ترجمة معاني سورة المدّثر باللغة تتاري من كتاب Tatar - Tatar translation

آية رقم 1

ﮪﮫ ﮬ ​

Ий тышкы киеме илә бөркәнгән пәйгамбәр!

آية رقم 2

ﮭﮮ ﮯ ​

Торгыл, кешеләрне Аллаһ ґәзабы белән куркыт! Мухәммәд г-м җир белән күк арасында тәхеткә утырган Җәбраил фәрештәне күреп курыкты, тиз генә өенә кайтып ятты һәм Хәдиҗәгә тышкы киемнәре белән капларга кушты. Шул вакыт Җәбраил ошбу сүрәнен, аятьләрен китерә башлады. Бу сүрә икенче иңгән сүрәдер.

آية رقم 3

ﮰﮱ ﯓ ​

Раббыңны зурлап тәкбир әйт.

آية رقم 4

ﯔﯕ ﯖ ​

Вә киемеңне нәҗәсәттән пакь кыл.

آية رقم 5

ﯗﯘ ﯙ ​

Аллаһуның ачуына илтә торган эшләрне ташла.

آية رقم 6

ﯚﯛﯜ ﯝ ​

Кешегә бернәрсә бирсәң аннан күбрәкне өмет итеп бирмә.

آية رقم 7

ﯞﯟ ﯠ ​

Вә Раббың ризасы өчен кәферләрнең дошманлыгына сабыр ит, чыда!

آية رقم 8

ﯡﯢﯣﯤ ﯥ ​

Әгәр кыямәт өчен сур өрелсә.

آية رقم 9

ﯦﯧﯨﯩ ﯪ ​

Менә шул көн каты көндер.

آية رقم 10

ﯫﯬﯭﯮ ﯯ ​

Кәферләргә җиңеллеге юк авыр көндер.

آية رقم 11

ﯰﯱﯲﯳ ﯴ ​

Мин халык кылган бер кеше белән Мине ялгызымны гына куй.

آية رقم 12

ﯵﯶﯷﯸ ﯹ ​

Мин аңа төрле-төрле күп мал бирдем.

آية رقم 13

ﯺﯻ ﯼ ​

Вә үзе янында гына тора торган балалар бирдек, ягъни аталары бай булгач, балалары сәүдә белән китеп йөрмәделәр.

آية رقم 14

ﯽﯾﯿ ﰀ ​

Вә аңа тормышны никадәр киң кылу белән киң кылдым.

آية رقم 15

ﰁﰂﰃﰄ ﰅ ​

Моның соңында да Минем аңа мал арттырмагымны өмет итәдер.

آية رقم 16

ﰆﰇﰈﰉﰊﰋ ﰌ ​

Юк инде, Бездән яхшылык көтмәсен, тәхкыйк ул Безнең аятьләребезгә карыша иде.

آية رقم 17

ﰍﰎ ﰏ ​

Аны бик мәшәкатьле булган ґәзабка кертермен. Ул Вәлид исемле бер бай мөшриктер, Мәккә мөшрикләре аңа киңәшкә килделәр һәм Коръән вә Мухәммәд хакында аның фикерен сорадылар. Вәлид әйтте: "Сез Мухәммәдне дивана дисез, бу сүзегез һич дөрес түгел, аның гакыллы икәнлеге тирә-якка мәгълүмдер. Сез аны сихерче дисез, аның сихер белән шөгыльләнгәне һич заһир булганы юк. Сез аны ялганчы дисез, аның ялган сөйләгәнен бу көнгәчә һичкем ишеткәне юк, һәм аның сүзләре шагыйрь сүзенә дә охшамый", – дип. Мөшрикләр: син нинди киңәш бирәсең, аңа ни дип әйтик, диделәр. Вәлид аларның сорауларына җавап бире алмыйча уйга калды.

آية رقم 18

ﰐﰑﰒ ﰓ ​

Тәхкыйк ул – Вәлид Коръән һәм пәйгамбәр хакында ничек мәкерлек кылырга дип фикерләде, үзенчә халыкларга сөйләргә ялган сүзләр дә хәзерләде.

آية رقم 19

ﭑﭒﭓ ﭔ ​

Вәлидкә ләгънәт булсын башы ватылсын – ничек чамалый!

آية رقم 20

ﭕﭖﭗﭘ ﭙ ​

Ул һәлак булсын, халыкны хактан адаштырырга янә ничек чамалый!

آية رقم 21

ﭚﭛ ﭜ ​

Соңра Коръәнгә каршы ничек мәкерлек кылырга дип, янә уйлап фикерләп карады.

آية رقم 22

ﭝﭞﭟ ﭠ ​

Соңра Коръән сүзен ишеткәндә ачуланып йөзен сытты, маңгаен җыерды.

آية رقم 23

ﭡﭢﭣ ﭤ ​

Аннары артына әйләнде вә тәкәбберләнде.

آية رقم 24

ﭥﭦﭧﭨﭩﭪ ﭫ ​

Башка сүз таба алмагач, бу Коръән Аллаһ сүзе түгел мәгәр әүвәлге сихерчеләрдән калган сихер диде.

آية رقم 25

ﭬﭭﭮﭯﭰ ﭱ ​

Бу Коръән кеше сүзе генә, аны Мухәммәд әүвәлге сихерчеләрдән күчереп алган, диде.

آية رقم 26

ﭲﭳ ﭴ ​

Тиздән аны сакар тәмугына салырмын.

آية رقم 27

ﭵﭶﭷﭸ ﭹ ​

Сиңа ул сакарның ґәзабын кем белдерде?

آية رقم 28

ﭺﭻﭼﭽ ﭾ ​

Ул сакар үзенә салынган нәрсәне калдырмас вә бетермичә куймас.

آية رقم 29

ﭿﮀ ﮁ ​

Ул сакар кешеләрнең тиреләрен яндырыр.

آية رقم 30

ﮂﮃﮄ ﮅ ​

Ул сакарда унтугыз ґәзаб фәрештәләре бардыр. "Мөшрикләр бу сүзне ишеткәч: "Ґәзаб фәрештәләре унтугыз гына булгач без аларга каршы тора алырбыз, алар безне ґәзаб кыла алмаслар", – диделәр.

آية رقم 31

ﮆﮇﮈﮉﮊﮋﮌﮍﮎﮏﮐﮑﮒﮓﮔﮕﮖﮗﮘﮙﮚﮛﮜﮝﮞﮟﮠﮡﮢﮣﮤﮥﮦﮧﮨﮩﮪﮫﮬﮭﮮﮯﮰﮱﯓﯔﯕﯖﯗﯘﯙﯚﯛﯜﯝﯞﯟﯠﯡﯢﯣ ﯤ ​

Ут ияләрен, ягъни җәһәннәмгә ґәзаб кылучыларны башка заттан кылмадык фәкать фәрештәләрдән кылдык, вә аларның саннарын унтугыз дип әйттек, фәкать кәферләргә фетнә булсын өчен, вә Инҗил, Тәүрат әһелләре Мухәммәд г-мнең хак пәйгамбәр икәнлегенә ышансыннар өчен. (Чөнки Тәүратта, Инҗилдә дә унтугыз дип зекер ителмештер). Вә мөэминнәр иманнарын куәтләсеннәр өчен, вә китап әһелләре һәм мөэминнәр: аларның саны унтугыз, дигән сүздән шикләнмәсеннәр өчен, вә күңелләрендә авыру булган монафикълар һәм кәферләр: "Аллаһуның бу мисалны китерүдә максаты нәрсә", – дип әйтсеннәр, ягъни бу сүз Аллаһ сүзенә охшамый, аны Аллаһ әйтмәгән, дип фетнәләнсеннәр өчен. Әнә шулай Аллаһ Аның хак сүзенә ышанган мөэминнәрен туры юлга күндерде. Раббыңның гаскәрләрен Аллаһудан башка һичкем белмәс, ул сакара җәһәннәме һәм унтугыз фәрештә бушка сөйләнмәде, мәгәр кешеләргә вәгазь өчен сөйләнде.

آية رقم 32

ﯥﯦ ﯧ ​

Юк, алай гына түгел, ай белән ант итәмен.

آية رقم 33

ﯨﯩﯪ ﯫ ​

Вә көндездән соң килә торган төн белән.

آية رقم 34

ﯬﯭﯮ ﯯ ​

Һәм саргаючы таң белән ант итәмен.

آية رقم 35

ﯰﯱﯲ ﯳ ​

Тәхкыйк ул сакар җәһәннәме олугъ бәлаләрнең берседер.

آية رقم 36

ﯴﯵ ﯶ ​

Ул кешеләрне куркытучыдыр.

آية رقم 37

ﯷﯸﯹﯺﯻﯼﯽ ﯾ ​

Вә Сезләрдән яхшы эшләрне эшләүдә алга -чыгарга теләгән кешеләргә һәм бозык эшләр белән артта калуны теләгән кешеләргә куркытудыр. Ягъни яхшы кешеләрне дә һәм яман кешеләрне дә куркытыр өчен сөйләнәдер сакар җәһәннәме.

آية رقم 38

ﯿﰀﰁﰂﰃ ﰄ ​

Аллаһуга итагать итмәгән һәрбер кеше үзенең кылган гөнаһы белән бәйләнгәндер.

آية رقم 39

ﰅﰆﰇ ﰈ ​

Мәгәр гамәл дәфтәрләре уң кулларыннан бирелгән күп сәваблы мөселманнар бәйләнмәсләр.

آية رقم 40

ﰉﰊﰋ ﰌ ​

Анар җәннәтләрдә булырлар, җәһәннәмгә кергән таныш кешеләрдән сорашырлар.

آية رقم 41

ﰍﰎ ﰏ ​

Аллаһуга итагать итмәгән күп гөнаһлы кешеләрдән:

آية رقم 42

ﰐﰑﰒﰓ ﰔ ​

"Сезне сакар җәһәннәменә нәрсә салды, нинди сәбәп белән анда кердегез?"

آية رقم 43

ﰕﰖﰗﰘﰙ ﰚ ​

Сакардагы кешеләр әйтерләр: "Без намаз укучылардан түгел идек.

آية رقم 44

ﰛﰜﰝﰞ ﰟ ​

Дәхи без фәкыйрьләрне ашатучылардан, аларга садака бирүчеләрдән булмадык.

آية رقم 45

ﰠﰡﰢﰣ ﰤ ​

Дәхи хактан качып төрле бозык эшләргә чумган кешеләргә ияреп без дә бозыклыкка чумадыр идек.

آية رقم 46

ﰥﰦﰧﰨ ﰩ ​

Һәм кыямәт көнен ялганга тотар идек.

آية رقم 47

ﰪﰫﰬ ﰭ ​

Бу әйтелгәннәрне эшләдек, хәтта гомеребез бетеп үлем килгәнче", – дип.

آية رقم 48

ﭑﭒﭓﭔ ﭕ ​

Аларга шәфкатьчеләрнең шәфәгате һич файда бирмәс.

آية رقم 49

ﭖﭗﭘﭙﭚ ﭛ ​

Нәрсә булган аларга, ни сәбәпле батылдан хакны аеручы Коръәннән баш тарталар?

آية رقم 50

ﭜﭝﭞ ﭟ ​

Алар Коръәннән вә аның вәгазьләреннән һәм хөкемнәреннән качалар, куркып өреккән ишәк кеби.

آية رقم 51

ﭠﭡﭢ ﭣ ​

Ул ишәк арысланнан өркеп качар.

آية رقم 52

ﭤﭥﭦﭧﭨﭩﭪﭫﭬ ﭭ ​

Бәлки алардан һәрбересе телидер Аллаһудан һәрберсенә ачык хат бирелмәкне. Ягъни мөшрикләр: "Аллаһ безгә һәрберебезгә кәгазь иңдерсә, ул кәгазьгә: Мухәммәд хак пәйгамбәр, Коръән Минем китабым, дип язылган булса, иман китерер идек", – диделәр.

آية رقم 53

ﭮﭯﭰﭱﭲﭳ ﭴ ​

Юк әле, алар тиешсезне сорамасыннар, бәлки алар ахирәт ґәзабыннан курыкмыйлар. Әгәр курыксалар иде, әлбәттә, иман китереп Коръән белән гамәл кылыр иделәр һәм Коръәннән башка дәлил сорамас иделәр.

آية رقم 54

ﭵﭶﭷ ﭸ ​

Юк, Коръән уенчык түгел, бәлки ул Коръән гакыллы кешеләр өчен хакыйкый көчле вәгазьдер.

آية رقم 55

ﭹﭺﭻ ﭼ ​

Теләгән кеше ул Коръән белән вәгазьләнеп туры юлга керсен һәм иманлы динле булсын!

آية رقم 56

ﭽﭾﭿﮀﮁﮂﮃﮄﮅﮆﮇﮈ ﮉ ​

Юк ул Коръән белән һәммә кеше вәгазьләнмәс мәгәр Аллаһ теләгән кеше генә вәгазьләнер. Димәк Коръән белән вәгазьләнеп һәм гамәл кылып туры юлны табуны Аллаһудан сорарга кирәк! Ул – Аллаһ Аның ачуыннан вә ґәзабыннан сакланырга тиешле булган заттыр һәм гөнаһларның ярлыкануын Аңардан сорарга тиешле заттыр.