ترجمة معاني سورة القمر باللغة الأردية من كتاب محمد جوناگڑھی - Urdu translation

آية رقم 1

ﮬﮭﮮﮯ ﮰ ​

قمر

قیامت قریب آ گئی اور چاند پھٹ گیا

آية رقم 2

ﮱﯓﯔﯕﯖﯗﯘ ﯙ ​

یہ اگر کوئی معجزه دیکھتے ہیں تو منھ پھیر لیتے ہیں اور کہہ دیتے ہیں کہ یہ پہلے سے چلا آتا ہوا جادو ہے

آية رقم 3

ﯚﯛﯜﯝﯞﯟﯠ ﯡ ​

انہوں نے جھٹلایا اور اپنی خواہشوں کی پیروی کی اور ہر کام ٹھہرے ہوئے وقت پر مقرر ہے

آية رقم 4

ﯢﯣﯤﯥﯦﯧﯨ ﯩ ​

یقیناً ان کے پاس وه خبریں آچکی ہیں جن میں ڈانٹ ڈپٹ (کی نصیحت) ہے

آية رقم 5

ﯪﯫﯬﯭﯮﯯ ﯰ ​

اور کامل عقل کی بات ہے لیکن ان ڈراؤنی باتوں نے بھی کچھ فائده نہ دیا

آية رقم 6

ﯱﯲﯳﯴﯵﯶﯷﯸﯹ ﯺ ​

پس (اے نبی) تم ان سے اعراض کرو جس دن ایک پکارنے واﻻ ناگوار چیز کی طرف پکارے گا

آية رقم 7

ﭑﭒﭓﭔﭕﭖﭗﭘ ﭙ ​

یہ جھکی آنکھوں قبروں سے اس طرح نکل کھڑے ہوں گے کہ گویا وه پھیلا ہوا ٹڈی دل ہے

آية رقم 8

ﭚﭛﭜﭝﭞﭟﭠﭡﭢ ﭣ ​

پکارنے والے کی طرف دوڑتے ہوں گے اور کافر کہیں گے یہ دن تو بہت سخت ہے

آية رقم 9

ﭤﭥﭦﭧﭨﭩﭪﭫﭬﭭ ﭮ ​

ان سے پہلے قوم نوح نے بھی ہمارے بندے کو جھٹلایا تھا اور یہ دیوانہ بتلا کر جھڑک دیا گیا تھا

آية رقم 10

ﭯﭰﭱﭲﭳ ﭴ ​

پس اس نے اپنے رب سے دعا کی کہ میں بے بس ہوں تو میری مدد کر

آية رقم 11

ﭵﭶﭷﭸﭹ ﭺ ​

پس ہم نے آسمان کے دروازوں کو زور کے مینہ سے کھول دیا

آية رقم 12

ﭻﭼﭽﭾﭿﮀﮁﮂﮃ ﮄ ​

اور زمین سے چشموں کو جاری کر دیا پس اس کام کے لیے جو مقدر کیا گیا تھا (دونوں) پانی جمع ہو گئے

آية رقم 13

ﮅﮆﮇﮈﮉ ﮊ ​

اور ہم نے اسے تختوں اور کیلوں والی (کشتی) پر سوار کر لیا

آية رقم 14

ﮋﮌﮍﮎﮏﮐ ﮑ ​

جو ہماری آنکھوں کے سامنے چل رہی تھی۔ بدلہ اس کی طرف سے جس کا کفر کیا گیا تھا

آية رقم 15

ﮒﮓﮔﮕﮖﮗ ﮘ ​

اور بیشک ہم نے اس واقعہ کو نشانی بنا کر باقی رکھا پس کوئی ہے نصیحت حاصل کرنے واﻻ

آية رقم 16

ﮙﮚﮛﮜ ﮝ ​

بتاؤ میرا عذاب اور میری ڈرانے والی باتیں کیسی رہیں؟

آية رقم 17

ﮞﮟﮠﮡﮢﮣﮤ ﮥ ​

اور بیشک ہم نے قرآن کو سمجھنے کے لیے آسان کر دیا ہے۔ پس کیا کوئی نصیحت حاصل کرنے واﻻ ہے؟

آية رقم 18

ﮦﮧﮨﮩﮪﮫ ﮬ ​

قوم عاد نے بھی جھٹلایا پس کیسا ہوا میرا عذاب اور میری ڈرانے والی باتیں

آية رقم 19

ﮭﮮﮯﮰﮱﯓﯔﯕﯖ ﯗ ​

ہم نے ان پر تیز وتند مسلسل چلنے والی ہوا، ایک پیہم منحوس دن میں بھیج دی

آية رقم 20

ﯘﯙﯚﯛﯜﯝ ﯞ ​

جو لوگوں کو اٹھا اٹھا کر دے پٹختی تھی، گویا کہ وه جڑ سے کٹے ہوئے کھجور کے تنے ہیں

آية رقم 21

ﯟﯠﯡﯢ ﯣ ​

پس کیسی رہی میری سزا اور میرا ڈرانا؟

آية رقم 22

ﯤﯥﯦﯧﯨﯩﯪ ﯫ ​

یقیناً ہم نے قرآن کو نصیحت کے لیے آسان کر دیا ہے، پس کیا ہے کوئی نصیحت حاصل کرنے واﻻ؟

آية رقم 23

ﯬﯭﯮ ﯯ ​

قوم ﺛمود نے ڈرانے والوں کو جھٹلایا

آية رقم 24

ﯰﯱﯲﯳﯴﯵﯶﯷﯸﯹ ﯺ ​

اور کہنے لگے کیا ہمیں میں سے ایک شخص کی ہم فرمانبرداری کرنے لگیں؟ تب تو ہم یقیناً غلطی اور دیوانگی میں پڑے ہوئے ہوں گے

آية رقم 25

ﯻﯼﯽﯾﯿﰀﰁﰂﰃ ﰄ ​

کیا ہمارے سب کے درمیان صرف اسی پر وحی اتاری گئی؟ نہیں بلکہ وه جھوٹا اور شیخی خور ہے

آية رقم 26

ﰅﰆﰇﰈﰉ ﰊ ​

اب سب جان لیں گے کل کو کہ کون جھوٹا اور شیخی خور تھا؟

آية رقم 27

ﰋﰌﰍﰎﰏﰐﰑ ﰒ ​

بیشک ہم ان کی آزمائش کے لیے اونٹنی بھیجیں گے پس (اے صالح) توان کا منتظر ره اور صبر کر

آية رقم 28

ﭑﭒﭓﭔﭕﭖﭗﭘﭙ ﭚ ​

ہاں انہیں خبر کر دے کہ پانی ان میں تقسیم شده ہے، ہرایک اپنی باری پر حاضر ہوگا

آية رقم 29

ﭛﭜﭝﭞ ﭟ ​

انہوں نے اپنے ساتھی کو آواز دی جس نے (اونٹنی پر) وار کیا اور (اس کی) کوچیں کاٹ دیں

آية رقم 30

ﭠﭡﭢﭣ ﭤ ​

پس کیونکر ہوا میرا عذاب اور میرا ڈرانا

آية رقم 31

ﭥﭦﭧﭨﭩﭪﭫﭬ ﭭ ​

ہم نے ان پر ایک چیﺦ بھیجی پس ایسے ہو گئے جیسے باڑ بنانے والے کی روندی ہوئی گھاس

آية رقم 32

ﭮﭯﭰﭱﭲﭳﭴ ﭵ ​

اور ہم نے نصیحت کے لیے قرآن کو آسان کر دیا ہے پس کیا ہے کوئی جو نصیحت قبول کرے

آية رقم 33

ﭶﭷﭸﭹ ﭺ ​

قوم لوط نے بھی ڈرانے والوں کی تکذیب کی

آية رقم 34

ﭻﭼﭽﭾﭿﮀﮁﮂﮃﮄ ﮅ ​

بیشک ہم نے ان پر پتھر برسانے والی ہوا بھیجی سوائے لوط (علیہ السلام) کے گھر والوں کے، انہیں ہم نے سحر کے وقت نجات دے دی

آية رقم 35

ﮆﮇﮈﮉﮊﮋﮌﮍ ﮎ ​

اپنے احسان سے ہر ہر شکر گزار کو ہم اسی طرح بدلہ دیتے ہیں

آية رقم 36

ﮏﮐﮑﮒﮓ ﮔ ​

یقیناً (لوط علیہ السلام) نے انہیں ہماری پکڑ سے ڈرایا تھا لیکن انہوں نے ڈرانے والوں کے بارے میں (شک وشبہ اور) جھگڑا کیا

آية رقم 37

ﮕﮖﮗﮘﮙﮚﮛﮜﮝ ﮞ ​

اور ان (لوط علیہ السلام) کو ان کے مہمانوں کے بارے میں پھسلایا پس ہم نے ان کی آنکھیں اندھی کردیں، (اور کہہ دیا) میرا عذاب اور میرا ڈرانا چکھو

آية رقم 38

ﮟﮠﮡﮢﮣ ﮤ ​

اور یقینی بات ہے کہ انہیں صبح سویرے ہی ایک جگہ پکڑنے والے مقرره عذاب نے غارت کر دیا

آية رقم 39

ﮥﮦﮧ ﮨ ​

پس میرے عذاب اور میرے ڈراوے کا مزه چکھو

آية رقم 40

ﮩﮪﮫﮬﮭﮮﮯ ﮰ ​

اور یقیناً ہم نے قرآن کو پند ووعﻆ کے لیے آسان کر دیا ہے۔ پس کیا کوئی ہے نصحیت پکڑنے واﻻ

آية رقم 41

ﮱﯓﯔﯕﯖ ﯗ ​

اور فرعونیوں کے پاس بھی ڈرانے والے آئے

آية رقم 42

ﯘﯙﯚﯛﯜﯝﯞ ﯟ ​

انہوں نے ہماری تمام نشانیاں جھٹلائیں پس ہم نے انہیں بڑے غالب قوی پکڑنے والے کی طرح پکڑ لیا

آية رقم 43

ﯠﯡﯢﯣﯤﯦﯧﯨﯩ ﯪ ​

(اے قریشیو!) کیا تمہارے کافر ان کافروں سے کچھ بہتر ہیں؟ یا تمہارے لیے اگلی کتابوں میں چھٹکارا لکھا ہوا ہے؟

آية رقم 44

ﯫﯬﯭﯮﯯ ﯰ ​

یا یہ کہتے ہیں کہ ہم غلبہ پانے والی جماعت ہیں

آية رقم 45

ﯱﯲﯳﯴ ﯵ ​

عنقریب یہ جماعت شکست دی جائےگی اور پیٹھ دے کر بھاگے گی

آية رقم 46

ﯶﯷﯸﯹﯺﯻ ﯼ ​

بلکہ قیامت کی گھڑی ان کے وعدے کے وقت ہے اور قیامت بڑی سخت اور کڑوی چیز ہے

آية رقم 47

ﯽﯾﯿﰀﰁ ﰂ ​

بیشک گناه گار گمراہی میں اور عذاب میں ہیں

آية رقم 48

ﰃﰄﰅﰆﰇﰈﰉﰊﰋ ﰌ ​

جس دن وه اپنے منھ کے بل آگ میں گھسیٹے جائیں گے (اوران سے کہا جائے گا) دوزخ کی آگ لگنے کے مزے چکھو

آية رقم 49

ﰍﰎﰏﰐﰑ ﰒ ​

بیشک ہم نے ہر چیز کو ایک (مقرره) اندازے پر پیدا کیا ہے

آية رقم 50

ﭑﭒﭓﭔﭕﭖ ﭗ ​

اور ہمارا حکم صرف ایک دفعہ (کا ایک کلمہ) ہی ہوتا ہے جیسے آنکھ کا جھپکنا

آية رقم 51

ﭘﭙﭚﭛﭜﭝ ﭞ ​

اور ہم نے تم جیسے بہتیروں کو ہلاک کر دیا ہے، پس کوئی ہے نصیحت لینے واﻻ

آية رقم 52

ﭟﭠﭡﭢﭣ ﭤ ​

جوکچھ انہوں نے (اعمال) کیے ہیں سب نامہٴ اعمال میں لکھے ہوئے ہیں

آية رقم 53

ﭥﭦﭧﭨ ﭩ ​

(اسی طرح) ہر چھوٹی بڑی بات بھی لکھی ہوئی ہے

آية رقم 54

ﭪﭫﭬﭭﭮ ﭯ ​

یقیناً ہمارا ڈر رکھنے والے جنتوں اور نہروں میں ہوں گے

آية رقم 55

ﭰﭱﭲﭳﭴﭵ ﭶ ​

راستی اور عزت کی بیٹھک میں قدرت والے بادشاه کے پاس