ترجمة معاني سورة الحجر باللغة تتاري من كتاب Tatar - Tatar translation

آية رقم 1

ﭑﭒﭓﭔﭕﭖﭗ ﭘ ​

Әлиф ләм ра. Ошбу аятьләр Аллаһудан иңгән китап аятьләредер вә ачык мәгънәле Коръән аятьләредер.

آية رقم 2

ﭙﭚﭛﭜﭝﭞﭟ ﭠ ​

Ахирәттә кяферләр күп вакыт мөселман булуны теләрләр, ягъни мөселманнарның җәннәткә кергәннәрен күргәч, кяферләр: "Кәшки без дә мөселман булган булсакчы", – диярләр.

آية رقم 3

ﭡﭢﭣﭤﭥﭦﭧﭨ ﭩ ​

Аларны ихтыярларына куй, ашасыннар, файдалансыннар вә күп яшәү өметенә алдалансыннар! Дөньяга алданганлыкларын тиздән белерләр.

آية رقم 4

ﭪﭫﭬﭭﭮﭯﭰﭱ ﭲ ​

Шәһәр кешеләрен һәлак итмәдек, мәгәр вакыты билгеләнеп язылганнан соң гына һәлак иттек, ягъни Аллаһ тарафыннан билгеләнгән гомерләре беткән булыр.

آية رقم 5

ﭳﭴﭵﭶﭷﭸﭹ ﭺ ​

Бернинди җәмәгать кешеләре билгеләнгән әҗәлләреннән алда да вә соңга калып та үлмәсләр, вакытында үләрләр.

آية رقم 6

ﭻﭼﭽﭾﭿﮀﮁﮂ ﮃ ​

Мәсхәрә кылып әйттеләр: "Ий сиңа Коръән иңдерелгән, Мухәммәд, син, әлбәттә, мәҗнүнсең.

آية رقم 7

ﮄﮅﮆﮇﮈﮉﮊﮋ ﮌ ​

Әгәр хак пәйгамбәр булсаң, сүзеңне дөресләр өчен безгә фәрештә китерсәң иде".

آية رقم 8

ﮍﮎﮏﮐﮑﮒﮓﮔﮕ ﮖ ​

Фәрештәне иңдерсәк, фәкать хаклык белән иңдерәбез, ул вакытта аларга тәүбә итәргә вакыт бирелмәс, фәрештә килү белән аларны һәлак итәр.

آية رقم 9

ﮗﮘﮙﮚﮛﮜﮝ ﮞ ​

Дөреслектә Без Коръәнне үзебез иңдердек һәм үзгәрүдән аны үзебез сакларбыз.

آية رقم 10

ﮟﮠﮡﮢﮣﮤﮥ ﮦ ​

Дөреслектә Без синнән әүвәлге өммәтләргә дә хак дин белән пәйгамбәрләр җибәрдек.

آية رقم 11

ﮧﮨﮩﮪﮫﮬﮭﮮ ﮯ ​

Мәгәр аларга пәйгамбәр килде исә, алар аны мәсхәрә кылыр булдылар.

آية رقم 12

ﮰﮱﯓﯔﯕ ﯖ ​

Залимнәр күңеленә шулай салырбыз ул мәсхәрәне, ягъни мәсхәрә итүне бик яратырлар.

آية رقم 13

ﯗﯘﯙﯚﯛﯜﯝ ﯞ ​

Ул залимнәр Коръәнгә иман китермәсләр, әүвәлге залимнәргә ґәзаб бирү гадәтебез үтте, боларга да шул ґәзаб булыр.

آية رقم 14

ﯟﯠﯡﯢﯣﯤﯥﯦﯧ ﯨ ​

Ул кяферларга күктән ишек ачсак, вә ул ишектән фәрештәләр югары менсәләр, кәферләр шуны күреп торсалар,

آية رقم 15

ﯩﯪﯫﯬﯭﯮﯯﯰ ﯱ ​

әлбәттә, әйтерләр иде: "Күзебез пәрдәләнде, бәлки без сихерләнгәнбез, Мухәммәд безне сихерләгән".

آية رقم 16

ﭑﭒﭓﭔﭕﭖﭗ ﭘ ​

Тәхкыйк күктә йолдызлар халык кылдык вә караучылар өчен күкне шул йолдызлар белән зиннәтле иттек.

آية رقم 17

ﭙﭚﭛﭜﭝ ﭞ ​

Вә ул күкне ләгънәт кылынган шайтаннан сакладык, ягъни аны күккә мендермәдек.

آية رقم 18

ﭟﭠﭡﭢﭣﭤﭥ ﭦ ​

Мәгәр бер шайтан фәрештәләрнең сүзен урларга күккә менсә, ул шайтанга ялтыравыклы ут атылыр.

آية رقم 19

ﭧﭨﭩﭪﭫﭬﭭﭮﭯﭰﭱ ﭲ ​

Без җирне түшәдек вә ул җир өстенә зур-зур таулар салдык вә, ул җирдә һәрберсе үзенә тиешле үлчәү белән үлчәнгән күп төрле үсемлекләр үстердек.

آية رقم 20

ﭳﭴﭵﭶﭷﭸﭹﭺ ﭻ ​

Вә ул җирдә сезгә яшәү өчен кирәк нәрсәләрне һәммәсен бар кылдык, дәхи сез аларны ашатмый тәрбияләми торган кыр хайваннарын сезнең файдага бар кылдык.

آية رقم 21

ﭼﭽﭾﭿﮀﮁﮂﮃﮄﮅﮆ ﮇ ​

Вә һәрнәрсәнең хәзинәсе Безнең кулыбызда, вә аны иңдергәндә мәгълүм үлчәү белән генә иңдерәбез.

آية رقم 22

ﮈﮉﮊﮋﮌﮍﮎﮏﮐﮑﮒﮓ ﮔ ​

Дәхи болытны китерүче җилне җибәрдек вә күктән яңгыр иңдереп, сезне суга тук иттек, боларны сез булдыручы вә саклаучы да түгелсез, фәкать Безнең рәхмәтебездәндер.

آية رقم 23

ﮕﮖﮗﮘﮙﮚ ﮛ ​

Вә тәхкыйк Без тергезәбез вә үтерәбез, вә Без һәр нәрсәгә варис-хуҗабыз.

آية رقم 24

ﮜﮝﮞﮟﮠﮡﮢ ﮣ ​

Сезнең элек яшәп киткәннәрегезне дә, вә сездән соң яшәргә киләчәк кешеләрегезне дә Без бик яхшы беләбез.

آية رقم 25

ﮤﮥﮦﮧﮨﮩﮪﮫ ﮬ ​

Дәхи сезнең Раббыгыз кыямәт көнне кешеләрне каберләреннән кубарыр, Ул хөкем итүче, белүче.

آية رقم 26

ﮭﮮﮯﮰﮱﯓﯔﯕ ﯖ ​

Тәхкыйк Без Адәм ґәләйһис-сәләмне кибеп беткән шыгырдап торган балчыктан халык кылдык, ул балчык күп еллар ятып, сасыган иде.

آية رقم 27

ﯗﯘﯙﯚﯛﯜﯝ ﯞ ​

Вә Адәмнән элек җенне ялкынлы уттан халык кылдык.

آية رقم 28

ﯟﯠﯡﯢﯣﯤﯥﯦﯧﯨﯩﯪ ﯫ ​

Аллаһу тәгалә фәрештәләргә әйтте: "Әлбәттә, Мин күп еллар ятып үзгәргән коры балчыктан Адәм ґәләйһис-сәләмне халык кылачакмын.

آية رقم 29

ﯬﯭﯮﯯﯰﯱﯲﯳﯴ ﯵ ​

Мин аны төзеп тәмам итсәм вә үз тарафымнан рух кертеп җанлы итсәм, аңа сәҗдә кылыгыз!

آية رقم 30

ﯶﯷﯸﯹ ﯺ ​

Фәрештәләр барчасы җыелып сәҗдә кылдылар.

آية رقم 31

ﯻﯼﯽﯾﯿﰀﰁ ﰂ ​

Мәгәр Иблис сәҗдә кылмады, сәҗдә кылучылардан булудан баш тартты.

آية رقم 32

ﭑﭒﭓﭔﭕﭖﭗﭘ ﭙ ​

Аллаһу тәгалә әйтте: "Ий Иблис, сиңа ни булды сәҗдә кылучылардан булмаска?"

آية رقم 33

ﭚﭛﭜﭝﭞﭟﭠﭡﭢﭣﭤ ﭥ ​

Иблис әйтте: "Иске, кибеп үзгәреп беткән балчыктан яратылган Адәмгә сәҗдә кылачагым юк, мин олугъмын.

آية رقم 34

ﭦﭧﭨﭩﭪ ﭫ ​

Аллаһ әйтте: "Алай булса, син җәннәттән чык! Фәрештәләрдән булма, чөнки син ләгънәт кылынган вә рәхмәтемнән сөрелгәнсең!

آية رقم 35

ﭬﭭﭮﭯﭰﭱ ﭲ ​

Тәхкыйк сиңа кыямәт көненә чаклы ләгънәт булачак.

آية رقم 36

ﭳﭴﭵﭶﭷﭸ ﭹ ​

Иблис әйтте: "Йә Рабби, миңа мәхшәр көненә чаклы дөньяда яшәргә рөхсәт бир".

آية رقم 37

ﭺﭻﭼﭽ ﭾ ​

Аллаһу тәгалә әйтте: "Ий Иблис, сиңа мәхшәр көненә чаклы яшәргә рөхсәт бирелде.

آية رقم 38

ﭿﮀﮁﮂ ﮃ ​

Бер билгеле мәгълүм көнгә кадәр яшәрсең!"

آية رقم 39

ﮄﮅﮆﮇﮈﮉﮊﮋﮌﮍ ﮎ ​

Иблис әйтте: "Йә Рабби, Адәм сәбәпле мине аздырганың өчен кешеләргә җир йөзендәге хәрам нәрсәләрне зиннәтле вә яхшы итеп күрсәтәчәкмен һәм барчаларын аздырырмын.

آية رقم 40

ﮏﮐﮑﮒ ﮓ ​

Мәгәр ихлас, сиңа гыйбадәт кылучы колларыңа көчем җитмәс, аларны аздыра алмам".

آية رقم 41

ﮔﮕﮖﮗﮘ ﮙ ​

Аллаһу тәгалә әйтте: "Бәндәләремнең миңа буйсынып, миңа гына гыйбадәт кылулары Минем туры юлымдыр.

آية رقم 42

ﮚﮛﮜﮝﮞﮟﮠﮡﮢﮣﮤ ﮥ ​

Әлбәттә, итагать итүче ихлас колларым, алар зарарына йөрергә сиңа ирек юк, мәгәр берәү азып, сиңа иярсә, ул азган кешене үзеңә ияртә алырсың.

آية رقم 43

ﮦﮧﮨﮩ ﮪ ​

Ий Иблис, сиңа ияргәннәрнең (зарчасының вәгъдә ителгән урыннары җәһәннәмдер.

آية رقم 44

ﮫﮬﮭﮮﮯﮰﮱﯓ ﯔ ​

Ул җәһәннәмнең җиде ишеге бар, һәрбер ишегеннән кертү өчен бүленгән кешеләр булыр.

آية رقم 45

ﯕﯖﯗﯘﯙ ﯚ ​

Тәхкыйк Аллаһ хөкемнәренә хыйлафлык кылудан һәм гөнаһлардан сакланучы тәкъва мөселманнар җәннәтләрдә тәмле елгалар буенда рәхәттә булырлар.

آية رقم 46

ﯛﯜﯝ ﯞ ​

Фәрештәләр әйттеләр: "Һәр тарафтан имин, тыныч вә сәламәт булып ошбу җәннәтләргә керегез".

آية رقم 47

ﯟﯠﯡﯢﯣﯤﯥﯦﯧﯨ ﯩ ​

Аларның күңелләреннән көнчелек кенә, ачу вә кайгы кеби начар нәрсәләрне чыгарырбыз да бер-берсенә чын кардәш булып, хыялларга да килмәгән хуш диваннарга кара-каршы утырып, рәхәтләнеп сөйләшерләр.

آية رقم 48

ﯪﯫﯬﯭﯮﯯﯰﯱ ﯲ ​

Аларга җәннәттә бернинди мәшәкать булмас һәм алар җәннәттән мәңге чыгарылмаслар.

آية رقم 49

ﯳﯴﯵﯶﯷﯸﯹ ﯺ ​

Минем хак мөэмин бәндәләремә хәбәр бир, тәхкыйк Мин үземә итагать итүче бәндәләремне ярлыкаучы вә аларга рәхмәт итүчемен.

آية رقم 50

ﯻﯼﯽﯾﯿ ﰀ ​

Дәхи Минем ґәзабым Миңа итагать итмәгәннәргә бик каты ґәзабтыр.

آية رقم 51

ﰁﰂﰃﰄ ﰅ ​

Дәхи бәндәләремә Ибраһимнең кунакларыннан хәбәр бир!"

آية رقم 52

ﭑﭒﭓﭔﭕﭖﭗﭘﭙ ﭚ ​

Кунаклар Ибраһим янына кергәч, сәлам бирделәр, алар фәрештәләр иде, Ибраһим: "Мин сездән куркамын", – диде.

آية رقم 53

ﭛﭜﭝﭞﭟﭠﭡ ﭢ ​

Фәрештәләр әйттеләр: "Син бездән курыкма, без сиңа шатлыклы хәбәр китердек, сездән бер галим бала туачак".

آية رقم 54

ﭣﭤﭥﭦﭧﭨﭩﭪ ﭫ ​

Ибраһим ґәләйһис-сәләм әйтте: "Ґәҗәб, сез миңа карт көнемдә бала белән сөенеч бирәсезме? Нинди ґәҗәб нәрсә белән хәбәр бирәсез!"

آية رقم 55

ﭬﭭﭮﭯﭰﭱﭲ ﭳ ​

Фәрештәләр әйттеләр: "Без сиңа булачак хак хәбәр белән сөенеч бирәбез, син өмет өзүчеләрдән булма!"

آية رقم 56

ﭴﭵﭶﭷﭸﭹﭺﭻ ﭼ ​

Ибраһим әйтте: "Әлбәттә, мөэмин бәндә Раббысының рәхмәтеннән өмет өзмәс, мәгәр адашкан кешеләр генә өмет өзәрләр".

آية رقم 57

ﭽﭾﭿﮀﮁ ﮂ ​

Ибраһим фәрештәләрдән сорады: "Миңа сөенеч бирүдән башка тагын нинди эшегез бар, ий илчеләр!?"

آية رقم 58

ﮃﮄﮅﮆﮇﮈ ﮉ ​

Фәрештәләр әйттеләр: "Без азган, чиктән чыккан кәфер халыкны һәлак итәр өчен җибәрелдек.

آية رقم 59

ﮊﮋﮌﮍﮎﮏ ﮐ ​

Мәгәр Лутны өй җәмәгате белән һәлак итмәбез, барчасын коткарырбыз.

آية رقم 60

ﮑﮒﮓﮔﮕﮖ ﮗ ​

Мәгәр Лутның хатыны азгыннардан, шуның өчен кәферләр белән бергә һәлак булачак".

آية رقم 61

ﮘﮙﮚﮛﮜ ﮝ ​

Бу фәрештәләр Лут ґәләйһис-сәлам янына баргач,

آية رقم 62

ﮞﮟﮠﮡ ﮢ ​

Лут әйтте: "Сез ят кунакларсыз, без сезне танымыйбыз".

آية رقم 63

ﮣﮤﮥﮦﮧﮨﮩ ﮪ ​

Фәрештәләр әйттеләр: "Кәферләр шик тоткан ґәзаб белән килдек, ягъни Лут үзенең кауменә: әгәр фәхеш эшләрегездән тәүбә итмәсәгез һәм исламны кабул итмәсәгез, сезгә тиздән каты ґәзаб киләчәк дигән сүзенә ышанмадылар.

آية رقم 64

ﮫﮬﮭﮮ ﮯ ​

Без сиңа хак хәбәрне китердек, сүзебез хак, без әйткәнчә булыр.

آية رقم 65

ﮰﮱﯓﯔﯕﯖﯗﯘﯙﯚﯛﯜﯝﯞ ﯟ ​

Син җәмәгатеңне алып, төннең бер вакытында шәһәрдән чыгып кит, вә үзең артларыннан бар, сездән һичберегез артына борылып карамасын, яки аерылып калмасын һәм әмер ителгән урыныгызга барыгыз!

آية رقم 66

ﯠﯡﯢﯣﯤﯥﯦﯧﯨ ﯩ ​

Шәһәрдән чыгып китәргә Лутка әмер бирдек, чөнки таң вакытында кауменең арты киселәсе, ягъни һичберсе калмыйча һәлак булачаклар".

آية رقم 67

ﯪﯫﯬﯭ ﯮ ​

Кеше кыяфәтендә килгән фәрештәләрне шәһәр халкы күргәч, лавата кылабыз, дип, йөгерешеп килделәр, шатланып.

آية رقم 68

ﯯﯰﯱﯲﯳﯴ ﯵ ​

Лут кауменә әйтте: "Болар минем кунакларым, алар хакында мине рисвай кылмагыз!

آية رقم 69

ﯶﯷﯸﯹ ﯺ ​

Аллаһудан куркыгыз, мине оятлы итмәгез!"

آية رقم 70

ﯻﯼﯽﯾﯿ ﰀ ​

Кәферләр әйттеләр: "Без сине егетләрне кунак итүдән тыймадыкмы? Рисвай булырга теләмәсәң, егетләрне кунак итмә."

آية رقم 71

ﭑﭒﭓﭔﭕﭖ ﭗ ​

Лут әйтте: "Сез әгәр шәһвәтегез кушканча йөрсәгез, менә бу минем кызларым никах кылып алыгыз!"

آية رقم 72

ﭘﭙﭚﭛﭜ ﭝ ​

Фәрештәләр әйттеләр: "Ий Лут, синең гомер белән ант итеп әйтәбез, алар шәһвәт исереклеге белән хәйран калып йөриләр, синең нәсыйхәтеңне ишетмәсләр".

آية رقم 73

ﭞﭟﭠ ﭡ ​

Кояш чыгып торганда, аларга бер ямьсез каты тавыш иреште.

آية رقم 74

ﭢﭣﭤﭥﭦﭧﭨﭩ ﭪ ​

Шул вакыт шәһәрнең өстен аска әйләндереп һәлак иттек һәм җәһәннәмдә кыздырылган ташларны өсләренә яудырдык.

آية رقم 75

ﭫﭬﭭﭮﭯ ﭰ ​

Тәхкыйк фикерләп караучылар өчен аларның һәлак булуында, әлбәттә, гыйбрәтләр бар.

آية رقم 76

ﭱﭲﭳ ﭴ ​

Вә ул һәлак булган шәһәр юл өстендәдер, үткән кешеләр күреп үтәләр.

آية رقم 77

ﭵﭶﭷﭸﭹ ﭺ ​

Бу каумнең һәлак булуында мөэминнәр өчен могҗизалар бар.

آية رقم 78

ﭻﭼﭽﭾﭿ ﮀ ​

Дәхи Шоґәеб г-м җибәрелгән Әйкә шәһәре халкы да залим булдылар.

آية رقم 79

ﮁﮂﮃﮄﮅ ﮆ ​

Вә аларга да ґәзаб иңдереп, үчебезне алдык, боларның да һәлак булган шәһәре юл өстендә күренеп тора.

آية رقم 80

ﮇﮈﮉﮊﮋ ﮌ ​

Дәхи Хиҗер дигән җирнең Сәмуд исемле халкы пәйгамбәрләре Салих г-мне ялганчы диделәр.

آية رقم 81

ﮍﮎﮏﮐﮑ ﮒ ​

Без ул Сәмуд кауменә дәлилләр вә могҗизалар бирдек, ләкин алар һәммәсеннән баш тарттылар.

آية رقم 82

ﮓﮔﮕﮖﮗﮘ ﮙ ​

Ґәзабтан котылыр өчен таш тавын тишеп өйләр ясадылар.

آية رقم 83

ﮚﮛﮜ ﮝ ​

Аларга да таң вакытыңда каты тавыш иреште вә һәлак булдылар.

آية رقم 84

ﮞﮟﮠﮡﮢﮣ ﮤ ​

Тырышып ясаган таш өйләре аларга һич тә файда бирмәде.

آية رقم 85

ﮥﮦﮧﮨﮩﮪﮫﮬﮭﮮﮯﮰﮱﯓﯔﯕ ﯖ ​

Җирне вә күкләрне һәм араларында булган нәрсәләрне мәхкәм итеп, халык белән төзедек, сукыр булмаган кешеләргә дәрес алырга була. Әлбәттә, кыямәт көне киләчәк, син кәферләрдән дөньяда уч алырга тырышма, аларга яхшылык күрсәт!

آية رقم 86

ﯗﯘﯙﯚﯛ ﯜ ​

Дөреслектә синең Раббың – Улдыр, һәрнәрсәне халык кылучы вә һәр нәрсәне белүче.

آية رقم 87

ﯝﯞﯟﯠﯡﯢﯣ ﯤ ​

Дөреслектә Без сиңа һәр намазда укыла торган җиде аятьле Фатихә сүрәсен вә ґәзәмәтле Коръән Кәримне бирдек.

آية رقم 88

ﯥﯦﯧﯨﯩﯪﯫﯬﯭﯮﯯﯰﯱﯲﯳ ﯴ ​

Кәферләрдән бер таифәгә Без биргән дөнья малына кызыгып карамагыл һәм аларның иман китермәгәннәре өчен кайгырмагыл вә мөэминнәргә канатыңны җәйгән кеби шәфкать кыл!

آية رقم 89

ﯵﯶﯷﯸﯹ ﯺ ​

Кешеләргә әйт: "Мин Аллаһуга итагать итмәгән вә Аңа гыйбадәт кылмаган кешеләрне җәһәннәм ґәзабы белән ачык куркытучымын."

آية رقم 90

ﯻﯼﯽﯾ ﯿ ​

Хаҗга баручыларны диннән дүндерү өчен бүленеп, алар юлына чыккан кәферләргә ґәзаб иңдергәнебез кеби башкаларга да иңдерербез.

آية رقم 91

ﭑﭒﭓﭔ ﭕ ​

Ул ґәзабка тиешле кешеләр Коръәннең бәгъзе аятьләренә ышаналар вә бәгъзе аятьләргә ышанмыйлар яки Коръән аятьләрен сайлап, нәфескә туры килгәне белән генә гамәл кылалар.

آية رقم 92

ﭖﭗﭘ ﭙ ​

Раббың исеме илә ант итеп әйтәмен ки кыямәт көнне, әлбәттә, бик каты сорарбыз барчаларыннан да.

آية رقم 93

ﭚﭛﭜ ﭝ ​

Ул кешеләрнең кылган эшләреннән кем Коръәнгә ышанган, кем ышанмаган, кем гамәл кылган, кем кылмаган, кем мәетләргә укып тамак туйдырган һәм акча алган – бу хакта хөкем каты булыр.

آية رقم 94

ﭞﭟﭠﭡﭢﭣ ﭤ ​

Инде ислам динен изһар кыл! Кешеләрне иманга вә Коръән белән гамәл кылырга ачыктан-ачык өндә! Һичкемнән курыкма! Вә мөшрикләрдән кисел, алар белән булышып вакытыңны өрәм итмә!

آية رقم 95

ﭥﭦﭧ ﭨ ​

Сине мәсхәрә итә торган кешеләрне һәлак итәргә вә сине сакларга Без җитәбез!

آية رقم 96

ﭩﭪﭫﭬﭭﭮﭯﭰﭱ ﭲ ​

Ул саташкан бидеґәтчеләр Аллаһудан башка тагын берәр кемне яки берәр нәрсәне Аллаһ урынына тоталар, алар тиздән белерләр бу эшләренең һәлакәтлек икәнлеген.

آية رقم 97

ﭳﭴﭵﭶﭷﭸﭹ ﭺ ​

Әлбәттә, беләбез кәферләрнең вә бидеґәтчеләрнең хакка каршы ялган сүзләренә күңелең тарыгып хәтерең каладыр.

آية رقم 98

ﭻﭼﭽﭾﭿﮀ ﮁ ​

Раббыңны мактап тәсбихләр әйт вә сәҗдә кылучылардан бул!

آية رقم 99

ﮂﮃﮄﮅﮆ ﮇ ​

Вә Раббыңа гыйбадәт кылгыл, хәтта мәгълүм булган көн килгәнче, ягъни үлем килгәнче!