ترجمة معاني سورة المرسلات
باللغة الفلبينية من كتاب الترجمة الفلبينية (تجالوج)
.
من تأليف:
مركز رواد الترجمة بالتعاون مع موقع دار الإسلام
.
ﰡ
ﮑﮒ
ﰀ
Sumpa man sa mga [hanging] isinusugo nang sunud-sunod,
ﮔﮕ
ﰁ
at sa mga [hanging] bumubugso sa isang pagbugso;
ﮗﮘ
ﰂ
sumpa man sa mga [anghel na] nagkakalat [ng ulan] sa isang pagpapakalat,
ﮚﮛ
ﰃ
at sa mga [anghel na] nagbubukod sa isang pagbubukod,
ﮝﮞ
ﰄ
at sa mga [anghel na] naghahatid ng paalaala
bilang pagdadahilan o bilang babala.
Tunay na ang ipinangangako sa inyo ay talagang magaganap.
Kaya kapag ang mga bituin ay pinawi,
kapag ang langit ay biniyak,
kapag ang mga bundok ay pinalis,
at kapag ang mga sugo ay tinaningan,
para sa aling araw inantala sila?
ﯝﯞ
ﰌ
Para sa Araw ng Pagpapasya.
At ano ang nagpabatid sa iyo kung ano ang Araw ng Pagpapasya?
Kapighatian sa Araw na iyon sa mga tagapasinungaling!
Hindi ba Kami nagpasawi sa mga sinauna?
Pagkatapos ay nagpasunod Kami sa kanila ng mga huli.
Gayon ang gagawin Namin sa mga salarin.
Kapighatian sa Araw na iyon sa mga tagapasinungaling!
Hindi ba Kami lumikha sa inyo mula sa likidong hamak,
at naglagay Kami niyon sa isang pamamalagiang matibay
hanggang sa panahong nalalaman?
Kaya nagtakda Kami, at kay inam ang Tagatakda!
Kapighatian sa Araw na iyon sa mga tagapasinungaling!
Hindi ba Kami gumawa sa lupa bilang ipunan
ﭭﭮ
ﰙ
sa mga buhay at mga patay?
Naglagay Kami rito ng mga matatag na bundok na matatayog, at nagpainom Kami sa inyo ng tubig tabang.
Kapighatian sa Araw na iyon sa mga tagapasinungaling!
[Sasabihin]: "Humayo kayo tungo sa [pagdurusang] dati ninyong pinasisinungalingan.
Humayo kayo tungo sa aninong may tatlong sangay,
na hindi makalililim ni makapagdudulot laban sa liyab."
Tunay na ito ay nagtatapon ng mga alipato na gaya ng palasyo.
Para bang ang mga ito ay mga itim na kamelyong naninilaw.
Kapighatian sa Araw na iyon sa mga tagapasinungaling!
Ito ay Araw na hindi sila bibigkas,
at hindi magpapahintulot sa kanila para magdahi-dahilan sila.
Kapighatian sa Araw na iyon sa mga tagapasinungaling!
Ito ay Araw ng Pagpapasya; kakalap Kami sa inyo at sa mga sinauna.
Kaya kung mayroon kayong isang pakana ay magpakana kayo laban sa Akin.
Kapighatian sa Araw na iyon sa mga tagapasinungaling!
Tunay na ang mga tagapangilag magkasala ay nasa mga lilim at mga bukal,
at mga prutas mula sa anumang ninanasa nila.
[Sasabihin]: "Kumain kayo at uminom kayo nang kaiga-igaya dahil sa dati ninyong ginagawa."
Tunay na Kami ay gayon gaganti sa mga tagagawa ng mabuti.
Kapighatian sa Araw na iyon sa mga tagapasinungaling!
[Sasabihin]: "Kumain kayo at magtamasa kayo nang kaunti; tunay na kayo ay mga salarin."
Kapighatian sa Araw na iyon sa mga tagapasinungaling!
At kapag sinabi sa kanila: "Yumukod kayo," hindi sila yumuyukod.
Kapighatian sa Araw na iyon sa mga tagapasinungaling!
Kaya sa aling pag-uusap matapos nito sasampalataya sila?
