭗﭘﭙ ﭚ

28. Ва сувнинг улар (билан туя) ўртасидаги тақсимлаб қўйилгани (яъни, сувдан бир кун улар ичсалар, бир кун туя ичишлиги лозим эканлиги) ва ҳар бир ичишга (навбат келганида) ҳозир бўлиниши ҳақида уларга хабар бергин!

آية رقم 29

ﭛﭜﭝﭞ ﭟ

29. Сўнг улар (Самуд қабиласи) ўзларининг бир шерикларини (туяни ўлдириш учун) чорлаган эдилар, у (келиб қиличини) олди-да, (туяни) сўйиб юборди.

آية رقم 30

ﭠﭡﭢﭣ ﭤ

30. Бас, Менинг азобим ва огоҳлантиришим қандоқ бўлди?!

آية رقم 31

ﭥﭦﭧﭨﭩﭪﭫﭬ ﭭ

31. Дарвоқеъ, Биз уларнинг устига бир даҳшатли қичқириқ юборган эдик, улар худди (қўйлари учун) қўра ясовчининг (қўрасидан тўқилган) хас-хашак каби бўлиб қолдилар.

آية رقم 32

ﭮﭯﭰﭱﭲﭳﭴ ﭵ

32. Қасамки, Биз Қуръонни зикр-эслатма олиш учун осон қилиб қўйдик. Бас, бирон эслатма-ибрат олгувчи борми?

آية رقم 33

ﭶﭷﭸﭹ ﭺ

33. Лут қавми (у келтирган) огоҳлантиришларни ёлғон деди.

آية رقم 34

ﭻﭼﭽﭾﭿﮀﮁﮂﮃﮄ ﮅ

34. Дарвоқеъ, Биз уларнинг устига (тош) бўрон юбордик. Магар Лут хонадонигагина тонг-саҳарда нажот бердик.

آية رقم 35

ﮆﮇﮈﮉﮊﮋﮌﮍ ﮎ

35. (Бу нажот) Бизнинг ҳузуримиздан бўлган бир неъматдир. Шукр қилган кишиларни Биз мана шундай мукофотлаймиз.

آية رقم 36

ﮏﮐﮑﮒﮓ ﮔ

36. Аниқки, (Лут) Бизнинг (азоб билан) ушлашимиздан уларни (яъни, ўз қавмини) огоҳлантирган эди, (аммо) улар огоҳлантиришлардан шубҳаланиб, (ёлғон дедилар).

آية رقم 37

ﮕﮖﮗﮘﮙﮚﮛﮜﮝ ﮞ

37. Аниқки, улар (Лутнинг) меҳмон(лар)ини йўлдан урмоқчи бўлдилар. Бас, Биз уларнинг кўзларини кўр қилиб қўйдик: «Энди Менинг азобимни ва огоҳлантиришимни тотиб кўринглар!»

آية رقم 38

ﮟﮠﮡﮢﮣ ﮤ

38. Ҳақиқатан, эрта тонгда уларга барқарор-мангу азоб келди.

آية رقم 39

ﮥﮦﮧ ﮨ

39. Энди Менинг азобимни ва огоҳлантиришимни тотиб кўринглар!

آية رقم 40

ﮩﮪﮫﮬﮭﮮﮯ ﮰ

40. Қасамки, Биз Қуръонни зикр-эслатма олиш учун осон қилиб қўйдик. Бас, бирон эслатма-ибрат олгувчи борми?!

آية رقم 41

ﮱﯓﯔﯕﯖ ﯗ

41. Аниқки, Фиръавн хонадонига ҳам огоҳлантиришлар келди.

آية رقم 42

ﯘﯙﯚﯛﯜﯝﯞ ﯟ

42. Улар Бизнинг барча оят-мўъжизаларимизни ёлғон деганларидан сўнг, Биз уларни кучли-қудратли Зотнинг ушлаши билан ушладик (яъни, барчаларини денгизга ғарқ қилиб, юбордик!)

آية رقم 43

ﯠﯡﯢﯣﯤﯦﯧﯨﯩ ﯪ

43. (Эй Макка аҳли), сизларнинг кофирларингиз ана ўшалардан яхшироқми-ортиқроқми, ёки сизлар учун (самовий) китобларда ора очиқлик (васиқаси) борми (яъни, сизлар кофир бўлиб, ўз пайғамбарларингизни ёлғончи қилсангизлар ҳам ҳеч қандай азоб-уқубатга йўлиқмасликларингиз тўғрисида васиқаларингиз борми)?!

آية رقم 44

ﯫﯬﯭﯮﯯ ﯰ

44. Балки, улар: «Биз ғолиб жамоатдирмиз», дейишар?!

آية رقم 45

ﯱﯲﯳﯴ ﯵ

45. Яқинда ўша жамоат енгилиб, ортларига қараб қочиб қолурлар!
____________________
И з о ҳ. Ушбу оят Пайғамбар алайҳис-салоту вас-саломнинг чин пайғамбар эканликларига далолат қиладиган, келажакда содир бўладиган ҳодиса ҳақидаги хабарлардан биридир. Дарвоқеъ, мана шу оят нозил бўлганидан сўнг кўп вақт ўтмай «Бадр» жангида ўша мағрур мушриклар енгилиб, ортларига қараб қочиб қолдилар.

آية رقم 46

ﯶﯷﯸﯹﯺﯻ ﯼ

46. (Бугина эмас), балки уларга (мангу азоб учун) ваъда қилинган вақт (Қиёмат) соатидир. У соат янада балолик, янада аччиқдир!

آية رقم 47

ﯽﯾﯿﰀﰁ ﰂ

47. Албатта жиноятчи-осий кимсалар гумроҳлик ва аҳмоқликдадирлар.

آية رقم 48

ﰃﰄﰅﰆﰇﰈﰉﰊﰋ ﰌ

48. Улар юзтубан ҳолларида дўзахга судраладиган Кунда (уларга): «Дўзах азобини тотиб кўринглар!», (дейилур).

آية رقم 49

ﰍﰎﰏﰐﰑ ﰒ

49. Албатта Биз ҳар бир нарсани (аниқ) ўлчов билан яратдик.

آية رقم 50

ﭑﭒﭓﭔﭕﭖ ﭗ

50. (Яратмоқчи бўлган ҳар бир нарсамиз учун) Бизнинг фармонимиз фақат биргина (яъни, «Бўл», деган) сўздир. (Бас, ўша нарса) кўз юмиб очгунча (йўқдан бор бўлур).

آية رقم 51

ﭘﭙﭚﭛﭜﭝ ﭞ

51. Қасамки, Биз сизларнинг ўхшашларингизни ҳалок қилдик. Бас, бирон эслатма-ибрат олгувчи борми?

آية رقم 52

ﭟﭠﭡﭢﭣ ﭤ

52. Улар қилган ҳар бир нарса китобларда (номаи-аъмолларида) бордир.

آية رقم 53

ﭥﭦﭧﭨ ﭩ

53. Ҳар бир кичик ва катта (амал Лавҳул-Маҳфузда) битилмишдир.

آية رقم 54

ﭪﭫﭬﭭﭮ ﭯ

54. Албатта тақводор зотлар жаннатларда ва дарёлар (усти)да