ترجمة سورة الحجر

Tajik - Tajik translation
ترجمة معاني سورة الحجر باللغة الطاجيكية من كتاب Tajik - Tajik translation .

ﰡ

ﭑﭒﭓﭔﭕﭖﭗ ﰀ​

ҲИҶР


Алиф, лом, ро. Ин аст-оёти китоб ва Қуръони равшангар.
ﭙﭚﭛﭜﭝﭞﭟ ﰁ​

Бисёр вақт кофирон орзу кунанд, ки эй кош мусалмон мебуданд,
ﭡﭢﭣﭤﭥﭦﭧﭨ ﰂ​

Бигузорашон, то бихӯранд ва баҳравар шаванд ва орзу ба худ машғулашон дорад, ба зуди хоҳанд донист.
ﭪﭫﭬﭭﭮﭯﭰﭱ ﰃ​

Ҳар деҳаеро ҳалок кардем, албатта замоне маълум дошт.
ﭳﭴﭵﭶﭷﭸﭹ ﰄ​

Ҳеҷ уммате аз аҷали худ на пеш меафтад ва на пас мемонад.
ﭻﭼﭽﭾﭿﮀﮁﮂ ﰅ​

Ва гуфтанд: «Эй марде, ки Қуръон ба ту нозил шуда, ҳаққо, ки ту девонаӣ!
ﮄﮅﮆﮇﮈﮉﮊﮋ ﰆ​

Агар рост мегӯӣ, чаро фариштагонро барои мо намеоварӣ?»
ﮍﮎﮏﮐﮑﮒﮓﮔﮕ ﰇ​

Мо фариштагонро ғайри ба ҳақ нозил намекунем ва дар он ҳангом дигар мӯҳлаташон надиҳанд.
ﮗﮘﮙﮚﮛﮜﮝ ﰈ​

Мо Қуръонро худ нозил кардаем ва худ нигаҳбонаш ҳастем.
ﮟﮠﮡﮢﮣﮤﮥ ﰉ​

Ва Мо расулони худро пеш аз ту ба миёни қавмҳои пешин фиристодаем.
ﮧﮨﮩﮪﮫﮬﮭﮮ ﰊ​

Ҳар паёмбаре бар онҳо фиристода шуд, албатта масхарааш карданд.
ﮰﮱﯓﯔﯕ ﰋ​

Роҳашро дар дили гунаҳгорон инчунин мекушоем!
ﯗﯘﯙﯚﯛﯜﯝ ﰌ​

Ба он имон намеоваранд ва суннати пешиниён чунин будааст.
ﯟﯠﯡﯢﯣﯤﯥﯦﯧ ﰍ​

Агар барояшон аз осмон даре бикушоем, ки аз он боло раванд,
ﯩﯪﯫﯬﯭﯮﯯﯰ ﰎ​

гӯянд: «Чашмони моро ҷоду кардаанд, балки мо мардуме ҷодузада ҳастем!»
ﭑﭒﭓﭔﭕﭖﭗ ﰏ​

Ва албатта дар осмон бурҷҳое офаридем ва барон бинандагонашон биёростем.
ﭙﭚﭛﭜﭝ ﰐ​

Ва аз ҳар шайтони раҷиме ҳифзашон кардем.
ﭟﭠﭡﭢﭣﭤﭥ ﰑ​

Ғайри он ки дуздона гӯш медод ва шарорае равшан таъқибаш кард.
ﭧﭨﭩﭪﭫﭬﭭﭮﭯﭰﭱ ﰒ​

Ва заминро густурдем ва дар он кӯҳҳое азим афкандем. Ва аз ҳар чиз ба шевае санҷида дар он рӯёнидем.
ﭳﭴﭵﭶﭷﭸﭹﭺ ﰓ​

Ва маъишати шумо ва касонеро, ки шумо рӯзидеҳашон нестед, дар он ҷо қарор додем.
ﭼﭽﭾﭿﮀﮁﮂﮃﮄﮅﮆ ﰔ​

Ҳар чӣ ҳаст, хазинаҳои он назди Мост ва Мо ҷуз ба андозае муъайян онро намефиристем.
ﮈﮉﮊﮋﮌﮍﮎﮏﮐﮑﮒﮓ ﰕ​

Ва бодҳои обистанкунандаро фиристодем ва аз осмон обе нозил кардем ва шуморо ба он сероб сохтем ва шуморо нарасад, ки хазинадори он, бошед.
ﮕﮖﮗﮘﮙﮚ ﰖ​

Албатта Мо ҳастем, ки зинда мекунем ва мемиронем ва баъд аз ҳама боқӣ мемонем.
ﮜﮝﮞﮟﮠﮡﮢ ﰗ​

Ва медонем чӣ касоне аз шумо аз ин пеш рафтаанд ва чӣ касоне боқӣ мондаанд.
ﮤﮥﮦﮧﮨﮩﮪﮫ ﰘ​

Ва Парвардигори ту ҳамаро зинда карда ҷамъ мегардонад, зеро Ӯст, ки ҳакиму доност!
ﮭﮮﮯﮰﮱﯓﯔﯕ ﰙ​

Мо одамиро аз гили хушк, аз лаҷани (лойи) бӯйнок офаридем.
ﯗﯘﯙﯚﯛﯜﯝ ﰚ​

Ва ҷинро пеш аз он аз оташи сӯзандаи бедуд офарида будем.
ﯟﯠﯡﯢﯣﯤﯥﯦﯧﯨﯩﯪ ﰛ​

Ва Парвардигорат ба фариштагон гуфт: «Мехоҳам башаре аз гили хушк, аз лои бӯйнок биёфаринам.
ﯬﯭﯮﯯﯰﯱﯲﯳﯴ ﰜ​

Чун офаринишамро ба поён бурдам ва аз рӯҳи Худ дар он дамидам, дар баробари ӯ ба саҷда бияфтед».
ﯶﯷﯸﯹ ﰝ​

Фариштагон ҳамагӣ саҷда карданд,
ﯻﯼﯽﯾﯿﰀﰁ ﰞ​

ғайри Иблис, ки сар боззад, ки бо саҷдакунандагон бошад.
ﭑﭒﭓﭔﭕﭖﭗﭘ ﰟ​

Гуфт: «Эй Иблис, чаро ту аз саҷдакунандагон Набудӣ?»
ﭚﭛﭜﭝﭞﭟﭠﭡﭢﭣﭤ ﰠ​

Гуфт: «Ман барои башаре, ки аз гили хушк, аз лойи бӯйнок офаридаӣ, саҷда намекунам».
ﭦﭧﭨﭩﭪ ﰡ​

Гуфт: «Аз он ҷо берун шав, ки рондашуда ҳастӣ.
ﭬﭭﭮﭯﭰﭱ ﰢ​

То рӯзи қиёмат бар ту лаънат аст!»
ﭳﭴﭵﭶﭷﭸ ﰣ​

Гуфт: «Эй Парвардигори ман, маро то рӯзе, ки дубора зинда мешаванд, мӯҳлат деҳ».
ﭺﭻﭼﭽ ﰤ​

Гуфт: «Ту дар шумори мӯҳлатёфтагонӣ,
ﭿﮀﮁﮂ ﰥ​

то он рӯзе, ки вақташ маълум аст».
ﮄﮅﮆﮇﮈﮉﮊﮋﮌﮍ ﰦ​

Гуфт: «Эй Парвардигори ман, чун маро ноумед кардӣ, дар рӯи замин бадиҳоро дар назарашон биёроям ва ҳамагонро гумроҳ кунам,
ﮏﮐﮑﮒ ﰧ​

ғайри онҳо, ки бандагони боихлоси Ту бошанд».
ﮔﮕﮖﮗﮘ ﰨ​

Гуфт: «Роҳи ихлос роҳи ростест, ки ба Ман мерасад.
ﮚﮛﮜﮝﮞﮟﮠﮡﮢﮣﮤ ﰩ​

Туро бар бандагони Ман ғолибияте нест, магар бар он гумроҳоне, ки туро пайравӣ кунанд.
ﮦﮧﮨﮩ ﰪ​

Ва ҷаҳаннам ваъдагоҳи ҳама аст.
ﮫﮬﮭﮮﮯﮰﮱﯓ ﰫ​

Ҳафт дар дорад ва барои хар дар гурӯҳе аз онон муъайян шудаанд.
ﯕﯖﯗﯘﯙ ﰬ​

Парҳезгорон дар биҳиштҳо, канори чашмасоронанд.
ﯛﯜﯝ ﰭ​

Ба саломату эминӣ дохил шавед».
ﯟﯠﯡﯢﯣﯤﯥﯦﯧﯨ ﰮ​

Ҳар кинаеро аз дилашон баркандаем, ҳама бародаранд, бар тахтҳо рӯбарӯи ҳаманд.
ﯪﯫﯬﯭﯮﯯﯰﯱ ﰯ​

Ҳеҷ ранҷе ба онҳо намерасад ва аз он ҷо берунашон наронанд.
ﯳﯴﯵﯶﯷﯸﯹ ﰰ​

Ба бандагонам хабар деҳ, ки ман бахшояндаву меҳрубонам.
ﯻﯼﯽﯾﯿ ﰱ​

Ва азоби Ман азобе дардовар аст!
ﰁﰂﰃﰄ ﰲ​

Ва аз меҳмонони Иброҳим хабардорашон кун».
ﭑﭒﭓﭔﭕﭖﭗﭘﭙ ﰳ​

Он гоҳ, ки бар ӯ дохил шуданд ва гуфтанд: «Салом!» Иброҳим гуфт: «Мо аз шумо метарсем!»
ﭛﭜﭝﭞﭟﭠﭡ ﰴ​

Гуфтанд: «Матарс, мо туро ба писаре доно мужда (хушхабар) медиҳем».
ﭣﭤﭥﭦﭧﭨﭩﭪ ﰵ​

Гуфт: «Оё маро мужда медиҳед, бо он ки пир шудаам? Ба чӣ чиз муждаам медиҳед?»
ﭬﭭﭮﭯﭰﭱﭲ ﰶ​

Гуфтанд: «Ба ҳақ хушхабарат додем, аз ноумедон мабош!»
ﭴﭵﭶﭷﭸﭹﭺﭻ ﰷ​

Гуфт: «Ҷуз гумроҳон чӣ касе аз раҳмати Парвардигораш ноумед мешавад?»
ﭽﭾﭿﮀﮁ ﰸ​

Гуфт: «Эй расулон, кори шумо чист?»
ﮃﮄﮅﮆﮇﮈ ﰹ​

Гуфтанд: «Мо ба сари мардуме гунаҳкор фиристода шудаем,
ﮊﮋﮌﮍﮎﮏ ﰺ​

ғайри хонадони Лут, ки ҳамаро наҷот медиҳем,
ﮑﮒﮓﮔﮕﮖ ﰻ​

ҷуз занашро, ки муқаррар кардаем, ки аз боқимондагон бошад».
ﮘﮙﮚﮛﮜ ﰼ​

Чун расулон назди хонадони Лут омаданд,
ﮞﮟﮠﮡ ﰽ​

Лут гуфт: «Шумо бегонаед».
ﮣﮤﮥﮦﮧﮨﮩ ﰾ​

Гуфтанд: «На, чизеро, ки дар он шак мекарданд, овардаем.
ﮫﮬﮭﮮ ﰿ​

Мо туро хабари рост овардаем ва мо ростгӯёнем.
ﮰﮱﯓﯔﯕﯖﯗﯘﯙﯚﯛﯜﯝﯞ ﱀ​

Чун посе аз шаб бигзарад, хонадони худро берун бубар ва худ аз паи онҳо рав ва набояд ҳеҷ як аз шумо ба ақиб бингарад. Ва ҳар ҷо, ки фармонатон додаанд, биравед».
ﯠﯡﯢﯣﯤﯥﯦﯧﯨ ﱁ​

Ва барои ӯ ҳодисаро ҳикоят кардем, ки чун субҳ фаро расад, решаи онҳо барканда шавад.
ﯪﯫﯬﯭ ﱂ​

Аҳли шаҳр шодикунон омаданд.
ﯯﯰﯱﯲﯳﯴ ﱃ​

Гуфт: «Инҳо меҳмонони мананд, маро расво макунед.
ﯶﯷﯸﯹ ﱄ​

Аз Худованд битарсед ва маро шармсор масозед».
ﯻﯼﯽﯾﯿ ﱅ​

Гуфтанд: «Магар туро аз мардум манъ накарда будем?»
ﭑﭒﭓﭔﭕﭖ ﱆ​

Гуфт: «Агар қасде доред, инак духтарони ман ҳастанд».
ﭘﭙﭚﭛﭜ ﱇ​

Ба ҷони ту савганд, ки онҳо дар мастии худ саргашта буданд.
ﭞﭟﭠ ﱈ​

Чун субҳ бидамид, ононро фарёд фурӯ гирифт.
ﭢﭣﭤﭥﭦﭧﭨﭩ ﱉ​

Шаҳрро зеру забар кардем ва бороне аз сиҷҷил бар онон боронидем.
ﭫﭬﭭﭮﭯ ﱊ​

Дар ин ибратҳост барои ибратгирандагон.
ﭱﭲﭳ ﱋ​

Ва он шаҳр акнун дар сари роҳи корвониён аст.
ﭵﭶﭷﭸﭹ ﱌ​

Ва мӯъминонро дар он ибратест.
ﭻﭼﭽﭾﭿ ﱍ​

Ва мардуми Айка низ ситамкор буданд.
ﮁﮂﮃﮄﮅ ﱎ​

Аз онҳо интиқом гирифтем ва шаҳрҳои он ду қавм ошкоро бар сари роҳанд.
ﮇﮈﮉﮊﮋ ﱏ​

Мардуми Ҳиҷр низ паёмбаронро ба дурӯғ нисбат доданд.
ﮍﮎﮏﮐﮑ ﱐ​

Оёти Худро бар онон расонидем, вале аз он рӯй мегардонданд.
ﮓﮔﮕﮖﮗﮘ ﱑ​

Хонаҳои худро, то тинҷ бошанд, дар куҳҳо меканданд.
ﮚﮛﮜ ﱒ​

Субҳгоҳон ононро фарёд фурӯ гирифт.
ﮞﮟﮠﮡﮢﮣ ﱓ​

Кирдорашон аз онҳо дафъи бало накард.
ﮥﮦﮧﮨﮩﮪﮫﮬﮭﮮﮯﮰﮱﯓﯔﯕ ﱔ​

Осмонҳову замин ва он чиро, ки миёни онҳост, ба ғайри ҳақ наёфаридаем. Ва бешак қиёмат фаро мерасад. Пас гузашт кун, гузаште некӯ.
ﯗﯘﯙﯚﯛ ﱕ​

Албатта Парвардигори ту офаринандае доност!
ﯝﯞﯟﯠﯡﯢﯣ ﱖ​

Мо сабъаммасонӣ ва Қуръони бузургро ба ту додем.
ﯥﯦﯧﯨﯩﯪﯫﯬﯭﯮﯯﯰﯱﯲﯳ ﱗ​

Агар баъзе аз мардону занонашонро ба чизе баҳравар сохтаем, ту ба он нигоҳ макун. Ва ғами онҳоро махӯр. Ва дар баробари мӯъминон фурӯтан (хоксор) бош.
ﯵﯶﯷﯸﯹ ﱘ​

Ва бигӯ: «Ман бимдиҳандае равшангарам».
ﯻﯼﯽﯾ ﱙ​

Ҳамонанди азобе, ки бар тақсимкунандагон нозил кардем:
ﭑﭒﭓﭔ ﱚ​

онол, ки Қуръонрю ба қисмҳо тақсим карда буданд.
ﭖﭗﭘ ﱛ​

Ба Парвардигорат савганд, ки ҳамаро бозхост кунем,
ﭚﭛﭜ ﱜ​

ба хотири корҳое, ки мекардаанд!
ﭞﭟﭠﭡﭢﭣ ﱝ​

Ба ҳар чӣ амр шудаӣ, сареҳу баланд бигӯ ва аз мушрикон рӯйгардон бош!
ﭥﭦﭧ ﱞ​

Мо масхаракунандагонро аз ту бозмедорем,
ﭩﭪﭫﭬﭭﭮﭯﭰﭱ ﱟ​

онҳо, ки бо Оллоҳ худое дигар қоил мешаванд. Пас ба зудӣ хоҳанд донист.
ﭳﭴﭵﭶﭷﭸﭹ ﱠ​

Ва медонем, ки ту аз гуфторашон дилтанг мешавӣ.
ﭻﭼﭽﭾﭿﮀ ﱡ​

Ба ситоиши Парвардигорат тасбеҳ кун ва аз саҷдакунандагон бош!
ﮂﮃﮄﮅﮆ ﱢ​

Ва Парвардигоратро бипараст, то лаҳзаи маргат фаро расад!
Icon