ترجمة معاني سورة الحجر باللغة الأردية من كتاب محمد جوناگڑھی - Urdu translation

آية رقم 1

ﭑﭒﭓﭔﭕﭖﭗ ﭘ ​

حجر

الرٰ، یہ کتاب الٰہی کی آیتیں ہیں اور کھلے اور روشن قرآن کی

آية رقم 2

ﭙﭚﭛﭜﭝﭞﭟ ﭠ ​

وه بھی وقت ہوگا کہ کافر اپنے مسلمان ہونے کی آرزو کریں گے

آية رقم 3

ﭡﭢﭣﭤﭥﭦﭧﭨ ﭩ ​

آپ انہیں کھاتا، نفع اٹھاتا اور (جھوٹی) امیدوں میں مشغول ہوتا چھوڑ دیجئے یہ خود ابھی جان لیں گے

آية رقم 4

ﭪﭫﭬﭭﭮﭯﭰﭱ ﭲ ​

کسی بستی کو ہم نے ہلاک نہیں کیا مگر یہ کہ اس کے لیے مقرره نوشتہ تھا

آية رقم 5

ﭳﭴﭵﭶﭷﭸﭹ ﭺ ​

کوئی گروه اپنی موت سے نہ آگے بڑھتا ہے نہ پیچھے رہتا ہے

آية رقم 6

ﭻﭼﭽﭾﭿﮀﮁﮂ ﮃ ​

انہوں نے کہا کہ اے وه شخص جس پر قرآن اتارا گیا ہے یقیناً تو تو کوئی دیوانہ ہے

آية رقم 7

ﮄﮅﮆﮇﮈﮉﮊﮋ ﮌ ​

اگر تو سچا ہی ہے تو ہمارے پاس فرشتوں کو کیوں نہیں ﻻتا

آية رقم 8

ﮍﮎﮏﮐﮑﮒﮓﮔﮕ ﮖ ​

ہم فرشتوں کو حق کے ساتھ ہی اتارتے ہیں اور اس وقت وه مہلت دیئے گئے نہیں ہوتے

آية رقم 9

ﮗﮘﮙﮚﮛﮜﮝ ﮞ ​

ہم نے ہی اس قرآن کو نازل فرمایا ہے اور ہم ہی اس کے محافﻆ ہیں

آية رقم 10

ﮟﮠﮡﮢﮣﮤﮥ ﮦ ​

ہم نے آپ سے پہلے اگلی امتوں میں بھی اپنے رسول (برابر) بھیجے

آية رقم 11

ﮧﮨﮩﮪﮫﮬﮭﮮ ﮯ ​

اور (لیکن) جو بھی رسول آتا وه اس کا مذاق اڑاتے

آية رقم 12

ﮰﮱﯓﯔﯕ ﯖ ​

گناه گاروں کے دلوں میں ہم اسی طرح یہی رچا دیا کرتے ہیں

آية رقم 13

ﯗﯘﯙﯚﯛﯜﯝ ﯞ ​

وه اس پر ایمان نہیں ﻻتے اور یقیناً اگلوں کا طریقہ گزرا ہوا ہے

آية رقم 14

ﯟﯠﯡﯢﯣﯤﯥﯦﯧ ﯨ ​

اور اگر ہم ان پر آسمان کا دروازه کھول بھی دیں اور یہ وہاں چڑھنے بھی لگ جائیں

آية رقم 15

ﯩﯪﯫﯬﯭﯮﯯﯰ ﯱ ​

تب بھی یہی کہیں گے کہ ہماری نظر بندی کر دی گئی ہے بلکہ ہم لوگوں پر جادو کر دیا گیا ہے

آية رقم 16

ﭑﭒﭓﭔﭕﭖﭗ ﭘ ​

یقیناً ہم نے آسمان میں برج بنائے ہیں اور دیکھنے والوں کے لیے اسے سجا دیا گیا ہے

آية رقم 17

ﭙﭚﭛﭜﭝ ﭞ ​

اور اسے ہر مردود شیطان سے محفوظ رکھا ہے

آية رقم 18

ﭟﭠﭡﭢﭣﭤﭥ ﭦ ​

ہاں مگر جو چوری چھپے سننے کی کوشش کرے اس کے پیچھے دہکتا ہوا (کھلا شعلہ) لگتا ہے

آية رقم 19

ﭧﭨﭩﭪﭫﭬﭭﭮﭯﭰﭱ ﭲ ​

اور زمین کو ہم نے پھیلا دیا ہے اور اس پر (اٹل) پہاڑ ڈال دیئے ہیں، اور اس میں ہم نے ہر چیز ایک معین مقدار سے اگا دی ہے

آية رقم 20

ﭳﭴﭵﭶﭷﭸﭹﭺ ﭻ ​

اور اسی میں ہم نے تمہاری روزیاں بنا دی ہیں اور جنہیں تم روزی دینے والے نہیں ہو

آية رقم 21

ﭼﭽﭾﭿﮀﮁﮂﮃﮄﮅﮆ ﮇ ​

اور جتنی بھی چیزیں ہیں ان سب کے خزانے ہمارے پاس ہیں، اور ہم ہر چیز کو اس کے مقرره انداز سے اتارتے ہیں

آية رقم 22

ﮈﮉﮊﮋﮌﮍﮎﮏﮐﮑﮒﮓ ﮔ ​

اور ہم بھیجتے ہیں بوجھل ہوائیں، پھر آسمان سے پانی برسا کر وه تمہیں پلاتے ہیں اور تم اس کا ذخیره کرنے والے نہیں ہو

آية رقم 23

ﮕﮖﮗﮘﮙﮚ ﮛ ​

ہم ہی جلاتے اور مارتے ہیں اور ہم ہی (بالﺂخر) وارث ہیں

آية رقم 24

ﮜﮝﮞﮟﮠﮡﮢ ﮣ ​

اور تم میں سے آگے بڑھنے والے اور پیچھے ہٹنے والے بھی ہمارے علم میں ہیں

آية رقم 25

ﮤﮥﮦﮧﮨﮩﮪﮫ ﮬ ​

آپ کا رب سب لوگوں کو جمع کرے گا یقیناً وه بڑی حکمتوں واﻻ بڑے علم واﻻ ہے

آية رقم 26

ﮭﮮﮯﮰﮱﯓﯔﯕ ﯖ ​

یقیناً ہم نے انسان کو کالی اور سڑی ہوئی کھنکھناتی مٹی سے، پیدا فرمایا ہے

آية رقم 27

ﯗﯘﯙﯚﯛﯜﯝ ﯞ ​

اور اس سے پہلے جنات کو ہم نے لو والی آگ سے پیدا کیا

آية رقم 28

ﯟﯠﯡﯢﯣﯤﯥﯦﯧﯨﯩﯪ ﯫ ​

اور جب تیرے پروردگار نے فرشتوں سے فرمایا کہ میں ایک انسان کو کالی اور سڑی ہوئی کھنکھناتی مٹی سے پیدا کرنے واﻻ ہوں

آية رقم 29

ﯬﯭﯮﯯﯰﯱﯲﯳﯴ ﯵ ​

تو جب میں اسے پورا بنا چکوں اور اس میں اپنی روح پھونک دوں تو تم سب اس کے لیے سجدے میں گر پڑنا

آية رقم 30

ﯶﯷﯸﯹ ﯺ ​

چنانچہ تمام فرشتوں نے سب کے سب نے سجده کر لیا

آية رقم 31

ﯻﯼﯽﯾﯿﰀﰁ ﰂ ​

مگر ابلیس کے۔ کہ اس نے سجده کرنے والوں میں شمولیت کرنے سے (صاف) انکار کر دیا

آية رقم 32

ﭑﭒﭓﭔﭕﭖﭗﭘ ﭙ ​

(اللہ تعالیٰ نے) فرمایا اے ابلیس تجھے کیا ہوا کہ تو سجده کرنے والوں میں شامل نہ ہوا؟

آية رقم 33

ﭚﭛﭜﭝﭞﭟﭠﭡﭢﭣﭤ ﭥ ​

وه بوﻻ کہ میں ایسا نہیں کہ اس انسان کو سجده کروں جسے تو نے کالی اور سڑی ہوئی کھنکھناتی مٹی سے پیدا کیا ہے

آية رقم 34

ﭦﭧﭨﭩﭪ ﭫ ​

فرمایا اب تو بہشت سے نکل جا کیوں کہ تو رانده درگاه ہے

آية رقم 35

ﭬﭭﭮﭯﭰﭱ ﭲ ​

اور تجھ پر میری پھٹکار ہے قیامت کے دن تک

آية رقم 36

ﭳﭴﭵﭶﭷﭸ ﭹ ​

کہنے لگا کہ اے میرے رب! مجھے اس دن تک کی ڈھیل دے کہ لوگ دوباره اٹھا کھڑے کیے جائیں

آية رقم 37

ﭺﭻﭼﭽ ﭾ ​

فرمایا کہ اچھا تو ان میں سے ہے جنہیں مہلت ملی ہے

آية رقم 38

ﭿﮀﮁﮂ ﮃ ​

روز مقرر کے وقت تک کی

آية رقم 39

ﮄﮅﮆﮇﮈﮉﮊﮋﮌﮍ ﮎ ​

(شیطان نے) کہا کہ اے میرے رب! چونکہ تو نے مجھے گمراه کیا ہے مجھے بھی قسم ہے کہ میں بھی زمین میں ان کے لئے معاصی کو مزین کروں گا اور ان سب کو بہکاؤں گا بھی

آية رقم 40

ﮏﮐﮑﮒ ﮓ ​

سوائے تیرے ان بندوں کے جو منتخب کر لیے گئے ہیں

آية رقم 41

ﮔﮕﮖﮗﮘ ﮙ ​

ارشاد ہوا کہ ہاں یہی مجھ تک پہنچنے کی سیدھی راه ہے

آية رقم 42

ﮚﮛﮜﮝﮞﮟﮠﮡﮢﮣﮤ ﮥ ​

میرے بندوں پر تجھے کوئی غلبہ نہیں، لیکن ہاں جو گمراه لوگ تیری پیروی کریں

آية رقم 43

ﮦﮧﮨﮩ ﮪ ​

یقیناً ان سب کے وعدے کی جگہ جہنم ہے

آية رقم 44

ﮫﮬﮭﮮﮯﮰﮱﯓ ﯔ ​

جس کے سات دروازے ہیں۔ ہر دروازے کے لیے ان کا ایک حصہ بٹا ہوا ہے

آية رقم 45

ﯕﯖﯗﯘﯙ ﯚ ​

پرہیزگار جنتی لوگ باغوں اور چشموں میں ہوں گے

آية رقم 46

ﯛﯜﯝ ﯞ ​

(ان سے کہا جائے گا) سلامتی اور امن کے ساتھ اس میں داخل ہو جاؤ

آية رقم 47

ﯟﯠﯡﯢﯣﯤﯥﯦﯧﯨ ﯩ ​

ان کے دلوں میں جو کچھ رنجش وکینہ تھا، ہم سب کچھ نکال دیں گے، وه بھائی بھائی بنے ہوئے ایک دوسرے کے آمنے سامنے تختوں پر بیٹھے ہوں گے

آية رقم 48

ﯪﯫﯬﯭﯮﯯﯰﯱ ﯲ ​

نہ تو وہاں انہیں کوئی تکلیف چھو سکتی ہے اور نہ وه وہاں سے کبھی نکالے جائیں گے

آية رقم 49

ﯳﯴﯵﯶﯷﯸﯹ ﯺ ​

میرے بندوں کو خبر دے دو کہ میں بہت ہی بخشنے واﻻ اور بڑا ہی مہربان ہوں

آية رقم 50

ﯻﯼﯽﯾﯿ ﰀ ​

اور ساتھ ہی میرے عذاب بھی نہایت دردناک ہیں

آية رقم 51

ﰁﰂﰃﰄ ﰅ ​

انہیں ابراہیم کے مہمانوں کا (بھی) حال سنا دو

آية رقم 52

ﭑﭒﭓﭔﭕﭖﭗﭘﭙ ﭚ ​

کہ جب انہوں نے ان کے پاس آکر سلام کہا تو انہوں نے کہا کہ ہم کو تو تم سے ڈر لگتا ہے

آية رقم 53

ﭛﭜﭝﭞﭟﭠﭡ ﭢ ​

انہوں نے کہا ڈرو نہیں، ہم تجھے ایک صاحب علم فرزند کی بشارت دیتے ہیں

آية رقم 54

ﭣﭤﭥﭦﭧﭨﭩﭪ ﭫ ​

کہا، کیا اس بڑھاپے کے آجانے کے بعد تم مجھے خوشخبری دیتے ہو! یہ خوشخبری تم کیسے دے رہے ہو؟

آية رقم 55

ﭬﭭﭮﭯﭰﭱﭲ ﭳ ​

انہوں نے کہا ہم آپ کو بالکل سچی خوشخبری سناتے ہیں آپ مایوس لوگوں میں شامل نہ ہوں

آية رقم 56

ﭴﭵﭶﭷﭸﭹﭺﭻ ﭼ ​

کہا اپنے رب تعالیٰ کی رحمت سے ناامید تو صرف گمراه اور بہکے ہوئے لوگ ہی ہوتے ہیں

آية رقم 57

ﭽﭾﭿﮀﮁ ﮂ ​

پوچھا کہ اللہ کے بھیجے ہوئے (فرشتو!) تمہارا ایسا کیا اہم کام ہے؟

آية رقم 58

ﮃﮄﮅﮆﮇﮈ ﮉ ​

انہوں نے جواب دیا کہ ہم مجرم قوم کی طرف بھیجے گئے ہیں

آية رقم 59

ﮊﮋﮌﮍﮎﮏ ﮐ ​

مگر خاندان لوط کہ ہم ان سب کو تو ضرور بچا لیں گے

آية رقم 60

ﮑﮒﮓﮔﮕﮖ ﮗ ​

سوائے اس (لوط) کی بیوی کے کہ ہم نے اسے رکنے اور باقی ره جانے والوں میں مقرر کر دیا ہے

آية رقم 61

ﮘﮙﮚﮛﮜ ﮝ ​

جب بھیجے ہوئے فرشتے آل لوط کے پاس پہنچے

آية رقم 62

ﮞﮟﮠﮡ ﮢ ​

تو انہوں (لوط علیہ السلام) نے کہا تم لوگ تو کچھ انجان سے معلوم ہو رہے ہو

آية رقم 63

ﮣﮤﮥﮦﮧﮨﮩ ﮪ ​

انہوں نے کہا نہیں بلکہ ہم تیرے پاس وه چیز ﻻئے ہیں جس میں یہ لوگ شک شبہ کر رہے تھے

آية رقم 64

ﮫﮬﮭﮮ ﮯ ​

ہم تو تیرے پاس (صریح) حق ﻻئے ہیں اور ہیں بھی بالکل سچے

آية رقم 65

ﮰﮱﯓﯔﯕﯖﯗﯘﯙﯚﯛﯜﯝﯞ ﯟ ​

اب تو اپنے خاندان سمیت اس رات کے کسی حصہ میں چل دے اور آپ ان کے پیچھے رہنا، اور (خبردار) تم میں سے کوئی (پیچھے) مڑکر بھی نہ دیکھے اور جہاں کا تمہیں حکم کیا جارہا ہے وہاں چلے جانا

آية رقم 66

ﯠﯡﯢﯣﯤﯥﯦﯧﯨ ﯩ ​

اور ہم نے اس کی طرف اس بات کا فیصلہ کر دیا کہ صبح ہوتے ہوتے ان لوگوں کی جڑیں کاٹ دی جائیں گی

آية رقم 67

ﯪﯫﯬﯭ ﯮ ​

اور شہر والے خوشیاں مناتے ہوئے آئے

آية رقم 68

ﯯﯰﯱﯲﯳﯴ ﯵ ​

(لوط علیہ السلام نے) کہا یہ لوگ میرے مہمان ہیں تم مجھے رسوا نہ کرو

آية رقم 69

ﯶﯷﯸﯹ ﯺ ​

اللہ تعالیٰ سے ڈرو اور مجھے رسوا نہ کرو

آية رقم 70

ﯻﯼﯽﯾﯿ ﰀ ​

وه بولے کیا ہم نے تجھے دنیا بھر (کی ٹھیکیداری) سے منع نہیں کر رکھا؟

آية رقم 71

ﭑﭒﭓﭔﭕﭖ ﭗ ​

(لوط علیہ السلام نے) کہا اگر تمہیں کرنا ہی ہے تو یہ میری بچیاں موجود ہیں

آية رقم 72

ﭘﭙﭚﭛﭜ ﭝ ​

تیری عمر کی قسم! وه تو اپنی بدمستی میں سرگرداں تھے

آية رقم 73

ﭞﭟﭠ ﭡ ​

پس سورج نکلتے نکلتے انہیں ایک بڑے زور کی آواز نے پکڑ لیا

آية رقم 74

ﭢﭣﭤﭥﭦﭧﭨﭩ ﭪ ​

بالﺂخر ہم نے اس شہر کو اوپر تلے کر دیا اور ان لوگوں پر کنکر والے پتھر برسائے

آية رقم 75

ﭫﭬﭭﭮﭯ ﭰ ​

بلاشبہ بصیرت والوں کے لیے اس میں بہت سی نشانیاں ہیں

آية رقم 76

ﭱﭲﭳ ﭴ ​

یہ بستی ایسی راه پر ہے جو برابر چلتی رہتی (عام گذرگاه) ہے۔

آية رقم 77

ﭵﭶﭷﭸﭹ ﭺ ​

اور اس میں ایمان والوں کے لیے بڑی نشانی ہے

آية رقم 78

ﭻﭼﭽﭾﭿ ﮀ ​

اَیکَہ بستی کے رہنے والے بھی بڑے ﻇالم تھے

آية رقم 79

ﮁﮂﮃﮄﮅ ﮆ ​

جن سے (آخر) ہم نے انتقام لے ہی لیا۔ یہ دونوں شہر کھلے (عام) راستے پر ہیں

آية رقم 80

ﮇﮈﮉﮊﮋ ﮌ ​

اور حِجر والوں نے بھی رسولوں کو جھٹلایا

آية رقم 81

ﮍﮎﮏﮐﮑ ﮒ ​

اور ہم نے ان کو اپنی نشانیاں بھی عطا فرمائیں (لیکن) تاہم وه ان سے روگردانی ہی کرتے رہے

آية رقم 82

ﮓﮔﮕﮖﮗﮘ ﮙ ​

یہ لوگ پہاڑوں کو تراش تراش کر گھر بناتے تھے، بے خوف ہوکر

آية رقم 83

ﮚﮛﮜ ﮝ ​

آخر انہیں بھی صبح ہوتے ہوتے چنگھاڑنے آدبوچا

آية رقم 84

ﮞﮟﮠﮡﮢﮣ ﮤ ​

پس ان کی کسی تدبیروعمل نے انہیں کوئی فائده نہ دیا

آية رقم 85

ﮥﮦﮧﮨﮩﮪﮫﮬﮭﮮﮯﮰﮱﯓﯔﯕ ﯖ ​

ہم نے آسمانوں اور زمین کو اور ان کے درمیان کی سب چیزوں کو حق کے ساتھ ہی پیدا فرمایا ہے، اور قیامت ضرور ضرور آنے والی ہے۔ پس تو حسن وخوبی (اور اچھائی) سے درگزر کر لے

آية رقم 86

ﯗﯘﯙﯚﯛ ﯜ ​

یقیناً تیرا پروردگار ہی پیدا کرنے واﻻ اور جاننے واﻻ ہے

آية رقم 87

ﯝﯞﯟﯠﯡﯢﯣ ﯤ ​

یقیناً ہم نے آپ کو سات آیتیں دے رکھی ہیں کہ دہرائی جاتی ہیں اور عظیم قرآن بھی دے رکھا ہے

آية رقم 88

ﯥﯦﯧﯨﯩﯪﯫﯬﯭﯮﯯﯰﯱﯲﯳ ﯴ ​

آپ ہر گز اپنی نظریں اس چیز کی طرف نہ دوڑائیں، جس سے ہم نے ان میں سے کئی قسم کے لوگوں کو بہره مند کر رکھا ہے، نہ ان پر آپ افسوس کریں اور مومنوں کے لیے اپنے بازو جھکائے رہیں

آية رقم 89

ﯵﯶﯷﯸﯹ ﯺ ​

اور کہہ دیجئے کہ میں تو کھلم کھلا ڈرانے واﻻ ہوں

آية رقم 90

ﯻﯼﯽﯾ ﯿ ​

جیسے کہ ہم نے ان تقسیم کرنے والوں پر اتارا

آية رقم 91

ﭑﭒﭓﭔ ﭕ ​

جنہوں نے اس کتاب الٰہی کے ٹکڑے ٹکڑے کر دیئے

آية رقم 92

ﭖﭗﭘ ﭙ ​

قسم ہے تیرے پالنے والے کی! ہم ان سب سے ضرور باز پرس کریں گے

آية رقم 93

ﭚﭛﭜ ﭝ ​

ہر اس چیز کی جو وه کرتے تھے

آية رقم 94

ﭞﭟﭠﭡﭢﭣ ﭤ ​

پس آپ اس حکم کو جو آپ کو کیا جارہا ہے کھول کر سنا دیجئے! اور مشرکوں سے منھ پھیر لیجئے

آية رقم 95

ﭥﭦﭧ ﭨ ​

آپ سے جو لوگ مسخراپن کرتے ہیں ان کی سزا کے لیے ہم کافی ہیں

آية رقم 96

ﭩﭪﭫﭬﭭﭮﭯﭰﭱ ﭲ ​

جو اللہ کے ساتھ دوسرے معبود مقرر کرتے ہیں انہیں عنقریب معلوم ہو جائے گا

آية رقم 97

ﭳﭴﭵﭶﭷﭸﭹ ﭺ ​

ہمیں خوب علم ہے کہ ان کی باتوں سے آپ کا دل تنگ ہوتا ہے

آية رقم 98

ﭻﭼﭽﭾﭿﮀ ﮁ ​

آپ اپنے پروردگار کی تسبیح اور حمد بیان کرتے رہیں اور سجده کرنے والوں میں شامل ہو جائیں

آية رقم 99

ﮂﮃﮄﮅﮆ ﮇ ​

اور اپنے رب کی عبادت کرتے رہیں یہاں تک کہ آپ کو موت آجائے