ترجمة معاني سورة الشعراء باللغة تتاري من كتاب Tatar - Tatar translation

آية رقم 1

ﭑ ﭒ ​

Та син мим.

آية رقم 2

ﭓﭔﭕﭖ ﭗ ​

Ошбу аятьләр хакның хаклыгын, батылның батыллыгын ачып бирүче Коръән аятьләредер.

آية رقم 3

ﭘﭙﭚﭛﭜﭝ ﭞ ​

Ий Мухәммәд г-м кавемең һәммәсе дә иман китермәгәне өчен каты кайгырып үзеңне һәлак итү ихтималындасың. Ягъни мөшрикләрнең иман китермәгәннәре өчен үзеңә зарар китерер дәрәҗәдә кайгырасың, борчылма, тыныч бул.

آية رقم 4

ﭟﭠﭡﭢﭣﭤﭥﭦﭧﭨﭩ ﭪ ​

Әгәр Без теләсәк, аларны дингә көчли торган галәмәтне күктән аларга иңдерер идек, иман китереп һәрвакыт ул галәмәткә баш ияр иделәр.

آية رقم 5

ﭫﭬﭭﭮﭯﭰﭱﭲﭳﭴﭵ ﭶ ​

Әгәр аларга Аллаһудан яңа вәгазь аятьләре килсә, алар һаман ул аятьләрдән баш тартыр булдылар.

آية رقم 6

ﭷﭸﭹﭺﭻﭼﭽﭾ ﭿ ​

Тәхкыйк алар Коръәнне ялганга тоттылар, әлбәттә, аларга килер Коръәнне кимсетүләренең хәбәре вә җәзасы, ул вакытта белерләр Коръәннең хаклыгын, ләкин соң булыр.

آية رقم 7

ﮀﮁﮂﮃﮄﮅﮆﮇﮈﮉﮊ ﮋ ​

Әйә алар җиргә карамыйлармы, ирле вә хатынлы итеп күпме яхшы нәрсәләр үстердек.

آية رقم 8

ﮌﮍﮎﮏﮐﮑﮒﮓﮔ ﮕ ​

Әлбәттә бу эштә Аллаһуның кодрәтенә иман китерү өчен ачык галәмәтләр бар, ләкин аларның күберәге ышанучы түгелләр.

آية رقم 9

ﮖﮗﮘﮙﮚ ﮛ ​

Әлбәттә синең Раббың өстенлек вә куәт иясе, имансызларга каты җәза бирер, мөэминнәр өчен рәхимледер.

آية رقم 10

ﮜﮝﮞﮟﮠﮡﮢﮣ ﮤ ​

Раббың Мусага нида кылып әйтте: "Залим булган кавемгә бар, аларны хак дингә өндә".

آية رقم 11

ﮥﮦﮧﮨﮩ ﮪ ​

Алар Фиргаун кавемедер, алар мәхлукка табыналар, Аллаһудан курыкмыйлармы?

آية رقم 12

ﮫﮬﮭﮮﮯﮰ ﮱ ​

Муса әйтте: "Йә Рабби, мине ялганга тотарлар дип куркамын".

آية رقم 13

ﯓﯔﯕﯖﯗﯘﯙﯚ ﯛ ​

Миңа ышанмаулары сәбәпле күңелемнең тараймаклыгыннан вә телемдә төен булу сәбәпле аңлата алмавымнан куркамын, миңа ярдәмче итеп кардәшем Һарунны җибәр!

آية رقم 14

ﯜﯝﯞﯟﯠﯡ ﯢ ​

Дәхи алар хозурында минем гөнаһым бар (Егет чагында бер кәфер кыбтыйны үтергән иде), үземне үтерерләр дип куркамын.

آية رقم 15

ﯣﯤﯥﯦﯧﯨﯩﯪﯫ ﯬ ​

Аллаһ әйтте: "Юк үтермәсләр, барыгыз икәү Минем аятьләрем белен, Без сезнең белән бергәбез, сүзегезне ишетәбез.

آية رقم 16

ﯭﯮﯯﯰﯱﯲﯳ ﯴ ​

Фиргаунгә барыгыз, вә без бетен галәмнәрне тәрбияләүче Аллаһуның рәсүлебез,

آية رقم 17

ﯵﯶﯷﯸﯹ ﯺ ​

безнең белән Ягькуб балаларын җибәрмәклегең өчен килдек" – диегез.

آية رقم 18

ﯻﯼﯽﯾﯿﰀﰁﰂﰃﰄ ﰅ ​

Фиргаун әйтте: "Ий Муса, син сабый чагында безлә тәрбияләндең түгелме, вә гомереңнән безлә утыз ел тордык.

آية رقم 19

ﰆﰇﰈﰉﰊﰋﰌ ﰍ ​

Һәм кыласы эшеңне кылдың ягъни бер кыбтыйны үтердек, син минем биртәя нигъмәтемне инкяр итүчесең".

آية رقم 20

ﭑﭒﭓﭔﭕﭖ ﭗ ​

Муса әйтте: "Ул эшне мин эшләдем, ләкин шәригатьне белмәвем сәбәпле мин адашкан идем.

آية رقم 21

ﭘﭙﭚﭛﭜﭝﭞﭟﭠﭡﭢ ﭣ ​

Сездән куркып качтым, вә Раббым миңа шәригать хөкемнәрең бирде, вә мине рәсүлләрдән кылды.

آية رقم 22

ﭤﭥﭦﭧﭨﭩﭪﭫ ﭬ ​

Син мина миннәт иткән нигъмәт, ул шундый нигъмәттер, Ягькуб балаларын үзеңә кол ясап, ир балаларны бугазлаудыр, үлемнән калу өчен мин синең тәрбияңә төшкәнмен".

آية رقم 23

ﭭﭮﭯﭰﭱ ﭲ ​

Фиргаун әйтте: "Галәмнәрне тәрбия итүче ул нинди зат?

آية رقم 24

ﭳﭴﭵﭶﭷﭸﭹﭺﭻﭼ ﭽ ​

Муса әйтте: "Ул җирне, күкләрне һәм алар арасында булган нәрсәләрне тәрбия итүче, әгәр бу хак сүзгә ышансагыз.

آية رقم 25

ﭾﭿﮀﮁﮂ ﮃ ​

Фиргаун Мусаның сүзенә ышанмаган хәлдә үзенең тирәсендәге дусларына әйтте: "Әйә ишетмисезме Мусаның сүзләрен, мин аңа Раббысы хакында сорау бирдем, ул җавап кайтарды", – дип.

آية رقم 26

ﮄﮅﮆﮇﮈ ﮉ ​

Муса әйтте: "Ул – Аллаһ сезнең Раббыгыз вә атагызның Раббысыдыр".

آية رقم 27

ﮊﮋﮌﮍﮎﮏﮐ ﮑ ​

Фиргаун әйтте: "Сезгә расүл итеп җибәрелгән Муса, әлбәттә, җенледер".

آية رقم 28

ﮒﮓﮔﮕﮖﮗﮘﮙﮚﮛ ﮜ ​

Муса әйтте: "Ул – Аллаһ мәшрикъның вә мәгърибнең һәм алар арасындагы нәрсәләрнең Раббысыдыр, әгәр аңласагыз.

آية رقم 29

ﮝﮞﮟﮠﮡﮢﮣﮤ ﮥ ​

Фиргаун әйтте: "Әгәр син миннән башканы Илаһә тотсаң, мин сине төрмәгә бикләүчеләрдән булырмын".

آية رقم 30

ﮦﮧﮨﮩﮪ ﮫ ​

Муса әйтте: "Әгәр пәйгамбәрлегемә ачык дәлилләр китерсәм дә ул эшне эшләрсеңме?"

آية رقم 31

ﮬﮭﮮﮯﮰﮱﯓ ﯔ ​

Фиргаун әйтте: "Әгәр дөрес пәйгамбәр булсаң дәлилеңне китер".

آية رقم 32

ﯕﯖﯗﯘﯙﯚ ﯛ ​

Муса таягын җиргә ташлады, шуннан соң ул йөрүче зур елан булды.

آية رقم 33

ﯜﯝﯞﯟﯠﯡ ﯢ ​

Вә кулын култыгына тыгып чыгарды, караучыларга күзне чагылдырырлык ак булып чыкты.

آية رقم 34

ﯣﯤﯥﯦﯧﯨﯩ ﯪ ​

Фиргаун әйтте: "Бу Муса барыгыздан да остарак сихерчедер.

آية رقم 35

ﯫﯬﯭﯮﯯﯰﯱﯲ ﯳ ​

Үзенең сихере белән сезне Мысыр җиреннән чыгарырга телидер "Үзенең олугъларына: "Миңа нинди әмер бирәсез шуны кыйлырмын", – диде.

آية رقم 36

ﯴﯵﯶﯷﯸﯹﯺ ﯻ ​

Олугълары әйтте: "Мусаны вә кардәше Һарунны бикләп куй, вә сихерчеләрне чакырырга кешеләр җибәр.

آية رقم 37

ﯼﯽﯾﯿ ﰀ ​

Алар сиңа Мусадан ла остарак сихерчеләрне алып килсеннәр".

آية رقم 38

ﰁﰂﰃﰄﰅ ﰆ ​

Һәм билгеләнгән вакытка сихерчеләр җыелдылар.

آية رقم 39

ﰇﰈﰉﰊﰋ ﰌ ​

Кешеләргә әйтелде: "Җыелдыгызмы ике якның кылган эшләрен карарга".

آية رقم 40

ﭑﭒﭓﭔﭕﭖﭗ ﭘ ​

Җыелган мөшрикләр әйттеләр: "Әгәр сихерчеләр Мусаны җиңсәләр шаять сихерчеләргә иярербез".

آية رقم 41

ﭙﭚﭛﭜﭝﭞﭟﭠﭡﭢﭣﭤ ﭥ ​

Сихерчеләр җыелып беткәч, Фиргаунгә әйттеләр: "Әгәр Мусаны җиңсәк безгә хак булырмы?"

آية رقم 42

ﭦﭧﭨﭩﭪﭫ ﭬ ​

Фиргаун әйтте: "Әлбәттә булыр, әгәр Мусаны җиңсәгез минем якыннарымнан булырсыз".

آية رقم 43

ﭭﭮﭯﭰﭱﭲﭳ ﭴ ​

Муса аларга әйтте: "Сез әүвәл ташлагыз ташларга дигән нәрсәләрегезне".

آية رقم 44

ﭵﭶﭷﭸﭹﭺﭻﭼﭽ ﭾ ​

Һәм сихерчеләр арканнарын вә таякларын ташладылар, вә әйттеләр: "Фиргаун олугълыгы белән ант итеп әйтәбез, әлбәттә, без Мусаны җиңәчәкбез", – дип.

آية رقم 45

ﭿﮀﮁﮂﮃﮄﮅﮆ ﮇ ​

Соңра Муса таягын җиргә ташлады, шулвакыт зур елан булды да тегеләрнең сихер белән елан итеп күрсәткән аркан вә таякларын чәйнәп ашап бетерде.

آية رقم 46

ﮈﮉﮊ ﮋ ​

Бу хәлне күргәч сихерчеләр, Аллаһуга сәҗдәгә егылдылар.

آية رقم 47

ﮌﮍﮎﮏ ﮐ ​

Әйттеләр: "Галәмнәрне тәрбия итүче Аллаһуга иман китердек.

آية رقم 48

ﮑﮒﮓ ﮔ ​

Ул – Аллаһ Мусаның вә Һарунның да Раббысыдыр".

آية رقم 49

ﮕﮖﮗﮘﮙﮚﮛﮜﮝﮞﮟﮠﮡﮢﮣﮤﮥﮦﮧﮨﮩﮪﮫ ﮬ ​

Фиргаун әйтте: "Әйә сез мин рөхсәт бирүдән элек Мусага иман китерәсезме, ул сихер белемендә сезнең олугыгыздыр, сезгә аз гына өйрәткән шуның өчен ул сезне җиңде, бәс минем җәзамны тиз белерсез, әлбәттә, сезнең уң кулыгызны вә сул аякларыгызны кисәрмен һәм барчаларыгызны да асармын", – дип.

آية رقم 50

ﮭﮮﮯﮰﮱﯓﯔﯕ ﯖ ​

Иман китергән сихерчеләр әйттеләр: "Ий Фиргаун, син кыйлган эштән безнең иманыбызга зарар юк, үлгәч без Раббыбызга кайтабыз, Ул безгә әҗерен бирер.

آية رقم 51

ﯗﯘﯙﯚﯛﯜﯝﯞﯟﯠﯡ ﯢ ​

Ширек вә сихердән булган хаталарыбызны, әлбәттә, Раббыбыз ярлыкар дип өмет итәбез, Мусага беренче без иман китергәнебез өчен.

آية رقم 52

ﯣﯤﯥﯦﯧﯨﯩﯪﯫ ﯬ ​

Без Мусага вәхий кылдык кавемең белән Мысырдан чыгып кит, әлбәттә, Фиргавен гаскәре белән артыгыздан куа чыгачак", – дип.

آية رقم 53

ﯭﯮﯯﯰﯱ ﯲ ​

Фиргаун шәһәрләргә гаскәр җыючыларны җибәрде.

آية رقم 54

ﯳﯴﯵﯶ ﯷ ​

Фиргаун әйтте: "Мусаның гаскәре безнекенә караганда аз гаскәрдер.

آية رقم 55

ﯸﯹﯺ ﯻ ​

Алар безне ачуландыра торган эш кыйлдылар.

آية رقم 56

ﯼﯽﯾ ﯿ ​

Без, әлбәттә, аларны куарга хәзерләрбез", – дип.

آية رقم 57

ﰀﰁﰂﰃ ﰄ ​

Һәм Без Фиргаунне вә гаскәрне бакчалардан вә елгалардан чыгардык.

آية رقم 58

ﰅﰆﰇ ﰈ ​

Вә алтын-көмеш вә башка байлыктан һәм яхшы урыннан чыгардык.

آية رقم 59

ﰉﰊﰋﰌﰍ ﰎ ​

Әнә шулай Без аны кызык иттек, алар байлыгына һәм урыннарына Ягькуб балаларын хуҗа кылдык.

آية رقم 60

ﰏﰐ ﰑ ​

Һәм Фиргаун гаскәре белән Муса артыннан кояш чыккан вакытта куып киттеләр.

آية رقم 61

ﭑﭒﭓﭔﭕﭖﭗﭘ ﭙ ​

Фиргаун гаскәре белән Муса гаскәре бер-берсен күргәннәре заманда, Муса гаскәреннән берсе куркып: "Фиргаун артыбыздан җитте, тәхкыйк куылып тотылдык", – диде.

آية رقم 62

ﭚﭛﭜﭝﭞﭟﭠ ﭡ ​

Муса әйтте: "Юк, безгә ирешә алмаслар, чөнки Раббым минем иләдер, әлбәттә, котыла торган юлга күндерер", – дип.

آية رقم 63

ﭢﭣﭤﭥﭦﭧﭨﭩﭪﭫﭬﭭﭮﭯ ﭰ ​

Таягың илә диңгезгә сук дип Мусага вәхий кылдык, бәс диңгездән 12 юл ачылды, һәр ике юл арасында зур тау кеби бөек су булды.

آية رقم 64

ﭱﭲﭳ ﭴ ​

Вә Фиргаун гаскәрен шул тау кеби сулар арасына якын китердек.

آية رقم 65

ﭵﭶﭷﭸﭹ ﭺ ​

Вә Мусаны һәм аның белән булганнарның барчасын коткардык.

آية رقم 66

ﭻﭼﭽ ﭾ ​

Соңра шул суга Фиргаунне гаскәре белән бергә батырып һәлак иттек.

آية رقم 67

ﭿﮀﮁﮂﮃﮄﮅﮆﮇ ﮈ ​

Мин Аллаһ дигән Фиргауннең гаскәре белән суга батып һәлак булуында, әлбәттә, гакыллы кешеләр өчен гыйбрәт бардыр. Мысыр халкының күбрәге аңар иман китермәс булдылар.

آية رقم 68

ﮉﮊﮋﮌﮍ ﮎ ​

Синең Раббың әнә шулай дошманнарыннан үч алучы вә дусларына рәхмәт итүчедер.

آية رقم 69

ﮏﮐﮑﮒ ﮓ ​

Вә кешеләргә гыйбрәт өчен Ибраһимның хәбәрен укыгыл.

آية رقم 70

ﮔﮕﮖﮗﮘﮙ ﮚ ​

Аның кавеме сөйләшкәнен игътибарга алыгыз, ул атасыннан вә кавеменнән нәрсәгә гыйбадәт кыласыз дип сорады.

آية رقم 71

ﮛﮜﮝﮞﮟﮠ ﮡ ​

Әйттеләр: "Сынымнарга гыйбадәт кылабыз, һәрвакыт аларга гыйбадәттә булабыз", – дип.

آية رقم 72

ﮢﮣﮤﮥﮦ ﮧ ​

Ибраһим әйтте: "Дога кыйлып хаҗәтләрегезне сораганда сынымнарыгыз сезнең сүзләрегезне ишетәләрме?

آية رقم 73

ﮨﮩﮪﮫ ﮬ ​

Яки сезгә файда итәргә көчләре җитәме, яки аларга гыйбадәт итмәгән кешеләргә зарар итәргә көчләре җитәме?"

آية رقم 74

ﮭﮮﮯﮰﮱﯓ ﯔ ​

Әйттеләр: "Юк, сынымнарыбыз ишетми дә, файда вә зарар итәргә дә көчләре җитми, бәлки аталарыбыз да шулай безнең кеби кыйлалар иде, без дә аларга ияреп шулай кыйлабыз", – дип.

آية رقم 75

ﯕﯖﯗﯘﯙ ﯚ ​

Ибраһим әйтте: "Әйә күрәсезме гыйбадәт кыйлган сынымнарыгызны.

آية رقم 76

ﯛﯜﯝ ﯞ ​

Үзегез вә әүвәлге бабаларыгыз гыйбадәт кыйлган сынымнарыгызның һич нәрсәгә ярамаганлыгын беләсезме?

آية رقم 77

ﯟﯠﯡﯢﯣﯤ ﯥ ​

Ул сынымнар минем дошманнарымдыр, аларга һич гыйбадәт кыйлмам, мәгәр галәмнәрнең Раббысы минем дошманым түгел, дустым. Мин Аңа гыйбадәт кыйламын.

آية رقم 78

ﯦﯧﯨﯩ ﯪ ​

Ул – Аллаһ мине халык кыйлды, вә Ул туры юлга күндерде мине.

آية رقم 79

ﯫﯬﯭﯮ ﯯ ​

Вә Ул мине ашата вә эчерә.

آية رقم 80

ﯰﯱﯲﯳ ﯴ ​

Әгәр авырсам Ул миңа сәламәтлек бирә.

آية رقم 81

ﯵﯶﯷﯸ ﯹ ​

Вә Ул мине үтерә, соңра тергезә.

آية رقم 82

ﯺﯻﯼﯽﯾﯿﰀﰁ ﰂ ​

Вә кыямәт көнне гөнаһларымны Ул ярлыкар дип өмет итәм.

آية رقم 83

ﰃﰄﰅﰆﰇﰈ ﰉ ​

Ий Раббым, миңа белем хикмәт биргел вә изгеләргә тоташтыр.

آية رقم 84

ﭑﭒﭓﭔﭕﭖ ﭗ ​

Йә Рабби, миннән соң килгән өммәтләр мине яхшылык белән зекер итсеннәр.

آية رقم 85

ﭘﭙﭚﭛﭜ ﭝ ​

Вә мине "нәгыйм" җәннәтенең варисларыннан кыйл.

آية رقم 86

ﭞﭟﭠﭡﭢﭣ ﭤ ​

Вә атамны ярлыка, чөнки ул хак юлдан адашканнардан булды.

آية رقم 87

ﭥﭦﭧﭨ ﭩ ​

Кешеләр кубарылган көндә мине хур кыйлма."

آية رقم 88

ﭪﭫﭬﭭﭮﭯ ﭰ ​

Ул көндә малы вә баласы һичкемгә файда бирмәс.

آية رقم 89

ﭱﭲﭳﭴﭵﭶ ﭷ ​

Мәгәр мөшриклек вә монафикълык керләреннән күңеле пакь хәлдә чын мөселман булып килсә, аңа файда булыр.

آية رقم 90

ﭸﭹﭺ ﭻ ​

Җәннәт тәкъва мөэминнәргә якын ителде.

آية رقم 91

ﭼﭽﭾ ﭿ ​

Вә гөнаһтан сакланмаганнарга җәһәннәм бик якын күрсәтелде.

آية رقم 92

ﮀﮁﮂﮃﮄﮅ ﮆ ​

Вә аларга әйтелде: "Кайда сезнең гыйбадәт кыйлган нәрсәләрегез.

آية رقم 93

ﮇﮈﮉﮊﮋﮌﮍ ﮎ ​

Аллаһудан башка сынымнарыгыз, әйә алар сезгә ярдәм итә алалармы, яки үзләрен ґәзабтан коткара алалармы?"

آية رقم 94

ﮏﮐﮑﮒ ﮓ ​

Ул сынымнар вә сынымнарга гыйбадәт кылучылар утка ташланырлар.

آية رقم 95

ﮔﮕﮖ ﮗ ​

Вә Иблискә ияргән кешеләр һәммәсе ташланыр.

آية رقم 96

ﮘﮙﮚﮛ ﮜ ​

Алар анда сынымнары белән әрепләшерләр һәм әйтерләр:

آية رقم 97

ﮝﮞﮟﮠﮡﮢ ﮣ ​

"Аллаһ исеме илә ант итеп әйтәбез, әлбәттә, без ачык адашуда булганбыз.

آية رقم 98

ﮤﮥﮦﮧ ﮨ ​

Ий сынымнар, без сезне бөтен галәмнәрне тәрбияләүче Аллаһ белән бертигезсез, дип белдек.

آية رقم 99

ﮩﮪﮫﮬ ﮭ ​

Безне адаштырмады һичнәрсә мәгәр азган кешеләр адаштырдылар.

آية رقم 100

ﮮﮯﮰﮱ ﯓ ​

Безгә бүген шәфәгать итүче юктыр мөэминнәргә булганы кеби.

آية رقم 101

ﯔﯕﯖ ﯗ ​

Вә мәрхәмәтле чын дустыбыз да юк.

آية رقم 102

ﯘﯙﯚﯛﯜﯝﯞ ﯟ ​

Ни булыр иде әгәр без дөньяга кире кайтарылсак, бәс Аллаһуга итагать итеп мөэминнәрдән булыр идек", – дип.

آية رقم 103

ﯠﯡﯢﯣﯤﯥﯦﯧﯨ ﯩ ​

Тәхкыйк ошбу Коръәндә зекер ителгән хәбәрләрдә гыйбрәтләр бардыр, шулай булса да кешеләрнең күбрәге мөэмин булмадылар.

آية رقم 104

ﯪﯫﯬﯭﯮ ﯯ ​

Дөреслектә синең Раббың Ул җиңүче вә рәхимледер.

آية رقم 105

ﯰﯱﯲﯳ ﯴ ​

Нух кавеме, пәйгамбәрләрне ялганга тоттылар.

آية رقم 106

ﯵﯶﯷﯸﯹﯺﯻ ﯼ ​

Кардәшләре Нух г-м аларга әйтте: "Әйә Аллаһудан курыкмыйсызмы?

آية رقم 107

ﯽﯾﯿﰀ ﰁ ​

Мин сезгә арагызда иминлек белән мәшһүр пәйгамбәрмен.

آية رقم 108

ﰂﰃﰄ ﰅ ​

Һәм Аллаһудан куркыгыз һәм минем әмерләремә итагать итегез.

آية رقم 109

ﰆﰇﰈﰉﰊﰋﰌﰍﰎﰏﰐﰑ ﰒ ​

Ислам шәригатен өйрәткәнем өчен мин сездән хак сорамыйм, бәлки минем әҗерем галәмнәр Раббысы Аллаһ бирәчәк җәннәт нигъмәтләредер.

آية رقم 110

ﰓﰔﰕ ﰖ ​

Аллаһудан куркыгыз, Аңа гөнаһлы булудан сакланыгыз, вә миңа итагать итегез!"

آية رقم 111

ﰗﰘﰙﰚﰛﰜ ﰝ ​

Кавеме аңа әйтте: "Әйә без синең сүзеңә ышаныйкмы, бит сиңа начар ярлы кешеләр ияргәннәр.

آية رقم 112

ﭑﭒﭓﭔﭕﭖ ﭗ ​

Нух әйтте: "Мин аларның кыйлган эшләрен белмим.

آية رقم 113

ﭘﭙﭚﭛﭜﭝﭞﭟ ﭠ ​

Аларның эшләренең хисабы Раббым – Аллаһуга хастыр, әгәр белсәгез.

آية رقم 114

ﭡﭢﭣﭤ ﭥ ​

Сез адашканнарга ияреп мин мөэминнәрне ташлаячагым юк.

آية رقم 115

ﭦﭧﭨﭩﭪ ﭫ ​

Мин сезне иманга көчләүче түгелмен, мәгәр Аллаһ ґәзабы илә ачык куркытучымын."

آية رقم 116

ﭬﭭﭮﭯﭰﭱﭲﭳ ﭴ ​

Кавеме әйтте: "Әгәр бу сүзләреңнән туктамасаң, әлбәттә, таш белән атылып үтерелмеш кешеләрдән булырсың".

آية رقم 117

ﭵﭶﭷﭸﭹ ﭺ ​

Нух әйтте: "Йә Рабби, кавемем миңа ышанмыйлар, ялган сөйлисең, диләр.

آية رقم 118

ﭻﭼﭽﭾﭿﮀﮁﮂﮃ ﮄ ​

Инде алар белән миңем арамны хөкем ит, вә мине һәм миңа ияргән мөэминнәрне ул залимнәрдән коткар".

آية رقم 119

ﮅﮆﮇﮈﮉﮊ ﮋ ​

Һәм Нухны вә аңа ияргән мөэминнәрне коткардык, кошлар вә хайваннар белән тулган көймәдә.

آية رقم 120

ﮌﮍﮎﮏ ﮐ ​

Соңра мөэмин булмаганнарын һәммәсен батырдык.

آية رقم 121

ﮑﮒﮓﮔﮕﮖﮗﮘﮙ ﮚ ​

Ошбу Аллаһуга карышып һәлак булган Нух кавеменең һәлак булуында гакыллы кешеләр өчен, әлбәттә, гыйбрәтләр бар, ул кавемнең күбрәге, ягъни һәлак булганнары берсе дә ышанучы түгел иде.

آية رقم 122

ﮛﮜﮝﮞﮟ ﮠ ​

Тәхкыйк синең Раббың Ул кәферләрдән үч алуда көчледер, мөэминнәргә рәхимледер.

آية رقم 123

ﮡﮢﮣ ﮤ ​

Гад кавеме пәйгамбәрләрне ялганга тоттылар.

آية رقم 124

ﮥﮦﮧﮨﮩﮪﮫ ﮬ ​

Кардәшләре Һуд әйтте: "Әйә сез Аллаһудан курыкмыйсызмы, Аллаһудан башка нәрсәләргә табынасыз.

آية رقم 125

ﮭﮮﮯﮰ ﮱ ​

Беләсез, мин арагызда имин булган хыянәтсез пәйгамбәрмен.

آية رقم 126

ﯓﯔﯕ ﯖ ​

Аллаһудан куркыгыз, мина итагать итегез.

آية رقم 127

ﯗﯘﯙﯚﯛﯜﯝﯞﯟﯠﯡﯢ ﯣ ​

Ислам шәригатен өйрәткәнем өчен мин сездән хак сорамыйм, миңа тиешле әҗер галәмнәр Раббысы Аллаһу" хозурындадыр.

آية رقم 128

ﯤﯥﯦﯧﯨ ﯩ ​

Әйә сез мөшрикләр һәр калку урынга тәкәбберләнеп файдасыз биналар төзисезме башкаларны кимсетер өчен.

آية رقم 129

ﯪﯫﯬﯭ ﯮ ​

Янә дөньяда мәңге яшәү өмете белән төрле бөек биналар ясыйсызмы?

آية رقم 130

ﯯﯰﯱﯲ ﯳ ​

Вә әгәр бер кешене җәза өчен тотсагыз, ерткычларча тоттыгыз тәкәбберләнеп.

آية رقم 131

ﯴﯵﯶ ﯷ ​

Аллаһудан куркыгыз, явыз эшләрегезне куегыз, вә дин эшләрендә миңа итагать итегез.

آية رقم 132

ﯸﯹﯺﯻﯼ ﯽ ​

Сезгә ярдәм бирүче Аллаһудан куркыгыз, үзегез дә беләсез Аның ярдәм биргәнен.

آية رقم 133

ﯾﯿﰀ ﰁ ​

Сезне балалар вә хайваннар белән нигъмәтләндерде.

آية رقم 134

ﰂﰃ ﰄ ​

Дәхи бакчалар вә елгалар илә нигъмәтләндерде.

آية رقم 135

ﰅﰆﰇﰈﰉﰊ ﰋ ​

Мин сезгә олуг көннең ґәзәбы ирешүдән куркамын.

آية رقم 136

ﰌﰍﰎﰏﰐﰑﰒﰓﰔ ﰕ ​

Кәферләр әйттеләр: "Безгә һич аермасы юк, кирәк – безне вәгазьдә, кирәк – безне вәгазь кыйлучыдан бул, без вәгазеңне кабул итмибез, куркыткан ґәзабыңнан курыкмыйбыз.

آية رقم 137

ﭑﭒﭓﭔﭕ ﭖ ​

Синең куркытуың һич нәрсә түгел, мәгәр әүвәлгеләрнең ялган сөйләү гадәтләредер.

آية رقم 138

ﭗﭘﭙ ﭚ ​

Без ислам динен кабул итмәсәк тә ґәзаб кыйлыначак түгелбез, дип тәкәбберләнделәр.

آية رقم 139

ﭛﭜﭝﭞﭟﭠﭡﭢﭣﭤﭥﭦ ﭧ ​

Бәс алар Һуд пәйгамбәрне ялганга тоттылар, Без аларны дөньяда ук ґәзаб кыйлып һәлак иттек, боларның һәлак булуында да гыйбрәт бардыр, аларның күбрәге ышанучы булмадылар.

آية رقم 140

ﭨﭩﭪﭫﭬ ﭭ ​

Синең Раббың, әлбәттә, Ул кәферләргә ґәзаб бирүдә көчле, мөэминнәргә рәхимледер.

آية رقم 141

ﭮﭯﭰ ﭱ ​

Сәмуд кавеме пәйгамбәрләрне ялганга тоттылар.

آية رقم 142

ﭲﭳﭴﭵﭶﭷﭸ ﭹ ​

Кардәшләре Салих пәйгамбәр аларга әйтте: "Әйә сез Аллаһудан курыкмыйсызмы, Аны ташлап һичнәрсәгә ярамаган нәрсәләргә гыйбадәт кыласыз.

آية رقم 143

ﭺﭻﭼﭽ ﭾ ​

Әлбәттә, мин сезгә хак пәйгамбәрмен ки, миннән зарар күрүдән иминсез.

آية رقم 144

ﭿﮀﮁ ﮂ ​

Һәм Аллаһудан куркыгыз вә минем әмерләремә итагать итегез.

آية رقم 145

ﮃﮄﮅﮆﮇﮈﮉﮊﮋﮌﮍﮎ ﮏ ​

Мин сезгә ислам шәригатен өйрәткәнем өчен хак сорамыйм, минем җиһадымның әҗере галәмнәрне тәрбияләүче Аллаһ хозурындадыр.

آية رقم 146

ﮐﮑﮒﮓﮔ ﮕ ​

Әйә, сез мөшрикләр ошбу азгынлыкта булган халегездә бу дөньяда мәңге калырга уйлыйсызмы?

آية رقم 147

ﮖﮗﮘ ﮙ ​

Яхшы бакчаларда вә яхшы елгаларда.

آية رقم 148

ﮚﮛﮜﮝ ﮞ ​

Игеннәрдә вә өлгергән йомшак хөрмәләрдә.

آية رقم 149

ﮟﮠﮡﮢﮣ ﮤ ​

Вә шатланганыгыз хәлдә тауларны тишеп өйләр ясыйсыз, ошбу нигъмәтләр эчендә мәңге калырга уйлыйсызмы?

آية رقم 150

ﮥﮦﮧ ﮨ ​

Куркыгыз, Аллаһуга каршылык күрсәтүдән сакланыгыз вә минем әмеремә итагать итегез.

آية رقم 151

ﮩﮪﮫﮬ ﮭ ​

Юлдан чыккан мөшрикләргә итагать итмәгез.

آية رقم 152

ﮮﮯﮰﮱﯓﯔ ﯕ ​

Ул мөшрикләр динне, кешеләрне вә тормышны бозучылардыр, алар һич нәрсәне төзәтмиләр", – дип.

آية رقم 153

ﯖﯗﯘﯙﯚ ﯛ ​

Мөшрикләр әйттеләр: "Ий син Салих, ничә кат сихерләнеп гакыллары шашкан кешеләрдәнсең.

آية رقم 154

ﯜﯝﯞﯟﯠﯡﯢﯣﯤﯥﯦ ﯧ ​

Синең артык җирең юк, безнең кеби бер кешесең, әгәр дөрес пәйгамбәр булсаң, безгә бер галәмәт китер".

آية رقم 155

ﯨﯩﯪﯫﯬﯭﯮﯯﯰ ﯱ ​

Аллаһ мөшрикләргә могҗиза өчен таштан тере дөя чыгарды. Салих әйтте: "Ошбу таштан чыккан дөя Аллаһуның хөрмәтле дөяседер, нәүбәт белән коедан бер көн су эчмәк бу дөянең өлешедер, вә икенче көнне коедан су эчмәк сезнең дөяләрегезнең өлешедер.

آية رقم 156

ﯲﯳﯴﯵﯶﯷﯸ ﯹ ​

Ошбу дөяне сугып, кыйнап, явызлык белән тотмагыз. Югыйсә сезне олуг кыямәт көненең ґәзабы тотар.

آية رقم 157

ﯺﯻﯼ ﯽ ​

Ләкин алар Салихның сүзен тыңламадылар, явызлык белән дөяне бугазладылар, һәм ґәзабтан куркып үкенүчеләрдән булдылар.

آية رقم 158

ﯾﯿﰀﰁﰂﰃﰄﰅﰆﰇﰈﰉ ﰊ ​

Һәм аларны ґәзаб тотты, боларның һәлак булуында да гыйбрәт бар. Аларның күбрәге ышанучы булмадылар.

آية رقم 159

ﰋﰌﰍﰎﰏ ﰐ ​

Раббың Аңа итагать итмәүчеләрдән үч алучы, вә итагать итүчеләргә рәхмәт итүчедер.

آية رقم 160

ﭑﭒﭓﭔ ﭕ ​

Лут кавеме пәйгамбәрләрне ялганга тотты.

آية رقم 161

ﭖﭗﭘﭙﭚﭛﭜ ﭝ ​

Кардәшләре Лут пәйгамбәр әйтте: "Әйә Аллаһудан курыкмыйсызмы, Аллаһуга гыйбадәт кылу урынына һич нәрсәгә ярамаган нәрсәгә гыйбадәт кыласыз.

آية رقم 162

ﭞﭟﭠﭡ ﭢ ​

Мин, әлбәттә, сезгә хак пәйгамбәрмен ки, миннән зарар күрүдән иминсез.

آية رقم 163

ﭣﭤﭥ ﭦ ​

Аллаһудан куркыгыз, Аңа каршы барудан сакланыгыз, һәм минем әмеремә итагать итегез!

آية رقم 164

ﭧﭨﭩﭪﭫﭬﭭﭮﭯﭰﭱﭲ ﭳ ​

Ислам шәригатен өйрәткәнем өчен сездән хак сорамыйм, минем җиһадымның әҗере галәмнәрне тәрбияләүче Аллаһ хозурындадыр.

آية رقم 165

ﭴﭵﭶﭷ ﭸ ​

Дөньяда кешеләр арасыннан сез ир балаларга якынлык кыласызмы.

آية رقم 166

ﭹﭺﭻﭼﭽﭾﭿﮀﮁﮂﮃﮄ ﮅ ​

Раббыгыз сезнең өчен халык кылган хатыннарны куярсыз, бәлки сез хәләлдән хәрамга үтүче кавемсез.

آية رقم 167

ﮆﮇﮈﮉﮊﮋﮌﮍ ﮎ ​

Мөшрикләр әйттеләр: "Ий Лут, әгәр ошбу сүзләреңнән туктамасаң, әлбәттә, шәһәребездән куып чыгарылганнардан булырсың."

آية رقم 168

ﮏﮐﮑﮒﮓ ﮔ ​

Лут әйтте: "Мин сезнең бу эшегез өчен бик каты ачуланучыларданмын.

آية رقم 169

ﮕﮖﮗﮘﮙ ﮚ ​

Ий Раббым, мине вә өй әһелемне боларның кыйлган кабахәт эшләреннән, һәм аларга килә торган ґәзабтан коткар!

آية رقم 170

ﮛﮜﮝ ﮞ ​

Һәм Без Лутны вә өй җәмәгатен һәммәсен коткардык.

آية رقم 171

ﮟﮠﮡﮢ ﮣ ​

Мәгәр Лутның хыянәтче хатыны газапта калучылардан булды.

آية رقم 172

ﮤﮥﮦ ﮧ ​

Соңра Лут җәмәгатеннән башкаларын һәммәсен һәлак иттек.

آية رقم 173

ﮨﮩﮪﮫﮬﮭﮮ ﮯ ​

Вә алар өстенә ташлар яудырдык, Аллаһ ґәзабы белән куркытылып та курыкмаган кешеләрнең яңгыры нинди яман яндыр булды.

آية رقم 174

ﮰﮱﯓﯔﯕﯖﯗﯘﯙ ﯚ ​

Боларның һәлак булуында да гыйбрәт бар, аларның күпләре ышанучылардан булмадылар.

آية رقم 175

ﯛﯜﯝﯞﯟ ﯠ ​

Әлбәттә, синең Раббың дошманнарыннан үч алучы вә дусларына рәхмәт итүчедер.

آية رقم 176

ﯡﯢﯣﯤ ﯥ ​

Әйкә кавеме пәйгамбәрләрне ялганга тоттылар.

آية رقم 177

ﯦﯧﯨﯩﯪﯫ ﯬ ​

Шөґәеб пәйгамбәр аларга әйтте: "Әйә Аллаһудан курыкмыйсызмы, Аңардан башкага гыйбадәт кыласыз.

آية رقم 178

ﯭﯮﯯﯰ ﯱ ​

Мин сезгә хак пәйгамбәрмен, миннән зарар хыянәт күрүдән иминсез.

آية رقم 179

ﯲﯳﯴ ﯵ ​

Аллаһудан куркыгыз, Аңа каршы барудан сакланыгыз вә минем әмерләремә итагать итегез!

آية رقم 180

ﯶﯷﯸﯹﯺﯻﯼﯽﯾﯿﰀﰁ ﰂ ​

Ислам шәригатен өйрәткәнем өчен сездән хак сорамыйм, минем җиһадымның әҗере галәмнәрне тәрбияләүче Аллаһу хозурындадыр.

آية رقم 181

ﰃﰄﰅﰆﰇﰈﰉ ﰊ ​

Алыш-биреш эшләрендә нәрсәгезне үлчәгәндә яхшылап үлчәп бетерегез, кеше зарарына ким үлчәүчеләрдән булмагыз.

آية رقم 182

ﰋﰌﰍ ﰎ ​

Үлчәгәндә тигез, дөрес үлчәүләр белән үлчәгез.

آية رقم 183

ﰏﰐﰑﰒﰓﰔﰕﰖﰗ ﰘ ​

Үлчәгәндә хыянәт итеп кеше хакына кермәгез, вә фәсәд, золым эшләрен кылмагыз, явызлыкны җир өстенә таратмагыз.

آية رقم 184

ﭑﭒﭓﭔﭕ ﭖ ​

Сезне вә сездән әүвәлгеләрне халык кылучы Аллаһудан куркыгыз!

آية رقم 185

ﭗﭘﭙﭚﭛ ﭜ ​

Мөшрикләр әйттеләр: "Син фәкать ничә кат сихерләнеп саташкан кешеләрдәнсең.

آية رقم 186

ﭝﭞﭟﭠﭡﭢﭣﭤﭥ ﭦ ​

Син һичкем түгел, безнең кеби бер кешесең, без сине ялганчылардансың дип уйлыйбыз

آية رقم 187

ﭧﭨﭩﭪﭫﭬﭭﭮﭯ ﭰ ​

әгәр син хак пәйгамбәр булсаң, безгә күктән ґәзаб иңдер!"

آية رقم 188

ﭱﭲﭳﭴﭵ ﭶ ​

Шөґәеб әйтте: "Аллаһ сезнең Аңа каршы эшләгән эшләрегезне беләдер, тиешле җәзасын бирер."

آية رقم 189

ﭷﭸﭹﭺﭻﭼﭽﭾﭿﮀﮁ ﮂ ​

Һәм алар пәйгамбәрне ялганга тоттылар, Аллаһ аларга бик каты эсселек җибәрде, соңра алар өстенә бер болыт җибәрде, алар эсселектән качып болыт астына җыелдылар, аннары шул болыттан ут явып һәммәсен һәлак итте. Бу ґәзаб олуг көннең ґәзабыдыр.

آية رقم 190

ﮃﮄﮅﮆﮇﮈﮉﮊﮋ ﮌ ​

Бу кавемнең һәлак булуында да гыйбрәт бар, аларның күбрәге ышанучы булмадылар.

آية رقم 191

ﮍﮎﮏﮐﮑ ﮒ ​

Дөреслектә синең Раббың дошманнарыннан газап белән үч алучы вә дусларына рәхмәт итүчедер.

آية رقم 192

ﮓﮔﮕﮖ ﮗ ​

Бу Коръән галәмнәрне тәрбия итүче Аллаһудан иңдерелгән китаптыр.

آية رقم 193

ﮘﮙﮚﮛ ﮜ ​

Аның белән имин булган Җәбраил фәрештә инде.

آية رقم 194

ﮝﮞﮟﮠﮡ ﮢ ​

Ул Җәбраил Коръәнне синең күңелеңә иңдерде, кешеләрне Аллаһ ґәзабы белән куркытучы булмаклыгың өчен.

آية رقم 195

ﮣﮤﮥ ﮦ ​

Коръән ачык итеп гарәб телендә иңдерелде.

آية رقم 196

ﮧﮨﮩﮪ ﮫ ​

Коръәндәге хәбәрләр, әлбәттә, әүвәлге китапларда да бар.

آية رقم 197

ﮬﮭﮮﮯﮰﮱﯓﯔﯕ ﯖ ​

Аларга Коръәнне дөресләүче дәлилләр булмадымы, Ягъкуб балаларының галимнәре Тәүратта укып Мухәммәд г-мнең сыйфатларын белгән кеби.

آية رقم 198

ﯗﯘﯙﯚﯛ ﯜ ​

Әгәр Коръәнне гарәб теленнән башка чит телдә иңдергән булсак,

آية رقم 199

ﯝﯞﯟﯠﯡﯢ ﯣ ​

аларга Коръән укылса, башка телдә булу сәбәпле, гарәбләр аңа ышанмас иделәр.

آية رقم 200

ﯤﯥﯦﯧﯨ ﯩ ​

Шуның кеби Коръәнне ялганга тотуны динсезләрнең күңеленә керттек.

آية رقم 201

ﯪﯫﯬﯭﯮﯯﯰ ﯱ ​

Инде алар иман китермәсәләр, хәтта рәнҗеткүче ґәзабны күргәнче.

آية رقم 202

ﯲﯳﯴﯵﯶ ﯷ ​

Аларга искәрмәстән ґәзаб килер ки, үзләре һич сизми калырлар.

آية رقم 203

ﯸﯹﯺﯻ ﯼ ​

Алар әйтерләр: "Ни яхшы булыр иде, безгә килгән ґәзабны туктатып, иман китереп изге гамәлләр кылырга безгә ирек бирелсә", – дип.

آية رقم 204

ﯽﯾ ﯿ ​

Әйә Безнең ґәзабның аларга килүен ашыктыралармы? (тәкәбберләнеп, өстебезгә таш яудыр дияләр иде.)

آية رقم 205

ﰀﰁﰂﰃ ﰄ ​

Күрдеңме, әгәр Без аларга күп еллар нигъмәт биреп файдаландырсак,

آية رقم 206

ﰅﰆﰇﰈﰉ ﰊ ​

соңра аларга вәгъдә ителмеш газап килсә,

آية رقم 207

ﭑﭒﭓﭔﭕﭖ ﭗ ​

алардан куып җибәрә алырмы ул ґәзабны әүвәлдә файдаланган нигъмәтләре?

آية رقم 208

ﭘﭙﭚﭛﭜﭝﭞ ﭟ ​

Башта хөкемнәребезне пәйгамбәр аркылы ирештермичә һичбер шәһәр кешеләрен һәлак итмәдек.

آية رقم 209

ﭠﭡﭢﭣ ﭤ ​

Бу аларга вәгазьдер, Без залимнәрдән булмадык ки, пәйгамбәр җибәрмичә һәлак итәр идек.

آية رقم 210

ﭥﭦﭧﭨ ﭩ ​

Мөшрикләр әйткәнчә, ул Коръән белән шайтаннар икмәде.

آية رقم 211

ﭪﭫﭬﭭﭮ ﭯ ​

Шайтаннарның Коръән белән иңмәкләре һич дөрес булмыйдыр, һәм аларның Коръән белән иңәргә ихтыярлары вә көчләре юктыр.

آية رقم 212

ﭰﭱﭲﭳ ﭴ ​

Тәхкыйк шайтаннар күктәге фәрештәләр сүзен ишетүдән пәрдәләнмешләрдер.

آية رقم 213

ﭵﭶﭷﭸﭹﭺﭻﭼﭽ ﭾ ​

Аллаһудан башканы Илаһә тота күрмәгел, югыйсә ґәзаб ителмеш кешеләрдән булырсың.

آية رقم 214

ﭿﮀﮁ ﮂ ​

Якыннарыңны Аллаһ ґәзабы белән куркыт.

آية رقم 215

ﮃﮄﮅﮆﮇﮈ ﮉ ​

Вә үзеңә ияргән мөэминнәргә рәхмәт канатыңны җай.

آية رقم 216

ﮊﮋﮌﮍﮎﮏﮐ ﮑ ​

Әгәр якыннарың сиңа карышып яман эштә булсалар, аларга әйт: "Мин сезнең Аллаһуга каршы булган эшләрегездән бизүчемен".

آية رقم 217

ﮒﮓﮔﮕ ﮖ ​

Карышканнарга ґәзаб бирергә вә итагать иткәннәргә рәхмәт кыйлырга кадир булган Аллаһуга тәвәккәл кыл.

آية رقم 218

ﮗﮘﮙﮚ ﮛ ​

Намазга торган вакытында Ул – Аллаһ сине күрәдер.

آية رقم 219

ﮜﮝﮞ ﮟ ​

Мөселманнарга имам булып сәҗдә кыйлучылар белән бергә сәҗдә кылганыңны да күрәдер.

آية رقم 220

ﮠﮡﮢﮣ ﮤ ​

Ул – Аллаһ сезнең сүзләрегезне ишетүче вә күңелләрегезне белүчедер.

آية رقم 221

ﮥﮦﮧﮨﮩﮪ ﮫ ​

Нинди юлда булган кешеләргә шайтаннарның иңгәнлеге белән хәбәр биримме?

آية رقم 222

ﮬﮭﮮﮯﮰ ﮱ ​

Күп ялган сөйләүчегә вә күп гөнаһлы азган кешегә иңәрләр. (Ул ялганчылар: сихерчеләр, багучылар, бидегәтчеләр, ишаннар кебиләр.)

آية رقم 223

ﯓﯔﯕﯖ ﯗ ​

Ул шайтаннар фәрештәләрнең сүзен урлап сихерченең, багучының, ишанның күңеленә салыр, кешеләр арасында яшерен нәрсәләрне белүчеләр булып саналсыннар өчен, шайтаннарга ияргән кешеләр ялганчылардыр.

آية رقم 224

ﯘﯙﯚ ﯛ ​

Хакка каршы булган шагыйрьләргә Коръән әһеле иярмәс, мәгәр ахмак вә азгын кешеләр генә иярерләр.

آية رقم 225

ﯜﯝﯞﯟﯠﯡﯢ ﯣ ​

Әйә аларны күрдеңме, әлбәттә, алар очраган бер бозык эшне кылырлар, пычырак күлгә чумган кеби фикердә, сүздә вә фигыльдә бозыкка чумып китәрләр.

آية رقم 226

ﯤﯥﯦﯧﯨ ﯩ ​

Вә алар яхшы эшне эшләмәсәләр дә, без яхшы эшне эшлибез дип, ялган сөйләрләр.

آية رقم 227

ﯪﯫﯬﯭﯮﯯﯰﯱﯲﯳﯴﯵﯶﯷﯸﯹﯺﯻﯼﯽ ﯾ ​

Мәгәр иман китереп Коръән белән гамәл кылган кешеләр, ялганчы шагыйрьләргә вә кәферләргә һәм шайтанларга иярмәсләр, ул мөэминнәр Аллаһуны күп зекер итәләр, ул мөэминнәр, исламны яманлап шигырь әйтүче кәферләргә каршы исламны мактап, кәферләрне яманлап шигырьләр әйтәләр иде, алар кяферлардан золым курганнан соң Аллаһ ярдәме белән ярдәмләнделәр һәм өскә чыктылар, алга киттеләр. Ул золым итүче кәферләр тиздән белерләр, нинди урынга кайтарылачакларын!