ترجمة معاني سورة الحاقة باللغة ماراناو من كتاب Maranao - Maranao translation

آية رقم 1

ﮯ ﮰ ​

So phakatangkd.

آية رقم 2

ﮱﯓ ﯔ ​

Antonaa so phakatangkd?

آية رقم 3

ﯕﯖﯗﯘ ﯙ ​

Na antawaa i miyakandao rka o antonaa so phakatangkd (a giyoto so bangkit)?

آية رقم 4

ﯚﯛﯜﯝ ﯞ ​

Piyakambokhag o pagtaw a Samod, ago so pagtaw a Ad so phakatktk!

آية رقم 5

ﯟﯠﯡﯢ ﯣ ​

Na so pagtaw a Samod, na inibinasa kiran so lalis a minitaralo!

آية رقم 6

ﯤﯥﯦﯧﯨﯩ ﯪ ​

Na so pman so pagtaw a Ad, na inibinasa kiran so ndo a domadagoos, a miyakabandbands;

آية رقم 7

ﯫﯬﯭﯮﯯﯰﯱﯲﯳﯴﯵﯶﯷﯸﯹﯺ ﯻ ​

Piyakapangarasi Niyan kiran sa miyakapito ka gagawii, go miyakawalo ka dawndaw sa da mapta, na khaylaing ka so pagtaw roo a khipakakklit, lagid oba siran manga itado a korma a miyanga o othang!

آية رقم 8

ﯼﯽﯾﯿﰀ ﰁ ​

Na ba adn a khaylaing ka kiran a malalamba?

آية رقم 9

ﭑﭒﭓﭔﭕﭖ ﭗ ​

Na siyogok o Pir´awn, ago so miyaonaan iyan, ago so taw sa Mo´tafikah so dosa;

آية رقم 10

ﭘﭙﭚﭛﭜﭝ ﭞ ​

Go siyangka iran so sogo o Kadnan iran, na siniksa Iyan siran sa siksa a maylot.

آية رقم 11

ﭟﭠﭡﭢﭣﭤﭥ ﭦ ​

Mataan! a Skami na kagiya a lomapay so ig na riyoran Ami skano ko kapal,

آية رقم 12

ﭧﭨﭩﭪﭫﭬ ﭭ ​

Kaan Ami rkano oto mabaloy a pananadm, go adn man´g skaniyan o tangila a pphamamakin´g.

آية رقم 13

ﭮﭯﭰﭱﭲﭳ ﭴ ​

Na amay ka iyopn so sanggakala sa kaiyop a makaysa,

آية رقم 14

ﭵﭶﭷﭸﭹﭺ ﭻ ​

Go madiyongkat so lopa ago so manga palaw, na maropt a dowa oto sa karopt a makaysa,

آية رقم 15

ﭼﭽﭾ ﭿ ​

Na sa alongan oto na makatana so phakatana (a giyoto so bangkit).

آية رقم 16

ﮀﮁﮂﮃﮄ ﮅ ​

Go manga oopak so langit, na skaniyan sa alongan oto na makalmk,

آية رقم 17

ﮆﮇﮈﮉﮊﮋﮌﮍﮎﮏ ﮐ ​

Go so manga malaikat na sii ko manga bagibir iyan. Na tanggongn so aras o Kadnan ka ko kaporoan iran sa alongan oto o walo (a manga malaikat);

آية رقم 18

ﮑﮒﮓﮔﮕﮖ ﮗ ​

Sa alongan oto na pakadarpaan kano na da a makapagma rkano a phagma.

آية رقم 19

ﮘﮙﮚﮛﮜﮝﮞﮟﮠ ﮡ ​

Na so mibgay ron so daptar iyan, sii ko kawanan iyan, na tharoon iyan a: "Kowaa niyo, na batiyaa niyo so daptar akn!"

آية رقم 20

ﮢﮣﮤﮥﮦ ﮧ ​

"Mataan! a sakn na miyatangkd akn a mataan! a sakn na khatmo akn so itongan rakn!"

آية رقم 21

ﮨﮩﮪﮫ ﮬ ​

Na skaniyan na matago ko kawyagoyag a kasosoat,

آية رقم 22

ﮭﮮﮯ ﮰ ​

Sii ko sorga a maporo,

آية رقم 23

ﮱﯓ ﯔ ​

So manga onga on na manga rarani.

آية رقم 24

ﯕﯖﯗﯘﯙﯚﯛﯜ ﯝ ​

(Tharoon kiran:) "Kang kano go inom kano sa kapipiya ginawa, sabap ko miniona niyo ko manga alongan a miyaypos!"

آية رقم 25

ﯞﯟﯠﯡﯢﯣﯤﯥﯦﯧ ﯨ ​

Na so pman so mibgay ron so daptar iyan sii ko diwang iyan, na matharo iyan: "Hay oba rakn bo da mibgay so daptar akn!"

آية رقم 26

ﯩﯪﯫﯬ ﯭ ​

"Go di akn katawan o antonaa i itongan rakn!"

آية رقم 27

ﯮﯯﯰ ﯱ ​

"Hay oba bo skaniyan na miyabaloy a kapatay dn!"

آية رقم 28

ﯲﯳﯴﯵﯶ ﯷ ​

"Daa minilinding rakn o tamok akn!"

آية رقم 29

ﯸﯹﯺ ﯻ ​

"Miyada rakn so bagr akn!,"

آية رقم 30

ﯼﯽ ﯾ ​

(Tharoon o Allah:) "Kowaa niyo na sangkalii niyo skaniyan,"

آية رقم 31

ﯿﰀﰁ ﰂ ​

"Oriyan iyan na so naraka Jahim na sombo niyo ron;"

آية رقم 32

ﰃﰄﰅﰆﰇﰈﰉ ﰊ ​

"Oriyan iyan na so rantay a aya karawa iyan na pito polo hasta, na zokharn iyo ron!"

آية رقم 33

ﰋﰌﰍﰎﰏﰐ ﰑ ​

"Mataan! a skaniyan na aya btad iyan na di niyan paparatiyayaan so Allah a lbi a mala,"

آية رقم 34

ﰒﰓﰔﰕﰖ ﰗ ​

"Go di niyan i phamiis so kapakakana ko miskin!"

آية رقم 35

ﰘﰙﰚﰛﰜ ﰝ ​

"Na da a bagian iyan sa alongan nai sii a tonganay a phakaompiya on,"

آية رقم 36

ﭑﭒﭓﭔﭕ ﭖ ​

"Go da a pangn´ngkn iyan a rowar ko sago o taw ko naraka,"

آية رقم 37

ﭗﭘﭙﭚ ﭛ ​

"Daa phakakan on inonta so manga baradosa."

آية رقم 38

ﭜﭝﭞﭟ ﭠ ​

Na kna, ka pzapa ako ko nganin a pkhaylay niyo,

آية رقم 39

ﭡﭢﭣ ﭤ ​

A go so nganin a di niyo pkhaylay,

آية رقم 40

ﭥﭦﭧﭨ ﭩ ​

Sa mataan! a skaniyan (a Qor´an) na titho a gii matharo o sogo a sslaan,

آية رقم 41

ﭪﭫﭬﭭﭮﭯﭰﭱ ﭲ ​

Go kna a ba skaniyan katharo o pababayok, miyakayto ito a kapaparatiyaya niyo!

آية رقم 42

ﭳﭴﭵﭶﭷﭸﭹ ﭺ ​

Go kna a ba katharo a paririmar, miyakayto ito a kapphakatadm iyo.

آية رقم 43

ﭻﭼﭽﭾ ﭿ ​

Initoron a phoon ko Kadnan o manga kaadn.

آية رقم 44

ﮀﮁﮂﮃﮄ ﮅ ​

Na opama ka iniangkob iyan Rkami so sabaad ko manga katharo,

آية رقم 45

ﮆﮇﮈ ﮉ ​

Na mataan a khakowa Mi skaniyan sa nggolalan ko bagr,

آية رقم 46

ﮊﮋﮌﮍ ﮎ ​

Oriyan iyan na mataan a potoln Ami ron so ogat ko poso:

آية رقم 47

ﮏﮐﮑﮒﮓﮔ ﮕ ​

Na da a pd rkano a isa bo a mamakalinding on.

آية رقم 48

ﮖﮗﮘ ﮙ ​

Na mataan! a titho a pananadm a rk o khipanananggila.

آية رقم 49

ﮚﮛﮜﮝﮞ ﮟ ​

Na mataan! a Skami na katawan Ami dn a mataan! a so sabaad rkano na piyakambokhag iran (so Qor´an).

آية رقم 50

ﮠﮡﮢﮣ ﮤ ​

Na mataan aya! a titho a kazndit a phakatana ko miyamangongkir;

آية رقم 51

ﮥﮦﮧ ﮨ ​

Go mataan aya! a titho a bnar a matatangkd.

آية رقم 52

ﮩﮪﮫﮬ ﮭ ​

Na phoroporo on ka so ngaran o Kadnan ka a Lbi-a-mala.