ترجمة معاني سورة الحجر باللغة الهوساوية من كتاب Abubakar Mahmoud Gumi - Hausa translation

آية رقم 1

ﭑﭒﭓﭔﭕﭖﭗ ﭘ ​

A-Hijr

A. L̃.R. Waɗancan ãyoyin littãfi ne da abin karantãwa mai bayyanãwa.

آية رقم 2

ﭙﭚﭛﭜﭝﭞﭟ ﭠ ​

Da yawa waɗanda suka kãfirta suke gũrin dã dai sun kasance Musulmi.

آية رقم 3

ﭡﭢﭣﭤﭥﭦﭧﭨ ﭩ ​

Ka bar su su ci kuma su ji dãdi, kuma gũri ya shagaltar da su, sa'an nan da sannu zã su sani.

آية رقم 4

ﭪﭫﭬﭭﭮﭯﭰﭱ ﭲ ​

Kuma ba Mu halakar da wata alƙarya ba fãce tanã da littafi sananne.

آية رقم 5

ﭳﭴﭵﭶﭷﭸﭹ ﭺ ​

Wata al'umma bã ta gabãtar ajalinta, kuma bã zã su jinkirta ba.

آية رقم 6

ﭻﭼﭽﭾﭿﮀﮁﮂ ﮃ ​

Suka ce: "Yã kai wanda aka saukar da Ambato (Alƙur'ãni) a kansa! Lalle ne kai, haƙĩƙa, mahaukaci ne."

آية رقم 7

ﮄﮅﮆﮇﮈﮉﮊﮋ ﮌ ​

"Dõmin me bã zã ka zo mana da malã'ĩku ba idan ka kasance daga mãsu gaskiya?"

آية رقم 8

ﮍﮎﮏﮐﮑﮒﮓﮔﮕ ﮖ ​

Bã Mu sassaukar da malã'iku fãce da gaskiya, bã zã su kasance, a wannan lõkacin, waɗanda ake yi wa jinkĩri ba.

آية رقم 9

ﮗﮘﮙﮚﮛﮜﮝ ﮞ ​

Lalle Mũ ne, Muka saukar da Ambato (Alƙur'ãni), kuma lal1e Mũ, haƙĩƙa, Mãsu kiyayẽwane gare shi.

آية رقم 10

ﮟﮠﮡﮢﮣﮤﮥ ﮦ ​

Kuma lalle ne, haƙĩƙa, Mun aika Manzanni a cikin ƙungiyõyin farko, gabãninka.

آية رقم 11

ﮧﮨﮩﮪﮫﮬﮭﮮ ﮯ ​

Kuma wani Manzo bã ya zuwa gare su fãce sun kasance sunã mãsu, izgili a gare shi.

آية رقم 12

ﮰﮱﯓﯔﯕ ﯖ ​

Kamar wancan ne Muke shigar da shi a cikin zukãtan mãsu laifi.

آية رقم 13

ﯗﯘﯙﯚﯛﯜﯝ ﯞ ​

Bã su yin ĩmãni da shi, kuma haƙĩƙa, hanyar mutãnen farko ta shige.

آية رقم 14

ﯟﯠﯡﯢﯣﯤﯥﯦﯧ ﯨ ​

Kuma dã Mun bũɗe wata ƙõfa daga sama a kansu har suka wuni a ciki sunã tãkãwa.

آية رقم 15

ﯩﯪﯫﯬﯭﯮﯯﯰ ﯱ ​

Lalle ne dã sun ce: "Abin sani kawai, an rufe idãnuwanmu ne. Ã'a, mũ mutãne ne waɗanda aka sihirce."

آية رقم 16

ﭑﭒﭓﭔﭕﭖﭗ ﭘ ​

Kuma lalle ne, haƙĩƙa Mun sanya waɗansu masaukai a, cikin sama, kuma Muka ƙawãta ta ga masu kallo.

آية رقم 17

ﭙﭚﭛﭜﭝ ﭞ ​

Kuma Muka kiyãye ta daga dukan Shaiɗani wanda ake jĩfa.

آية رقم 18

ﭟﭠﭡﭢﭣﭤﭥ ﭦ ​

Fãce wanda ya sãci saurãre sai wutar yũlã bayyananniya ta bĩ shi.

آية رقم 19

ﭧﭨﭩﭪﭫﭬﭭﭮﭯﭰﭱ ﭲ ​

Kuma ƙasa Mun mĩkẽ ta kuma Mun jẽfa duwãtsu tabbatattu a cikinta kuma Mun tsirar a cikinta, daga dukan abu wanda ake aunãwa da sikẽli.

آية رقم 20

ﭳﭴﭵﭶﭷﭸﭹﭺ ﭻ ​

Kuma Muka sanyã muku, a cikinta, abũbuwan rãyuwã da wanda ba ku zamã mãsu ciyarwa gare shi ba.

آية رقم 21

ﭼﭽﭾﭿﮀﮁﮂﮃﮄﮅﮆ ﮇ ​

Kuma bãbu wani abu fãce a wurinMu, akwai taskõkĩnsa kuma ba Mu saukar da shi ba fãce kan gwargwado sananne.

آية رقم 22

ﮈﮉﮊﮋﮌﮍﮎﮏﮐﮑﮒﮓ ﮔ ​

Kuma Muka aika iskõki mãsu barbarar jũna sa'an nan Muka saukar da ruwa daga sama, sa'an nan Muka shãyar da ku shi, kuma ba ku zama mãsu taskacẽwa a gare shi ba.

آية رقم 23

ﮕﮖﮗﮘﮙﮚ ﮛ ​

Kuma lalle ne Mu Muke rãyarwa, kuma Muke kashẽwa kuma Mũ ne magada.

آية رقم 24

ﮜﮝﮞﮟﮠﮡﮢ ﮣ ​

Kuma lalle ne, haƙĩƙa, Mun san mãsu gabãta daga cikinku, kuma Mun san mãsu jinkiri.

آية رقم 25

ﮤﮥﮦﮧﮨﮩﮪﮫ ﮬ ​

Kuma lalle ne Ubangijinka Shĩ ne Yake tãra su, lalle Shĩ ne Mai hikima, Masani.

آية رقم 26

ﮭﮮﮯﮰﮱﯓﯔﯕ ﯖ ​

Kuma lalle ne Mun halicci mutum daga ƙeƙasasshiyar lãka, daga baƙin yumɓu wanda ya canja.

آية رقم 27

ﯗﯘﯙﯚﯛﯜﯝ ﯞ ​

Kuma Aljani Mun haliccẽ shi daga gabãni, daga wutar iskar zafi.

آية رقم 28

ﯟﯠﯡﯢﯣﯤﯥﯦﯧﯨﯩﯪ ﯫ ​

Kuma a lõkacin da Ubangijinka ya ce wa malã'iku: "Lalle Nĩ mai halittar wani jiki ne daga ƙẽƙasasshen yumɓu wanda ya canja."

آية رقم 29

ﯬﯭﯮﯯﯰﯱﯲﯳﯴ ﯵ ​

"To idan Na daidaitã shi kuma Na hũra daga RũhĩNa a cikinsa, to, ku fãɗi a gare shi, kunã mãsu yin sujada."

آية رقم 30

ﯶﯷﯸﯹ ﯺ ​

Sai malã'iku suka yi sujada dukkansu gaba ɗaya.

آية رقم 31

ﯻﯼﯽﯾﯿﰀﰁ ﰂ ​

Fãce Iblĩs, ya ƙi kasancẽwa daga mãsu yin sujadar.

آية رقم 32

ﭑﭒﭓﭔﭕﭖﭗﭘ ﭙ ​

Ya ce: "Yã Iblĩs mẽne ne a gare ka, ba ka kasance tãre da mãsu yin sujuda ba?"

آية رقم 33

ﭚﭛﭜﭝﭞﭟﭠﭡﭢﭣﭤ ﭥ ​

Ya ce: "Ban kasance inã yin sujada ba ga mutum wanda Ka halicce shi daga bũsasshen yumɓun lãka wadda ta canja."

آية رقم 34

ﭦﭧﭨﭩﭪ ﭫ ​

Ya ce: "To, ka fita daga gare ta, dõmin lalle kai abin jĩfa ne."

آية رقم 35

ﭬﭭﭮﭯﭰﭱ ﭲ ​

"Kuma lalle ne akwai la'ana a kanka har ya zuwa rãnar sakamako."

آية رقم 36

ﭳﭴﭵﭶﭷﭸ ﭹ ​

Ya ce: "Yã Ubangjĩna! Sai Ka yi mini jinkiri zuwa rãnar da ake tãshin su."

آية رقم 37

ﭺﭻﭼﭽ ﭾ ​

Ya ce: "To, lalle ne kanã daga waɗanda ake yi wa jinkiri."

آية رقم 38

ﭿﮀﮁﮂ ﮃ ​

"Zuwa ga Yinin Lõkacin nan sananne."

آية رقم 39

ﮄﮅﮆﮇﮈﮉﮊﮋﮌﮍ ﮎ ​

Ya ce: "Yã Ubangijina! Inã rantsuwa da abin da Ka ɓatar da ni da shi, haƙĩƙa inã ƙawãta musu (rãyuwa) a cikin ƙasã kuma haƙĩƙa inã ɓatar da su gabã ɗaya."

آية رقم 40

ﮏﮐﮑﮒ ﮓ ​

"Fãce bãyinKa daga gare su, waɗanda Ka tsarkake."

آية رقم 41

ﮔﮕﮖﮗﮘ ﮙ ​

Ya ce: "Wannan tafarki ne a gare Ni, madaidaici."

آية رقم 42

ﮚﮛﮜﮝﮞﮟﮠﮡﮢﮣﮤ ﮥ ​

"Lalle ne bãyĩNa, bã ka da ĩkõ a kansu, fãce wanda ya bĩ ka daga ɓatattu."

آية رقم 43

ﮦﮧﮨﮩ ﮪ ​

Kuma lalle Jahannama ce haƙĩƙa, ma'a1kawartarsu gabã ɗaya.

آية رقم 44

ﮫﮬﮭﮮﮯﮰﮱﯓ ﯔ ​

Tanã da ƙõfõfi bakwai, ga kõwace ƙõfa akwai wani juz'i daga gare su rababbe.

آية رقم 45

ﯕﯖﯗﯘﯙ ﯚ ​

Lalle mãsu taƙawa sunã a cikin gidãjen Aljanna mai idandunan ruwa.

آية رقم 46

ﯛﯜﯝ ﯞ ​

"Ku shigẽ ta da aminci, kunã amintattu."

آية رقم 47

ﯟﯠﯡﯢﯣﯤﯥﯦﯧﯨ ﯩ ​

Kuma Muka ɗẽbe abinda ke a cikin zukãtansu na daga ƙullin zũci, suka zama 'yan'uwa a kan gadãje, sunã mãsu fuskantar junã.

آية رقم 48

ﯪﯫﯬﯭﯮﯯﯰﯱ ﯲ ​

Wata wahala bã zã ta shãfe su bã a cikinta kuma ba su zama mãsu fita daga, cikinta ba.

آية رقم 49

ﯳﯴﯵﯶﯷﯸﯹ ﯺ ​

Ka bai wa bãyiNa lãbari cẽwa lalle ne Ni, Mai gãfarane, Mai jin ƙai.

آية رقم 50

ﯻﯼﯽﯾﯿ ﰀ ​

Kuma azãbãTa ita ce azãba mai raɗaɗi.

آية رقم 51

ﰁﰂﰃﰄ ﰅ ​

Kuma ka bã su lãbãrin bãƙin Ibrãhĩm.

آية رقم 52

ﭑﭒﭓﭔﭕﭖﭗﭘﭙ ﭚ ​

A lõkacin da suka shiga gunsa, sai suka ce: "Sallama." Ya ce: "Lalle mũ, daga gare ku, mãsu firgita ne."

آية رقم 53

ﭛﭜﭝﭞﭟﭠﭡ ﭢ ​

Suka ce: "Kada ka firgita. Lalle ne mũ, munã yi makabushãra game da wani yãro masani."

آية رقم 54

ﭣﭤﭥﭦﭧﭨﭩﭪ ﭫ ​

Ya ce: "Shin kun bã ni bushãra ne a kan tsũfa yã shãfe ni? To, da me kuke bã ni bushara?"

آية رقم 55

ﭬﭭﭮﭯﭰﭱﭲ ﭳ ​

Suka ce: "Munã yi maka bushãra da gaskiya ne, sabõda haka, kada da kasance daga mãsu yanke tsammãni."

آية رقم 56

ﭴﭵﭶﭷﭸﭹﭺﭻ ﭼ ​

Ya ce: "Kuma wãne ne yake yanke tsammãni daga rahamar Ubangijinsa, fãce ɓatattu?"

آية رقم 57

ﭽﭾﭿﮀﮁ ﮂ ​

Ya ce: "To, mẽne ne babban al'amarinku? Yã kũ manzanni!"

آية رقم 58

ﮃﮄﮅﮆﮇﮈ ﮉ ​

Suka ce: "Lalle ne mũ, an aika mu zuwa ga wasu mutãne mãsu laifi."

آية رقم 59

ﮊﮋﮌﮍﮎﮏ ﮐ ​

"Fãce mutãnen Lũɗu, lalle ne mũ, haƙĩƙa, mãsu tsĩrar dasu ne gabã ɗaya."

آية رقم 60

ﮑﮒﮓﮔﮕﮖ ﮗ ​

"Fãce mãtarsa mun ƙaddara cẽwa lalle ne ita, haƙĩƙa, tanã daga mãsu halaka."

آية رقم 61

ﮘﮙﮚﮛﮜ ﮝ ​

To, a lõkacin da mazannin suka jẽ wa mutãnen Lũɗu,

آية رقم 62

ﮞﮟﮠﮡ ﮢ ​

Ya ce: "Lalle ne ku mutãne ne waɗanda ba a sani ba."

آية رقم 63

ﮣﮤﮥﮦﮧﮨﮩ ﮪ ​

Suka ce: "Ã'a, mun zo maka sabõda abin da suka kasance sunã shakka a cikinsa."

آية رقم 64

ﮫﮬﮭﮮ ﮯ ​

"Kuma mun zo maka da gaskiya. Kuma lalle ne mũ, haƙĩƙa, mãsu gaskiya ne."

آية رقم 65

ﮰﮱﯓﯔﯕﯖﯗﯘﯙﯚﯛﯜﯝﯞ ﯟ ​

"Sai ka yi tafiya da iyãlinka, a wani yanki na dare, kuma ka bi bãyansu, kuma kada wani daga cikinku ya yi waiwaye, kuma ku bi ta inda aka aumurce ku."

آية رقم 66

ﯠﯡﯢﯣﯤﯥﯦﯧﯨ ﯩ ​

Kuma Muka hukunta wancan al'amarin zuwa gare shi cẽwa lalle ne ƙarshen waɗancan abin yankẽwa ne a lõkacin da suke mãsu shiga asuba.

آية رقم 67

ﯪﯫﯬﯭ ﯮ ​

Kuma mutãnen alƙaryar suka je sunã mãsu bushãra.

آية رقم 68

ﯯﯰﯱﯲﯳﯴ ﯵ ​

Ya ce: "Lalle ne waɗannan bãƙĩna ne, sabõda haka kada ku kunyata ni."

آية رقم 69

ﯶﯷﯸﯹ ﯺ ​

"Kuma ku bi Allah da taƙawa, kuma kada ku sanya ni a baƙin ciki."

آية رقم 70

ﯻﯼﯽﯾﯿ ﰀ ​

Suka ce: "Ashe ba mu hana ka daga tãlikai ba?"

آية رقم 71

ﭑﭒﭓﭔﭕﭖ ﭗ ​

Ya ce: "Ga waɗannan, 'ya'yãna idan kun kasance mãsu aikatãwa ne."

آية رقم 72

ﭘﭙﭚﭛﭜ ﭝ ​

Rantsuwa da rãyuwarka! Lalle ne sũ a cikin mãyensu sunã ta ɗĩmuwa.

آية رقم 73

ﭞﭟﭠ ﭡ ​

Sa'an nan tsãwa ta kãma su, sunã mãsu shiga lõkacin hũdõwar rãnã.

آية رقم 74

ﭢﭣﭤﭥﭦﭧﭨﭩ ﭪ ​

Sa'an nan Muka sanya samanta ya kõma ƙasanta, kuma Muka yi ruwan duwãtsu na lãkar wuta a kansu.

آية رقم 75

ﭫﭬﭭﭮﭯ ﭰ ​

Lalle ne a cikin wancan akwai ãyõyi ga mãsu tsõkaci da hankali.

آية رقم 76

ﭱﭲﭳ ﭴ ​

Kuma lalle ne ita, haƙĩƙa sunã a gẽfen wata hanyã tabbatacciya.

آية رقم 77

ﭵﭶﭷﭸﭹ ﭺ ​

Lalle ne a cikin wancan akwai ãyã ga mãsu ĩmãni.

آية رقم 78

ﭻﭼﭽﭾﭿ ﮀ ​

Kuma lalle ne ma'abũta Al'aika sun kasance, haƙĩƙa, mãsu zãlunci!

آية رقم 79

ﮁﮂﮃﮄﮅ ﮆ ​

Sai Muka yi azãbar rãmuwã a gare su, kuma lalle sũ biyun, haƙĩƙa, sunã a gẽfen wani tafarki mabayyani.

آية رقم 80

ﮇﮈﮉﮊﮋ ﮌ ​

Kuma lalle ne haƙĩƙa ma'abũta Hijiri sun ƙaryata Manzanni.

آية رقم 81

ﮍﮎﮏﮐﮑ ﮒ ​

Kuma Kuka kai musu ãyõyinMu, sai suka kasance mãsu bijirẽwa daga gare su.

آية رقم 82

ﮓﮔﮕﮖﮗﮘ ﮙ ​

Kuma sun kasance sunã sassaƙa gidãje daga duwãtsu, alhãli sunã amintattu.

آية رقم 83

ﮚﮛﮜ ﮝ ​

Sai tsãwa ta kãma su sunã mãsu shiga asuba.

آية رقم 84

ﮞﮟﮠﮡﮢﮣ ﮤ ​

Sa'an nan abin da suka kasance sunã tsirfantãwa bai wadãtar ga barinsu ba.

آية رقم 85

ﮥﮦﮧﮨﮩﮪﮫﮬﮭﮮﮯﮰﮱﯓﯔﯕ ﯖ ​

Kuma ba Mu halicci sammai da ƙasa da abin da yake a tsakãninsu ba fãce da gaskiya. Kuma lalle ne Sã'a (Rãnar Alƙiyãma) haƙĩƙa mai zuwa ce. Sabõdahaka ka yi rangwame, rangwame mai kyau.

آية رقم 86

ﯗﯘﯙﯚﯛ ﯜ ​

Lalle ne Ubangijinka, shi ne Mai yawan halitta, Masani.

آية رقم 87

ﯝﯞﯟﯠﯡﯢﯣ ﯤ ​

Kuma lalle ne, haƙĩƙa, Mun bã ka bakwai waɗanda ake maimaita karatunsu da Alƙur'ãni mai girma.

آية رقم 88

ﯥﯦﯧﯨﯩﯪﯫﯬﯭﯮﯯﯰﯱﯲﯳ ﯴ ​

Kada lalle kaƙĩƙa idãnunka biyu zuwa ga abin da Muka jiyar da su dãɗi game da shi, nau'i-nau'i a gare su, kuma kada ka yi baƙin ciki a kansu, kuma sassauta fikãfikanka ga mãsu ĩmãni.

آية رقم 89

ﯵﯶﯷﯸﯹ ﯺ ​

Kuma ka ce: "Lalle nĩ nĩ ne mai gargaɗi bayyananne."

آية رقم 90

ﯻﯼﯽﯾ ﯿ ​

Kamar yadda Muka saukar a kan mãsu yin rantsuwa,

آية رقم 91

ﭑﭒﭓﭔ ﭕ ​

Waɗanda suka sanya Alƙur'ãni tãtsuniyõyi.

آية رقم 92

ﭖﭗﭘ ﭙ ​

To, rantsuwa da Ubangijinka! Haƙĩƙa, Munã tambayarsugabã ɗaya.

آية رقم 93

ﭚﭛﭜ ﭝ ​

Daga abin da suka kasance sunã aikatãwa.

آية رقم 94

ﭞﭟﭠﭡﭢﭣ ﭤ ​

Sai ka tsage gaskiya game da abin da ake umurnin ka kuma ka kau da kai daga masu shirki.

آية رقم 95

ﭥﭦﭧ ﭨ ​

Lalle ne Mũ Mun isar maka daga mãsu izgili.

آية رقم 96

ﭩﭪﭫﭬﭭﭮﭯﭰﭱ ﭲ ​

Waɗanda suke sanyãwar wani abin bautãwa na dabam tare da Allah, sa'an nan da sannu zã su sani.

آية رقم 97

ﭳﭴﭵﭶﭷﭸﭹ ﭺ ​

Kuma lalle ne haƙĩƙa Munã sanin cẽwa lalle kai, ƙirjinka yanã yin ƙunci game da abin da suke faɗã (na izgili).

آية رقم 98

ﭻﭼﭽﭾﭿﮀ ﮁ ​

Sabõda haka ka yi tasbĩhi game da gõde wa Ubangijinka, kuma ka kasance daga mãsu sujada.

آية رقم 99

ﮂﮃﮄﮅﮆ ﮇ ​

Kuma ka bauta wa Ubangijinka, har mutuwa ta zo maka.