ترجمة سورة القلم باللغة اليورباوية

ترجمة معاني سورة القلم باللغة اليورباوية من كتاب الترجمة اليورباوية .

من تأليف: أبو رحيمة ميكائيل أيكوييني .

ﰡ

ﮉﮊﮋﮌﮍ ﰀ

Nūn. (Allāhu búra pẹ̀lú) gègé ìkọ̀wé àti ohun tí àwọn mọlāika ń kọ sílẹ̀.

ﮏﮐﮑﮒﮓ ﰁ

Ìwọ kì í ṣe wèrè nípa ìdẹ̀ra Olúwa rẹ.

ﮕﮖﮗﮘﮙ ﰂ

Àti pé dájúdájú ẹ̀san tí kò níí dáwọ́ dúró ti wà fún ọ.

ﮛﮜﮝﮞ ﰃ

Dájúdájú ìwọ sì wà lórí ìwà àpọ́nlé.

ﮠﮡ ﰄ

Láìpẹ́ ìwọ yóò rí i, àwọn náà yó sì rí i;

ﮣﮤ ﰅ

èwo nínú yín ni wèrè?

ﮦﮧﮨﮩﮪﮫﮬﮭﮮﮯﮰ ﰆ

Dájúdájú Olúwa rẹ, Ó nímọ̀ jùlọ nípa ẹni t’ó ṣìnà kúrò lójú ọ̀nà Rẹ̀. Ó sì nímọ̀ jùlọ nípa àwọn olùmọ̀nà.

ﯓﯔﯕ ﰇ

Nítorí náà, má ṣe tẹ̀lé àwọn olùpe-òdodo-nírọ́.

ﯗﯘﯙﯚ ﰈ

Àti pé wọ́n fẹ́ kí o dẹwọ́, kí àwọn náà sì dẹwọ́.

ﯜﯝﯞﯟﯠ ﰉ

Má ṣe tẹ̀lé gbogbo ẹni tí ìbúra rẹ̀ pọ̀, ẹni yẹpẹrẹ,

ﯢﯣﯤ ﰊ

abúni, alárìnká t’ó ń sòfófó kiri,

ﯦﯧﯨﯩ ﰋ

olùdènà iṣẹ́ rere, alákọyọ, ẹlẹ́ṣẹ̀,

ﯫﯬﯭﯮ ﰌ

ọ̀dájú. Lẹ́yìn ìyẹn, àsáwọ̀ ni.
____________________
Ìyẹn ni pé, kì í ṣe ojúlówó ọmọ ìran Ƙuraeṣ; àsọdọmọ ni. Ẹni náà ni Walīd ọmọ Mugīrah, ẹni tí ó wà ní ọmọ ọdún méjìdínlógún nígbà tí Mugīrah sọ ọ́ di ọmọ rẹ̀.

ﯰﯱﯲﯳﯴ ﰍ

Nítorí pé ó ní dúkìá àti àwọn ọmọkùnrin,

ﯶﯷﯸﯹﯺﯻﯼ ﰎ

nígbà tí wọ́n bá ń ké àwọn āyah Wa fún un, ó máa wí pé: “Àkọsílẹ̀ àlọ́ àwọn ẹni àkọ́kọ́ (nìwọ̀nyí)”.

ﯾﯿﰀ ﰏ

A máa fi àmì sí i ní góńgórí imú.

ﭑﭒﭓﭔﭕﭖﭗﭘﭙﭚ ﰐ

Dájúdájú Àwa dán wọn wò gẹ́gẹ́ bí A ṣe dán àwọn ọlọ́gbà wò nígbà tí wọ́n búra pé dájúdájú àwọn yóò ká gbogbo èso ọgbà náà ní òwúrọ̀ kùtùkùtù.

ﭜﭝ ﰑ

Wọn kò sì ṣe àyàfi pé "tí Allāhu bá fẹ́".

ﭟﭠﭡﭢﭣﭤﭥ ﰒ

Àdánwò t’ó ń yí n̄ǹkan po láti ọ̀dọ̀ Olúwa rẹ sì yí ọgbà náà po, nígbà tí wọ́n sùn lọ.

ﭧﭨ ﰓ

Ó sì dà bí oko àgédànù (tí wọ́n ti résun).

ﭪﭫ ﰔ

Wọ́n ń pera wọn ní òwúrọ̀ kùtùkùtù

ﭭﭮﭯﭰﭱﭲﭳ ﰕ

pé ẹ jí lọ sí oko yín tí ẹ bá fẹ́ ká èso.

ﭵﭶﭷ ﰖ

Wọ́n lọ, wọ́n sì ń fi ohùn jẹ́ẹ́jẹ́ bára wọn sọ̀rọ̀

ﭹﭺﭻﭼﭽﭾ ﰗ

pé ní òní mẹ̀kúnnù kan kò gbọdọ̀ wọnú rẹ̀ wá ba yín.

ﮀﮁﮂﮃ ﰘ

Wọ́n jí lọ lórí èrò-ọkàn kan (pé) àwọn lágbára.

ﮅﮆﮇﮈﮉ ﰙ

Nígbà tí wọ́n rí i, wọ́n wí pé: "Dájúdájú àwa ti ṣìnà.

ﮋﮌﮍ ﰚ

Rárá o, wọ́n ṣe ìkórè oko léèwọ̀ fún wa ni."

ﮏﮐﮑﮒﮓﮔﮕ ﰛ

Ẹni t’ó dúró déédé jùlọ nínú wọn sọ pé: "Ṣé èmi kò sọ fun yín pé ẹ̀yin kò ṣe ṣàfọ̀mọ́ fún Allāhu (pé "a máa kórè oko wa, ’in ṣā ’Allāhu.)"?

ﮗﮘﮙﮚﮛﮜ ﰜ

Wọ́n wí pé: "Mímọ́ ni fún Olúwa wa, dájúdájú àwa jẹ́ alábòsí."

ﮞﮟﮠﮡﮢ ﰝ

Apá kan wọn kọjú sí apá kan; wọ́n sì ń dára wọn lẹ́bi.

ﮤﮥﮦﮧﮨ ﰞ

Wọ́n wí pé: "Ègbé wa ò! Dájúdájú àwa jẹ́ olùtayọ-ẹnu àlà.

ﮪﮫﮬﮭﮮﮯﮰﮱﯓﯔ ﰟ

Ó ṣeé ṣe kí Olúwa wa fi èyí t’ó dára ju èyí lọ pààrọ̀ rẹ̀ fún wa. Dájúdájú ọ̀dọ̀ Olúwa wa ni àwa ń rokàn oore sí."

ﯖﯗﯘﯙﯚﯛﯜﯝﯞﯟ ﰠ

Báyẹn ni ìyà náà ṣe rí (fún wọn). Ìyà ọ̀run sì tóbi jùlọ, tí ó bá jẹ́ pé wọ́n mọ̀.

ﯡﯢﯣﯤﯥﯦ ﰡ

Dájúdájú àwọn Ọgbà Ìdẹ̀ra wà fún àwọn olùbẹ̀rù lọ́dọ̀ Olúwa wọn.

ﯨﯩﯪ ﰢ

Ṣé A máa ṣe àwọn mùsùlùmí bí (A ṣe máa ṣe) àwọn ẹlẹ́ṣẹ̀ bí?

ﯬﯭﯮﯯ ﰣ

Kí l’ó ń ṣe yín tí ẹ fi ń dájọ́ báyìí ná?
____________________
Ìyẹn ni pé, ẹni tí ó bá lérò pé ìkẹ́ máa wà fún òun ní ọ̀run láì jẹ́ pé ó kú sínú ẹ̀sìn ’Islām, ó ti gbé ìdájọ́ gbági.

ﯱﯲﯳﯴﯵ ﰤ

Tàbí tírà kan wà fun yín tí ẹ̀ ń kẹ́kọ̀ọ́ nínú rẹ̀

ﯷﯸﯹﯺﯻ ﰥ

pé dájúdájú ẹ̀yin lẹ ni ohun tí ẹ bá ń ṣà lẹ́ṣà nínú ìdájọ́?

ﯽﯾﯿﰀﰁﰂﰃﰄﰅﰆﰇﰈ ﰦ

Ǹjẹ́ ẹ ni àwọn àdéhùn kan lọ́dọ̀ wa tí ó máa wà títí di Ọjọ́ Àjíǹde pé: "Dájúdájú tiyín ni ìdájọ́ tí ẹ bá ti mú wá."?

ﰊﰋﰌﰍ ﰧ

Bi wọ́n léèrè wò pé èwo nínú wọn l’ó lè fọwọ́ ìyẹn sọ̀yà!

ﰏﰐﰑﰒﰓﰔﰕﰖ ﰨ

Tàbí wọ́n ní àwọn òrìṣà kan? Kí wọ́n mú àwọn òrìṣà wọn wá nígbà náà tí wọ́n bá jẹ́ olódodo.

ﰘﰙﰚﰛﰜﰝﰞﰟﰠ ﰩ

Ní ọjọ́ tí A máa ṣí ojúgun sílẹ̀, A sì máa pè wọ́n síbi ìforíkanlẹ̀, wọn kò sì níí lè ṣe é.

ﭑﭒﭓﭔﭕﭖﭗﭘﭙﭚﭛﭜ ﰪ

Ojú wọn yóò wálẹ̀. Ìyẹpẹrẹ máa bò wọ́n mọ́lẹ̀. Wọ́n kúkú ti pè wọ́n síbi ìforíkanlẹ̀ nígbà tí wọ́n ní àlàáfíà (wọn kò sì kírun).

ﭞﭟﭠﭡﭢﭣﭤﭥﭦﭧﭨ ﰫ

Nítorí náà, fi Èmi àti ẹni t’ó ń pe ọ̀rọ̀ yìí nírọ́ sílẹ̀. A óò máa dẹ wọ́n lẹ́kẹ láti jẹ wọ́n níyà ní àyè tí wọn kò mọ̀.

ﭪﭫﭬﭭﭮﭯ ﰬ

Mò ń lọ́ra fún wọn ni. Dájúdájú ète Mi lágbára.
____________________
Ẹ wo ìtọsẹ̀-ọ̀rọ̀ fún sūrah al-Baƙọrah; 2:15.

ﭱﭲﭳﭴﭵﭶﭷ ﰭ

Tàbí ò ń bèèrè owó-ọ̀yà kan lọ́dọ̀ wọn, ni gbèsè fi wọ̀ wọ́n lọ́rùn?

ﭹﭺﭻﭼﭽ ﰮ

Tàbí lọ́dọ̀ wọn ni (wàláà) ìkọ̀kọ̀ wà ni wọ́n bá ń kọ ọ́ (síta)?

ﭿﮀﮁﮂﮃﮄﮅﮆﮇﮈﮉ ﰯ

Nítorí náà, ṣe sùúrù fún ìdájọ́ Olúwa rẹ. Kí ìwọ má sì ṣe dà bí ẹlẹ́ja (ìyẹn, Ànábì Yūnus) nígbà tí ó pe (Allāhu) pẹ̀lú ìbànújẹ́.

ﮋﮌﮍﮎﮏﮐﮑﮒﮓﮔ ﰰ

Tí kò bá jẹ́ pé ìkẹ́ kan láti ọ̀dọ̀ Olúwa rẹ̀ lé e bá, wọn ìbá jù ú sórí ilẹ̀ gban̄sasa (láti inú ẹja) ní ẹni-èébú.

ﮖﮗﮘﮙﮚ ﰱ

Nítorí náà, Olúwa rẹ̀ ṣà á lẹ́ṣà. Ó sì ṣe é ní ara àwọn ẹni rere.

ﮜﮝﮞﮟﮠﮡﮢﮣﮤﮥﮦﮧ ﰲ

Àwọn t’ó ṣàì gbàgbọ́ fẹ́ẹ̀ fi ojú wọn gbé ọ ṣubú nígbà tí wọ́n gbọ́ ìrántí náà. Wọ́n sì ń wí pé: "Dájúdájú wèrè mà ni."

ﮩﮪﮫﮬﮭ ﰳ

Kí sì ni al-Ƙur’ān bí kò ṣe ìrántí fún gbogbo ẹ̀dá.

ترجمة سورة القلم

الترجمة اليورباوية

ﰡ

ترتيبها المصحفي

نوعها

ألفاظها

ترتيب نزولها

العد المدني الأول

العد المدني الأخير

العد البصري

العد الكوفي

العد الشامي