ترجمة معاني سورة الدّخان باللغة ماراناو من كتاب Maranao - Maranao translation

آية رقم 1

ﭑ ﭒ ​

Ha. Mim. (So Allah i Matao ko paka-aantapan Iyan on)

آية رقم 2

ﭓﭔ ﭕ ​

Ibt ko kitab a miyakapayag (ko ontol ago so ribat);

آية رقم 3

ﭖﭗﭘﭙﭚﭛﭜﭝﭞ ﭟ ​

Mataan! a Skami na initoron Ami skaniyan (a Qor´an) ko gagawii a piyakandaklan sa mapiya: Mataan! a Skami na miyabaloy Kami a pphamakaiktiyar.

آية رقم 4

ﭠﭡﭢﭣﭤ ﭥ ​

Ron gii pakazsnggayaa so langowan o sogoan a miyapasad a kokoman,

آية رقم 5

ﭦﭧﭨﭩﭪﭫﭬ ﭭ ​

Sogoan a phoon ko hadapan Ami. Mataan! a Skami na miyabaloy Kami a pphanonogo,

آية رقم 6

ﭮﭯﭰﭱﭲﭳﭴﭵ ﭶ ​

Limo a phoon ko Kadnan ka: Mataan aya! a Skaniyan so Pphakan´g, a Matao;

آية رقم 7

ﭷﭸﭹﭺﭻﭼﭽﭾﭿ ﮀ ​

A Kadnan o manga langit ago so lopa, go so nganin a pagltan a dowa nan, o skano na thotomangkd kano.

آية رقم 8

ﮁﮂﮃﮄﮅﮆﮇﮈﮉﮊﮋ ﮌ ​

Daa tohan a inonta Skaniyan a Pphangoyag go Pphangimatay, - Kadnan iyo go Kadnan o manga loks iyo a miyangaoona.

آية رقم 9

ﮍﮎﮏﮐﮑ ﮒ ​

Kna, ka siran na matatago ko kazasangka a sasablawn iran,

آية رقم 10

ﮓﮔﮕﮖﮗﮘ ﮙ ​

Na nayawang ka so gawii a kitalingomaan o langit ko bl a mapayag.

آية رقم 11

ﮚﮛﮜﮝﮞﮟ ﮠ ​

A mikolob ko manga manosiya: (na matharo iran a:) giyai na siksa a malipds.

آية رقم 12

ﮡﮢﮣﮤﮥﮦ ﮧ ​

(Go matharo iran:) "Kadnan ami, pokasang Ka rkami so siksa, ka mataan! a skami na miyaratiyaya kami!"

آية رقم 13

ﮨﮩﮪﮫﮬﮭﮮ ﮯ ​

Andamanaya i kakhaparoliya iran ko pananadm, a sabnar a miyakaoma kiran so sogo, a miyakapayag,

آية رقم 14

ﮰﮱﯓﯔﯕﯖ ﯗ ​

Oriyan iyan na tiyalikhodan iran oto, go pitharo iran: "Piyangndao a pmbthangn!"

آية رقم 15

ﯘﯙﯚﯛﯜﯝﯞ ﯟ ​

Mataan! a Skami na piyokas Ami so siksa sa da mathay, na mataan! a skano na mimbalingan kano (bo).

آية رقم 16

ﯠﯡﯢﯣﯤﯥ ﯦ ​

Sii ko isa alongan na olangn Ami so bagr a mala: Mataan! a Skami i Pndadan´g!

آية رقم 17

ﯧﯨﯩﯪﯫﯬﯭﯮﯯ ﯰ ​

Na sabnsabnar a tiniyoba Ami ko miyaonaan iran so pagtaw o Pir´awn: Go minitalingoma kiran o (Mosa a) sogo a sslaan, (a pitharo iyan:)

آية رقم 18

ﯱﯲﯳﯴﯵﯶﯷﯸﯹﯺ ﯻ ​

"Palada niyo rakn so manga oripn o Allah: Mataan! a sakn na sogo rkano a kasasanaan;"

آية رقم 19

ﭑﭒﭓﭔﭕﭖﭗﭘﭙﭚ ﭛ ​

"Go di niyo pagombawi so Allah: Mataan! a sakn na minitalingoma ko rkano so katantowan a mapayag."

آية رقم 20

ﭜﭝﭞﭟﭠﭡ ﭢ ​

"Go mataan! a sakn na lominindong ako ko Kadnan ko go Kadnan iyo, ka oba ako niyo radiyama!"

آية رقم 21

ﭣﭤﭥﭦﭧ ﭨ ​

"Na odi ako niyo pharatiyayaa na awata ko niyo."

آية رقم 22

ﭩﭪﭫﭬﭭﭮ ﭯ ​

Na miyangangarapan ko Kadnan iyan: "Mataan! a siran aya na pagtaw a manga baradosa."

آية رقم 23

ﭰﭱﭲﭳﭴ ﭵ ​

Na (pitharo o Allah a:) "Panglmn ka so manga oripn ko ko kagagawii: Mataan! a skano na thondogn kano (iran);"

آية رقم 24

ﭶﭷﭸﭹﭺﭻﭼ ﭽ ​

"Go ganating ka so kalodan a massray: Mataan! a siran na tantara a phangldn."

آية رقم 25

ﭾﭿﮀﮁﮂ ﮃ ​

Madakl a kiyaganatan iran a manga pamomolan ago manga bowalan,

آية رقم 26

ﮄﮅﮆ ﮇ ​

Go manga pr go darpa a mapiya,

آية رقم 27

ﮈﮉﮊﮋ ﮌ ​

Go limo a miyabaloy siran on a khikasosonor!

آية رقم 28

ﮍﮎﮏﮐﮑ ﮒ ​

Giyoto man (i inikidia Mi kiran)! Go piyakipangowarisan Ami oto ko pagtaw a miyangaoori (a pagtaw o Mosa)!

آية رقم 29

ﮓﮔﮕﮖﮗﮘﮙﮚ ﮛ ​

Na da siran kasgadi o langit ago so lopa: Go da siran bgi sa taalik.

آية رقم 30

ﮜﮝﮞﮟﮠﮡﮢ ﮣ ​

Na sabnsabnar a siyabt Ami so manga moriyataw o Israil phoon ko siksa a phakahina,

آية رقم 31

ﮤﮥﮦﮧﮨﮩﮪﮫ ﮬ ​

A phoon ko Pir´awn; mataan! a skaniyan na miyabaloy a miphaporo a pd ko manga malawani.

آية رقم 32

ﮭﮮﮯﮰﮱﯓ ﯔ ​

Na sabnsabnar a pinili Ami siran sii ko katao ko manga kaadn (ko masa iran),

آية رقم 33

ﯕﯖﯗﯘﯙﯚﯛ ﯜ ​

Go bigan Ami siran ko manga tanda a so katatagoan sa tpng, a mapayag.

آية رقم 34

ﯝﯞﯟ ﯠ ​

Mataan! a siran aya na gi iran tharoon:

آية رقم 35

ﯡﯢﯣﯤﯥﯦﯧﯨ ﯩ ​

"Daa salakaw a rowar ko kapatay tano a paganay, go kna a ba tano phangaooyag ko oriyan o kapatay."

آية رقم 36

ﯪﯫﯬﯭﯮ ﯯ ​

"Na pakambowata niyo so manga loks ami, o skano i manga bnar!"

آية رقم 37

ﯰﯱﯲﯳﯴﯵﯶﯷﯸﯹﯺﯻﯼ ﯽ ​

Ba siran i tomo, antawaa so pagtaw o Tobba´, go so miyaonaan iran? Bininasa Mi siran, mataan! a siran na miyabaloy siran a manga sala.

آية رقم 38

ﯾﯿﰀﰁﰂﰃﰄ ﰅ ​

Da ko kiyaadna Mi ko manga langit ago so lopa, go so nganin a pagltan a dowa nan, oba Kami khikabibimban:

آية رقم 39

ﰆﰇﰈﰉﰊﰋﰌﰍ ﰎ ​

Da ko kiyaadna Mi sa dowa nan inonta na sii ko bnar: Na ogaid na so kadaklan kiran na di iran katawan.

آية رقم 40

ﭑﭒﭓﭔﭕ ﭖ ​

Mataan! a so alongan a kokoman na diyandi kiran langon,

آية رقم 41

ﭗﭘﭙﭚﭛﭜﭝﭞﭟﭠ ﭡ ​

Alongan a da a khilinding o tonganay ko tonganay niyan a mayto bo, go di siran phangatatabangan,

آية رقم 42

ﭢﭣﭤﭥﭦﭧﭨﭩ ﭪ ​

Inonta so inikalimo o Allah: Mataan! a Skaniyan na Skaniyan so Mabagr, a Makalimoon.

آية رقم 43

ﭫﭬﭭ ﭮ ​

Mataan! a so kayo a Zaqqom,

آية رقم 44

ﭯﭰ ﭱ ​

Na pangn´ngkn o baradosa,

آية رقم 45

ﭲﭳﭴﭵ ﭶ ​

Lagid o totonagn a galang, a pndidi ko manga tiyan,

آية رقم 46

ﭷﭸ ﭹ ​

Lagid o kapndidi o phlikabo a ig.

آية رقم 47

ﭺﭻﭼﭽﭾ ﭿ ​

(Tharoon:) "Kowaa niyo skaniyan na goyoda niyo to ko lmbak o naraka Jahim!"

آية رقم 48

ﮀﮁﮂﮃﮄﮅﮆ ﮇ ​

"Oriyan iyan na ododa niyo ko poro o olo niyan so siksa a phlikabo."

آية رقم 49

ﮈﮉﮊﮋﮌ ﮍ ​

(Tharoon on:) "Taaming ka! mataan! a ska na ska so mabagr, a pagaadatan (sa doniya)!"

آية رقم 50

ﮎﮏﮐﮑﮒﮓ ﮔ ​

"Mataan! a giyaya so skano na zasangka kano ron!"

آية رقم 51

ﮕﮖﮗﮘﮙ ﮚ ​

Mataan! a so khipanananggila na sii ko darpa a sasarigan,

آية رقم 52

ﮛﮜﮝ ﮞ ​

Sii ko manga pamomolan go manga bowalan;

آية رقم 53

ﮟﮠﮡﮢﮣ ﮤ ​

Ndiditar siran sa sotra a manipis go sotra a makapal, a khipaga adapadapa;

آية رقم 54

ﮥﮦﮧﮨ ﮩ ​

Giyoto dn man, go pakaphamangaromaan Ami siran sa manga tataid, a manga pipiya i kapmata.

آية رقم 55

ﮪﮫﮬﮭﮮ ﮯ ​

Pphananawag siran roo sa pithibarang a onga, a khisasarig siran;

آية رقم 56

ﮰﮱﯓﯔﯕﯖﯗﯘﯙﯚﯛ ﯜ ​

Daa khasagadan iran roo a kapatay, inonta so kapatay a paganay (sa doniya); go phakalidasn Iyan siran ko siksa ko naraka Jahim,

آية رقم 57

ﯝﯞﯟﯠﯡﯢﯣﯤ ﯥ ​

Kakayaan a phoon ko Kadnan ka. Giyoto man na skaniyan so daag, a mala!

آية رقم 58

ﯦﯧﯨﯩﯪ ﯫ ​

Na aya dn a kiyalbod Ami ron, sii ko basang ka, na an iran sabota (a Qor´an aya).

آية رقم 59

ﯬﯭﯮ ﯯ ​

Na nayaw ka; mataan! a siran na nomanayaw siran (mambo).